الله يفشلكم يا الخشبيه هذا تطور

[ريتال]

السلام عليكم ورحمه الله وبركاته

قناه الخشبيه ( يقال انها الذهبيه ) قبل فتره سوت اعلانات وقلق صجه ولجه انها راح تطلع بحله جديده وتطور
استبشرنا خير قلنا يغيرون كاميراتهم القرنبع ومراسلين
بس للاسف اليوم اللي شفته ما شغت شيئ جديد
بس تغيير استديو
هلحين هذا التطور الي صجونا فيه الخشبيه
كاميرات زي ماهي من عصر الحجري لعنبوا ابليسهم كل هذا فقرانين عجزانيين يشترون كاميرات مثل الناس كاميراتهم عمت عيونا ولا بعد وبدايه الخير في مباراه قبل شوي بعد انتهاء المباراه احد المراسلين كان يسئل احد الاداريين في فريق سانتوس البرازيلي واخونا في الله المراسل يسأل الاداري سؤال بالانجليزي ورد عليه I dont understand qustion وكرر السؤال ثلاث مرات عليه واخر شيئ قاله thank you very much فشيله والله فضحونا
المراسل مسوي فيها شاطر بأنجلش
واتذكر ايضا موقف اثناء حفل الخشبيه لنادي الهلال بمناسبه حصوله على نادي القرن
بدايه البرنامج كان مافيه صوت وكنا وقتها تونا شارين تلفزيون جديد شاشه بلازما لدرجه اني شكيت قلت لا يكون الشركه انصبوا علينا وباعونا تلفزيون خربان صرت اقلب في كل قنوات اتأكد وطلع الخراب منهم الله يفشلهم
تطور وما ادري ايش
واخرتها لا تطور وهم يحزنون
الخشب زي ماهو خشب
الله يعين بس .

تحياتي
رتوووووووووووووله :wr:

[[[ عبود ]]]

غيروا الشعار .. وش تبون بعد ؟

[هلالي vip]

رتوله وش دراك انتي غيرنا الشعار وحطينا شريط اخبار ملون :d:

[$ الفارس الهلالي $]

وعليكم السلآم .,,’,,.

’،
’

http://img530.imageshack.us/img530/3819/screenshot1f.jpg

.
.

افـضل من أول

[بايعه ودهم]

يحبكم للتحطيم النااس توهم بأول الشغل
اكيد بيصير فيه اخطااء نصبر شووي بعدين نحكم موب من البداايه
بالتوفيق لهم

[تولاي]

عساهم يتطورون :kany:

[هلالي طموح]

من شبَ على شيء شاب عليه :power:
يعني مستحيل يتطورون

[إعصار الزعيم]

تطور في شكل القناة فقط أما الكوادر السيئة موجودة
سواء مخرجين ومقدمين...الخ

لو نظرنا لأخراج المباريات في قناة الكأس والخشبية
لوجدنا فرق كبير وشاسع من حيث الكاميرات الخاصة
والكوادر التي تعمل بأحترافية لأظهار المباراة بالشكل الأمثل

وللمعلومية أخراج المباريات في قناة الكأس مكلفين بها أجانب

ولا أنسى برنامج طلة اللى يقدمونه نساء يعني حتى الرياضية
لازم يكون فيها برامج للنساء توجه سئ

الخشبية راح تبقى خشبية

[براق]

الحكومي صعب يتطور الا بالخصخصة حتى لو جزئيا

[الوحش الخائف]

الشي الي لازم ينتبهون له قبل كل شي هو الصوت و الصورة .

يعني مو معقولة تدفع ملايين عشان الديكور وكل شي .

ولا جات المقابلة ما ندري وش يقول الضيف !.

[ع’ـهود]

هههههههههههههه الخشب يبقى خشب
جنا مانبي تطور بشكل القناه
أهم شيء عندنا النقل ويجيبون مذيعين زينين

[فايق ياهوى]

القرنبع بالصميم http://www.alhilalclub.com/vb/images/icons/icon10.gif :heart:

[Blue Hilal]

ع طوّل حكمتوا إنهم فاشليين !!
أعتقد قالوا إن بدايْة بطولة النخبه ..
"" بدايْة "" التطور مو نهاية التطور ..

[only hilali]

عن نفسي اشوف انهم بدأوا بالتغيير للافضل صراحه ... و ان شاء الله يكملون ونشوف القناة تنافس القنوات المتطورة خصوصا من ناحية الاخراج ... و لا يكتفون بتغيير الديكور بل نحتاج جودة في العمل مع بهاء الصورة ...

[@هلالي الشرقية@]

انا اوافك الراي ميه بالمية

يعني تدفع ملاين بالشكل الخارجي

والشكل الداخل للقناه ما يتطور .. هذي مشكله

[سآم9]

والله تغيروا الحين اشوف السعيد ببرنامج مباشر
الدقه واضح متغيره , ما خبرت اني اشوف وجه السعيد واضح كذا :d:
عساهم على القوه واهم شي ودنا باخراج المباريات نبي زي قـطر ,

ما تلاحظون تصميم القناة صاير كانه mbc
انا اذكر كني قريت ان المنتج حق الرياضية الجديد هو حق mbc
بس الحين اللي يشوف القناة يتاكد من هالشي

[زعيم الزعماء]

شكل الاستديو والجرافيكس والفواصل الان افضل من اول بكثير ..

وهذا هو الفرق عن اول فقط .

[عبود البطل]

بشويـش، حبّة حبّة ..
ما دامهم مسكوا الخط، هقوتي يوصلون :)

[المليونير ابو عابد]

في تطور

وان شاء الله من احسن لاحسن

[معشي]

الله يسمع منكم .. أجل تطوروا وانا مادريت وش هالكلام ؟ :d:
أتمنى يرافق التطور هذا تطور في الصوت والصورة والنقل والإخراج :) , وكما قلت سابقاً إن ما تضامنت هالأمور مع التغيير فـ " كأنك يبو زيد ما غزيت " :angel:

[هلالي دائما]

بصراحة انا اشوف اهم شي انهم يشترون كاميرات جديده واذا جلسوا على كاميراتهم القديمة خلهم يبلون تطورهم ويشربون مويته :d: ..
لكن ان شاء الله يجيبون كاميرات جديده وتصير القناة كذا :yes:

[سيد النوادي]

الاهم المضمون ويبعدون شلة التعصب و الضيوف اللي ملينا من وجيهم :)

[بطاش الزعيم]

قناة حكوميه ياعالم ..
فرقو بين القناة الخاصه والحكوميه ..
شف قناة الكويت الرياضيه وقناة البحرين الرياضيه كلهن فاشلات لانها قنوات حكوميه
فرقو بين القناة الحكوميه والقناة الخاصه

[((هلالــي بكــيفي))]

ام المراســـلين تحفة وين صديقه كاسياس سارا تعطيهم دروس في العمل الميداني :d:


اول مررة اشووف مراسلين قبل المباراة وبعد المباراة وهم ينتفضون سبحان الله ..

[بحريني]

لو يتطورون في أخراجهم للمباريات والمراسليين الميدانيين يكون شي طيب

[Blue Eye]

آمين يارب ويشفي كل مرضى المسلمين !

وبزيد عليها دعوه , ويفكنا من زلايب القناه الرياضيه اللي مادخلوا المجال الاعلامي الا بالواسطــه !

أنا ماانكر ان فيه جهود للتطوير لكن بوجود هالامكانيات البشريه الضعيفــه مستحيل يتطورون :(

:yes:

[ZAYED]

ولو يجي منهم !
بس يآليييت يغيرون الكادر الموجود بالقناة !
من مذيعييين ومحلليين !


يلللله ان شاء الله نشووووف الاحسن

لآهنت

[قناص الجبيل]

قناة القرنبع !!!! كل هالصجه ... و آخرتها نفس كاميرات الخمسينات الميلاديه .. نفس المعلقين النشاز ... نفس المراسلسن اللي رايحين فيها !!!

