حــــــديــــث الــصــمـــت!!

[بدر]

السلام عليكم ورحمه الله وبركاته... مساكم الله بالخير...

اعجبتني القصيده هذي واتمنى اللي يعرف من هو صاحبها يقولنا :)

-------------



أحب الصمت وجنونه ...

وصمت الصمت وسكونه..

وهذي فلسفة حبي...وذا قلبي

أخاف أشكي ... وأسبب جرح

أخاف أشكي... وأكدر فرح

أخاف أشرح ... ولا أوفي

ويضيع الحب ... ويضيع الشرح

حروفي قاصره جدا

وأنا قاصر بفن الطرح والإلقاء

أجر المبتداء وأنصب وأضم الياء

أنا خريج كلية أصول الحب

أعرف الجرح من نظره ... وأعرف الطب

ولكن علتي التعبير

أحس أني صغير بالتعبير .. والتفسير .. والتصوير .. والتصخير ..

والتكوير .. والتصغير

وأحس أن الحروف أقزام ..

أمام الشوق والإلهام

وأشوف أن الكلام يضيع ...

مثل ذره بكون وسيع

إذا ماشفت محبوبي .. بعد عمري

بعد بردي .. بعد شوفي

ترا في الصمت آلاف اللغات تعيش

وفي وسط اللغات حروف

تطير بلا جناح ..

تغرد والنظر يسمع ..

تقول لين الفجر يطلع

بلا تمثيل .. بلا تضليل

تترجم حالة الإحساس .. بلا إحساس

تغني أنت .. أعز الناس

وأغلى الناس .. وأحب الناس

حديث الصمت ...

يازينه حديث الصمت

بين عيوني وعيونك ..

وبين فتوني وفتونك

يخلي نبضك الولهان ...

يسافر في شراييني

ويخلي قلبك الشفقان ...

بلا صوت يناديني

حديث الصمت ... به تعلمت

أنا وشلون أعد مساحات العمر كله ...

وأسابق مستوى التفكير وأشله ...

وأفكفك لغزك المدفون وأحله

لجل حبك أنا نجم غدا ساطع ...

وفي حبك أبتمرد على الواقع

أبكتب ألف قاموس ... يضم أول حروف أسمك ..

وأبضع ألف ناقوس ... يدق آخر حروف أسمك

ترى علمي وكل العلم ..

قطره في بحر علمك

وترى عدلي وكل العدل ...

ثواني من زمن ظلمك

أنا ماأقول أحبك ...

قديمه قولة أحبك ..

عقيمه قولة أحبك ...

يتيمه قولة أحبك ..

سخيفه مالها معنى ولا مضمون ..

سخيفه .. مثل شمعه بشمس الكون

تعديت الهوى والحب

أنا في مرحلة حب ... تفوق الحب

تفوق الوصف والتوصيف ...... والتخريف

أنا حبي تعدى الحد ..

أنا جمره .. بعز الصيف

..... ماتت برد ...



تحياتي للجميع...

[ابو الذهب]

أخاف أشكي ... وأسبب جرح
لا تكفى ما ناقص جروح ترا ما عندى لا شاش ولا لزقات جروح حتى القطن
توه مخلصه ومافيه مستشفى قريب عندى واحسن حل لك رح لميد وخذلك
صمغ وكمد فيه جروحك الين الصباح :jnbg:




























لا من جد حلوه بس من هو صاحبها والله ما اعرف :yes:

[هاوي الهلال]

اهلين بدر :)


اعجبتني القصيده هذي واتمنى اللي يعرف من هو صاحبها يقولنا

يعني بالعربي ملطوشه ..!!! طيب ليه مستحي تقول :D :D



بس قصيده حلوووه

يعطيك العافيه بدر :yes:


اخــــــــــ خالد ــــوك
:jnbg:

[بدر]

تسلم يا ابو الذهب على المشاركه الرومنسيه:amle: :amle: وتحياتي:D

خالد:mad: :mad: خلاص انت ذيب بس وشوله تفظح فيني عند الباقين:amle:

بس منور الموضوع بردك يا الداج:nrey: :nrey:

تحياتي لجميع المشاركين معي بس:cool:

[TOTTI- 10]

مشكور يا بدر على نقل هذه القصيده . بس والله ما اعرف صاحبها :( :(

[بدر]

تسلم يا توتي على الرد بس تراني انا بعد ما اعرف من اللي كاتبها:(

سالت كثير وكتبتها في منتديات كثير اسال عن اللي كاتبها بس ما ادري من:(:(

بس ان شالله يكون فيه احد من الاعضاء يقولنا منهو مع اني ما اظن:D