ساعة في غرفة راعي نت...((... السلسلة الأولى ...))؟؟

[رسّــاوي]

تحياتي لجميع اعضاء شبكة الهلال ،،

الى الموضوع:

(( كان يا ماكان .....==========>>> نأسف لهذا الخلل الفني الظاهر دخلنا باستديو تلفزيون الاطفال "_"

صحيت من النوم مره من مرات المرارير فنظرت بنظره ثاقبه اشبه بها انها نظره حاذقه (( اذا فهمتوا شي تكفون علموني ))

المهم شفت الغرفه مكركبه ومحيوسه .....قلت يابني (( داخلين مدرسة )) .. على طاري المدرسة نبارك لحبايبنا الطلبة في العودة للدمدارس .. خصوصاً طلاب ثالث:fghty: .. (( والله من زين المناسبة يوم ابارك لكم ..))

نعود لسالفتنا .. (( يا كثر ما حصنا عنها .. )) المفردة الموجودة داخل القوس خاصة .. يعني اسبشل ..

نرجع للغرفة .. ونحصي ما بها .. (( ذكرتني هالكلمة بحقين التعداد ))

نبدا بالمكتب .. طبعاً الشاشه على المكتب وقدام الشاشه ثلاث كاسات .. لا تفهمون غلط .. واحد للماء وثاني للشاهي وثالث للببسي ..

وطبعاً بين الكاس الاول والثاني كيس الفصفص وبين الكاس الثاني والثالث حبيبات من العلك ..

ونلتفت حوالين الغرفه .. نشوف الارضيه منقع قشر فصفص -الله يكرمكم- ..

ننتقل الى السرير .. نلقى شرشف ومخده و فراش (( لا ياشيخ يعني وش بتلقى ))

فوق السرير .. جوال ملقى على ظهره((هاه وش تقول)) .. ريموت الرسيفر .. عدد لا بأس به من الشرطان ..

نفتح الدولاب ونشوف وش فيه .. ولا تدرون صكوا باب الدولاب بلاش فضايح ..

نشوف زاوية الغرفه .. غرقانه مجلات .. ماهو مجلات بس تلقى بعد كتب علميه (( ايه كثر لي من ذي ))

ننظر فوق التلفزيون نرى .. يا إلهي ماذا نرى .. ياربي وش اقول ..فوق التلفزيون .. مافيه شي ..

نفتح الستريو ونشوف وش الشريط اللي فيه .. شريط فتى العشه حق الهليل ..

نعود الى المكتب ونرفع الكيبورد نلقى كم بطاقة انترنت أمهات عشره ..

نرجع الى السرير ونفتش تحته .. نلقى عود متقطعه اوتاره .. بريعصي يخمس طالع من ورا القراطيس .. بوت كوره -الله يكرمكم- مع طقم شراريب .. مريتو ((نشا)) لتثبيت المرزام .. ثلاث عقل لزوم الكشخه .. طاقيه ملكي ووحده مشخله .. ملف علاقي مليان شهادات واوراق محطوط منذ مبطي اي من عام مدري كم .. كوب بلاستيك مدري وش جايبه .. بعد هالدوشه نطلع من السوبر ماركت .. ونتجه الى موقع آخر ..

ولا تدرون علشان ما يجيكم غثيان ما راح اكمل .. حرصاً على صحتكم ..

..
..
..
..

كانت هذي جوله في غرفة (( سامر ليل ))

و بحكم ان اغلب اللي يدخلون النت عندهم اجهزه ببيوتهم ..

فقلت خلني آخذ جوله على غرف راعين النت من الاحباب والاصحاب والانساب والاقراب ..

ولكن احتراماً للذوق العام ..ومنعاً لجرح مشاعر الاخوه الرقيقين .. وذوات الجنس الناعم ..

فانا هونت عن ذكر اللي لقيته في غرف الربع .. بصراحه طلعت غرفتي وش حليلها عند غرفهم ..

والى اللقاء في ماضوع قودم <<==(( الحروف جاها شلل البقر الرئوي سارس ))

تحياتي .. سامر ليل

[يوسف]

هلا بالداجين والداجات:magkiss:
هلا ساامر
<p align=CENTER>وش ذا البربسه بذا الغرفه:D الله يرجك..
طيب وش راايك ياساامر كل عضو يرد يجلس يقوول وش بها غرفته من بربسه;)
بالنسبه لغرفتي اول شي الطاوله اللي فيها الكمبيوتر بهاا خرابيط وااجد بهاا فااتوره جواال للحين ماتسددت:slv: وكرتون مناديل واله حاسبه<<تخبر تخصصه رياضيات:rolleyes: وبعد بهقلم لونه ازرق<<اهم شي لوونه ازرق:mad: وبه بعد سي دي العااب لولد اختي الصغير:asno: وتصدق عااد به جدول الترم اللي رااح مادري وش يبي للحين:req: وبه مقص اظافير وبه كروت اشتراكاات للنت مادري كم وااحد كلها قديمه:cry:
همن تحصل تحت الطااوله مرمي شااحن الجواال اللي الحين مرمي فووق السرير وابشرك توهاا واصلتن رساله خلني اقراها لك:nrey: الا اقوول ماتصلح هالرساله تنقاال بالمنتدى واذا تبيهاا رح خذهاا من الموج الازرق الله يرجه(rambo)
وبعد به بالغرفه تلفزيوون مرمي بالارض وبجنبه الفديو وشريطيين شاريهن قبل اسبووع من الريااض عن اهداف هلاالناا اياام زماان بس قسم بالله اهداف ريفالينو ونجيب الامام وبااقي الربع حقيين مبطي اهداف مهب صااحيه:mad: <<لا تفوتك ياساامر;)
وبعد به بالارض مرمي طاابعه الكمبيوتر وبجنبهاا كندره(الله يكرمكم) وبه بعد طاوله مادري وش جاايبهاا عندي بالغرفه بس ابصراحه منهاا فاايده راامي فوقهاا المفااتيح والرخصه والمحفظه وعطر تبي اسمه ياساامر والا لا(ترى اسمه up side down) وبعد به فووق هالطاوله مزيل رائحه العرق ها ساامر تبي اسمه بعد والا لا:angel: شف مادري وش يقاال له بس اهم شي شااريه من ذا بدي شوب:kello: وبعد رامي فووق هالطاوله العقاال والطااقيه والشمااغ وتحت هالطااوله على الارض به شنطه السفر تصدق عااد ياسامر لي اسبوع راجع من الرياض الترم الصيفي وهالشنطه على رميتهاا يووم وصلت للبيت:rolleyes:
وبه بعد بالغرفه دولااب مرمي به دفااتر ومذكرات الكليه حقت الاربع سنين المااضيه وبعد بهالدولااب به كتاااب شعر لنزار قبااني وبه اوراق وااجد مادري وش سالفتهاا:req:
خلااص يسد ساامر اليووم اذا حصل تغيرات بذا الغرفه نعلمك بهاا:angel:
وتقبل تحيااتي</p>
:magkiss: بااااي:yes:

[رسّــاوي]

اهلين يا الغالي .. داج

اول شي اسمحلي .. على التأخير في الرد .. وش اقول ووش اخلي ..

صارت لي سوالف هاليومين .. بس ما هي مشكلة ابي اقولها لك ..

بصراحة اخوك اللي هو محاكيك .. اللي هو انا (( ايه اخلص )):zael:

قلت يا ولد دام انك فاضي وقبل لا يجي الدوام ويحشرك .. بربس بالجهاز ..

وقمت لك وافرمت البتاع .. كان عندي الوندوز الملينيوم .. ونزلت الاكس بي .. وتبربست مع كرت الصوت ..

لكن الله يجزا الغالي .. ((mksa)) ألف خير حل لي المشكلة ..

بس .. يوم دخلت النت مرة ثانية .. والا تطلع لي الرسالة .. حقت الستين ثانية .. وانا قد سمعت بها ..

واقوم لك افرمت واحوس من جد .. المهم وش لك يا الغالي بالحوسة (( وشوعقبه )):rolleyes:

وش ذا البربسه بذا الغرفه الله يرجك..

:rolleyes: :rolleyes: :rolleyes:

طيب وش راايك ياساامر كل عضو يرد يجلس يقوول وش بها غرفته من بربسه

خذ راحتك يا الغالي .. وعطنا بربستك ..:D

بالنسبه لغرفتي اول شي الطاوله اللي فيها الكمبيوتر بهاا خرابيط وااجد بهاا فااتوره جواال للحين ماتسددت وكرتون مناديل واله حاسبه<<تخبر تخصصه رياضيات وبعد بهقلم لونه ازرق<<اهم شي لوونه ازرق وبه بعد سي دي العااب لولد اختي الصغير وتصدق عااد به جدول الترم اللي رااح مادري وش يبي للحين وبه مقص اظافير وبه كروت اشتراكاات للنت مادري كم وااحد كلها قديمه

وش ذا الحوسة .. =========>> (( اخص يا المرتب )):D :D

همن تحصل تحت الطااوله مرمي شااحن الجواال اللي الحين مرمي فووق السرير وابشرك توهاا واصلتن رساله خلني اقراها لك الا اقوول ماتصلح هالرساله تنقاال بالمنتدى واذا تبيهاا رح خذهاا من الموج الازرق الله يرجه

لالا بالله قلها .. (( واحد مليقيف وده يعرف وشي )):slv:

وبعد به بالغرفه تلفزيوون مرمي بالارض وبجنبه الفديو وشريطيين شاريهن قبل اسبووع من الريااض عن اهداف هلاالناا اياام زماان بس قسم بالله اهداف ريفالينو ونجيب الامام وبااقي الربع حقيين مبطي اهداف مهب صااحيه <<لا تفوتك ياساامر

ترسلهن لي ترى محاكيك(himo) .. يحب التوفير ويحب يحسن النعمة .. بدال ما ينحذفن على الفاضي ارسلهن لي ..:D

بهالدولااب به كتاااب شعر لنزار قبااني وبه اوراق وااجد مادري وش سالفتهاا

اخص يا .. *** نزار القباني ***:fghty: :nrey:

خلااص يسد ساامر اليووم اذا حصل تغيرات بذا الغرفه نعلمك بهاا

في الانتظار .... ========>>> (( واحد مخفة ))

تحياتي لك يا داج .. سامر ليل

[رسّــاوي]

هوووووووووووووووه .. يا الربع جاملوني ..

ادخلوا .. وقولوا .. ههه .. واطلعوا .. بس ..

(( جدعة وجه قوية )):sheto:

تحياتي .. سامر ليل

[يوسف]

هلا بالداجين والداجات:magkiss:
هلا ساامر
<p align=CENTER>قلت يا ولد دام انك فاضي وقبل لا يجي الدوام ويحشرك .. بربس بالجهاز ..

وقمت لك وافرمت البتاع .. كان عندي الوندوز الملينيوم .. ونزلت الاكس بي .. وتبربست مع كرت الصوت ..
خل عنك البربسه والفلسفه اللي مالهاا دااعي:p
لالا بالله قلها .. (( واحد مليقيف وده يعرف وشي ))
لالا ماتصلح الا للشبااب تخبر المنتدى به عوائل يعني مهوب كلش ينقاال به:fghty:
ترسلهن لي ترى محاكيك(himo).. يحب التوفير ويحب يحسن النعمة .. بدال ما ينحذفن على الفاضي ارسلهن لي ..
احس والعلم عند الله ان بك عرق شقراوي او ان الاسطووره معديك يووم انك حااط اسمه بتوقيعك:angel:
بس تاامر امر مالك الا اللي يرضيك لو انك من سكاان جده لو تبيهن الحين ماعندي ماانع بس لو انك بالريااض عااد الشكوى لله وشلون اوصلهن لك:req:

ايه نرجع لبربسه الغرفه ياساامر:angel:
تراني نسييت اقوول لك به علاااقه معلق بهاا ثوبين مادري وشولوا:req: وبهاا بعد منشفه اتنشف بهاا لتروشت:kany: وبهاا شااال هلاالناا:mad: معلقه بعد يعني كل مابغيت اناام التفت بجهه العلاقه اجلس اناظر علم هلاالناا الازرق:love: </p>
:magkiss: باااااي:yes:

[منبع الثلج]

هلـوين سامر ;)

الله يعينك على نفسك سااامر انت وهالحوووسه :D

<<<<<<=== معه لاب تووب كل يووم تلقاه بغرفه يعني مابه محل واحد يحوسه :D


برايفت دااااج
تراك قصيت قصة حياتك كل ابوه الرجال قال سالفه وانت خشيتبه :D خلك ثقل مثل ولد اخووووك :D


ويعطيك العافيه سامر ;)

بااي

[رسّــاوي]

<p align=CENTER>داج</p>

خل عنك البربسه والفلسفه اللي مالهاا دااعي

والله انك صادق .. :D

لالا ماتصلح الا للشبااب تخبر المنتدى به عوائل يعني مهوب كلش ينقاال به

صح صدقت .. =============>> (( صرفني الرجال )):o

احس والعلم عند الله ان بك عرق شقراوي او ان الاسطووره معديك يووم انك حااط اسمه بتوقيعك

:D :D :D .. يووووه نسيت قمت اضحك:ignor: .. لا يزعلون علينا الشقراوية .. داج تكفا امسحهن ..

بس تاامر امر مالك الا اللي يرضيك لو انك من سكاان جده لو تبيهن الحين ماعندي ماانع بس لو انك بالريااض عااد الشكوى لله وشلون اوصلهن لك

:req: :req: والله مشكلة .. ولا تدري بكرة وانا مدحدر لك بجدة عطني العنوان .. (( ما يصرف نشبة ))(himo)

ايه نرجع لبربسه الغرفه ياساامر
تراني نسييت اقوول لك به علاااقه معلق بهاا ثوبين مادري وشولوا وبهاا بعد منشفه اتنشف بهاا لتروشت وبهاا شااال هلاالناا معلقه بعد يعني كل مابغيت اناام التفت بجهه العلاقه اجلس اناظر علم هلاالناا الازرق

انا عندي واجد من الشال الهلالي تبي تشوف صورتهن .. انزل















:mad: :mad: :mad: :mad: :mad: :mad: :mad: :mad: :mad: :mad:

خذ لك واحد .. وخل الباقي يا ويلك لو تاخذ اكثر من واحد :D :D

تحياتي لك يا الغالي .. داج

<p align=CENTER>منبع الثلج</p>

الله يعينك على نفسك سااامر انت وهالحوووسه

:D :D منت باول واحد يقول هالكلام لي .. :D :D

<<<<<<=== معه لاب تووب كل يووم تلقاه بغرفه يعني مابه محل واحد يحوسه
الا قل لك الف محل تحوسبه .. يا حظك =========>> (( حاسدك على الحوسة )):req:

تراك قصيت قصة حياتك كل ابوه الرجال قال سالفه وانت خشيتبه خلك ثقل مثل ولد اخووووك
خل الرجال يا خذ راحته ..:sheto:

تحياتي لك يا منبع الثلج .. سامر ليل