ياجماعة الخير موقف جعل عدوك ما يمر فيه ..

[عاشق العثرات]

سلااااااااااااااام شباب .. شابات ..


صبايا وصبيان :D ..

كيف حالكم .. اتمنى الجميع بخير .. .. نطب في صلب الموضوع



يا شباب .. يومني صغير .. كنا نررروح اانا واخوي اللي اكبر مني للحلاق العصريه وندقها كعابي من البيت ليييين الحلاق .. طبعا مانروح الا كل جمعه ولا نروح كل جمعه كل جمعه .. لالالا لين طالت شعورنا رحنا .. المهم ومالكم بالطويلة .. في احد الجمعات اللي رحتها انا واخوي للحلاق .. صارت لنا سالفه .. و ذا السالفه يا جماعة الخير عجزت انساها .. المهم رحت انا واخوي وحلقنا يوم خلصنا ونمر على البقاله .. ونجيك راجعين ندربي روسنا المهم اخوي ذاك اليوم مدري وش جاه وراح مع الطريق الثاني لبيتنا ..طبعا من عند الحلاق لبيتنا فيه طريقين انا جيت مع اللي نجي معه عادة لكنه ذاك اليوم راح مع الدرب الثاني .. ماعلينا .. الحاصل يوم وصلت بيت الجيران اللي جنب بيتنا .. ويجيني ولد الجيران ومعه سكينه يقول ابذبحك :sheto: ههههههههه -----((ترا هذي ضحكة خووووف:D )) يابن الحلال بدل غير .. ما عندك غير هالكلام يقول ابذبحك .. والله يا ناس هذا اللي حصلل .. ولين اخوه توه طالع من البيت ويجيه يمشي مليون ويلقطه مع اذنه هو ويا سكينته وانا طبعا قاعد :cry: ويجيك اخوي يدربي راسه ما يدري وش السالفه وش فيك وش فيك .. وانا قاعد:cry: ويوم سكت قلت له السالفه وقلت للوالد والوالده بعد .. ومن عقبها حرم يروح مع طريق ثاني والا ثالث .. وهذي السالفه الطريف في الامر يا شباب ان جارنا هذا حوووطي ..:D وكل ما ذكرت السالفه وذكرت انه حوطي اقول والله معهم حق ينكتون على الحواطى وترا السالفه هذي والله زادت حبي للحواطى .....





ولكم تحياتي العذبة .....

[بدر]

ونجيك راجعين ندربي روسنا

ههههههههههههههههههههههههههههههههههه

والله اني ضحكت صددددددددق على هذي

اجل تدربوون رووسكم.. تخيلتكم الصراحه توكم محلقين وتمشوون ههههههههههههههه

تسسسسسسسسسلم يا الذيب على المووضووع ...... بس قووووووويه:angel:

[السيناتور]

هلا والله بالذيب ...

اجل بدل غير ....:D الله يرجك بس ...

ولا نروح كل جمعه كل جمعه .. لالالا لين طالت شعورنا رحنا ..

وانتم شعوركم تطول مع بعض :confused:




وعلى فكره ما قلت لنا ليه يبغى يذبحك ( اخاف انك متبيثر عليه بس ) :hgfd:

[الذيب وبس]

ههههههههه

هلا والله هتان


الرجال بيحط الحرة فيك


واشوا ان اخوه جاء والا الحين :eek:


وترا السالفه هذي والله زادت حبي للحواطى .....


هههه غريبة ما حقدت عليهم

[عاشق العثرات]

السلام عليكم ..... ورحمة الله ..




الاخ بدر .... اعجبتك اجل ندربي رورسنا:D تسلم ياغالي .. وهذا الحاصل ..


الاخ السيناتور .. هههه ياغالي .. الظاهر انه توه صاقع له فيلم بس واثر .. عليه .. مثل اخو واحد من الربع .. توه شايف فبلم من افلام جاكي شان ويوم خلص الفيلم راح يطامر مثله ولا يرده حافة الدربزين وتنشعر ركبته ويقعد ذيك الصيفيه مجبس .. وتسلم ياغالي على ردك ..



الاخ الذيب وبس ... ههه والله الحواطى سالفتهم سالفه ونص الربع حواطى ترا .. وشلون احقد عليهم ..(( تراه خايق منهم )):D



وللجميع تحياتي العذبة .. واشكر كل من رد على الموضوع ...