قــــيـــادة الـــمـــرأه الــسعــوديـــه لــلـــســـيــــاره

[الطيرالهلالي]

<p align=CENTER>بسم الله الرحمن الرحيم

السلام عليكم ,,,

في موضوع خطير طرحته جريدة الرياض ...حول موضوع قيادة المرأه السعوديه للسياره وكانت هناك استفتاء حول هذا الموضوع ...بكل تأكيد كان الرفض هو السأد على هذا الاستفتاء...

ولكن ... ما الاسباب التي جلعت الشعب السعودي يرفض هذه الفكره؟؟؟

ربما البعض يقول ان الدين الاسلامي يرفض هذه الفكره ..صحيح وهو اهم دافع يجعلنا نرفض هذه المشروع ؟؟
ولكن هناك اسباب اخرى سأرويها لكم بتفصيل ...

السبب الاول ...
هو ان مدينة الرياض مثلاً... مزدحمه صباحاً ومساءً لو فرضنا وجود السيدات لزدادة الزحمه اكثر واكثر فلا يستطيع رجال المرور السيطره على هذه الزحمه ...وهم الان باكاد يستطعون السيطره ؟؟؟
السبب الثاني ...
فساد الشباب..
لو كانت هذه الفكره نفذت منذ فتره طويله مثل ما نفذت في الدول الخليجيه لكان افضل بكثير من تنفيذها الان ... لان اخلاق الشباب من قبل 50 سنه غير الان ..فا الان نشاهد الشباب يضايقون العوائل وهما بسياره مع والدهم ؟؟ فما بالك لو كانت البنت بسياره لوحدها او مع زميلتها ؟؟؟

السبب الثالث...
الامكانيه الماديه ...
ربما ان نصف الشعب السعودي لايستطيع شراء سياره لابنائه الا بشق الانفس ...فالو كان لديه مثلاً ثلاث بنات وثلاث اولاد فهل يستطيع ؟؟؟
اعتقد ان الحاله الماديه لا تسمح...!!
السبب الرابع...

الحوادث فانحن اصبحانا اكثر الدول في الحوادث المميته ..من دون قيادة النساء؟؟؟ ربما اذا قادو النساء السياره سا تزداد الحوادث اكثر واكثر ...خصوصاً اذا علمنا ان هناك استفتاء في احدى المجلات الاوربيه تؤكد ان نسبة حوادث السيارات للنساء اكثر من الرجال؟؟؟ والسبب هو ان المرأه تحب ان تحافظ على انوثتها ..فأكيد ان المرايه الاماميه سا تكون تسريحه للمرأه ؟؟؟
السبب الخامس...
الخطوره التي ستواجهها المرأه اذا قادة السياره لو تعطلت السياره مثلاً؟؟؟
هذه هي الاسباب ..واتمنى سماع ارى الفتيات قبل الرجال ... اريد ان اعرف مامدى رغبتهم في قيادة السياره ..
اخوكم الطير الهلالي
(( سداح))</p>

[سومار]

الا وش اخبار السيارات ما نزلت اسعارها ..(himo)

[Full Moon]

السلام عليكم ورحمة الله وبركاته...

أول حاجه شكراً لاختيارك هالموضوع للنقاش...

ثاني حاجه بقولك رأيي باللي أنت قلته...

ربما البعض يقول ان الدين الاسلامي يرفض هذه الفكرة ..صحيح وهو أهم دافع يجعلنا نرفض هذه المشروع ؟؟
ممكن تعطيني دليل واضح من القرآن أو السنة يحرم قيادة المرأة...

بحسب علمي ما فيه دليل صريح يحرم هالشيء...

إلا إذا أنت عندك يا ليت تقولنا عنه...

هو ان مدينة الرياض مثلاً... مزدحمة صباحاً ومساءً لو فرضنا وجود السيدات لازدادت الزحمة أكثر وأكثر فلا يستطيع رجال المرور السيطرة على هذه الزحمة ...وهم ألان بالكاد يستطيعون السيطرة ؟؟؟
اعتقد إنه الزحمة ما راح تختلف ولا راح تزيد...

لأنه الحين كل بنت تطلع مع السواق بسيارة خاصة...

يعني الفرق اللي بيصير إنه السواق يسافر بس وتسوق هي بداله...

يعني ما راح تكون هناك زيادة بعدد السيارات...

وهذا اللي أشوفه أنا بصراحة...

لو كانت هذه الفكرة نفذت منذ فتره طويلة مثل ما نفذت في الدول الخليجية لكان أفضل بكثير من تنفيذها الان ... لان أخلاق الشباب من قبل 50 سنه غير الان ..فا الان نشاهد الشباب يضايقون العوائل وهما بسياره مع والدهم ؟؟ فما بالك لو كانت البنت بسياره لوحدها او مع زميلتها ؟؟؟
إما في هذي فأنت صادق الحقيقة صرنا نشوف وحوش بشريه مو بشر...

بس نفس الخطر تتعرض له وهي مع السواق فهل السواق بيحميها؟؟؟

يعني ساقت هي أو السواق ما راح تسلم من هالوحوش...

الامكانيه الماديه ...
ربما ان نصف الشعب السعودي لايستطيع شراء سياره لابنائه الا بشق الانفس ...فالو كان لديه مثلاً ثلاث بنات وثلاث اولاد فهل يستطيع ؟؟؟
اعتقد ان الحاله الماديه لا تسمح...!!
وهذي فعلاً صدقت فيها لأنه المعيشة من جد صايره صعبه مره...

وربي يفرج عن المسلمين إن شاء الله...

الحوادث فانحن اصبحانا اكثر الدول في الحوادث المميته ..من دون قيادة النساء؟؟؟ ربما اذا قادو النساء السياره سا تزداد الحوادث اكثر واكثر ...خصوصاً اذا علمنا ان هناك استفتاء في احدى المجلات الاوربيه تؤكد ان نسبة حوادث السيارات للنساء اكثر من الرجال؟؟؟ والسبب هو ان المرأه تحب ان تحافظ على انوثتها ..فأكيد ان المرايه الاماميه سا تكون تسريحه للمرأه ؟؟؟
بالعكس اعتقد انه المرأة بتكون حوادثها اقل بكثير من الرجل عندنا...

لأنه المرأة تخاف على نفسها اكثر من الشباب اللي بايعين أعمارهم ويمشون دايم بسرعة جنونية وسواقتهم ما ادري وش تبي...

يعني يا لله تلاقي واحد يسوق سواقه راكدة ونسبه كبيرة يعتبرون السواقه استعراض واثبات للرجولة وهذا اللي مضيعهم...

وبالنسبة أن المرايه بتسبب الحوادث فهذا بيكون للي بتسوق وهي كاشفه...

وها للي بتكشف بايعه دينها فطبيعي تبيع عمرها...

الخطوره التي ستواجهها المرأه اذا قادة السياره لو تعطلت السياره مثلاً؟؟؟
هي نفسها الخطوره اللي تتعرض لها لو تعطلت السياره مع السواق...

وبعدين تعتقد انه كل هالشباب اللي يسوقون فاهمين للسيارات؟؟؟

ما هقيته والله واللي علمهم بيعلم البنات يعني وش زود الشباب...

بالعكس اعتقد انه البنت بتفهم اكثر من الشباب فهالموضوع...

وبعدين باعطيك معلومة بسيطة بس انه هالسواويق اللي عندنا ثلاث أرباعهم ما يعرفون حتى يفكون كفر...

وأحيان كثيرة لما يجي للسيارة شيء إحنا اللي نفهم السواق وش فيها ولا هو مو فاهم شيء...

يعني إحنا ما علينا فاهمين شوي بالسيارات حتى وإحنا ما نسوق...

وبالنسبة انه هل أنا بسوق أو لا لو سمح لنا بالسواقه؟؟؟

فاعتقد هذا بيرجع لظروف الوقت اللي بيخلونا نسوق فيه...

لأنه بنت بعمري مستحيل ترضى تطلع لحالها مع السواق ما بالك تطلع وهي اللي تسوق؟؟

بس لما أكون اكبر ما اعتقد يكون عندي مانع بالسواقه ابداً وخاصة انه إخواني معلمينا السواقه رغم انه ممنوع نسوق...

بس أنا أشوف انه ما فيه أي مانع يخليني ارفض السواقه غير إني لسه صغيره...

وكمان هالوحوش اللي بالشوارع يا لله نسوق وإحنا مسلحين أنفسنا عشان نفتك من شرهم...

وعلى العموم اعتقد انه نعتمد على السواقين اريح وشوله نتعب انفسنا...

وبس هذا رأيي بهالموضوع ويا ليت ما تنسا تقولنا وش الأدلة على تحريم قيادة المرأة...

وأسفه على الإطالة وألف شكر لك مره ثانيه...

والسلااااااااام عليييييييكم...

[قرقو]

مرااااااااااااااحب

مشكور اخوي الطير على طرحك هالموضوع الهام:)

وانا عندي تعليق على الاخت شمس الغنيه

انتي تقولين ان مافيه دليل يدل على تحريم قياده المراه
طبعا موب صاير فيه دليل لانه على ايام الرسول صلى الله عليه وسلم مافيه سيارات
بس فيه شي اسمه بعلوم الفقه اسمه ((قياس))
وفيه قاعده فقهيه عامه تقول ((لاضرر ولا ضرار))
يعني فيه ضرر اذا بدات المراه فيه القياده
وانتي الحين جايبه طاري السواق
ابسالك هل خروج المراه مع السواق بدون محرم حلال؟؟؟
طبعا لا:nrey:
فانتي قستي هالشي على شي اصلا من نفسه موب حلال
بعدين من قال لك ان المراه تبي تسوق بجحابها؟؟؟
صعبه مره
والحين بعض البنات هداهن الله مايدخلن بيوتهن الا بالطقاق وهي مع السواق اجل اذا كان معاها سياره وش تبي تسوي؟؟؟

واخر شي ابقوله ان اي شي يؤدي الى الحرام فهو حرام

واسف على الاطاله......

[وردة الهلال]

:mad: :mad: :mad: :mad:

[وردة الهلال]

أنا بصراحة رايي من راي نجوى كرم:D
يعني عادي تسوق البنت...
بس بشرط...













































يكون أخوها معها..:kany: :kany: :kany:
لأنه بصراحة ما يفصل البنت عندنا غن غيرها إلا هالسواقة
يعني إذا ساقت ..والله...ما راح يصير فيه فرق بينها وبين أي بنت عربية
يعني أنوااااااع الفساد لكن عدم القيادة للمرأة عندنا محجم من هالفساد


وتقبلوا تحياتي
وردة الهلال

[AbuYazeed]

مشكور اخو الطير الهلالي والله يعطيك العافيه


ورده الهلال مافيه سياقه لو تموتون موت مافيه :angel:

[مجنووووون في الهلال]

الرسالة الأصلية كتبت بواسطة nawaf11
مشكور اخو الطير الهلالي والله يعطيك العافيه


ورده الهلال مافيه سياقه لو تموتون موت مافيه :angel: :p

[أنس]

قسم بالله لو تسوق المره..

لافتح بنشري عند بيتنا .:D :D :D :D :D


عاد ان جيت للجد ما بقى الاهي بعد يا زين حريمنا يسوقوووون ....

والله هزلت......

وثانيا فيه بيت شعر يصلح للحريم اصرف من السواقه :


(( النـــــوم للتسلب والهلباج والمـــره ****** ما يهتني بالنــــوم سرحان ذيبه ))

[جــ2002ــــيـدا]

مشكور على طرحك الموضوع الرائع جدا جدا

ودرده الهلال
انا يوسفني انكي هلاليه وتريدين قياده السياره

وتسلم قرقو على ردك الرائع

[الطيرالهلالي]

السلام ,,,
ياحلوكم وانتم مجتمعين عندي :mad:

سومار ...

اقول يالجني ما تعقل انت وديرتك :D

شمس الغنيه ...

اشكرك على مشاركتك الفعاله ..
انتي تقولين ابي دليل على ان السواقه حرام؟؟؟؟
مثل ماقا قرقو ايام الصحابه والرسول عليه الصلاة والسلام ما كان هناك سيارات ؟؟؟ يعني مستحيل تلقين نص واضح يوضح انه السواقه حرام ؟؟؟؟
ولكن الله سبحانه ميز نا عن بقية خلقه بالعقل ؟؟؟؟ وهو الي يفصل هذه المشكله؟؟؟
يعني السواقه في نظرت جميع العقلا ...هي محرمه لان المرأه تخلو مع نفسها وتعرض نفسها للخطر .... بيقاتدها لسياره يمكن يكون السبب الاخير هو دليل كافي وشافي ...وانا بصراحه ثقتي بعلماء ثقه كبيره ..

قرقو...

ردك وصل والف شكر لك يالغالي يالمنسم :D

وردة الهلال,,

عزيزتي ماله داعي تردين ردين رد واحد كافي :nrey:

انتي ودك تسوقين؟؟؟؟ اعتقد انك ما تخافين على نفسك ...:kany:

نواف...

يابن الحلال ما تدري وش يصير يمكن بكره يحطون حجز في المرور للعوائل ..وصفقني اذا لقيت بنت محجوزه :D

مجنون الهلال ....

الف شكر لك يالغالي :yes:

اخوي العزيز والغالي انس ..
انا بفتح معرض سيارات وبكثير سيارت الصني لان البنات يحبونها :love:
وصح لسانك :yes:

جيدا..
ما عليك ترى وردة تستهبل :D

يسلمو حبايبي :yes:

[** { برنس الزعيم } **]

مشكور اخو الطير الهلالي والله يعطيك العافيه

الحين تعلمنا كل شي من الغرب جات على السواقه :jhgy:

[ياسر عبدالعزيز]

السلام عليكم:)

اعتقد ان الموضوع اخذ كثير من الجدال وانتهى امره :( بتاكيد عقيدتنا الاسلاميه ترفض قيادة المرآه للسياره
صحيح بانه لايوجد نص قرآن او من السنه النبويه تحرام قيادة المرآه للسياره .. ولا احب ازود على كلام الغالي قرقو((بس فيه شي اسمه بعلوم الفقه اسمه ((قياس))
وفيه قاعده فقهيه عامه تقول ((لاضرر ولا ضرار))
يعني فيه ضرر اذا بدات المراه فيه القياده ))

[عاشق العثرات]

مساكم او صبحكم الله بالخير جميعا ،،

الكلام يطول في هذا الموضوع ويطول ،،

ولا اجد زياده عن اللي ذكره الاخوان لكن وباختصار قيادة المراه مرفوضه ،،

ولكن احب اعقب على ردود الاخت شمس الغنيه ،،

ممكن تعطيني دليل واضح من القرآن أو السنة يحرم قيادة المرأة...

بحسب علمي ما فيه دليل صريح يحرم هالشيء...

الدخان في دليل واضح وصريح يحرمه ...؟

ولكنها مسالة قياس مثل ما ذكر الاخ قرقو ويكون هنا العقل هو الفيصل مثل ما ذكر الاخ الطير الهلالي ،،

اعتقد إنه الزحمة ما راح تختلف ولا راح تزيد...

لا تعليق :confused:
بالعكس اعتقد انه المرأة بتكون حوادثها اقل بكثير من الرجل عندنا...
وانا اعتقد ذلك ..:p

وبعدين تعتقد انه كل هالشباب اللي يسوقون فاهمين للسيارات؟؟؟

ما هقيته والله واللي علمهم بيعلم البنات يعني وش زود الشباب...

بالعكس اعتقد انه البنت بتفهم اكثر من الشباب فهالموضوع...
تهقون:amle: ؟؟

وكمان هالوحش اللي بالشوارع يا لله نسوق وإحنا مسلحين أنفسنا عشان نفتك من شرهم...
اشوا ان الحريم تغطون والا كان شفنا الوحوش بحق وحقيق ،،:D
فيه احد الابيات للشاعر الكبير سعد علوش يقول فيه ،،

وطّي رموشتس واعلني لي الانصياع *** في وقت الانثى تسلب حقوق الذكر


في النهاية احب اشكرك اخوي الطير الهلالي على الطرح الجميل ،،

ولجميع تحياتي العذبة ،،

[عـــهـــود]

تصدقون لو السواقه حلال كان ماتشوف غير غبرتي اطعس في الهاف مون :D :D



وبعدين بالعقل شلون المره بتسوق وهي متغطيه!!!!!

وايضاً الحمدلله احنا مو بحاجه للسواقه ابداااااااااااا

الله يخلي لنا اهلنا اللي مايقصرون.....

والحمدلله الله ميز الانسان عن غيره بالعقل والواحد يعرف الحلال من الحرام ولو بدون نص صريح من الكتاب او السنه.....






تحيااااااااااااااااااااااااااااااااااااتي

[وردة الهلال]

اش السالفة اشوف الربع شايلين علي..!!
نعنبوا داركم:D ما تعرفون تقرون
بس الحين طلعت الغيرة من الشباب
خايفين لا البنات يكشتون فيهم ولا عاد يترجونهم يوصلونهم مشاويرهم
ترى هذي حركاتكم يالشباب يعني مكشوفين:p (على نياتي:rolleyes: )

لكن أرجع وأقول (ولأن الكلام هذا أُسأل فيه أمام الله وبعض الناس الفهم عندهم لك عليه)
المشكلة في القيادة اهي التدرج..وأول ما طلعت الصور في بطاقات الأحوال للرجال كان الجميع معارضين وضع الصورة أما ألحين الطلاب في المدارس صورهم على شهاداتهم..
وقس على كذا..كل شي ما يثبت لازم يتغير...
أما سالفة البنت تسوق وهي متغطية اتحدى تصير..لأن يمكن مرة يشيل محمد نور ركبة نواف التمياط وبعدين يدورون عليه علشان يعاقبونه ..ما يلقونه ..يحول وين ذلف؟؟!!
أثاري الرجال متنقب وماخذ راحته يسوق ويروح ويجي بكيفه ولا احد جايب خبره::D :D ::
هاه.. بشروا..عسى الموضوع وضح :cool:


وتقبلواتحياتي.................................................وردة الهلال

[AbuYazeed]

واضح بس احنا ماشلنا عليكم يالبنات ليتكم تسوقون وتفكونا منكم بصراحه انا مليت من كثر ماروح الاسواق :yes:


ورده الهلال ... يازين شكلك على ددسن غمارتين وحاطه البرقع على الطبلون .
ههههههههههه

[أبو الطـواري]

عين العقل أخوي الطير:yes: :yes: :yes:

بصراحه كفيت ووفيت بهالشرح المميز :asno: :asno:

وفعلا جميع الاسباب اللي ذكرتها واقعيه وملموسه في حياتنا اليوميه

وأنا ضد قيادة المرأه للسياره :cool: :cool: :cool:

لانه بصراحه ماهي بحاجه لذلك فإذا كانت المرأه محتاجه تروح محل أخوها أو أبوها

ممكن يوصلها للمكان الي تبغاه بدون اي مشاكل

وبعدين الاخطار المترتبه على قيادة المرأه للسياره أكثر من المنافع

وما نقول الا الله يكفينا شر هالعلمانيين والذين هم اصحاب الفكره ومن ساندهم وأيدهم

من الغرب في طرح هذه القضيه والله ينتقم منهم أجمعين

وألف ألف شكر لك أخوي الطير على طرح هذه القضيه الهادفه:yes:

وتقبل تحياتي

أبو الطواري

[وردة الهلال]

الأخ نواف:
أصلاً ما احب الدداسن :kany: :kany:

واذاسقت(في المشمش) ما راح آخذ إلا لكزس
أو مرسيدس اتسلى فيهم لما اشتري ذيك اللي اسمها مادري شلون جاي
بس الظاهر انه حول رولز رويس:angel: :angel:

[Full Moon]

السلااااام علييييكم مره ثانيه...

تدري كنت متوقعه انك بتقول لي انه الدليل هو (لا ضرر ولا ضرار)...

بس شوف احنا لو بنحكم بالقياس على امور كثير فراح تصير كلها محرمه وخاصه لو كنا نقيس على قول الرسول صلى الله عليه وسلم (لا ضرر ولا ضرار)...

لانه فيه حاجات كثير نقدر نحرمها من خلال القياس...

ولكن للاسف احنا ماحرمنا حاجات نازل دليل قطعي بتحريمها لكن جلسنا نحرم حاجات بالقياس...

ابسط مثال الاغاني محرمه بالكتاب والسنه ومع ذلك ياكثر المحلات اللي تبيع هالاشرطه وياكثر مانسوي حفلات لمطربين للاسف يقال عنهم مسلمين ونسويها هنا بديرتنا...

وحتى حلق اللحيه نازل دليل قطعي مافيه أي نقاش إنه اللي يحلق لحيته فاسق...

ومع ذلك صرنا نقول عن اللي مربي لحيته ارهابي شيء عجيب وغريب...

يعني الواجب قبل مانروح نطبق الاحكام اللي طلعناها بالقياس نروح نطبق الاحكام الصريحه اللي ماعليها كلام...

ولكن للاسف اصبحنا نحلل اللي نبي ونحرم اللي نبي حسب حاجتنا...

بعدين بالنسبه انه ماكان فيه سيارات بزمن الرسول فاعتقد كان عندهم جمال وهي كانت وسيلة التنقل بوقتهم صح...؟؟؟

يعني من الممكن انه نقيس على هالشيء...

وأم المؤمنين عائشة رضي الله عنها كانت تركب الجمل وتقوده بنفسها...

يعني ما كان هالشيء محرم فكيف نجي ونحرم قيادة المرأة وعائشة رضي الله عنها كانت تركب الجمل...

بس تدري وش الفرق بينا وبين زمن الرسول صلى الله عليه وسلم...؟؟؟

الفرق هو إنه بذاك الزمن كان فيه إيمان من القلب إيمان حقيقي يحميهم ويمنعهم من الوقوع بالفواحش...

لكن بوقتنا اصبح الإيمان الحقيقي حاجه نادره للاسف...

وبكذا فانك ماراح تقدر تكون مرتاح وبنتك طالعه حتى لو معك لانه ناس تخلت قلوبهم عن الإيمان فراح تتخلا عن كل اسس الإنسانيه...

وحتى الأمان راح يكون مفقود في ظل غياب الإيمان...

يعني اكبر مشكله عندنا هي انه مافيه إيمان مافيه خوف من ربي...

ولو كان فيه شوية خوف من ربي كان ماصارت سواقة المرأة مشكله ياسيدي الفاضل...

فياليت بدل مانشغل انفسنا بأمور سخيفه نشغل انفسنا بدينا وانفسنا يكون اريح لنا...

وبعدين صدقني احنا مرتاحين حتى واحنا مانسوق ومانبي نسوق...

بس تدري وش احسن شيء لو سمحوا بالسواقه...؟؟؟

هو إنه بنسفر السواق ونجيب بداله حرمه تسوق على الاقل يكون اريح لنا ومانخاف على انفسنا منها مثل السواق...

وبعدين شوف لو سمح بقيادة المرأة بيصير الوضع خلاص طبيعي...

لانه فيه امور كثيره ماكانت تعجبنا ونرفضها لكنها طبقت غصب عنا ورضينا فيها...

وابسط مثال البطاقة الشخصيه للمرأة...

يعني بالاخير لا رأيي ولا رايك بيأثر اللي تبيه الدوله بتسويه...

وعلى العموم ياليت الموضوع يستمر بجديه اكثر يكون افضل...

والف شكر لك بالاخير...

[الطيرالهلالي]

السلام,,,
اشكر جميع الاحوان ..على مشاركتهم في هذا النقاش ؟؟؟؟

واحب ايظاً اقول للأخت شمس الغنيه اني بالفعل مقتنع بكلامك وبديت اغير شي من وجهة نظري حول موضوع قيادة المرأه السعوديه لسياره؟؟؟

ولمن ما يجلعني ارفض قيادة المرأه السعوديه غير الاسباب التي انا ذكرتها ؟؟ هو سبب اخر انتي ذكرتيه في ردك الاخير...

الفرق هو إنه بذاك الزمن كان فيه إيمان من القلب إيمان حقيقي يحميهم ويمنعهم من الوقوع بالفواحش...

وهذا سبب اعتقد لس بالسهل تجاهله اطلاقاً ؟؟؟
فأنا لا استطيع ان اجعل بنتي او اختي تقود السياره لوحدها في ضل غياب الايمان عن قلبو بعض البشر؟؟؟

الف شكر للجميع ....

[فحيل القبص]

اخواتى واخوانى
المشكله ليس فى السواقه او غيرها لان الفساد سواء للرجل او المراه مرتبط بالتربيه و الثقافه و الوعى
اما القيود الحسيه كالمنع من الخروج من البيت او منع القياده او الغطوه لاتمنع احد من عمل مايريد اذا لم يكن عنده وازع اخلاقى واحترام لنفسه ومجتمعه واتركوا عنا التفكير الظيق المنغلق و الوصايه على عباد الله وافتحوا عقولكم للضوء لكى ترا جمال الحياه
ولكم جميعا كل الحب و الموده

[البحار]

اولاً مساء الخير الطير الهلالي ثانياً لو اني بنت عرفت ارد عليك بس ما اقدر ارد الان اخاف اكسر بخاطر البنات ولا ياحبيبي ،،،:mad: