نقل مباريات كأس الأمير فيصل بن فهد + البرامج الرياضيه

[السـامـر]

هنا نقل مباريات كأس الأمير فيصل بن فهد

الهلال يقابل الأهلي +7
النصر يقابل الاتفاق +8
القادسيه يقابل الاتحاد +9

حياكم

[azrag hilali_9]

الله يحييك ويسلمك يافهد

وبالتوفيق لاولومبي الهلال
وغدا للفريق الاول

[[[ABDULRHMAN]]]

ياسلام عليك يافهد:heart:
بالتوفيق للهلال,,

[[[ABDULRHMAN]]]

المسرحي المعلق:kany:,,

[Kb24]

صرقني مادريت إنه صرقني :heart: :cry:

[المووووج الازرق]

بالتوفيق للهلااال

[مروانــ]

يا شباب بدت المباراة ولا ؟؟

[مروانــ]

ياشباب من قاعد يشوف مباراة الأمن العام و الدفاع المدني ..

[[[ABDULRHMAN]]]

^^
الحين الدقيقة 10:),,

[[ قلبي للهلال ]]

-

ايه بدت

الهلال جت له كورة بالعارضة بعد رأسية رائعه من عبدالله الدوسري

0 - 0

الدقيقه / 12

[بنت عبدالله]

فهد السبيعي :heart:

[[ قلبي للهلال ]]

-

تسديده رائعة من السبيعي حولها حارس مرمى الأهلي الجدعاني إلى ركنية

على قولة المسرحي : عابرة للقارات :amjd:

[بنت عبدالله]

ياشباب من قاعد يشوف مباراة الأمن العام و الدفاع المدني ..

فريق الدفاع المدني يضم افضل لاعب بالعالم احمد الجيزاني :power: واخوه الظهير الفذ محمد الجيزاني وكابتنهم لاعب الهلال السابق عبدالله مضواح ويدرب الفريق اسطورة التدريب يوسف خميس :la: المشكله النصراويين طايحين فيه سب ليه مايطبق انتقاداته للنصر على فريقه :la:
انا شفت الشوط الثاني وتقدم الفقر قصدي الدفاع المدني لكن الحين اشوف الامن العام قلبها ولايصح الا اصحيح ولاعزاء للفقراويه بكل مكان النحس وراهم وراهم حتى لو احتكوا بالهلال ولبسوا شعاره :amjd: حتى المعلق اول ماسجل الدفاع يقول الازرق يحقق هدف التقدم :la:

[بنت عبدالله]

شفت الهدف الثاني للامن العام مدافع الدفاع المدني هو اللي سجلها بمرماه هههههههههههه
لايكون محمد الجيزاني بس هو اللي سجلها :la:

[بنت عبدالله]

من عنده تشكيلة الهلال ؟
وهل لعب محمد القرني ؟

[زعيم المزاحمية]

السلام عليكم

الله يبقيك يافهد ويقويك

وبالتوفيق لهلالنا الليله

...
الزنكلوني
ع فكره ترى اغلب العيبه البعض كانوا عسكر والبعض لازال


امثال احمد الصويلح
وعبدالعزيز السعران كان وكيل رقيب في البحريه
وليد الجيزاني في الدفاع الجوي

ولاننسا عبدالرحمن التخيفي لاعب الهلال السابق هو ظابط عسكري

وفيه كثير لاعبين عسكر

[بنت عبدالله]

القرني شفته :heart:
الشباب متقدم بهدف د 15 :kany:

[[[ABDULRHMAN]]]

من عنده تشكيلة الهلال ؟
وهل لعب محمد القرني ؟


ايه لاعب القرني:yees:,,
وعليكم السلام ابو مزاحميه

[مروانــ]

ياشباب تكفون نبي نقل تكفون ليش ساكتين ؟؟(himo)

[[ قلبي للهلال ]]

-

ايه القرني يلعب أساسي

التشكيله /
السديري - رضوان الموسى - عبدالله الدوسري - سليمان العبدالله - محمد القرني - البيشي - عبدالاله ابراهيم ...

[[ قلبي للهلال ]]

-

تسديده قويه من القرني .. :heart:

[حاتم العمري]

هدف للاتفااااااااااق

[[[ABDULRHMAN]]]

ياسر يقول المقيم الاول والاخير لي المدرب:),,

[[ قلبي للهلال ]]

^

وين الكلام هذا أبوداحم .؟

[مروانــ]

];7492013']ياسر يقول المقيم الاول والاخير لي المدرب:),,

؟؟؟ وضح أكثر وش السالفه

[[[ABDULRHMAN]]]

^^
مروان , قلبي ,,
في برنامج دوري الابطال,,

[زعيم المزاحمية]

؟؟؟ وضح أكثر وش السالفه

يعني ماعلي من تقييم الجمهور :(

بصراحه كان ياسر قاله لاحول ولاقوة الا بالله وحنا تقطع قلوبنا وحلوقنا في الملعب ونساندك ياياسر وفي الاخير تظرب باصواتنا عرض الحائط

[[ قلبي للهلال ]]

-


أشكككككرك على التوضيح :heart:

[[ قلبي للهلال ]]

الهلال 0 - 0 الأهلي

الدقيقه : 34

[El Pocho Lavezzi]

الحين عبدالاله ليه يلعب :d:

قوووووووووول

نهبني :d::(

[[ قلبي للهلال ]]

-

قووول أول للأهلي َ!

صصصرقها مَ دريت إنه صَرقني ! نَهبني وأنا أحسب إني فاطنٍ له !

[[messi]]

السلام عليكم

قول للاهلي :((

[بنت عبدالله]

تشكيلة الهلال
السديري
سليمان العبدالله رقم 52-رضوان الموسى34 - عبدالله الدوسري2- سلطان البيشي 37
القرني 39-السبيعي54
41الدوسري -38-رائد الصويلح
عبدالاله 50 -40 محمد
فيه كذا لاعب من الهلال للاسف مااعرفهم عشان كذا حرصت اكتب ارقامهم .
اليوم نشوف سليمان العبدالله بديل لشافي الدوسري
وفهد السبيعي يلعب جناح ايمن والبيشي سلطان ظهير ايمن
سرقها مادريت انه سرقني ههههههههههه سرقها مهند الفارسي وسجل هدف التقدم للاهلي د35

[El Pocho Lavezzi]

فيه شيء غابني !!

رايد الصويلح ليه مايجربونه راس حربه

مب صاير اسوا من الباقين!!

[[messi]]

المباراة في ملعب النادي انواع الحفر

بس و لو يغطي على ملعب الحزم و نجران :((

الدقيقه 38

قوووووووووووول ثاني للاهلي :power:

[بنت عبدالله]

الثاني للاهلي

[El Pocho Lavezzi]

قول ثاني

السديري كان يمديه يتفاداه !

[[ قلبي للهلال ]]

ثاني للأهلي

خووورافي حقيقة

[مروانــ]

بالعكس صح عليه المدرب هو المقيم الــ 1 والأخير

أجل الجماهير ؟
الجماهير ما لها رأي معين كل واحد له رآيه

[بنت عبدالله]

رضوان الموسى وتصليحه ولا احلى لمهاجم الاهلي :kany:

[El Pocho Lavezzi]

رضوان يستمر بصناعة اللعب بس شالها البيشي الحمدلله :d:

[[messi]]

المرتدات خطيره علينا

على هالوضع اتوقع المباراة 18+:((:amjd:

صرقني يقول الفارسي الليله حرامي هههههههههههههههههههههههههههههههههه

[الهــ إبراهيم ــلالي]

<<<<ياشباب الحين هالمباراة اللي بالحجرية وش سالفتها ؟

[أنتراوي]

بالله ذولا لاعبين يمثلون الهلال :((

[Onizuka]

؟..؟.؟.؟.

[زعيم المزاحمية]

وش اللي يصير في فرقنا سوا الاولمبي او الناشئين مره فوق مره تحت مستويات متذبذبه الله يعين

[مروانــ]

بالله ذولا لاعبين يمثلون الهلال :((

لا يمثلون الأهلي :d:

[[messi]]

انتهى الشوط الاول 2-0 للاهلي

[El Pocho Lavezzi]

انتهى الشوط 2-0

[أنتراوي]

لا يمثلون الأهلي :d:

:amle:

أقسم بالله فشله تشوف لاعب مثل رائد الصويلح و عبدالاله هوساوي يلعبون بالهلال :((
محمد الجيزاني لاعب الهلال المنسق ولاعب النادي الاخر حاليا
لعب اليوم في بطوله عسكريه وكان لاعب مميز !!
الله يسامحك يابندر الواسطه لعبت في فريق الهلال لععععب ::(

[الحكيم -20]

أولمبي الهلال بحاجة إلى غربلة بتنسيق لاعبي الواسطة وجلب أفضل اللاعبين من خلال مُشاهدة الدورات الرياضية وفرق الحواري فهناك لاعبين أفضل من هؤلاء بسنوات ضوئية .

[مروانــ]

:amle:

أقسم بالله فشله تشوف لاعب مثل رائد الصويلح و عبدالاله هوساوي يلعبون بالهلال :((
محمد الجيزاني لاعب الهلال المنسق ولاعب النادي الاخر حاليا
لعب اليوم في بطوله عسكريه وكان لاعب مميز !!
الله يسامحك يابندر الواسطه لعبت في فريق الهلال لععععب ::(

على فكره تراني إلى يومك ماني متأكد أنهم لعيبه صدق !! :power:

كل واحد أفشل من الثاني (rambo)

[[messi]]

الدليل القاطع مستضيفين ماجد قاروب

[طلال الحقباني]

رضوان الموسى ذا لازم يشوفون له حل

يصرفونه ولاينسقونه لاشوفه بالفريق الاول

قبل فترة مع المنتخب الاولمبي نكب زي هالهدف والحين برضو يكرر السيناريو

لاعب بارد اذا ماجاك المدافع حماسي ويخلص سريع سريع ولا نسق ابوهم كلهم

[بنت عبدالله]

الفتح 0- 1 الشباب د 44
النصر 0-1 الاتفاق
بالنتاىج هذي الشباب يقترب من تحقيق البطوله والفقراويه لازالو يحلمون :kany:
الشباب عنده 38 بفرق 5 نقاط عن النصر مع وجود مباراة مؤجله للنصر
ذا فاز الشباب يكون 41 ومع هزيمة بني يحلمون يضلون على ال43
اذا فاز الاتفاق اليوم هو والاهلي بتكون نقاطهم 42 وبالتالي راح يهددون وصافه فرقة يحلمون :d:

[الحكيم -20]

غداً لامجال للخسارة أو حتى الفوز بنتيجة هامشية نريدها كاسحة ، وإن شاء الله يفوز سابهان على الغرافة

[بنت عبدالله]

:amle:

أقسم بالله فشله تشوف لاعب مثل رائد الصويلح و عبدالاله هوساوي يلعبون بالهلال :((
محمد الجيزاني لاعب الهلال المنسق ولاعب النادي الاخر حاليا
لعب اليوم في بطوله عسكريه وكان لاعب مميز !!
الله يسامحك يابندر الواسطه لعبت في فريق الهلال لععععب ::(
انتراوي :br:
تنسيق محمد الجيزاني مو عشان مستواه الفني بالعكس الامير بندر كن يتوقع له يخلف الدوخي
التنسيق بسبب سوء سلوكه وتضارب مع سلطان البيشي وحتى لما انتقل للنصر ماقدر يمسك مكان الدوخي :power: لدرجة يستعينون في ابراهيم غالب وحتى رزافان اذا توقف الدوخي :amjd: وحاولو يرجعون شراحيلي وعيا :d:غير انه بأول كم مباراة للنصر ببطولة فيصل تضارب وسوا اكشن وانطرد يعني للحين يعاني من مشاكل سلوكيه ومستواه الفني حبه فوق وحبتين تحت :(( .

[مروانــ]

ياشباب من سمع ذا الخبر :

القبض على لاعب شهير اصطحب طالبة جامعية لأحد الفنادق


سلطان المالكي - سبق: علمت "سبق" من مصادرها الخاصة، أنه قُبض على مهاجم شهير في أحد الأندية الكبيرة بالمنطقة الغربية، السبت الماضي, وذلك بعد أن تلقى مركز هيئة الأمر بالمعروف والنهي عن المنكر بحي الصحيفة، معلومات عن اصطحاب اللاعب لطالبة جامعية إلى أحد الفنادق, وإعادتها للجامعة بعد الظهر .

وذكرت المعلومات أن رجال مركز الهيئة راقبوا اللاعب عن بُعد, وضُبط بطريقة محكمة دون إثارة شوشرة أو القبض عليه أمام الناس, بحكم أن اللاعب مشهور.


وأضافت المصادر: تم القبض على اللاعب وإركابه في سيارة الهيئة, واعترف مباشرة بأفعاله, فيما تم عمل محضر بالواقعة, وأحيلا إلى مركز شرطة الكندرة بجدة لاتخاذ الإجراءات الخاصة معهما .


غريب صرآحه ...:amle:
:req:من تتوقعون ؟؟

[H.H.H]

السلام عليكم

خطمه سريع سريع


:amle:



أقسم بالله فشله تشوف لاعب مثل رائد الصويلح و عبدالاله هوساوي يلعبون بالهلال :((
محمد الجيزاني لاعب الهلال المنسق ولاعب النادي الاخر حاليا
لعب اليوم في بطوله عسكريه وكان لاعب مميز !!

الله يسامحك يابندر الواسطه لعبت في فريق الهلال لععععب ::(

أول شي أنا تقدر تقول ضعيف في متابعة الدرجات السنية بشكل عام .. بالنسبة للجيزاني للأسف أن أكثر من هلالي يقول كلامك أنه لاعب مميز وعلى الأقل وأقل وأضعف الإيمان أنه أفضل من الموجودين الحاليين بمركزه

ما ادري ليش ما أحتووه بالشكل اللي يكفل أنه يستمر معنا خاصة أننا نشوف شح للمواهب بشكل فضيع !!

،،

وإن شاء الله يفوز سابهان على الغرافة

إذا فاز سابهان سلّم على المركز الأول .. إن شاء الله يتعادلون

[[messi]]

<!-- / icon and title --><!-- message -->

غداً لامجال للخسارة أو حتى الفوز بنتيجة هامشية نريدها كاسحة ، وإن شاء الله يفوز سابهان على الغرافة


<!-- / message --><!-- sig -->



المشكله انهم جايين بالصف الثاني

يعني يا بيتحمسون و يطقونها 10-0-0 و يحجرون لنا صح

ولا بتضيع علومهم و ينصقعون بنتيجه كبيره

بس والله فشيله و مهزله لو ما فزنا على رديفهم ,,

بالنسبه لسابهان و الغرافه ودي سابهان يتعطلون حتى لو تعادل

مو من صالحنا ينفردون بالصداره

عندهم الحين 6 نقاط ولو فزنا بكره و تعطلوا يكون الوضع متاح لنا نتصدر في الجولات اللي بعدها

اعتقد التعادل من مصلحتنا

المهم احنا نفوز و نستغل انصاف الفرص يمكن نحتاج للأهداف بعدين !!

[بنت عبدالله]

رضوان الموسى ذا لازم يشوفون له حل

يصرفونه ولاينسقونه لاشوفه بالفريق الاول

قبل فترة مع المنتخب الاولمبي نكب زي هالهدف والحين برضو يكرر السيناريو

لاعب بارد اذا ماجاك المدافع حماسي ويخلص سريع سريع ولا نسق ابوهم كلهم

اختلف معك رضوان لاعب قيادي ومستواه ممتاز بس شي طبيعي تجيه حالات يصير مستواه سيء
محتاجين يستوعبون ان تشتيت الكوره مفروض يكون عرضي مو مثل ماشفنا بشكل عمودي وتتصلح للمهاجمين حتى بالفريق الاول شفنا كيف العتيبي ابعد الكوره بشكل غلط وسجل منها الشهري هدف الاتفاق

[بنت عبدالله]

اللي ملاحظ ان تشكيلة الهلال تعرضت لغربله وكل المراكز لعب فيها اكثر من لاعب معاد عبدالاله هو الثابت :kany:

[بنت عبدالله]

تسديده حلوه من سليمان العبدالله

[مروانــ]

بدأ الشوط الثاني ؟؟

[[messi]]

الفريق تحسن بالشوط الثاني

فيه سيطره وتمريرات حلوه بس بدون خطوره

[بنت عبدالله]

اقول القناة الرياضيه الثانيه وش تنقل :d: لايكون اعتزال ابو عراد بس ههههههههههه

[[[ABDULRHMAN]]]

http://www.alhilalclub.com/vb/showthread.php?t=260582
الي يبي فلوس:d:

[بنت عبدالله]

;7492197']الفريق تحسن بالشوط الثاني

فيه سيطره وتمريرات حلوه بس بدون خطوره

صار تغييرين بالهلال
نزل بندر البيشي رقم 44 ورقم 45 بالهلال والحين اشوف العيتان رقم 49 نازل بعد ؟؟
بس ماادري بدل مين ؟

[مروانــ]

وش أبوعراد الي أزعجونا به

تلقاه سجل لهم هاترك بــ مباراة خلوه أسطوره:d:

[[messi]]

الزنكلوني

صح هو اليوم

القناة ما لها تردد على نايلسات ؟؟

[زعيم الاماكن]

السلام عليكم

نهائي ولي العهد في مكه برعاية خالد الفيصل حتى النهائيات صارت بالواسطه:power:

[بنت عبدالله]

الواضح ان بندر البيشي بدل محمد القرني

[سآم9]

السلام عليكم

نهائي ولي العهد في مكه برعاية خالد الفيصل حتى النهائيات صارت بالواسطه:power:


ليتها بجده

[مروانــ]

];7492206']http://www.alhilalclub.com/vb/showthread.php?t=260582
الي يبي فلوس:d:

الحمدلله مليان ما أبي :eek:

[مدريدي77]

كريس رقم 41 لاعاد يتعودها يشوت من النص فاتحين له يمين ويسار ويشوت !

[زعيم الاماكن]

بصراحه اولمبي الهلال ولا لاعب يستحق الفريق الاول امكانيات عاديه

[زعيم من ذهب]

يعني ماعلي من تقييم الجمهور :(

بصراحه كان ياسر قاله لاحول ولاقوة الا بالله وحنا تقطع قلوبنا وحلوقنا في الملعب ونساندك ياياسر وفي الاخير تظرب باصواتنا عرض الحائط


بالعكس كلام ياسر صح اجل تبيه يسمع كلام الجمهور !!
الجمهور بعضه راضي عن ياسر وبعضه لا و بعضه ما يبون ياسر بالنادي
هذي نقطة اجابيه في وجهة نظري في ياسر يسمع كلام المدرب و يطبق اللي
يطلبه منه و اكيد ياسر لو انتقده سامي راح يقبل بس ما راح يسمع كلام الجمهور
لان الجمهور كل واحد له راي .

[بنت عبدالله]

;7492216']الزنكلوني

صح هو اليوم

القناة ما لها تردد على نايلسات ؟؟

للاسف لا على العربسات بس
10730 عمودي 3/4

[أنتراوي]

http://www.alhilalclub.com/vb/showthread.php?t=260582

[مروانــ]

السلام عليكم

نهائي ولي العهد في مكه برعاية خالد الفيصل حتى النهائيات صارت بالواسطه:power:

كل شي صار بــ الواسطات مابقا إلا الزواج
وإصبر خمس سنين ويصير بـ الواسطه

[بنت عبدالله]

اجل مباراة اعتزال وبنص الاسبوع
انجازاته ابو عراد الشهري
خمس مرات هداف الدوري لدرجه الاولى
3 مرات هداف كاس فيصل
هداف كاس الصداقه
المباراة بتبدأ 10 يعني :power: التشامبيونز ليق ههههههههههههههه

[[messi]]

زعيم الاماكن

والله مهزلها النهائي في مكه

فتحوا علينا باب ما يتسكر

بنشوف اي نادي خارج الرياض يلعب نهائي يطلبه في ملعبهم

لعب مبزره هو !!

قووووووووووووووووول هلالي

[El Pocho Lavezzi]

قوووووووووووووول

[[[ABDULRHMAN]]]

قوووووووووووووووووووووووول

[بنت عبدالله]

ياسر الدوسري سجل الهدف الاول للهلال :amjd:

[زعيم من ذهب]

متى بكره يبدأ المجلس ؟

[مدريدي77]

حشيت رقم 41 وجاب قول ابحش رقم 50 كوده يتحرك شوي :d:

[بنت عبدالله]

بالله من يشوف تيشرتات نادي ابها هههههههههههههه
ذكروني بمهرجان سامي كل شي رقم 9 :heart::inlove:
بس فكرتهم مجنونه :d: اتوقع كل ذا عشان مالقوا راعي للمهرجان
لايفوتكم المعلق ناصر الاحمد ياربااااه :kany::((

[بنت عبدالله]

متى بكره يبدأ المجلس ؟

مايبدون قبل 4 وشي :amjd:

[بنت عبدالله]

الزمالك هدف ههههههههههههههههه انتبهو بس لاينزل جمهورهم بالملعب :d:

[[messi]]

دقيقتين و يبدأ برنامج ع اللاين

لا يفوتكم الديربي الكبير

الجاسر & الصرامي قوقل :kany:

[زعيم المزاحمية]

مايبدون قبل 4 وشي :amjd:

اربع وشي تذكرت واحد شي :power:


كم نتيجه الهلال والطحالب كني اشوفكم تقولون قووووووول عساه هلالي :yarab:

[بنت عبدالله]

الشباب سجل الثاني ولله الحمد د 66
الاتفاق متعادل مع النادي الآخر 1-1 د68 > وينك يازعيم الاماكن :power:

[[messi]]

بدأ البرنامج

الجاسر - الصرامي - الدعيع - فواز الشريف - الهريفي - خالد مسعد

فواز الشريف حاقد ع الرياضي :amjd:

[بنت عبدالله]

اربع وشي تذكرت واحد شي :power:


كم نتيجه الهلال والطحالب كني اشوفكم تقولون قووووووول عساه هلالي :yarab:

د 72 الهلال 1-2 الاهلي
الهلال بعد التغييرات مع بداية الشوط الثاني سيطر على المباراة
الشباب سجل الثالث :kany:

[[messi]]

المحاور :

حرب النجوم كيف يتعاطى الاعلام مع اللاعبين الاجانب

ويلي يفوز بجائزة لاين سبورت

المنعطف الثالث في دوري ابطال اسيا

[Golden joker]

ع الاين بدا
الضيوف:.
سعود اصرامي
والهريفي
والجاسر
خالد مسعد
محمد دعيع
ومدير تحرير صحيفة الرياضي سابقا << ما لحقت على اسمه

[بنت عبدالله]

;7492300']بدأ البرنامج

الجاسر - الصرامي - الدعيع - فواز الشريف - الهريفي - خالد مسعد

فواز الشريف حاقد ع الرياضي :amjd:

الكل بيكون طرحه عقلاني حتى فتى بيشه مقارنه بالتحفه الصرامي :la:
قهر تمنيت وجود علي الزهراني عشان يهجد هروفه لان الجاسر بيحوس مرير الصرامي :amjd:

[بايعه ودهم]

متى بكره يبدأ المجلس ؟

سمعت خالد جاسم قبل البارح يقول بيجي ي 6 والا 6 ونص

الصرامي والهريفي والشريف يووه المرض :Bad:

[مروانــ]

حرب النجوم << لاين سبوت

[بنت عبدالله]

;7492305']المحاور :

حرب النجوم كيف يتعاطى الاعلام مع اللاعبين الاجانب

ويلي يفوز بجائزة لاين سبورت

المنعطف الثالث في دوري ابطال اسيا

اشوف ويلي اليوم مع طارق الحماد حسبه هديه اتاريه تكريم :power:
وش المناسبه طيب ؟

[مروانــ]

ههههههه الصرامي من أولها

[[messi]]

تطاقوا على من يبدأ اول

الصرامي كالعاده يفوز بالمايك :angel:

[Golden joker]

;7492300']بدأ البرنامج

الجاسر - الصرامي - الدعيع - فواز الشريف - الهريفي - خالد مسعد

فواز الشريف حاقد ع الرياضي :amjd:


ايه واضح يوم قال
مدير تحرير صحيفة الرياضي بغى يقوم يتوطى بطن المذيع:la:

[بنت عبدالله]

الصرامي شكله بيتلاقط مع فواز الشريف :kany:
يارب حيلهم بينهم

[[messi]]

اشوف ويلي اليوم مع طارق الحماد حسبه هديه اتاريه تكريم :power:
وش المناسبه طيب ؟


لأنه فاز بجائزة افضل لاعب من القناة في مباراة الفقر نصف النهائي

[بنت عبدالله]

الحين المحور عن اللاعبين الاجانب وهو شطح لمدرب المان يونايتد والارسنال
الشريف نتف الصرامي ان كلامه ماله دخل بمحور البرنامج هههههههههههه

[[messi]]

الظاهر الديربي بيتغير

الصرامي قوقل & الشريف << مناوشات خفيفه بين الطرفين :d:

الجاسر & الهريفي << تبدأ بعد دقائق :d:

[مروانــ]

فواز الحين وش وظيفته مدير الرياضي ولا

[بنت عبدالله]

;7492331']لأنه فاز بجائزة افضل لاعب من القناة في مباراة الفقر نصف النهائي
بدري وتو الناس كان خلوها مع تكريم موبايلي نهاية الموسم :power:

الفقر قلبها 2-1 د 78 للاسف القهر ان الاتفاق فازو على الشباب قبل اسبوع 2-1
يعني الاتفاق كنه اخذ 6 نقاط من الشباب وعطاها الفقر ::(

[» j υ v α ω ч «]

هههههههههههههههههههههههه

الصرامي : لو فرضوا علي غرامة بـ 200 الف لدفعتها سريعاً

[بايعه ودهم]

الحين المحور عن اللاعبين الاجانب وهو شطح لمدرب المان يونايتد والارسنال
الشريف نتف الصرامي ان كلامه ماله دخل بمحور البرنامج هههههههههههه

لازم يشطح ويتكلم في القدميين :d:

احسبوا بس كم مره بيقول عبدالرحمن بن سعود :((

[الوحش الخائف]

اطلق شي اليوم ان الجاسر امام الصرامي و المتنبي

يعني الصرامي ينصب يحشرهـ الجاسر :amjd:

ويعصب الهريفي في المقابل الجاسر يقعد يضحك :power:

برب :wr:

[Golden joker]

فواز الحين وش وظيفته مدير الرياضي ولا

مدير تحرير صحيفة الرياضي سابقااا:power:

[king-of-hilal]

أولمبي الهلال بحاجة إلى غربلة بتنسيق لاعبي الواسطة وجلب أفضل اللاعبين من خلال مُشاهدة الدورات الرياضية وفرق الحواري فهناك لاعبين أفضل من هؤلاء بسنوات ضوئية .


الفريق الي مفروض يكون اولمبي اكثرهم صعدو للفريق الاول

[[messi]]

فواز الحين وش وظيفته مدير الرياضي ولا
<!-- / message --><!-- sig -->



عاطل حاليآ

مثله مثل سلطان بن فهد :d:,,


الزنكلوني لأن الفريق سافر لقطر بعد مباراة النصر ما فيه وقت ,,

[HaNoOo]

الهريفي ذا لازم يجي


يييييييييع

[مروانــ]

وش سالفة الهريفي

[مروانــ]

الهريفي مسوي فيها أني مثقف

[الناصح]

يبدو انه في حلقة سابقة تكلم على القناة الرياضية والان يعتذر

[HaNoOo]

هههههههههههههههههههههههههه الهريفي حفله
يتكلم عربي فصحى
وفجأه بينها كلمه عاميه

[الوحش الخائف]

اختصارات فهد الهريفي في جواله البلاك بيري

لـ

بـ

يـ

و

- -

لـ = لـ الامانه

بـ = بكل صدق

يـ = يشهد الله علي

و = والله ماني حاقد

:d:

[TheSportat]

سلام
وش عنده أوشره اليوم يوزع ابتسامات؟

[HaNoOo]

فيقارو اوقف مباراتين

[الوحش الخائف]

الصرامي يقول ان ادارة الفقر

وقفو فيقاروا لنهاية الموسم

والسبب ان الفقر ما يحتاج فيقاروا :d:

يعني ما وقفوهـ للعقاب :d:

[[messi]]

الجاسر يقول السبب في ضعف اللوائح و السماح بالتدخلات الاعلاميه في اتخاذ القرارات

مثل سالفة فيقاروا

في الدوري الانجليزي الطرد المباشر ايقاف 3 مباريات هذا قانون ما فيه نقاش ولا تدخلات

هذا مثال على ضعف اللوائح واللجان و افتقاد الكوادر المميزه ,,!!




اللجنه الفنيه توقف فيقاروا مباراتين

يرد الصرامي قوقل يقول ادارة النصر وقفته لنهاية الموسم

لأنه لاعب صاحب مشاكل و ما عنده شي يقدمه <<:power:

[خالي من الهم]

السلام عليكم ورحمة الله وبركاته
مسيتوا بالخير جميعاً
شلونكم جميع
وربي تعبان وأبي انام ولكن صعبة افوت فرص الضحك على الصرامي والهريفي مناديب النادي الآخر:power:

[HaNoOo]

الهريفي وش ذا الحقاره

[زعيم من ذهب]

وش هذا ما سمعنا صوت مسعد و الدعيع

[هلالي وأفتخر]

يتكلم عربي فصحى
وفجأه بينها كلمه عاميه

كله كووووم وحرف ( الصاد ) كوووووم ثاني :amjd: ,, مايعترف في هـ الحرف أبد ,,
ينطقه بـ ( السين ) ,,

[مروانــ]

الهريفي : الضربه إلي ضربها فيقاروا عاديه:d:

خله يضربك مثلها :p

[زعيم الازرق]

اختصارات فهد الهريفي في جواله البلاك بيري

لـ

بـ

يـ

و

- -

لـ = لـ الامانه

بـ = بكل صدق

يـ = يشهد الله علي

و = والله ماني حاقد

:d:


:d:

[MEeSsHOo]

<iframe title="YouTube video player" width="480" height="390" src="http://www.youtube.com/embed/qcQ8agvzeJM" frameborder="0" allowfullscreen></iframe>

الفراج في حلقة الامس وكلام عين العقل :d:

[Golden joker]

سعود الصرامي
يقول ان الاداره النصراويه اوقفت فيقاروا لنهاية الموسوم... الله لايبلانا بس

[خالي من الهم]

يالبيه ياخالد مسعد يالبيه يالبيه يالبيه
يشهد الله إن هاللاعب مع يوسف الثنيان كان عندي قناعة للأن هم الي صعب يتعوضون بالملاعب السعودية.
ومع هذا زادت محبتي للاعب بعد ظهور بكاس اسيا
حرام انه لبس فنيلة الآهلي

[Golden joker]

خالد مسعد يقول
ضربة فيقاروا كان ممكن يموت الاعب لانها جت بمكان خطيير وحساس
والهريفي يقووول عاديه ما بها شي..!

[خالي من الهم]

كله كووووم وحرف ( الصاد ) كوووووم ثاني :amjd: ,, مايعترف في هـ الحرف أبد ,,
ينطقه بـ ( السين ) ,,

يعني مثل خوينا الي استقبله الوحش بالمطار وكان يناديه منسوووووووور
هههههههههههههههههههههههههههههههههههههههههه:d::d::d::la:

[زعيم المزاحمية]

هاردلك الخساره

:(

[مروانــ]

الدعيع أكبر واحد فيهم ههههههه:d:

[مروانــ]

الصرامي شطح للشباب السعودي هههههههههه

[بنت عبدالله]

الاتفاق سجل التعادل بالدقيقه 94 ههههههههههههههههههههه

[زعيم الازرق]

أحسد فهد الهريفي على ثقته بنفسه فرغم تاريخه الكروي العادي جداً وثقافته المحدودة إلا أنه يرى نفسه (ما مثله أحد في رياضة هذا البلد)!

بالمنشار لـ أحمد الرشيد :d:

[مروانــ]

الصرامي قسم بالله أنك فله

[بنت عبدالله]

مضاربات بمباراة الفقر والاتفاق هههههههههه

[الوحش الخائف]

يعني مثل خوينا الي استقبله الوحش بالمطار وكان يناديه منسوووووووور
هههههههههههههههههههههههههههههههههههههههههه:d::d::d::la:


أجل يله انا استاذن

وراي قومه الصباح :cry:

:d:

[Golden joker]

يالبيه ياخالد مسعد يالبيه يالبيه يالبيه
يشهد الله إن هاللاعب مع يوسف الثنيان كان عندي قناعة للأن هم الي صعب يتعوضون بالملاعب السعودية.
ومع هذا زادت محبتي للاعب بعد ظهور بكاس اسيا
حرام انه لبس فنيلة الآهلي

اي والله حرام :(

[زعيم المزاحمية]

وانام ملي عوني وجفوني :qw:

[مروانــ]

يضحكون على الصرامي

[خالي من الهم]

أجل يله انا استاذن


وراي قومه الصباح :cry:

:d:


ياخي ماقلت شيء أنا فخري الي تكلم هههههههههههههههههههههههههه

بس تبي الصدق في الثمانيات:d:

[خالي من الهم]

وانام ملي عوني وجفوني :qw:



ياعونك ياولد اقلط حياك
اجل تبي تتمسخر بالهريفي وانت تقول عوني لعيوني ياحسافة بس:la:

[HaNoOo]

الصرامي هو وكرشه حفله

الجاسرررررر يالبيه بدا الشغل

[H.H.H]

على طاري الصرامي أنا ملاحظ من فترة أنه يخاف ويتحاشى النقاش مع الروقي :d:

إذا جاء يتكلم لازم قبلها يقول ديباجه ويمسّي على العزيز الصديق الأخ فهد :d:

[مروانــ]

الهريفي يطلع لسانه طول الوقت تقل .....,,,, ههههههههههه

[MEeSsHOo]

أجل يله انا استاذن

وراي قومه الصباح :cry:

:d:


عطاكيها خالي فالصمييييم ايوالله :power:

//

النوم سلطان ياجماعه :noo:

[زعيم من ذهب]

يالبييييييييييييييييييييه ي الجاسر :heart:

[HaNoOo]

الهريفي ياناس بتروح الحلقه وهو يبربر

[زعيم الازرق]

شف يدين الهريفي وهو يتكلم ههههههههههههههههههههه

قسم بالله تحس انه افلاطون ههههههه :d:

[الوحش الخائف]

الجاسر هههههههههههههههه

يقول الاعلام كان يتكلم عن تفاريس لما كان مع الهلال

لان الهلال كان يكسر روس هذي الافرقه :d:

[king-of-hilal]

لاعب الاتفاق وده يطق الحكم شكله حاسب بلنتي للفقر واير لس كالعاده :Bad:

[مروانــ]

إعترف الصرامي أن محد يبغاه

[HaNoOo]

الجاسر رد ع ابو كرشه تكفى لاتسكت

رادوي يعاقب بس فيقارو ملايين لقطات ماتعاقب

[قرش]

السلام عليكم ,
قهر إنّك تفضي نفسك لـ برنآمج , وموجود فيه نجوم مثل : الصرآمي والهريفي والشريف :amjd: ,
وآخر شي يطلع تشويش بالقنآة :(( , حسبي الله عليك يالقذآفي :sui: ,
حتّى حنّآ مآ سلمنآ منك !

فيه أحد تقطّع عنده القنآة غيري ؟!

..

[خالي من الهم]

الجاسر هههههههههههههههه


يقول الاعلام كان يتكلم عن تفاريس لما كان مع الهلال

لان الهلال كان يكسر روس هذي الافرقه :d:


قال الفرق مو الأفرقة:d:
ياخي كله كوم وحركات عيون الصرامي وهو يتحدث كوم للأمانة:love:

[مروانــ]

الدعيع إنحرج ;)

[HaNoOo]

الدعيع اول مرا يقول كلمه زينه

يقول رادوي مستهدف

[هلالي وأفتخر]

أمثله الصرامي بايخه ,,
كاريزما رادوي وياسر تختلف عن لي يونغ والشلهوب والدعيع ,,
الثنيان ماقصر فيهم ويحبونه غصبن عليهم :amjd: ,,
نفس الشيء سامي شخمط في مندوبهم ومايحبونه أبد ودم ضروسهم !!
مثل فيصل ابوثنين وتيفا والشريده

[خالي من الهم]

السلام عليكم ,
قهر إنّك تفضي نفسك لـ برنآمج , وموجود فيه نجوم مثل : الصرآمي والهريفي والشريف :amjd: ,
وآخر شي يطلع تشويش بالقنآة :(( , حسبي الله عليك يالقذآفي :sui: ,
حتّى حنّآ مآ سلمنآ منك !

فيه أحد تقطّع عنده القنآة غيري ؟!

..


عليكم السلام ومرحبا الف بالغالي قرش
للأمانة الحلقة لاتفوتك وشخصيا ولله الحمد القناة عندي صافية راجع الصحن عندك زنقة زنقة:d:

[مروانــ]

السلام عليكم ,
قهر إنّك تفضي نفسك لـ برنآمج , وموجود فيه نجوم مثل : الصرآمي والهريفي والشريف :amjd: ,
وآخر شي يطلع تشويش بالقنآة :(( , حسبي الله عليك يالقذآفي :sui: ,
حتّى حنّآ مآ سلمنآ منك !

فيه أحد تقطّع عنده القنآة غيري ؟!

..


لا قلبي أنا عندي ع النايل سات ولا نقطة تشويش

[هلالي خلقه]

الفقر أنهزم ب الدقيقه 94

هههههههههههههههههه أهداف الدقايق الأخيره غبنه

أحسسسسسسسسسسسسسسسسسن :kany::kany:

[الوحش الخائف]

بكره الهلال لازم يفوز 5 :amjd:

الجزيرة سمعو كلام وبران لما قال اتمنى من الجزيرة ما يلعب ضد الهلال بالفريق الاول

والجزيرة انصك ضد الفريق الايراني 5

وعشان نرجع الامل ونتصدر المجموعة لازم نفوز بكره 5

ونفوز على الفريق الايراني في ارضه :power:

[بنت عبدالله]

انتهت المباريات
الشباب 3-1 والفتح
الهلال 1-2 الاهلي
النصر 2-2 الاتفاق
القادسيه 0-0 الاتحاد
الترتيب
الشباب 51
الفقر 44
الاهلي 42
الاتفاق 40
باقي 3 مباريات للفرق والفقر اعتقد باقي له 4
ان شاء الله حتى الوصافة بتروح ع الفقر باقي لهم مباراة مع الهلال :heart:
وبنكسر روسهم مثل ماقال ابو يزيد :heart::inlove:

[مروانــ]

آآآآآآآآآآآآآآآآآآه شكلك عطيتن عين إنقطعت عندي مدري ليش هههههههههه

[زعيم المزاحمية]

ياعونك ياولد اقلط حياك
اجل تبي تتمسخر بالهريفي وانت تقول عوني لعيوني ياحسافة بس:la:

مسوي طالع منها يادغمان :power:

خابرها ياعوينك ماهيب ياعونك :la:

ابومحمد ادخل ملفي الشخصي وش ياهي اغلاط اليوم بالهبل وهذي مشكلة اللي يقوم بدري ويروح 150 كيلوا رايح جاي يعني 300 كيلو ولا قيل ومتغدي كبسه وشارب لبن وشتبي مستحيل ماتجي تفهييه :la:

[Golden joker]

قال الفرق مو الأفرقة:d:
ياخي كله كوم وحركات عيون الصرامي وهو يتحدث كوم للأمانة:love:

:d:
ايه ما شاء الله عليه يجنن:power:

[زعيم المزاحمية]

كني سمعت ان مدرب الجزيره يقول سافتح اللعب امام الهلال ههههههههه ياسلام :kany:

هذا اللي نبيه من معاليكم

[مجنون الزعــامه]

السلام عليكم ورحمه الله وبركاته

مسوي طالع منها يادغمان :power:

خابرها ياعوينك ماهيب ياعونك :la:

ابومحمد ادخل ملفي الشخصي وش ياهي اغلاط اليوم بالهبل وهذي مشكلة اللي يقوم بدري ويروح 150 كيلوا رايح جاي يعني 300 كيلو ولا قيل ومتغدي كبسه وشارب لبن وشتبي مستحيل ماتجي تفهييه :la:


زعيم ولايهمك ياخيي تصير باحسن العوائل :amjd:

[HaNoOo]

الجاسر يتكلم عن الخشونه اللي يتعرض لها رادوي

[خالي من الهم]

أمثله الصرامي بايخه ,,
كاريزما رادوي وياسر تختلف عن لي يونغ والشلهوب والدعيع ,,
الثنيان ماقصر فيهم ويحبونه غصبن عليهم :amjd: ,,
نفس الشيء سامي شخمط في مندوبهم ومايحبونه أبد ودم ضروسهم !!
مثل فيصل ابوثنين وتيفا والشريده


يوسف ماكان فيه له اي مقارنة وغطى على كل جيله قبل خروج سامي
هم كان عندهم ماجد وفقط فجاة جاء سامي وأول موسم خذا الهداف وصار حديث اللمملكة غير الشخبطة بناديهم فطبيعي هالكره لسامي
رادوي لحالة قضية الي يسواه من نهك لشرف الفقر كرويا من أول مباراة شيء غير طبيعي غير كارزما رادوي العالية والغير طبيعية:amjd:

[زعيم المزاحمية]

وعليكم السلام ورحمة لله وبركاتة

حياك يامجنون الزعامه :heart:

[[messi]]

<!-- / icon and title --><!-- message -->
السلام عليكم ,
قهر إنّك تفضي نفسك لـ برنآمج , وموجود فيه نجوم مثل : الصرآمي والهريفي والشريف :amjd: ,
وآخر شي يطلع تشويش بالقنآة :(( , حسبي الله عليك يالقذآفي :sui: ,
حتّى حنّآ مآ سلمنآ منك !

فيه أحد تقطّع عنده القنآة غيري ؟!

..




انت نايلسات ولا عربسات

لا يجينا الدور بس !!



الجاسر كالعاده ابدأأأأأأأأأأاع :love:

[الوحش الخائف]

شباب 5 أورو يساوي كم بالريال ؟

:d:

الصرامي يقول زيادن عاقبوهـ بدفع 300000 أورو :d:

[قرش]

عليكم السلام ومرحبا الف بالغالي قرش


هلآ بالغآلي عبد الوهآب , ~> إذآ مآ كنت غلطآن
الله يهنيّك بالحفلة هذي ,
وإلى الآن التقطيع موجود !


آآآآآآآآآآآآآآآآآآه شكلك عطيتن عين إنقطعت عندي مدري ليش هههههههههه



لا يآ مروآن , عيني بآردة :amjd: ,
شكل القذآفي حوّل عليك :sui: .

..

[خالي من الهم]

مسوي طالع منها يادغمان :power:

خابرها ياعوينك ماهيب ياعونك :la:

ابومحمد ادخل ملفي الشخصي وش ياهي اغلاط اليوم بالهبل وهذي مشكلة اللي يقوم بدري ويروح 150 كيلوا رايح جاي يعني 300 كيلو ولا قيل ومتغدي كبسه وشارب لبن وشتبي مستحيل ماتجي تفهييه :la:

لا حن نقول يا أهل المشرق ياعونك:d:
من جهة
أغلاطك ماللبن والمشاوير أي علاقة كلنا نشرب لبن ونداوم فوق 12 ساعة وكلها ميدانيا ومافهينا مثلك:d:

مجنون الزعامة
عليكم السلام ورحمة الله وبركاته
مرحبا فيك ياغالي وفي الجميع

ياناس هذا الصرامي كلمة تحفة قليلة بحقه:amjd:

[بنت عبدالله]

زيدان بدل مايكون لاعب ريال مدريد طلع لاعب بعيال مدريد :la:
الله يرجك يالصرامي

[زعيم المزاحمية]

شباب 5 أورو يساوي كم بالريال ؟

:d:

الصرامي يقول زيادن عاقبوهـ بدفع 300000 أورو :d:


:la::la::la::la::la::la:

اورو وش هالعمله الجديده :la:

[نيــفــ7ــيــز]

السـلـآم عليكم ورحمة الله وبركاته .. :(:heart:

وش حيلة اللي مصدع .. ولا له خلق .. والنفسيه عنده دمـآر .. :(

لكن اذا شـآفكم تنقبل نفسيتي 180 درجه وتصبح النفسيه فله × فله .. :power::d:

ترى احمد علي مـآ يقرب لي .. :power::d:

[خالي من الهم]

الجاسر نتف النادي الآخر نتفه أليمة
الصرامي مدح رادوي فنيا قال الشريف فيه اعلامي هلالي يقدر يمدح لاعب نصراوي مثل الصرامي يوم يمدح رادوي
قال ابو يزيد فيه أحد يستاهل المدح وينهو لجل نمدحه ههههههههههههههههههههههههههههههههههههه

قرش ايه الله يحفظك الله يعز مقدارك وصلت

[زعيم المزاحمية]

ولله يالصرامي والهريفي ماتسرحهم مع برابر :la::la: اجل محللين

[TheSportat]

شباب 5 أورو يساوي كم بالريال ؟

:d:

الصرامي يقول زيادن عاقبوهـ بدفع 300000 أورو :d:




الأورو طريقة نطق الفرنسيين
ماتشوف جبهته فيها سحنه فرنسيه الله يهديك؟

[HaNoOo]

هههههههههههههههه=)) ههههههـــاي
هههههههههههههههه=)) ههههههـــاي

ياربيه يالصرامي

يقول دحوم مب الافضل هو وكح كح
فهد المدلج احسن منهم

هههههههههههههههه=)) ههههههـــاي

[زعيم المزاحمية]

السـلـآم عليكم ورحمة الله وبركاته .. :(:heart:

وش حيلة اللي مصدع .. ولا له خلق .. والنفسيه عنده دمـآر .. :(

لكن اذا شـآفكم تنقبل نفسيتي 180 درجه وتصبح النفسيه فله × فله .. :power::d:

ترى احمد علي مـآ يقرب لي .. :power::d:
وعليكم السلام ورحمة لله وبركاتة

ياهلا ولله بك ولله يسعد الزعماء دوم

[خالي من الهم]

ههههههههههههههههههه
والله الصرامي إنه مكسب ياجماعة وربي النوم غالبني بس من زمان ماضحكت كذا أجل مايهمني طبقة مخملية ولاغيرها هههههههههههههههههههههه
نيفيز عليكم السلام وحياك وبياك إنت وهالفيس:power:

[مجنون الزعــامه]

الجاسر نتف النادي الآخر نتفه أليمة
الصرامي مدح رادوي فنيا قال الشريف فيه اعلامي هلالي يقدر يمدح لاعب نصراوي مثل الصرامي يوم يمدح رادوي
قال ابو يزيد فيه أحد يستاهل المدح وينهو لجل نمدحه ههههههههههههههههههههههههههههههههههههه

قرش ايه الله يحفظك الله يعز مقدارك وصلت


لا يالغالي الصرامي مدح الشلهوب مهوب رادوي :amjd: << والا انا واهم وجتن حاله زعيم المزاحميه :mfhi::yuupy::amjd:

[خالي من الهم]

لا يالغالي الصرامي مدح الشلهوب مهوب رادوي :amjd: << والا انا واهم وجتن حاله زعيم المزاحميه :mfhi::yuupy::amjd:

مدح الشلهوب بعدين مدح رادوي فنياً وقال بس هو مشاغب:d:
واسهب بمدحه فنياً وشكلك شارب لبن مثل نمانا ههههههههه:amjd:

[[messi]]

تقرير عن ويليهامسون

وفيه تكريم ومقابله معه :kany:

[خالي من الهم]

تقرير عن ويلي نجم الديربي وفيه لقاء معه شبه مطول

[زعيم المزاحمية]

ابوزعامه ههههههههههه ماعليك لاحسيت انها طولت طف الابتوت وارقد قبل لاتجي كوارث :d:

الصرامي لاتواخذونه تخبرون الصيف دخل وسوق المكيفات ماشيه صح ولاصار يتعامل الا بالاورو :la:

مجنون الزعامه

ترى معنى كلمة خالي من الهم

النمى = الفتى:amjd:
نمانا = فتانا :heart::d:

[Golden joker]

تقرير عن الفائز بجائزة لافضل لاعب في مبارة النصر وليهامسون

[نيــفــ7ــيــز]

الا الشياب وش عندهم مدهرين بالنقل اليوم .. :power:

الله يعظم الاجر .. :power:

[[messi]]

ويلي يقول

انا سعيد بالجائزه وهي نتيجة مجهود زملائي و اشكر لاين سبورت عليها ,,


طبعآ الجائزه لافضل لاعب في مباريات الديربي فقط



تكلفوا توقعت المقابله محترمه و طويله :power:

[خالي من الهم]

ابوزعامه ههههههههههه ماعليك لاحسيت انها طولت طف الابتوت وارقد قلب لاتجي كوارث :d:


الصرامي لاتواخذونه تخبرون الصيف دخل وسوق المكيفات ماشيه صح ولاصار يتعامل الا بالاورو :la:


أجل قبل صارت قلب::(
مدري بس هذا التقرير ولا فيه لقاء صحفي كذلك

[مجنون الزعــامه]

ابوزعامه ههههههههههه ماعليك لاحسيت انها طولت طف الابتوت وارقد قلب لاتجي كوارث :d:

الصرامي لاتواخذونه تخبرون الصيف دخل وسوق المكيفات ماشيه صح ولاصار يتعامل الا بالاورو :la:


قايل انا لا صار بي نوم مابي ملح ابدا اهذري :amjd:

اجل شباب مافيه جديد اليوم اروح ارقد ابرك ؟


زعيم ياقلب انزلع نم اثابك الله :d:


خالي من الهم الحق زعيم وانزلع نم اثابك الله :amjd:

[نيــفــ7ــيــز]

أجل قبل صارت قلب::(
مدري بس هذا التقرير ولا فيه لقاء صحفي كذلك



لاتشره تراه قاعد يناظر الصرامي .. :power:

[زعيم المزاحمية]

خالي من الهم تراي باخذ لي جذنه هم ببطك لين تخالف ضلوعك لو ماتمسي :fi:


.....

تمسوا ع خير :inlove:

الجو فيه تشويش نراكم ع خير ان شاء لله

[Golden joker]

اجل شباب مافيه جديد اليوم اروح ارقد ابرك ؟
تو الناس ...!
والله بصراحه ما أظن فيه جديد
بس خلنا ننتظر الجوله يمكن الهراج عنده شي....!

[خالي من الهم]

ويلي في لقائه يقول:
لا أخفيك انني تأقلمت مع الهلال بشكل مبتدئي وأنا في أعلى درجات التأقلم الآن.
يقول أنا أحب اعلامكم في السعودية لأنك لاتحتاج الحديث معهم ((يقصد يصرحون على لسانك والله أعلم:amjd:))
يقول عن مباريات اسيا ان حنا لعبنا مباريات عدة ممتازة وحظوظنا عالية.
يقول ويلي هنالك العديد من اللاعبين الموهبين والمشاهير في السعودية
يقول بالتأكيد الهلال لديه القدرة على اختيار افضل اللاعبين الأجانب
واعتقد انني المحظوظ الأكبر بوجودي في السعودية

اعذرونا على النقل لأن تخيل يعطيك الترجمة بدون مايقول وش الأسئلة :((

[E S S A]

صجونا بهذا السؤال , ما رأيك في لاعبين السعوديين
يعني مدحنا يا حلو :power:

[[messi]]

يقول :

-انا من الموسم الثاني تأقلمت بشكل رائع

-احب اعلامكم في السعوديه لأني لا احتاج للحديث معهم

-لعبنا اكثر من مباراة ونملك حظوظ كبيره في اسيا

-هناك عديد من اللاعبين المشاهير في السعوديه

-الهلال لديه قدره كبيره على اختيار اجانب مميزين

-انا محظوظ على وجودي في المملكه


بس انتهى اللقاء

[خالي من الهم]

ههههههههههههههههههههههههههههههههههههههههههههههههههههههههههههههههههههههههه
هههههههههههههههههههههههههههههههههههههه
لاحول ولا قوة الا بالله يالهريفي اقسم بالله الحين عرفت ان كلمة الحقد قليلة
أجل ويلي يمثل هههههههههههههههههههههههههههه

[هلالي وأفتخر]

صجونا بهذا السؤال , ما رأيك في لاعبين السعوديين
يعني مدحنا يا حلو :power:




مارايك في اللاعبين السعوديين , كلمه اخيره ,, امصل واغبى سؤالين :amjd: !!!

[[messi]]

الهريفي يقول ويلي اكثر لاعب في الملاعب السعوديه يمثل

ههههههههههههههههههههههه

الجاسر يقول واضح انك تحبه واجد :d:

[زعيم المزاحمية]

قايل انا لا صار بي نوم مابي ملح ابدا اهذري :amjd:

اجل شباب مافيه جديد اليوم اروح ارقد ابرك ؟


زعيم ياقلب انزلع نم اثابك الله :d:


خالي من الهم الحق زعيم وانزلع نم اثابك الله :amjd:

:la::la::la:

اي ولله بنزلع انا فيذاك اصرفلي عشان اقوم باتسر واكون نشيط ليوم رياضي هلالي حافل بالفوز إن شاء لله :d::kany:


تصبحون ع خير وعدنا بكره :br:

[مجنون الزعــامه]

ههههههههههههههههههههههههههههههههههههههههههههههههههههههههههههههههههههههههه
هههههههههههههههههههههههههههههههههههههه
لاحول ولا قوة الا بالله يالهريفي اقسم بالله الحين عرفت ان كلمة الحقد قليلة
أجل ويلي يمثل هههههههههههههههههههههههههههه

:la::la:

قل ايه انت بس :d:

[خالي من الهم]

الدعيع أخيرا سكت هالهريفي المزعج ولاخلاه يقاطعه.
أقسم بالله العظيم وربي يحاسبني على كلامي إنه مريض نفسياً

[HaNoOo]

الهريفي هروووووووووفه قسم بالله
مريض نفسيا

[[messi]]

الدعيع يقول

اللاعبين يركزون على ويلي وانضرب ضرب كاد ان ينهي حياته الكرويه



اقول تلاحظون الهريفي متشنج في ردوده بزياده

هههههههههههههههه حتى ويلي قاعد على قلبه

[الوحش الخائف]

مارايك في اللاعبين السعوديين , كلمه اخيره ,, امصل واغبى سؤالين :amjd: !!!


+

مللت من الحوار :sui:

[Golden joker]

اقول بالله ياشباب من يبي يدرس او يداوم بكرا:Laugh0:

[قرش]

رُغم التقطيع , أحآول أسمع من , منّآك ,
الدعيع رد علىآ الصرآمي وأفحمه ,
الجآسر أسقط علىآ الهريفي , يوم يقول هو بـ وقته مآ فيه إحترآف ,

المشكلة أكثر وآحد يتكلم عن التعصب وإختلآف القضية بـ مجرد إختلآف الألوآن , هو أكثر وآحد يطبّق هالنظريّة , وينآقض نفسه بـ دقآئق ,
ليته يتعلم من خآلد مسعد , أخلآق وروح عآليه وقلب أبيض ,

* ملآحظين , المطيويع تغير عن أول ؟!
..

[مجنون الزعــامه]

تو الناس ...!
والله بصراحه ما أظن فيه جديد
بس خلنا ننتظر الجوله يمكن الهراج عنده شي....!

ياخيي هذي مشكله اللي يجيء من الدوام وماينام بيعدل نومه وباتسر ينحاس :amjd:

اجل ياشباب اذا صار فيه شيء غطوا الاخبار ونادوا بندر وفخر

وباقي الشباب ينزلون الاخبار المهمه فيديو :amjd::heart:

[خالي من الهم]

سبحان الله الشريف وخالد مسعد والدعيع والجاسر كلهم يتفقون ان ويلي افضل محترف الا الهريفي
اجل عمره 35 سنة ههههههههههههههههههههههههه

[نيــفــ7ــيــز]

خروف العيد صرفوه .. :power:

شكلهم قالوا له رح للزعيم لانها الرسميه .. :angel:

تلقاه مسنتر هناك .. :angel:

اللي يشتشت ولا يقول كلام غير مقبول بنادي له خروف العيد حبيب قلبي .. (rambo)

تسمع يا خالي .. :d:

[زعيم الازرق]

الله يشفيك يالهريفي :yarab:

[مجنون الزعــامه]

خروف العيد صرفوه .. :power:

شكلهم قالوا له رح للزعيم لانها الرسميه .. :angel:

تلقاه مسنتر هناك .. :angel:

اللي يشتشت ولا يقول كلام غير مقبول بنادي له خروف العيد حبيب قلبي .. (rambo)

تسمع يا خالي .. :d:


الاسطوره نحبك برشا برشا :amjd::heart::heart::heart:

[خالي من الهم]

ياناس خالد مسعد كلمة رائع قليله بحقه.
على إنه اقل واحد تكلم بسبب المزعج الهريفي إلا أنه يرد بجملتين ملجمة ومسكته وبهدوء.
يقول رد على الصرامي ان الهلال فاز ع الاتفاق بدون رادوي إن رادوي لو كان موجود ماكان تهيأت هالفرص أصلاً للاتفاق .
ياجماعة تخيلو أبو يعقوب بدل هالمريض يالبيه بس

[نيــفــ7ــيــز]

اقول بالله ياشباب من يبي يدرس او يداوم بكرا:Laugh0:



:amle:

عندي اختبار ولا تسـأآن ماآدآومت .. :lkj:

[Golden joker]

الله يشفيك يالهريفي :yarab:

امين يااارب

[E S S A]

الدعيع أخيرا سكت هالهريفي المزعج ولاخلاه يقاطعه.
أقسم بالله العظيم وربي يحاسبني على كلامي إنه مريض نفسياً


جداً جداً الحقيقه لديه هي مخالفة الجميع او على الاقل ضرب الهلال من تحت لتحت !
مسكين ما يؤخذ من كلامه ولو تلاحظ عبدالكريم متجاهله بشكل كبير ولا يحاول يستدل بكلامه او يناقشه إلا عند الضرورة القصوى , حتى في الحوارات يحتاج الانسان العاقل المتزن ان يختار من يحاوره
والهريفي خارج هالقائمة بكل تأكيد

[مروانــ]

الصرامي توي أدري أنه حاقد على الهلال <<<< شخص مغفل :d:

[خالي من الهم]

خروف العيد صرفوه .. :power:

شكلهم قالوا له رح للزعيم لانها الرسميه .. :angel:

تلقاه مسنتر هناك .. :angel:

اللي يشتشت ولا يقول كلام غير مقبول بنادي له خروف العيد حبيب قلبي .. (rambo)

تسمع يا خالي .. :d:

أنا أتحداك تجيب لك رد واحد مفيد من دحلت ولا على النقل يانيفيز قريح:power:
حنا ننقل ونتناقش ونذب سطر شتشته بأدب مو مثل بعض الناس:power:

[M.A.D]

صجونا بهذا السؤال , ما رأيك في لاعبين السعوديين

يعني مدحنا يا حلو :power:


هذا السؤال مضحك مبكي في نفس الوقت

[زعيم الازرق]

من اسمع نبرة صوت الهريفي تحام تسبدي .. سبحان الله نبرة مستفزة وحاقدة

[قرش]

بـ مآ إنّه فيه فآصل الآن ,
ذَكر لي أحد المشجعين المقربين من نآديه ,
أنهم يستخدمون طرق " قذرة " للتجديد مع اللآعبين " سآبقاً " ,
وهي يوقعون اللآعب بـ فضيحة وإبتززآه والتجديد له بـ مقآبل لا يذكر ,
ولو رفض , فضحوه , وعلم عنه القآصي والدآني ,
لو صحّت هذه القصة , فـ هي من أسبآب , فقر ذآك النآدي وفشله !

..

[زعيم الاماكن]

السلام عليكم

وش عنده هذا المعتزل المحروم كل شي في الهلال ماهو عاجبه
يامعتزل انت ماتشوف ضرب لاعبي الوحده لرادوي ودخلة الثقفي واستفزاز اللاعب الاخر وحركاته الاستفزازيه

في فرق يامعتزل بين لاعب يضرب بدون سبب وبين لاعب انفعالي وله ردات فعل

[بنت عبدالله]

المتحدث الرسمي للنادي الاخر والله مايدري وين الغنم سارحه :d:

[خالي من الهم]

جداً جداً الحقيقه لديه هي مخالفة الجميع او على الاقل ضرب الهلال من تحت لتحت !
مسكين ما يؤخذ من كلامه ولو تلاحظ عبدالكريم متجاهله بشكل كبير ولا يحاول يستدل بكلامه او يناقشه إلا عنده الضرورة القصوى , حتى في الحوارات يحتاج الانسان العاقل المتزن ان يختار من يحاوره
والهريفي خارج هالقائمة بكل تأكيد


عيسى يالله إنك تحييه:heart:
وربي مانحب نتكلم ولا نسب ولا حتى نحلف بالله.
بس هالإنسان عجيب
يعني يقول ياعبدالكريم ترا عمره 35 ويضحك يعني الكل يعرف ان عمرره 31 سنة ليه الكذب:amjd:
والأغبى من هذا حركات الطفولة الي يسويها لازم أنا أولي بأي نقاش أو محور ولاحظ:amjd:

[بنت عبدالله]

لايفوتك ابن طالب على الجزيره 1

[زعيم الازرق]

ياخي ما يقهرني الا ان هالنصراويين يجاملون إداراتهم وجمهورهم ولاعبينهم وكل شي نصراوي يغرقونه بالمجاملات !

اجل يبون الهريفي إداري كرة ..! يقطع ام المجاملة بس بالله إداري على وشو .. ويبون يتطورون !!



المطيويع يطيح وجه الهريفي ويذكر تاريخ ميلاد ويلي

[نيفيزالزعيم]

مساء الخير

اخباركم

[نيــفــ7ــيــز]

أنا أتحداك تجيب لك رد واحد مفيد من دحلت ولا على النقل يانيفيز قريح:power:
حنا ننقل ونتناقش ونذب سطر شتشته بأدب مو مثل بعض الناس:power:



:power::power:

انا داخل اتفرج واعطي وآخـذ مو اقعد انقل كلام لواحد مريض نفسي ( الهريفي ) ولا واحد لو بحلف انه قبل كان بشهـآر .. ( الصرامي ) .. :power::power:

اذا عندك موضوع تناقش فيه حلو .. اما انقل كلام ناس مرضى لا ياخوك فكنا .. :power:

[هلالي وأفتخر]

جداً جداً الحقيقه لديه هي مخالفة الجميع او على الاقل ضرب الهلال من تحت لتحت !
مسكين ما يؤخذ من كلامه ولو تلاحظ عبدالكريم متجاهله بشكل كبير ولا يحاول يستدل بكلامه او يناقشه إلا عند الضرورة القصوى , حتى في الحوارات يحتاج الانسان العاقل المتزن ان يختار من يحاوره
والهريفي خارج هالقائمة بكل تأكيد




الي مستغرب منه يحترم عبدالكريم بالحيييييييل من ايام كوره خليجيه ,,
ودي ان المصيبيح موجود والا الزهراني :amjd: ,,


------------------------

الإعلام شكل الي حاط هـ المحور الهريفي :amjd: ,,

[بنت عبدالله]

عيسى يالله إنك تحييه:heart:
وربي مانحب نتكلم ولا نسب ولا حتى نحلف بالله.
بس هالإنسان عجيب
يعني يقول ياعبدالكريم ترا عمره 35 ويضحك يعني الكل يعرف ان عمرره 31 سنة ليه الكذب:amjd:
والأغبى من هذا حركات الطفولة الي يسويها لازم أنا أولي بأي نقاش أو محور ولاحظ:amjd:


ترى عبدالكريم قال بجيب جوازه او شي زي كذا واتمنى يسويها او يلطب من المركز الاعلامي بالهلال صورة لجواز ويلي ويعرضونها لايف عشان يطيح وجه هالحثاله :amle:

[مروانــ]

الهريفي أحسه محروووم من شي :power:
بس ما أدري وشو :d:

[بنت عبدالله]

بعض جمل ابن طالب
انا ثقتي واشكر ثقة الامير فيصل بن تركي
لاختياري للمنصب وتنصيبي :power:

[هلالي وأفتخر]

الصرامي يقصد مقابلة المالك الي في صدى الملاعب

[راعي الأبل]

السلام عليكم واسعد الله مسائكم بالمسرات


مآ إنّه فيه فآصل الآن ,
ذَكر لي أحد المشجعين المقربين من نآديه ,
أنهم يستخدمون طرق " قذرة " للتجديد مع اللآعبين " سآبقاً " ,
وهي يوقعون اللآعب بـ فضيحة وإبتززآه والتجديد له بـ مقآبل لا يذكر ,
ولو رفض , فضحوه , وعلم عنه القآصي والدآني ,
لو صحّت هذه القصة , فـ هي من أسبآب , فقر ذآك النآدي وفشله !



اسأل اللاعب ابراهيم ماطر

[[messi]]

الجزيره فيها برنامج الدوري السعودي

مستضيفين بن طالب

وش نشوف وش نخلي :la:

[أنشودة المطر]

الصرامي يلقي خطبة عصماء في تاريخ الصحافة

[زعيم المزاحمية]

أنا أتحداك تجيب لك رد واحد مفيد من دحلت ولا على النقل يانيفيز قريح:power:
حنا ننقل ونتناقش ونذب سطر شتشته بأدب مو مثل بعض الناس:power:
:cry:

المهم كان فيه مقطع الحين جاهز ولاقدام عشر دقايق عطوناه بخصوص البرنامج العالمي اللي ع الاين ولا نشوفه بكره ان شاء لله هنا مثل ماعودونا الشباب الكويسين :heart:

[زعيم الاماكن]

يامطيويع ياليت تغير ضيوفك كل حلقه نبغى نشوف ناس عندها فكر غير فكر هذا المعتزل