من يخدمني أبي أنقل خطي إلى موبايلي ؟ [الأرشيف]

مشاهدة النسخة كاملة : من يخدمني أبي أنقل خطي إلى موبايلي ؟

قناص سدير

26/10/2010, 22:43

السلام عليكم ورحمة الله وبركاته

أخواني أبي أنقل خطي من شركه الأحتيال الى موبايلي وذهبت الى مكتب موبايلي بالمجمعه

وقال لي ممكن يتأخر النقل الى سته شهوووور تكفوووون اللي بيخدمني والله أدعي له ليل نهااااار

تحياتي لكم أحبائي هوامير الصحراء

هـ نجد ـلال

26/10/2010, 22:54

الوضع صعب جدا حاليا

موبايلي تحارب على جبهتين

تعنت الاتصالات من جهه ووقوف هيئة الاتصالات وتقنية المعلومات مع الاتصالات السعوديه من جهه ثانيه :)

اذا تعرف احد في الاتصالات بتقطع شوط كبير في تحويل رقمك

واذا ماتعرف احد بتجلس بالشهور تنتظر

!..مجنونك..!

26/10/2010, 23:10

أحسن خياااار

الشريحه أكسرها

ورح أشر موبايلي لأنك مانت محوول والاتصالات أول كانو يحولون يوم كثرو الي يحولون صارو ما يحولون

بس أفضل شركة بالسعوديه للأمانه للأمانه موبايلي

قناص سدير

26/10/2010, 23:39

:slv:الوضع صعب جدا حاليا

موبايلي تحارب على جبهتين

تعنت الاتصالات من جهه ووقوف هيئة الاتصالات وتقنية المعلومات مع الاتصالات السعوديه من جهه ثانيه :)

اذا تعرف احد في الاتصالات بتقطع شوط كبير في تحويل رقمك

واذا ماتعرف احد بتجلس بالشهور تنتظر

افااااااا

يعني مااافيه نقل خط :slv:

مشكور عزيزي على المرور

قناص سدير

26/10/2010, 23:44

أحسن خياااار

الشريحه أكسرها

ورح أشر موبايلي لأنك مانت محوول والاتصالات أول كانو يحولون يوم كثرو الي يحولون صارو ما يحولون

بس أفضل شركة بالسعوديه للأمانه للأمانه موبايلي

أومااااا

أكسرهااا

رقمي مميز حرام واهم شي الوالدهـ تدق علي وهي مغمضه هههه

مشكور عزيزي عى المرور

ويارب أحصل أحد يخدمني:yarab:

عنترة بن شداد

27/10/2010, 01:59

اذا تعرف لك واحد بهيئة الاتصالات تقدر غيره ماتقدر

Ghadoy

13/11/2010, 13:41

انا بموت ابي رقمي وخليت ابوي يروح فرع موبايلي ويحولني لهم
عطوني شريحه موبايلي وقالو شهر وتتفعل ان شا الله
اذا تقفلت شريحه الاس تي سي شغلي موبايلي
والحين بكمل شهرين ولا تحولت ولا شي وكل شوي ادق ع الاس تي سي وع موبايلي وكلن يقول التفعيل من الثاني

عجاج السنيني

14/11/2010, 05:26

ابعلمكم انا وش صار معاي بالضبط عشان ترتاحون .....

قبل 6 شهور رحت الاحتيالات وقلت ابغير خطي قالوا ما فيه تحويل ... تعال بعدين ....

رحت بعدين :) وقالوا النظام موقف ..... تعال بعدين ...

وكل يوم اجيهم بعدين هذي وبعدين بعد بعدين وبعد ثلاث ابعاد كنتم والا قريبين :la: <<< دعابه عشان الصدمه بس

وبالنهاية وافقوا ؟؟؟؟؟

واخذت الورقه ورحت موبايلي وقال الموظف .. من يومين ل 6 ايام وتشتغل معاك بس لا تدق منه او ترسل ..

ومرت بعدين حقت موبايلي غير بعدين حقت الاحتيالات ..... وجلست اسبوعين بدون اي فائده ...

رحت هيئة الاتصالات ... قال الموظف ياخي الشركات تلعب عليكم ترا حنا مالنا دخل ؟؟؟؟؟؟؟؟؟؟؟؟؟؟؟؟؟

قلت انهيت موضوعي عند الاتصالات وعند موبايلي .. كيف مو عندكم ... قال الشركات هذا اسلوبها ؟؟؟؟؟؟

اجابة صفراء ما ادري وش قصدهم ؟؟؟؟؟

قلت للموظف بكره اغيره وأوريك ... قال ان غيرته قبل شهرين لك اللي تبي ؟؟ قلت وش دراك ؟؟؟:)

انحشر طبعا .... بس حسيت اني ضيعت وقتي معاه عالفاضي .. وقلت بكره اغيره ....

( طلعت من عنده ورفعت السماعه على مسؤول كبير جدا في الاتصالات stc وقلت له السالفه )....

((( قال بكره اسوي اتصال واخليهم يحولون جوالك )))

اليوم الثاني دق علي وقال لي الطلب ملغي من موبايلي روح جدده ...

رحت جددت الطلب ((( ووالله العظيم اليوم الثاني فصلوا stc واشتغلت موبايلي !!!!!

طبعا ابغا اقول لكم ان البلا من هيئة الاتصالات صايره مثل الاتحاد السعودي توقف بس مع النصر ..

وعسى الله يستر من موبايلي .. والله مو عارف وش وضع فواتيرهم !!!!!

MATRIX

14/11/2010, 07:24

انا حولته بيومين ولله الحمد وكانت يوم الاربعاء وتفعل السبت :wr1:

Ghadoy

26/11/2010, 16:41

طب انا وش اسوي اللحين قاعده كذا انتظر على غير سنع !
انا حولته بيومين ولله الحمد وكانت يوم الاربعاء وتفعل السبت :wr1:

ماا شاء الله كيف؟
انا اللحين يمكن شهرين وشوي :cry:

هـ نجد ـلال

27/11/2010, 04:18

طب انا وش اسوي اللحين قاعده كذا انتظر على غير سنع !

ماا شاء الله كيف؟
انا اللحين يمكن شهرين وشوي :cry:

قدمي شكوى لهيئة الاتصالات

Ghadoy

27/11/2010, 18:51

بروح اللحين ارسل لهم بريد شكوى
شكرا لك من القلب :br:

H-CrAzY

7/12/2010, 11:20

خلك على قردك , لا يجيك أقرد منه

ما أنصب من الاتصالات الا موبايلي

في البداية كانو ممتازين بس حاليا صار عندهم نفس حركات النصب حقت الاتصالات ..

ابو لذيذ

7/12/2010, 11:58

H-CrAzY

10/12/2010, 20:36

..

بالنسسبة للشبآب اللي بيحولون والله معد صصار فيه فرق حاليا

بالعكسس موبايلي صايرين مدري وش فيهم 3 أسآبيع وجوآلك مقطوع لو عليك 5 ريال

نظآمهم أول كآن بططل مرة بس الحين صآر عليهم ظغط رهيب وانوآع الأخطآء بالفوآتير

انا عميل لموبايلي من 4 سنوآت تقريبا وكنت عميل ل stc وحاليا رجعت للإتصالآت فعلن إذا قالو لك شركة تقدم لك خدمة !!

موبايلي لو صصار عليهم ظغط صدقني تقعد تنغف " آسف على هالجملة "

بالأعيآد لآ تفكر أنك ترفع التلفون وبيمسك معك على طول لآزم تصف طآبور

نصيحتي لك .. خلك على قريدك لآ يجيك اللي أقرد منه

اقول لك صاروا نصابين مثلهم مثل ال STC

أنا من حوالي 6 شهور طلعت لي شريحة ثانية للموج الأزرق , وأرسلتها خارج المملكة علشان استفيد من عرض التجوال حقهم + الباقة موج أزرق يعني الدقيقة ب 20 هللة , خاصة واني أكلم الرقم هذا تقريبا يوميا (لا تدققون تراه للأهل :d:)

المهم , في البداية الفواتير كانت تجي أوكي , بس تقريبا آخر شهرين صرت أحس انها مرة تجي أكثر من اول , شهر جاتني 850 والشهر اللي بعده حول ال 1000 ريال :((

قلت خلني أشيك على الفاتورة , والقاهم صاروا يحسبون اتصالي على الرقم ب 30 هللة :rolleyes: , لاحد يقول لي ما تفرق 10 هللات , لأنك اذا كلمت بمعدل ساعة يوميا راح تفرق معك 6 ريال في اليوم الواحد :power:

اتصلت على خدمة العملاء , طبعا كل ما أتصل يكون تبرير الموظف مختلف , اللي يقول لي احتمال انه خطأ في الفاتورة , واللي يقول لي أنا عندي في السيستم محسوبة صح على انها 20 هللة , وآخر شئ واحد قال لي اذا الرقم خارج السعودية بتنحسب عليك المكالمة 30 هللة سواء كان موج أزرق والا غيره ,,

قلت له طيب أول كانت تنحسب 20 هللة , مو المفروض ترسلون رسالة للعملاء بالتغيير هذا والا شئ , قال لي لا , يمكن أول كانو غلطانين والحين اكتشفوا هالشئ :la:

غير كذا كل عروضهم للمشتركين الجدد , مثل العرض الأخير حق الموج الأزرق وخصم 50% للمكالمات والرسائل النصية لرقمين مفضلين ,, والمشتركين القدامى لهم الله

كلها كم شهر ان شاء الله وبأرمي شريحتهم وباجلس على رقمي في الاتصالات أفضل لي ما دام كلهم في الهوا سوا

AWACS الهلال

15/12/2010, 01:27

قدم شكوى لهيئة الاتصالات

انا جلست بين موبايلي والاتصالات حوالي شهرين وبعدها تقدمت بشكوى للهئية الاتصالات وخلال خمسة ايام تقريبا تم نقل خطي للموبايلي

وهذا الكلام صار بعد عيد الاضحى مباشرة تم نقل الخط الى موبايلي

عا Radoje شق

19/4/2011, 15:54

يعطيك الف عافيه :br:

@هلالي الشرقية@

20/4/2011, 18:17

يا شباب انا عندي شريحه سوا
وابغى احولها لموبايلي ..

هل تحويلها سهل ولا صعب ؟؟

النوخذهـ

25/4/2011, 01:06

انا زيك كل يوم رايح مجدد الطلب وبالاخير طلعت رقم موبايلي جديد

النوخذهـ

25/4/2011, 01:11

يا شباب انا عندي شريحه سوا
وابغى احولها لموبايلي ..

هل تحويلها سهل ولا صعب ؟؟

صعب جدا بغض النظر سوا ولا فاتورة ماتفرق معهم انا اليوم عند موبايلي الموظف يقولي المشكلة كلها من الــ stc يحطون اي سبب لرفض التحويل مثل الرقم مقطوع ولا عليه مستحاقات
مالك الا تطلب رقم جديد من موبايلي هذا الحل
حسبي الله عليهم :(

Milan Legend

25/4/2011, 02:12

وش المشكلة لو صار عندك رقمين منها توزع المجهود بين الفاتورتين ومنها تجرب الاحسن :d:

saad-9

6/5/2011, 13:12

هلا بولد الديره

انا جيت بحول رقم من الاتصالات لموبايلي

مرمطوني شهرين

بعدين جا واحد من الشباب بموبايلي وكلم شخص بجده هو تبع العملاء المتميزين ونقل الخط بيومين

يعني حاول تدبر لك موظف يسنع الأمور

وعموماً احيانا تصدف ويتحول على طول

انت سدد كل المبالغ المطلوبه عليك في الاتصالات وسدد زياده 50 ريال احتياط واطلب تحويل يمكن يتحول

بنت شبيه الريح

7/5/2011, 18:20

لا حرااااااااااااااام عليكم موبايلي فرق
هم كل شركات الاتصالات نصابين وسراقين بس خذ اقل واحد ينصب
وانا اشوف موبايلي روووووووووووووعه
لي فوق 7 سنوات وانا على موبايلي من رقم لي رقم وجربت سواء كثيييييير بس فرق موبايلي ارخص وخدمه العملاء بسرعه يردون ونفسهم زينه مو زي الstc
وسالفه التحويل امي لها فوق السنه شوي طلبت تحويل
وتغربلنا لين قلنا بس وطلعت رقم جديد عاد قبل كم يوم قالو خلاص تم التحويل قلنا خوذوه ماعاد نبيه والسبب انه الاتصالات كانت مطنشه ولا فكرت تحول بس شكلهم حولو الرقم بالغلط :d:..