مواقف في البدايات : أول مابديت أسوق السيارة . . . . .

[asdfgh]

السلام عليكم يا أحباب

نبغى كل واحد من أعضاء المنتدى يروي لنا موقف مضحك أو محرج في بداية ( سواقة السيارة . . أول يوم زواج أو أول مرة يشوف ويجلس مع الزوجة / الزوج . . أول مرة تطبخين . . أول يوم في الوظيفة . . . . إلخ ) .

وما هو شرط أول يوم ، ولكن في البداية دائماً تصير مواقف رهيبة ما تنسى أبداً .


ًً=================================================

وأبدا فيكم بهالموقف :

في بداية سواقتي للسيارة كان عندنا مازدا أتعلم عليها السواقة . . طلعت في يوم حوالي الساعة 11 الصبح ابروح لسكن الجامعة أعزم قريب لي على الغداء ( كنت في أولى ثانوي ) وكان ذاك اليوم مافيه دراسة ( والوالد الله يرحمه في الدوام هو واخوي الكبير ) والوالدة الله يمتعها بالصحة والعافية على نياتها ( ياحليل امهاتنا . . مهوب مثل امهات اليوم الله من القشارة ) أقول الوالدة ما تدري إني أبطلع بالسيارة . . المهم وأشخص أنا واخوي اللي أصغر مني في السيارة ونمر البقالة وناخذلك 2 عصير سن توب وبريالين فصفص ( لزوم البسطة ) الله من زين الطبايع هالحين توي بادي السواقة يعني مدري وش السالفة ، لا وعصير وفصفص ( ياشيخ شف دربك انت ووجهك ) ، المهم ونطلع على شارع الستين ( صلاح الدين حالياً ) والله وكيلك شارع الستين وقبل الظهر يعني قمة الزحمة ، و الحبيب هو واخوه عصير وتقشيم وفللت حجاج . . بس طلعت لنا مشكلة بسيطة وين نحط القشام " ما ودنا نوسخ السيارة لان تنظيفها بعد الحب مصيبه " وش الحل ياولد وش الحل ياولد . . وألتفت على أخوي وأرفع كيس الفصفص وأقوله خذ منديل من العلبه وحطه تحت التعشيق قال كيف قلت هنا في المنطقة هذي ( كل هذا وأنا أسوق والسيارة تمشي وسط عز الزحمة .. طبعاً كل هالوقت أنا ملتفت وما جبت خبر الشارع والسيارات ) طبعاً ما يبغالها في عز الحوار الأخوي حول أهم القضايا الفصفصية والحلول القشامية . . إلا دب في الونيت اللي قدامنا . . هاه وش صار وش الموضوع . . ما عاد فيها لحمنا في اللي قدامنا وصدمة حلوه يحبها قلبكم .

ما اطول عليكم صار في الونيت عمال ومصريين يعني مافيه أمل للتفاهم .. إما المرور أو نروح لكفيلهم ...... طبعاً الكفيل أرحم . . وبالفعل توفقنا في رجال ونعم الله يجزاه خير سامحنا ونصحنا بلطف وقال روحوا الله يستر عليكم .

بالنسبة للوالد تولى موضوعه اخوي الكبير ولف الموضوع ومن بعدها فصفص في السيارة لا

[asdfgh]

وهذا موقف ثاني

بعد التخرج رحنا لمكتب التوظيف طبعاً زحمة مرة أمة محمد هناك ( واخوكم يتعتع في الكلام ) المهم مع الزحمة وتصريف الموظفين لنا دخلت أنا وزميلي على واحد منهم والا مكتبه مزحوم بالمره . . صبرنا شوي نبغى نخلص ما فيه أمل .. والحرارة واصله حدها سواء الموظفين او المراجعين .. وبسبب الإنتظار حوالي 4 ساعات قلت للموظف وأنا معصب يااااخخي خللللللللصونا حرررررام عليكم ( ياخي خلصونا حرام عليكم ) رد على وقال ياااااخي ححححنا ماااافي يييدييييينا ششششششئ ( ياخي حنا مافي يدينا شئ ) وأعصب زيادة وقلتله ياخي لا تتطنز ( لا تتمهزى ) هذي التعتعة من رب العالمين الله لا يبلاك ، إلا يرد على ويقول تراي مثلك ياخي ( يعني هو بعد يتعتتتتتعععععع ) أنا طاح وجهي ما أدري وش أقول .. كلت تبن وشلت وجهي وطلعت ولا كلمه ، خويي كعها ضحكه وطلع برى المبنى كله .. والشباب الباقين ما ودكم إلا تشوفون وجيههم وتعليقاتهم .

ومن بعدها كل ما جيت أراجع المكتب أطق اللثمه خجل من الرجال .

[مدرعـم]

هلا اخوي اسدفغ مدري ايش <<< ياااخي اسمك صعب علمني اشلون اكتبه بالعربي :D:D

والحمدالله عالسلاااامه اجل طحت في ايد المصاريه زين ما انصبوا عليك :D:D

عالعموم انا عندي موقف باااايخ زيي وحاااب اقوله :angel: ..

هذا يوم انا كنت مراهق مدري ليه قلت مراهق بس كان وقتها الحارش والمارش عندي صاااف طبلونه ومرتفعه عنده الحراره :D:D

المراد اني كنت ابغي اتعلم سواقة السيارة بسرعه .. احسب السواقه سهله مثل السيكل حقي بونسافه اللي مكتوب عليها من ورااا (( مسموحه زلتك يارمش العين :D ))

المهم سرقت المفاتيح .. واذكر ان ابوي كان حاطهن فوق النمليه وكنت منيب اطولهااا ..

وجبت كرتون فاضي عشان ارقى به لفوق ويوم رقيت عليه انخفس بي الكرتون ومسطت على خشتي وورمت براطمي صارت تسنها براطم عبدالله سليمان ...

ومع ذلك ماتبت وسرقت المفاتيح (rambo)..

اخذت الونيت وكان جديد مررررره ورحت اتمشى وكنت فى شارع بعيد عن البيوت يعني يمين ويسار تراب ..

وكان وراي ثلاث سيارات وفجاء قطع من قدامي بس ( يعني قطووو ),,

ومن الربكة مابي ادعسة مسكت بريك (فرامل) وتجي السيارة اللى وراي وتصدمني والسيارة اللى وراء تصدم السيارة اللى وراي والسياره الثالثة تلف عنا بسرعة وتنزل للتراب وتدعس البس ويموت :(:(

وانا من قوة الصدمة ضربت خشتي في الدركسون وصب دم وطلع فى راسي مليون نجمة وعيوني قامن يدورن فى وسط محور جفوني (( يلعن ابو اللغه يا شيخ :D ))

وكل ذاااا علشان مابي ادعس البس :jhgy:..

وينزلون لي راعين السيارت اللى صدموني ويسحبوني من السيارة ويهزؤوني تهزيء الله لايوركم قالوا لي كلاااام وصخ اول مررره اسمعه ..

مع اني مستغرب ليش هم يهزؤوني ومعصبين ..!!!

وهم بعد مستغربين ليش ضربت بريك وانا ما اقوى اتكلم لان فمى يصب دم واقوم وأشرلهم على البس ..

ومادريت الا حمقوا زيادة وواحد منهم من القهر قال اندعس البس اندعس اللى ضيعتنا على شانة ليتك كنت مكانة :D:D

تيب وانا وش يدريني ان السيارة الثالثة تبي تلف وتدعسه :jhgy:

@ فتذكرت بيت من الشعر يقول :

إذا لم تكن في كل الامور ذا عزيمة وحيله ..

فــما عــنــــدك مـــا عـــنــــــــد جـدتـــــي ..

<<------------------- صح لسان من قاله مع اني مدري وش يبي ؟؟؟

عاد جت الشرطة وانا ما افكر الا وش راح يسوي فينى ابوى ..

ويوم جاني فى التوقيف وعرف باللى صار قال للشرطة خلووووه عندكم اسبوع (( وش هالنذااالة(rambo) ))

المهم طلعني بعد تسذا ..

وتوبة ولو اشوف عشرين بس قدامي ابدعسهم حتى لو كانت وحدة فيهم بسة حامل ما ارحمها :D:D



دمت ظهراً ..


تشا11111وووووووو

[الطيرالهلالي]

السلام,,,

انا صار لي موقف صعب مره مره مره :kello: انواع الاحراج:kello:

كنت موقف سيارتي عند باب محل من المحلات وجاء وقف واحد جنبي زي سيارتي مره نفس اللون ...وانا كنت مخلي السياره مشغله امن وامن ....:D

المهم جيت طاير من المحل كأني ملحوق واركب سيارت الرجال احسبها سيارتي الا وذيك المره الي بوسط السياره واكبه جنب السواق..واناظر الا ورجلها واقف قدام السياره ..طبعاص عرفت اني خربت الدعوهو انزل من السياره واقول اسف ..واروح لم سيارتي وحطيت رجلي من قوة الاحراج:kello:

[TTT]

السلام عليكم....
أذكر أول ماتعلمت السواقه ... كنت فنان سبحان الله كذا من ربي موهبه ...
فمليت من الدوران بالشوارع قلت لازم أختبر مهارتي بالسواقه أكثر ....
ما في الا حل واحد اني ادخل حارة شعبية واتفنن بشوارعها الضيقه ....
دخلت أول شارع ...ثاني شارع... لاجديد والمح ذاك الزوق(ممرضيق) قلت مابقى الا هو واجي طاير وادخل.... اخر شيء اذكره اني قلطت بسيارتي في مجلس سوادنه يكشنون قورو(ثمرة نبات افريقي).... ونشبت السيارة بجدارهم عجزت اطلعها... يالله بعد سبعين تعشيقه طلعتها وسط ذهول التكارين....
ومن بعدها صرت ما اسوق الا بشارع رئيسي حتى خط الخدمه ما اعتب عليه......
تحياتي....

[الاســـطــــوره]

هلا وغلا (( asdfgh )) ,,,

بالنسبه لمواقف الزواج فما فيه موقف نظرا لاني توني صغينون على العرس :kello:

اتذكر فيه ناس عندنا حريك جايين للوالده وكنت وقتها استعمل الجوال واكلم متحمس وخذ استهبال وتريقه وتقليد اصوات لنبرات شباب وانا مدري ان فيه حريم عندنا (( لاننا فصلنا مجلس النساء وكان صعب اشوف ان فيه احد )) ونسيت نفسي وخذ هستره شوي , والا احس فيه عيون تراقب وضحك والتفت واشوف الناس تضحك علي وعلى كلامي وتقليدي وكل اللي قتله اتسجل عندهم :zael: كنت اتمنى ماسمعوا (( تقليدي بالذات لصوت واحد من الشباب )) ولكن عرفت ان السالفه انفضحت لما جت امي وهي تضحك وتقول من (( فلان اللي تقلده كذا ؟ وهل صوته صدق كذا )) عرفته وقتها ان العشاء انكب كب مهوب طبيعي :angel:

وكل مره تقول امي ان هالعائله الفلانيه اللي بتزورنا وانا اتذكر اللي سمعوه مني واتمنى مايشوفوني لو بالصدفه (( لاني قطعت قطعت تقطيع في الرجال لدرجه اني ضحكت على نفسي )) :D

[شابع بطولات]

هلا والله اخوي (( asdfgh )) :noo:

الله يسلمك انا صار لي موقف مستحيل انساه :(

فيه واحد من اخواني (( شرّي )) من وعيت على الدنيا وانا اشوفه ينافخ ويزاعق :D بس الحمدلله يوم تزوج عقل :qw: اقولكم الزبده مره من المراريت وانا تقريبا في ثالث متوسط سرقت السياره وشافني وهاوشني وقالي قسم بالله لو اشوفك ماخذها لا افقع وجهك :cry:

المهم محاتسيك موب عنيد ابد ،، شفته وهو لابس لبس المطار وبيروح للدوام .. قلت حلو اذا راح يمديني اسرقها :D المهم شفته ركب سيارته وراح جيت انا وبكل ثقه سرقت المفتاح واشغل السياره واجلس ادور طبعا بعيد عن البيت لا يشوفني احد ،، ويوم طيحت اللي براسي رجعت للبيت وهذاني ابوقف السياره عند البيت ما ادري الا اخوي موقف وراي :( مدري وش رجعه هو ووجهه :cry: عاد بعدها مزح معي مزح خفيف لا تحسبون انه طقني او سوا لي شي :ignor:

وانا الى يومك وانا اذكره فيها وقايله اني راح اردها له في احد عياله :D:D:D <=== الى اللحين في قلبه ما نساها :cry:




سلالالالالالالالالالالالالام :noo:

[CuTe(^_^)GiRl]

انااااااااااااااااااا صاري موقف يوم كنت برابع طبعا
مره من المراريت كنا عند خالي بالشرقيه وتهاوشت انا واخوي الي بعدي بسنه
وطفشنا امي عاد هم كانو ناوين يطلعون للبححر مدري لحديقه المهم
امي عقابا لنا حرمتنا الروحه وجلسنا بالبيت بنت خالي كانت كبري جلست معي لاني ما تبي تروح وتخليني المهم هم طلعن العشا وجت الساعه 8 وجت 11 وكل شوي نقول بيرجعون ياخذونا لانها دايم كذا امي اذا هبلنا بها تتركنا ساعه وبعدين ترجع تاخذنا لاكن هالمره غير من كثر ما هبلنابها تركونا لين الفجر بالبيت المهم حنا انقهرنا وجلسنا انا واخوي وبنت خالي نفكر بخطه ننتقم منهم ليه يخلون بالبيت (طبعا نسيت اقولكم اني انا واخوي سوينا صحيب يعني تراضينا بعد الحجره بالبيت ) المهم عاد تعرفون افكار البزارين انا كنت برابع واخوي وبنت خالي بثالث عاد بعد تفكير قال اخوي وبنت خالي خلونا ننحاش من البيت هههههههههه
عاد انا بما اني الكبيره عييت (كنت خوافه وبنفس الوقت عندي نزعة الانتقام) قلت لو انحشنا وين نروح قلت لهم عندي فكره وش رايكم نسوي نفسنا انحشنا بس ما ننحاش قالو شلون قمت طلعت ملابسي وملابس اخوي وبنت خالي بعد اخذت ملابس من دولابها وحطتها معنا يقالنا الحين بننحاش المهم وين تتوقعون رحنا












طبعا ما فيه غيره السطح
يوم سمعنا فتحت الباب ونرقى للسطح ونروح فوق سطح الخزان ونتوزى ويجون اهلي وينهبلون مالقو احد عاد امي تعرفنا انا واخوي متهورين (لنا سوابق) وبنت خالي مع الخيل ياشقرى
عاد وحنا نناظر من فوق سطح الخزان مبسوطين الي يركض بالحوش والي يدور بالشارع وامي انهبلت تحسب جانا شي ونخليهم لين الصبح الساعه 10 عاد طقتنا الشمس غصب نزلنا
ونطلع لهم يقالنا ادبناهم منتصرين بس
وهم شافونا ولا ماشافونا
وعينك ما تشوف النور والله ياهو طق انطقيناه ياهي كم خيزرانه جتنا وطبعا انا اكثرهم بما اني الكبيره لا وصارت حركة خيانه تبرو مني قالو انا غاصبتهم وانحجرنا باقي ثلاث ايام كل واحد بغرفه لين ما رجعنا للرياض
ومن بعدها حرمت اسوي فيها فاندام

[سلطان المرزوقي]

هههههههههههههههههههههههه



ياناااس وربي من اول قايل مهي بصاااااحيه

هههههههههههههههههههههههههههه

[CuTe(^_^)GiRl]

هههههههههههههههههههههههه



ياناااس وربي من اول قايل مهي بصاااااحيه

هههههههههههههههههههههههههههه



لا ونسيت اقولك اني كنت حافيه بعد ويوم جيت ارقى للخزان زلقت وانشقت بجامتي الجديده:mad: ماتهنيت فيها