** فقيـر **

[سايق الخير]

اهلا اخواني واخواتي , هذه القصيده من روائع الأمير الشاعر عبدالرحمن بن مساعد


فقير وعندي المال الكثير
فقير وملبسي غالي حرير
ويا صاحبي الحافي الفقير
ابنشدك ابسألك وشهو الحصير !!
وابسألك وشلون انا امر وانهي
واذا حكيت قبل انتهي من كلمتي
يقاللي سم ويصير
ولاشكيت من غفلتي طول زمنها
يقاللي لاتشتكي ... ماخلقت الشكوى لأمير
وابسألك وشلون انا مع كل ذا .. اقول عن نفسي فقير ؟؟؟
ياصاحبي لاصار للضحكه ثمن
وصاروا اصحابي كثير بس بثمن
والوفاء مابه وفاء الا بثمن
ابسألك ماني فقير ؟؟؟
ولاصارت اقوالي حكم
ولاقالها غيري غدت حكيٍ قديم
ابسألك ماني فقير؟؟
ولاصرت انا مانيب انا
ولاغلطت قالوا صحيح .. وكل شي اعمله يصبح عظيم
ابسألك ياصاحبي ماني فقير؟
وياصاحبي ابنشدك لامن جفتني دنيتي
وابتدأ الدرب الطويل اللى ابد ماينتهي
وانتهي العز القديم وماكنت اظنه ينتهي
والموت بدد فرحتي .. وحطوني في قبرٍ صغير
وحزنوا علي .. وبكوا هلي وناس من ربعي قليل
وارتاح من وجهي كثير
وبقيت وحدي في حيرتي مابه احد
لا طال عمرك ولا تحت امرك
ماغير انا وخوف ولحد وحساب قدامي عسير
وقتها ذكرت اني من زمان
يوم انه امهلني الزمان
هذا ظلمت .. هذا جرحت .... ياما كذبت
وذنوبي ماتحصي كثير
وقتها الىا ندمت .. ونفسي كرهت
عرفت ان الله كبير وان الهلاك اصبح اكيد
واني انا مالي رجاء .. ولاهروب من الدجا
من الجحيم الا بأمل عندي وحيد
ان الله غفار ورحيم
ابسألك ياصاحبي عني في وقتها
ماني فقير ؟؟؟



تحياتي

[ضنان الشوق]

كلمات جدا جدا راااائعه..
وذوق رائع يوحي بأنك الافضل..
شكرا لك..

[سايق الخير]

تسلمين اختي ضنان

بل انتي الاروع

[نواف]

مشكور حبيبي : (( سايق الخير )) على هذه الكلمات التي أقل مايقال عنها أنها :

(( رائعـــــــــــــــــــــــــــــــــــــــــــــــــــة )) ..

فعلاً هي كلمات رائعة بمعنى الكلمة ..

أحييك يا أخي العزيز .. وإلى الأمام دائماً ..

وأشكرك مرة أخرى ..

تحياتي ..

أخوك : (( نواف )) ..

بااايااات ..

[سايق الخير]

تسلم والله اخوي نواف

وحضورك الدائم هو الاروع والاجمل

لك كل الشكر والتقدير

[منبع الثلج]

هلوين سايق الخير ;)

كلمات رووعه مثل ما تعودنا منك ...

يعطيك ربي الف عااافيه

باااي ;)

[سايق الخير]

مشكور اخوي نبع الثلج

كلماتك اكبر تشجيع لي لتقديم الافضل والاحسن

لك كل الشكر والتقدير

تحياتي