[القناص790]

غيروا الشعار ولا غيروا المذيعين ولا المقدمين :d:

[القلب ثنياني]

تغير الشريط الاخباري وتخصيص فقره للاخبار العالميه وفقره للمحليه شيئ جيد

انا اكثر شيئ يضايقني المعلقين وعدم احترامهم للمواعيد البرامج؟

يعني كاتبين في الشريط الاخباري اليوم ان كل الرياضه تشاهدونه الساعه 11 وجت الساعه 11 ونص ولابدء ؟

ومدري متى بدء غيرت القناه ولا رجعت لها ثانيه ؟

بالنسبه للمعلقين ؟

صعب جدا نتحمل ازعاجهم ساعه ونص خصوصا اللي علق على المباراه الثانيه اليوم؟

مزعج جدا وحرام يكون معلق ؟

المراسل الميداني ممكن نتحمله لان كلها دقايق ويروح لكن المعلق يقعد يتفلسف ويصجنا ساعه ونص

[!..مجنونك..!]

...



وش تطورو فيه بس في الاستديوهات

وغيرو حق نتايج المباراة نبي تطور

بالتصوير وبكل شي



..

[السـامـر]

القناه ببدايتها والحمدلله انهم يعملون للأفضل
اتمنى ان نبحث عن النقد الهادف بدل الهدام والمحطم
والله يوفقهم ..

[ŇăβĐ ●]

انا أشوف انها افضل من اول

بداية التصحيح خطــوه

والحمدلله الخطوه الأولى بدت على الأقل صرنا نشوف الوان تفتح النفس

وان شاءالله يكون القادم افضل لقناة الوطن :heart:

[روح الهلال]

نعمه غيروا الشعار..,
السنه الجايه يغيرون الباقي ..:((


ياأختي مافي أمل يتغيرون... :(
خصوصآ المراسلين والمعلقين
وبالذات إلي علق على مباراة الشباب:sui:< وكاد ان يجيب العيد:sui:

[هلآليه متعصبه]

كل سنه كذا بنطور وبنسوي واخرتها بس شكل
والا المضمون رايح فيها
تحياتي لك

[Il Brave]

يعني خذوا الأمور بـ إيجابية

الآن تطورات من ناحية تطور شعار القناة و تطور شريط الاخبار و مستطيل النتائج و الاشياء هذي

و المقبل بيكون هناك تطور في ناحية الكاميرات و الصوت

الأمور تأخذ بـ روية

بارك الله فيهم و عساهم على القوة :)

,,

تحياتي

[المتصدر]

الشي الي لازم ينتبهون له قبل كل شي هو الصوت و الصورة .

يعني مو معقولة تدفع ملايين عشان الديكور وكل شي .

ولا جات المقابلة ما ندري وش يقول الضيف !.


صادق أهم شي الصوت ومشكلة القناة الازلية في الصوت ان شاء الله يكونوا اشتغلوا عليه في التطوير الاخير

[DaviD VillA.7]

الله يفشلهم ....
وبعدين هاذي قناة مهيب اي شي مفروظ يطورون اجهزتهم,,,,
الخشب خشب يبقى وهو خشب,,,,,

[احب9]

ما يملي عينك شي ..

الله المستعان بس

[السـامـر]

يعني من جدكم تبونها تغير كوادرها بيوم وليله ؟

[C a s i l l a s]

الصبر زين :) ,

[ريتال]

الاخوان اللي يعارضون
هم غيروا
بس غيراوا بأيش !!!!!!!!
عيروا الديكور وشريط الاخباري والاكسسورارت
طيب والاهم ليه ما غيروه
الكاميرات
يعني عاجبتكم كاميراتهم وتصويرهم
كنهم يصورون من جوال باندا موب كاميرا
شوفوا قنوات الجزيره والكاس وشوفوا الفرق !!!!!!
وشفتوا المراسلين في مباراه الهلال والنصر في دوري زين
والا المراسل لما كان يسأل شبيه الريح في مباراه الرائد

مانبي يغيرون مراسلينهم ولا مذيعين ولا معلقين
نبي كاميرات مثل الناس
بدل كاميراتهم اللي جابت لنا عمى
معقوله عجزانيين يغيرون كاميرات !!!!!!!
عجبي والله
هذا تطور

[السـامـر]

ايوى تطور ( الألف ميل تبدأ بخطوه ) والمسؤلين يعملون للتطوير ومع الوقت بيكون كل شيء مميز
ليه حنا في الذم جاهزين وسهل عندنا ؟ بما اننا نريد تطوير ع الأقل ان ماكنا نملك كلمه طيبه تقدم للأمام نسكت وأن كنا
نملك نقدمها لهم .. اما بس همنا خشب وفاشله وكاميراتها ونتحمس بها الكتابات اللي ترجع للخلف مع احترامي للجميع
اليوم طوروا شكل القناه بكره يطورون امور أخرى .. والتصوير بالمباريات كان جيد جداً وأفضل من قبل والأعادات وقتها حلو وتكشف الهجمه بطريقه مميزه والتسلل وغيرها من الأمور .. استيديوهات مميزه .. والكادر السعودي الموجود فيها ماهو بذاك السوء بالعكس شباب كويسين ومع الوقت يكسبون خبره أكثر ..

**

اللي ماتعجبه القناه ويقول عنها خشب لايتابعها احسن له .. اتمنى للمسؤلين على القناه الرياضيه السعوديه ( الذهبيه ) التوفيق والعمل على التطوير وانا واحد معهم وداعمهم بالكلمه الطيبه :)

[تفاصيل الهلال]

المشكلة ان مافيه بديل لها ينقل بطولة النخبه


اليوم اشوف مباارة الشباب

الكاميرات سيئة جدا جدا


من المفترض ان جزء كبير من الميزانية يكون للكاميرات وتجهيزات النقل

ماتكون في استوديوهات او غيره



وش الفايدة من استوديو خراافي ونقل لمباراة اسوء من السئ !!!؟؟!!!

[فيلســوف زمانـه]

الحكومي صعب يتطور الا بالخصخصة حتى لو جزئيا

نقطه يجهلها البعض

القناة حكومية مو خاصـة

[[[ هلالي فخم ]]]

غيروا الشعار والمستطيل اللي فيه النتيجه وقالوا تطورنا خخخخخخخ ..

التطور اذا ما كان بكاميرات جديده واخراج احترافي ومذيعين مميزين ومعلقين على مستوى عالي فما يسمى تطور !

[Bader AL-Tamimi]

قلنالكم هالقناة مافي امل تطور الله يخلي ززر الحذف بالريموت

[زعيم النوادي]

القناة لن تتطور الا بجلب معدات متطورة و كوادر محترفة في مجال الاعلام وتقنياته , اما ما يحصل الان مجرد
تغيير شكلي فقط لن يضيف شيء .


والكادر السعودي الموجود فيها ماهو بذاك السوء بالعكس شباب كويسين ومع الوقت يكسبون خبره أكثر ..


لا يا غالي مهب كويسين مع احترامي لرأيك :br:

مراسلين يتلعثمون ويرتكبون اخطاء لغوية بدائية ولا يجيدون اختيار اسئلة تثري المشاهد ,
مذيعين ومعدين لا تدري كيف دخلوا للاعلام ! من شاكلة الفرهود و السعيد وشلة برنامج ارسال .. و هلم جرا !!
ولا يهون البرامج الضعيفة التي تفتقد للاعداد الجيد و لا تقدم اي اضافة او تقرير يشد المتابع , حتى المعدات السيئة نفسها لم تتغير .!

اما قضية انهم مع الوقت يكسبون خبرة فهذا منطق خاطيء يا عزيزي , فمن غير المعقول أن تأتي بشخص يفتقد للموهبة وتضعه امام الكاميرا وتؤذي الجمهور بحجة انتظاره حتى يكسب الخبرة !! , فليذهبوا ويتعلموا اصول الاعلام أولا ثم يأتوا ويقدموا عصارة جهدهم ودراستهم وخبراتهم .

تحياتي لك

[محمد بن سليمان]

الثور يبقى ثور ،عمره ما يتغير من ثور إلى شيء ثاني

[ولد ال الزعيم]

بتوفيق لقناة الوطن

[Ti Amo Hilal]

رتوله وش دراك انتي غيرنا الشعار وحطينا شريط اخبار ملون :d:

[&هلالي مدريدي]

الحكومي صعب يتطور الا بالخصخصة حتى لو جزئيا
مايحتاج خصخصه لو يخلون عنهم لهط هدراهم انكان تطورت

[Β Ĩ Ş Θ Ń]

ع طوّل حكمتوا إنهم فاشليين !!
أعتقد قالوا إن بدايْة بطولة النخبه ..
"" بدايْة "" التطور مو نهاية التطور ..

صآدق ,
يآناس شوي شوي عليهـم
اذا بدآ الدوري وفتحوا القنوات الـ 4
احكموا

[N E V E S]

لاتعليق زي الناس ولا استوديو زي الناس ولا مذيعين زي الناس !

ومع ذلك يقولون تطورو !

[THE BLUE DEVILS]

];6417275']غيروا الشعار .. وش تبون بعد ؟

هههههههههههههههههههههههههههههههههههههههه


والله انك صادق عندنا تخلف في مجتمعاتنا العربيه

التطور عندنا تغيير الشكل الخارجي وليس المضمون

[فهد بن نايف]

http://img530.imageshack.us/img530/3819/screenshot1f.jpg



العالم كل مالها تحاول تصغر

من بنر النتيجه


وذولا مسوينها كبر وجيههم

[>المرعب<]

عن نفسي اشوف انهم بدأوا بالتغيير للافضل صراحه ... و ان شاء الله يكملون ونشوف القناة تنافس القنوات المتطورة خصوصا من ناحية الاخراج ... و لا يكتفون بتغيير الديكور بل نحتاج جودة في العمل مع بهاء الصورة ...
:yes:

[tutti]

لو يبغو يتطور يتغير راس القناه مدري ايش اسمه الغثيث عصام كمال الدين اللي ماله في الرياضه

وكان توقع التطور بيكون في الشكل الخارجي

[مجنوووون سامي]

الخشب طول عمره خشب

مانبي منهم غير الإخراج فقط

اخراج المباريات بشكل كبير

وعدم حجب جمهور او صوت جمهور

بحجه الميووووووووووووووووووووول

شكرا رتووله :br:

[ζ͡~ŦЯǾŪβĹЄMдk£Ř]

<TABLE cellSpacing=0 cellPadding=0><TBODY><TR vAlign=top><TD width="25%"></TD><TD noWrap align=middle></TD></TR></TBODY></TABLE>
هاذي قناه حكوميه يعني لا تتوقعون يجيبون شيء زي الناس

[السليك بن سلكه]

ههه
امس مراسل القناة وهو ذلك المراسل الغر الصغير
يسال حارس الوداد المغربي
وش رأيك بالجو احسن من جو الرياض وجده ؟!
هههه
وش دخل المغربي بطقس الرياض وجده
لو جاء من الرياض ولاجده
كان ينهضم السؤال
لكنه جاي من المغرب

[D e e m a]

^ ^
ههههههههههههه صدق قايله :d:

والله مافيه امل تتطور لو ايش بس نصبر ونشوف

[فديتني هلالي]

ربي يكتب لهم النجاح

[FIFA1]

الحكومي صعب يتطور الا بالخصخصة حتى لو جزئيا

اتفق معاااااااااااك نبغي جزء بسيط مانبغي اكثر
وياليت نشوف الحياديه بشكل اكبر

[only hilali]

اما عاد فيه برنامج في الرياضية يقدمونه نساء ؟؟!!!!!! انا توني اعرف صراحه والله اذا ظنوا ان هذا جزء من التطور فهي من وجهة نظري كارثة قسم بالله .... تخلف في تخلف والله العظيم الدعوى بنقلد و بس و مانعرف بعد نقلد الا في اللي ماله داعي ... الله يخلف علينا بس ....

[iM7mmd90]

مو مهم الشعار بقدر أهمية الاستديو وكاميرات النقل !

الغريب أمس شعار جديد وفواصل متطورة وبالاخير الاستديو التحليلي
بملعب المحالة مافيه أي مقومات للاستديو الناجح قل قاعدين بالمدرجات !

[ويلهمسون9]

ان تطوورو غيرو شكل القناه وشريط الاخباار
اتمنى انهم يشتروون كاميراات جديده
صوت المعلق كويس صفا مو نفس قبل
بالتوفيق

[rayan0099]

أنا أشوف ان هذا هو طريق التطور ,,
وبإذن الله مع الوقت يوصولن لنهايته ,, ثم يحق لنا نحكم ,,

هذي بدايه السنه ,, بطوله وديه
نخف عليهم شوي ,, :d:

[princess baro0o]

ههه
امس مراسل القناة وهو ذلك المراسل الغر الصغير
يسال حارس الوداد المغربي
وش رأيك بالجو احسن من جو الرياض وجده ؟!
هههه
وش دخل المغربي بطقس الرياض وجده
لو جاء من الرياض ولاجده
كان ينهضم السؤال
لكنه جاي من المغرب


^
^
^
ههههههههههههههههههههههههه من جد مو بصاااحي..اجل وش درى المغربي بجو الريااض..هع
قنـــــــــــــاة فاشله وما في امل تتطوووور

[*هلاليه والفخر ليه &]

وانتي صدقتي انهم بيتطورون سبق وقلتها اقص يدي اذا اتطورو

[ĸнαℓєɒ]

نرجي منه خير هم وهالتطور

[هنا الهلال]

التغيير شكلي فقط !

أما أساس المشكلة فلم يتم حله حتى الآن :

الصوت , الصورة , الإخراج , الإعداد , المذيعين , المراسلين

[M i s a~C h a n]

ههه
امس مراسل القناة وهو ذلك المراسل الغر الصغير
يسال حارس الوداد المغربي
وش رأيك بالجو احسن من جو الرياض وجده ؟!
هههه
وش دخل المغربي بطقس الرياض وجده
لو جاء من الرياض ولاجده
كان ينهضم السؤال
لكنه جاي من المغرب


هذا سؤال ؟؟ لا بالله تطورنا :Laugh0:

والله ثم والله ما رح يتطورون إذا جلسوا على طقة هالمذيعين ::( أجل جو أبها أحسن من الرياض :((

خطر على بالي ذا المقطع :d::d:

<object width="480" height="385"><param name="movie" value="http://www.youtube.com/v/NGMUUf2cJGE&amp;hl=en_US&amp;fs=1"></param><param name="allowFullScreen" value="true"></param><param name="allowscriptaccess" value="always"></param><embed src="http://www.youtube.com/v/NGMUUf2cJGE&amp;hl=en_US&amp;fs=1" type="application/x-shockwave-flash" allowscriptaccess="always" allowfullscreen="true" width="480" height="385"></embed></object>

[المدمر20]

مآبعـد بدأ الـدوري علشآن تحكمـون ..

[$ خـآلـد $]

وعليكم السلآم .,,’,,.

’،
’

http://img530.imageshack.us/img530/3819/screenshot1f.jpg

.
.

افـضل من أول


افضل وبكثييييير

[AL__HILALY]

الخشب خشب لو طلي بالذهب .

[ريتال]

منورين :wr:

[لمن يجرؤ]

ممكن سؤال
ليه الحكومي ما يتطور ؟

[only hilali]

ههه
امس مراسل القناة وهو ذلك المراسل الغر الصغير
يسال حارس الوداد المغربي
وش رأيك بالجو احسن من جو الرياض وجده ؟!
هههه
وش دخل المغربي بطقس الرياض وجده
لو جاء من الرياض ولاجده
كان ينهضم السؤال
لكنه جاي من المغرب


اللي انا فهمته ان مناسبة هذا السؤال اصلا لأن المغربي سبق و لعب في احد الانديه السعودية او انه زار السعودية قبل و زار الرياض و الدمام على مااعتقد عشان كذا سأله هذا السؤال... هذا والله اعلم :br:

[السجين بتهمة حب الهلال]

باختصار

لاتقول مافيه فلوس ,, الفلوس واجد


لكن المشكلة كالتالي

ميزانية القناة لو افترضنا مثلا 150 مليون ريال

140 مليون مناقصات ومباني ورواتب ولهف وسرق ورشاوي وبنود سفريات وانتدابات

9مليون تكاليف صيانة اجهزة

1 مليون شرهه للقناة يطورون نفسهم فيها

اخوي القناة حكومية يعني وسع صدرك ان تطوير

حالها حال اي قطاع حكومي مباني متهالكة وزرف وسرق عيني عينك

[*m.s*]

بصراحة انا اشوف اهم شي انهم يشترون كاميرات جديده واذا جلسوا على كاميراتهم القديمة خلهم يبلون تطورهم ويشربون مويته :d: ..

لكن ان شاء الله يجيبون كاميرات جديده وتصير القناة كذا :yes:



كاميرات جديدة على هالملاعب مافي منها فايدة بتطلع فضايح , التطور يبيله وقت وعندنا وقت بزيادة

هناك عوائق كبيرة وتراكمات من سنوات صعب انها تنتهي بسرعة

[osama_3]

الان استديو رايق في كل الرياضة :yes:

[مورينهوالسعودية]

ما نبيهم يغيرون الثيمات والفواصل نبي التغيرات تشمل وتجتث المعدين والمذيعين و المخرجين الفاشلين وتغير التقنية المستخدمة في التصوير والي تعود لـ ايام الثمنينات واستبدالها بـ كاميرا ديجتال hd ونفس الكلام على تقنيات الصوت والاضاءة .

اذا انتهيتوا من اصلاح هذه النواقص الاساسية اصلحوا النواقص الفرعية مثل الثيمات والفواصل وغيرها

[سآم9]

كاميرات جديدة على هالملاعب مافي منها فايدة بتطلع فضايح , التطور يبيله وقت وعندنا وقت بزيادة

هناك عوائق كبيرة وتراكمات من سنوات صعب انها تنتهي بسرعة




والله يا ms الشغله موب ذيك اللي تحتاج سنوات , انت ما تتكلم عن ظاهره بالمجتمع او عادات , يعني مثلا الملاعب الشغله كلها يشترون كاميرات جديده تقنيتها عاليه واظن الميزانيه ماهيب مشكله ابد + يجيبون طاقم وكادر محترف يعرف يشتغل ولو هي على السعودي موب مشكله يجيبون اجانب ويشتغلون معهم سعوديين مؤهلاتهم ممتازه لكن يحتاجون الخبره والعمل مع الوقت السعودي راح يتطور ويشتغل صح , مابي اطول لكن قطر افضل مثال على التطور في هالامور , قطر قبل 10 سنوات كيف كانت والحين ؟؟

:wr::wr:

[Mr. HILALI]

المراسلين و المعلقين أتمنى يشيلونهم كلهم >>> فشلونا

[شبيه الررريح]

يارجال أذا التطور في منظورهم غير الديكور وغير الجرافيكس فهذا فشل ذريع

[خالي من الهم]

بعد خروج art من السوق
لماذا لم تتم الإستفادة من كوادرها الرائعة...
نختلف كثيرا حول وليد الفراج
ولكنه قدم لنا إثارة ومتعة لم يسبقه لها أي أحد...
لماذا لم يتم التعاقد مع وليد وإعطائه الفرصة في العمل ومافيه مشكلة بنقول بإشراف صاحب السمو الملكي الأمير تركي بن سلطان:d:
صدقوني شيء يحز بالنفس.
لدينا مكونات الدوري القوي فلماذا لا نؤسس مشروع إعلامي قوي
سأذكر بعض الكوادر التي تتسابق عليها القنوات حتى لو إختلفنا معها بالميول.
وليد الفراج سلمان المطيويع عبدالعزيز البكر عادل الزهراني رجاء الله السلمي ماجد الحميدي بتال القوس كمقدمي برامج.
عبدالله العضيبي عبدالرحمن الدحيم عمار باحكيم مساعد ال محمود عبدالعزيز الجميعة ماجد التويجري كمراسلين.
عبدالله الحربي عيسى الحربين فهد العتيبي ناصر الأحمد كمعلقين.
خالد الشنيف فيصل أبو اثنين صالح الداؤود خليل الزياني نواف التمياط يوسف خميس عادل البطي كمحللين
وهناك أسماء ربما نسيتها
تخيلوا قدروا هالمواطنين وعمل مشروع إعلامي رياضي وأعطيت الفرصة لهم لتقديم عمل مميز وبحوافز ورواتب مناسبة هل سيهاجرون خارج الوطن وكأن أبناء المملكة من الإعلاميين يبحثون عن فرص عمل أفضل كإعلاميي شمال إفريقيا مع الأخذ بالإعتبار أنه لاتوجد لديه الإمكانات المادية عكس مالدينا...

صدقوني لو أنا رجال أعمال سعودي وأرى هالامال من الدولة لهذه الكوادر لاتسثمرت فيها ونافست على شراء الدوري السعودي مهما كلفني.
ربما أطلت في الكلام وربما بعض الأسماء لن تعجب البعض لميولها ولكن تبقى هذه وجهة نظي الخاصة التي شطحت بي كثيرا

[ولد ال الزعيم]

الله يعز الوطن بس ......