تكفون يا راعين المكاشيت ممكن خدمة ؟ ###

[مزعة الجمعان]

اهلين وسهلين ..

انا ومعى الشلة ناويين نمزعها فى عيد الاضحى ونكشت للبر ونبى مكان سنع فيه ربيع ورمل لا وجو زين :sheto:

واللى يعرف مكان بالمواصفات المذكورة يرسل الموقع :asno:

واحسن مكان رايح يحصل راعيه على جائزة عبارة عن عزيمة خاصة ويجيب معه اللى يبى من ربعه


ومزعة بانتظاركم:magkiss:

[لهيب الشوق]

اهلين اخوي مزعـــــــــــــــــــه
اثرك راعي مكاشيت............
ركز معي زين ؛؛ افضل مكان انصحك فيه هو حفر الباطن صدقني مراح تندم وراح تدعيلي
لأن هو المكان المناسب وفيه طعوس على كيف كيفك توصيفه سهل!!
اما شعيب الشوكي ابعد عنه صح انه مربع لكن لو ينزل مطر رحت فيها انت وربعك...
وزياده على ذلك كله حصى وشوك.....
اماروضه خريم حلوه بس الدواب والحشرات حدث ولا حرج غير ان التخيم ممنوع
روضه نوره و روضه التنهات زينه .. وذا كنت تبي اي سؤال او توصيف اشوفك على المسنجر........



كشتـــــــــــــــــــــــــــــــــــــــــــــــــــــــه سعيــــــــــــــــــــــــــــــــــــــــــــــــــــــــده

[ابراهيم النجيدي]

طيب واللي مهوب يمّكم والعزيمه ماتصلح له , وش يسوي ؟! :rolleyes: ,,,

لازم تحط بدائل للجائزه هذي :fghty: ,,,

إبشر بسعدك يامزعه , دامك طبيت العام فتبي تلقى إن شاء الله طلبك عند أعضاءه , بس إصبر عليهم شوي ,,,

تحياتي ,,,

[ســ9ــامــ9ــي]

هلا بالغالي مزعه ...

نور المنتدى العام يا عسل ...

شف أنا أنصحك بطعوس دمشق :D:D:D ...

صدقني بترجع وأنت مستانس أناسة مالها حد ...

لكن تعال قبل تروح إن شاء الله لازم تشرفنا بحضور زواجي :nrey::nrey: ...

تراه يوم 5 - 12 قبل العيد بخمسة أيام ومالك عذر :req::req: ...

لو ماكان زواجي كان رحت معكم ووريتكم طعوس الشام كلها طعس طعس :sheto::sheto: ...

ولك تحياتي ياغالي ...

أخوك / سفر المرزوقي .

[3asheq_y15]

هلا والله مزووووووووووووووعي نورت الحته يالغالي .....:asno::asno:

غالي والطلب رخيص .....اذا ماخدمناك مين بنخدم يامزعه....ابشرررررررر والله....

اقووووول يمدحون لينه(( ترى مو صديقة عدنان)):D:D:D هالايام يقولون فيها ربيع وخاصه (( الزعيبه))....المهم شوف هالصور عن الربيع في الزعبية شمال شرق لينة...

http://www.mekshat.com/vb/showthread.php?threadid=5923

واحسن مكان رايح يحصل راعيه على جائزة عبارة عن عزيمة خاصة ويجيب معه اللى يبى من ربعه
طيب التذاكر علينا والا عليكم.....:D:D:D:D

ايه نسيت اقولك ترى الجيب اللي بالصور حق ولد خالي اذا بغيته ابشررررر والله...:yes::yes:

سي يوووووووووووووووووووووو:noo::noo::noo:

[خالد الهلالي]

هلا والله غلا بمزعتنا الغالي

:eek::eek: هذا شكلي يوم شفت اسمك بالعام ما صدقت والله احسبك مضيع صرت انا اللي مضيع

هذا شرف كبير للمنتدى العام انك زرته كيف عاد يوم كتبت موضوع

بالنسبة للطلعات يا بعد قلبي
الاماكن كثيره انا يوم الخميس الجمعة كنت في روضة التنهات اه والله ياهي روعه

بس عشان ما ادوشك والا اقلب راسك

هذا موقع اسمة المكشات وكل اللي فيه ناس ما شاء الله راعية مكاشيت وعندم العلوم اللي تبي وان شاء الله راح يفيدونك اكثر

http://www.mekshat.com/vb/

والعذر على القصور


تحياتي

خالد

[مزعة الجمعان]

هلا بالجميع ..


لهيب الشوق ..

حفر الباطن خيمنا فيه فى الفطر وفى نفود ساموده ومرينا ام عشر والمهوى ونقرة الصيد والبطيحانية والقلته وهى فى البال بس اذا لقيت احسن ليش لا .
والشوكى بالفعل ما ينفع لاننا مرة خيمنا فيها وجا مطر قوى وعينك ما تشوف الا النور

مشرفنا الغالى ابوخليل ..

بالنسبة للبعيدين لهم جوائز خاصة وتذاكر سفر له وللمرافقين مع اقامة لمدة ثلاثة ايام (الوليد على غفلة) او من الممكن حتى لوكان المكشات بعيد نجى ليش لا ..

سامى 9..

سوريا ...... معليش ناوى تشتت العائلة وانا يالله لقيت من تقبلنى ولا ناوى تخليها تمزعنى برا البيت ...... ايه خواف .

والعرس ابحضره اذا كان العشاء مفاطيح واذا كان بوفيه لاتحرجنى ماعرف اكل
وتراى اعرف عناوين طقاقات ان كنت تبى ..

الهواوى ..

لينة ..... ياخوى الناس هناك اكثر من الرمل خاصة القصمان واهل حائل ما شاء الله عليهم.

خالد ..

التنهات عقب موقف صار لى قبل العام انس انى ابروح لها ...

[الوسام]

هلا بالغالي مزعة

أنصحك بـ (العوشقيات) بالصمان

و لا تنسى تاخذ الاحداثيه ........




تحياتي لك

[الطيرالهلالي]

السلام...

هلا مزعه منور المنتدى بوجودك ؟؟؟؟


شف ياحبيبي .... فيه براحه جنب بيتنا مربعه وفيه ريحة روض على كيف كيفك مهوب زي رحيت الروض العادي:D

واذا ناوي تطلع برى ؟؟؟

شف عندك .. المستوى في اشيقر ..تراه زين ؟؟؟؟

واذا انت خرمان نفود تعال لمليحه قبل شقراء 20 كيلو على طريق الحجاز القديم؟؟ بس ترى مافيه ذاك الربيع الزين بس خذ طعوس ؟؟؟

وترى الحماده حليوه ؟؟؟؟

انا السبوع القبل الماضي مريت روضه والله ماهي شينه؟؟ اسمها روضة الكثر في البره ؟؟

هذا الي عندي ...

ولا زلت اقولك ترى البراحه الي عند بيتنا حليوه منها انك بوسط الرياض ومنها انك جنب بيتنا يعني اربع وعشرين ساعه مسنتر عندكم<----- اخرين لقى احد يسنتر عنده:D


ورحله موفقه :yes:

[يوسف]

هلا بالداجين والداجات:magkiss:
هلا مزعه
:kany: <<وده يجربهاا ومنهاا مستانس ان مزعه طااب المنتدى العاام:sheto: وكووده دوووم مهوب يوووم وبس:hgfd: <<وده يحلف عليه بس خاايف يقطع حلفه:req:

المهم اذاا نااوي تكشت انت والربع ترى به بجده اماكن سنعه;) قل تم ومالك الا الي يرضيك اختر بس وين تبي نخييم بدره العروس والا مدينه البحيرات<< للحين مافتحوهاا بس نفتحهاا لك يالغاالي:fghty: كم مزعه عندناا:asno: واذا تبي شي عااادي نوديك لم اي شليهاات تتنقهاا بس اختر الي تبي ومالك الا الي يرضيك:asno:
واذا ماتبي هالامااكن تبي رمل بس اوديك لم خليج سلماان والا رابغ عندهم بحر سنع<< مهوب بحر خويناا الخنبقه:angel: لا بحر يعني مويه:fghty:
انت بس امر ومالك الا الي يرضيك جده لمزعه بتصير غيرين:kany:
:magkiss:بااااااااي:yes: