"قاموس" عربي - شقراوي ...شقراوي - عربي

[شقراوي]

بسم الله الرحمن الرحيم
السلام عليكم
هذي بعض مفردات أهل شقراء حبيت اعرضها :)

طرمه فتحة في جدار السقف بارزة للخارج (للشارع)مغطاة لمعرفة الطارق :yuupy:

بنات ورقان كناية عن الكذب:hgfd:

مافيه ما توفيه أي مافية زود يميزه عن غيرة ـ وتقولها المرأة:kayf:

مغلدم غضبان ولا يتكلم:zael:

شالوع دعاء تقولة المرأة اذا لم يعجبها الشئ:eek:

حزش كلمه تقولها المرأة للأستهزاء عندما تسمع شئيا كانت تتوقع عدم حدوثة:kany:

جزر دعوة بالموت على الصغار:lkj:

هيش نداء من الزوج لزوجته

يالابو نداء من الزوجه لزوجها :guns:

صيدي قصدي :req:


ماش تقال عند اليأس من تحقيق المطلوب :hgfd:


هقوه ظن وتوقع :rolleyes:


طس تقال عند الغضب وتعنى أذهب بعيدا :noo:

شطب فتحات تأتي في عرقوب القدم :ignor:


بسعه اي خذ الامر بهدوء ولا تتعجل:yes:


انكس إرجع :(


هاك خذ:jeng:


دنق أو طمن أي طأطئ رأسك :slv:


صخيفه ليست عريضة :amle:

دوك أنظر أو خذ او هات :sheto:

ساد تستاهل ما جاك:mad:

شدزي حوضي:)

ظريط للأسف كانوا الكبار اذا زعلوا مني مثلا اذا كبيت القهوه او دفيت واحد من بزارينهم من الدرج يقولون لي "يا ظريييييييييييط و ش تسوي":lkj:
وتنقال للي اسمه خالد بس لأنها اصلا مأخوذه من ظارط وهي على وزن خالد :(



أنــــــــــــــحــــــــــــــــــن يا ولد شقراء:kany:

http://www.shagrawi.alhilalclub.com/other/shaqraa.jpg

[عززوووز2006]

هلا والله:
فيه كلمات اول مره اسمع فيها:confused::confused:
بس اللي كنت اعرفه هالكلمات:
ماش
هقوه
دوك
ساد
طس
شطب
انكس
هاك
دنق او طمن
وكلش في كوم وكلمة انحن في كوم ثاني
هذي اول مره اسمعها
مع اني شقراوي الاب والام
ومشكووووووووووووور اخوي شقراوي

[برستيج]

هلا شقراوي



تصدق في البدايه .. حسبت هالكلام ( اردو ) وبغيت اجيب سواقنا

الهندي على شان يترجمه .. :p .. :D


بس خل عنك .. هذي بصراحه شييييييييييي ..

ظريط ..
وتنقال للي اسمه خالد بس لأنها اصلا مأخوذه من ظارط وهي على وزن خالد
معلومه ممكن يستفاد منها كثير .. (rambo)




وتسلم يا ضريط .. :p .. :angel:

[الكاسر888]

الإخوه عرب؟؟؟:D

[الطيرالهلالي]

السلام,,

ههههههههههه الله يرجك يالشقراوي :D

اضف الى معلوماتك هذه الكلمت ايظاً ؟؟؟؟

بادج.. كاسر ؟؟

امكع.... يعني امعط او بمعنى اخر اسحب السلك من الفيش ؟؟؟؟
الهلام... هذه دعوة المرأه اذا دعت على احد .. تقوله يامال الهلام الي يلهمك .. يعني شي يجي وياكلك ؟؟؟؟

صرام.. ايظاً دعوه المرأه ..كأنها تقول ؟؟ يامال الصرام الي يصرمك يعني يعجنك عجن؟؟؟؟

افهق... يعني افتح الشي وتقال في شقراء.... افهق البندق ؟؟

وهذا الي حاظرني الحين .... ولو تبي اولف لك كتاب عن هالكلمات انا مستعد في اجيبها لك في يوم؟؟؟

[سامي19]

هلااا شقراوي ..

اثركم يالشقراويه نفس حتسينا يالسديراويه :D:D

بس صراااحه ((ظريط)) هذي حرررررررررركه :kany::kany::kany:

[أبوحمـــ15ـــــــــــد]

هلا شقراوي...

ايه والله انـــــــــــــــــــــــــحن ياحبيلنا لبس:D


بس نسيت كم كلمة..

(تز)مين>>>>>كود..


مثلا اقول كود ادارة الهلال تهوش على اللاعبين (تز)مين يعدلون مستواهم..

اذا ذكرت كلمات رجعت..

[أسيره الحرمان]

مصطلاحات غريبه ثلاث ارباعها اول مره اسمعها
الكلمات الي اعرفها
ماش
دوك
ساد

[هلالكو]

هلا شقراوي

على ان مابينا وبينكم الا حوالي 100 كيلو وشوي وبالسياره تقريبا ساعه الا ربع الا ان فيه كلمات اول مره اسمعهن

طرمه شكله اسم مدينه ذا

بنات ورقان هذي اليوم ابقوله عند الشباب واي واحد ينصب علينا ابقوله خابر انه يبي يدربي راسه ويكمل السالفه ولا يدري وش انا اقول تخبر الايام هذي النصب واجد وسوقه ماشي والله يعينا عليهم

شالوع :eek:

حزش :yuupy:

جزر :amle:

يالابو شكل الكلمه ذي برازيليه

ساد :ignor::ignor::ignor: خابره انا ساده موب ساد :req:

شدزي تصدق ها الكلمه قعد افكر يجي ساعه واقول وش سالفته والى يومك وانا اهوجس به

موضوع رائع وتسلم يا شقراوي على ها المعلومات

[زعيم الهــــلال]

الإخوه عرب؟؟؟

هههههه

[الشاطر]

الإخوه عرب؟؟؟

:D:D

[قرقو]

مرااااااااااااااااحب

:jhgy::jhgy::jhgy::jhgy::jhgy::jhgy::jhgy::jhgy::jhgy:

اقول يازين حكينا يالقصمان:rolleyes:

صح اني ماافهم نصه بس على الاقل اهون منكم شوي:amle:

[يوسف]

هلا بالداجين والداجات:magkiss:
هلا ظريط(rambo)
والله ياعليكم كلااام مادري وش يبي:jhgy: بس به بعضه لاطشينهاا مناا:amle:
بس كله كوووووووووم وهالكلمه كوووم(rambo)
أنــــــــــــــحــــــــــــــــــن
مادري وش تبي:req: بس دايمااا اسمعهاااا من ولد جيرانااا الحضرمي:fghty: ترجمهاا يرحم والديك:confused:
:magkiss:باااااااي:yes:

[3asheq_y15]

ياهلا والله بشقراوي

تبي الصراحه ماعرفت من هالكلمات الا:

مــــاش , دوك, هاك


والبقيه اااااااااي دوووونت نووووو:D:D

بس يعطيك العافيه ثقفتنا بالثقافه الشقراويه شوي... :D:D:D

[للمجد بقية]

هلا بالشقراوي
شف عاد كله كوم وكلمه ماقلتها كوم
الكلمه هي بازان
ياخي كل ماتذكرتها اقول وش لون جت
على فكره انا شقراوي الاب والام والاجداد
وتقبل تحياتي
والسلام

[منبع الثلج]

هلوين شقراوي ;)

[i] هيش نداء من الزوج لزوجته

ماش تقال عند اليأس من تحقيق المطلوب :hgfd:

هقوه ظن وتوقع :rolleyes:

بسعه اي خذ الامر بهدوء ولا تتعجل:yes:

انكس إرجع :(

هاك خذ:jeng:

دنق أو طمن أي طأطئ رأسك :slv:

صخيفه ليست عريضة :amle:

دوك أنظر أو خذ او هات :sheto:

ساد تستاهل ما جاك:mad:




حقوق النسخه محفوظه للقصمان (himo) وبلاش احتيال يا شقراوييين :zael:
قومو يالقصمان وخوذو مصطلحاتكم لا يسرقونهن اهل شقراااء :angel::angel:

جزر دعوة بالموت على الصغار

طيب خياار تصير دعوه بالحياه ولا شلوون :angel::angel:


وتحياتي لكم يا انحن :angel:

باااي ;)

[الباش مهندس يوسف 15]

اقول يازين حكينا يالقصمان:yes:

[هلالي سياتل]

يا سبويه شقراء خذ عندك هالكلمتين كانك تعرف وش معناهن

ناه

شاعوف


























تراي أعرف معناهن بس ابي اشوف انتا :fghty: تعرف حتسينا ولا ما تعرف الا قص ولزق