الجمعه21 / 1 / 1433هـ النقل المباشر للمباريات + البرامج الرياضيه ..

[السـامـر]

السلام عليكم

اليوم تستكمل الجوله بـ 4 مباريات يلعب كلاً من :

الشباب vs الأهلي

الرائد vs التعاون

المباراتين تلعبان الساعه الثالثه عصراً ..


ويلتقي

الاتحاد vs هجر

النصر vs القادسيه

المباراتين تلعبان الساعه السابعه والنصف مساءً ..



متابعه ممتعه نتمناها لكم ..

[[ محمد ]]

عليكم السلام

يارب يتعادل الاهلي مع الشباب
ويكون الفارق بسيط

[Golden joker]

الله يعطيك العافيه يافهد
...
مباره الشباب والاهلي بالنسبه لي اتمنى فوز الاهلي على الشباب او على الاقل التعادل :amjd:
على العموم بالتوهيق لـهـ الفريقين :d:
وشكل الشعب نايم او انهم متحطمين بعد المهزله الكرويه اللي صارت امس :d:

[My BOOK]

يآ رب تعال أو خسارة للشباب
سبحان الله صرنا نتمنى الخسارة بسبب فريقنا ,

[للمجد بقية]

أتمنى تنتهي بفوز الأهلي منها يتعطل الشباب ومنها ينبسط مدير أبو عبدالرحمن :amjd:
أو على الأقل تعادل .
أتوقع تكون مباراتنا مع الاتحاد قاصمة الظهر ::(
السلام عليكم

[نيــفــ7ــيــز]

السـلآم عليكم ورحمة الله وبركاته .. :)
بالنسبه للمباراتين .. آتوقع آلآهلي اليوم بيفوز ..

الشباب توقعي آنه رآح يلعب بتشكيله شبيه لـذي ..

وليد عبدالله ..

الآسطآ .. القاضي ( سند ) .. عبدربه .. حسن معاذ ..

فرنآندو .. الغآمدي ..

آحمد عطيف ..

جبآروف .. ياتارآ

الشمراني .. فهد حمد ( مختار فلاته ) ..

..

الاهلي بيلعب بهالتشكيله ..

المسيليم ..

منصور الحربي .. جفين البيشي .. كامل الموسى .. المر ..

تيسير الجاسم .. بالومينو ..

معتز الموسى .. كمـآتشو ..

فيكتور .. عمـآد ..

آتمنـآهـآ تعادل .. آول فوز آلآهلي ..

[مبارك الهلالي]

اتمنى فوز الأهلي او على الأقل التعادل

[MuHu]

فيه غيابات مهمة في الفريقين؟

[للمجد بقية]

فيه غيابات مهمة في الفريقين؟

تفاريس غايب ويمكن برازيليهم الثاني مايلعب اليوم .
والسلام

[MuHu]

تفاريس غايب ويمكن برازيليهم الثاني مايلعب اليوم .
والسلام

يعطيك العافية :br:

غيابات مؤثرة، بالذات لو غاب فرناندو

[عازفة الكيبورد*]

اتمنى الطحالب يجملونها اليوم ويعطلون الشباب سواء فوز اوتعادل دائما مبارياتهم فيها اكشن ..

واتوقع فوز الرائد والقادسية باذن الله ...

[الخارطة الزرقاء]

ان شاء الله هزيمه للشباب وليس تعادل فقط // ان فاز الشباب اعتقد انه يكون قد وضع قدم في منصة التتويج باللقب // بسبب ان مباراة الإتحاد في تصوري اننا نكسب نقطه لأني ما اظن المدرب يعمل مثل خطة مباريات التعاون و الأهلي والنصر بالزج بالمهاجمين الأجانب كأساسيين وهذي أكبر نقطة قوة لفريقنا بوضعه الحالي ونرى الهجمات المتوالية بكثرة خصوصا مباراتي التعاون و الأهلي

[هلالي احبكم]

السلام عليكم
إن شاء الله فوز الأهلي- اما الرايد والتعاون أنا ببريدة والملعب مايبعد عني إلا 3 كيلو ولا افكر أروح لها صحيح انا اشجع الرائد بس الرائد والتعاون لعبهم شين خاصه بالديربي

[عازفة الكيبورد*]

بالنسبة للشباب غياباتهم فرناندو وتيفا بلاشك غيابات مؤثرة خاصه بوجود كماتشو وفيكتور هم مصدر الخطورة الاهلاوية..

[bader20]

السلام عليكم

مع دول صرنا نفرح بتعادلنا مع الاتفاق ونفرح بهدف باخر الدقائق

والحين نتمنى تعثر حلال البلطان :cry:

ومباراة الرائد والتعاون هياط برى الملعب وجوا الملعب عك ومطرسة

[هلالي شرس]

ياشباب كيف اقدر انزل صورة من اي موقع للتوضيح

[..! cataloni !..]

بالتوفيق للأهلي لعيون سيموس :inlove:
وبالتوفيق للقادسيه

[Salt of Life]

السلام عليكم ورحمة الله /

مبـاراة الشباب و الآهلي إإ اتوقها و اتمناها تعادل إإ

و بالتوفيق لـ القادسية !!

[Salih ™]

الحوسني برا التشكيله هههههه


ابوووك ياحظ البلطان

[عازفة الكيبورد*]

الحوسني برا التشكيله هههههه


ابوووك ياحظ البلطان

الحوسني هالسنه مستواه مدحدر مو مثل العام اشوف قوة الاهلي بوجود السفاح فيكتور وكماتشو

[Salih ™]

تشكيلة الاهلي الاساسية

ياسر المسيليم

منصور الحربي / كامل الموسى / جفين البيشي / كامل المر

بالومينو / معتز الموسى / محمد مسعد
تيسير الجاسم / كماتشو

فيكتور سيموس

[إعصار الزعيم]

أن شاء الله تعادل أو على الأقل فوز أهلاوى

خسارة ضيعنا نقاط الأتفاق

اليوم الشباب راح يدخل مرتاح أكثر
بعد تعادل الهلال مع الأتفاق

[MuHu]

ياشباب كيف اقدر انزل صورة من اي موقع للتوضيح

ما فهمت وش تقصد بالتحديد، ممكن مثال؟

[هلالي باريسي]

السلام عليكم

الشباب راح يغيب عنه تفاريس وراح يلعب عبد ربه والقاضي في الدفاع مدرب الاهلي في المباراة الي المفترض ان يلعب فيها بمهاجمين ويستغل ضعف دفاع الشباب يلعب بمهاجم واحد

اتوقع واتمنى فوز الاهلي

[*هلاليه والفخر ليه &]

بالتوفيق للاهلي وان شاءالله تعثر لشباب والاتحاد والنصر

[FC Blaugrana]

أن شاء الله تعادل أو على الأقل فوز أهلاوى

خسارة ضيعنا نقاط الأتفاق

اليوم الشباب راح يدخل مرتاح أكثر
بعد تعادل الهلال مع الأتفاق

:yes:

[*هلاليه والفخر ليه &]

العبودي
وكالات الانباء العالمية في اخبار لها تؤكد الارجنتيني جيراردو مارتينهو مدربا للهلال السعودي ..

[الهـــــ14ـلالي]

العبودي
وكالات الانباء العالمية في اخبار لها تؤكد الارجنتيني جيراردو مارتينهو مدربا للهلال السعودي ..
:love0::happy::hap::yahilal::yahilal2::mad::hap:

[هلالي باريسي]

العبودي
وكالات الانباء العالمية في اخبار لها تؤكد الارجنتيني جيراردو مارتينهو مدربا للهلال السعودي ..

المدرب وش تاريخه الكل يعرف انه مدرب البارغواي ما هي الأندية الي دربها وهل سبق ان حقق بطولات يا ليت الي عنده علم يفيدنا

[هلالي شرس]

ما فهمت وش تقصد بالتحديد، ممكن مثال؟





مثلا كيفية تنزيل مقطع من اليوتيوب للموقع هنا كاني ابي اشرح عليها واوضح عليها كاني اسوي برنت سكرين للجهاز

[للمجد بقية]

العبودي
وكالات الانباء العالمية في اخبار لها تؤكد الارجنتيني جيراردو مارتينهو مدربا للهلال السعودي ..
مهوب هو راعي أجزم أمس ؟
والسلام


<!-- / message -->

[إعصار الزعيم]

الأهلي لو فاز اليوم راح يقلص الفارق
لنقطتين مع الهلال

[السـامـر]

ديربي القصيم احسن لكم في جماهير ض1

[عازفة الكيبورد*]

السيطرة لحد الان شبابية للاسف

[--( Barcelona )--]

البطاقه الشخصيه

الاسم : جيراردو دانييل مارتينو

تاريخ الميلاد : 20-11-1962 (48 سنه ) في مدينة روزاريو الارجنتينيه

مسيرته كلاعب :


نيولز اولد بويز الارجنتيني 1980 - 1990

تينيريفي الاسباني 1991

نيولز اولد بويز 1991 - 1994

برشلونه الاكوادوري 1996

او هيجيانس الاكوادوري 1996

منتخب الارجنتين : مباراه دوليه واحده





مسيرته كــــــمدرب






الميرانتي براون الارجنتيني 1998

اتلتيكو بلاتينسي الارجنتيني 1999

اتلتيكو انستيتيو الارجنتيني 2000

ليبرتاد الباراغوياني 2002 - 2003

سيرو بورتينو الباراغوياني 2004

كولن الارجنتيني 2005

ليبرتاد الباراغوياني 2006

منتخب الباراجواي 2006 - 2011



بدأ مسيرته التدريبيه عام 1998 الى عام 2000 مع ثلاثة انديه

من اندية الدرجه الثانيه في الارجنتين ولم يحقق شيء يذكر

لكن البدايه الحقيقيه له في عالم التدريب وبروزه

كانت مع انتقاله لتدريب نادي ليبرتاد الباراغوياني عام 2002

وحقق معهم الدوري البارغوياني بعد غياب نادي ليبرتاد عنه

مدة 26 سنه منذ عام 1976 وحققه معهم عام 2002

فبرز نجم هذا المدرب في الباراجواي

واستطاع في الموسم الذي يليه المحافظة على لقب الدوري

مع نادي ليبرتاد الامر الذي اثار بقية الانديه وتنافست عليه

حتى خطفه نادي سيرو بورتينو عام 2004 وتحقق لهم مطلبهم

وقادهم مارتينو لتحقيق الدوري الباراغوياني

واستعادة اللقب من ناديه الاسبق ليبرتاد

في عام 2005 وقع جيراردو مارتينو عقدا مع نادي كولن الارجنتيني

لكنه لم يحقق شيء يذكر مع الفريق

في عام 2006 عاد مارتينو الى الباراجواي والى ناديه الاسبق ليبرتاد

واستطاع اعادة لقب الدوري الباراغوياني لهم في عام 2006

مما حدى بالاتحاد الباراغوياني لترشيحه والتوقيع معه

كمدرب للمنتخب الباراغوياني الذي كان يعاني وقتها من فترة سيئه

بعد الخروج على يد المكسيك من كوبا امريكا بنتيجه مذله قوامها 6-0

واستلم مارتينو زمام تدريب المنتخب الباراغوياني

وقاده لتحقيق نتائج مميزه في كأس العالم 2010

وفي كوبا امريكا 2011 ووصوله إلى نهائي البطوله

احصـــــــائيات ومـــميزات :


- افضل مدرب في امريكا الجنوبيه عام 2007

- يستخدم الطريقه الكلاسيكيه 4-4-2

- وصل بمنتخب الباراجواي لربع نهائي كأس العالم 2010

وخرج على يد البطل اسبانيا 1-0 بشق الانفس بعد ان كان الاقرب

لولا اضاعة مهاجم الاورغواي لضربة جزاء

- وصوله إلى نهائي كوبا أمريكا

- سيطر على الدوري الباراغوياني ففي كل سنه يدرب فيها في الباراجواي

يأخذ الدوري هناك

- حماسي وقريب من اللاعبين ومدرب طموح انهارت دموعه في كأس العالم

بعد تأهله مع الباراجواي الى ربع النهائي

- معدل بقاءه في عمله سنه ونص في كل فريق


اعتقد انه مو بعيد عن دول

[الهـــــ14ـلالي]

المدرب وش تاريخه الكل يعرف انه مدرب البارغواي ما هي الأندية الي دربها وهل سبق ان حقق بطولات يا ليت الي عنده علم يفيدنا


درب فريقين في البارجواي وحقق دوري الباراجواي 4 مرات
ودرب فريق أرجنتيني لكن لم ينجح معه



مهوب هو راعي أجزم أمس ؟
والسلام

هو بس الحين هو ناقل مو مصدر :d:

[إعصار الزعيم]

لعبة ذكية من كماتشو

نبغى صانع العاب .. :(

[هلال خيال]

في رابط للمباراة

[للمجد بقية]

برشلونه الاكوادوري 1996


فريق سوزا اللي لعب معنا 1418 هـ
والسلام

[*هلاليه والفخر ليه &]

مهوب هو راعي أجزم أمس ؟
والسلام


<!-- / message -->

:yeees:

[السـامـر]

انا اشجع الشباب ما طيق الأهلي مادري ليه ض1

[عازفة الكيبورد*]

طيب وش هي الوكالات اللي اعلنت الخبر لو كان صادق

[هلالي باريسي]

اعتقد انه مو بعيد عن دول

تاريخ المدرب جيد ويكفي انه حقق بطولات *

[إعصار الزعيم]

قوووووووووووووووووووووووووول فيكتور

[السـامـر]

فيكتور سيموس هدف

[Prince Khaled]

قووووووووووول للاهلي

[--( Barcelona )--]

قوووووووووووووووول سيموس يا مجنون

[عازفة الكيبورد*]

جابها السفاح حلووووو قمة الاستهبااال جابه بالصدر

[..! cataloni !..]

قوووووووووول

سيمووووووووووس المجنوون :love:

[الزعيــ20ــــم]

اللله عليــــك يا فيــــكتووور

[إعصار الزعيم]

هذا اللاعب اللى يبرد على الواحد

[هلالي شرس]

قول للاهلي فيكتور

[*هلاليه والفخر ليه &]

قووووول فكتور

[هلالي باريسي]

قوول اهلاوي

[FC Blaugrana]

سيموس هذآ آلمهآجم آللي يظهرك بآلمبآريآت آلكبيرة

[..! cataloni !..]

توني بأكتب الشباب مستحوذ لكن الاهلي هجماته شكلها اخطر و هو الاقرب للتسجيل
لكن اللي معه سيموس يتوقع اللامتوقع

[..! cataloni !..]

سيموس هذآ آلمهآجم آللي يظهرك بآلمبآريآت آلكبيرة

الكبيره و بس الا الكبير والصغيره

[بنت أمها]

مبارايات الاصفررين بالليل ؟

[Prince Khaled]

وشلونه طاحوا فيه الطحالب هالسفاح؟؟؟

[السـامـر]

الشباب فريق ضعيف جداً وماشي بالبركه

[إعصار الزعيم]

اللى يشوف تحركات وضغط لاعبين الأهلي على الخصم

يدرك أن اللاعب الهلالي متبلد فاقد للروح في الملعب

[للمجد بقية]

<HR style="BACKGROUND-COLOR: #addaef; COLOR: #addaef" SIZE=1><!-- / icon and title --><!-- message -->

لعبة ذكية من كماتشو



نبغى صانع العاب .. :(


انبح حلقي وأنا أقول الهلال يحتاج لصانع لعب ( غير صانع الهدف )
الهلال يحتاج لمايسترو في خط المنتصف .
الأعوام الماضية أختزلنا مشاكلنا في ياسر وأنه سبب مشاكل الهلال .
وهذه السنة الأظهرة والزوري تحديدا
ولانعرف من الضحية القادمة .
الهلال يحتاج لكبير واللي ماعنده كبير يدور له كبير .
والسلام

[ميما الهلاليه]

السلام عليكم




ماشاء الله توني داخلة

وجابة السفاح

ياليت من يجيبة

وش رايكم نغري الاعب ونجيبة

يالبية بس يالسفاح ياليتك في الهلال

[السـامـر]

جابها السفاح حلووووو قمة الاستهبااال جابه بالصدر


اي أستهبال هي الكوره جات كذا حتى نامي بيحطها بها الطريقه :amjd:

[هلالي باريسي]

دفاع الاهلي ضعيف وسهل اختراقه من العمق

[عازفة الكيبورد*]

من ذالحال واردى للشباب

[ميما الهلاليه]

<hr style="background-color: #addaef; color: #addaef" size=1><!-- / icon and title --><!-- message -->




انبح حلقي وأنا أقول الهلال يحتاج لصانع لعب ( غير صانع الهدف )
الهلال يحتاج لمايسترو في خط المنتصف .
الأعوام الماضية أختزلنا مشاكلنا في ياسر وأنه سبب مشاكل الهلال .
وهذه السنة الأظهرة والزوري تحديدا
ولانعرف من الضحية القادمة .
الهلال يحتاج لكبير واللي ماعنده كبير يدور له كبير .
والسلام



من هو الصانع الي تبية

[إعصار الزعيم]

<hr style="background-color: #addaef; color: #addaef" size=1><!-- / icon and title --><!-- message -->




انبح حلقي وأنا أقول الهلال يحتاج لصانع لعب ( غير صانع الهدف )
الهلال يحتاج لمايسترو في خط المنتصف .
الأعوام الماضية أختزلنا مشاكلنا في ياسر وأنه سبب مشاكل الهلال .
وهذه السنة الأظهرة والزوري تحديدا
ولانعرف من الضحية القادمة .
الهلال يحتاج لكبير واللي ماعنده كبير يدور له كبير .
والسلام

فعلاً الهلال يحتاج للاعب قيادي في وسط الميدان
يفكنا من عك المحليين ومزاجيتهم

[السـامـر]

الا شهيل كلش ماله حس ؟

[نيــفــ7ــيــز]

لو انهزم اليوم الشباب رآح تبدآ بآذن الله عنده دوآمه الخسائر والتعادلآت .. ورآح يكون ترتيبه الرآبع الخـآمس ..
بـآذن الله رآح تكون انطلآقه الهلال للمحافظه على اللقب .. عبر مباراة الاتحآد ..

[عازفة الكيبورد*]

الرائد ضيع هدف محقق

[*هلاليه والفخر ليه &]

طيب وش هي الوكالات اللي اعلنت الخبر لو كان صادق

شكل خبرة سواليف مثل باوزا واحد طلب منه رابط
للخبر قال لا يمكن الدخول للوكالات الا باشتراك
مدفوع الثمن

[Prince Khaled]

من هو الصانع الي تبية

مو شرط بالاسم نبي لاعب من طينه كماتشو جابوا ايمانا بس مو قد الطوحات

[لله درك ياهلال]

الحوسني وينه , احتياط ولا خارج الـ 18 ؟

[هلالي باريسي]

السلام عليكم




ماشاء الله توني داخلة

وجابة السفاح

ياليت من يجيبة

وش رايكم نغري الاعب ونجيبة

يالبية بس يالسفاح ياليتك في الهلال

مستحيل الهلال ياخذ لاعب من الاهلي الا بموافقة الاهلي

[Salih ™]

وش الي ارجنتيني
لاوسيرته زي وجهه


جيبوا من اوروبا الشرقيه ومدرب له اسم وتاريخ يحترمونه اللاعبين

[عازفة الكيبورد*]

الا شهيل كلش ماله حس ؟

الشهيل يقااال فيه مشاكل بينه وبين المدرب

[هلالي شرس]

الحوسني وينه , احتياط ولا خارج الـ 18 ؟

احتياط

[الهـــــ14ـلالي]

مصدر هلالي


ما ذكرته الصحافه عن مفاوضات المدرب الارجنتيني خبر صحيح وسيرد المدرب في مده أقصاها 5 ايام
:wr0:

[*هلاليه والفخر ليه &]

<hr style="background-color: #addaef; color: #addaef" size=1><!-- / icon and title --><!-- message -->




انبح حلقي وأنا أقول الهلال يحتاج لصانع لعب ( غير صانع الهدف )
الهلال يحتاج لمايسترو في خط المنتصف .
الأعوام الماضية أختزلنا مشاكلنا في ياسر وأنه سبب مشاكل الهلال .
وهذه السنة الأظهرة والزوري تحديدا
ولانعرف من الضحية القادمة .
الهلال يحتاج لكبير واللي ماعنده كبير يدور له كبير .
والسلام

فعلا الهلال محتاج صانع لعب قيادي في الوسط

[معشي]

<hr style="background-color: Rgb(173, 218, 239); color: Rgb(173, 218, 239);" size="1"><!-- / icon and title --><!-- message -->



انبح حلقي وأنا أقول الهلال يحتاج لصانع لعب ( غير صانع الهدف )
الهلال يحتاج لمايسترو في خط المنتصف .
الأعوام الماضية أختزلنا مشاكلنا في ياسر وأنه سبب مشاكل الهلال .
وهذه السنة الأظهرة والزوري تحديدا
ولانعرف من الضحية القادمة .
الهلال يحتاج لكبير واللي ماعنده كبير يدور له كبير .
والسلام



+1000
اتفق معك , في ظل درعمة الوسط الحالية .

[Salih ™]

:wr0:


لاعاد تمدح مدربين من يوم مدحنا دول انا واياك وهو ناكبنا:power:

[Ăłşά38]

ان شاء الله الاهلي يصمل

[نيــفــ7ــيــز]

وش الي ارجنتيني
لاوسيرته زي وجهه


جيبوا من اوروبا الشرقيه ومدرب له اسم وتاريخ يحترمونه اللاعبين


تتكلم من جدك آبو صلوح .. :amjd:

[الهـــــ14ـلالي]

لاعاد تمدح مدربين من يوم مدحنا دول انا واياك وهو ناكبنا:power:
أنا مدحت دول؟! :mfhi::yuupy::q: :amjd:

[Salih ™]

تتكلم من جدك آبو صلوح .. :amjd:

اللاتينيين داجين وعندهم قحط في المدربين
فمابالك بارجنتيني وسيرته عاديه بعد

[Ăłşά38]

وش الي ارجنتيني
لاوسيرته زي وجهه


جيبوا من اوروبا الشرقيه ومدرب له اسم وتاريخ يحترمونه اللاعبين

الاهم سيرته مع المنتخب

[5 نيسان]

دفاع الأهلي بلاوي . . بس اللي يستثمر صح

[هلالي باريسي]

الشمراني يمثل يبغى بلنتي الحمد الله الحكم اجنبي

[إعصار الزعيم]

جيبوا من اوروبا الشرقيه ومدرب له اسم وتاريخ يحترمونه اللاعبين

عندك بيليتش مدرب كرواتيا
لكن المشكلة مرتبط بعقد الظاهر الين بطولة اليورو

http://upload.wikimedia.org/wikipedia/commons/9/90/Slaven_Bilic_0410_1.jpg

[السـامـر]

الهلالي 14 مدح دول :d:
عندنا سباك بعد هنا الله يعين :d:

[عازفة الكيبورد*]

دفاع الاهلي شوارع

[السـامـر]

امس مدربنا الموقر , الفريق وسطه شوارع من بداية المباراه
ولاحل هالخلل الى نهاية المباراه

[نيــفــ7ــيــز]

اللاتينيين داجين وعندهم قحط في المدربين
فمابالك بارجنتيني وسيرته عاديه بعد


سيرته مو عـآجبتك .. :amjd:
بالعكس والله سيرته كويسه .. وكلهآ يعني قريبه بعض انجآزآته ..


- افضل مدرب في امريكا الجنوبيه عام 2007

- يستخدم الطريقه الكلاسيكيه 4-4-2

- وصل بمنتخب الباراجواي لربع نهائي كأس العالم 2010

وخرج على يد البطل اسبانيا 1-0 بشق الانفس بعد ان كان الاقرب

لولا اضاعة مهاجم الاورغواي لضربة جزاء

- وصوله إلى نهائي كوبا أمريكا

- سيطر على الدوري الباراغوياني ففي كل سنه يدرب فيها في الباراجواي

يأخذ الدوري هناك

- حماسي وقريب من اللاعبين ومدرب طموح انهارت دموعه في كأس العالم

بعد تأهله مع الباراجواي الى ربع النهائي

- معدل بقاءه في عمله سنه ونص في كل فريق

[هلالي باريسي]

الاهلي يبالغ في الدفاع

[السـامـر]

ياتارا مو يلعب ع الأطراف علامه متمركز بالوسط ؟

[~عادل~]

عندك بيليتش مدرب كرواتيا

لكن المشكلة مرتبط بعقد الظاهر الين بطولة اليورو


http://upload.wikimedia.org/wikipedia/commons/9/90/Slaven_Bilic_0410_1.jpg


:heart::heart:
مدرب خورافي:heart:
هذا الي اضمن لك اذا الزوري فهى بوسط المباراة ينزل للملعب بتفاهم معاه:amjd:

[هلالي الجووووف]

السلام عليكم ورحمة الله وبركاته ,,,,


إن شاء الله يفوزون الطحالب مع أني مقتنع أنه فريق ماينغزى به ,,,,

[هلالي باريسي]

الشباب فاتح شوارع في جهة الحربي

[السـامـر]

- معدل بقاءه في عمله سنه ونص في كل فريق<!-- / message --><!-- sig -->



لو درب النصر كان معدله 3 أشهر :amjd: , المهم انه مش جوعان :amjd:

[الوحش الخائف]

قاعد اتخيل طارق التايب :heart: مكان تيسير بالتمريرة الي قبل شوي

[MuHu]

مثلا كيفية تنزيل مقطع من اليوتيوب للموقع هنا كاني ابي اشرح عليها واوضح عليها كاني اسوي برنت سكرين للجهاز

تقصد إنك تلقط صورة لموقع أو جزء من صفحة ثم تحط عليها شرح أو كلام؟

إن كان فهمي صحيح، فتقدر تسوي هالشي بأكثر من طريقة

أبسط طريقة إنك تسوي "برنت سكرين"، وتفتح الصورة في الرسام وتعدل فيها

أو تقدر تستخدم أداة "Snipping Tool" اللي تجي مع ويندوز (أظنها مع فيستا و 7 فقط)، وتقدر تلقط فيها الشاشة كاملة أو جزء منها

وفيه برامج متخصصة ممكن تناسبك أكثر إذا كنت تبي أدوات أكثر للشروح وأسهل في التعامل، مثل برنامج Snagit

[عازفة الكيبورد*]

بدت انبراشات وليد على فيكتور

[الوحش الخائف]

فيكتور مجنون ياخذ الكورة وبكل ثقة يروح جهة اللاعب الشبابي :smart::heart:

[HilalyToday]

السلام عليكم
يالله حي ابو كرم
ياخي تحس ماحد فاهم كورة الا إدارتنا وانه لا يأتيها الباطل من بين يديها ولا من خلفها!
أخطاء كثيرة جداً تتكرر طوال المواسم الماضية بدون أي حراك ايجابي لحلها !
..
التعادل مسألة وقت للشباب
دفاع الأهلي بقيادة الامبراطور جفين بيجيب العيد

[نيــفــ7ــيــز]

لو درب النصر كان معدله 3 أشهر :amjd: , المهم انه مش جوعان :amjd:


المدرب اللي جـآهم معدل بقائه 3 ايام .. :d::d:

[هلالي شرس]

يعطيك العافية MuHu هذا الي بغيته

[نيــفــ7ــيــز]

فيكتور مجنون ياخذ الكورة وبكل ثقة يروح جهة اللاعب الشبابي :smart::heart:



كم عمره هو 30 .. ولآ كم .. !!؟؟
لو نعطيه نصف رآتب ايمانا ولآ العربي قسم بالله اني يجيك يلهث .. :d:

[الهـــــ14ـلالي]

الهلالي 14 مدح دول :d:
عندنا سباك بعد هنا الله يعين :d:
إذا محتاجين سباك للقسم أنا موجود :d::d:
بس تراني مامدحته :power::power:

[السـامـر]

مدرب الشباب عنده أفضل لاعب بآسيا مخليه جنبه بالدكه

[عازفة الكيبورد*]

تسديدة من كماتشو طلعت برا ضربة ركنية

[--( Barcelona )--]

كم مره اقولها مركزين ما ينفع لهم الا البرازيلي

1- صانع لعب

2- راس حربه

واسعارهم ولا شي بالنسبه لايمانا والعربي

والهلال ما ينفعله العرب ابدا

[السـامـر]

المدرب اللي جـآهم معدل بقائه 3 ايام .. :d::d:


تحصل كوستاس حقهم للحين ماوصلت أوضة النوم حقته سفروه :d:

[الوحش الخائف]

الهلالي 14 مدح دول :d:
عندنا سباك بعد هنا الله يعين :d:

تعرف سالفة الامير الي صرح وقال

لو عاد بي الزمان لـ اشتغلت سباك :power:

المسكين الظاهر انه يقصد بيصير مدرب :d::angel:

[هلالي باريسي]

هدف محقق يضيع من الرائد

[*هلاليه والفخر ليه &]

انتهى الشوط الاول بتقدم الاهلي بهدف

[برنسيسه هلاليه]

السلام عليكم

وش أخبار الفريق بعد مباراة أمس فيه أخبار زينه

[إعصار الزعيم]

:heart::heart:
مدرب خورافي:heart:
هذا الي اضمن لك اذا الزوري فهى بوسط المباراة ينزل للملعب بتفاهم معاه:amjd:[/CENTER]

:d:

[نيــفــ7ــيــز]

تحصل كوستاس حقهم للحين ماوصلت أوضة النوم حقته سفروه :d:



يارجال انا والله خايف على ماتورانا .. :(
آخـآف تجيه جلطه ولآ شي .. هو آتوقع انه بيجيه شي بس اتمنى انه يكون صامد .. :d:
بس باين من جابوا لقاء معه انه مفهي ولآ يدري وش السالفه ولآ يدري وش له جـآي .. :d:

[ميما الهلاليه]

مو شرط بالاسم نبي لاعب من طينه كماتشو جابوا ايمانا بس مو قد الطوحات

كيف مو قد الطموح
مو انتم الي طالبتو فية بالاسم
أنا لا أطبل لايمانا

[راغب بدون علامه]

من جدكم الحين تبون الطحالب تفوز ؟؟؟ ترآ بيأخذون مقلب بأنفسهم وشوفوا البكائيات في المباريات الجايه ضد الهلال والحكام وانه هالشيء يصير لهم لأنهم عادوا للمنافسه وخافوا الهلاليين ومن. هالرخيص اللي يسوقونه بنو طحلب كل مرة !!

الشباب لو فاز اليوم مصيره يتعثر .. الدور الثاني بيلعب مع اللاتحاد برّا أرضه .. ومع الطحالب بعد ومع الاتفاق وراح يفقد نقاط كثييييير ..!

ان شاء الله ع الأقل تنتهي تعادل ولايفوزون الطحالب

[الهـــــ14ـلالي]

تعرف سالفة الامير الي صرح وقال

لو عاد بي الزمان لـ اشتغلت سباك :power:

المسكين الظاهر انه يقصد بيصير مدرب :d::angel:


:req::req::req::req:

[هلالي باريسي]

ديربي القصيم المباراة اغلبها اعتراضات على الحكم

[الوحش الخائف]

:req::req::req::req:



انت خلاص خلصت وأصبحت سباك منتديات :la::d:

[E S S A]

العبودي

وكالات الانباء العالمية في اخبار لها تؤكد الارجنتيني جيراردو مارتينهو مدربا للهلال السعودي ..

:inlove::inlove::inlove:

[الوحش الخائف]

ديربي القصيم المباراة اغلبها اعتراضات على الحكم

طيب هذا الدوري السعودي من يوم عرفناه

نص اعتراضات و النصف الاخر انبطاحات :d:

[هلالي شرس]

http://up.alhilalclub.com/uploads/public/2011/12/160702_z177.png

9 لاعبين مهددين من الاتحاد اذا اخذوا كرت اصفر

[--( Barcelona )--]

ياشباب عندي سؤال : مباراة الهلال و الاتحاد بعد كم يوم بالضبط ..؟!!

وعلى اي ملعب

[الوحش الخائف]

العبودي
وكالات الانباء العالمية في اخبار لها تؤكد الارجنتيني جيراردو مارتينهو مدربا للهلال السعودي .


كيف المدرب ذا ؟

[الهـــــ14ـلالي]

انت خلاص خلصت وأصبحت سباك منتديات :la::d:


:d::d:
وعندي لك عرض مغري .. مساعد سباك :d::d:

[هلالي باريسي]

طيب هذا الدوري السعودي من يوم عرفناه

نص اعتراضات و النصف الاخر انبطاحات :d:

وهذا الي يصير الحين :d: لاعب التعاون اليامي طايح *

[نيــفــ7ــيــز]

كيف المدرب ذا ؟




- افضل مدرب في امريكا الجنوبيه عام 2007

- يستخدم الطريقه الكلاسيكيه 4-4-2

- وصل بمنتخب الباراجواي لربع نهائي كأس العالم 2010

وخرج على يد البطل اسبانيا 1-0 بشق الانفس بعد ان كان الاقرب

لولا اضاعة مهاجم الاورغواي لضربة جزاء

- وصوله إلى نهائي كوبا أمريكا

- سيطر على الدوري الباراغوياني ففي كل سنه يدرب فيها في الباراجواي

يأخذ الدوري هناك

- حماسي وقريب من اللاعبين ومدرب طموح انهارت دموعه في كأس العالم

بعد تأهله مع الباراجواي الى ربع النهائي

- معدل بقاءه في عمله سنه ونص في كل فريق

[--( Barcelona )--]

السعوديه بين الشوطين : 13 دقيقه اعلانات و دقيقتان استديو تحليلي

[D.TURKI]

..

مباراة الاتحاد الجايه مع مين ؟

[--( Barcelona )--]

ياشباب عندي سؤال : مباراة الهلال و الاتحاد بعد كم يوم بالضبط ..؟!!

وعلى اي ملعب



ردو علي ضروري

[--( Barcelona )--]

..

مباراة الاتحاد الجايه مع مين ؟

الليله مع هجر

[وداعاً سامي]

الاتحاد مع هجر هذا اليوم



مباراة الهلال مع الاتحاد بعد عشر ايام يوم الاثنين القادم بالرياض

[الهـــــ14ـلالي]

ياشباب عندي سؤال : مباراة الهلال و الاتحاد بعد كم يوم بالضبط ..؟!!

وعلى اي ملعب


10 أيام
في الرياض والتوقيت بعد العشاء .. أتوقع في الملز


كيف المدرب ذا ؟



:love::love:

[نيــفــ7ــيــز]

ردو علي ضروري



آلآثنين مو الجآي اللي بعده ..

[برنسيسه هلاليه]

xxxxxxxxxxxxxxxxx
بعد ما هديت أشوف أن لو نغير كل أبو الأجانب مع السباك أفضل

مدري لاعبينا صدز انه يمكن المدرب ماعرف يتعامل معهم

بس أحسهم فاشلين يعني هرماش محور أبسط شي انك تضغط على اللاعب

لا بالعكس شفناه يتفرج ويالله يمشي واللي يدافع ويضغط على اللاعبين الدوسري

وش هالتخبط

[--( Barcelona )--]

10 أيام
في الرياض والتوقيت بعد العشاء .. أتوقع في الملز




:love::love:




يعطيكــ الف عافيه ما قصرت

[السـامـر]

ان شاء الله يفوز الشباب ض1

[هلالي شرس]

ردو علي ضروري


2-1-1433

[الوحش الخائف]

:d::d:
وعندي لك عرض مغري .. مساعد سباك :d::d:



:d::d:

دنيا حظوظ ولا من يصدق دول ياخذ في الشهر مليون الا كم ريال ::(

[الخارطة الزرقاء]

من جدكم الحين تبون الطحالب تفوز ؟؟؟ ترآ بيأخذون مقلب بأنفسهم وشوفوا البكائيات في المباريات الجايه ضد الهلال والحكام وانه هالشيء يصير لهم لأنهم عادوا للمنافسه وخافوا الهلاليين ومن. هالرخيص اللي يسوقونه بنو طحلب كل مرة !!

الشباب لو فاز اليوم مصيره يتعثر .. الدور الثاني بيلعب مع اللاتحاد برّا أرضه .. ومع الطحالب بعد ومع الاتفاق وراح يفقد نقاط كثييييير ..!

ان شاء الله ع الأقل تنتهي تعادل ولايفوزون الطحالب




يا عزيزي من بداية الدوري وحنا نقول هالكلام // الشباب نفسه قصير و ..إلخ // والأيام اثبتت عكس ذلك والدور الأول انتهى والشباب انهاه بإمتياز على عكس العاده

التعثر يكون أمام الفرق الصغيره فقط // أمام الكبار لا يسمى تعثر لأنهم يعطلون بعض // يعني إذا كنت تشوف ان الشباب مصيره يتعادل أو ينهزم من الإتفاق أو الإتحاد فحتى فريقنا انهزم من الشباب وتعادل مع الإتفاق وممكن و وراد بشكل كبير ما نفوز على الإتحاد ونتعادل مثلا


المهم ان شاء الله ما يفوز الشباب اليوم // واتمنى اقرب مباراة لهم مع فريق صغير يتعادلون وبكذا الواحد يقول تعثروا

[الجـآرح]

ياشباب عندي سؤال : مباراة الهلال و الاتحاد بعد كم يوم بالضبط ..؟!!

وعلى اي ملعب



يوم الآثنين : 26 - 12 - 2011م ، في الريآض !

[برنسيسه هلاليه]

:d::d:

دنيا حظوظ ولا من يصدق دول ياخذ في الشهر مليون الا كم ريال ::(


أنت تقوله صادز

مافيه مدربه حرمه

[الوحش الخائف]

عندي كلام بخصوص العربي و هرماش

كلام طويــل ذكروني فيه عشان اقوله اليوم في الليل :amjd:

[الوحش الخائف]

أنت تقوله صادز

مافيه مدربه حرمه


فيه منتخب الكويت للطائرة :d::angel:

[نيــفــ7ــيــز]

عطونـآ الهدف ..

[Ăłşά38]

السعوديه بين الشوطين : 13 دقيقه اعلانات و دقيقتان استديو تحليلي

:la: :la:
والله انك صادق

[برنسيسه هلاليه]

فيه منتخب الكويت للطائرة :d::angel:


لا مو للدرجه هذي

أنا مو ناقصه ضغط

لا بصير مدربه للهلال

أجي بعبايتي وأتوطئ ببطن اللاعبين

وبعدها بتشوفون اللعب الصح

[برنسيسه هلاليه]

عطونـآ الهدف ..

لا ماراح نعطيك

[إعصار الزعيم]

xxxxxxxxxxxxxxxxx
بعد ما هديت أشوف أن لو نغير كل أبو الأجانب مع السباك أفضل

مدري لاعبينا صدز انه يمكن المدرب ماعرف يتعامل معهم

بس أحسهم فاشلين يعني هرماش محور أبسط شي انك تضغط على اللاعب

لا بالعكس شفناه يتفرج ويالله يمشي واللي يدافع ويضغط على اللاعبين الدوسري

وش هالتخبط

هرماش التغطية الدفاعية عنده سيئة جداً
ويستعرض ويوهق زملائة ويأخر في تسليم الكورة وما يضغط
ويتمشى في الملعب بصراحة راح نعاني منه في بطولة آسيا

[Blue Moon]

عندي كلام بخصوص العربي و هرماش

كلام طويــل ذكروني فيه عشان اقوله اليوم في الليل :amjd:




الساعة 12 ونص ليلا في ملبورن عندك شي تقولة ولا لا ؟

:amjd:

[نيــفــ7ــيــز]

لا ماراح نعطيك



مع نفسك .. مـآطلبت منك .. :power::d:
آنـآ طلبت من بقية آلآعضاء .. :d::d:

[الوحش الخائف]

شباب سؤال بسيط

الحين محمد مسعد استفاد ماديا من تواجده في كرة القدم السعودية

لأني أشوف أخوه خالد في حاله يرثى لها

[Ăłşά38]

الساعة 12 ونص ليلا في ملبورن عندك شي تقولة ولا لا ؟

:amjd:

وش الى مسهرك
اررقد :d:

[الهـــــ14ـلالي]

:d::d:

دنيا حظوظ ولا من يصدق دول ياخذ في الشهر مليون الا كم ريال ::(


الطير يغدو خماصا ويعود بطانا :amjd:
قدرك صنع يديك :amjd:

[الوحش الخائف]

الساعة 12 ونص ليلا في ملبورن عندك شي تقولة ولا لا ؟

:amjd:

بتكلم عن مستوياتهم بغسلهم الا شوي :amjd:

[الوحش الخائف]

الطير يغدو خماصا ويعود بطانا :amjd:
قدرك صنع يديك :amjd:



اي والله ما طار طير وارتفع الا كما طار وقع :la:

[نيــفــ7ــيــز]

كـآمل الموسى .. :heart:

[5 نيسان]

افضل شي التعادل او فوز الاهلي

[همس الروح]

اذا هناك خساره في مباراة الشباب والاهلي
فهو الهلال
عمر الغامدي عمل نقله كبيررره بوسط الشباب
فوالله يابوفهد لك فقده

[برنسيسه هلاليه]

هرماش التغطية الدفاعية عنده سيئة جداً
ويستعرض ويوهق زملائة ويأخر في تسليم الكورة وما يضغط
ويتمشى في الملعب بصراحة راح نعاني منه في بطولة آسيا



أي والله أنا متأكده أن الاداره ماراح تتركه

لين يشوفونه بأسيا كيف بيكون الله يستر

اللي فرق بالهلال هو رادوي مع احترامي لكل الأجانب

اللي لاعب بالههلال هو الدفاع الفريق مو قادر يهاجم

والاظهره فاشله ولا اللحين ألمحاور يعني أطررأف وعمق

صار كل الثقل على قلوب الدفاع بيتحملون أيش ولا أيش

[هلالي شرس]

المسيليم :la::la:

[برنسيسه هلاليه]

مع نفسك .. مـآطلبت منك .. :power::d:
آنـآ طلبت من بقية آلآعضاء .. :d::d:

ههههههههههههه

[Blue Moon]

السلام عليكم ورحمة الله :

كماتشو أضاف للأهلي وعلمهم وش معنى صانع لعب ...

هذي مشكلة الأهلي من زمان ولولا عنجهية جماهيره وشوفة نفس مسؤولية وكرههم للهلال كان أعطيتهم شي قليل

من متابعتي ...

جعل فيكتور ما يكمل معهم الموسم ( بسلامته ) ..

[نيــفــ7ــيــز]

جفين البيشي بغى يشبك .. :d:

[لله درك ياهلال]

بغى يشبكها جفين في بابه

[Blue Moon]

السلام عليكم ورحمة الله :

كم النتيجة ..؟

:amjd:

[هلالي شرس]

1- 0 للاهلي الدقيقة 63

[E S S A]

الطير يغدو خماصا ويعود بطانا :amjd:
قدرك صنع يديك :amjd:




يالبيييه :inlove:

[برنسيسه هلاليه]

السلام عليكم ورحمة الله :

كم النتيجة ..؟

:amjd:
ؤعليكم السلام والرحمه

الطحالب متقدم 1/0

[FC Blaugrana]

ضآآآآآآآآآآآآآآآآآآآآآآآآآآعت

[نيــفــ7ــيــز]

ههههههههههههههههههههههههههههههههههههههههه
فيكتور صكيتوه بعين .. :d:

[Salih ™]

ابووووووك يالحظ

[هلالي الجووووف]

:d:

[BigName]

اوف اوف اوف ياسيموس ههههههههههههههه

[إعصار الزعيم]

ياهو حظ

[برنسيسه هلاليه]

يوووه وشلون ضاعت يا فكتور

[هلالي شرس]

هذي كيف ضاعت !!!!!!

[زعيم من ذهب]

ضااعت من فيكتور

[عازفة الكيبورد*]

والله حاسه بيضيعها

[..! cataloni !..]

غريبه يا سيموس

[السـامـر]

هههههههههههههههههههههههههههههههههه ذكروا الله ع سيموس
كيف ضاعت

[الوحش الخائف]

ابووووووك يالحظ

الا غشامه من فيكتور زيه زي لاعب منتخب قطر

المرمى فاضي :d:

[برنسيسه هلاليه]

اللحين الطحالب لو فازوا

بيصير كمم ترتيبهم وبالمره كم ترتيبنا حنا

لأن من أثر التعادل ماعاد أعرف حنا وين

[هلالي باريسي]

قهر ضاعت والي يقهر اكثر الاعب الي ضيعها بعد فيكتور الشباب محظوظ

[راغب بدون علامه]

لز ان اللي مكان فيكتور لاعب هلالي بتشوفون حسينيات لطم في المدرج هاللحظه !!

[زعيم من ذهب]

بكم جاب الاهلي فيكتور ؟

[برنسيسه هلاليه]

لز ان اللي مكان فيكتور لاعب هلالي بتشوفون حسينيات لطم في المدرج هاللحظه !!




ههههههههههههه صادق

[للمجد بقية]

السلام عليكم
يالله حي ابو كرم
ياخي تحس ماحد فاهم كورة الا إدارتنا وانه لا يأتيها الباطل من بين يديها ولا من خلفها!
أخطاء كثيرة جداً تتكرر طوال المواسم الماضية بدون أي حراك ايجابي لحلها !


هلا أبو عبدالرحمن
البربسة كانت من الصيف وقلناها في وقتها والله يعدي هالموسم على خير .
النت عندي أسوء من الهلال .
والسلام

[Salih ™]

جيفنشي لاعب كرة قدم؟

[أمير الكلمة]

بكم جاب الاهلي فيكتور ؟

جدد لهم اربع سنين ب 37 مليون ريال

[5 نيسان]

شفتوا كيف فيكتور سيموس يرتاح باللعب لأنه لوحده ما فيه أحد يضايقه من زملاءه

في الهلال كان ياسر والمحياني زمان تداخل في المهام

والحين الكوري والعربي ما يصلحون مع بعض

المحياني والعربي ما يصلحون مع بعض

كلهم لاعبين صندوق مستحيل يلعبون مع بعض

[نيــفــ7ــيــز]

ههههههههههههههههههههه جفين والله ياهو نكبه .. كل الكور اللي يخلصها ترجع لمرمآه .. :d:

[عازفة الكيبورد*]

جفين لازم يسوي مصيبة بكل مباراة للاهلي

[الوحش الخائف]

احمد عطيف من يوم لبس الله يكرمكم البوت الجديد وهو يحرث او الملعب

طبعآآ البوت الي لابسه فيه شريحة تحسب للاعب كم ركض كيلو

مقدم من اديداس هديه

ينفع للزوري بعد المباراة بنشوف كم ركض وبنحصله راكض 500 متر حتى ما يمديك تبيني فيها ملحق :d::((

[هلالي شرس]

توقعوا اي لحظة جفين يشبك ببابه هدف

[ميما الهلاليه]

لز ان اللي مكان فيكتور لاعب هلالي بتشوفون حسينيات لطم في المدرج هاللحظه !!





ههههههههههههههههههههههههههه
ههههههههههههههههههههههههههه
يمكن
انا اتمناة تعادل
اللهم ياسميع ياودود يارحمن اجعل الاهلي والشباب يتعاذلون يامجيب للدعاء

[BigName]

اللحين الطحالب لو فازوا

بيصير كمم ترتيبهم وبالمره كم ترتيبنا حنا

لأن من أثر التعادل ماعاد أعرف حنا وين

يصير الثالث بـ 29 نقطة ..

الهلال الثاني بـ 31

الشباب أول بـ 32

والهلال عنده مباراة مع الأتحاد مؤجلة
والأهلي مباراة مؤجلة مع الفيصلي ..

[..! cataloni !..]

ههههههههههههههههههههه جفين والله ياهو نكبه .. كل الكور اللي يخلصها ترجع لمرمآه .. :d:

يعجبني فيه قتاليته
صحيح شطحاته حلوه :amjd: بس فدائي

[Salih ™]

ههههههههههههههههههههه جفين والله ياهو نكبه .. كل الكور اللي يخلصها ترجع لمرمآه .. :d:

جيفنشي من اللاعبين الي يخلوني اتحسر على اهمال موهبتي في الدفاااع



:amjd:

[إعصار الزعيم]

أي والله أنا متأكده أن الاداره ماراح تتركه

لين يشوفونه بأسيا كيف بيكون الله يستر

اللي فرق بالهلال هو رادوي مع احترامي لكل الأجانب

اللي لاعب بالههلال هو الدفاع الفريق مو قادر يهاجم

والاظهره فاشله ولا اللحين ألمحاور يعني أطررأف وعمق

صار كل الثقل على قلوب الدفاع بيتحملون أيش ولا أيش

للأمانة الرباعي أو الثلاثي الأجنبي كانو أفضل من ناحية العطاء في الملعب
كان ينقصهم مهاجم شرس سريع مكان أحمد علي السيء

على العموم الهلال محتاج الى آلان مهاجم سريع أما مكان الكوري
أو لاعب أفضل من العربي يمتاز بالقوة والسرعة

وصانع العاب قيادي في وسط الميدان مكان أيمانا

والمدافع الأجنبي مو مشكلة لو يكون مكان هرماش
أذا راح هوساوي للأحتراف خارجياً

[SaLeH_20]

احلا نتيجه .. وان شاء الله يفوز الاهلي او التعادل ..

[هلالي باريسي]

فاول خطير للشباب

[الوحش الخائف]

شفتوا كيف فيكتور سيموس يرتاح باللعب لأنه لوحده ما فيه أحد يضايقه من زملاءه

في الهلال كان ياسر والمحياني زمان تداخل في المهام

والحين الكوري والعربي ما يصلحون مع بعض

المحياني والعربي ما يصلحون مع بعض

كلهم لاعبين صندوق مستحيل يلعبون مع بعض

لعب ياسر لوحده وصاح الجمهور يطالبون بمهاجم يساند ياسر

ونفس الشي للعربي

[إعصار الزعيم]

يصير الثالث بـ 29 نقطة ..

الهلال الثاني بـ 31

الشباب أول بـ 32

والهلال عنده مباراة مع الأتحاد مؤجلة
والأهلي مباراة مؤجلة مع الفيصلي ..

الأهلي أذا فاز اليوم وفاز قدام الفيصلي

وخسر الهلال قدام الأتحاد يكون متصدر مع الشباب

[5 نيسان]

لعب ياسر لوحده وصاح الجمهور يطالبون بمهاجم يساند ياسر


ونفس الشي للعربي


ولكن المحياني نجح . . وكذلك الكوري

العربي لعب لوحده وكذلك ياسر ولم ينجحا

[MEeSsHOo]

من خلال متابعتي لبعض ددقايق اللقااء كل فريق شايله لاعب :

الاهلي / تيسير

الشباب / المحوور البطل صراحه فرناندو

[هلالي شرس]

الرائد والتعاون مباراة مملة ومعلق تعبان

[عبدالإله..!]

السلام عليكم


الله يتمم هالنتيجه ويفوز الاهلي
الخوف من الشباب بالدوري والا الاهلي مهوب تكانه
عساها تبرد تعادلنا امس

[BigName]

الأهلي أذا فاز اليوم وفاز قدام الفيصلي

وخسر الهلال قدام الأتحاد يكون متصدر مع الشباب
:yeees::yeees:

[ميما الهلاليه]

نيسان

الحق ينقال

يوسف لعب مباراة القادسية ولحالة

وسجل ثلاث أهداف

[نيــفــ7ــيــز]

يعجبني فيه قتاليته
صحيح شطحاته حلوه :amjd: بس فدائي



:d::d:
خله يقآتل ويصير فدآئي بعيد عن البآب .. :d::d:

[لله درك ياهلال]

في احد يحس ان لعيبة الاهلي تلعب من قلب , ولا يتهيألي ..؟؟

[نيــفــ7ــيــز]

جيفنشي من اللاعبين الي يخلوني اتحسر على اهمال موهبتي في الدفاااع



:amjd:


:d::d:
آجـل لمآ تشوف محمد عيد وش تقول .. :d:

[برنسيسه هلاليه]

يصير الثالث بـ 29 نقطة ..

الهلال الثاني بـ 31

الشباب أول بـ 32

والهلال عنده مباراة مع الأتحاد مؤجلة
والأهلي مباراة مؤجلة مع الفيصلي ..

أها أوخس الطحالب ينافسون على الدوري

الله يعطيك العافيه على الرد

[هلالي باريسي]

الشباب ضاغط وشكل الهدف قرب

[الجـآرح]

الرائد والتعاون كم ؟؟؟؟؟؟؟؟؟؟؟

[5 نيسان]

نيسان

الحق ينقال

يوسف لعب مباراة القادسية ولحالة

وسجل ثلاث أهداف

دلاخة بالقادسية .........

[نيــفــ7ــيــز]

كــآآمــل المــوســى والله آنــه وحـــش .. :love:

[هلالي شرس]

كامل الموسى ممتاز ابي اعرف ليه الهلال ماتعاقد معه غير الاعارة الي بسنة 2006

[HilalyToday]

نبي حكم مثل كذا يمشي اللعب ويميز بين اللعب الرجولي والخشونة

ياعندنا حكام مملين .. مجرد طيحة اللاعب صفارة تموت الحيل !

الحكام لهم دور كبير في سوء مبارياتنا

[الجـآرح]

الشباب ضاغط وشكل الهداف قرب

ي رب ودي تعادل 1-1

[BigName]

أها أوخس الطحالب ينافسون على الدوري

الله يعطيك العافيه على الرد

الله يعافيك ...

بشروا ياشباب عساهم أقالوا دول :slv: ؟؟؟

[برنسيسه هلاليه]

في احد يحس ان لعيبة الاهلي تلعب من قلب , ولا يتهيألي ..؟؟

لا أي قتاليه القتاليه الحقيقه اللي شفناها من ربعنا أمس

مدري ليه لاعبين الهلال يفقدون هالشي

[الخارطة الزرقاء]

اتمنى من الكسول الزوري ان يكون قد رأى قتالية الأظهره وحركتها الدؤوبه وليس فهاوتها وبرودها // الظهير دائما ً ابعد ما يكون عن البرود لكن الزوري كسر هذه القاعده

[زعيم من ذهب]

التعاون و الرائد ٠-٠ / د٧٢

[D.TURKI]

كم الدقيقه الحين الاهلي والشباب ؟

[الناصح]

دفاع الاهلي والشباب ضعيف جداً ومكشوف ويحتاج فقط لمهاجمين أذكياء

[إعصار الزعيم]

كامل الموسى ممتاز ابي اعرف ليه الهلال ماتعاقد معه غير الاعارة الي بسنة 2006

أتذكر نزلنا مواضيع لليل عشان كامل الموسى

لكن الأدارة وقتها أذن من طين وأذن من عجين

الهلال يملك أفضل المحليين

[Salih ™]

الهلال ماينفع له اللعب بمهاجمين

الطريقه ذي كل اندية العالم تخلت عنها

[هلالي باريسي]

كامل الموسى ممتاز ابي اعرف ليه الهلال ماتعاقد معه غير الاعارة الي بسنة 2006

على ما اذكر الوحدة رفض وقتها الرئيس كان تونسي

[عبدالإله..!]

متى تنتهي
خسارة الشباب ب هالوقت مهمه
منافس لنا بشكل كبير
وتكون اول خساره وننتهي من موال ماخسروا ولا مباره

الاهلي مباره ولا مبارتين يفوز وبعدها يرجع لوضعه الطبيعي

[hmdiat]

<iframe width="640" height="360" src="http://www.youtube.com/embed/EkxpMnkThsE" frameborder="0" allowfullscreen></iframe>

<iframe width="640" height="360" src="http://www.youtube.com/embed/JrOKSDiwiXI" frameborder="0" allowfullscreen></iframe>

[زعيم النوادي]

بيخلصها عماد بالثاني

[هلالي باريسي]

كم الدقيقه الحين الاهلي والشباب ؟

83

[هلالي احبكم]

قووووووووووووووووووووووووووووووووووووووووووووووووووووول للرايد

[هلالي شرس]

أتذكر نزلنا مواضيع لليل عشان كامل الموسى

لكن الأدارة وقتها أذن من طين وأذن من عجين

الهلال يملك أفضل المحليين


هالجملة اذا سمعتها اتنرفز الهلال يملك افضل المحليين كل الادارات تقولها شكلهم يقارنوهم بمحليين النصر
الهلال ناقصة اظهرة صاحين وقلب دفاع ايسر

[Impulse]

الرائد 1- 0 التعاون الدقيقة 75

[لله درك ياهلال]

مدرب الاهلي مجنون :heart:

انخفض اداء كماتشو الشوط الثاني كثيرا عن اداءه بالشوط الاول

اخرجه وحل بديلا عنه مهاجم ثاني ومتقدم بـهدف

وين يشوف دول مع نجران محورين ومهاجم وحيد

[نيــفــ7ــيــز]

الهلال ماينفع له اللعب بمهاجمين

الطريقه ذي كل اندية العالم تخلت عنها


بالعكس تشكيله حلوه لكن يبغآلك صانع لعب مميز .. مثل كماتشو .. التايب .. نيفيز ..

شرآحيلي ..

شـآفي .. المرشدي .. هوسآوي .. نـآمي ..

هـرمـآش ..

العـآبد .. .. .. .. .. الدوسري ..
.. .. ( صآنع لعب مميز ) ..

العربي .. الكوري ..

لكن مـآعندك صانع لعب مميز ..

[التوفي]

نبي حكم مثل كذا يمشي اللعب ويميز بين اللعب الرجولي والخشونة


ياعندنا حكام مملين .. مجرد طيحة اللاعب صفارة تموت الحيل !

الحكام لهم دور كبير في سوء مبارياتنا


فعلا يابوعبدالرحمن ..
تمنيت هالحكم هذا يحكم مباراتنا مع الاتفاق ..
اجل يحيى حكمي طلع من المباراه ولااخذ كرت اصفر قسم بالله مهب معقول !!!
انا بلحالي عديت له ست احتكاكات ماخذ فيها اي كرت ..
مع العلم اني اشوفه يستاهل الطرد من الشوط الاول لكن زي ماقلت سوء تحكيمي ..

[الخارطة الزرقاء]

أتذكر نزلنا مواضيع لليل عشان كامل الموسى

لكن الأدارة وقتها أذن من طين وأذن من عجين

الهلال يملك أفضل المحليين

عزيزي الموسى لك يكن الوحداويين يريدون التخلي عنه // لأنه كان موقع عقد ومجبور يلعب معهم إلا ان ارادوا بيعه // لكن الشمراني في تلك الفترة تقريبا انتهى عقده وتم بيعه

ايضا ً لا تنسى ان الماده 18 لم يتم إلغاءها // ومع تونسي كان أمر صعب جدا لوجود هذه الماده بالإضافه لسريان العقد // لكن تم بيعه من قبل الأهلاوي كعكي وقبل انتهاء العقد بحجة الإستفاده من المبلغ مع انه مبلغ بخس مقارنه بالأسعار ومقارنه بانه باع لاعبين هما الكاملين // حتى الوحداويون تفاجئوا من هذا الأمر

[*هلاليه والفخر ليه &]

على ما اذكر الوحدة رفض وقتها الرئيس كان تونسي

:hgfd:
اذكر قالو كنا مشغولين بالاسيوية ولا كنا ناويين نتعاقد معاه

[إعصار الزعيم]

هالجملة اذا سمعتها اتنرفز الهلال يملك افضل المحليين كل الادارات تقولها شكلهم يقارنوهم بمحليين النصر
الهلال ناقصة اظهرة صاحين وقلب دفاع ايسر

كامل يلعب بمركزين ظهير وقلب..!!

راح علينا لاعب جيد

[دمي ازرق موووت]

اتمنى من الكسول الزوري ان يكون قد رأى قتالية الأظهره وحركتها الدؤوبه وليس فهاوتها وبرودها // الظهير دائما ً ابعد ما يكون عن البرود لكن الزوري كسر هذه القاعده

والله الاتفاق امس عندهم ظهير .. طياره وفتح شوارع في دفاع الهلال
ماادري وش اسمه بس مو طبيعي ..

[خالد البحري]

مدرب الاهلي مجنون :heart:

انخفض اداء كماتشو الشوط الثاني كثيرا عن اداءه بالشوط الاول

اخرجه وحل بديلا عنه مهاجم ثاني ومتقدم بـهدف

وين يشوف دول مع نجران محورين ومهاجم وحيد


+ 100000000000000000

،

مسآء الخير للجميع :heart: