قـــضــيه..للبـنات والا لـشـبـاب

[ابورشا]

حبايب البي ..
مشرفينا الغاليـن..
اخواني الأعضاء والهـلالـيـات..
فيه موضوع بسيط..ونبي نطرحه ونضربه ونمسخره بعد..بس بدون اي تعصيب ومشاكل..
ومعروفين (ومعروفات) راعين المشاكل:N:
موضوعي وهو الوظيفه للبنت..
هل هي ضروريه جدا للبنت..؟؟
وهل بالضروره ان البنت تتوظف مدرسه وبس؟؟
ولو كنتي انتي يالبنت ماقدرتي تتوظفين بوظيفة مدرسه؟؟ هل راح توافقين على مكان ثاني مثل مستشفى او بنك؟؟
رغم ان سمعة المستشفى (سيئه جدا) بالنسبه للعقليات المتخلفه الموجوده عندنا..والبنك ايضا مغلق تماما وبشكل نسائي بحت..
اما الشاب وللأسف ..
اللاحظ (حلوه اللاحظ)..ان بعض الشباب يحاول انه يشترط (من زين وجهك بعد تتشرط) انها تكون مدرسه او على وظيفه..وتكون بنفس المدينه..بعيدا عن المتطلبات الأساسيه بالبنت مثل الدين(والجمال)و...و...و
يعني هل اصبحت الوظيفه بالنسبه للبنت ميزه مغريه للشباب..؟؟
وبعدين وش ذنب البنت اللي مسيكينه ماعندهاواسطه قصدي(وظيفه)..
ياليت لو تكون هذي الكلمات كافيه لإيصال الفكره..
ويخليكم ربي حبايب البي :N:
:N: هذي للأولاني عشانه هو اللي ازعجنا فيها

[Muhanad]

ياهلا بالغالي ابو رشا ...

والله يالغالي مااتوقع ان وظيفة البنت شيء مغري :) ...
فانت نسيت نقطة ;) وهي .. ان بعض الشباب لا يردون المرأة الموظفه ..

فليس كل الشباب واحد فيوجد عقليات ... وهذه العقلية تختلف من شخص لآخر ..
ومن ناحية وظيفة البنت فأنا اتفق بهذه النقطة .. توجد وظايف كثيرة للبنت ..
ولكن اتوقع ان التدريس هو الأنسب للمرأه ;) ...

--
موضوع رائع يالغالي .. وموضوع يستحق النقاش :) ..
--

(( ولي عودة للموضوع :) ))
تعرفون اذا الواحد فيه :N: مايقدر يفكر ;) ...

[ابورشا]

حبيب البي..
هلا والله وغلا بالغالي زعيم اسيا..
انا اتفق معك تماما بالنقطه اللي ذكرتها انه فيه عقليات متفاوته..
ولكن لو شفنا الوظيفه للبنت مثلا هل هي فعلا تحتاجها والا من باب الوجاهه فقط..او الإستقلاليه..وهل ستكون بين الزوج والزوجه مستقبلا نقطة خلاف ام لا..
اما من ناحية ان وظيفة المدرسه هي الأنسب فلا اعتقد اني اوافقك بالنقطه هذي والسبب من وجهة نظري ان فيه البنوك مثلا وظائف مغلقه تماما يعني نسائيه 100%..من ناحيه ومن ناحيه آخرى انها مضمونه ان تكون بمدن كبيره على عكس التدريس اللي يكون ببعض القرى..واللي يمكن يحمل المعلمه مصاريف اضافيه واخطار الطريق اللي مالها اول من تالي..
ومشكور يالغالي على كلامك يالغالي ويخليك ربي حبيب البي:N: إلك

[ياسر عبدالعزيز]

موووووضوع رررائع جداً
كنت ناوي اكتب موضوع مشابهه له الموضوع .. ولكنك ماقصرت.. كفيت وافيت
عموماً اصبح نسبة البنت لت فات عليه قطار الزواج... نسبه كبيره .. ومخيفه جداً اتمنى ان نجد لحل لهذي المشلكه:(
تحياتي لك:cool:

[ابورشا]

حبيب البي..
ياااااسرعبدالعزيز..
ياهلا والله وغلا..
ومشكور يالغالي على مداخلتك اللطيفه الا اني افتقد للتعليق على الموضوع..وباانتظار رد اقوى..
ويخليك ربي حبيب البي..

[الأولاني]

هلا ابو رشا

شفتك جايب سيرتي في :nrey: قلت خل اشوف وش عنده خخخخخخخخخخخخخخخخخخ
اما بخصوص وظيفة البنت
:req: :req: :req: :req: :req: :req:
امممممممممممممممممم

الآن المجتمع تغير جزء كبير من تركيبته في السابق واصبحت هناك متداخلات جديدة في حياتنا من الصعب تجاهلها ولابد من اتخاذ موقف صارم تجاهها

هناك امور كثيرة من العادات والتقاليد استغلها ضعفاء النفوس فكان لابد من تدخل الألدولة بانضمة وقوانين كان آخرها بطاقة المرأه

بخصوص الوظيفة لها ترسبات عديدة اولا قلة الرواتب التي تصادف الشباب واغلبهم اصبح موظف على بند 105 هذا اذا حصله وراتبه لن يزيد عن 3000 ولازم يسكن في بيت ويجهز ويرفش ويجيب خدامة ولا كيف البنت تدخل على بيت مافيه خدامة ولا يجيها شبكة ومهر وهدية وفتاشة وساعة لأمها وخاتم لأختها وبست لأبوها وساعة لأخوها الصغير كل هذا لازم يدفعه وبعدها تتراكم الديون والحل زوجة موظفه تصرف معه وتامن له رواتب الكهرب والتلفون والموية اللي ماترحم هذا غير الأجار وقسط السيارة

اما القسم الآخر من الشباب ماعنده استعداد ولا القدرة على الخوض في هذه المتاهات التي لا تنتهي ويفضل العزوف عن الزواج لين ماربك يفرجها وبنات الناس يقعدون في بيوتهم وبعد التخرج تطفش وتدور على وظيفة منها يجي ولد الحلال بسرعة ومنها تقضي وقت فراغها

وهذه كلها تسربات تسبب اقبال المراه على الوظائف وان تكون امر محتوم على العائلة

ونجي للوظائف وين تروح البنت اذا تبي تشتغل في التجارة مالها غير تفتح مشغل وتجي كوافيرات ورخص المشاغل توقفت في الرياض وجدة يعني مافيه مشاغل ولا تجارة هذا غير انها تاخذ كل الوقت

طيب تبي تتوظف مالها إلا مدرسة او مراقبة او ادارية بمدرسة علها تترسم بعد كم سنة وهكذا

في المستشفيات امر صعب اذا ماعرفنا ان بعضهم المستشفيات الأهلية يطلبون الآن كشف وجه البنت في وقت الدوام

يعني افضل حل لها التدريس اذا ماعرفنا ان اغلب تخصصات الدراسة الجامعية لا تخدم غير قطاع التعليم

اعتذر عن طول الرد ولكن الموضوع ثري جدا والمحاور كثيرة وتحياتي لك يالغالي

:magkiss: الك

[الذاهبه]

هلا ابو رشا

اولا الوظيفه للبنت ماقدر اقولك انها ضروريه او ماهي ضروريه فهي

تختلف من بنت الى بنت اخرى فبعض البنات تحتاج لوظيفه لانها قد لاتجد

من يصرف عليها اما بسبب وفاة ابيها او ان مستوى المادي لعائلتها بسيط

فتضطر للبحث عن وظيفه مناسبه لها .....

اما مسألت الوظيفه في البنوك والمستشفيات فهي على حسب الظروف اذا

بحثت عن وظيفه في المدرسه ولم اجد اكيد راح اضطر ووافق ان اتوظف في

مستتشفى او بنك.....

عموما الوظيفه للبنت قبل الزواج كويسه لاكن بعد الزواج افضل ان تجلس في

البيت احسن لها :)

[ابو الذهب]

شف ابو رشا ... البنت اللى تتحمل مسؤليت اسره مافيه اى مشكله انها تتوظف

اما اللى ماعندها مسؤوليه تنطق فى بيت اهلها الين يجيها نصيبها:mad:

والشاب اللى ما يبى يتزوج الا من موظف هذا للاسف الشديد زواج مصلحه

اما البنت المتدينه فللاسف ان الشباب ماعرفو قيمتها الى الان

[ابورشا]

هلاوالله وغلا..بـ رهف
مشكور على كلماتك اللطيفه..
انا اوافقك الرأي ان المستوى المادي يحدد حاجة البنت للوظيفه ..ويختلف بإختلاف مستواها او مصدر رزقها..
ولكن تبقى الأهم ..
وهو تحديد الوجهه الوظيفيه ..بعض البنات مثلا تقول يامدرسه يالا..ولو حاولت تقنعها ان البنك مثلا يعتبر مثل المدرسه من ناحية انه مغلق..ماتقتنع..انا سؤالي هل ان فلانه (مدرسه ) اصبحت للبعض تقريبا تسمى بالموضه؟؟
ومشكور على لطفك وذقك بالمشاركه بالموضوع..

[ابورشا]

حبيب الب البي..
الغالي جداااااا الولاني:asno: ( ترى هذي صورته الحقيقيه )
والله يالغالي ردك اعتبره موضوع كامل متكامل من حيث الطرح او من حيث التعليق..
انا اوافقك ان المجتمع يمر بمراحل وانقسامات اجتماعيه جذريه لايمكن لأي احد الا ان يحاول ان يتكيف معها..
ومن هنا تفرض عليك المتطلبات الحياتيه ان تبحث عن المجهول..ومنها مايعتبر بالنسبه للبنت الوظيفه..ولكن
ارى ان بعض اقول البعض من البنات واللي ميسرالله عليها وعلى زوجها تلاحق الوظيفه ولو كانت بعيده او لايواجه راتبها..وبالتالي تحرم البنات اللي تتمنى انها تحصل على وظيفه ولو كانت في تورابورا..
اما من ناحية الشباب ماخلاني اكتب الموضوع او يتبادر الىذهني المتواضع عنوان الموضوع الا بعد مجالستي لشخص يعتقد بأني لااستطيع الإستغناء عنه ( آكل بنفسه مقلب ) ويعتقد اني لااستغني عنه..وتطرقنا للموضوع ومن ماشدني انه يتباهى انه كان شارط على اهله انها تكون موظفه..ولايهم اي عيب او ميزه اخرى..وبعد حب الخشوم والواسطات قدروا اهله يقنعونه بوحده جالسه تطبق بمدرسه يعني تبي تتخرج...واللي زاد من قناعته بالبنت ان ابوها ( هامور ) بتعليم البنات ..يعني متعينه متعينه..وبالرياض ويمكن بجنب بيتهم يبنون مدرسه عشانها..
لم اتصور ان فيه نوعيه من شبابنا متخلف لهذه الدرجه من السخف والسذج العقلي والتفكير الرعن..
ويبقى سؤالي الأوحد باي نظره سيعيش معها.....ولو هي كانت عارف بمتطباته وشروطه قبل الزواج..كيف ستنظر له؟؟
ويخليك ربي حبيب البي على ذوقك ولطف يالغالي ولاتنسى صورتك:asno:
:guns: ...............هذا انا

[ابورشا]

حبيب البي..
الغالي ابو الذهب..
تسلم على لطفك ومشاعرك الحلوه..
ولوان شكلك معصب وزعلان ..
والله كل كلامك على عيني وعلى راسي من فوق..
والله اعتقد ان البنت اذا قدرت تتوظف وبدون انها تاخذ حق غيرها بالواسطات وغيره..فوالله المفروض انها تستمر..لأن البنت عندنا هي اللي مفروض انها تواصل اطلاعها وبكرا راح تصير مسؤله عن جيل بحاله تطوره ...
ومثل ماتفضلت انا ماقهرني الا الشاب اللي يبحث عن الموظفه وهو لاينقصه شيء لامن حيث الوظيفه او الدخل..
ومشكور على ذوقك ويخليك ربي حبيب البي..
انا اتوقع يوم تكتب الموضوع كانت هذي صورتك:lkj: ( تراني امون)

[عنود الصيد]

السلام عليكم ,

هل هي ضروريه جدا للبنت..؟؟
نعم .. ضرورية للبنت بنسبة 90% .. وضرورية للمتزوجة بنسبة 40% ... تقريبا في أفضل ظروفهم :req:

وهل بالضروره ان البنت تتوظف مدرسه وبس؟؟
نعم .. أهم شيء في سلك التعليم , معلمة أو مراقبة او كاتبة او موجهة , أو ان شاءالله فرّاشة ( يعني مستخدمة ) و الشغلة الاخيرة للي تحدهم الظروف طبعا :)
أما المجالات الثانية مثل المستشفيات , ففيه اختلاط ولا أؤيده .. أما البنك ( ما اشتغلوا فيه اخواني , بيخلوني اشتغل فيه :N: ) لانه باختصار فيه شكوك حول نزاهة أموالهم :rolleyes: والشخص يبتعد عن هالشيء قدر المستطاع :)
ولو توفرت فهي عددها قليل جدا ومحدود ..

ولو كنتي انتي يالبنت ماقدرتي تتوظفين بوظيفة مدرسه؟؟ هل راح توافقين على مكان ثاني مثل مستشفى او بنك؟؟
لا أعتقد :rolleyes:



:N: :N: :N: :N: :N: ويالله سلام .. باروح أنام :o



ومشكور على الموضوع .. تـحـيــاتـي ,

[ابورشا]

هلا والله وغلا بالمشاكل كلها..
هلا والله بالعصبيات كلهن..:q:
اسفرت وانورت والله..
على العموم وانا اخوك بالنسبه
نعم .. ضرورية للبنت بنسبة 90% .. وضرورية للمتزوجة بنسبة 40% ... تقريبا في أفضل ظروفهم

ممكن توضحين لي لي ضروريه ...للبنت
واعتقد اذا كانت ضروريه جدا للبنت بغض النظر عن وضعها المالي...فانا اشوف انها تزيد اهميتها للمتزوجه اكثر من الغير متزوجه..


من ناحية نوع الوظيفه هل هي تعليميه او غيرها من الخدمات..
فالبنك بغض النظر عن الدخل المادي ..ولم نتطرق له لأننا نبحث عن الوضعيه يعني داخل العمل..من حيث انه نسائي 100%..
اما المستشفيات ففيه اقسام نسائيه بحته مثل الإداره الداخليه او مثل الصيدليه النسائيه وغيره..
وبعدين اخر اجابه ..افهم منها انك تؤيدين المدرسه او الظيفه التعليميه فقط..
ومشكور على لطفك ومشاركتك الحلوه واللي ماتخلا عن المشاكل طبعا:D
ويخليك ربي :N: إلك

[العرين]

والله يا بو رشا موضوع مهم

لكن اعتقد ان الوظفية في الاخير قرار راجع للزوج او لاهل البنت اذا لم تكن متزوجة

ولكن القهر اذا اكملت البنت دراستها الجامعية ومن ثم تواجدت لها الوظيفة المناسبة وفي المكان المناسب ولكنها تصطدم برفض الزوج فيا حسرت سنين التعب

وشكرا

[ابورشا]

حبيب البي..
هلا والله وغلا..
اسفرت وانورت بأاهل الخبر..
كلامك منطقي جدا..
ولكن مااعتقد بصراحه ان فيه شخص انه يرفض ان زوجته تعمل..سواءً من منظور مالي او من منظورتطويري..
فالبنت حتى بإختلاطها بالجامعه مع طبقات آخرى من البنات فيهم الصالح وغيره..الا انني ارى ان اختلاطها العملي يكون اكثر نضج..هذا شيء..
والآن نعود الى اصطدام البنت برأي زوجها واللي يمكن يكون متعصب اومتحمحق..وهو رفضه للوظيفه..
فلااعتقد ان فيه رجل يرفض ان زوجته تعمل الا بسب ظرف خارج عن الإراده وغير قابل للتصريف..
والبنت اللي تشوف انه حرام تضيع سنوات دراستها وتصدم بقرار اجوف...فاانا ارى الحق معها كاملاحتى لو فرطت بالزوج مقابل الوظيفه...( هذا من وجهة نظري )..
ويخليك ربي حبيب البي..:love: إلك

[الاســـطــــوره]

هلا وغلا بابورشا :) وش هالمواضيع النقاشيه الحلوه :yes:

بالنسبه لعمل المراه ومدى اهميته فاسمح لي بهاذي المداخله , وسوف اسرد لك الموضوع من جهه مختلفه بين امراه امس وامراه اليوم ,,

* امراه امس كانت تتصف بالبساطه كما هي الحياه سابقا , وكانت تهىء نفسها فقط للزواج والاطفال وكيفيه اسعاد الزوج والاهتمام باطفالها (( يعني كان بيتها كل حياتها )) ,,,

ولم تكن تحتاج للعمل كون الرجل يصرف على البيت ويكفي التزاماته الاساسيه (( ولم يكن هناك ملتزمات ثانويه او بمعنى اخر ترفيهيه )) فضلا على ان الامور الاقتصاديه او الماليه " المعيشيه " كانت افضل مما هي عليه (( الان )) ,,,

* اما امراه اليوم فهي امراه متطلبه وتريد ان تواكب جميع متطلبات المجتمع (( والتي قد تكون شكليه لافائده منها )) فهي تريد بيتا من جميع التجهيزات وسياره خاصه بسائقها , وفي اولى سنه زواج تجدها تلمح بشغاله " حتى لو كانت جالسه في البيت " وتتحجج بحجم البيت وعدم استطاعتها تغطيه اعباء المنزل والغسل والطبخ " الخ " فتطالب بشغاله ومع الوقت تصير الشغاله شغالتين :angel:

هذا طبعا بخلاف اللبس والحاجه الى الخروج الى المتنزهات او الشاليهات وادوات الرفاهيه في البيت من كل شىء ,,,

فمن هذا التحول بين امراه امس الى امراه اليوم نجد ان الاعباء زادت والمصاريف كثرت , ومع هذه الزياده او هذه المتطلبات اصبحنا نعيش (( في نفس الوقت )) في ظروف اقتصاديه مترديه " وكل شىء اصبح غالي " من لبس واتصالات حتى السياره فإذا كانت سيارتك غاليه او من شركه اووكاله معروفه فإبشر " بالاسعار النار " :cry: حتى لو كان الخلل بسيط !!!

فالرجل الان يشعر أنه بالكاد يستطيع ان يتحمل اعباءه ويتحمل ويتنازل عن الكثير من اجل اعباء الاسره , ولكن مع الوقت تطالبه المراه بالكثير من المتطلبات حتى يوفرها لها مما يجعله يقدم كل مالديه (( هذا حتى الان بدون اطفال )) وعند وجود الاطفال فسيضطر لعمل ميزانيه للبسهم ودراستهم واكلهم وشربهم , ومع هذا تكون متطلبات الزوجه او متطلبات الاسره بشكل عام تزداد ايضا بشكل مخيف ويثقل كاهل الرجل ,,,

لذلك وغالبيه الشباب المقبل على الزواج يريد امراه عامله , حتى تساعده بتحمل اعباء الاسره , فالبعض لايريد ان تساعده الزوجه " من راتبها " بالبيت او مصاريف الاطفال بل يريدها على الاقل ان تكفي نفسها وحاجتها من مصاريف في نظره انها لاتنتهي في ظل تواجد التطورات في المجتمع والمتطلبات التي تظهر بين فتره واخرى :noo:

لذلك تجد الرجل يطالب بزوجه عامله " لانه يعلم ان امراه اليوم لن ترضى بالقليل بل بالكثير " فهي لاتريد ان تشعر بالنقص من بقيه اخواتها او زميلاتها ,,,,

وصدقني ياابورشا لو هناك شاب شعر بإن المراه كل مايهمها هو الستر والزواج والاهتمام فقط بالامور الاساسيه في الحايه فصدقني لن يهتم بكونها عامله او غير عامله ,,,

* اما بالنسبه هل للبنت ان تتوظف كمدرسه ؟

فالبنسبه في مجتمعنا وبالذات " النجدي " نعم لايسمح لها سوى بالعمل في سلك التعليم كونه لايوجد اى اختلاط كالمستشفى او البنك ,,,

ولكن هذا لايمنع من وجود بنات سعوديات يعملن في المستشفى او البنك ويتقدم لهن شباب طلبا للزواج فالبعض لايكون عنده مانع من عملها :rolleyes: والبعض الاخر يطالب او يشترط انها تترك عملها لكونه لايرضيه ,,,

بمعنى ليس كل الشباب يشترط انها موظفه (( والا هذا شباب توه مايدري وش بيجيه من متطلبات في المستقبل )) :angel:

اما كونها موضه من عدمها فلا اعقد ياغالي انها اصبحت موضه ولكنها اصبحت مجال منافسه لكونه المجال الاكثر المفتوح لهن


خلاصه القول (( ماكان من زمان )) :angel: ان غالبيه الشباب لايريدها موظفه الا لان الحاله المعيشيه في هذا الوقت اصبحت صعبه وبعض " البنات " الله يهديهن لايعلمن صعوبه هذا الوضع حاليا على بعض الشباب الغير قادر على الالتزام بكل متطلبات الزوجه (( الترفيهيه )) وليست الاساسيه فيطالبون بالكثير والكثير غير مدركات ان المعيشيه صعبه هذا فضلا على ان الشاب يكون في اول الطريق واثبات وجوده في هذاالعالم , مما يجعله بالتالي يريد الزواج من انسانه عامله " تكفي نفسها ومصاريفها على الاقل " مما يتيح له على الاهتمام بمصاريفه ومصاريفه بيته واطفاله ,,,

وشىء طبيعي اذا كانت موظفه فإنه يريد ان تكون وظيفتها في نفس المدينه والا ستكون المصاريف مضاعفه لانهما يسكنان في مكانين مختلفين بكل مصاريفه , هذا فضلا انه سيضع اعتبار الى الاطفال الذين سوف يعانون الامرين من فراق احد الابوين :jhgy: هذا غير اننا ياابورشا " اننا بنرجع للشحططه بين التفتيش ووش عندك تدور هنا " :hgfd: وتنقهر انت من البنات وتقولي ماقلت لكم في موضوعي (( ياحظ البنات )) :angel:


هذا رايي المتواضع ياابورشا في هذه القضيه والله يسلمك لنا كثر لنا من مواضيع النقاش المفيده " والتي تخلينا نفضفض " :sher:


تحياتي لك ياغالي ,,,

[ابورشا]

حبيب الب البي..
اخوي الغالي إسطورة المنتدى الهلالي..
انا معك بكل اللي قلته من ناحية مرأة اليوم ومرأة الأمس وعلى جميع المستويات..والتي تفضلت وذكرت ان بنات الأمس يتميزون بالبساطه..وبنات اليوم يتميزون باالإكسسوارات..
وللكن تظل هنا مشكلة التحرر لدى المرأة والتي يكون عامودها الفقري منصب على اساسيات التربيه ..من حيث ان التعليمات الصارمه التي تتلقاها بنات الإمس تدور حول خدمة الزوج والإهتمام بالبيت والأبناء..اما الان فلا اعتقد ان للأم دور ي ادارة بنتها
من حيث الحياه الزوجيه..
اما من ناحية البحث عن موظفه فانا معك من ناحية المشاركه بالمستلزمات الحياتيه وغيرها..ولكن ممكن ان هناك ضعاف انفس من الزوجات كما هو الحال بالنسبه للرجال..بحيث ان البنت ترى نها هي الآمر الناهي والمتصرفه ...إسوتاً بمايقوم به الرجل بالمنزل..ومن باب ( مفيش حد احسن من حد )..
ومن وجهة نظري ارى ان التنوع في الدخول بالمجالات العمليه تكون اكثر فائده للبنت لأنها بحاجه ماسه جدا للإختلاط مع بنات اكثر حيويه ونضجاً ..
ويخليك ربي على ردك اللي اعتبره موضوع بحد ذاته..
انت كذا:yes:

[العرين]

يا مرحبا بابو رشا

طيب انا معاك لكن رفض الزوج الوظيفة خوفا منه على الاولاد

بتقولي يجيبون خادمة

لكنها بتكون محل شك الزوج وانا اعرف حالات واجد من هالنوع :confused: :confused: :confused: :confused: :confused: :confused:

[ابراهيم النجيدي]

اهلين ابو رشا :sher: ,,,

شف طال عمرك وعلشان لا تتهمني بإتهامات مهيب صحيحه راح أتكلم بهالموضوع بإختصار وبروقان :rolleyes: ,,,

انت تقول إن الوظيفه مهيب من الأساسيات اللي ياخذ فيها الرجل شريكة حياته وقلت إن المتطلبات الأساسيه هي الدين والجمال و ... طيب الـ .... هي حسبها ومالها كما ذكر الرسول صلى الله عليه وسلم والوظيفه براتبها تدخل بشكل أو بآخر تحت بند " المال " بحكم وجود راتب شهري مستمر يساعده في متطلبات الحياه أو على الأقل تشيل عنه مصاريفها " القليله " :rolleyes: ,,,

قلت إن عقلية بعض الناس متخلفه ومتحجره بخصوص العمل في المستشفيات , وأعتقد أن السبب الرئيسي لهذي النظره هي البنت المشتغله بهذا القطاع وبسلوكيات البعض منهم البعيده عن تقاليدنا " الأصيله " بالإضافه إلى بعض قوانين المستشفيات التي تحتم السفور للبنت المشتغله بهذا القطاع وكما ذكر الأولاني , وفي آخر السلسله يكون السبب فيه لبعض العقليات اللي ذكرتها وهي ماهي مقياس بلا شك ينطبق على جميع البنات ,,,

وزي مافيه رجال يرغبون بالبنت المتوظفه , هناك نوع آخر لا يفضل أن تكون البنت منشغله عنه وعن بيتها .... وهذا ينفع للبنت اللي ماعندها واسطه :D ,,,

تحياتي لك حبيب ألبي ,,,

[ابورشا]

حبيب البي..
هلا والله وغلا..
اسفرت وانورت والله..
انا الله يهديك مااقول انها مش من الأساسيات..ان ذكرت ان بعض الشباب يعتبرها ميزه اساسيه جدا بإختيارالزوجه..ويصر على هذا الشرط بالذات..وابتعد عن كل ماوصى به الرسول الكريم عليه افضل الصلاة والتسليم..
اما من ناحية العقليه المتحجره فالسبب اعتقد انه مننا من الشباب نفسه...وهو انه يحاول انه يحاول انه يبقق عيونه:yuupy:
على اي وحده بالمستشفى ..ويكون نصب تفكيره على انهن سبق ان درسن بكلية الطب او المعاهد الصحيه والتي :yuupy: وجب الإختلاط بين الذكور والإناث..ومن المنطلق هذا يرون انهن ينتظرننا وليس لهن اي مانع لتقديم الأسواء..
وكله كوم وانا اخوك والبنت السنعه اللي نفتقدها بالأيام هذي...وحتى لو اخذت جراحه تغيب بالأيام عنك ولكنها مخلصه ومهتمه جدا بك وبإطفالك..صدقني ماراح تواجه اي مشاكل..
ويخليك ربي حبيب الب البي:love: إلك