اللورد سامي9
21/1/2002, 11:26
السلام عليكم:
عندنا ظاهره عند بعض الشباب السعودي وهي الترقيم حتى لو كانت المرقمه عجوز!!!!!!!
بقولكم قصة واحد الله يستر علينا وعليه(يمكن يكون انا) رقم في احد الاسواق او بالاصح مطعم في مجمع تسويقي....طريقة الترقيم باختصار انه كتب الرقم على صورة واحد من المغنيين الميعيين معروف طبعا ما يبغاله كلام...
المهم اخذ الرقم وخش المطعم قسم العائلات وشاف له اول طاوله مقفله بستاير...طل من فوق وحط الرقم وطلع ينتظر عند الباب...
كانت في مواقف المطعم سيارتين الاولى كراسيدا والثانيه شبح معها سواق محترم...
اخينا في الله يحسب انه رقم راعية الكراسيدا....اثاريه رقم راعية الشبح....وهو مايدري
المهم طلع بزر صغير من المطعم سأله السواق وش فيك ماتغديت قال الا بس ..........بيجي الحين...اخينا في الله اول ماسمع ذا الكلام ماتشوف الا غباره هو واللي معه......وصل اخوهم ومعه كم واحد ولقوا واحد الله يذكره بالخير واقف عند باب المطعم ...مسكوه ولعنوا اصل اصله جلدوه جلد.....من شدة الجلد الرجال كع كع مظبوط وقال اللي يعرفه عن اخينا المرقم....
المهم اتصلوا على الرقم...مسوي شده المرقم المهم قالوا له لازم انشوفك الحين والله بتوصل للمباحث!!!!! اخينا مطنش قفل في وجيهم(قوي والله)
اتصلوا عليه بعد مده وكن اللي يكلم شخص محترم وهادي يصير خوي اخو البنت....المهم طلبوا منه انهم يقابلونه.....وبعد مفاوضات دامت النص ساعه من الرفض وافق اخينا القوي وواعدهم عند دوكتر كيف اللي بالعليا الثلاثين قبل اذان العصر....
تراني الحين قاعد اسمع نعم 2000 لراشد الفارس:D
المهم قابلهم وكانوا ثلاثه ومعهم البزر....اخينا القوي اخذها بالتفاهم والمسايسه وطبعا كان بروحه يعني لازم يهدي الوضع على شان مايتشوت....قعدوا حول ساعه يتفاهمون على الواقف وطبعا اخينا القوي قابلهم بالنفي الين ملوووا وواعدهم المغرب عند نفس الموقع اللي رقم فيه على شان يشوفون من اللي كان معه لانه انكر انه يعرف اللي رقم..المهم الغوا الموعد وواعدهم في محطة القصيم في خط القصيم.....وعند ساعة الموعد اخينا القوي سحب عليهم جلنط!!!وجحد جحده حلوه....وهددوا وهو مطنش
سبحان الله بعد ما قفل منهم وبعد ما سمع التهديد طلع هو واخوياه المهسترين على فورد اللي يسوق مهستتتتر بقوه مافيه الا تنطيل بي العقيق
الين دخلنا في تقاطع بنطله هجت مع المهستر السياره والمرقم كان جالس قدام...المهم هجت السياره وزحفت على البيبان وكان مصيرنا معروف وهو دخولنا في مؤخرة دتسن غمارة قديم مغبر موقف على اليمين الحمدلله على السلامه المهم..اخينا طلعت فاتورة جواله بعد اليوم ذا وكانت طامه عليه (الى الحين ماسدد بينفصل بعد كم يوم):D كانت فاتورته حول 2020(رقم مميز والله);)
والفاتوره لو تشوفونها تظحكون...
1- مكالمات لسعودي كول الله ياخذهم بحول 300 ريال
2- مكالمات لمدة طويله تصل للساعه والعياذ بالله وطبعا كلها من ورا الترقيم
3-رسايل بالهبل(لو تشوفون جواله مافيه رسايل ابد)
المهم الترقيم والله افه وعاهه...الحمد لله اخينا في الله ترك الترقيم وصار عاقل بس يغمز:D
----------------------------------------------------------------------
داري ان القصه بايخه وثقيلة دم بس عساكم فهمتوا منها شي لاني انا بصراحه ماقدرت افهمها
وحبيت اقولكم الترقيم الان اصبح عاده عندنا كشباب وبالتأكيد ذا الشي اكبر خطا
خصوصا والله اعرف ناس يرقمون عجايز (الحمدلله والشكر)
واسف على الاطاله.....وشكرا لكم لحسن المتابعه
والسلام خير ختام;)
عندنا ظاهره عند بعض الشباب السعودي وهي الترقيم حتى لو كانت المرقمه عجوز!!!!!!!
بقولكم قصة واحد الله يستر علينا وعليه(يمكن يكون انا) رقم في احد الاسواق او بالاصح مطعم في مجمع تسويقي....طريقة الترقيم باختصار انه كتب الرقم على صورة واحد من المغنيين الميعيين معروف طبعا ما يبغاله كلام...
المهم اخذ الرقم وخش المطعم قسم العائلات وشاف له اول طاوله مقفله بستاير...طل من فوق وحط الرقم وطلع ينتظر عند الباب...
كانت في مواقف المطعم سيارتين الاولى كراسيدا والثانيه شبح معها سواق محترم...
اخينا في الله يحسب انه رقم راعية الكراسيدا....اثاريه رقم راعية الشبح....وهو مايدري
المهم طلع بزر صغير من المطعم سأله السواق وش فيك ماتغديت قال الا بس ..........بيجي الحين...اخينا في الله اول ماسمع ذا الكلام ماتشوف الا غباره هو واللي معه......وصل اخوهم ومعه كم واحد ولقوا واحد الله يذكره بالخير واقف عند باب المطعم ...مسكوه ولعنوا اصل اصله جلدوه جلد.....من شدة الجلد الرجال كع كع مظبوط وقال اللي يعرفه عن اخينا المرقم....
المهم اتصلوا على الرقم...مسوي شده المرقم المهم قالوا له لازم انشوفك الحين والله بتوصل للمباحث!!!!! اخينا مطنش قفل في وجيهم(قوي والله)
اتصلوا عليه بعد مده وكن اللي يكلم شخص محترم وهادي يصير خوي اخو البنت....المهم طلبوا منه انهم يقابلونه.....وبعد مفاوضات دامت النص ساعه من الرفض وافق اخينا القوي وواعدهم عند دوكتر كيف اللي بالعليا الثلاثين قبل اذان العصر....
تراني الحين قاعد اسمع نعم 2000 لراشد الفارس:D
المهم قابلهم وكانوا ثلاثه ومعهم البزر....اخينا القوي اخذها بالتفاهم والمسايسه وطبعا كان بروحه يعني لازم يهدي الوضع على شان مايتشوت....قعدوا حول ساعه يتفاهمون على الواقف وطبعا اخينا القوي قابلهم بالنفي الين ملوووا وواعدهم المغرب عند نفس الموقع اللي رقم فيه على شان يشوفون من اللي كان معه لانه انكر انه يعرف اللي رقم..المهم الغوا الموعد وواعدهم في محطة القصيم في خط القصيم.....وعند ساعة الموعد اخينا القوي سحب عليهم جلنط!!!وجحد جحده حلوه....وهددوا وهو مطنش
سبحان الله بعد ما قفل منهم وبعد ما سمع التهديد طلع هو واخوياه المهسترين على فورد اللي يسوق مهستتتتر بقوه مافيه الا تنطيل بي العقيق
الين دخلنا في تقاطع بنطله هجت مع المهستر السياره والمرقم كان جالس قدام...المهم هجت السياره وزحفت على البيبان وكان مصيرنا معروف وهو دخولنا في مؤخرة دتسن غمارة قديم مغبر موقف على اليمين الحمدلله على السلامه المهم..اخينا طلعت فاتورة جواله بعد اليوم ذا وكانت طامه عليه (الى الحين ماسدد بينفصل بعد كم يوم):D كانت فاتورته حول 2020(رقم مميز والله);)
والفاتوره لو تشوفونها تظحكون...
1- مكالمات لسعودي كول الله ياخذهم بحول 300 ريال
2- مكالمات لمدة طويله تصل للساعه والعياذ بالله وطبعا كلها من ورا الترقيم
3-رسايل بالهبل(لو تشوفون جواله مافيه رسايل ابد)
المهم الترقيم والله افه وعاهه...الحمد لله اخينا في الله ترك الترقيم وصار عاقل بس يغمز:D
----------------------------------------------------------------------
داري ان القصه بايخه وثقيلة دم بس عساكم فهمتوا منها شي لاني انا بصراحه ماقدرت افهمها
وحبيت اقولكم الترقيم الان اصبح عاده عندنا كشباب وبالتأكيد ذا الشي اكبر خطا
خصوصا والله اعرف ناس يرقمون عجايز (الحمدلله والشكر)
واسف على الاطاله.....وشكرا لكم لحسن المتابعه
والسلام خير ختام;)