ليش اليسار شمال ؟؟

[عنود الصيد]

السلام عليكم ,

كيفكم .. ان شاءالله بخير


بصراحة فيه شيء عجيب وغريب .. محيرني من زمان .. ليش نسمي الجهة اليسرى بالشمال ؟؟



يعني بعضنا اذا بغى يقول : يمين ويسار .. يقول : يمين وشمال !


ليش مايصير اليسار جنوب , ولا غرب ولا شرق :rolleyes:

وش معنى شمال بالذات :confused:



اتمنى أجد تفسير يشفي غليل فضولي ومعرفة الأسباب الحقيقية لوجود هذا اللفظ :rolleyes: :rolleyes:




ويالله ورونا شطارتكم :cool:

[هاوي الهلال]

:confused:

اما انتم يالبنات عليكم .. مسكات غلط :D


شمال ولا غرب .. وش الفرق ... الدنيا ماشيه كذا ...

بكره اجل بتقولي لين ردينا على التلفون ليه نقول (الو) وايش معناها :D




صدق البات رااااااااااااااااااااايقين :p



خالد

[سيف السيف]

والله سؤال جميل



بس اعتقد ان الشمال هو تسمية اخرى لليسار في اللغة العربية

ونفرقها عن الشمال اللي هي عكس الجنوب باللفظ

فالآولى اللي هي مرادف اليسار ننطق الشين بالكسرة

والثانية اللي هي عكس الجنوب ننطق الشين بالفتحة



اعتقد يعني كذا

[JAJ]

يا عليكن طلعات ... ولا طلعت كرا:D


شمال ياعزيزتي - عربية فصحى.

[ابو الذهب]

هلا عنود الصيد ...

شوفى ترا اللى ردو عليك كلهم حولان :o

يقال ان يسار كلمه فارسيه وان شمال اخذت من اللغه الهنديه التركمانستانيه لذالك يكون

معنى شمال او مطلع شمس حسب راى احد رعاه البقر فى افريقى الوسطى انها جائت

اثنى الاستعمارالفرنسى على جمايكا ولذالك لاتستخدم الا فى بعض المصطلحات فى

اللغه العربيه وتضاف الى كان واخواته وحساب المثلثات ...

ويتضح لنا من خلال هذة النضريه انه لابد ان تفطر فى الليل وان تكثر البودره اذا جيت تلعب كيرم

[بدر]

الظاهر ان الفراغ يسوي اكثر:(:(

بسسسسسسسس الصراحه شي يستاهل التفكير:D :D

تسلمين يا عنود:)

[عنود الصيد]

×هلا اخوي خالد ..

ألو .. عارفه قصتها , تبيني أعلمك :p

وبدال هالحكي اللي قلته كله خلك صريح و قل : مدري , ترى عادي فيه ناس كثير مثلك مايدرون مهوب انت لحالك :D





×أهلين اخوي سيف السيف ,

ماشاءالله عليك وعلى ذكائك .. توني انتبه لحركة الشين في الكلمة ,, واعتقد ان تفسيرك صح بنسبة 70 % ..

<=== هاذي الناس الفاهمة :cool:




×أهلين بجاجوه ,

طلعة كرا ولا زدية ( القدية ) المهم أنا ما اسئل عن هي فصحى ولا عامي ..

سؤالي هو, الجهة اليسرى وش علاقتها بجهة الشمال ..وعلشانه نسمي اليسار شمال :rolleyes:
ولا عشان جوالك جديد قاعد تتفلسف علينا ;)





×أهلين اخي ابو الذهب ,
البركة فيك :D

وتسلم على هالتحليل المنطقي والرائع ..

<<==== تآخذه على قد عقله :confused:





×أهلين بدر ,

وش اسوي :(

الفاضي يعمل قاضي :D :D

وتسلم على ردك اخوي :)



وتشكرات إلكن كلكن على ردودكم ... وتسلموا :cool:


و تـحـيـاتـــي ,,

[هاوي الهلال]

اهلين يالفاهمه :D


ايه والله ابي اعرف ليه نقول الو ..:confused:


ياريت تعلميني :p


بايااااات
خالد:)

[عنود الصيد]

مع اني مشغولة مرة بس باجاوبك :rolleyes:


اللي مخترع التلفون منهو .. اجنبي

واول من استخدمه الاجانب ..

ويقولون اذا اتصلوا على احد هلوو ... يعني مرحبا

وانت خابر حنا نقلدهم بكل شي .. ويوم جت عندنا التلفونات صرنا نقول مثلهم اذا اتصلنا على احد .. آلو مع ان معظمنا مايدري وش معناها وصارت عادة :rolleyes: :rolleyes:


دو يو اندر ستاند ؟؟


وبااياات
:cool:

[الطيرالهلالي]

السلام...

اختي عنود الصيد لا يهمك الي توه رااد فوق ردي ...تراه يحب يقلب المواااضيع تشات...

المهم..

عاااد انا بجااااااااوبك بلفسفه ..يعني انا عاااارف الجواااب بس بقولها بفلسفه :D

شوفي اذا وجهتي وجهك نحو الشرق تبي تصير يسراااك شمال ..يعني الشرق هي الوجه الرئيسه في الاتجااهااات :D

وهذي حقيقه ماااهي كلام من عندي ....كوني مساااح اعرف هذا الشي....






اقول











انتهو لاتصدقوني تراني اتفلسف وبس:D

[ابورشا]

هـــــــلا وغـــــــلابــــ عنود الصيد..
حلو سؤال حلوووو..ومااقول الا ياحظ البنات..
واللي اعرفه ان السؤال يوجه لفئتين:
العقاريين...وهم يحبون الشمال لأنه دايم غالي ومايسكنه الا عيال النعمه على قولتهم..
وبالنسبه برضه للعقاريين (يسار) معناه انه يلف يسار وكلا له استخدام..
...
....
اما اللي اتوقعه بصراحه واعتقد انه صواب..
انك اذا قلت شمال فانت تقصد احد الجهات الأربع وهي الشمال اللي عليه الكلام
اما اذا قلت يسار فهو يعني عكس اليمين بالنسبه لحالتك ووضعك..
والله اعلم..
يخليك ربي..

[عنود الصيد]

اهلين الطيرسداح


والله ان تحليلك خش مخي :D

اشوى انك نبهتني :confused:

وتشكرات على الرد :)



هلا بأبورشا

أول شيء بشرنا عن رشا عساها بخير ان شاءالله :D :D

:p <== عناد :p


ومشكووور على المعلومات الرهيبة اللي قدمتها .. واللي ساعدتني كثير في فهم الموضوع الشائك :rolleyes:


و على قولتك .. يخليك ربي :D



وتـحـيـاتـي إلكن كلكن :)

[المتميز]

هلا اختي ...

يقولون اني أحب افلسف الامور واتفلسف واجد ...

لكن انا بتفلسف بزياده على هالموضوع لانك فاضيه جدا او دقيقة الملاحضه جدا ....

شوفي أختى أبحللها منطقيا مافيه تسميه بدون سبب صح ولالا؟

بتقولين ايه داري :D

المهم من اول من قال شمال ؟

أعتقد أنهم المصريين وليش قالوا كذا علشان يعرفون القبله يعني تخلي الشمال مقابل للكتف الايسر وتصلي لان القبله عندهم شرقيه ...

أتوقع كذا مادري هو صح لكن هذا ماوصلني له تفكيري العبقري :D :D :D

تحيتي للجميع .

[عنود الصيد]

اهليين بالمتميز :)


شكلك جبتها ماشاءالله عليك , وتراني فكرت مثلك قبل بس مهوب بالمصارية يعني فينا .. قلت يمكن القبلة لها دور بس لقيت ان يميننا على الشمال اذا استقبلنا القبلة .. يعني مهوب اليسار .. بس مافكرت بالعكس عند مصر :)


وبصراحة المصريين اغلبهم مايقولون يسار دايما اسمعهم يقولون شمال :rolleyes: يعني تفسيرك اقنعني بنسبة 99بالمية :cool:



يعطيك العافية , وانكان نورتنا من زمان قبل لايطبون هالداجين اللي قبلك بالموضوع :D واللي انا طبعا قبلهم :D



و مشكوووور :)

[هاوي الهلال]

أعتقد أنهم المصريين وليش قالوا كذا علشان يعرفون القبله يعني تخلي الشمال مقابل للكتف الايسر وتصلي لان القبله عندهم شرقيه ...


يالمتميز ... خل مصر في حالها ...

وش دخلهم في الموضوع ... تفسيرك غلط في غلط :D


سبب تسمية اليسار شمال .. جايه من سوريا ....
لان كل اللي يروحولها راسهم تنقلب .. وماعاد يعرفون اليمين من اليسار ... فصارت عندهم لخبطه في الموضوع .. ودخلوا الاتجاهات الاربع في اليمين واليسار ..


وبعدين انتي يالداجه .. ليه شاغله عمرك الحين ..

جعلهم يقولوا يمين غرب .... :mad:


قال المصريين قال ..

وش دخلكم فيهم الحين :mad:




:D :D :D :D :D :D :D :D :D :D


بااااااياااات
خالد
:D

[الاســـطــــوره]

حقيقه كنت ناوي اعطيكم الزبده في هذا الموضوع واقول لكم بالضبط وش المقصد او الفرق بين شمال ويسار ,,,

المشكله في اختلاف الاسم بدأ منذ ظهور " العقاريين " في العصر العباسي حيث كانوا هم اول من اكتشفوا " الشمال " لانهم كانوا يبون يخططون اراضي لملوكهم :D وبعد ذلك مع تطور الحضارات ظهرت كلمه " يسار " في العصر الاموي لكثره المسافرين , وكانوا يبون يوصفون للمسافرين وعابرين السبيل فاخترعوا " يسار " علشان يقولون لهم (( روحوا يمين ثم من ثالث طريق لفوا يسار وتلقون نخله لفوا معها يسار )) لان اكثر الطرق عندهم كانت يسار :rolleyes: ,,,

ومرت الايام والسنين وتداخلت الكلمتين شمال ويسار بين بعضهم البعض مع الوقت , بينما يمين كانت مسيطره عليها الحضاره الرومانيه وكانت تتوعد اى من يحاول تقليدها , لذلك لم يجروا اى احد على وضع كلمه مماثله ليمين بينما كان العكس بالنسبه ليسار وشمال :rolleyes:

يعني هي القصه طويله واخذناها حوالي ترمين في الجامعه قبل لايسقطني الدكتور ولكن انا عطيتكم الزبده علشان تستفيدون من دراستي واعطيكم الخلاصه :D اعتقد الان مافيه اى ثغره في الاجابه على سؤالك ياعنود , وكل الشباب ماعندكم احد كل واحد يتفلسف على كيفه ومسوى فاهم عدى سيف وابورشا :rolleyes:

<====== مغششهم الاجابه :D


ابوالذهب انا من اشد المعجبين في فلسفتك ونتائجها الجوهريه اى كتاب فلسفي تقراه لو سمحت ؟ :rolleyes:

[هاوي الهلال]

الاسطوره ...

وش فيك عسى ماشر ..

كثر اللفلفه في العام دوختك ...:confused:


اقول غمض عينك وعيد الاجابه :D


صفقني لو انت فاهم كلمه من اللي قلته .. :cool: