ريمانة
25/1/2002, 11:20
الســــــلام عليكــــــــم
الله يحييني فيذا..:D
للمره الثانيه اقوووووووووووووووووول الموضوع مشلح:D
مره وانا وأختي فلانه جالسين نفصفص ونشرب شويهي ولا فجأه جت نعله طايره مقلللللعه وصكت ببيالي ولزقتها في خشه اخيتي :eek:
ابي التفت اشوف وش القصه الا واخوي داخل مع هالباب الي اقلعت منه النعله....ولاه تافخ خشته مغلدم :mad:
مسفط كمومه ومعقدن حجاجه قلت انا :بسم الله العظيم الاعظم ماامداني اقولها الا وملسبني بعقاله يقول :وش شايفتني جني يامال الجني الارقط الي يشيلتس ولا يحطتس (اثره متهاوش مع واحد من اخوياه وحاطن حرته فيني :( )
وجع بوجهي شماغه وقال : اتسووووويه قلت طيب عطني ورحت اتسويه وانا اتسوي تخيلت لو ان الولد هو الي ينطق بالبيت ويكرف ويطبخ وينفخ والبنت هي الي تهجهج وتطاير وتسعسع وتامر وتنهي .....:D
تخيلت لو اني توني جايه من الجامعه تافلتن العافيه اجي والقى اخيي مولم الغدى واقوله:حط الغدى جعلك مرررره واجي ابلع وحط راااسي وانااااام الى المغرب ثمن اقوم واروح والقى تنورتي ماكويت وتراقص الشياطين فوق راسي وانافخ تعال اتسووووه جعلك ملك الموت الي ياخذك عني :mad: وصلح شاهي يامال قل الشهوه مواعده بنات ولم عده البر :rolleyes:
ويجي يقولي :توك توقلين لنا عندي اختبار ابروح اذاكر توني مخلصه من مواعين الغدى واقوله يالله خلصني سو الشاهي ولا تنسى تحط عشر بيالات ذبحتك الشطاره ..
واروح واسهر ولا اجي الا مع فجر ربي واجي ونفسي بطرف خشمي تجي امي تقول يابنيتي وراتس تأخرتي :rolleyes: واقولها ابد جازتلي القعده ..وتقول لي روحي نامي وراتس باتسر قومه وجامعه
واخوي يجي يقومني يقولي قومي افطري حطيت الفطور وانا اقوله انزلع ابنام شوي تعال بعد ربع ساعه قومني :rolleyes: :D
واقوم والقى البلوزه والتنوره متسويه ومعلقه .. وانا استغرب :confused: مهوب لله واجي ابروح للجامعه ويجي اخوي يقولي :مريني اذا طلعتي من الجامعه مالي خلق اركب توبيسات واقوله مانيب فاضيه لك واصفق بوجه الباب :D
وإذا بغى احد من اخواني يروح السوق يجي يترجاني ولا يقول اجدعيني على دربتس وانت رايحه لخوياتس وانافخ واقوله البس شماغك خلصنااا :mad:
ويجي اخوي يقولي (جعلتس تقادين في كل بلاد ولا يلقالتس علاج..حرقتي شماغي حرق الله شوشتس ):( ولا ني من عمق مافكرت فيه احرقت الشماغ الله لا يعيده من يوم :( :( :(
ليه هالتففرقه ليه الظلم ليه العدوان لماذا لا يعم السلام<<<هذا مقطع من عدنان ولينا :D
ليه البنت مظلومه في عصر اصبح الشاب الكل في الكل(مصريه ) :D
لماذا هذه العنصريه لماذا كل هذه الضغوط على فتاه هذا المجتمع<<الاتجاه المعاكس :D
أخواتي اخواني هل لي بدلائل من ارائكم وتجارب من هذا النوع المؤلم في حقيقه الامر.. :(
===========================
انتهى:D
ياحليل اخوي والله :D والله ان كله ملح وقمله:D بس ياشينه اذا اخذ مني شي :mad: باليوم ياخذ مني 763280000742 قلم ولايرجعه :mad:
اختكم وامكم وجدتكم الي دخلت الـ 18 اليوم:D
ريم
<======== تلمح:D
الله يحييني فيذا..:D
للمره الثانيه اقوووووووووووووووووول الموضوع مشلح:D
مره وانا وأختي فلانه جالسين نفصفص ونشرب شويهي ولا فجأه جت نعله طايره مقلللللعه وصكت ببيالي ولزقتها في خشه اخيتي :eek:
ابي التفت اشوف وش القصه الا واخوي داخل مع هالباب الي اقلعت منه النعله....ولاه تافخ خشته مغلدم :mad:
مسفط كمومه ومعقدن حجاجه قلت انا :بسم الله العظيم الاعظم ماامداني اقولها الا وملسبني بعقاله يقول :وش شايفتني جني يامال الجني الارقط الي يشيلتس ولا يحطتس (اثره متهاوش مع واحد من اخوياه وحاطن حرته فيني :( )
وجع بوجهي شماغه وقال : اتسووووويه قلت طيب عطني ورحت اتسويه وانا اتسوي تخيلت لو ان الولد هو الي ينطق بالبيت ويكرف ويطبخ وينفخ والبنت هي الي تهجهج وتطاير وتسعسع وتامر وتنهي .....:D
تخيلت لو اني توني جايه من الجامعه تافلتن العافيه اجي والقى اخيي مولم الغدى واقوله:حط الغدى جعلك مرررره واجي ابلع وحط راااسي وانااااام الى المغرب ثمن اقوم واروح والقى تنورتي ماكويت وتراقص الشياطين فوق راسي وانافخ تعال اتسووووه جعلك ملك الموت الي ياخذك عني :mad: وصلح شاهي يامال قل الشهوه مواعده بنات ولم عده البر :rolleyes:
ويجي يقولي :توك توقلين لنا عندي اختبار ابروح اذاكر توني مخلصه من مواعين الغدى واقوله يالله خلصني سو الشاهي ولا تنسى تحط عشر بيالات ذبحتك الشطاره ..
واروح واسهر ولا اجي الا مع فجر ربي واجي ونفسي بطرف خشمي تجي امي تقول يابنيتي وراتس تأخرتي :rolleyes: واقولها ابد جازتلي القعده ..وتقول لي روحي نامي وراتس باتسر قومه وجامعه
واخوي يجي يقومني يقولي قومي افطري حطيت الفطور وانا اقوله انزلع ابنام شوي تعال بعد ربع ساعه قومني :rolleyes: :D
واقوم والقى البلوزه والتنوره متسويه ومعلقه .. وانا استغرب :confused: مهوب لله واجي ابروح للجامعه ويجي اخوي يقولي :مريني اذا طلعتي من الجامعه مالي خلق اركب توبيسات واقوله مانيب فاضيه لك واصفق بوجه الباب :D
وإذا بغى احد من اخواني يروح السوق يجي يترجاني ولا يقول اجدعيني على دربتس وانت رايحه لخوياتس وانافخ واقوله البس شماغك خلصنااا :mad:
ويجي اخوي يقولي (جعلتس تقادين في كل بلاد ولا يلقالتس علاج..حرقتي شماغي حرق الله شوشتس ):( ولا ني من عمق مافكرت فيه احرقت الشماغ الله لا يعيده من يوم :( :( :(
ليه هالتففرقه ليه الظلم ليه العدوان لماذا لا يعم السلام<<<هذا مقطع من عدنان ولينا :D
ليه البنت مظلومه في عصر اصبح الشاب الكل في الكل(مصريه ) :D
لماذا هذه العنصريه لماذا كل هذه الضغوط على فتاه هذا المجتمع<<الاتجاه المعاكس :D
أخواتي اخواني هل لي بدلائل من ارائكم وتجارب من هذا النوع المؤلم في حقيقه الامر.. :(
===========================
انتهى:D
ياحليل اخوي والله :D والله ان كله ملح وقمله:D بس ياشينه اذا اخذ مني شي :mad: باليوم ياخذ مني 763280000742 قلم ولايرجعه :mad:
اختكم وامكم وجدتكم الي دخلت الـ 18 اليوم:D
ريم
<======== تلمح:D