ذكــــــريااااااات الطفوله وشقاوتها....(الك يشارك ويذكر لنا طفولته)...

[الطيرالهلالي]

بسم الله الرحمن الرحيم
السلام..

اقول ياشباب خلونا نغير شوي من بعض الموااضيع ..وخلوني اسدح لكم موضوع نقدر نتكلم كلنا فيه بحريه ونقدر نسولف مع بعضنا عن اهم الاحداااث التي مرت بحيااااتك...

اليوم راااح نبدااء مشوااارنا بموضوع عن الطفوله وشقاوتها وكل واااحد منا يذكر لنا الاشاء الطريفه الي مرت في حياته والاشياء التي غيرت مجرى حياته....

والكل يقدر يذكر لنا سالفه او سااالفتين يعني يرد ويذكر لنا اي حادثه مرت به....


ولكم المااااايك...

[الطيرالهلالي]

احب ابداء معكم من الصفر يعني من اول رد....

اتذكر اني كنت انا والوالد الله يطول لنا عمره ..جااين من مكه ..وكنت انا وابوي واحد من زملاه وحنا ..وانا عاااد كنت بثر لدرجه ان الوالده جاها ضغط وسكر بسبتي...

المهم كنا راكبين السيااره وكنت راكب في الغمااره الي ورى وكل شوي طامر عليهم بالغماااره الي قداام وازااااعق الوااالد كااان حمقي بس هالمره خويه كاااان يهديه ويقول وش حليه خله يلعب وانا منعطي وجه:D ...

واغثهم غثه الين لقيت باااااغه واتفخها وافقعها بذن صديق ابوي ..:D :D عااااااد صديق ابوي ارتفع ضغطه وقااال لم ابوي وقف وقف وهو حمقااان:mad: عااد ابوي ما صدق لقى واحد يساانده ويطقوني طق ...ويربطوني في الصندوق حق السياااراااه الين وصلت للرياااااض:D

استاااااهل صح :D

اليكم المااايك....

[هاوي الهلال]

اهلين حمودي .. :)

حبيت اشارك معك .. بس مولان الموضوع حلو ..

بصراحه لاني فاضي .. :D


<========== لايكثر بس :p


شوف انا طفولتي .. كانت دلع في دلع .. :D


بس وش فيها مواقف .. طريفه ... صعب احدد .. لان الطفوله كلها مواقف طريفه ..

بس انا بقولك اكثر موقف غير شئ في حياتي

كنت في القاهره .. وعمري حوالي 7 سنوات .. المهم ...

جو اهلي بيركبوني .. الحصان الصغير (اسمه سيس على قول توتي) :)

بس للاسف ركبت من جهه .. وطحت من الجهه الثانيه .. :D


ومن يومها تعقدت ...


ولا صرت اقرب من شئ اسمه خيل .. كبير ولا صغير :(


وهالشئ مأثر فيني للحين ... :rolleyes:


بس ان شاء الله لين كبرت .. اتعود .. وتنفك العقده :D :D :D :D :D


بس وش تبي بعد سدوحي .. ماله داعي الفضايح :p


:D :D :D :D :D :D :D :D :D :D :D :D :D :D :D :D :D



بس موضوع حلو ..

ماشاء الله عليك بديت تفكر :D :D


باااااياااااات
خالد
;)

[TOTTI- 10]

والله انك دلخ يا هاوي مع احترامي لك اقول لك سيسي مهوب سيس :D :D يا داج شكلك ما تسمع في الماسنجر :D :D اقصد ما تشوف :D :D .

يالله باااااااااياااااااااااااات :D :D

[الطيرالهلالي]

السلام...

الله يرجك ياهاوي اجل رايح مصر يومك صغير يارجااال شكل اهلك مودينك لمنفوحه وقايلك هذي ام الدنيا ....:D


ومن الذكريات الي ما انسها..

كان الوالد الله يخليه.رايح يجيب لنا الضحايا ذبايح عيد الضحيه يعني للي ما يفهمون...:D

وقومني من النوم وقالي تعال معي عشان تمسكها معي ..عاد انا فيني حيل امسك شي (الله يهديه بس).
وقمت معه ورحنا لسوق وشرينا الضحايا وركبني بصندوق السياره عشان امسكهن لا يطبن لان البت كان قريب لم السوق ..

المهم يوم وصلنا للبيت الا مافيه الاوحده من الضحايا والباقي شردن :D يعني طبن وانحاشن :D .ويحمق علي ابوي :mad: ورى ما تسمكهن عساك البلا..وانواع التصفيق .....حط حرته فيني :(

بس الغلطان مهوب انا الغلطاااااان ابوي الي اتكل علي <======مهنا تكانه :D

ولكم المايك

[خالد الهلالي]

اح ح ام ام بسم الله ( اصلح المايك )


السلام


اهلين سداح وش هالهبال ياخي ماتعرف تمسك ذبيحه كان قلتلها ياشاطرة لاتلعبين لو سمحتي ابوي يطقني اذا انحشتي :D :D

بس والله ياني ضحكت :D :D الظاهر ان ابوك الله يحفظه ضحابك انت بدل الغنم :D :D



عاد بالنسبة لي صارلي موقف يوم كنت بالمتوسطه ( ابشركم وقفت فيه ) كنا معزومين على غدا والناس لا هيه كل واحد يسولف مع الثاني بعدها الناس سكتوا ما ادري وش جاهم كنهم

دارين انه يبي يحصلي موقف المهم كان واحد ماسك التلفون يبي يكلم الرجال قال السلام عليكم قمت انا والناس ساكته وقلت وعليكم السلام احسبه واحد دخل المجلس ويوم دريت ان الرجال

كان يكلم بعد ماشبعو الناس ضحك صار وجهي تقل طماطه :( وخذياضحك والى الحين فيه واحد غاثني كل وقت يذكرني فيها:p :p


عاد الموقف الثاني والله ينتم تبي تموتون ضحك

كنا مغرزين مره وكانت سيارتنا ددسن مهرقل حاولنا نطلعه يمين يسار حفر لاتحفر ابد مالك سنع طلعنا على الشارع

وطلبنا من ناس مساعدة الرجال جو وما قصرو دفوا معنا والحمد لله بعد جهد طلعت السيارة وش المفروض يصير الحين اننا

نشكرهم قام الرجال اللي معي وش قالهم ......................

بدل ما يقولهم شكراً الله يرحم والديكم قالهم شكراً الله يلعن والديكم :D :D :D :D

عاد لاتسألون وش صار بعدها من احراجات :cool: :cool:











تحياتي للجميع
:D :D :D
خــــــــالـــــــــد

[هاوي الهلال]

توتي ..

الحين جاي تتريق علي .... :mad:


تكلم عن طفولتك اول ... خلنا نشوف وش عندك :D :D :D


خالد;)

[ياسر عبدالعزيز]

هلا ,, الحقيقه الموقف .. الطريف..لي مر على ايام طفولة.. الموقف هذا.. الحقيقه مايمكن انسه..تصدق عاد..
الموقف ..كان.. انا والاهل.. في زيارة الفرنسا,, وبتحديد (( في مدينة الندن,,)):eek: .. كان لوالد الله يحفظه,, بيركبني اليخت.. كانت خايف اركبه,,الاني في ذاك الو قت مااعرف اسبح,, وكنت اتخيل انه بينقلب بي:( .. للكن الوالد الله يهداه اصر انه يركبني اليخت.. المهم بعد محاولات من الو لد .. ومعه راعي اليخت.. يحاولون يقنعوني..اني اركب..الولدة كان حولو يقنعوني بالعربي والانجليزي انا اركب.. وبعد ساعتيان من المفاوضات وفقت الحقيقه.. وبدلت الخوف بشجعه.. والله اول محطيت رجل اليمن على اليخت, لا وانا وكيست الفصفص. دبجناااااااااااا في واسط البحر:eek: .. لمهم قمت اصارخ واصاعق ابي احد يطالعني مالقيت الوالدالله يهداه طالع مايعرف يسبح:( وحتى راعي اليخت طلع ارد من ابوي صار مثله مايعرف يسبح:eek: بس عاد الله كتب لي حياتي وجاب لي هذك الحرمه الله يجزاه بالخير طبت وطلعنتي طلع احسن ممن ابوي وراعي اليخت صارت تعرف تسبح:D بعدة حرمت اسافر البرزيل:D

[ابو الذهب]

بدات مرحله الطفوله عندى بعد تخرجى من الثانويه :o ياهى طفوله من جد
تصدق حصل لى موقف غريب بس جديد لكنه حلو اه اه اه ياايام الطفوله
الا على فكره سداح تبى موقف الطفوله وانا فى الابتدائى ولا فى المتوسط
او اللى فالجامعه ( ايه هين كأن مار من عند سورها) او يوم اخذت
شهاده الدكتوراه اختر وش تبى وابشر بالعلوم السنعه :o

[عنود الصيد]

اليوم راااح نبدااء مشوااارنا بموضوع عن الطفوله وشقاوتها


عز الله هي اللي أشقتني ما أشقيتها :(:(


طول طفولتي وانا دابة سليمة ما عمري ضريت احد :(


لكن راح اقول لك موقف من مواقفي البريئة وشوي طريفه .. يوم كنت بثاني ابتدائي ( ياحبي لي :o ) , انتشرت عندنا اشاعة بالمدرسة وأنا طبعا اول من صدقها ..

وهو انه فيه جنية ( بسم الله الرحمن الرحيم ) اذانها اذان ارنب و وراسها راس غنمة , وجسمها ورجولها جسم ورجول حمار :eek:

وكنت خااااايفة مرة .. وطول الوقت ابكي .. واختي اللي اكبر مني مثلي مصدقة ( شوي مهوب مرة ) بس متحملة وقاعدة تسكتني .. (ياذاك انها الكبيرة :D )

بس اللي يقهر .. ان البنات الكبار اللي بالمتوسط والثانوي .. يسئلوني وش فيك ياعنود ؟ واقول لهم وانا اصيح: خايفة يقولون فيه جنيه بالمدرسة :(.... وهم بس يقعدون يضحكون علي. .:mad:

ويرجعون يسالوني نفس السؤال .. وانا معطيتهم وجه واجاوبهم نفس الشيء:( .. ويضحكون :mad:

حاطيني مضحكه لهم هم ويا ووجيهم :mad: :mad:


هذا بدال مايسكتوني ويعلموني انه كذب قاعدين يضحكون :rolleyes:


بس ترى مهوب انا الخبلة الوحيدة اللي مصدقة وتبكي .. لا فيه انا وكم وحدة من هالمبزرة مصدقين :p


و نصيحة لكم , لاتهبلون بزارينكم مهما كان ترى الخوف شيييين واسئلوني :o



وتشكرات اخوي الطير سداح على الموضوع الظريف :cool:

[هاوي الهلال]

هلا سداح ...


تمام في تجاوب ..


انا قايلك فكر .. بتطلع منك مواضيع مفيده :D :D


حبيت ارفع الموضوع بس لانه .. حلو زي كاتبه واخوه :cool:

[صقر النوادي]

اهلين يا شباب يا عسل ;)

اجل يا هاوي رايح مصر وانت صغير 0000 انا قلت لهم الولد دلع من يوم كان صغير

اقول سداح ترى موسم الأ ضاحي قرب الله يعينك :D

اما على طاري الرعب الطفولي 000

كنت مره في ملاهي الخيمه ( عوائل بس 00000)

الأهل فرشوا الزوليه وهات تقشيم فصفص ويالله خذ من السواليف 00:N:

وقمت من عندهم علشان اروح العب 000

وانا قاعد ادور بين لعبه والثانيه 00 التفت يمين الا و حده من البنات لابسه ( قناع ) يخوف
:eek:

انا اول ما شفت الموقف انتفضت وجاتني ( ام الركب ) 000

طبعآ البنت اول ما لاحظت اني خايف قامت تلا حقني من مكان الى مكان 000

من الخوف ضيعت مكان الوالده 000

والوحش المقنع حاطني في راسه 000 وراي وين ما اروح

و انا انحاش وقاعد ابكي 000 واخرتها قلت ما بدهاش 000 واطلع برا الملاهي 00 واستنى الوالد برى لين ما جاء


والعالم يدورون علي داخل الملاهي يحسبوني اني انخطفت 00000 اكيد الملامح لبنانيه ;)

ويوم عرفوا مكاني وطمنوا اني ما انخطفت رحنا البيت واكلت علقه 000 ليش تطلع برا الملاهي ؟؟؟؟؟

بس ما قهرني الا ان بنت ارعبتني كل هذا الرعب :mad:

[barbie_ksa]

:req:

اممممممممممممممممممممم اذكر ايش ولا ايش



الصراحه انا في طفولتي كنت شيطانيه مره



مع اني البنت بس كنت شيطانيه واخوي الهادي



المهم انا عندي مواقف كثير تضحك وتفشل



:nrey: بقولكم موقفي لووووووول




مره كنت طالعه كان عمري يعني 6سنوات كنت رايحه لبنده


ولابسه قصير شوي المهم جا المطوع يهاوش ويزعق:broge: وحط علي من كلام



وقالي لييه تلبسين كذا ومدري اييش



وحرام وانا مافهمت من كلامه شي :yuupy: وكنت مرتاعه مافهمت الا لييه تلبسيين قصير




المهم


جيت وقلت له ياسلام انت الحيين كبير ولا بس قصير



ماتستحي على وجهك:qw:


لا تعليق



على فكره


كنت امووووووووت واعشق العرايس



ومن بدها والشي المهم عندي باربي

[3boud]

هههههههههههههههه



خذوا هالموقف باولى ابتدائي
كان عندنا مدرس فلسطيني شديد مرة...و كانت عليه يد كبر ابو الهول
و كان كل يوم يورينا اصابة الرصاصة اللي في يده
يقول انها من اليهود الله يلعنهم

المهم يوم من الايام كان المدرس معصب مرة:mad:
وقاعد يصحح الكتب((الكتب مو الدفاتر...اولى ابتدائي مو ثانوية:D ))

و شوي و انا اطالع في واحد وراي واسولف معاه
و انا عادتي ثرثار ما اعرف اسكت..انت بس شغلني واسمع
شوي الولد تغيرت ملامحه

يوم اطلع لقدام((الولد كان وراي))
الا هاك اليد الطائرة...........................طركعععععععععع
اي
تعور
كف فر وجهي و صفرت اذني ودخت وبغيت يغمن عليه:D
و المدرس يسب ويلعن وانا دموعي ماسكها غصب
و تطيح دمعة....و انا ما صدقت وحدة طاحت

قلت بس مابدهاش...ما اتفئست واللي كان كان....................عواااااااااااااااااا
سمعوني ابكي من غرفة الادارة

وكانت هذيك الضربة الاولى والاخيرة لي طوال حياتي المدرسية:D :D

[الطيرالهلالي]

السلام.....

حلو .....

ياشبااب ترى الموضوع هذا عباااره عن ذكرياااكم واعتبرو ان الموضوع مهوب لي لكم:asno:

والي يبي يذكر لنا قصه الحين وده يذكرها بعدين او يرجع يقولها ثااني مره عاااادي :magkiss:


اخوي خااااالد انا ياحبك لسلام حمامه بيضاء شكلك:angel: اخوي هاااوي ماله لزوم ارد عليك:sher: اما انت ياخوي اتذكر اهلي يسولفون عنها كثير اثر انكم راايحن لباااريس ولا علمتوني طيب :cry: :cry:

اقول حبيبي يابو ذهب شلك توك صغير مابعد جاء عندك ذكرياات طفوله خلاص بعد عشر سنوااات تعاال قلي وش صااار :yes: :yes: (بدون زعل);) اختي العنود يقون ان فيه جني في المنتدى ما يدخل الا في الليل انتبهي منه :q:
ا اخوي هااوي للمره الثاانيه بطمرك :D اخوي صقر النواااادي ياليت القى بنت تروعني :D :D بس اشره عليك انك تخاااااف من البنااااات :jhgy: اختي بااربي ..غريبه حريم المباااحث لهم ذكرياات طفوله:confused: المهم حلوه يوم تردين عليه وتقولينه ليه انت لابس قصير الله يرجك :yes: اخوي عبود شكلها الاولى والحين المدرسين يصفقون فيك :D

ولكم المااايك

[ماروكو]

انا انا بقوووووول :D

الله يسلمكم انا كنت نقه وغثه ومازلت.... عاد مره من المرارير كان عمري تقريبا اربع سنين :rolleyes: دائما اذا قمت الصبح انشب بأمي الله يخليها لي :D

اجيها وهي تطبخ ومهب رايقه لي :jhgy: بس وش اسوي طفش خواتي بالمدرسه وابوي بالشغل وش اسوي ماعندي غير امي :love:

عاد تصرفني وتقول لي روحي شوفي افلام الكرتون :rolleyes: عاد ماكان فيه عندنا بذاك الوقت الا غصب واحد وغصب اثنين وكل افلا م الكرتون يكررونها :zael:

تقولي ياماما روحي وانا لللللللا مابي :amle: المهم عطتني كم كلمه يحبها قلبي :qw: عاد انا عصبت وطلعت وهي تحسبني اني بطلع واسمع كلامها :D

بس انواااااع الشر براسي :sher: طلعت واخذت المفتاح وقفلت عليها وهي مادرت الا يوم سمعت صوت التشككك ( القفله ):angel:

وتناديني ماروكوووو حبيبتي افتحي البااااب :rolleyes: وانا اقول لللللللللا :p ماروكو شاطره افتحيييييه :mad: وانا لالا :o

ماروكوووو يالله عاد افتحيه :zael: وانا لالالا مافييييييه :sher: ومسيكينه استنت ليييين ماجاء ابوي من الشغل :( واخذ مني المفتاح وقعد يضحك على امي :D

بس بيني وبينكم كنت خايفه من امي تسطرني :q: :cry: بس لاتسألوني هي سطرتني والا لا مااذكر :amle:

بالله عليكم ماني بريئه :yuupy: :angel: بس والله توثمت بأمي :jhgy: الله يصلحن :fghty:

[هاوي الهلال]

وين الباقي ..


خلونا نشوف الاعضاء وطفولتهم :D نبي نشوف الفضايح

:D

[barbie_ksa]

بل عكس سداح الدبوسات الصغار لهم ذكريات رهييبه
:guns:



انتبه لاتحش ولا بسجنك لول

[هاوي الهلال]

اهلين سداح ....


تذكرت موقف ثاني بحطه لعيونك يالغالي ياحبيبي انت :cool: :cool:


والموقف .. برضوا في مصر :D

بس على البحر في الاسكندريه .. كان عمري 8 سنوات تقريبا ..

وكنت اتمشى على الكورنيش في المنتزه (انقهر حمودي :p )

المهم معي ابوي ..

ومثل ماانتوا عارفين المكان كله اجانب ...

وكلهم مسدحين على البلاج ..

المهم شفت عجوز واقفه ماتتحرك ...

فسالت ابو ويش فيها كذا .. قال هذا تمثال :kany: وانا صدقت .. :asno:

رحت اركض ودفيتها .... والمسكينه طاحت على وجهها .. وصرخت ...:(


طلعت تاخذ حمام شمس وانا ماني داري عن الدنيا ..


بس اشوى كنت صغير ولاكت بنفهم غلط :D :D :D :cool:




بااااياااات
خالد
:yuupy:

[الطيرالهلالي]

السلام...

اقول ياماروكو ...لو انك بنتي وعقب هالحركه اشيل بيبااان البت كلها عشااان ما اتوهق مثل امك كخخخخخخخخخخ


باربي ....والله شكل ذكرياااتكم اررهاابيه ماهي رهيبه :guns:

هاااوي ...اجل دزيتها اجل هااااااا اكيد انت داازها ولا هي الي طوطت بطنك انا سامعها غير :jnbg:

[عاشق النمر]

ههههههههههههه الله يرجك ياماروكوا :D :D :lsaon: :lsaon: :lsaon:


موقف كذا :yes: بس شكلك تسطرتي تسطر :angel: :angel: ههههههههههههههههه


انا صارلي موقف قلته قبل كذا ولن انساه ابد :slv: وارجع اقوله للي ما سمعه :kello:

اول روحو جيبوا فشار ولا فش فاش عشان تقرون الموقف بانسجام وتمعن :angel:


المهم اطرف موقف مر علي وفي نفس الوقت موقف محرج :kello: كان في مدينة الرياض وبالتحديد في منطقة الثمامة كنت مع العائلة قبل تقريباً اربع سنوات المهم استأجرت دباب وكانت اول مره في حياتي اركب دباب :q: (( ابو اربع عجلات )) كان حدي سيكل ويخب :qw: المهم ركبت الدباب وامشي عليه قلت ياولد اثره سهل:jnbg: وانا اللي ادوس واكيم عليه :sheto: وانا امشي تذكرت سلفستر استلوني في فلم رامبوا :cool: ههههههه المهم المهم انا امشي بمحاذات العوائل والشباب اللي جالسين من حظي العاثر :kello: كان في مجموعة شباب جالسين وفيهم واحد اعرفه المهم
لما صرت جنبهم بالضبط نادا علي واحد منهم:req: قال خالد المهم انا سمعت خالد (( وطبعاً من عادة الملقوف اذا ناداه احد يلتفت على طول )):eek: بس ماالتفت لحالي التفت انا والدباب بسرعه :jhgy: :jhgy: وعينك ماتشوف الا النور :( :( :( انواااع التقلبات وانواع الحركات البهلوانية التلقائية طبعاً :fghty: واطيح في جهة والشماغ في جهه والعقال في جهه والسنون في جهه والخشة تنزف دم والسعابيل تقاطر :slv: :slv: المهم لملمت نفسي والعالم تجمعت علي (( تقول جايب هدف التعادل في الدقيقة الاخيرة )) وجمعت بقايا وجهي :noo: وقمت والناس تقولي سلامات عسى ماتعورت وانا اقول لا عادي ماجاني شي وانا تسبدي حايمه من الوجع واشوف الدنيا تغير الوانها :fghty: المهم وحمدت ربي اني ماجاني كسور وتبت عقبها اتميلح بالدباب :angel: :angel:


<---------- شكله بعد الطيحة كذا :yuupy:

[درعاوي]

انا مواقفي الى بكرة
* عزيمه كبيرة انواع الحريم (هالكلام وانا عمري 6سنين ) وتخبرون منول انواع تشليح البيبسي في المخابي علشان نطيشها برا ،،،،، المهم جايك ابو فهد ماشي مليون < قبل ما يجون الحريم > الا وانا مجاوب على التبسي :D طبعا ما توسخ ثوبي ولا شيء.هههههههههههه
* <=== انسان مدلع لابعد درجة كنا في البر المهم انواع الربيع وما شوف الا اشياء صغيرة سوداء المهم واسال اخواني من اللي ما كل كل هذا الزيتون ما اعرف دبي الغم الله يكرمكم .هههههههههههههههههههه (امور صح)
* توني جاي من صلاة الجمعة والوالد الله يطول عمره يبطي عقب الصلاة المهم رجعنا البيت الا وكان عندنا رجاجيل وانا داخل عليهم بدال ماقوا السلام عليكم قلت وبصوت عالي ( رجال وهمني احد ) بسم الله الرحمن الرحيم والى الحين يعيروني فيها ههههههههههههه
*توني مطلع جيب لكسز (يعني اني ) المهم ومواعد الشباب من الشرقية اول ما جي حبي الرياض برهم ونروح الثمامه وانا مسوي ليفيها راعي طارة وبران ،،،،،،الشاهد حطينا عينا على طعس وقلنا بنطلعه هالكلام يمكن الساعة ثلاث المهم تونى بنسمي الا ونغرز وننحاس ونطلع الكاتلوج وندور المهم طلعنا بعد جهد جهيد ، وبنكمل المسيرة الا ونغرس ثانيه بس هالمرة الطارة ابوفهد مهوب هو اللي يسوق وننشب الين ماجانا راعي شاص ويطلعنا وقعد يحفلها فينا ويهزئنا المهم انّا عناديين ولا وصلنا للقمة الا عقب المغرب .هههههههههههه ياشين السرج على البقر مهوب انا اخوياي ;)
اسف على الاطالة وهذا وانتم ما شفتوا شيء
سلام