تبون فضايح ولد النجيدي في العصر الجاهلي للمنتدى من مبطي ؟ تعالوا

[الحبحر الحار الهلالي]

مساكم الله بالخيرات والله يرزق كل واحد منكم عشر تريلات كل وحدة محملة 200 راس من الغنم . المهم مااطول عليكم انا ابعطيكم فضايح ولد النجيدي(ابوقفل) هذا اسمه منول بالمنتدى اللي يشتهر به اما هالحين مدري وش اسمه الجديد بس اكيد انه تمدن وتطور وتحضر مع الحضارة جعله انشالله يغرق بغضارة وابعلمكم عن فضايح سـ 9 ـامـ 9 ــي اللي هو ولد المرزوقي اللي من خبري به وهو مطفوقي والكذبة عنده ماتعوقي حتى مسمينه منول ابو الارانب يحلفون انه حاطن عشة للارانب بغمارة الددسن الورانية من كثر الارانب اللي عنده :kayf::kayf::kayf: <------ من هالنوعية وانت رايح لكن ابشروا بالفضايح والعلوم السنعة واللي تخليكم تسفهلون شهرين وثلاثطعش يوم وثمان ساعات ودقيتين وسبعطعش ثانية على علومهم الداجة اللي مثل وجيههم
هذا سلمكم الله ولد النجيدي اول ماجاء للمنتدى كان دبشة ثور الله ببرسيمه يدرعم بدميجته مايدي وين هو رايح مثل الصول حق الكيرم كل شوي يشوتونه لمنتدى لين طاح بالمجلس العام وطاح بكبودنا وعلمناه السنع والذرابة لين غدى اشوا شوي من منول بس تعرفون الدباشة الطفاقة اااااخذتن حقة منه وزود بعد
اما ولد المرزوقي وما ادراك ماولد المرزوقي جاي من تربة هاكالحين وثوبه من الشياب امهات صفطة بالكم فوق الكوع:p:p واللي يشوفه يقول هذا جاي يشحذ الضعيف حتى اذكر ان JAJ الله يذكره بالخير اخذ خيشة وملاها من الجزر والبطاطس وحنا المشاط اللي كنا زارعينه بحديقة المنتدى وعطاه اياه يحسبه شحاذ (متسول يعني للناس اللي متمدنين مرةولايعرفون معنى شحاذ) المهم يوم عطاه اياه زعل ولد المرزوقي قال لا انا جاي ابي اصير عضو معكم قام عليه ولد النجيدي عاد هاكلوقت كان ولد النجيدي قد تطور شوي وصار يلبس نعال الله يكرمكم بدال مهوب يمشي حفيان بس وشو عقبه عقب ماصارت مواطي رجليه تقول عكرة ضب لاعبتن بها السموم والقشعان من المشي حفيان المهم قام عليه ولد النجيدي على باله يبي يتوسط له عندنا بالمنتدى قال هذا اعرفه صديقي كنت انا وياه مبطي نروح نصيد حمام بالنباط على بالهم طيور بر هههههههه:jhgy::jhgy: المهم توسط له النجيدي وقبلوه عضو ومن ثالث يوم والارانب حقته قاضيتن على الحديقة كلها صارت مثل نفود الدهنا عقب هاكلخضرة والطبيعة اللي لاشفتها قبل يجي ولد المرزوقي تحلف انها من عجايب الدنيا من زينتها وخضارها وتنسيقها بس ولد النجيدي نكبنا بخويه ولد المرزوقي وعفسوا ام الحديقة .

وانشالله باكر اعطيكم فضيحة ثانية من فضايحهم وسلامتكم وشكرا لكل من رحب بعوتي بس ماشفت ولد النجيدي وولد المرزوقي رحبوا بي يوم رجعت لكن هين انا عارف جتهم ام الركب ولايدرون وش يسوون وتلقاهم من الخبة والذراقة راحو لمنتديات غير منتديات شبكة الهلال يرحبون بي من الروعة والخبة لكن هين هين يولد النجيدي انت ورفيقك المشرف الثاني ولد المرزوقي سنعكم عندي وانا حبحور مقطوع البحور

اخوكم : حبحور مقطع البحور ومذوب البنات الحور وحامي الضبان بالجحور
من عانده مقهور ومن خاواه مسرووووووور وسلامتكم

[الشاطر]

هلا والله بالحبحر الحار الهلالي

وش هالفضايح المستخبيه:Dشكلنا ماراح نشوفهم بعد هالموضوع:p

عموما انتبه للقصف الي بيجييك اتوقع يكون جو ارض(rambo)

علي فكره اسلوبك ماضنه غريبه علي:req:انشاء الله خير

سلام:)

[خسران ياالعالمي....]

اجل سذاااااااااااااا ولد النجيدي ما كان يعرف شي
اهاه مير الى الحين ما يعرف شي ما غير القفل وبس
تحياااااتي .......
خسران ياالعالمي

[ابراهيم النجيدي]

الله يعميك أعميتنا !! ,,,

توني مرحب بك ولا أمدى حبر ردي يجف بموضوعك !! ,,,

وبعدين مابقى إلا أنت يالصتيمه تعلمن الذرابه يالدردغانه ,,,

لكن ماعليه ... إكرام الضيف ثلاث أيام وبعدها نعرف شغلنا معك :cool: ,,,

<=== يصرف :rolleyes: ,,,

سفر أعرس " الله لايوريك مكروه في عزيز وغالي " ولاهوب فاضيلك أنت وشخاميطك يالهدر ,,,

إنقلع (himo) ,,,

[الاســـطــــوره]

هيمو جهز البازوكه اللي مجهزينها لوقت ازمه في دولاب غرفه الاداره (himo)

الظاهر ان الحبحر وده ينتهي وينتحر مثل ماانتحر بعض العالم في مجمع غرناطه :D

اقول حبحور وش علاقتك باللي فجروا المجمع خاصه انك ماظهرت الا بعد هالحادثه (( والا تبي تخلينا حجه غياب ياذهين )) :fghty:


هذا سلمكم الله ولد النجيدي اول ماجاء للمنتدى كان دبشة ثور الله ببرسيمه يدرعم بدميجته مايدي وين هو رايح مثل الصول حق الكيرم كل شوي يشوتونه لمنتدى لين طاح بالمجلس العام وطاح بكبودنا وعلمناه السنع والذرابة لين غدى اشوا شوي من منول بس تعرفون الدباشة الطفاقة اااااخذتن حقة منه وزود بعد

لا لا لا ياهيمو هاذي قويه يبي لك تتصرف معه زين , مابعد تاب من طق العجره هالداج (himo)

<===== ابد مايبي يشببها ابدا هالمسكين (rambo)

وانا حبحور مقطوع البحور
ماعاد صار حبحر صار حوت :D (( حبحر الظاهر للان عايش في مركب )) :D

هيمو وش اكرام الضيف 3 ايام , للان انت حبيب , ماش ماعاد انت ابراهيم اللي اعرفه الشري واللي يتمردغ فيهم تمردغ (rambo)

هذا طال عمرك هيمو تمسكه وتقعد تدور فيه الحين وعلى طول من جدار لجدار خله (( يتفغص )) ونخلله عندنا في الثلاجه :angel:

شفت الدنيا حبحر سفر تزوج , وبيجب لنا (( ارانب صغيره )) تملى لنا المنتدى ارانب وتقعد تقرض في مواضيكم موضوع موضوع ورد رد :fghty:

[ابراهيم النجيدي]

الله يهديك ياسر ,,,

الحين الرجال معطينه ثلاث أيام يفرح بها شوي , وأنت تبينا نشب عليه من أولها , خله يفرح له كم يوم وبعدين نتفاهم (rambo) ,,,

وأنت الصادق ياسر هذا مهوب حوت , لكنه حبحر " بلاستيك " يطفو على سطح الما , وعلشان كذا تشوفه لايهش ولاينش :fghty: ,,,

تحياتي ,,,

[جـــلال]

8
8
8
8
ياخي يوم قاموا المشرفين يردون على بعضهم حسيت ان الحبحر ملعون والدين (rambo)
-------> تراها مدحه ;) :D:D

وبعدين شوفوا الاقتباسات اللي اسفل تدل على ان الرجال لاعب في حسبة ابراهيم وياسر لعب مهوب صاحي,, خخخخخخخخخخخ:D:D

توني مرحب بك ولا أمدى حبر ردي يجف بموضوعك !! ,,,
شفتوا كيف الخوووووف!!!!!:p:p
طبعاً ابو حمود يبي يرقعها قام قال:
وبعدين مابقى إلا أنت يالصتيمه تعلمن الذرابه يالدردغانه ,,,
ايه هين يالدب:rolleyes:


نجي للذهين ياسر:
هيمو جهز البازوكه اللي مجهزينها لوقت ازمه في دولاب غرفه الاداره
ههههههههههههههه الله يرجك ياياسر شكل الحبحر (كافش) عليك علوووووم;)
أجل مجهزينها لوقت (أزمه)!!!!!!(rambo)(rambo)
هع هع هع هع هع وقعت في يدينا ياراعي الجمهور:guns::fghty:


عاد يرجع ابراهيم وهو مفجوووووع يوم طلعت (ريحته) وفضايحه على يدين ابوالحباحر ويقول:
الله يهديك ياسر ,,,
ههههههههههههههه وههههههههههههههه وههههههههههههههه
قسم بالله كلمة الله يهديك حقت واحد ذروووووووق ههههههههههههه ياحليلك يابو حمود يالمذرقاني:D:D:D(rambo)(rambo)(rambo)
وأنت الصادق ياسر هذا مهوب حوت , لكنه حبحر " بلاستيك " يطفو على سطح الما , وعلشان كذا تشوفه لايهش ولاينش ,,,
مسكين الحبحر بعد هذي (الذبه) اللي فوق مدري كيف عاد يلقط وجهه!!!!!!:slv::slv:
ياخي فشلتنا اذا جيت تحش ثاني مره شاورني والا ارسل عالخاص :D:D(rambo)


بصراحه مدري شقول لكن اشد على يدي (القنبله) الحبحر واقول الله يقويك في دحر رموز الطغيان وبوادرك بوادر واحد مايشم الموت ابد:kany:-------> يبي يوهقه:D

تحياتي لك والله الله بذاك وذاك;)

[أخو دلال]

بيق سلام من أخو دلال..;)


أحتج.. أحتج.. أحتج.. الحين إنت يالنجيدي كلما شفت ناس قالبينها تشات جيت بالقفل وقفلت الموضوع..على بالك قوي.. طيب وش تسمي اللي قاعد تسويه الحين.. :slv::slv: تشات و تشات باصق بعد..والا علشان داج وتوتي وخسران ضعوف تنفخ عليهم و تسكر مواضيعهم :cry::cry: لكن إنت والأسطورة مشرفين ومن قدكم جالسين تسولفون..:slv::slv: أنا أحتج ولو أنا من داج و توتي وباقي الشلة لأقاطع المنتدى إلى يردون كرامتي..(himo) أنا عارف إنكم بتشوتوني عقب هالكلام برا المنتدى لكن عادي أهم شيء كرامة الانسان و عزة الواحد(himo)
هاه داج بشر عسى عجبتك ورديت لك كرامتك لأني عارف إنت شايل علي يوم إني شبيت فيك عقب ما قلبتوها شات أنت و توتي.. لكن اليوم انشاء الله إني أعجبتك..

بريفت لحبحر..

هلا فيك أولا.. ثانيا ترى أنا معك قلبا و قالبا وبطاطسا وحبحرا.. ونبي نمردغ في هالمشرفين الظلمة اللي يكيلون بمكيالين..:slv: و إن بغيت نفجر المنتدى بمن فيه ما عندي مانع ترا ولا شيء :sheto::sheto:

و بيق سلام من أخو دلال مرة ثانية..

[أنس]

يا اخو دلال خير ترا النجيدي مشرف يعني يسيوي اللي يسويه موهب حنا الضعااف المساكين ....

النجيدي : لا تنهى عن خلق وتاتي بمثله عار عليك اذا فعلت عظيم ..........

ويالحبحبر تراني معك بلي شي تقوله دام ان حربك ضد النجيدي فانا معك حبيب قلبي.......

[قرقو]

مرااااااااااااااااااااااااااااااااااااااحب

والله ياطلعت فضايحكم يالمشرفين:slv::slv:

المفروض الموضوع يتشفر عشان مايشوفونه الزوار وتفشلوننا:fghty:

النجيدي وسفر ماينشره عليهم(rambo) بس المشكله الاسطوره اللي فشلنا وطلع من شله ياسر واخوه سداح:D

الله يعينكم يالمشرفين من اول موضوع طاح ثلاث مشرفين اجل اذا بعد ا لموضوع السابع وش يبي يصير لكم<===== وهق الحبحر(rambo)

[أسيره الحرمان]

ههههههههههه
طلعت فضايحهم
ياشيخ المفروض سترت عليهم
ابشرك سفر تزوج وزوجته بدت تخليه يكشخ شوي
بس باقي دور النجيدي متى بيتزوج :req:

[أسيره الحرمان]

ههههههههههه
طلعت فضايحهم
ياشيخ المفروض سترت عليهم
ابشرك سفر تزوج وزوجته بدت تخليه يكشخ شوي
بس باقي دور النجيدي متى بيتزوج :req:

[captin]

اقول يا حبحر

ترا النجيدي شفته ماسك قلايه بيده قبل شوي و يسأل عنك

عدل اسلوبك

و الا تراه بيخلي وجهك مثل الريال الهلل

بس مكتوب عليه تيفال

:noo:

[بـحـر]

:kayf:

وراكم كلكم صايرين مهبل (rambo)

<<<----------------------- اعقل واحد فيهم :D


اخوى حبحوور ترى من يوم اعرس سفـر والمنتدى صايرن فوضى (himo)

حتى لو تروووح لمنتدى الجمهووووور بتلقى المواضيع قالبينها النجيدي وياسر شاااات وخروف :D

ترى الربع ما يخوفوووووووون مثل اول :sheto: تقدر تاخذ راحتك وتحش على كيفك :angel: <<<--------------- ما يبي يورطه مع احد :D

لكن اذا شفت كلمة عمكم ومهجدكم .. انتبه ترى الرجااال صايرن قوي ويخوف ومهوب على خبرك (himo)


تحذير:

<<<---------------------- يحذره من النجيدي :fghty:

مهلة الثلاثة ايام انتهت اليوم :eek: وجاك الموت ياتارك الصلاة. :eek:

تحياااتى

بااا :kany: اااى

[الطيرالهلالي]

السلام,,,

هلا حبحر :noo:

انه حاطن عشة للارانب بغمارة الددسن الورانية من كثر الارانب اللي عنده
خلاص طلق الارانب وطلق سوريا :D

الحين هو مسؤال عن بيت (( تصدق عاد؟؟؟؟)):D

هذا سلمكم الله ولد النجيدي اول ماجاء للمنتدى كان دبشة ثور الله ببرسيمه

اول ما جاء الى الحين وهو كذا:D

ان JAJ
الله يرده لنا سالم :yes:


الا حبحور عابر الجبال والبحور<<<< من عنده :D
بالله عليك ماتجي تزين كبستنا الليله ومنها نأخذ علوم المشرفين وفضايحهم ذيك الايام :D

[ياسر عبدالعزيز]

اهلين:)

وانشالله باكر اعطيكم فضيحة ثانية من فضايحهم

هو باقي شي.. بعد:kany:

المشكله ان سفر..محطوط بالعزل.. مايقدر يفرك شبرواحد .. بعد الزواج:ignor:



تحياتي لك>>>>:yes:

[برستيج]

هلا حبحور مقطع البحور ومذوب البنات الحور وحامي الضبان بالجحور


ما شاء الله عليك ..

رجوع قوي .. بس كان ضحايا هالرجوع ادج مشرفين في العالم .. :D

بس اللي قاهرني .. اني شايف اثنين على واحد .. :req: .. ما تبي فزعه وانا اخوك .. (himo)




وانشالله باكر اعطيكم فضيحة ثانية من فضايحهم
ما سمعت .. ان من ستر مسلم في الدنيا .. ستره الله يوم القيامه .. :D:D:D



وتسلم ياتوباسكو .. قصدي يالحبحر الحار .. :yes: