قصيدة قديمة للملك فهد بن عبدالعزيز

[ابوسليمان]

السلام عليكم ورحمة الله وبركاته

هذه قصيدة قديمة لخادم الحرمين الشرفين الملك فهد بن عبدالعزيز ال سعود حفظه الله

ومناسبة القصيدة انه حفظه الله كان مريضآ في لندن في سنة1385 للهجرة


وقد بعثها إلى صاحب السمو ألأمير سعد بن فهد رحمة الله عليه يشكو فيها من المرض ويتوجع مما يقاسيه....

يقول فيها :-

يابوسعد صارت على أخوك غارات ***** شهرين اقاسي من شديد الغرابيل

سو المرض يحمل على أخوك حملات ***** ومافي يدي حيله ولا في يدي حيل

والله فزع من فوق سبع السماوات ***** وانا احمد الله يوم صارت تساهيل

ماينفع الخايف وألأيام عجلات ****** والخوف ماينفع ولا القول والقيل

حنا هل العوجا ولابه مراوات ****** شرب المصايب مثل شرب الفناجيل

لاشك انا مشغول في كل ألأوقات ***** على الذي حنا بظله رجــــاجـيل

ماني على نفسي كثير الحسوفات **** لاسلم راسه روسنا رفــاع بالحيل

حامي حمانابالليالي المخيفات***** لو صار بالعالم كثير الزلازيــل

فخر العروبة بالعدل والمساواة *** هذاك هو فيصل ولافيه تــشكـــيل

يشهد له اللي شاهدوا منه ليات **** ويشهد له التاريخ جيل بعد جيل

.....................

فأجابه ألأمير فهد بن سعد الله يرحمه بهذه القصيدة :-

يامرحبا بكتاب زبن المخـــلات ***** اهلآ هلا به عد وبل الهمالـيل

حمدت من زال الكدر بالمسرات ***** فكاك من صكت عليه المحابــيل

فزع لك اللي عام بالخفـــيات **** مبري جروح ايوب غيث المراميل

لعل مايزعج على فقدك أصـوات ***** ولعلها لك يابو فيصل تماهيـل

الله يجيرك من صوديف ألآفـــات ***** عساك تسلم ياعشير المشاكــيل

منت رخيص ياربيع القرابــات ***** لو هي بالأيدي كان دونك حلاحيل

ترالنابك يافتى الجود هقوات ***** في وقتناالحاضر وباللي مقابيل

يفداك ربع قصروا بالمهـمـات ***** اللي على القالات ماتنطح الشيل

بعض العرب حي ومن عرض ألأموات***** مايـرتجي نفعه بحل المشاكــيل

وفيصل ذرانابالسنين المخيفات***** هو درعنا الضافي إلى ضدناالميل

اللي نقل عنا حمول ثقيـــلات ***** راس الحصيل أن كملن المحاصــيل

................................



من كتاب

من القائل ( أسئلة وأجوبة في الشعر، الجزء الثاني )

عبدالله بن خميس

[JAJ]

حلوة منك يا / عميدنا الرائع .



















تراني زعلان .... وين الوعد:nrey:

[عنود الصيد]

قصيدة رائعة و جميلة ..


وبصراحة ما أتخيل الملك فهد يكتب شعر :)



ويعطيك العافية يا ابو سليمان على الموضوع :)

[هاوي الهلال]

الغالي ابو سليمان ..


قصيده جميله والرد ايضا حلو .. :)


يعطيك العافيه يالغالي وماقصرت ..


اخـــــــــ خالد ـــــــــوك
:)

[ابراهيم النجيدي]

هلا وغلا بابو سليمان , وعاش من شاف اسمك منور يا باشا :) ,,,

يكفينا من هالقصايد إنها خلتنا نشوف إسمك ياغالي :) ,,,

قصيده جميله والرد أيضا جميل واللي كتب الموضوع أجمل ;) ,,,

تحياتي لك ياغالي ,,,

[الطيرالهلالي]

السلام.....

مشكور اخوي ابو سليمااان....
واول مره اقراء قصيده لبو فيصل....

انا اسمع انه يكتب الشعر بس ماقد قريت وواضح من القصيده انها جميله ....

[ابو الذهب]

ياهلا ومسهلا بالعميد ..

من طول الغيبات جاب :yes:

ترا لك وحشه ياابو سليمان وان غبت مره ثانيه ترا بجهز العده :guns:

ولا اوديك لم عجاج تراه هالايام مايشوف زين فى عينه مويه حمراء خبريبها زرقاء

بس من زود القشاره صايره :sheto:

مشكور ابوسليمان على هالقصيده الراعه :yes:

[بـحـر]

الحمد لله على الســـلامه

ســلامات .... ســـلامات من الوعكه الصحيه

جعل الشر ما يجيك ... يابعد حيى

القصــيدة روعه ... وناقلها اروع

ياالغالى ... ترانى زعلان ..... وترى الوضع على ماهو عليه .... ياليتك تعجل باالحل.

تحياتى

:yuupy:

[ابوسليمان]

تحيه عطره لكم يا اغلاء من عرفته في عالم النت
JAJ

حبيبي الغالي يشهد الله اني امر في ظروف صعبه وأعلم اني على وعد معك ولكن تزين ألأمور وأجيك وأحب راسك
ولك حق تزعل

مشكوره اختي عنود الصيد على المشاركة

حبيبي هاوي الهلال (( خالد))

شاكر تواصلك يالغالي

ابراهيم النجيدي هيموووووو رامبووووووو ألأقشر ألأطخم ابو قفل
غلاك بقلبي عدد تقفيلك لمواضيع حبحور وأخوه ألأسير وعدد تشويتك لمواضيع النمر :nrey:
تسلم على لاباقتك يالغالي
اضفناك بالماسنجر كم مره وانت شغلتك الحظر علينا:req: :req:

حبيبي الطيرسداح شاكر تواصلك يالغالي

ابو الذهب ياهلابه وياغلاء وين الناس
يالغالي احد يلقى الهلمه هذه ويغيب وجدنا جاج ابو عين حمراء لا تزعلونه :angel: :angel:
طايح بالعشق هاليومين

بحر الغالي الله يسلمك
والله من حقك تزعل ومن حقك نرضيك وتستاهل والله اللي يرضي لأنك منت برخيص يالغالي
يابعدي ارسلي بكل الوضع مع ارفاق ملف:req: :req: فيه بريدك وأبشر باللي يشيلك المعامله من مكتب لمكتب حتى ينهي زعلك علينا



لكل أعضاء هذا المنتدى الرائع الف شكر لتواصلكم
الى لقاء قريب

[مجنون15]

صح لسان الشعراء

ومشكور اخوي
على هالقصيدتين المميزتين.

[السلطاني]

الله يطول عمره فهدنا اللي هو سعدنا

الله يديمه دوم على رؤسنا

[نجم الصبح]

الله يطول عمره ...

مشكور حبيبي ...وفعلاً أول مرة أعرف أن خادم الحرمين الشريفين له كتابات شعرية :)

كما عودتنا ...مميز :)