مــنــتــخــب سـعـودي فــاشــل [الأرشيف]

مشاهدة النسخة كاملة : مــنــتــخــب سـعـودي فــاشــل

اللــواء

1/1/2004, 13:13

مسيكم بالخير جميعا

منتخب سعودي فاشل بكل المقاييس
منتخب غير قادر على الفوز على منتخبات خليجيه متواضعه المستوى فالسعوديه تعد الاولى عربيا وتصنيفها على العالم 26 على العالم وهذا مركز متقدم ولكن لو نرى منخب الكويت تجده خلفنا بعشرات المراكز الذي يعد الند القوي للمنتخب السعودي

والفرق بين المنتخب السعودي الحاضر والسابق الذي في السنه الماضيه جلب لنل كأس الخليج
بقياده الكابيت سامي الجابر فرق واضح وكبير جدا

فمنذ ان استلم فانرليم ((البقره الهولنديه الاخري بعد ادموس)) وانا لم اشجع المنتخب السعودي لانه إذا لعب في كاس اسيا القادمه ولعب مع منتخبات الصين واليابان وكوريا او ايران لن ينهزم 8/0 بل سنهزم 16/1 <---- هدف شرفي :D

وهذا مقترحات للمنتخب السعودي

المنتخب السعودي الحاضر بقيادة خميس العويران
مبروك زايد في حراسة المرمى (( يحل بدلا عنه محمد الدعيع ))
خط الدفاع ممتاز مع الاضهرة بإستثناء المنتشري
المحوربقياده خميس الداج ((والله ياشباب يغطي الهجمات المرتده من احسن ما يكون هذا سابقا حاليه يسحب رجلينه بالملعب وحرام الكبتنيه تروح له )) الواكد او خالد عزيز بدلا عنه
الغامدي لا بأس به
الشلهوب لا يحتاج اني اقول لكم ممتاز وقليله بحقه ممتاز
يسري الباشا عيني عليك بارده سريع يشوت يجيد الكرات العاليه
المشعل:lkj: اغبي لاعب بالنتخب السعودي صحيح انه يجيد التهديف والمراوغه لكن يخليها بحارتهم مهب بمباريات دوليه الباب قدامه ومنتخبه يبغى هدف يروح يدور على نفسه المفروض يطلع ويحل بدلا عنه الحسن اليامي
الودعاني ممتاز نوعا ما
كريري :slv: مايستحق ولا ربع مليون من تجيه كوره يطير امها بالسماء
ياسر القحطاني كيف الحال
دينيلسون:D :D ((عبدالعزيز الجنوبي )) لا تعليق
محمد شريفي(( ابو كبري)) قضو حراس السعوديه كلهم مالقو الا ذا
ناصر الحلوي بالرديف مع فريقه واحتياط مع المنتخب ((لا المدرب يعرف ينقي))
طارق المولد جايبينه فزعه :D لا صارت مضاربه ولا شئ

تشكله المنتخب الصحيحه من وجهت نظري

------------------------الدعيع------------------------
--الخيبري----نايف القاضي-----رضاء تكر-----الدوخي
-------------------------الواكد-----------------------
----محمد الشلهوب------------------نواف التمياط-----
----------------------سامي الجابر-------------------
----------الحسن اليامي---------يسري الباشا--------

امل ان يكون الموضوع حاز على رضاكم واستحسانكم
والموضوع مفتوح لاخذ ارائكم واقتراحاتكم
لان هذا المنتخب منتخبنا جميعا

:noo: :noo: :noo: :noo:

.

Girl of The Sooners

1/1/2004, 21:25

سلام all ..

اهلين شلهوبي 10 ..
انا ما ادري ليش انت قلت هالكلام بالعكس انا اشوف ان المنتخب السعودي لا باس به امام هالمنتخبات الخليجية لكن!! صحيح هالمنتخب لو لعب نفس هاللعب في بطولة اسيا ما اعتقد راح ننجح ونكسب بطولتها..

بالنسبه للحراسه فما اعتقد الخلل في مركز الحراسه مبروك زايد او الدعيع كلهم واحد ومبدعين .. !! صح الدعيع افضل لكن مبروك مقدم مجهود جيد ..

دفاع المنتخب جيد امام المنتخبات الخليجية لكن غيرها !! ما اعتقد..

الوسط يفقد صانع اللعب المنتخب مافيه احد يصنع كوره باتقان اغلب هجماتنا من الاجنحة والاظهره..

..الهجووم ضاااايع..
المشعل ?? ماسوا شئ لحد الان..
يسري 26 !! لاعب يتحرك ولاعب يملك نوع من مهارة لكن يحتاج لمساند (مهاجم) يفهمه !!

ياسر القحطاني كيف الحال
:confused: :confused:

.. ليه ليه ليه ..
بالعكس ياسر مهاجم رائع ويملك موهبة كرويه واذا حافظ على نفسه راح يكون له اسم كبير في كرة القدم..

عموما شلهوبي 10 اتفق معاك ان هذا المنتخب ينفع امام المنتخبات الخليجية والعربيه لكن الاسيويه بيواجه صعوبة.. ونتمنى ترميم المنتخب ببعض اللاعبين اللي نحتاجهم فيه..

..مشكور عالموضوع وبالتوفيق للمنتخب في بطولة الخليج..

:mad: Girl of The Sooners :mad:

Forza_Italia

2/1/2004, 02:47

يا عزيزي ..

الفرق الخليجية والعربية بشكل عام هبط مستواها بشكل حاد ..

اذا استثنينا المنتخب التونسي الشقيق ..

بطولة سياحية مع احترامي لجميع متابعينها ..

ولعب يجيب المرض والصداع ..

ومنتخبنا احسن منتخب بالبطولة ..

والمدرب ماعليه كلام ..

المشكلة الأبدية في لاعبين المنتخب ..

حتى محمد نور مصدق نفسه يالله يناول ..ولا االأخ

فان نيستلروي الدهناء ..والله الكورة بوادي وهو بوادي ..

اما المشعل ..يتفلسف على غير سنع ..

اما بطولة آسيا ..زين اذا تأهلنا للنصف النهائي ..

وش تبي من منتخب ماعنده اتحاد زي الناس وعلى راسهم وجه النحس

المخفة سلطان بن فهد ..

من يتذكر يوم تأهلنا لكاس العالم ؟!!!

يوم يقول اننا بنفوز بكاس العالم بعد عشر سنوات ..

يحسب الدعوة سبهلل ولا سباق خيول ..

احد يعرف وش سبب خسارة المنتخب من المانيا بهذا الشكل المذل ؟

غير المشاكل الداخلية طبعاً بين اللاعبين - والله ولا فريق خامس / ب -

المدرب ناصر الجوهر المسكين ..في كل مباريات المنتخب الودية

كان يلعب ب3/5/2 ..او 4/4/2 ..وكنا متفائلين بشكل غير طبيعي ..

مو معقول منتخب يخسر بهذي الطريقة اكيد في شي ..

طبعاً ..جا الأخ اسير الشوق ..وناظر في الخطة ..وقال للمدرب مايصلح هذا الكلام

العب بثلاث محاور ..وسوالي فيها فاهم ..

وواللاعبين اختبصت امورهم والدفاع وضعه مزري تقول بنات متوسطة

محد يعرف ينط ..اولهم تكر الجبار ..

اقسم بالله المباراة هذي جت بوقتها ..عشان كل واحد يعرف قدره ..

وهذا حدنا !!

ماشفنا الخير من يوم ما جا سلطان بن فهد 3/0 من ايران بالمجموعة

في تصفيات كأس آسيا 96 ..ولا ومستانس يقول جرس انذار

وبعدها توالت الهزائم والفضايح 8/2 6/0 والى آخره ..

السر في منتخب 94 ..انه منتخب ماراح يتكرر ..الله يرحمك يابو نواف ..

الزبدة ..هذا تقدير الكرة السعودية عندنا ..

التخطيط لفترات طويلة = 0

الجدية والإلتزام = صفرين

التدخل في مسؤوليات المدرب = 8000000

انتاج المواهب = نص .

تكريم وتقدير لاعبين الجيل الذهبي = سبعة اصفار

الإعتماد على ابناء الوطن في كل المجالات = ربع صفر ..

وهذا بغض النظر عن الحالة المادية ..

والدليل انه كل سنة الإعانات تقل والأندية يزداد وضعها صعوبة ..

كأنك تدلع ولد لمدة عشر سنوات وتعطيه خمسين ريال وتقول له رح اعتمد على نفسك ..

الله يعيــــن اتمنى انه المنتخب السعودي يخيب ظني ويطيح وجهي ويفشلني ..

بس ابي اشم ريحة 94 مرة ثانية ..ولو مرة ..

ابي لاعبين ..يذكروني بأبو يعقوب ..والغشيان ..وماجد عبدالله والنعيمة ..

مابي اكرر هذي العبارة كل مافتحنا نقاش عن حال الأخضر ..

( ..اييييه ..الله يذكر منتخب 94 بالخير..)

ابي انساها..لكن ..قد اسمعت لو ناديت حياً ..ولكن لا حياة لمن تنادي ..

واعذروني على الإطالة ..لكن من حر مافيني والله ..

تسبريت

2/1/2004, 10:22

8
8
8
8
تراي والله العظيم ما اعرفه:yuupy:

هد اعصابك اخوي ترا مالها داعي يتقفل المنتدى عشان فريق كوره

اللــواء

2/1/2004, 11:22

مشكورين اخواني على الردووور

Girl of The Sooners

اتفق معاك اخوووي لكن مبروك زايد مايخليك تطمئن زين الدعيع بس كلهم فيهم الخير والبركه

ياسر القحطاني صراحة ابدع امس وخلاني اغير نظرتي اليه

Forza_Italia

مشكور اخوي وكل كلامك صحيح مليوون بالميه

تسبريت

مسيك بالخير ومشكور على الرد

وبنتظار البقيه يناقشونا بالموضوع

:kello: :kello: :kello: :amle:

سهيل

2/1/2004, 13:07

اذا تبي التشكيله على كيفك

انصحك ترشح نفسك مدرب للمنتخب

والله منتخب فاشل ويفوز شي حلو

احسن من منتخب حلو وينهزم بالثمانيه

اخوي شلهوبي10

اتمنى انك تتفرج على ابداعات الاخضر في الكويت وانت ساكت

والوعد ستاد الملك فهد في استقبال ابطال خليجي 16

Forza_Italia

2/1/2004, 14:05

والله الطموح ..بطولة الخليج ..

اللــواء

2/1/2004, 21:16

ههههههههههههههههههههه

سهيل الظاهر ان Forza_Italia رد عليك

وهذا الي تبيه بطوله الخليج بس مافكرت ببطولة اسيا ولا تصفيان كأس العالم

عموما اذا انت حطيت القاعده هذي الي

((والله منتخب فاشل ويفوز شي حلو

احسن من منتخب حلو وينهزم بالثمانيه))

كان كل واحد شجع الخليج والانصار و سدوس

عموما اذا هذا تفكيرك
:N: :N: :N: :N:

.

Girl of The Sooners

3/1/2004, 00:52

<--------- اختك .. Girl
___
ارجع مرة ثانيه.. ولكن بزيادة بسيطه ..

الاخ Forza_Italia ماقصر وكتب من قلبه ولكن حنا نتمنى التعديل لهالمنتخب ..

للأسف ان هذا منتخبنا .. طبعا في بطولة كأس الخليج حتى الان المنتخب مؤدي اداء لا بأس به لكن احنا نتطلع لمنتخب افضل من كذا يعني معقولة 12 فريق في الدوري الممتاز و 10 في الدرجة الاولى ومثله في الثانيه يكون خلاصتهم هذول اللعيبه ??!! يعني للاسف اذا كانوا يتفقون على ان من يمثلنا الان هم افضل من في المملكة فمع احترامي لهم الواجب على منتخبنا الانسحاب من البطولات الخارجية افضل بكثير من التواجد فيها لانهم للأسف مايقدموا الكورة السعوديه المعهودة ..
عموماً اتمنى التوفيق للمنتخب السعودي في بطولاته الخارجيه ونتمنى من ادارة المنتخب زج بلاعبين افضل من مانراهم حالياً ..!! لكن !!???

شكرا شلهوبي 10 ..

:mad: Girl of The Sooners :mad:

زعيم الهــــلال

3/1/2004, 01:45

المنتخب سعودي مستواه ليس سيء

بس في عناصر مهمه تحس انو المنتخب يحتاج الى هذه العناصر امثال ((نواف التمياط _الخثران _احمد خليل _ سامي بس ياريت يرجع لمستواه بس هو لله يهديه اعتزل دوليا _محمد الدعيع ((رغم ان مبروك زايد جيد جدا ))_عبد الجمعان بس المهم يرجع لمستواه الراقي الجميل مثل خليجي 15 بدع ولله _الحسن اليامي الاعب المبدع _صالح بشير _صالح الصقري لاعب جيد في مركزه _طلال المشعل لو يرجع لمستواه مثل اول يسلام _عبيد الدوسري الهداف لكن بعد لمن راح الاهلي انخفض مستواه مره مره لمن كان في الوحده كان بصراحه الممتاز _عبد الشيحان الي ا ن شاء لله يبدع مع الهلال لكن المدرب الغبي مايخليه يشارك دائما على دقة الاحتياط :slv: _سعد الدوسري ؟؟؟؟؟ ))

هذول صدقني لو يلعبو كلهم في المنتخب صدقني كأس اسيا ......براحه فوق ايديهم

لكن بصراحه نجوم المنتخب في خليجي 16 الدفاع مو سيء ولله جيد
محمد الشلهوب
احمد الدوخي
محمد نور
ياسر القحطاني الي بدع امام البحرين وكانت اول مشاركه له
يسري الباشا الي يحول لكن مو محصل مسانده

عموما
ان شاء لله المنتخب يشد حيله ونأخذ الكأس بأذن لله

تحياتي ...:)

FaHooDe

3/1/2004, 10:32

هلا والله بالشباب :

موضوع نقاشي جاي بمحله بها الوقت وخاصه انه كان يدور ببالي خلال الايام الماضيه نظرا لحاله المنتخب السعودي ها الايام :)

بالبدايه كثير ماصرحوا ان هذا المنتخب منتخب 2006 وانهم يحاولون يطلعون فريق ذهبي من وراه بس ماضنيته من اشباه الاعبين :)
الجنوبي + الحلوي + ابو شقير + شريفي وطقتهم :eek: :eek: :eek:

يعني هذولا افضل لاعبين بمراكزهم عندنا

بس في نقطه لاحظت كثير من الشباب مدققين عليها وهي نقطه الحراسه ولازم ان الدعيع يرجع :)

شباب الدعيع الحين صك ال34 وغير كذا طاح مستواه عن اول وبيني وبينكم ما اتمنى انه يرجع المنتخب واتمنى ان مركز الحراسه يستمر فيه زايد وبرضوا في كم من حارس كويس بالدوري بس اني ناسي اساميهم :)

وبالنسبه للخطه :) في مباراه البحرين الاخيره ماكانت للمنتخب خطه واضحه غير انها 4-4-2 فقط والباقي كله يا شوت الكوره باقوى ماعندك قدام ولا طق الكوره والحقها :D :D مافي تخطيط ومافي جمل تكتيكيه الا من بعض الاعبين مثل نور + القحطاني :) والباقين ربي يستر عليهم مدري وش سالفتهم :)

وبيني بينكم المنتخب هذا لو يستمر ماراح يجيب بطاقه التاهل لكاس العالم 2006 ولا راح يجيب كاس اسيا الجايه او حتى يصير من اصحاب المراكز الاربعه الاولى

اتمنى من اداره المنتخب انهم ينتبهون لها الشي ويحاولون يصححون الاغلاط هذي واذا بغوا لاعبين صغار الله يخلي منتخب الشباب الي لعب بكاس العالم فيه لاعبين مره ابداع ولا اذكر اسامي حاليا بس ما شاء الله عليهم مبدعين ايه ذكرت واحد ( مجرشي ) ما شاء الله عليه لاعب متميز وله مستقبل باذن الله

على العموم طولت عليكم

تحياتي لكم

اللــواء

3/1/2004, 14:42

مشكوورين جميعا على الردوود وياليت يجي الاخ سهيل يقرأ الموضوع من جديد ويفهمه صح

(( هو شكله قرأ العنوان ورد))

شكرا......:noo:

السامي

5/1/2004, 03:55

الاخ شلهوبي :)

اعتقد الشباب اشبعوا جنبات موضوعك بالنقاش ولفت نظري بوصفك لخميس بالداج واسمحلي ان اغلب الهلاليين بعد المستوى الذي يقدمه مع المنتخب الان خميس يتمنون عودته
خميس الان هو افضل لاعب في المنتخب ليست شهادتي وانما لايمكن ان تحجب الشمس بغربال :rolleyes:

بالنسبة للجنوبي بصراحة انا اراه لعب بشكل جيد جدا وخاصة في مباراة الكويت الاخيرة ولنستبعد كونه لاعب نصراوي لكن لايمكن مقارنته بالخيبري لان الاخير مركزه محور والمدرب اشركه في الظهير الايسر ابدع هجوميا لكنه في الجانب الدفاعي سيء

اما المنتشري فمن وجهة نظري انه من افضل المدافعين

اما يسري الباشا فقد اثبت انه لاعب نادي ليس لديه اي جديد فقد تفوق عليه بمراحل ياسر القحطاني واعتقد صالح بشير بديل مناسب ليسري الباشا

وجهات نظر تختلف وان شالله ماتفسد للود قضية :)

الرهـــيـــب

6/1/2004, 13:31

متحيز ولا تعليق على موضوعك

وباذن الله المنتخب بيجيب الكاس ;)

شقراوي

7/1/2004, 07:03

خميس العويران ..افضل لاعب في البطوله شلته كذا مره وحده..!!
اخوي والله انا اشوف ان مستوى هالمنتخب ممتاز مع احترامي لوجهة نظرك :)

اخوك شقراوي:noo:

زعيم الهــــلال

8/1/2004, 02:44

8
8
8
8
8
8
كيف تقدر تابع كأس خليجي 16 :jhgy:
اظنه على قناة انا ana
:angel:

عبدالإله

12/1/2004, 12:22

أخوي شلهوبي 10

صراحة أستغرب كلامك عن المنتخب ووصفك له بالفاشل صحيح أن هناك عقم هجومي في الفريق لكن بإذن الله سينضم مع القحطاني المهاجم المناسب ...وستبدي لك الأيـــــام ;)

متألقون دائمــــــــــــاً:yes:

ابو عبد الله

13/1/2004, 09:33

اعتقد ان تشكيلة المنتخب مثالية الا من اربع او خمس عناصر ..

لكن المشكلة هي بالمدرب الحقيقة انا لا اعلم كيف يدير المنتخب واعتقد انه سيظهر على حقيقته في بطولة اسيا القادمة....