سوالف(عذاب العاشقين)----->"ضنان الشوق"

[ضنان الشوق]

وانا جالسه أنبش في اغراضي
<--- ياكثر خرابيطها..;)

لقيت خاطره قديــــــــمه لكنها:yes:
بكتبها لكم وانتوا احكموا

آخــــر ســـــــطــــــــر

وقالت لي امسك قلم
وهات الورق
واكتب على ذيك السطور..بعض الجمل
اكتب نهاية هالعشق
اكتب على اول سطر..اليوم وتاريخ الشهر
واكتب على ثاني سطر..بنستمر
واكتب على آخر سطر..مانستمر
اكتب يصير او مايصير
والعبره دايم بالاخير
قصدها آخر سطر..قصدها..مانستمر:eek:
يعني تبينا نفترق؟؟
واصبح انا ذكرى عشق؟
تصدقي محبوبتي
جيت بأكتب هالجمل
لقيت دمعي اللي كتب
كتب كلام غير الكلام..
كتب جمل غير الجمل
كتب جمل كلها امل
كتب على اول سطر :قلبي يحبك للأبد
وكتب على ثاني سطر :ما ارضى انا بغيرك احد
وكتب على آخر سطر:اكيد حنا بنستمر
طول الدهر ...ولو قضى فيك العمر
باعطيك من عمري عمر
بس المهم مانفترق
ما اصير ابد ذكرى عشق
ماهو عشق اللي نهايته الفراق
ترى العشق..يبتدي بعد الفراق
محبوبتي:
هاتي الورق
واكتبي بكل السطور
كلمه يملاها الشعور...كلمه لايمكن تبور
اكتبي بأول سطر
وآخر سطر
فوق الورق
لايمكن انا نفترق...لايمكن انا نفترق













:cry::cry::cry::cry::cry::cry::cry::cry:
آه ياقلبي
متى انا بكتب على لوحه..
بديت احب..بديت احب




:noo:

[الكاسر888]

القصيدة ياضنان




بس ماهي من كتاباتك لإنها من وحي قلم رجل

بس بجد إختيار رائع يا ضنان



امممممممممممممممممم تنبيه

الحب يا هوو مايجي على كيفك ولاتحتريه
هو يجي كذا من حاله
واللي يدور الحب صدقيني بياكل خابور
تحياتي:kany:

[عاشق شبكة الهلال]

خاطرررررررة أكثر من رائعة أختي .... أختياررر موفق وذوق عااااااالي .....

[لهيب الشوق]

اختي ضنان
خاطره اكثر من رائعه تتجسد فيها روح المحبه وصدق العاطفه
تسلم يدينك

[الشاعر الحزين]

خاطره جميله وموثره...ياضنان
بس الله يهديك كان لازم يعني تقلبين المواجع :(
مشكوره على الابداعات هذه
تحياتي
الشاعر الحزين :)

[ضنان الشوق]

مرحبا بالجميع:

الكاسر:
انا ماقلت انها من كتاباتي..
وبعدين انا ماشكيت لك عن الحب..
اذا انت متعقد من الحب موذنبي انا عندي الحب عالمي اللي انتظر ارحل له...
وماطلبت منك شي....

عاشق الشبكه:
شكرا على تطلعك للموضوع وانت صاحب الذوق العالي من خلال ردودك المتواضعه..
شكرا لك الف مره..


لهيب الشوق:
ردك هو معنى صدق المحبه..وتسلم والله على هالكلام الحلو..


الشاعر الحزين:
وين الغيبات؟؟
اجل قلبت المواجع عليك بهالخاطره؟؟؟
تحمل ترى النسيان العلاج الوحيد ودورك حان انك تعيد حسابات حياتك تتطلع فيها للجديد وللأحلى..
ويعطيك العافيه..وانا معك..(:

[الكاسر888]

نبشتي بين اغراضك ولقيتها بين اوراقك
ومااشرتي أنها مهب لك
شيء طبيعي بيتبادر للذهن انها لك

الله يصلحك مدري ليه حاقده علي(himo)

وثانيا من قال اني متعقد من الحب زي ماتفضلتي

انا جالس أقول الحب الصحيح مايدوره الشخص هو يجيله من حاله
بس انتي مو راضيه تفهمين
كيفك
:sheto:

[ضنان الشوق]

الرسالة الأصلية كتبت بواسطة الكاسر888
نبشتي بين اغراضك ولقيتها بين اوراقك
ومااشرتي أنها مهب لك
شيء طبيعي بيتبادر للذهن انها لك

الله يصلحك مدري ليه حاقده علي(himo)

وثانيا من قال اني متعقد من الحب زي ماتفضلتي

انا جالس أقول الحب الصحيح مايدوره الشخص هو يجيله من حاله
بس انتي مو راضيه تفهمين
كيفك
:sheto:

بيتبادر لذهني انها لي؟؟؟
ليه انت تعرف وش النوايا؟؟
وهي مو لي وكل اللي ردوا عارفين انها مولي..
واحقد عليك ليه؟؟؟الله اعلم من راس الشر...
وانا بصراحه ما ابي افهمك..ولاابي كلامك ولا اقتراحاتك..

[الكاسر888]

بيتبادر لذهني انها لي؟؟؟
ليه انت تعرف وش النوايا؟؟

لا مااعرف وش النوايا ولو أعرف كان مارديت

بس لان مو مكتوب انها منقوله والدلائل تشير انك تقصيدن انها لك
رديت ردي


الله يعلم منه راس الشر

أتمنى إنك ماتلمحين علي تراني أزعل كذا;)

[ضنان الشوق]

موضوعي مو تشات...
خلاص..

[الكاسر888]

وردودي عليك مهب شات

ردودي جالس أناقشك

بس بعتبر ردك الأخير من باب التهرب من النقاش

والله يهديك للي فيه صلاحك

[ضنان الشوق]

انا ماتهرب وردوك ما اعتبرها نقاش
واذا فيك حيل للنقاش فيه مكان افضل من هنا..
من تكون عشان اتهرب؟؟؟
(الله يشفيك)

[الكاسر888]

انا ماتهرب وردوك ما اعتبرها نقاش

وش تسمينه أجل ؟ ووشهو النقاش أصلا في نظرك ؟



واذا فيك حيل للنقاش فيه مكان افضل من هنا..

وين؟؟



من تكون عشان اتهرب؟؟؟

في المنتدى أنا الكاسر

في خارج المنتدى إسمي رائد

ثانيا :: أسلوبك يقول إنك تتهربين ومافي غير كذا كلام


(الله يشفيك)

من إيش يشفيني

للأسف مازلتي تواصلين مسلسل الهروب في رمي كلمات مايقولها في النقاش دائما إلا العاجز
فترمين الكلمات بإسفاف أقدر أرد عليك بمثله ولكن لغة الحوار لدي أزعم كثيرا أنها أرقى منها عندك والدليل مثل هالرد الأخير لك .

الله يصلحك لنفسك يابنيه...:cool:

[صفـوق الشمري]

محبوبتي:
هاتي الورق
واكتبي بكل السطور
كلمه يملاها الشعور...كلمه لايمكن تبور
اكتبي بأول سطر
وآخر سطر
فوق الورق
لايمكن انا نفترق...لايمكن انا نفترق

أختيار رائع:)

[ضنان الشوق]

اقول بلا فلسفه..