[ الطبعة الرابعة + نقاش رياضي ] .. هنا

[[[ عبود ]]]

حياكم:heart:

[[[ عبود ]]]

طبعآ الطبعة الرابعة برنامج بـ لاين سبورت عوضآ عن الجولة بالصيف
يقدمه عيد الثقيل و سلمان المطيويع و نسيت من الثالث ..

[قناص مكه]

السلآم علييكم

يسعد مسآئكم , وش الجديد ؟!

[عاشق لا مشجع]

ارحبوا يالله حيهم


عبود الثالث منيف الحربي

[قناص مكه]

];7883777']طبعآ الطبعة الرابعة برنامج بـ لاين سبورت عوضآ عن الجولة بالصيف
يقدمه عيد الثقيل و سلمان المطيويع و نسيت من الثالث ..

الثآلث منيف الحربي

[سيد النوادي]

];7883777']طبعآ الطبعة الرابعة برنامج بـ لاين سبورت عوضآ عن الجولة بالصيف
يقدمه عيد الثقيل و سلمان المطيويع و نسيت من الثالث ..

منيف الحربي

النصر يتعاقد مع عدنان فلاته خخخخخخخ

[عاشق لا مشجع]

بالله عدوا كم مرة عيد الثقيل يقول يمكن ؟؟؟:d:

[عاشق لا مشجع]

منيف الحربي

النصر يتعاقد مع عدنان فلاته خخخخخخخ


خخخخخخخخخخخخخخخ

جد والله؟

[[ الـدآهـيـه ]]

آلنصر متعآقد مع عدنان فلاته :power:

[عاشق لا مشجع]

شكلي اكلم نفسي هههههههه

الله لا يسفهنا

[عاشق لا مشجع]

الثقيل ماله في التقديم

[only hilali]

وش يتناقشون فيه؟

ياليت أحد ينقل:heart: الله يجزاكم خير..

[للمجد بقية]

السلام عليكم
عدنان فلاته حق الاتحاد الظهير الأيسر اللي كانوا يسمونه الثور الصغير ؟
كان كويس قبل الرباط .
أتوقع ينجح معهم .
تعريف ينجح معهم / يلعب أساسي فقط :amjd: والابطولات أنس والله أعلم .
والسلام

[تواق للبطولات]

اما عدنان فلاته ... هههههه
والله ياهو جاب فيهم العيد ... ابو الكحل فكر رياضي كبير
لا وبعد ينقل الخبر في تويتر ... يريد ان يثبت للجماهير النصراوية
انه صاحب التعاقدات المميزة ....

[only hilali]

السلام عليكم
عدنان فلاته حق الاتحاد الظهير الأيسر اللي كانوا يسمونه الثور الصغير ؟
كان كويس قبل الرباط .
أتوقع ينجح معهم .
تعريف ينجح معهم / يلعب أساسي فقط :amjd: والابطولات أنس والله أعلم .
والسلام

وعليكم السلام ورحمة الله وبركاته

[[[ عبود ]]]

اما يلعب اساسي و حسينوه موجود .. ما ظنيت :d:

[تواق للبطولات]

الاخبار المتداولة تقرب شيكابالا من الشباب السعودي ...

[blueblood_999]

السلام عليكم ورحمة الله

الطبعة الرابعة ..

برنامج يقدمه //

عيد الثقيل
سلمان المطيويع
منيف الحربي

ضيف اليوم //
محمد البكيري


أبو عبد الكريم // :heart:

معليش ضيعت بالاسم .. لأن كل الاسمين "مطلوبه" و"شائعه" عندنا .. ;)

[بنت أمها]

سلام

اللحين منو هذا عدنان فلاته < وين كان يلعب

شكله مقلب كبر رأس كحيلان 

[بنت أمها]

اما (يمكن شاكرين لك ) ياعيد الثقيل

هههههههههههه (الله يقطع شيطانك)*

[Barcelonista]

^

بالإتحاد

[للمجد بقية]

أبو عبد الكريم // :heart:

معليش ضيعت بالاسم .. لأن كل الاسمين "مطلوبه" و"شائعه" عندنا .. ;)



هلا والله
ايه خابر انها عجلة >>>>> تعبير قروي مأخوذ من الاستعجال :)
والسلام

[عاشق لا مشجع]

هههههههههههههههههههههههههههههه

عيد الثقيل يمكن يمكن يمكن يمكن يمكن



خخخخخخخخخخخخخخخ

[هلالي الجووووف]

السلام عليكم ورحمة الله وبركاته,,,,,


الفقر يتعاقد مع عدنان فلاته,,,,,

جماهير الفقر وصلوا بالقطيه 480 ألف ريال تقريبآ ,,,

[عاشق لا مشجع]

بن مساعد يتصل

[هلالي الجووووف]

سلام

اللحين منو هذا عدنان فلاته < وين كان يلعب

شكله مقلب كبر رأس كحيلان 


كان يلعب بالاتحاد بعدين ,,,,أنتقل للوحدة ,,,والحين الفقر,,,,,:d:

[Barcelonista]

الزميل بتال القوس دخل غرفة العمليات قبل قليل لاجراء عملية بسيطة .. تمنياتنا له بالشفاء .

[أنتراوي]

نادي النصر يفجر قنبلة الموسم بالتعاقد مع المدرب العالمي الذي خسر 5 مباريات فقط في مسيرته التدريبيه
صوره من المطار لحظة قدوم المدرب الجديد ،،علما بأنه وقع معهم بـ 3 مليون دولار للموسم الواحد

http://up.alhilalclub.com/uploads/public/2011/07/021055_p37.jpeg

[يورو]

مدري بس كني اشوف ان هالبرنامج سامج ما ادري هو فعلا سامج ولا بسب الفرق القوي بينه وبين الجوله عشان كذا يبي لنا نتأقلم شوي ونعطيه فرصه ! ولا وش رايكم ؟

مسيك بالخير يابو عبدالكريم :noo:

[عاشق لا مشجع]

حركات بن مساعد

اكيد اخوه هو اللي سرب الخبر

[هلالي الجووووف]

هروفه مراح ينام الليله نزل بحسابه 480 ألف ريال خلال ساعات فقط ,,,,

والله جماهير الفقر شادين حيلهم ,,,,,

[أنتراوي]

مشروع جزارين جديد بنادي الفقر :d:

[عاشق لا مشجع]

شكل اللاعبين مطوليييييييييييييييين

[blueblood_999]

ايه يا ابو عبد الكريم .. عجله .. :d:

ابو فيصل يقول المعسكر باواسط جولاي .. ونبي ننتهي مع المدرب بالوقت الحالي ..
بداية المعسكر ما راح يكون قوي مثل العام الماضي .. لأنه العام كان ورانا اسيا ..

وما راح نستعجل على اختيار اللاعب الاجنبي .. لأننا نبي واحد يفيد الفريق ..
وأحب اطمن جمهور الهلال .. باننا حريصين على رضاهم ..

[أنتراوي]

شكل اللاعبين مطوليييييييييييييييين

آخر من يوقع مع لاعبين اجانب فريقنا ،، وقبل مايقفلون فترة التسجيل بساعه او ساعتين :sui:

[هلالي الجووووف]

نادي النصر يفجر قنبلة الموسم بالتعاقد مع المدرب العالمي الذي خسر 5 مباريات فقط في مسيرته التدريبيه
صوره من المطار لحظة قدوم المدرب الجديد ،،علما بأنه وقع معهم بـ 3 مليون دولار للموسم الواحد

http://up.alhilalclub.com/uploads/public/2011/07/021055_p37.jpeg

:d::d::d::d::d::d:

[للمجد بقية]

مدري بس كني اشوف ان هالبرنامج سامج ما ادري هو فعلا سامج ولا بسب الفرق القوي بينه وبين الجوله عشان كذا يبي لنا نتأقلم شوي ونعطيه فرصه ! ولا وش رايكم ؟

مسيك بالخير يابو عبدالكريم :noo:
هلا وغلا
حنا نبي اسم برنامج عشان نجتمع ان شاء الله لو صقهان وطرمان >>> صم بكم :amjd:
والا بالله الجولة وطقتها وش أضافة لي كمتلقي ؟
لاشيء بالنسبة لي سوى هذا الموضوع :yes:
والسلام

[الوحش الخائف]

ابو فيصل يقول انا زعلان من الهجوم الي صاير على ياسر الان

طبعا يقصد الغضب الي حاصل من الجمهور الهلالي تجاهـ ياسر الان

مدري سموهـ راضي عن الاهازيج الي كانت تقال لياسر ؟

يوم كانو يسبون ويقذفون بعرض ياسر ابو فيصل كان ساكت

ويوم جمهور الهلال قال مانبي ياسر زعل !

عطوني تويتر ابو فيصل خلوني اتباقس معاه :amjd:

[هلالي الجووووف]

شاكرين لك يمكن !!!!!!!!

ياروحي ياعيد الثقيل:d:

[وين رايح]

هههههههههههههههههههههههه
عيد الثقيل
كل كلمه وثانية يحط بينها يمكن يمكن يمكن يمكن
يقول للبكيري بعد اتصال الامير
اخ محمد يمكن الامير وسكت وهذاك فهمها وادهر خخخخخخخخخخخخخخخخخ
بس يمكن يمكن يمكن يمكمن

[blueblood_999]

ابو فيصل يقول انا زعلان من الهجوم الي صاير على ياسر الان

طبعا يقصد الغضب الي حاصل من الجمهور الهلالي تجاهـ ياسر الان

مدري سموهـ راضي عن الاهازيج الي كانت تقال لياسر ؟

يوم كانو يسبون ويقذفون بعرض ياسر ابو فيصل كان ساكت

ويوم جمهور الهلال قال مانبي ياسر زعل !

