مدرعـم
21/10/2002, 05:52
<p align=CENTER>حياالله المحششين والمحششات الاحياء والاموات ..
اليوم ياالشيون يالمهبل في هالموضوع راح اتطرق الى حياة من واقع مجتمعنا ؟؟
عاد ماودي اخوض بالتفاصيل اكثر وان شاءلله نسلك مع بعض سلكت(ن) ليست بصاحية (( ابوك يالفصحى ))..
عـاد يلا اطمروا هـالسطر وانتبهوا على ركبكم البيضه ..
__________________________________________________
مشوش شاب في مقتبل العمر يحمل من الجمال الشي القليل ومن الدلاخه الشي الكثير .. شاب من عايله ميسورة الحال تسكن في منزل صغير ومتواضع بوسط الحاره .. اكمل دراسته الداجه بشق الانفس بعد ما كانوا اهله فاقدين الامل منه وحالي(ن) يعمل موظف بسيط في احد الدوائر الحكوميه وعايش حياته في روتين مستمر من البيت للعمل ..
ولكن فى احد الايام صحى مشوش من نومه مفجوع وتأخر على الدوام على غير العاده .. فقام من فراشه وراح غسل وجهه ولبس ثيابه في عجاله وهو ينهد ويقول في نفسه ااخخ لو اني متزوج تسان هالحين في وحده تصحيني من النوم عشان ما تأخر والقى قهوه وفطور على احسن مايرام وثياب مكويه وجاهزه .. والظهر لاجيت القى الغدا شي ما صار ولا استوى والتشكيلات من المحشي وكله عمايل ايديها يبين من الريحه والطبخ .. وبعد العصـر تصحى من القيلوله تلقى حلى ببسي والا حلى جالكسي ولا كنافه كذابه (( حتى الكنافه ما يسونها اصلي افا !! ))..
فطقت براسه اللي تسنه كوره ام ريال منسمه انه يكمل نص دينه ويتزوج .. حتى انه يوم خبر امه بالموضوع ماصدقت وقالت له والله وكبرت يا ظنايه (( متابعه للافلام المصريه )).. وعلى طول شالت عفستها وسحبت ابوه وخطبو له بنت من عايله محترمه واسمها (( سبينه :qw: )).. واتفقو مع اهلها انه في يوم يروح ولدهم مشوش لبيتهم عشان يشوفها ويتعرف عليها وعشان بعد هي تشوفه قبل لا تنصدم فيه في ليلة الدخله وتقعد تلطم وجهها وتنتف شعرها وتصفق نفسها وتصيح يا سنه سوحه .. ايييه الئرد ده .. ايييه اللي ئاعد قمبي ده .. اييه اللي شبه اللمبي ده .. اييه الحظ المنيل ده (( وراها قلبت حكيم الحين ))..
المهم مشوش بعد الاخبار اللي تلقاها من امه صابته السبهه وقعد يفكر ويا نفسه .. وشلون بيروح هناك .. وش راح يلبس .. وش راح يقول .. وكيف بيكون موقفه لشاف خطيبته سبينه !!.. يفكر وهو فاق خشته قدام التلفزيون وماسك الريموت ويقلب بين ذي القنوات هاللبنانيه ويقول الله العالم انها زي ذي .. والا ذي .. لا ذي اطول شوي ياربى كيف شعرها اكيد انها احلى من ذى وهو يمرر يده على صدره (( اغراء )).. اللي نابتين فيه شعرتين بس حتى انه كل يوم يسقيهن مويه وكاد انهم يطولن ..
تسان يوم وصل حده قام وراح بسرعه لغرفته طل فيها ولقى اخوه الصغير شريكه بالغرفه نايم :N: .. فجاله بكل حب وحنيه وقاله بكل معاني الاخوه .. قم بس قم اطلع برا الغرفة لا اتوطى بطنك يا .. يا قبوط (( عيارته قبوط )).. وما قام اخوه قبوط المسكين الا وهو متخرع والغمص مالي عيونه (( الغمص وراثه في العايله عندهم الله يكافيكم الشر )).. عقبها مشوش قفل الباب على نفسه وتسند عليه وتنهد .. وراح طاير جهة السرير .. هز رجله وتمدد ومن كبر السرير يا حسره ماامداه يلف مناك شوي الا وهو مصلفط على الارض ..
بس مع هذا ما تعور ولا صار له شـي لانه كان غايب عن الوعي وهايم في دنيا الاحلام والاوهام والحب كان ما يشوف بعيونه وما يتخيل الا وجه سبينه وبس (( يا شين القراوه بسرعة يحبون )).. شوي ويقوم يعافس بالغرفة يدور ورده (( زهره )) ومالقى .. تسان يجمع كل صراويله المنثره على السرير ويبدا يجدع فيهم واحد ورا الثاني ومع كل جدعة صروال يقول تحبني سبينه ومع الصروال الثاني لا ماتحبني .. الين ماوصل الى آخر صروال وكان ماتحبه .. بس ذبها مع كلمة تحبني سبينه وتموت في دباديبي .. وحس بدوخه بعدها ونفسه راحت على عصيـر موز مخلوط مع جرجير وخبز يابس معفن منثور عليه زعفران .. وحس انه وده يرجع (( حشى اعـراض حمل ذي ))..
وفي اليوم المحدد للمقابلة ضبط مشوش نفسه وراح لبيت الخطيبه عشان يشوف الغاليه سبينه تسان اول ماوصل ودق الجرس طلع له بزر صغير تبدو علامة البراءه على خشته ناظر فيه وقاله وش تبي يابوالبراطم .. تسان يضيع وجهه مشوش وقاله عيب ياصغير اختك سبينه هنا .. قاله الولد وش تبي باختي .. قال مشوش رح بلغها ان العريس وصل (( يلعن ام الثقه )).. ومابلغه بالخبر اللي نزل عالصغير مثل الصاعقه حتى دخل يركض وهو يبكي ويصيح ويقول لا لا مابي مابي والله ماياخذ بوالبراطم اختي يعععععع .. اما مشوش فكان قريب من الباب وسمع كل اللي صار وقال بخاطره فضحنا لابارك الله فيه وقرر انه ينسحب ويجيهم بيوم ثاني عشان ما يعرفون منو ابوالبراطم ويزعم انه ما جاهم من الاصل بس ما امداه يلتفت الا ومسكه ابو سبينه وهو يقوله مين انت ؟؟ ومن تبي ؟؟
فقلب وجه مشوش احمر من الحيا بعد ما كان لونه اخضر وقال انا مشوش العريس .. فابتسم له ابو العروس وقعد يرحب فيه يقوله تفضل حياك البيت بيتك تونا ما زارتنا البركه .. ودخل مشوش البيت وما مداه يجلس الا والصغير ذاك طالع له مره ثانيه وصاح عليه بصوت عالي يسمعه القاصي والداني (( اما انا رهيب بالوصف ولا وش رايكم )).. وقال تحلم انك تاخذ اختي يابوالبراطم .. فانحرج مشوش والتفت على الاب وقال تبا بل سحقا لتربية هذا الغلام (( تسنه شطح شوي بس لاتلومونه الموقف اللي مر فيه واجد صعب )).. فرد عليه الاب والضحكه مرسومة على فمه وقاله وسع صدرك تراه بزر والتفت على الصغير وقاله بس بابا روح داخل العب ويعطونك حلاو .. ورجع التفت على مشوش ويرحب فيه ياهلا والله هذي الساعه المباركه وش تحب تشرب ما ضيفناك البيت بيتك حنا اهل لا تستحي .. قال مشوش ابي شطه (( قافله معاه )).. قال الاب وشو ؟؟؟ قال مشوش عصير مانجا ..
ويقوم الاب يكلم اللي داخل عشان يجيبون العصير واللازي منو ورجع جلس مع مشوش ويقرقر عليه ويسأله عن دراساته ومؤهلاته .. الين مادخلت عليهم وحده مزيونه شايله في يدها صينيه .. واللي مشوش اول ما شافها نفض ثوبه وفز من طوله وهو يمطر سعابيل وعرق .. ووقف يناظر ويتأمل في جمالها الين مالمح ذاك الصغير من بعيد يأشرله ويطلع له لسانه واحيان ينطط ويلعب في براطمه (( يعايره على براطمه )).. فما كان من مشوش الا انه شال تكايه من الموجودات وحذفها عليه بس ما صابته .. ورجع التفت على خطيبته سبينه وهو راسم ابتسامه صفرا على براطمه (( يعننه بريء ماسوى شي )).. وشال عنها الصينيه وقال من يد ما نعدمها واخذ كوب العصير وشربه كله من جغمه وحده ولحس ابوالكاس وقال خلص (( يعني وش تبيها تسوي لك .. تجيب لك واحد ثاني ))..
وجت سبينه وقعدت جمبه مستحيه وساكته زي اي بنت في اول يوم خطبتها .. اما مشوش فمدنق راسه وقاعد يلعب بالارض برجله ويرسم دواير والسعابيل شايفه شغلها ولاعبه بخشته وهو مغير يمسحها مره بيده ومره بكم ثوبه ومره بالشماغ تسان يوم حس ان خطيبته سبينه انتبهت له وبدت تناظر فيه .. التفت عليها وقام يأشر لها بصبعه على خشمه يعني يبي يقول لها في نغافه بخشميتس ويصرف الموضوع .. وماقعدو شوي الا ودخلت عليهم ام العروس عشان تسلم عالعريس (( خلاص بيصير زوج بنتها )) .. وكان جاي معها الصغير اللي مجنن مشوش ومطلع في راسه قرون واللي اول مادخل صار يضحك بصوت عالي وهو يأشر على مشوش ويقول ماما شوفي يهز رجله مثل البزران .. وينسدح من الضحك وامه تحاول تسكته ولكن ما فلحت مما دعاها بأن تضحك معه ورجعت دخلت داخل ..
ومشوووش ضاع وجهه زود ومعصب ويتمنى لو انه يصيد هالبزر عشان ويعضه على خده عضه مايصير ينساه ابد ولاينسى براطمه ويصير يتذكرها طوال حياته وما قطع حبل تخطيطه الاجرامي الا صوت ابوسبينه وهو يقول له هااه وش اتفقتو عليه ؟؟ رد عليه مشوش وقال على ايش ؟؟ قال بوسبينه عالمهر والطلبات .. قال مشوش اللي تآمرون به انا جاهز (( اصلاً هو موب حوله قاعد يفكر اشلون يمسك البزر )).. قال بوسبينه خير ان شاءلله اجل نبي شبكه ام 10 الآف والعرس نبيه في فندق الهيلتون والمهر مو اقل من 100 الف .. ومامداه يكمل كلامه والا مشوش ناشب له بحلقه بعد ماانصفق بالرقم على وجهه فبلع ريقه وقام يتعتع بالكلام وقال وش وش وش دعوه 100 الف .. بشتري سياره ولا بتعطوني اياها بنظام التأجير ..
قاله بوسبينه وش نظامه الله يحوم تسبدك هذي شروطنا !!.. تسان يسرح مشوش بافكاره ويا نفسه وهو يقول اذا هذي اولها عز الله ينعاف تاليها بو بعيد بكره تجيني وتقولي انت ماشاءلله راتبك يعيش خمس عوايل ليش ما تجيب لي سواق يوديني السوق ويودي عيالك وتصير انت زوج رهيب .. وانا وقتها اكون مخطط اقشع الخدامه من البيت من قلة السيوله وهي تبي سواق :yuupy: .. وكلمه مني على كلمه منها تروح تذلف لاهلها زعلانه وتعال راضي وحط بيدها خمسطعش الف رضاوه وكل هذا عشان تبي واحد غيري يوديها للسوق وتركب معه بالسياره !!.. ويطلع ابليس قدامه ويقوله ياخي البنت ماتبيك تركب معها بالسياره تبي تروح مع واحد غيرك .. يااخي بالعربي انت لاصق لها خلك رجل متحضر وعطها حريتها تروح مع السواق للسوق ويمرون على جوفريز يأخذون كوفي على حسابك .. ويرد عليه مشوش يعني مااكون زوج متحضر الا اذا جبت لها رجال تتمشى هي وياه بالشوارع .. ياعيني انا صرت مصخره (( توه يدري ))..
واكتشف عقبها وللمره الاولى في حياته ان العرس مال امه داعي وتزاعل مع نفسه لانها سولت له الرغبه بالزواج ووبخها على هذا التفكير .. الين ماقاطعته سبينه وهي تقول وين رحت تسنها الشروط مهيب عاجبتك ؟؟ رد عليها مشوش وقال وانا اقدر بس حتى انا عندي شروط برضه !! سحبت سبينه شهقه وقالت الله واكبر يا طوم كروز والله حتى الشيون صارو يتشرطووون مو كفايه اني انا قابله فيك ماعندكم مرايه بالبيت تشوف فيها شكلك !!! ففقد مشوش اعصابة وقال اهاا بس الله يخليتس ياظلال ديانا الزغبي (( متخربط بين الفنانات )) شروطي ياتنفذونها يامهناش زواج (( يبي يصرف نفسه )).. قالت سبينه وش شروطك ؟؟ قال مشوش شروطي كالتالي ::
1- تشترون لي سياره من احسن ما يكون لاني مضطر ابيع سيارتي عشان ادفع لكم مهر ..
2- ما هناش سفر يعني شهر العسل راح نقضيه تحت رحمة حر وشمسنا الجميلة ..
3- اول سنتين لا تتطرين مني فلوس لانهم راح يضيعون بين البنوك والديانه واقساط غرفة النوم ..
4- انسي امر السكن لاني راح اسكن معاكم وبالمره ابي غرفتي تكون جمب غرفة اخوتس الغالي لاني احبه قلب (( ايه هين بس ))..
ومنها تفركشت الزواجه لعدم قبول الشروط من كلا الطرفين !!!
@@@ شـــفـــطـــه @@@
نسبة العنوسه كل يوم تزيد والسبب هذي الشروط التعجيزيه على الشباب المغلوب على امره ...
دمـتـم ظـهـر(ن) ..
</p>
اليوم ياالشيون يالمهبل في هالموضوع راح اتطرق الى حياة من واقع مجتمعنا ؟؟
عاد ماودي اخوض بالتفاصيل اكثر وان شاءلله نسلك مع بعض سلكت(ن) ليست بصاحية (( ابوك يالفصحى ))..
عـاد يلا اطمروا هـالسطر وانتبهوا على ركبكم البيضه ..
__________________________________________________
مشوش شاب في مقتبل العمر يحمل من الجمال الشي القليل ومن الدلاخه الشي الكثير .. شاب من عايله ميسورة الحال تسكن في منزل صغير ومتواضع بوسط الحاره .. اكمل دراسته الداجه بشق الانفس بعد ما كانوا اهله فاقدين الامل منه وحالي(ن) يعمل موظف بسيط في احد الدوائر الحكوميه وعايش حياته في روتين مستمر من البيت للعمل ..
ولكن فى احد الايام صحى مشوش من نومه مفجوع وتأخر على الدوام على غير العاده .. فقام من فراشه وراح غسل وجهه ولبس ثيابه في عجاله وهو ينهد ويقول في نفسه ااخخ لو اني متزوج تسان هالحين في وحده تصحيني من النوم عشان ما تأخر والقى قهوه وفطور على احسن مايرام وثياب مكويه وجاهزه .. والظهر لاجيت القى الغدا شي ما صار ولا استوى والتشكيلات من المحشي وكله عمايل ايديها يبين من الريحه والطبخ .. وبعد العصـر تصحى من القيلوله تلقى حلى ببسي والا حلى جالكسي ولا كنافه كذابه (( حتى الكنافه ما يسونها اصلي افا !! ))..
فطقت براسه اللي تسنه كوره ام ريال منسمه انه يكمل نص دينه ويتزوج .. حتى انه يوم خبر امه بالموضوع ماصدقت وقالت له والله وكبرت يا ظنايه (( متابعه للافلام المصريه )).. وعلى طول شالت عفستها وسحبت ابوه وخطبو له بنت من عايله محترمه واسمها (( سبينه :qw: )).. واتفقو مع اهلها انه في يوم يروح ولدهم مشوش لبيتهم عشان يشوفها ويتعرف عليها وعشان بعد هي تشوفه قبل لا تنصدم فيه في ليلة الدخله وتقعد تلطم وجهها وتنتف شعرها وتصفق نفسها وتصيح يا سنه سوحه .. ايييه الئرد ده .. ايييه اللي ئاعد قمبي ده .. اييه اللي شبه اللمبي ده .. اييه الحظ المنيل ده (( وراها قلبت حكيم الحين ))..
المهم مشوش بعد الاخبار اللي تلقاها من امه صابته السبهه وقعد يفكر ويا نفسه .. وشلون بيروح هناك .. وش راح يلبس .. وش راح يقول .. وكيف بيكون موقفه لشاف خطيبته سبينه !!.. يفكر وهو فاق خشته قدام التلفزيون وماسك الريموت ويقلب بين ذي القنوات هاللبنانيه ويقول الله العالم انها زي ذي .. والا ذي .. لا ذي اطول شوي ياربى كيف شعرها اكيد انها احلى من ذى وهو يمرر يده على صدره (( اغراء )).. اللي نابتين فيه شعرتين بس حتى انه كل يوم يسقيهن مويه وكاد انهم يطولن ..
تسان يوم وصل حده قام وراح بسرعه لغرفته طل فيها ولقى اخوه الصغير شريكه بالغرفه نايم :N: .. فجاله بكل حب وحنيه وقاله بكل معاني الاخوه .. قم بس قم اطلع برا الغرفة لا اتوطى بطنك يا .. يا قبوط (( عيارته قبوط )).. وما قام اخوه قبوط المسكين الا وهو متخرع والغمص مالي عيونه (( الغمص وراثه في العايله عندهم الله يكافيكم الشر )).. عقبها مشوش قفل الباب على نفسه وتسند عليه وتنهد .. وراح طاير جهة السرير .. هز رجله وتمدد ومن كبر السرير يا حسره ماامداه يلف مناك شوي الا وهو مصلفط على الارض ..
بس مع هذا ما تعور ولا صار له شـي لانه كان غايب عن الوعي وهايم في دنيا الاحلام والاوهام والحب كان ما يشوف بعيونه وما يتخيل الا وجه سبينه وبس (( يا شين القراوه بسرعة يحبون )).. شوي ويقوم يعافس بالغرفة يدور ورده (( زهره )) ومالقى .. تسان يجمع كل صراويله المنثره على السرير ويبدا يجدع فيهم واحد ورا الثاني ومع كل جدعة صروال يقول تحبني سبينه ومع الصروال الثاني لا ماتحبني .. الين ماوصل الى آخر صروال وكان ماتحبه .. بس ذبها مع كلمة تحبني سبينه وتموت في دباديبي .. وحس بدوخه بعدها ونفسه راحت على عصيـر موز مخلوط مع جرجير وخبز يابس معفن منثور عليه زعفران .. وحس انه وده يرجع (( حشى اعـراض حمل ذي ))..
وفي اليوم المحدد للمقابلة ضبط مشوش نفسه وراح لبيت الخطيبه عشان يشوف الغاليه سبينه تسان اول ماوصل ودق الجرس طلع له بزر صغير تبدو علامة البراءه على خشته ناظر فيه وقاله وش تبي يابوالبراطم .. تسان يضيع وجهه مشوش وقاله عيب ياصغير اختك سبينه هنا .. قاله الولد وش تبي باختي .. قال مشوش رح بلغها ان العريس وصل (( يلعن ام الثقه )).. ومابلغه بالخبر اللي نزل عالصغير مثل الصاعقه حتى دخل يركض وهو يبكي ويصيح ويقول لا لا مابي مابي والله ماياخذ بوالبراطم اختي يعععععع .. اما مشوش فكان قريب من الباب وسمع كل اللي صار وقال بخاطره فضحنا لابارك الله فيه وقرر انه ينسحب ويجيهم بيوم ثاني عشان ما يعرفون منو ابوالبراطم ويزعم انه ما جاهم من الاصل بس ما امداه يلتفت الا ومسكه ابو سبينه وهو يقوله مين انت ؟؟ ومن تبي ؟؟
فقلب وجه مشوش احمر من الحيا بعد ما كان لونه اخضر وقال انا مشوش العريس .. فابتسم له ابو العروس وقعد يرحب فيه يقوله تفضل حياك البيت بيتك تونا ما زارتنا البركه .. ودخل مشوش البيت وما مداه يجلس الا والصغير ذاك طالع له مره ثانيه وصاح عليه بصوت عالي يسمعه القاصي والداني (( اما انا رهيب بالوصف ولا وش رايكم )).. وقال تحلم انك تاخذ اختي يابوالبراطم .. فانحرج مشوش والتفت على الاب وقال تبا بل سحقا لتربية هذا الغلام (( تسنه شطح شوي بس لاتلومونه الموقف اللي مر فيه واجد صعب )).. فرد عليه الاب والضحكه مرسومة على فمه وقاله وسع صدرك تراه بزر والتفت على الصغير وقاله بس بابا روح داخل العب ويعطونك حلاو .. ورجع التفت على مشوش ويرحب فيه ياهلا والله هذي الساعه المباركه وش تحب تشرب ما ضيفناك البيت بيتك حنا اهل لا تستحي .. قال مشوش ابي شطه (( قافله معاه )).. قال الاب وشو ؟؟؟ قال مشوش عصير مانجا ..
ويقوم الاب يكلم اللي داخل عشان يجيبون العصير واللازي منو ورجع جلس مع مشوش ويقرقر عليه ويسأله عن دراساته ومؤهلاته .. الين مادخلت عليهم وحده مزيونه شايله في يدها صينيه .. واللي مشوش اول ما شافها نفض ثوبه وفز من طوله وهو يمطر سعابيل وعرق .. ووقف يناظر ويتأمل في جمالها الين مالمح ذاك الصغير من بعيد يأشرله ويطلع له لسانه واحيان ينطط ويلعب في براطمه (( يعايره على براطمه )).. فما كان من مشوش الا انه شال تكايه من الموجودات وحذفها عليه بس ما صابته .. ورجع التفت على خطيبته سبينه وهو راسم ابتسامه صفرا على براطمه (( يعننه بريء ماسوى شي )).. وشال عنها الصينيه وقال من يد ما نعدمها واخذ كوب العصير وشربه كله من جغمه وحده ولحس ابوالكاس وقال خلص (( يعني وش تبيها تسوي لك .. تجيب لك واحد ثاني ))..
وجت سبينه وقعدت جمبه مستحيه وساكته زي اي بنت في اول يوم خطبتها .. اما مشوش فمدنق راسه وقاعد يلعب بالارض برجله ويرسم دواير والسعابيل شايفه شغلها ولاعبه بخشته وهو مغير يمسحها مره بيده ومره بكم ثوبه ومره بالشماغ تسان يوم حس ان خطيبته سبينه انتبهت له وبدت تناظر فيه .. التفت عليها وقام يأشر لها بصبعه على خشمه يعني يبي يقول لها في نغافه بخشميتس ويصرف الموضوع .. وماقعدو شوي الا ودخلت عليهم ام العروس عشان تسلم عالعريس (( خلاص بيصير زوج بنتها )) .. وكان جاي معها الصغير اللي مجنن مشوش ومطلع في راسه قرون واللي اول مادخل صار يضحك بصوت عالي وهو يأشر على مشوش ويقول ماما شوفي يهز رجله مثل البزران .. وينسدح من الضحك وامه تحاول تسكته ولكن ما فلحت مما دعاها بأن تضحك معه ورجعت دخلت داخل ..
ومشوووش ضاع وجهه زود ومعصب ويتمنى لو انه يصيد هالبزر عشان ويعضه على خده عضه مايصير ينساه ابد ولاينسى براطمه ويصير يتذكرها طوال حياته وما قطع حبل تخطيطه الاجرامي الا صوت ابوسبينه وهو يقول له هااه وش اتفقتو عليه ؟؟ رد عليه مشوش وقال على ايش ؟؟ قال بوسبينه عالمهر والطلبات .. قال مشوش اللي تآمرون به انا جاهز (( اصلاً هو موب حوله قاعد يفكر اشلون يمسك البزر )).. قال بوسبينه خير ان شاءلله اجل نبي شبكه ام 10 الآف والعرس نبيه في فندق الهيلتون والمهر مو اقل من 100 الف .. ومامداه يكمل كلامه والا مشوش ناشب له بحلقه بعد ماانصفق بالرقم على وجهه فبلع ريقه وقام يتعتع بالكلام وقال وش وش وش دعوه 100 الف .. بشتري سياره ولا بتعطوني اياها بنظام التأجير ..
قاله بوسبينه وش نظامه الله يحوم تسبدك هذي شروطنا !!.. تسان يسرح مشوش بافكاره ويا نفسه وهو يقول اذا هذي اولها عز الله ينعاف تاليها بو بعيد بكره تجيني وتقولي انت ماشاءلله راتبك يعيش خمس عوايل ليش ما تجيب لي سواق يوديني السوق ويودي عيالك وتصير انت زوج رهيب .. وانا وقتها اكون مخطط اقشع الخدامه من البيت من قلة السيوله وهي تبي سواق :yuupy: .. وكلمه مني على كلمه منها تروح تذلف لاهلها زعلانه وتعال راضي وحط بيدها خمسطعش الف رضاوه وكل هذا عشان تبي واحد غيري يوديها للسوق وتركب معه بالسياره !!.. ويطلع ابليس قدامه ويقوله ياخي البنت ماتبيك تركب معها بالسياره تبي تروح مع واحد غيرك .. يااخي بالعربي انت لاصق لها خلك رجل متحضر وعطها حريتها تروح مع السواق للسوق ويمرون على جوفريز يأخذون كوفي على حسابك .. ويرد عليه مشوش يعني مااكون زوج متحضر الا اذا جبت لها رجال تتمشى هي وياه بالشوارع .. ياعيني انا صرت مصخره (( توه يدري ))..
واكتشف عقبها وللمره الاولى في حياته ان العرس مال امه داعي وتزاعل مع نفسه لانها سولت له الرغبه بالزواج ووبخها على هذا التفكير .. الين ماقاطعته سبينه وهي تقول وين رحت تسنها الشروط مهيب عاجبتك ؟؟ رد عليها مشوش وقال وانا اقدر بس حتى انا عندي شروط برضه !! سحبت سبينه شهقه وقالت الله واكبر يا طوم كروز والله حتى الشيون صارو يتشرطووون مو كفايه اني انا قابله فيك ماعندكم مرايه بالبيت تشوف فيها شكلك !!! ففقد مشوش اعصابة وقال اهاا بس الله يخليتس ياظلال ديانا الزغبي (( متخربط بين الفنانات )) شروطي ياتنفذونها يامهناش زواج (( يبي يصرف نفسه )).. قالت سبينه وش شروطك ؟؟ قال مشوش شروطي كالتالي ::
1- تشترون لي سياره من احسن ما يكون لاني مضطر ابيع سيارتي عشان ادفع لكم مهر ..
2- ما هناش سفر يعني شهر العسل راح نقضيه تحت رحمة حر وشمسنا الجميلة ..
3- اول سنتين لا تتطرين مني فلوس لانهم راح يضيعون بين البنوك والديانه واقساط غرفة النوم ..
4- انسي امر السكن لاني راح اسكن معاكم وبالمره ابي غرفتي تكون جمب غرفة اخوتس الغالي لاني احبه قلب (( ايه هين بس ))..
ومنها تفركشت الزواجه لعدم قبول الشروط من كلا الطرفين !!!
@@@ شـــفـــطـــه @@@
نسبة العنوسه كل يوم تزيد والسبب هذي الشروط التعجيزيه على الشباب المغلوب على امره ...
دمـتـم ظـهـر(ن) ..
</p>