استفسار بخصوص ورق العنب [الأرشيف]

مشاهدة النسخة كاملة : استفسار بخصوص ورق العنب

أنس

14/3/2003, 05:24

هاااي شباب وصبايا.........

بعا الكل يعرف ورق العنب الاكله الي فيها رز اللي مدري وش تبي .......

ليش كا يكلها الا الحريم واكثر الرجال ان ما كانوا كلهم يكرهونها ويبغضونها لدرجه ما تصورها ..... واليكم الدليل ....

اليوم كان عندنا باليت دوريه خوالي متجمعين عندنا ...

المهم يوم جا وقت العشاء وقلطوا الرجال ....

والوالده الله يطول بعمرها مسويه صحن ورق عنب ....

المهم يوم خلصوا الرجال .. ما احد كل الروق عنب ...

طبعا امي ضاق صدرها ....

ونسيت اقولكم ابوي وقت العشاء جابوا طاري الورق العنب ويجيك ابوي يمشي 3000 ويقووول والله ما ياكله رجااااال...

للهدرجه وصلت وقاحه الورق العنب ...

المهم السوال ليش ورق العنب ما ياكله الا الحريم ....

وليتكم تجاوبوني...........

سلملم

السجين بتهمة حب الهلال

14/3/2003, 05:45

اتوقع ورق العنب اكلة ميب صاحية

لكن الوالد الله يطول بعمره شكله (يقبع) من ادنى شيء‍‍ نفس نمونة الوالد عندي

ماعليك والله مايسوي ورق العنب الا حريم محترفات طبخ

يعني حرمة ماتعرف تسوي ورق عنب ماتعرف تطبخ وشكل الوالده الله يطول بعمرها محترفة في الطبخ:yes:

يعني ورق العنب يعتمد على من يسويه...

لكن صدقني ورق العنب اكلة مفضلة عندنا الشقراويين:love:

وتكفى اذا بقى ورق عنب ارسله بالبريد الخاص:angel:<<<< يقدر ورق العنب:angel:

مشكور حبيبي انس

بـحـر

14/3/2003, 05:52

:yes:

اهلين حبيبى انس

حرام عليك شوهت سمعة ورق العنب :love:

<<< --------------------------------- يقدر شي اسمه ورق عنب :kany:

<<--- من يوم انه صغير بالمدرسة ترى فسحته ورق عنب << .. الله يقطعك يالدافووووووووور :angel:

تحيااااتى

باااا :yes: اااى

صـــــدوق الود

14/3/2003, 05:52

والله ورق العنب انه مهووب صاحي ..

واني أقدره اكثر من أبوي (( لا عاد يخسى ورق العنب ))

بس رااااايق .. وأكله تستحق الاكل (( لاياشيخ أجل تستحق الشرب والله انك فاضي )) ..

وشكراااا لك أنس .....

أنس

14/3/2003, 05:58

سجووووني : لكن صدقني ورق العنب اكلة مفضلة عندنا الشقراويين

يا اخوووي ترانا جرانكم بس ما هضمنا ورق العنب ما هضمه الا حريمنا...

وتكفى اذا بقى ورق عنب ارسله بالبريد الخاص

يااخوووي انت تامر ولو تبي الوالده تسويلك بلم تامر والله .....

بحوووري: غريبه والله تحب ورق العنب ...لا و تقدره بعد ...

صدوووقي : اشوف الربع كلهم يحبون ورق العنب انت وبحر والسجين ..

الظاهر اني حكمت على ورق العنب انه شين من الرجال اللي عندنا ..

تسلممووووون كلكم على الردوووووووود

موكا موكا

14/3/2003, 06:23

حررااااااام عليك يا انس

انا اموت بورق العنب
احب ورق العنب حيييييل

** ابراهيم**

Don Corleone

14/3/2003, 06:35

هلا وغلا

هلا انوسي ;)

انا بالنسبه لي مااحب ورق العنب نهائياً
بس فيه رجال كثير يقدرونه واولهم خالي :D:D:D:D:D

سلملم

المسااااااااااااااااافر راااااااااااااااااااااااح :(

يوسف

14/3/2003, 07:36

هلا بالداجين والداجات:magkiss:
هلا انس
ابصراحه ورق العنب ذا ابد والله ماهظمته مادري ليش:rolleyes: ولا فكرت اني اذوقه ابد الا مره وحده شخص عزيز علي قالي ذوقه ورااح يعجبك يايوسف وانا الي مسويه بيدي:rolleyes: فاكلته ذاك اليووم وعقبهاا ماطب فمي:yuupy:
:magkiss:باااااااي:yes:

قرقو

14/3/2003, 08:30

مرااااااااااااااااااااااحب

ليش ورق العنب ما ياكله الا الحريم ....
لان اكثر الحريم من اكلات الاعشاب ويقدرن الشي الاخضر مثل الكراث والخس والجرجير...الخ

بس انا عندي قاعده بالاكل

شي مايعجبني شكله مااكله

عشان كذا انا سمين مرررره(himo)

أسيره الحرمان

14/3/2003, 12:03

سجين
والله مايسوي ورق العنب الا حريم محترفات طبخ
مدحه قويله للبنات اجل انا محترفه بالطبخ

وتكفى اذا بقى ورق عنب ارسله بالبريد الخاص<<<< يقدر ورق العنب

انا اصلح لك وارسله لك بالبريد علشان تذوق ورق عنبي
بحر
<<--- من يوم انه صغير بالمدرسة ترى فسحته ورق عنب << .. الله يقطعك يالدافووووووووور
ههههههههههههههههههههه

قرقو

لان اكثر الحريم من اكلات الاعشاب ويقدرن الشي الاخضر مثل الكراث والخس والجرجير...الخ
حلوه ما اكلات الاعشاب وش قصدك بردك

عاشق الخراشي

14/3/2003, 15:59

اهلين انا بصراحه

اموت بشي اسمه ورق العنـــــــــــــــــــــــــــــــــــب
ولي ماجرب اكله صراحه
يحاول انه يجربه
باااااااااااااااااااايات

TOTTI- 10

14/3/2003, 18:45

و الله اذا جيتو للصراحه ... ما قد اكلته

ما ادري ليه شكله مش مهضوم :):)

زعيم الهــــلال

15/3/2003, 00:01

هلا انس

ولله الورق العنب بعض الايحان يكون جيد وبعض الاحيان يكون سيء

على حسب الأيادي العامله <<<<<<<<<مادة الجغرافيا اثرة عليه

يعني بصراحه محد يزبط الروق العنب الا امي لله يحفظها

علي معتـوق العمـــري

15/3/2003, 01:04

هلا أنس 000

ما دام مدحه بحر والسجين أنا بعلن مقاطعته من اليوم :D

بندر

15/3/2003, 03:06

حرام عليك والله ورق العنب احلى مشروب عندي :sheto: <----يبي يشارك

برايفت داج

منهو الشخص اللي اكلك ورق عنب:fghty:

حلوووس

15/3/2003, 15:35

أنس

15/3/2003, 16:48

مويك: ابغير نظرتي فيك دام انك تحب الروق العنب ههههههههههههههه

ما عاش من يغير وجهه نظره فيك يا ابو خليل .....

برهووم : اهم شي انك ما تحبه ,,,,,,..,.,.,.

دجو:تنحسبلك هالنقطه وهو انك ما تحب الورق العنب .... يعني انت كامل والكامل وجه الله

قرقو : لان اكثر الحريم من اكلات الاعشاب ويقدرن الشي الاخضر مثل الكراث والخس والجرجير

هههههههههههههههههههههههههههه حللللللللللللللللللوه

انين الصمت : طبااااخه بعد .............ز اذا تعرفين تسوين شاهي زين

عاشق الخراشي : اعوذ بالله .. من نصيحتك وتشكر على ردك

عميد المنتدى ابو خلود : تعجبني والله ولا تذوقه ابد .....

زعيم الهلال : دايم سيي ولو ان نعمه الله كلها زينه .....

ابو معتوق : يا حظي رديت علو موضوعي يا حظ الروق عنب رد علو موضوعي ابو معتووووق تلقى الورق العنب مبسوووط انك رديت ..................هههههههههههههه

ذا النون : من جد خل العنب على جنب اخبار اصابه الخراشي ..
تسلمووووووووووووون كلكم على الردود ولا يهووون حلووووس

عززوووز2006

15/3/2003, 21:07

=========> يقدر ورق العنب بقوه:love:
بصراحه كلش في كوم ورد بحر في كوم
ههههههههههههههههههههههههههههه
الله يرجك بحوري

ابتسامة ملاك

15/3/2003, 22:03

والله صادق, حتى ابوي ما ياكل ورق العني, وش القصه

لا تكون وجبه نسائيه بس, اقول تبون تذوقونه من يدين جدتى

تعافون الاكل بعده ولا تقدرون تشبعون منه, الله يهديها طبخها يهبل.

أنس

16/3/2003, 17:59

ابتسامه ملاك : والله الظاهر ان الاكله مختصه بالنساء فقط \.........

عزوووووووووز: بحر ذا منتهي ............

انين الصمت : انت تتوقع العالم مثل اخواتك مايعرفون يطبخون

اول شئ متى المعرفه بخواتي .....

ثاني شي ولله الحمد والمنه اذا جتني عزيمه ماتشوف خواتي الا اربع وعشرين ساعه بالمطبخ يعاونون الوالده....

تحسبين خواتي مثلكم اربع وعشرين ساعه على النت ( الحمد الله افتخر خواتي ما يدرووون وش النت موهب مثلكم )

لا تحرثين عن مذبحك يا انين الصمت ............:D:D:D

أسيره الحرمان

16/3/2003, 18:09

تحسبين خواتي مثلكم اربع وعشرين ساعه على النت ( الحمد الله افتخر خواتي ما يدرووون وش النت موهب مثلكم )

لا تحرثين عن مذبحك يا انين الصمت ........
لو سمحت لاتغلط انا ادخل النت لسببين اولهم دراسه مانيب مثلك اضيع وقتي على الفاضي لو
بسألك وش تعلمت من النت انت ماتعلمت شي بس انا تعلمت اشياء كثيره تعلمت هكر وفلاش وتصميم مواقع انت وش تعلمت جاوبني
وثاني شي انا انزل محاضراتي ودرجاتي والواجبات من النت والمنتدى ادخله وقت الفراغ وانا على الاقل محترمه نفسي ولا مره نزلت موضوع مخل با الادب وليه ادور على مذبحي الا انت تدور على مذبحك

أنس

16/3/2003, 18:21

نزلت موضوع مخل با الادب

ابي افهو احد قال شي ولا تكلم عليك.....

انا قلت افتخر ان خواتي ما يدخلووون النت ....

يعني موهب اني افتخر ا ن خواتي ما يدخلون النت يعني اللي بالنت صايعااات ...

لو سمحت لاتغلط

وجهي الكلااام لك

سلملم

أسيره الحرمان

16/3/2003, 18:26

انا ماغلطت وانت الي غلطت بكلمتك انا على الاقل خواتي مايدخلون نت وش معنى هل الكلام
ووش معنى انا افتخر ان خواتي مايدخلون نت ثمن كلامك قبل ماتطلعه

أنس

16/3/2003, 18:31

انا من وجه نظري ماني مع البنت انها تخش النت .....

ومو معنى كلامي ان اللي يخشن النت كلهن ..............؟

ارجو ان تكون الصوره وضحت عندك .......

قرقو

17/3/2003, 03:08

مرااااااااااااااحب اقين;)

اقول كل واحد يصلح سيارته لاتطاقون:hgfd:
تراكم اخوان:mad:

يالله كل واحد يتسامح من الثاني امسحوها بخشتي;)