ابتسامة ملاك
17/2/2003, 05:42
Hi......
<--- تاخذ كورس اعنقليزي
How are you ?
<--- غاشتها من القاموس
المهم .....
بحكم ادماني الغير طبيعي على الافلام , وعلى فكرة تره ادمان مستعصي العلاج يعنى لو ما اخذت الحد الادنى من الجرعة إلى هو فيلمين باليوم , يجينى اكتئاب وصداع ورجفه وغيره من اعراض الادمان , اما الحد الاعلى من الجرعه اربع افلام باليوم وإذا اخذتها المزاج يكون تمام ولا اروق منه , المهم ذاك اليوم جهزت مزاج الجلسة وكل معداتها وهي عبارة عن ( صحن فصفص + الشراب – عبارة عن خلطه خاصه علبة بيرة بربكان توت + علبة بور هورس + شوى سفن اب + فنجال بايسن بس - ) وطبعا لازم الانوار مطفيه والجوال والتلفون مفصولات , وشغلت الفيلم (( ريزدت ايفل )) الفيلم هذا ما شفته غير ثلاث مرات ما شبعت منه , طلع لى الجني اللى ساكن براسي وقال :
الجني : هالو , كشرة ( ابتسامة بس هو يدلعنى كذا )
ابتسامة : خير وش تبي مانيب فاضية لك .
الجني : بشويش لا تدفين .
ابتسامة: خلصنى وش تبي .
الجني :طيب طيب لا تاكلينين .
ابتسامة: هااااا ؟؟؟؟؟؟؟
الجني : اسمعي يا القشرة طفشت من هالفيلم ما عندتس غيرة؟؟
ابتسامة: وشو وش طفشت انت ووجهك وشوله تناظره حاطته لك وإلا لى؟؟
الجني : يا خيه غيرة وإلا ترى ما تشوفين إلا الويل
ابتسامة: تكفي يا قوي وش بتسوى يعنى .
الجني : ترانى حذرتس وقد اعذر من انذر.
ابتسامة: اقول طير يا شيخ الفيلم مانيب مغيرته , ما شبعت منه تونى , ولا حفظته .
الجني : وش تحفضين بوه ما بوه غير الخرط الفاضي
ابتسامة: اقول احترم نفسك احسن لك , لا اطردك من راسي
الجني :تشوفين بخليتس تكرهين هالفيلم السخيف
وقال الجني : خحهعييحطخب كسينبحخ تبكسينك صيري معهم الحين
هو قال كذا ما وعيت غير الفصفص راح , والبيرة راحت والغرفه كلها اختفت وصار مكانها مكاتب محوسة وفاضية , طبعا هالمنظر مو غريب على هذا مقر الشركه اللى صارت فيها الاحداث , واللى ما يعرف الفيلم , هو فيلم رعب من الدرجه الاولي حكايته كلها تدور عن فيروس ينتشر بين موظفين وحده من الشركات الامريكيه اللى تسوى امراض , وهذا الفيروس ينتشر بالهواء ومفعولة فورى وهو يموت الكائنات الحية كلها وتصير من الموتى الاحياء يعنى يتحركون وبمناظر تاخذ العقل تهبل يجبك واحد يسحب رجله المكسورة ويتحرك وثاتيه ضلوعها طالعه من مكانها وإلا عيونها مفضخه واشكال بسم الله علينا منها , المهم هذولا ( شيون وقوت عيون) يعنى ياكلون البشر الطبيعيين والباقي منهم يصير مثلكم زومبي - يعنى موتي احياء- , المهم تدخل فرقه محترفين للشركه المعزولة عن العالم الخارجي وتحاول تنقذ العالم , لكن واحد ورى واحد يبطبطون ويمتون اللى يصير زومبي واللى يصير شرايح مارتديلا , غير قابلة للاكل , وطبعا ما يبقي غير البطلة هي اللى تطلع حية من الموضوع كله بس تصدم بالامر الواقع , هذا الفيلم الاصلي , بس بعد ما شفت نفسي بالشركه من عقب الجنى الله ياخذ روحه ويحبسها ببريق شاهي محترق , كنت لابسة فستان احمر وتنورة سوداء , طبعا صرخت لانى صرت محل البطلة يعنى لازم اركض وانطنط واهج واغامر , فقلت بكل نشاط لابوك لابو من عاش , ميته ميته الحين وإلا ببتنا , فجلست على المكتب وشبكت النت يعنى الفاتورة عليهم بكيفهم , وخذ يا تنقل بالمواقع عاد ما فيه بروكسي وعلى كيف كيفك المواقع اللى افتحها , ومافيه اهل يمرون ويشوفون وش جالسه اتفرج عليه ويهاوشون , ما ادرى وراهم حاطين دوبهم دوب المواقع اللى فيها العاب ؟؟ المهم يمكن ساعه جلست على الكمبيوتر ومستانسة ما على من احد , ما دريت إلا الشيون داخلين على واحد لابس بدلة رسمية ونص راسة موهوب بوه وايده ما عليها جلد والدمان تقاطر منه , والثاني مستانس بمصارينه اللى طالعه تدودل وراه , ومعهم وحده كانت حلوه بس الحين شي خيالي , المهم دخلوا ومسوين فيها اقوي ويمشون بشويش عشان يخوفوني , طبعا اختكم بالله ما جابت خبرهم تبي تكمل اللعبة , قام ابو مصارين ضرب المكتب وقال لى ( هاي انتى تراتس خربتي علينا الفيلم وراتس ما تهجين ؟؟) – الرجال بوه عرق قصيمي شكله يقرب لى – رديت عليه ( تبين اركض؟؟ عجزه ) قالت البنت ( وراه راضعه مع سوداني ؟؟ ) – يا حليلهم السوادنه شهرتهم عالمة بالعجز – قلت ( لا السوادنه راضعين معي , اقول وراه ما تعوذون من بليس وتجلسون ناخذ شوط منافسه سوى؟؟ ) ردوا مع بعض ( يالله بس نبي شاهي بالحبق ) صرفتهم وقلت لهم عقب ما نلعب يكون خير , واول ما جلسوا نبي نبدا , ما درت إلا رجعت لغرفتي وتلفزيونى وسطل البيرة بيدي ونصة بالارض , والجنى قالبه عيونه صفرا وخشمه متنفخ , وشعره البرتقالي واقف , ويصيح بقوه وهو يقول ( نعنبوا دارتس , حتى الفلم خربتيه , انى وشو؟؟ جنيه ) رديت عليه بكل برائه ( لا انا ابتسامة وراك ضيعت ) , قام الضعيف ضف عفشة وقال والله ما ارجع واسكن براستس , انتى اللى تسكنين براسي ) وعقبها ما شفته للحين بس لقيت جنى ثاني يسلينى بدالة .
<--- تاخذ كورس اعنقليزي
How are you ?
<--- غاشتها من القاموس
المهم .....
بحكم ادماني الغير طبيعي على الافلام , وعلى فكرة تره ادمان مستعصي العلاج يعنى لو ما اخذت الحد الادنى من الجرعة إلى هو فيلمين باليوم , يجينى اكتئاب وصداع ورجفه وغيره من اعراض الادمان , اما الحد الاعلى من الجرعه اربع افلام باليوم وإذا اخذتها المزاج يكون تمام ولا اروق منه , المهم ذاك اليوم جهزت مزاج الجلسة وكل معداتها وهي عبارة عن ( صحن فصفص + الشراب – عبارة عن خلطه خاصه علبة بيرة بربكان توت + علبة بور هورس + شوى سفن اب + فنجال بايسن بس - ) وطبعا لازم الانوار مطفيه والجوال والتلفون مفصولات , وشغلت الفيلم (( ريزدت ايفل )) الفيلم هذا ما شفته غير ثلاث مرات ما شبعت منه , طلع لى الجني اللى ساكن براسي وقال :
الجني : هالو , كشرة ( ابتسامة بس هو يدلعنى كذا )
ابتسامة : خير وش تبي مانيب فاضية لك .
الجني : بشويش لا تدفين .
ابتسامة: خلصنى وش تبي .
الجني :طيب طيب لا تاكلينين .
ابتسامة: هااااا ؟؟؟؟؟؟؟
الجني : اسمعي يا القشرة طفشت من هالفيلم ما عندتس غيرة؟؟
ابتسامة: وشو وش طفشت انت ووجهك وشوله تناظره حاطته لك وإلا لى؟؟
الجني : يا خيه غيرة وإلا ترى ما تشوفين إلا الويل
ابتسامة: تكفي يا قوي وش بتسوى يعنى .
الجني : ترانى حذرتس وقد اعذر من انذر.
ابتسامة: اقول طير يا شيخ الفيلم مانيب مغيرته , ما شبعت منه تونى , ولا حفظته .
الجني : وش تحفضين بوه ما بوه غير الخرط الفاضي
ابتسامة: اقول احترم نفسك احسن لك , لا اطردك من راسي
الجني :تشوفين بخليتس تكرهين هالفيلم السخيف
وقال الجني : خحهعييحطخب كسينبحخ تبكسينك صيري معهم الحين
هو قال كذا ما وعيت غير الفصفص راح , والبيرة راحت والغرفه كلها اختفت وصار مكانها مكاتب محوسة وفاضية , طبعا هالمنظر مو غريب على هذا مقر الشركه اللى صارت فيها الاحداث , واللى ما يعرف الفيلم , هو فيلم رعب من الدرجه الاولي حكايته كلها تدور عن فيروس ينتشر بين موظفين وحده من الشركات الامريكيه اللى تسوى امراض , وهذا الفيروس ينتشر بالهواء ومفعولة فورى وهو يموت الكائنات الحية كلها وتصير من الموتى الاحياء يعنى يتحركون وبمناظر تاخذ العقل تهبل يجبك واحد يسحب رجله المكسورة ويتحرك وثاتيه ضلوعها طالعه من مكانها وإلا عيونها مفضخه واشكال بسم الله علينا منها , المهم هذولا ( شيون وقوت عيون) يعنى ياكلون البشر الطبيعيين والباقي منهم يصير مثلكم زومبي - يعنى موتي احياء- , المهم تدخل فرقه محترفين للشركه المعزولة عن العالم الخارجي وتحاول تنقذ العالم , لكن واحد ورى واحد يبطبطون ويمتون اللى يصير زومبي واللى يصير شرايح مارتديلا , غير قابلة للاكل , وطبعا ما يبقي غير البطلة هي اللى تطلع حية من الموضوع كله بس تصدم بالامر الواقع , هذا الفيلم الاصلي , بس بعد ما شفت نفسي بالشركه من عقب الجنى الله ياخذ روحه ويحبسها ببريق شاهي محترق , كنت لابسة فستان احمر وتنورة سوداء , طبعا صرخت لانى صرت محل البطلة يعنى لازم اركض وانطنط واهج واغامر , فقلت بكل نشاط لابوك لابو من عاش , ميته ميته الحين وإلا ببتنا , فجلست على المكتب وشبكت النت يعنى الفاتورة عليهم بكيفهم , وخذ يا تنقل بالمواقع عاد ما فيه بروكسي وعلى كيف كيفك المواقع اللى افتحها , ومافيه اهل يمرون ويشوفون وش جالسه اتفرج عليه ويهاوشون , ما ادرى وراهم حاطين دوبهم دوب المواقع اللى فيها العاب ؟؟ المهم يمكن ساعه جلست على الكمبيوتر ومستانسة ما على من احد , ما دريت إلا الشيون داخلين على واحد لابس بدلة رسمية ونص راسة موهوب بوه وايده ما عليها جلد والدمان تقاطر منه , والثاني مستانس بمصارينه اللى طالعه تدودل وراه , ومعهم وحده كانت حلوه بس الحين شي خيالي , المهم دخلوا ومسوين فيها اقوي ويمشون بشويش عشان يخوفوني , طبعا اختكم بالله ما جابت خبرهم تبي تكمل اللعبة , قام ابو مصارين ضرب المكتب وقال لى ( هاي انتى تراتس خربتي علينا الفيلم وراتس ما تهجين ؟؟) – الرجال بوه عرق قصيمي شكله يقرب لى – رديت عليه ( تبين اركض؟؟ عجزه ) قالت البنت ( وراه راضعه مع سوداني ؟؟ ) – يا حليلهم السوادنه شهرتهم عالمة بالعجز – قلت ( لا السوادنه راضعين معي , اقول وراه ما تعوذون من بليس وتجلسون ناخذ شوط منافسه سوى؟؟ ) ردوا مع بعض ( يالله بس نبي شاهي بالحبق ) صرفتهم وقلت لهم عقب ما نلعب يكون خير , واول ما جلسوا نبي نبدا , ما درت إلا رجعت لغرفتي وتلفزيونى وسطل البيرة بيدي ونصة بالارض , والجنى قالبه عيونه صفرا وخشمه متنفخ , وشعره البرتقالي واقف , ويصيح بقوه وهو يقول ( نعنبوا دارتس , حتى الفلم خربتيه , انى وشو؟؟ جنيه ) رديت عليه بكل برائه ( لا انا ابتسامة وراك ضيعت ) , قام الضعيف ضف عفشة وقال والله ما ارجع واسكن براستس , انتى اللى تسكنين براسي ) وعقبها ما شفته للحين بس لقيت جنى ثاني يسلينى بدالة .