عطوني تويتر ابو فيصل خلوني اتباقس معاه :amjd:





ينعن نظامك يا شيخ .. :d:

امسك ارضك ولا يكثر .. :power:

لا اجي واتباقس معك .. :d:

[عاشق لا مشجع]

آخر من يوقع مع لاعبين اجانب فريقنا ،، وقبل مايقفلون فترة التسجيل بساعه او ساعتين :sui:



مدري ليه عندي احساس قوي ان المهاجم و صانع اللعب من كوبا امريكا او الاقل و احد منهم

[blueblood_999]

آخر من يوقع مع لاعبين اجانب فريقنا ،، وقبل مايقفلون فترة التسجيل بساعه او ساعتين :sui:



وش المشكلة طيب .. قبل ساعة ولا ثانية .!

[عاشق لا مشجع]

الله يستر لا يكون الاسيوي مدافع

[blueblood_999]

اللي شابين على عيد الثقيل ..

تراه سنة أولى تقديم .. يعني عادي مشوها له ..

[قناص مكه]

ابو فيصل يقول انا زعلان من الهجوم الي صاير على ياسر الان

طبعا يقصد الغضب الي حاصل من الجمهور الهلالي تجاهـ ياسر الان

مدري سموهـ راضي عن الاهازيج الي كانت تقال لياسر ؟

يوم كانو يسبون ويقذفون بعرض ياسر ابو فيصل كان ساكت

ويوم جمهور الهلال قال مانبي ياسر زعل !

عطوني تويتر ابو فيصل خلوني اتباقس معاه :amjd:


ايه لآن جمهور الآنديه الثآنيه اذا شآفوك زعلت وصرحت بيزيدونها :sui:

اما جمهور الهلآل أكيد بيسمعون كلآم أبو مسآعد بس مو كلهم :d:

[عاشق لا مشجع]

ياكرهي للخكيري :slv:

[عاشق لا مشجع]

اللي شابين على عيد الثقيل ..

تراه سنة أولى تقديم .. يعني عادي مشوها له ..




قصدك نص ساعة تقديم :d:

[عاشق لا مشجع]

كذاب ذا البكيري

يكره شي اسمه هلال

[للمجد بقية]

على طاري يمكن ويمكن .
كلها كووووم وابراهيم الجابر كووم يوم يطيح بلزمة ون تو .
صار كل شيء عنده ون تو .
الكلام اللي تحت صدق والله ما أمزح:amjd:
الكورة في نص الملعب ومع لاعب يسحب يقول ون تو .
اللاعب يرمي آوت يقول ون تو .
اللاعب طايح ويتعالج يقول ون تو:amjd:
شكيت وقتها أنه مهوب طبيعي .
بس ترا اللزمة تطلع وأنت ماتحس فيها يمكن ترى :amjd:
والسلام
ون تو

[blueblood_999]

على طاري يمكن ويمكن .
كلها كووووم وابراهيم الجابر كووم يوم يطيح بلزمة ون تو .
صار كل شيء عنده ون تو .
الكلام اللي تحت صدق والله ما أمزح:amjd:
الكورة في نص الملعب ومع لاعب يسحب يقول ون تو .
اللاعب يرمي آوت يقول ون تو .
اللاعب طايح ويتعالج يقول ون تو:amjd:
شكيت وقتها أنه مهوب طبيعي .
بس ترا اللزمة تطلع وأنت ماتحس فيها يمكن ترى :amjd:
والسلام
ون تو



هههههههههههههههههه
هههههههههههههههههه

ردك يا ابو كرم ون تو .. :amjd:

[أنتراوي]

وش المشكلة طيب .. قبل ساعة ولا ثانية .!



المشكله هو ان فترة التسجيل بتقفل ببداي رمضان ومعسكرنا بيبدأ بعد اسبوعين اعتقد
يعني اللاعب الاجنبي يبي له فتره وحتى ينسجم

[Barcelonista]

http://twitter.com/#!/iFrayan

يس يس يس :kany:

[نهر الهلال]

للاسف الشديد شبيه الريح قوي علينا ولا يوم السلنتح يرددون الاهازيج القذره لياسر محد سمع شبيه الريح يطالب بحمايه عرض ياسر اكتشفت بالاخير ان ابو فيصل يمكن يحاول يكسب الاصفرين ويتمسكن لهم هو صاحب حجه قويه وم

[هلالي غرناطه]

السلام عليكم
ابو فيصل وش فيه على جماهير الهلال (himo)
يعني نصفق له عساس ما نزعله ولا وش المطلوب

[blueblood_999]

المشكله هو ان فترة التسجيل بتقفل ببداي رمضان ومعسكرنا بيبدأ بعد اسبوعين اعتقد
يعني اللاعب الاجنبي يبي له فتره وحتى ينسجم



نيفيز جاء بعد اسبوعين ..

رادوي جاك بنص الموسم ..

[مذنباوي]

برنامج اخر السطر عن كل ماهو هلالي يوم الثلاثاء الساعه 9:30

[يورو]

هلا وغلا
حنا نبي اسم برنامج عشان نجتمع ان شاء الله لو صقهان وطرمان >>> صم بكم :amjd:
والا بالله الجولة وطقتها وش أضافة لي كمتلقي ؟
لاشيء بالنسبة لي سوى هذا الموضوع :yes:
والسلام


:d: :la:

والله يابو عبدالكريم لو نفتح لنا موضوع ونسميه استراحة المدرج ونخليه مفتوح طول العطله وكلـ(ن) يجيب عشاه معه :amjd:
ونقعد طال عمرك نتجاذب اطراف الحتسي لين يفرجها الله موب ابرك من هالبرامج

:amjd:

اما مايخص تطرقكم للجوله فلا توجد اي اضافه للمتلقي الا انه يعطي جو وصجه ولجبه لين جاء بالاضافة الى ان عادل التويجري صار يشدني من تالي خاصة لين صار وجهه احمر ,, اما غير كذا والله مافيه اي اضافات فقط البرنامج صار له شهره كبيره جدا ولقى قبول عند الناس سبحان الله والقبول من الله وانا اخوك ..

[تواق للبطولات]

الله يعديها على خير ....
بدت التصاريح تقل حدتها وسقف الوعود بدأ بالنزول
ومفردة (( احتمال )) بدت تظهر وتلعلع في اغلب
التصريحات الاخيرة ...ومدح القحطاني اتمنى مايكون
الغاء لخيار التعاقد مع مهاجمين وصانع لعب ...
شي غريب وكان الظروف هي من تضع اجندة العمل
الهلالي ... وكان الوقت هو المسير للعمل ....
العلم الي نعرفه ان خطة عمل الموسم القادم واحتياجاته
محسومة قبل نهاية الدوري وقبل الخروج الاسيوي ..

[عبدالاله بن خالد]

عبود و معاذ :mad0:

وينكم امس قعدت افرفر في الشوارع ادور موضوع يلمني

امس كان يوم ممل بدرجة مو طبيعيه بدون النقل

لا عاد تسونها و الا باشتكيكم ما ادري عند مين بس المهم باشتكيكم :mad0:

الحياه بدون النقل :slv:

[Salih ™]

سلام عليكم


مشتاقين لكم

وين فيه مداخلة الريس ؟

مير هالتويتر ونيس :heart::d:

[قناص مكه]

للاسف الشديد شبيه الريح قوي علينا ولا يوم السلنتح يرددون الاهازيج القذره لياسر محد سمع شبيه الريح يطالب بحمايه عرض ياسر اكتشفت بالاخير ان ابو فيصل يمكن يحاول يكسب الاصفرين ويتمسكن لهم هو صاحب حجه قويه وم

لآننآ حنآ نحبه ونحترمه وكلمته عندنا مسموعه

اما السلنتح لو تكلم عن اللي يقولون , بيكررونها عنآد

[Abo Usamah]

إبراهيم الفريان يكلم فارس عوض في تويتر . . (( يافارس مبروك دخولك الشهره على حسابي وخاصه في الدورات الرياضية الي في السعودية وهل نسيت الحساء عندما صفق لك 7000متفرح بسببي ))

فارس عوض رد عليه .. (( انتبه تسوي فلو لعبدالرحمن بن مساعد بيقولك لا توقف ورأي كااااااااااااااااك ))

[نهر الهلال]

الحين على الجزيرة المفتوحه اعادة مباراه التعاون والنصر في الدوري الي ببريد وانتهت 2-2 وكانت مباراه مثيره بأهدافها وأحداثها الان الدقيقه 85 و الن راح تبداء الاثاره

[Salih ™]

الحين على الجزيرة المفتوحه اعادة مباراه التعاون والنصر في الدوري الي ببريد وانتهت 22 وكانت مباراه مثيره بأهدافها وأحداثها الان الدقيقه 85 و الن راح تبداء الاثاره

والله يامشاعر متقلبه في ذي المباراة انا واخواني
مبسوطين لين تعادلوا وفازو ثم قفلت الاخلاق من جد

ويوم جابوه الذيابه انواع الصراخ

/

دايم الجيران يشتكون على الوالده من صياحنا بالتلميح او التصريح :)

[للمجد بقية]

الحين على الجزيرة المفتوحه اعادة مباراه التعاون والنصر في الدوري الي ببريد وانتهت 22 وكانت مباراه مثيره بأهدافها وأحداثها الان الدقيقه 85 و الن راح تبداء الاثاره
لاتقولي اللي مدافع النصر بغى ينقذ هدف فريقة في التعاون بس ماقدر :amjd:
والسلام

[عبدالاله بن خالد]

شفتو مضاربه منتخب الكويت ومنتخب لبنان في المباراه الوديه

:d:

جايبين صحفي يتكلم عن المعسكر يقول المعسكر فيه تغيرات جذريه بسيطه :la:

[HilalyToday]

السلام عليكم

قبل شوي على العربية تقرير عن احداث مباراة الكويت ولبنان

الحين قاعد ارفع الملف وعساه يتم التحميل قبل يقضى قازي لأنه الحين آخر قطرة

[HilalyToday]

شفتو مضاربه منتخب الكويت ومنتخب لبنان في المباراه الوديه

:d:

جايبين صحفي يتكلم عن المعسكر يقول المعسكر فيه تغيرات جذريه بسيطه :la:


ياخي لا تدقق لا تدقق مشيها ياشايبنا :d:

[Salih ™]

وعليكم السلام

والله يافرحة النصراويي بعد الاهداف حسيتها على نهاية الدوري وقالبين النتيجة

ماصارت يوم نفوز على الاهلي في اخر ثانية ولا الاتفاق يوم نقلب النتيجة

[للمجد بقية]

السلام عليكم


قبل شوي على العربية تقرير عن احداث مباراة الكويت ولبنان

الحين قاعد ارفع الملف وعساه يتم التحميل قبل يقضى قازي لأنه الحين آخر قطرة

هلا أبو عبدالرحمن
قبل كم يوم واحد يقول أهم شيء تستمر البطولات الخليجية والعربية وأنا أقول والله ماوراها الا الغثاء والهواش .
بطولات غبية .
أعرف أن هالمباراة مالها دخل بس هذا نموذج لما يحصل .
والسلام

[عبدالاله بن خالد]

ياخي لا تدقق لا تدقق مشيها ياشايبنا :d:



والله يا ابو عبدالرحمن ما تمشي ابد ابد ابد

وش اللي جذريه بسيطه :la::la::la:

ما تركب و ما تمشي

حرام صحفي يقول كذا مالت علينا و على صحافتنا :((

[عبدالاله بن خالد]

هلا أبو عبدالرحمن
قبل كم يوم واحد يقول أهم شيء تستمر البطولات الخليجية والعربية وأنا أقول والله ماوراها الا الغثاء والهواش .
بطولات غبية .
أعرف أن هالمباراة مالها دخل بس هذا نموذج لما يحصل .
والسلام

حنا عندنا الكوره و الرياضه فاهمينها غلط

شفت الضرب يا ابو عبدالكريم :(

يا الغالي البزارين ما توصل مطاقاتهم زي كذا

يكون بين البزارين عاقلين يفكون اما كل الشعب طق في طق عيب

انا رايي متطرف بالنسبه للعرب فخلني ساكت احسن :amjd:

اما بطولة الخليج المفروض تقام لما ما يكون اي منتخب عنده زحمه و تكون في الصيف في احد المصايف في الخليج و سريع سريع و انتهينا

منها بطوله و احتكاك و منها تنشيط السياحه :amjd:

[صدى الامس]

على طاري يمكن ويمكن .
كلها كووووم وابراهيم الجابر كووم يوم يطيح بلزمة ون تو .
صار كل شيء عنده ون تو .
الكلام اللي تحت صدق والله ما أمزح:amjd:
الكورة في نص الملعب ومع لاعب يسحب يقول ون تو .
اللاعب يرمي آوت يقول ون تو .
اللاعب طايح ويتعالج يقول ون تو:amjd:
شكيت وقتها أنه مهوب طبيعي .
بس ترا اللزمة تطلع وأنت ماتحس فيها يمكن ترى :amjd:
والسلام
ون تو


ولا تهون كلمة يعني ..
يعني مباراة كبااار يعني دوري محترفين ويعني ويعني
تصدق في شوط واحد قالها 90 مرة !!
< واضح انه فاضي ذاك اليوم وجلس يحسب له ههههههههههه

[نهر الهلال]

لآننآ حنآ نحبه ونحترمه وكلمته عندنا مسموعه

اما السلنتح لو تكلم عن اللي يقولون , بيكررونها عنآد


والله اذا دافع بقوه وطالب الاتحاد السعودي بمعاقبتهم سواء بنقل المباراه او عدم حضور الجمهور مراح تسمع هالقذاره سواء اهزوجة الكاف او الاهازيج المسيئة لياسر لكن اذا تم المطالبه بخجل وبصوت منخفض هو الي يدفعهم لتكرارها .

[DeaD HeaD]

السلام عليكم

توني اتابع برنامج الطبعة الرابعة

يقدمه عيد الثقيل

مدري على أي أساس جايبينه يقدم

طايحين فيها بعض القنوات يجيبون صحفيين يقدمون برامج

ياخي جب مذيع وانتهينا

الاعلام كله مجاملات عندنا

والا كثيرين نشوفهم مثل العجلان في الرياضية والجفن في لاين سبورت مدري كيف اصبحوا مذيعين

مو كل صحفي ينجح مذيع الا قلة مثل بتال والفراج

[نهر الهلال]

لاتقولي اللي مدافع النصر بغى ينقذ هدف فريقة في التعاون بس ماقدر :amjd:
والسلام


بصراحه ما اتذكر مين اللاعب وفي اي مباراه الي ببريده ولا فالرياض :br:

[بطل كل الكوؤس]

تهاوشوا الكويتيين واللبنانيين هوشة عنيفة والجيش اللبناني نزل الملعب وصار فيه طلق نار . ودي اذا احد مسجلها الله لايهنكم يسدحها لنا .

[HilalyToday]

أحداث لبنان

<iframe width="425" height="349" src="http://www.youtube.com/embed/MHnb_sSY3Mk?hl=ar&fs=1" frameborder="0" allowfullscreen></iframe>

[هلالي غرناطه]

عبدالاله ابي اشارك في الفاتنزي بس ما اعرف وش السوات
ادري التسجيل انتهى بس ابي ادخل ... مخ صعيدي :amjd:

[للمجد بقية]

بصراحه ما اتذكر مين اللاعب وفي اي مباراه الي ببريده ولا فالرياض :br:
اللي في بريدة والنصر كان لابس أزرق .
لاعب النصر شاف اللي سجل القول لاعب لابس أزرق وأنتحر يبي ينقذ الهدف بس ما أمداه :amjd:
تخيل أنه طلع الكورة وأنقذ التعاون ونكب فريقة ؟
والله النصر مسخرة ياناس :)
والسلام

[HilalyToday]

هلا أبو عبدالرحمن
قبل كم يوم واحد يقول أهم شيء تستمر البطولات الخليجية والعربية وأنا أقول والله ماوراها الا الغثاء والهواش .
بطولات غبية .
أعرف أن هالمباراة مالها دخل بس هذا نموذج لما يحصل .
والسلام

هلا بك أكثر ابو كرم

أشاركك الرأي في أن ما ورا العرب الا وجع الراس

أسطوانة اهم شي التقارب والتآلف والتجمع ملينا منها وماخوذ خيرها

[Abo Usamah]

صور هوشة منتخب الكويت مع منتخب لبنان :


http://www.alanba.com.kw/AbsoluteNMNEW/articlefiles/NM/209377-0444.jpg

http://www.alanba.com.kw/AbsoluteNMNEW/articlefiles/NM/209377-0111.jpg

http://www.alanba.com.kw/AbsoluteNMNEW/articlefiles/NM/209377-0222.jpg

http://www.alanba.com.kw/AbsoluteNMNEW/articlefiles/NM/209377-0333.jpg

[هلال العرب]

أحداث لبنان

<iframe width="425" height="349" src="http://www.youtube.com/embed/MHnb_sSY3Mk?hl=ar&fs=1" frameborder="0" allowfullscreen></iframe>


يا والله انهم ترافسوا :d:

لا هنت يالغالي :heart:

[HilalyToday]

والله يا ابو عبدالرحمن ما تمشي ابد ابد ابد

وش اللي جذريه بسيطه :la::la::la:

ما تركب و ما تمشي

حرام صحفي يقول كذا مالت علينا و على صحافتنا :((

والله بتتعب يابو سارة

في نفس الإطار تقريباً .. إذاعتك المفضلة اسمع الأخبار الرياضية فيها وشف كمية الأخطاء اللغوية اللي بدون مبالغة والله ما تصدر من طالب متوسط فما بالك بناس أكاديميين والمفترض انهم داخلين دورات !!

تراها اذاعتي المفضلة بعد انا ولا أفتح غيرها لكن يوترني بشكل ما تتخيله اخطاءهم اللغوية المخجلة

[Salih ™]

قبل يومين اقرى موضوع النقل بعد ماتقفل واشوفك يابوعبدالكريم تتكلم عن التعصب الحالي


انا اشوف ان التقنية الحديثة ووسائل الاتصال احد اهم الاسباب

والغالبية العظمى تخشى من خسارة فريقها مو حب فيها بقدر ماهو خوف من الشماته وعشان كذا تشوف السب واللعن في اللاعبين الي يبدعون في كل الموسم ويخسرون في مباراة واحده والجمهور ماعاد يرضى بخسارة مباراة واحده ولايقتنع باي عذر كان

اهم شيء لايتشمتون الاصفرين :)

[للمجد بقية]

أحداث لبنان

<IFRAME src="http://www.youtube.com/embed/MHnb_sSY3Mk?hl=ar&fs=1" frameBorder=0 width=425 height=349 allowfullscreen></IFRAME>

تخلف تخلف تخلف :(
والا عاد العسكر وش سنعها اطلاق النار ؟؟
لايطلق النار الا في ثلاث حالات وهي
أولا / أووووووه تذكرت أني في موضوع النقل مانيب في الحصة :amjd:
والسلام

[قناص مكه]

والله المضآربه كبيره مو بسيطه :mfhi:

بس حلو الجيش لما طلق أحسهم كلهم خآفو وهجدو :power:

[بنت أمها]

^^

ليه كل هذا عاد

المباراه وديــه والا ؟

والله ياحالنا يالـِعرب يبكي

مسوين فيه نـِـحـب بعض !

والصدق انه احنا نــكره بعض !

نـحـسد بعض !

*

[عبدالاله بن خالد]

عبدالاله ابي اشارك في الفاتنزي بس ما اعرف وش السوات


ادري التسجيل انتهى بس ابي ادخل ... مخ صعيدي :amjd:


و الله يا الغالي ودي الكل يشارك بس ما بيدي شي

نظام دوري الشبكه يقول كذا

ما ادري لو تم فتح التسجيل مره ثانيه باعطيك خبر لكن الى الان كل المؤشرات تقول ان ما فيه تسجيل بعد بداية البطولة

مخ الصعيدي ما اشتغل الا بعد ما بدت البطوله كان من اول :amjd:

[خالي من الهم]

السلام عليكم ورحمة الله وبركاته
مسيتوا بالخير والنور والسرور
وش فيه من شيء يستحق الذكر مع هالجوء الكئيب والممل

[HilalyToday]

تخلف تخلف تخلف :(
والا عاد العسكر وش سنعها اطلاق النار ؟؟
لايطلق النار الا في ثلاث حالات وهي
أولا / أووووووه تذكرت أني في موضوع النقل مانيب في الحصة :amjd:
والسلام

نفهم من ذلك انك عكسري :amjd:

الفيفا اليوم فتح تحقيق بشأن اطلاق النار

عساهم يشطبونهم

[الوحش الخائف]

اللي في بريدة والنصر كان لابس أزرق .
لاعب النصر شاف اللي سجل القول لاعب لابس أزرق وأنتحر يبي ينقذ الهدف بس ما أمداه :amjd:
تخيل أنه طلع الكورة وأنقذ التعاون ونكب فريقة ؟
والله النصر مسخرة ياناس :)
والسلام

تقصد محمد عيد :la:

والله يا نقز نقزه انتحاريه :la::la:

ودي ان الكورة ركبت على رجله صح وطلعها من القول :la::d::d:

[عبدالاله بن خالد]

والله بتتعب يابو سارة


في نفس الإطار تقريباً .. إذاعتك المفضلة اسمع الأخبار الرياضية فيها وشف كمية الأخطاء اللغوية اللي بدون مبالغة والله ما تصدر من طالب متوسط فما بالك بناس أكاديميين والمفترض انهم داخلين دورات !!

تراها اذاعتي المفضلة بعد انا ولا أفتح غيرها لكن يوترني بشكل ما تتخيله اخطاءهم اللغوية المخجلة


:d:

احلى ما فيها اخطاءها :p :d:

والله يا الغالي انا ما ادقق واجد في الاخطاء اللغويه بس هذا موب خطا لغوي هذا مصيبه :((

اما الاعراب و ما الاعراب مشي حالك انا مالي فيه

أربي شويه شويه :d:

[blueblood_999]

ما حدث بلبنان .. هو نتاج الحقد والبغض العربي العربي ..

ويبونا نسوي دورات عربية .!

تخلف تخلف تخلف ..

لا هنت يا ابو عبد الرحمن .. :heart:

[للمجد بقية]

نفهم من ذلك انك عكسري :amjd:


الفيفا اليوم فتح تحقيق بشأن اطلاق النار

عساهم يشطبونهم

أبوعبدالرحمن
معلومة أتوقع أنها معروفة للكثير :)
والسلام

[للمجد بقية]

تقصد محمد عيد :la:


والله يا نقز نقزه انتحاريه :la::la:

ودي ان الكورة ركبت على رجله صح وطلعها من القول :la::d::d:

ايه هو .
بما أنك سماوي يالوحش نبي هاللقطة كرما لا أمرا .
والسلام

[HilalyToday]

السلام عليكم ورحمة الله وبركاته
مسيتوا بالخير والنور والسرور
وش فيه من شيء يستحق الذكر مع هالجوء الكئيب والممل


عليكم السلام هلا ابو محمد

ابد ما فيه الا مضاربة بين الكويتيين واللبنانيين

عاد تحسب هالكويتيين بيضيعون حقهم مثلنا ؟

والله ياشيخ ان يغسلونهم ويقومون ديرتهم علشان هالأحداث .. عندهم حمية

لو انه حنا .. كان تعليمات صارمة بعدم تداول الموضوع في الإعلام خوفاً على توتر العلاقات !!

هذولا والله ما ينفع معهم الا تكسر خشومهم

المصيبة لا حنا اللي نكسر خشومهم .. وزيادة على كذا نكب عليهم كب!

ياوالله فيني حقد على هالبلد وبلد ثاني اقصى الغرب ما يعلم به الا الله !

[عبدالاله بن خالد]

السلام عليكم ورحمة الله وبركاته


مسيتوا بالخير والنور والسرور

وش فيه من شيء يستحق الذكر مع هالجوء الكئيب والممل


عليكم السلام

ما فيه جديد

بدا برنامج جديد بدال الجوله <== قديمه ادري :power:

اليوم قدمه عيد الثقيل و الشباب يقولون ان بيقدمه المطيويع و منيف الحربي

و ابو فيصل تداخل و قال ان المدرب بيكون موجود قبل المعسكر و المعسكر بيكون خفيف ما فيه ضغط زي اللي فات و بيكون اغلبه ليتعرف المدرب على اللاعبين و المعسكر بيكون فيه 17 لاعب بس و الباقي مع المنتخب :((

[blueblood_999]

على طاري يو اف ام ..

وش البرنامج اللي يستحق المتابعة .؟

قبل فترة كل ما فتحت الجهاز .. اشغلها ..

مدري فيها كمية مصالة .. الله العالم بها ..

فيه برنامج اللي بوه 147347 مقدم .. مدري وش وضعه ذا .!
كلن يتداخل ع الثاني ..

فيا محبين الاذاعة .. أو بالأحرى .. يا شريك بن مساعد يالدب .. وش فيه شيء يستحق اني اترك صوت الخليج .. واسمع يو اف ام .. :d:

[عبدالاله بن خالد]

ما حدث بلبنان .. هو نتاج الحقد والبغض العربي العربي ..

ويبونا نسوي دورات عربية .!

تخلف تخلف تخلف ..

لا هنت يا ابو عبد الرحمن .. :heart:



الكويتيين ما يستحون اجل يصقعونهم 6 في ديرتهم :amjd:

و حنا يا الله يا الله نفوز واحد بديرتنا و غالبا نتعادل :((

[blueblood_999]

ياوالله فيني حقد على هالبلد وبلد ثاني اقصى الغرب ما يعلم به الا الله !




:amjd:

قصدك اخواننا الخليجيين الجدد .؟ :heart:(rambo)

[الوحش الخائف]

ايه هو .
بما أنك سماوي يالوحش نبي هاللقطة كرما لا أمرا .
والسلام


<iframe src="http://www.youtube.com/embed/5mjiMeXgSXQ" allowfullscreen="" width="425" frameborder="0" height="349"></iframe> (http://www.alhilalclub.com/vb/%3Ciframe%20width=)

الدقيقه
1:32 :la::la:

[عبدالاله بن خالد]

على طاري يو اف ام ..

وش البرنامج اللي يستحق المتابعة .؟

قبل فترة كل ما فتحت الجهاز .. اشغلها ..

مدري فيها كمية مصالة .. الله العالم بها ..

فيه برنامج اللي بوه 147347 مقدم .. مدري وش وضعه ذا .!
كلن يتداخل ع الثاني ..

فيا محبين الاذاعة .. أو بالأحرى .. يا شريك بن مساعد يالدب .. وش فيه شيء يستحق اني اترك صوت الخليج .. واسمع يو اف ام .. :d:



الحين بدو دورة برامج جديده ما ادري وش وضعهم بس شكله مصاله على قولتكم :amjd:

البرنامج اللي تقول عليه والله اعلم انه اسمه الاستراحه و اظن ما فيه موضوع بس زحف ماني متاكد

يا اخي عندهم مذيع اسمه نايف العبدالله زاحف مو طبيعي :amjd:

المهم الحين شكله برامجهم الله بالخير

في برنامج بنات ما ادري وش الساعه اربعه ما ادري ينفع و الا لا :amjd:

-----------------------

ما ودكم نص الباب فيه كم واحد فاقدينه بس مو مشكله الوضع كذا خاثر :d:

[خالي من الهم]

عليكم السلام هلا ابو محمد


ابد ما فيه الا مضاربة بين الكويتيين واللبنانيين

عاد تحسب هالكويتيين بيضيعون حقهم مثلنا ؟

والله ياشيخ ان يغسلونهم ويقومون ديرتهم علشان هالأحداث .. عندهم حمية

لو انه حنا .. كان تعليمات صارمة بعدم تداول الموضوع في الإعلام خوفاً على توتر العلاقات !!

هذولا والله ما ينفع معهم الا تكسر خشومهم

المصيبة لا حنا اللي نكسر خشومهم .. وزيادة على كذا نكب عليهم كب!

ياوالله فيني حقد على هالبلد وبلد ثاني اقصى الغرب ما يعلم به الا الله !


شفت المقطع الي نزلته يبو عبدالرحمن الله يعطيك العافية
في ذمتي اقدوا الكويتيين فيهم
واعجبني انهم ماهربوا وصملوا وفقعوا فيهم
بس وش دخل الجيش يطلق النار
الي سمعته من رسالته جتني ان الفيفا يدرس موضوع اطلاق النار بعد مارفعوا الموضوع الكويتيين
المصيبة يبو عبالدرحمن مع كل خوفنا على العلاقات والتعتيم الاعلامي الي يجبرونا عليه
الا انهم يحملون تجاهك حقد لايعلمه الا جبار السماوات والارض
اشاركك الحقد ع البلدين مع بلد ماهو بعيد من لبنان:d:

[هلالي غرناطه]

و الله يا الغالي ودي الكل يشارك بس ما بيدي شي

نظام دوري الشبكه يقول كذا

ما ادري لو تم فتح التسجيل مره ثانيه باعطيك خبر لكن الى الان كل المؤشرات تقول ان ما فيه تسجيل بعد بداية البطولة

مخ الصعيدي ما اشتغل الا بعد ما بدت البطوله كان من اول :amjd:


^^^
^^
^

:la:
ما تقصر ابو سارا :br:
الا الهلال وش ناوي عليه يبي اندي و هاجم مشارك بكوبا اميريكا
الظاهر يدا ابو مساعد بدات تلامس الجرح

[خالي من الهم]

عليكم السلام

ما فيه جديد

بدا برنامج جديد بدال الجوله <== قديمه ادري :power:

اليوم قدمه عيد الثقيل و الشباب يقولون ان بيقدمه المطيويع و منيف الحربي

و ابو فيصل تداخل و قال ان المدرب بيكون موجود قبل المعسكر و المعسكر بيكون خفيف ما فيه ضغط زي اللي فات و بيكون اغلبه ليتعرف المدرب على اللاعبين و المعسكر بيكون فيه 17 لاعب بس و الباقي مع المنتخب :((

شكرا على الملخص الجميل:d:
شخبار الفانتسي بس وكم ترتيبي وترا احسك وهقتني مدري ليه<----------القلبة بالريال:d:

[HilalyToday]

:d:

احلى ما فيها اخطاءها :p :d:

والله يا الغالي انا ما ادقق واجد في الاخطاء اللغويه بس هذا موب خطا لغوي هذا مصيبه :((

اما الاعراب و ما الاعراب مشي حالك انا مالي فيه

أربي شويه شويه :d:

ياخي حتى اللي ماله في العربي .. الأذن تتأذى من هالأخطاء بدون شعور

والله أحاول أختلق أعذار لأخطائهم ما أقدر .. ما فيه مجال

خلني اعطيك مثال : احتفظ الهلال ببطولة الدوري السعودي وقدم مباراة جيدة

يقولونها حقينك :amjd: : بضم الف (احتفظ) .. وكسر دال (قدم) !

يعني : أوحتفظ ......... وقـديـ م

والله بدون مبالغة اخطائهم على هذه الشاكلة !!

[قناص مكه]

آف آف :req:

مبآرة لبنآن والكويت انتهت 6-0 للكويت :smart:
أنا كنت متوقع لبنان مسجل أهداف ما دريت انهم ما سجلو شي :yuupy:

غير الـ 6 بدر المطوع مضيع بلنتي :d:

مساعد ندا ويوسف ناصر ووليد علي كل وآحد مسجل هدفين :Laugh0:

معهم حق اللبنآنيين يزعلون :fghty:

[عبدالاله بن خالد]

شكرا على الملخص الجميل:d:

شخبار الفانتسي بس وكم ترتيبي وترا احسك وهقتني مدري ليه<----------القلبة بالريال:d:


انا الرابع :kany: و انت ال19 و بيننا نقطه

اصبر نشوف الوضع بعد الجوله ما تنتهي

اذا كان الوضع ماش نسحب عليهم <=== القلبه بنص ريال :d:

[مورينهوالسعودية]

هلا أبو عبدالرحمن
قبل كم يوم واحد يقول أهم شيء تستمر البطولات الخليجية والعربية وأنا أقول والله ماوراها الا الغثاء والهواش .
بطولات غبية .
أعرف أن هالمباراة مالها دخل بس هذا نموذج لما يحصل .
والسلام

اي والله يابوعبدالكريم متى أشوف اليوم الي تلغى فيه كل البطولات العربية والخليجية أندية ومنتخبات

المفروض نلعب زي العالم فقط في بطولات الفيفا و البطولات القاريه .

اذا اشتقنا لـ أخوانا المسلمين العرب نلعب معهم مباريات وديه في ايام الفيفا أو في تحضيرات الاندية قبل الموسم او في الاعتزالات .

[الوحش الخائف]

انا الرابع :kany: و انت ال19 و بيننا نقطه

اصبر نشوف الوضع بعد الجوله ما تنتهي

اذا كان الوضع ماش نسحب عليهم <=== القلبه بنص ريال :d:

:yuupy::yuupy::yuupy:

يعني انا 19 :cry:

مالت عليك يا الدب انت وتشكيلتك :d:

[خالي من الهم]

انا الرابع :kany: و انت ال19 و بيننا نقطه

اصبر نشوف الوضع بعد الجوله ما تنتهي

اذا كان الوضع ماش نسحب عليهم <=== القلبه بنص ريال :d:

عموما بعد الجولة بيكون العذر كالتالي
ان كان مركزي كالعادة متقدم فلا جديد
وان كان هنالك مفاجئة وتراجعت فالاكيد ثم الاكيد ثم الاكيد انك وراء هالتراجع ولعبت بالتشكيلة :d:

[HilalyToday]

:amjd:

قصدك اخواننا الخليجيين الجدد .؟ :heart:(rambo)




هي دي هي دي :amjd:

ياخي مدري احس انهم ماسكين علينا مذلة أو ساحرينا هالدولتين !!!

كل فترة والثانية كب كم مليار .. خيرر !!

[للمجد بقية]

أمس أقلب في القنوات والا القى مباراة الارجنتين وبوليفيا والقى لاعبنا الأول اللي فرك رالديس .
كبتن وثقة .
مع أنه حاسنا شوي قدم نجران :)
يوم يلغى هدفنا ويطنشون بلنتي الصويلح
وقت هالبطولة مناسب جدا لي على العصرية مع القهوة :)
والسلم

[عبدالاله بن خالد]

ياخي حتى اللي ماله في العربي .. الأذن تتأذى من هالأخطاء بدون شعور


والله أحاول أختلق أعذار لأخطائهم ما أقدر .. ما فيه مجال

خلني اعطيك مثال : احتفظ الهلال ببطولة الدوري السعودي وقدم مباراة جيدة

يقولونها حقينك :amjd: : بضم الف (احتفظ) .. وكسر دال (قدم) !

يعني : أوحتفظ ......... وقـديـ م

والله بدون مبالغة اخطائهم على هذه الشاكلة !!


يا اخي انت وشلون تشوف التشكيل في الراديو :la:

ابو عبدالرحمن في هذه اقولك لا تدقق ترى انا المصحح الغوي حقهم :amjd:

يا رجال واحد من الشباب شافلي وظيفة معد في السعوديه الرياضيه ( طبعا ما يشبه تخصصي ابد )

سالني ( انت كيفك مع العربي شكله ما في راسك ) رد على نفسه و قال ( اصلا الموجودين ما في راسهم ما فرقت )

يعني الموضوع حبي و كله واسطات :amjd:

[خالي من الهم]

:yuupy::yuupy::yuupy:


يعني انا 19 :cry:

مالت عليك يا الدب انت وتشكيلتك :d:


ههههههههههههههههههههههههههههههههههههه
منسور اصبر خل القلبة بعد ماتنتهي الجولة:d:

[الوحش الخائف]

اذا اشتقنا لـ أخوانا المسلمين العرب نلعب معهم مباريات وديه في ايام الفيفا أو في تحضيرات الاندية قبل الموسم او في الاعتزالات .

اما اذا اشتقنا لهم نلعب معهم مباراة :d:

الي مشتاق يسافر عندهم ويفكنا من وجع الراس :amjd:

وش ذنب اللاعبين مساكين يلعبون مباراة عشان طويل العمر اشتاق لهم :d:

[[[ABDULRHMAN]]]

انا الرابع :kany: و انت ال19 و بيننا نقطه

اصبر نشوف الوضع بعد الجوله ما تنتهي

اذا كان الوضع ماش نسحب عليهم <=== القلبه بنص ريال :d:

من يضحك اولا يبكي اخيرا:power::d:..
مثل النصر صار الاول في الدوري اول الجولات ثمين في النهايه صار الـ5:d:..:power:

[صدى الامس]

لو ربعنا مصلحين مثل الكويت ..
في السابق شطب كل اللاعبين واعتذار من لبنان وتسكيتهم بكم قرش..
حالياً ايقاف واعتذار من لبنان وتسكيتهم بكم قرش ..

وبالنهاية كل الخلق تشب علينا وحنا الغلطانين وربعنا ساكتين !!

لكن مع الكويت ابتلشوا .. ويقولون ان الكويت اشتكوا للفيفا وش اللي يطلقون نار !!
جعلهم من هالحاال واردى لا الله ابوها من ديرة !!

[الوحش الخائف]

ههههههههههههههههههههههههههههههههههههه
منسور اصبر خل القلبة بعد ماتنتهي الجولة:d:



شرهتك على الي باقي يرجع :d:

من قوة وجهي سجلت في الدوري وانا ما بقدر اشوف البطولة :amjd::d:

يعني وشلون بحط تشكيلة ما ادري :amjd:

[عبدالاله بن خالد]

:yuupy::yuupy::yuupy:



يعني انا 19 :cry:

مالت عليك يا الدب انت وتشكيلتك :d:


اقول الفرق بينك و بين الرابع اللي هو انا نقطه وحده فقط يعني :power:

و اذا تبي تتكلم عن الفانتزي روح هناك

شفت يا معاذ ( الوحش و خالي و عبدالرحمن ) هم اللي يستدرجوني :d:

[خالي من الهم]

أمس أقلب في القنوات والا القى مباراة الارجنتين وبوليفيا والقى لاعبنا الأول اللي فرك رالديس .
كبتن وثقة .
وقت هالبطولة مناسب جدا لي على العصرية مع القهوة :)
والسلم


أبو كرم
صباحك عسل بتوقيتنا وعصريتك قهوة وهيل وتمر :amjd:
اللاعب رالديس ماعليه كلام وقيادي ومدافع مميز
بس جاء في وقت تالق هوساوي والمرشدي
عموما الله يوفقه بعيد عنا:d:

ابو تودي تحسهم ماسكين صور مثلا:d::d::d:
اخبر المقولة الشهيرة الي تقول ان من البيان لسحرا
اتوقع ربعنا يطبقون مقولة ان من الجمال لخقة تجعلنا نكب فلوسنا كباً
غير الموضوع يرحم امك لاتحجب الشبكة:d:

[مورينهوالسعودية]

أمس أقلب في القنوات والا القى مباراة الارجنتين وبوليفيا والقى لاعبنا الأول اللي فرك رالديس .
كبتن وثقة .
وقت هالبطولة مناسب جدا لي على العصرية مع القهوة :)
والسلم

وتضارب مع ميسي :heart:

هالمدافع قيادي ومن أبرز المدافعين في الدوري الارجنتيني لكن الهلال في تلك الفترة لم يكن يحتاج الى مدافع (المرشدي وهوساوي) مع كوزمن كانوا مميزين جداً وأبهروا الجميع بمستوياتهم .

[عبدالاله بن خالد]

وتضارب مع ميسي :heart:

هالمدافع قيادي ومن أبرز المدافعين في الدوري الارجنتيني لكن الهلال في تلك الفترة لم يكن يحتاج الى مدافع (المرشدي وهوساوي) مع كوزمن كانوا مميزين جداً وأبهروا الجميع بمستوياتهم .

يا رجال مع كوزمين كانو 6 مسنترين ورا ما يتحركون ( اربع مدافعين و محورين )

و لاعبين وسط يغطون معهم

كشف الفريق الثاني بيوصل مرماك <== مستحيل :amjd:

اما الحين لما صارو المهاجمين و لاعبين الوسط في الانديه الثاني يقابلون قلوب الدفاع على طول طلعت الفضايح :amjd:

على العموم تنظيم الوسط الفتره الاخيره كان سيء و بالذات المحاور

يعني انا اشوف ان تالق المرشدي ذيك الفتره مو كله منه و السوء اللي فيه الحين مو منه

[HilalyToday]

أبو كرم
صباحك عسل بتوقيتنا وعصريتك قهوة وهيل وتمر :amjd:
اللاعب رالديس ماعليه كلام وقيادي ومدافع مميز
بس جاء في وقت تالق هوساوي والمرشدي
عموما الله يوفقه بعيد عنا:d:

ابو تودي تحسهم ماسكين صور مثلا:d::d::d:
اخبر المقولة الشهيرة الي تقول ان من البيان لسحرا
اتوقع ربعنا يطبقون مقولة ان من الجمال لخقة تجعلنا نكب فلوسنا كباً
غير الموضوع يرحم امك لاتحجب الشبكة:d:


قصدك الوايت ميت ؟ :amjd:

على قولتك .. الزم ما علينا شبكتنا ..

على طاري الكوبا امريكا .. متى تعاد المباريات اللي تجي في انصاف الليول والفجر ؟

[للمجد بقية]

أبو كرم

صباحك عسل بتوقيتنا وعصريتك قهوة وهيل وتمر :amjd:
اللاعب رالديس ماعليه كلام وقيادي ومدافع مميز
بس جاء في وقت تالق هوساوي والمرشدي
عموما الله يوفقه بعيد عنا:d:

ابو تودي تحسهم ماسكين صور مثلا:d::d::d:
اخبر المقولة الشهيرة الي تقول ان من البيان لسحرا
اتوقع ربعنا يطبقون مقولة ان من الجمال لخقة تجعلنا نكب فلوسنا كباً

غير الموضوع يرحم امك لاتحجب الشبكة:d:

حطوه ظهير بس ماضبط وراح وكلمهم مناك وقال الا ياراجع :)
بطولة كوبا فرصة للبحث عن مواهب من دول مثل بوليفيا وكولمبيا والاكوادرو وتشيلي .
ياناس شايبنا سوزا الاكوادري والله ياهو شال الفريق في 1418 هـ في الدور الأول مع نواف التمياط .
الدور الثاني رجعوا الدوليين ودجينا .
والسلام

[مورينهوالسعودية]

اما اذا اشتقنا لهم نلعب معهم مباراة :d:


الي مشتاق يسافر عندهم ويفكنا من وجع الراس :amjd:

وش ذنب اللاعبين مساكين يلعبون مباراة عشان طويل العمر اشتاق لهم :d:


:d:

عاد وش نسوي اذا قالوا لازم نلغي البطولات العربية والخليجية قالوا هذي بطولات لتجمع الاخوة العرب والخليجيين من كل مكان وللالتقاء وزيادة روابط المحبه والالفه :((:amjd:

لذلك اذا حنا نحط حلول بديله عشان ما يقابل اقترحنا بالرفض البات :power:

[خالي من الهم]

صدى بالله عليك مانستحق موضوع من مواضيعك الي تخبرها عن لبنان وتكتبه لنا بالساحة
تكفى ياصدى أنا أطلبك بقلمك الساخر تكتب لنا عن هالقضية

للي يسالني ليه اطلب صدى صدى الامس من اشهر الاقلام الساخرة لايغركم سوالفه الرسمية الحين:d:
الشبكة المجاورة والاقلاع يشهدون ياصدى فلاتحرمنا

[للمجد بقية]

وتضارب مع ميسي :heart:

بصراحة مالها سنع زعلة ميسي .
امس الشوط الثاني كنه الشلهوب أنقطعت منه كورة وجت أنفرادة مدري وش لون ضاعت .
والسلام

[عبدالاله بن خالد]

حطوه ظهير بس ماضبط وراح وكلمهم مناك وقال الا ياراجع :)
بطولة كوبا فرصة للبحث عن مواهب من دول مثل بوليفيا وكولمبيا والاكوادرو وتشيلي .
ياناس شايبنا سوزا الاكوادري والله ياهو شال الفريق في 1418 هـ في الدور الأول مع نواف التمياط .
الدور الثاني رجعوا الدوليين ودجينا .
والسلام

انت متخيل انك تجيب كابتن بوليفيا بمليون يورو ما ادري دولار ( رالديس )

على فكره من يوم جبناه و هو كابتن بوليفيا

المنتخبات هذه في مواهب مو طبيعيه

اذكر سيزار كابتن بوليفيا اظن اللي كان يلعب في النصر يا هو كان فلته

[خالي من الهم]

قصدك الوايت ميت ؟ :amjd:


على قولتك .. الزم ما علينا شبكتنا ..

على طاري الكوبا امريكا .. متى تعاد المباريات اللي تجي في انصاف الليول والفجر ؟


والله مادري متى توقيتها بس باذن الله نحاول نفيدك بالجدول
ترا بمقوع الجزيرة ادخل على جدول البث لقناة+2
فيه كل الامور
حلوة تغيير الموضوع تدريجيا:d:

ابو كرم اليوم ابو فيصل يلمح انه يبي يختار لاعب من كوبا امريكا
اقول يلمح ولم يجزم وذلك من خلال صفحته بالتويتر

[Salih ™]

اما الحين لما صارو المهاجمين و لاعبين الوسط في الانديه الثاني يقابلون قلوب الدفاع على طول طلعت الفضايح :amjd:
هالنقطة انتبه لها جيرتس :heart:

وعرف ان الدفاع الهلالي في المان تو مان سيء ولعب على مصيدة التسلل اكثر ونجحت بشكل كبير



اتعب وانا اقول مدرب فاهم

[blueblood_999]

توقيت كوبا أمريكا .. ميّة ميّة ..

بس ما ناقص الا قهيوة أمي .. :(

[blueblood_999]

صدى بالله عليك مانستحق موضوع من مواضيعك الي تخبرها عن لبنان وتكتبه لنا بالساحة
تكفى ياصدى أنا أطلبك بقلمك الساخر تكتب لنا عن هالقضية

للي يسالني ليه اطلب صدى صدى الامس من اشهر الاقلام الساخرة لايغركم سوالفه الرسمية الحين:d:
الشبكة المجاورة والاقلاع يشهدون ياصدى فلاتحرمنا




هذا اللي يبي يفضحك يا خالي :amjd:

[بنت أمها]

^^^
الا على طاري المــحاور

ابو الجوهره متى يمشي؟

والا الرئــيس صادق بيعطيه فرصــه ؟ ( خلوا سامي يغير جواله ) عشان يتورط مايدري يدق على مين

[للمجد بقية]

ابو كرم اليوم ابو فيصل يلمح انه يبي يختار لاعب من كوبا امريكا
اقول يلمح ولم يجزم وذلك من خلال صفحته بالتويتر


تبي الصراحة ولوها مرة ؟
ماعاد أصدق شيء من ادارتنا .
الان أصدق عيوني بس .
والسلام

[عبدالاله بن خالد]

هالنقطة انتبه لها جيرتس :heart:

وعرف ان الدفاع الهلالي في المان تو مان سيء ولعب على مصيدة التسلل اكثر ونجحت بشكل كبير

اتعب وانا اقول مدرب فاهم

على فكره جيريتس غير طريقة لعب الفريق في الدور الثاني العام

و خلى الشلهوب و رادوي يلعبون قدام محور الارتكاز واحد يمين و واحد يسار و من بعدها الشلهوب ما جاب اقوال

و اذكر الشلهوب سالوه بعد فتره من انقطاعه عن الاقوال قال النقطه هذه

[مورينهوالسعودية]

بصراحة مالها سنع زعلة ميسي .
امس الشوط الثاني كنه الشلهوب أنقطعت منه كورة وجت أنفرادة مدري وش لون ضاعت .
والسلام

هاللاعب مضغوط بشكل غير طبيعي

في البرسا يواجه ضرب و وقاحه من المدافعين أشد بـ مراحل من الي حصل له أمس ما نشوف منه ردات فعل مثل الي سواه مع رالديس .

الارجنتين الى الان لم توفق بـ مدرب يعرف يختار التشكيلة بشكل مثالي لكن رغم ذلك هي من المرشحين لـ اللقب ودائماً الابطال تكون بداياتهم ضعيفه

[خالي من الهم]

هذا اللي يبي يفضحك يا خالي :amjd:



مابه فضيحة لا لك ولا لخالك
الشمس ماتحجب بغربال :d:

أبو كرم اوافقك الراي لاتصدق الا عينك
وللامانة الادارة اخطات بتسريب بعض الاخبار
فبدل من ان نكون منتهين من كل شيء طلعنا بموال فترة التسجيل طويلة::(

[عبدالاله بن خالد]

^^^
الا على طاري المــحاور

ابو الجوهره متى يمشي؟

والا الرئــيس صادق بيعطيه فرصــه ؟ ( خلوا سامي يغير جواله ) عشان يتورط مايدري يدق على مين


بنت ابوها عزيز اول كان يحسب و يقفل جواله و ما احد يقدر يوصله و ما يعطي خبر لاحد و طلعت الاداره و قالت المهم ان يعطينا خبر حتى لو بالجوال

الفتره الاخيره صار يرسل مسج بعدين يقفل جواله :amjd:

يعني الرجال ما فيه حل

خسرناه الاحمق :(

[بنت أمها]

[quote][اذكر سيزار كابتن بوليفيا اظن اللي كان يلعب في النصر يا هو كان فلته/quote]

عبدالاله تقصد ( خوليو )

الا صدق هو صحيح اسلم ؟

[مورينهوالسعودية]

هالنقطة انتبه لها جيرتس :heart:

وعرف ان الدفاع الهلالي في المان تو مان سيء ولعب على مصيدة التسلل اكثر ونجحت بشكل كبير



اتعب وانا اقول مدرب فاهم

وجاك كالديرون وحاس هالنظام وصار الفريق لهو الي يدافع بشكل منظم ولا الي يهاجم ويلعب بـ بطريقة الدفاع المتقدم ومصيد التسلل

[للمجد بقية]

هاللاعب مضغوط بشكل غير طبيعي


في البرسا يواجه ضرب و وقاحه من المدافعين أشد بـ مراحل من الي حصل له أمس ما نشوف منه ردات فعل مثل الي سواه مع رالديس .


الارجنتين الى الان لم توفق بـ مدرب يعرف يختار التشكيلة بشكل مثالي لكن رغم ذلك هي من المرشحين لـ اللقب ودائماً الابطال تكون بداياتهم ضعيفه

بس خل عنك قول الارجنتين شيء .
أمس أشوف ميسي ماجاه جلد بس هو يعيش تحت ضغط عصبي عشان كذا تنرفز .
الله ذكرتني بكأس العالم 78 و82 .
82 كانوا يسموني كيمبس عشاني شوشه وقتها >>>> كانت اجازة الصيف بعد وفاة الملك خالد الله يرحمه .
والسلام

[HilalyToday]

تبي الصراحة ولوها مرة ؟
ماعاد أصدق شيء من ادارتنا .
الان أصدق عيوني بس .
والسلام

Like you

الواحد ما وده يحكي ويعيد ويزيد .. لكن هذا الواقع .. والشواهد كثيرة

مسألة التعاقدات لدينا مملة وغير مشجعة على أن الواحد يتفاعل معها

[عبدالاله بن خالد]

[quote][اذكر سيزار كابتن بوليفيا اظن اللي كان يلعب في النصر يا هو كان فلته/quote]

عبدالاله تقصد ( خوليو )

الا صدق هو صحيح اسلم ؟

كان اسمه خوليو سيزار

ما عندي علم اسلم و الا لا

الله يهدي الجميع

-------------------------------------

يا الله تصبحون على خير

دقت ساعة الراحه دقت ساعة النوم

الى السرير الى السرير

:amjd:

في امان الله

[صدى الامس]

خالي من الهم .. والله يا انت تريش بالواحد لي شوي منب قادر اكتب رد
اقول خلك ثقل ولا تجي على خشتك بسرعه هههههههههههههههههههه
راحت هذيك الايام اللياقة حالياً ماتساعد ابد .. ولا هنا شي من اللي قلته كله ترييش في ترييش



تبي الصراحة ولوها مرة ؟
ماعاد أصدق شيء من ادارتنا .
الان أصدق عيوني بس .

هذا الصدق ..
الادارة سابقاً ماندري عن المحترفين .. ولا ندري عنهم الا هم موقعين معنا !!
الحين نشوف الرئيس وسامي يتكلمون في تويتر ..
ما اقول مهوب من حقهم .. لكن ليتهم يتركون الكلام شوي وعقب مايخلصون الامور يتكملون براحتهم !!

[blueblood_999]

يا زين ايام أول .. ما ندري عن الاجنبي ..
وقع ولا لأ .؟

ما ندري لا وهو بالملعب يسخن ..

[HilalyToday]

http://img193.imageshack.us/img193/8809/1148567521extrasalbumes.jpg

:amjd:

تصبحون على خير

[مورينهوالسعودية]

بس خل عنك قول الارجنتين شيء .
أمس أشوف ميسي ماجاه جلد بس هو يعيش تحت ضغط عصبي عشان كذا تنرفز .
الله ذكرتني بكأس العالم 78 و82 .
82 كانوا يسموني كيمبس عشاني شوشه وقتها >>>> كانت اجازة الصيف بعد وفاة الملك خالد الله يرحمه .
والسلام

78 قبل ما أولد بـ 10 سنوات :d:


http://external.cache.el-mundo.net/mundial/2006/albumes/2006/05/25/mario_kempes/1148567521_extras_albumes_0.jpg
مالحقت عليه بس كيمبس لاعب مشهور وأعرفه من خلال التقارير التلفزيونية

[blueblood_999]

^
^

ههههههههههههههه

أحلى يا ابو عبد الكريم .. من عشّاق التانقو .؟ :d:

[خالي من الهم]

صدى أموت في التواضع انا
انا اعرف كيف اغريك واخليك تكتب الموضوع عجلا غير اجل:d:

[blueblood_999]

صدى ،،

يبيلك تدخل نادي رياضي .. وتخفف شوي .. :d:
وكودك بعدها تكتب مقدمة موضوع .. ههههههههه

الا صح .. رمضان جاي .. تبينا نروح مكه يا خالي ..
نكفر عن ما اسلف .. وتصير بعدها انسان صالح .. :d:(rambo)

[خالي من الهم]

تصبحون على خير جميعاً

[للمجد بقية]

http://img193.imageshack.us/img193/8809/1148567521extrasalbumes.jpg


:amjd:

تصبحون على خير

هين يالعيار أوريك :amjd:
أنا يسموني ماقلت أشبه بس شوشة وأفت وش ذنبي:d:
لا والله مانيب من عشاق التانقو والا السامبا مع أني أحبهم كلهم .
أنا من عشاق المتعة عشان كذا أستمتع بكوبا أمريكا أيما استمتاع .
الله ياكيمبس هداف 78 .
والسلام بدون نقطة يبو عبدالرحمن :d:
والسلام

[نهر الهلال]

عليكم السلام هلا ابو محمد

ابد ما فيه الا مضاربة بين الكويتيين واللبنانيين

عاد تحسب هالكويتيين بيضيعون حقهم مثلنا ؟

والله ياشيخ ان يغسلونهم ويقومون ديرتهم علشان هالأحداث .. عندهم حمية

لو انه حنا .. كان تعليمات صارمة بعدم تداول الموضوع في الإعلام خوفاً على توتر العلاقات !!

هذولا والله ما ينفع معهم الا تكسر خشومهم

المصيبة لا حنا اللي نكسر خشومهم .. وزيادة على كذا نكب عليهم كب!

ياوالله فيني حقد على هالبلد وبلد ثاني اقصى الغرب ما يعلم به الا الله !



وازيدك من الشعر بيت بخصوص الكويتين قبل اكثر من 8 سنين رفيق الحريري الله يرحمه زار الكويت يبغى دعم مالي طلع اكثر من عضو مجلس امه محتجين على هدف الزياره وهو طلب الدعم مادي وهددو بأستجواب رئيس الحكومه اذا تم دعم لبنان غير كذا خرج اكثر من عضو مجلس امه وكل واحد ماسك له بيضه موجهين رساله الى الحريري ان ما عندنا لك الا الييض . على عكس ربعنا ما يحتاج اتكلم عن دعمهم لبنان بشكل عام والحريري بشكل خاص .

[مورينهوالسعودية]

يا زين ايام أول .. ما ندري عن الاجنبي ..
وقع ولا لأ .؟

ما ندري لا وهو بالملعب يسخن ..



الان وسائل الاتصال متعدده واصبحت أسرع

اطراف التعاقد (الناديين و وكيل اعمال اللاعب واللاعب) من الممكن أن احدهم يسرب الخبر لـ أهداف متعدده .

وفي العالم كله نجد نفس الكلام والوضع كل الصحف تتحدث عن انتقالات وفي الاخير لايحدث شيء والاخبار مو كلها كذب يمكن فعلاً النادي فاوض اللاعب لكن لم يكن هناك اتفاق على الشروط العقد وهذا شيء طبيعي وبالتالي النادي ينسحب من المفاوضات وفيه بعضها كذب .

دامي اندوي بالنسبة لي كان خيار مميز إن جاء الله يوفقه معنا وان ما جاء الحمد لله على كل حال وخيره لاني من خلال متابعتي له هو هداف لا غبار عليه لكن طريقة لعبه لاتناسب ستايل الهلال اللاعب يعتمد على التسجيل من خلال الكرات العرضيه والهلال ضعيف جداً في اللعب بـ هذه الطريقة الهلال يعتمد على اللعب من العمق , أتمنى جلب مهاجم مهاري يجيد اللعب في المناطق الضيقه كنتروله ممتاز وهداف .

[صدى الامس]

ابو عبدالكريم ..
الحين المتعة ما عاد فيه مثل منول ..
اذا البرازيل وهي البرازيل من بدأ دونغا معها وهو يلعب بتحفظ !!
اجل وش نقول عن غيرهم !!
صار اللعب كله تقفيل في تقفيل .. يجيب لك الاحباااط ياشيخ !!

وش اطلق مباراة فيها متعة غير طبيعيه وما نسيتها للحين ؟!!


ريان يالله يالله نحج عشر مرات وانا خالك يالله تتوب علينا ..
خالي من الهم .. صدقني بتتعب كثير هذاك زمان اول هههههه ..

[للمجد بقية]

ابو عبدالكريم ..
الحين المتعة ما عاد فيه مثل منول ..
اذا البرازيل وهي البرازيل من بدأ دونغا معها وهو يلعب بتحفظ !!
اجل وش نقول عن غيرهم !!
صار اللعب كله تقفيل في تقفيل .. يجيب لك الاحباااط ياشيخ !!

وش اطلق مباراة فيها متعة غير طبيعيه وما نسيتها للحين ؟!!


ريان يالله يالله نحج عشر مرات وانا خالك يالله تتوب علينا ..
خالي من الهم .. صدقني بتتعب كثير هذاك زمان اول هههههه ..
أقصد أستمتع أني ما أشوفها وأنا أشجع أحد أن جت لمحة حلوة أنبسطت :amjd:
والله مباريات متعة ومانسيتها والله ماعاد أذكر بس مباريات هولندا أول ممتعة بس مايفوزون :amjd:
منتخب البرازيل 82 كان ممتع بشكل .
زيكو سقراط فلكاو ...الخ
مباراة الهلال والنصر 3/0 في جدة .
وغيرها كثير بس ماتحضرني الذاكرة لو تقول لي الان وذيك المباراة أقول أيييييييييه صح كانت متعة غير طبيعية .
والسلام

[بطل كل الكوؤس]

ابو توداي ماقصرت يعطيك العافية

[blueblood_999]

صدى ،،

تران ماسكن نفسي .. باقي ع رمضان اقل من 40 يوم .. :amjd:
وبالنسبة للحج .. الظاهر بيجي بعد الزواج ..
وشكلي ماشي ع دربك يا خلفهم .. :d:

[نهر الهلال]

لو ربعنا مصلحين مثل الكويت ..
في السابق شطب كل اللاعبين واعتذار من لبنان وتسكيتهم بكم قرش..
حالياً ايقاف واعتذار من لبنان وتسكيتهم بكم قرش ..

وبالنهاية كل الخلق تشب علينا وحنا الغلطانين وربعنا ساكتين !!

لكن مع الكويت ابتلشوا .. ويقولون ان الكويت اشتكوا للفيفا وش اللي يطلقون نار !!
جعلهم من هالحاال واردى لا الله ابوها من ديرة !!



انا اشبه حال السعوديه بحال الهلال على كثر ما يقدم الهلال او السعوديه للاخرين من دعم واحترام ومع ذلك يقابل هالشيء بالجحود والنكران والاساءه المتكرره غير كمية البغض والحقد الي تجاهنا وهم ما جاهم منا الا كل خير واحترام ومع ذلك تحملنا اساءتهم طويلا .

[صدى الامس]

انا اشبه حال السعوديه بحال الهلال على كثر ما يقدم الهلال او السعوديه للاخرين من دعم واحترام ومع ذلك يقابل هالشيء بالجحود والنكران والاساءه المتكرره غير كمية البغض والحقد الي تجاهنا وهم ما جاهم منا الا كل خير واحترام ومع ذلك تحملنا اساءتهم طويلا .

بالعكس ربعنا اضعف من انهم يطالبون بحقهم ..
كلنا نذكر وش يصير في البطولات العربية لـ كل الفرق السعودية !!
ضرب ويتعدون عليهم وانواع المشاكل تجي منهم وبالنهاية ولا شي يصدر من اتحادك !!
حتى رؤوساء الاندية ما يقدر يقول شي ! لان رئيس الاتحاد هو رئيس الاتحاد العربي !!

كم نادي انضرب وتهجم عليه في المشاركات العربية ؟؟!
وكم مرة طلع الاتحاد السعودي ودافع عن هالاندية ؟!!
الا بالعكس يسكت ولا يتكلم ولا شي ..!
واذا جاء اي فريق عندنا شلناه فوق فوق السماء ولا يجيه شي ..

[[ محمد ]]

<iframe width="560" height="349" src="http://www.youtube.com/embed/Q83YoG9s1Xw" frameborder="0" allowfullscreen></iframe>
والله يافيه قوة جلد وترفيس
يعجبونك الكويتيه مغطوا ابو شكيب تمغيط

الاحداث من الدقيقه 2.06

[للمجد بقية]

بالعكس ربعنا اضعف من انهم يطالبون بحقهم ..
كلنا نذكر وش يصير في البطولات العربية لـ كل الفرق السعودية !!
ضرب ويتعدون عليهم وانواع المشاكل تجي منهم وبالنهاية ولا شي يصدر من اتحادك !!
حتى رؤوساء الاندية ما يقدر يقول شي ! لان رئيس الاتحاد هو رئيس الاتحاد العربي !!

لايطالبون بحقهم أبد بس يكفونا شرهم .
تتذكر مباراة الهلال في ايران ؟
الجمعان رفض الخروج ووقفوه ربعنا شهر (هالشهر فيه أكثر من 6 مباريات)
والكاتو عطى لاعب ايراني كوع وأنطرد بأحمر ووقفوه ربعنا شهر مع الجمعان !!
ليخرج بعدها الجهبذ صالح بن ناصر باتيس ليقول أنهم أساءوا للعلاقات السعودية الأيرانية !!
اتحاد الخزي والعار .
والسلام

[شكسبير الهلال]

الجولة أسم مناسب غريييب

[نهر الهلال]

بالعكس ربعنا اضعف من انهم يطالبون بحقهم ..
كلنا نذكر وش يصير في البطولات العربية لـ كل الفرق السعودية !!
ضرب ويتعدون عليهم وانواع المشاكل تجي منهم وبالنهاية ولا شي يصدر من اتحادك !!
حتى رؤوساء الاندية ما يقدر يقول شي ! لان رئيس الاتحاد هو رئيس الاتحاد العربي !!

كم نادي انضرب وتهجم عليه في المشاركات العربية ؟؟!
وكم مرة طلع الاتحاد السعودي ودافع عن هالاندية ؟!!
الا بالعكس يسكت ولا يتكلم ولا شي ..!
واذا جاء اي فريق عندنا شلناه فوق فوق السماء ولا يجيه شي ..



انا عارف ان الاتحاد السعودي ما دافع عن الانديه ولا راح يدافع احترام لمشاعر الاخوه العرب . انا الي ذكرته اختصر لك تعامل الاخرين معنا يعني مأكولين مذمومين

[صدى الامس]

لايطالبون بحقهم أبد بس يكفونا شرهم .
تتذكر مباراة الهلال في ايران ؟
الجمعان رفض الخروج ووقفوه ربعنا شهر (هالشهر فيه أكثر من 6 مباريات)
والكاتو عطى لاعب ايراني كوع وأنطرد بأحمر ووقفوه ربعنا شهر مع الجمعان !!
ليخرج بعدها الجهبذ صالح بن ناصر باتيس ليقول أنهم أساءوا للعلاقات السعودية الأيرانية !!
اتحاد الخزي والعار .
والسلام

كلامك سليم بخصوص اتحادنا مع الهلال وتعامله الغريب معنا !!
لكن انا اتكلم ومقصدي تعامل الاتحد السعودي مع الاتحاد العربي والخليجي !!

اتحادنا قدام العرب ضعيف وماله كلمة .. ولا حتى سلطة او مقدره انه يدافع عن حقه !

[blueblood_999]

عودة بعد زيارة مفاجئة من متزوجين .! :mfhi:

مدري حسيت انهم قروا مشاركتي بخصوص الزواج ..
وجوا طبوا علي .. :d:


بالنسبة .. لموقف الاتحاد السعودي أمام كل ما هو عربي ..
كالعادة ضعيف .. ولا يد له ولا قوة ..

ولازم نطلع قدام الناس .. حنا الابن البار .!

يا رب يلغون شيء اسمه بطولات عربية أو خليجية ..

[صدى الامس]

الخليجية عقب ماجلدوهم في زعبيل (قلوووووب) .. مع الوقت وتبي تنتهي ..
قطر يفكرون بالاسيوية طموحهم تعدى البطولات الخليجية ..
الامارات نفس الشي يبون يثبتون انفسهم اسيوياً ..
مابقى احد يهتم لها الا البحرين وعمان وكل هذولا مالهم هذيك السلطة الكبيرة ..
يعني انتظرها تلغى مع الوقت ..

البطولات العربية هي اللي ماوراها الا الخساير والقرف ..
تنسحب مصر والسعودية تبي تلغى البطولة ..

[blueblood_999]

طيب دامنا جبنا طاري العرب والخليج ..

معاملة الخليجي .. أو .. العربي .. كلاعب محلي ..

مع .؟ أو ضد .؟

[sam cool]

مع واذكر اني قبل كم سنة تناقشت مع احدهم بالموضوع

[blueblood_999]

مع واذكر اني قبل كم سنة تناقشت مع احدهم بالموضوع



هلا سام ..

طيب عطنا كم سبب تذكرنا شوي ..

[sam cool]

^^^^^^^^^^^^
معليش على التاخير بالرد

اولا بيتم استقطاب الافضل عربيا وخليجيا بالدوري

الدوري تسويقيا بيكون افضل بكثير وحتى جماهيريا

اللاعب بيحتك كثير مع الي مثل مستواه واحيانا افضل منه

اللاعب المحلي الي يقدر يثبت بخانته معناه انه الافضل عربيا

[blueblood_999]

^^^^^^^^^^^^
معليش على التاخير بالرد

اولا بيتم استقطاب الافضل عربيا وخليجيا بالدوري

الدوري تسويقيا بيكون افضل بكثير وحتى جماهيريا

اللاعب بيحتك كثير مع الي مثل مستواه واحيانا افضل منه

اللاعب المحلي الي يقدر يثبت بخانته معناه انه الافضل عربيا



نقاط أراها ايجابية .. وايجابية جداً ..


لكن هل تتوقع .. اننا بنفقد وجود الوجوه الشابه ..
لما نعتمد على الاستقطاب .؟

[[[ عبود ]]]

شكرآ للجميع :br: