المساعد الشخصي الرقمي

مشاهدة النسخة كاملة : سؤال لطلاب جامعة الملك سعود

أسيره الحرمان
28/12/2002, 09:48
هااااااااااااي
ودي أسأل أي طلب او أي طالبة في جامعة الملك سعود كم مده الغياب بالمحاضرات علشان ينزل حرمان بالماده
بصراحه انا عندي مادة ثلاث ساعات غايبة فيها تسع محاضرات وماده ثانيه سبع محاضرات والا الحين ما نزل أسامي المحرومين بها المواد وخايفة ينزل لي حرمان قولو لي اذا كان بينزل لي حرمان ادبر لي أعذار قبل ماينزلون لي حرمان
وفيه مادة ساعتين غايبه فيها ثلاث محاضرات تعادل ست ساعات بعد هل الماده بنزل لي فيها حرمان ولالا
الله يعافيكم الي خبير بالغياب يقولي بينزل لي حرمان ولالا علشان اجيب لي أعذار
شابع بطولات
28/12/2002, 13:44
ابشرتس يالمجروحه وضعتس تمام :D


لان الحرمان 3 ساعات .. اذا كانت مقسمه على محاضرتين لتس ثمان غيابات والتاسعه دوري لتس عذر :angel:


اما اذا كانت 3 ساعات مقسمه على ثلاث محاضرات لتس 12 غياب والــــ 13 دوري لتس عذر :nrey:


اما اذا كانت ساعتين في محاضره واحده لتس 3 غيابات .. والرابعه دوري لتس عذر :nrey::angel:



الزبده اختي العزيزه .. لك 25% نسبة غياب فقط وبعدها حرمان يعني دوري لتس عذر :nrey:



وبالتوفيق للجميع ان شاء الله :yes:
ضنان الشوق
28/12/2002, 14:51
انا ماني خبيره في الغياب
بس الدكاتره والمحاضرين مايسمحون لاي طالب اوطالبه الغياب اكثر من 3محاضرات حتى لو كان لها الامكانيه بالغياب اكثر...

لان الاساتذه اشتكوا من كثر الغياب..لان فيه مواد يحق للطلاب والطالبات الغياب لاكثر من10 ايام
وش باقي في الترم؟؟؟
انتبهي يمكن منزلين اسمك وانت ماتدرين
او اسألي كل استاذه عن غيابك في مادتها عشان ماتتفاجأين بحرمانك يوم الاختبار..

او جعلهم مايشوفون اسمك خير شر..
برستيج
28/12/2002, 18:28
هلا بالمجروحه ..


اخوك يدرس ليلي .. والغياب عندنا ما فيه نصاب .. يعني غب على كيفك .. (himo)

واذا فيه خير الاستاذ .. يقول حتى اطلع برا .. :D:D

واذا جينا للجد ..

خللك مع كلام حبيبنا شابع بطولات .. :yes:

<<-- خريج سابق من الجامعه .. (himo)


وبعدين تعالي ..

ورى ما تشدين حليلك انتي ووجهك .. وتخلين عنك الغياب .. :mad: <<-- يمون الاخ .. :angel:


وحياك .. :yes:
يوسف الرشود
28/12/2002, 18:37
والله اقول دبري لك عذر وحاولي انك تكلمين الدكتوره .
عززوووز2006
28/12/2002, 19:38
هلا:
اخوي شابع البطولات عندي سؤال انا سالت دكتور ماده 3 ساعات
على 3 محاضرات قال لي مسموح لك ب 10 غيابات
عموما في الجامعه حضرت ولا ماحضرت منتب مستفيد شي
تضييع وقت على الفاضي
اذا ما حضرت احسن ياتنام ياتدور لك صرفه
---------------------------------------------------------
المتميز
28/12/2002, 20:04
وصل خبير الغيابات ويازين هالموضوع اللي يفتح النفس :D:D:D

شوفي في كل ماده مثل ماقال تلميذي في الغياب شابع "غيابات" :angel: 25% طبعا ماننسى ان هالترم فيه زيادة عدد ساعات ...

الماده الاولى فعلا ماعليك خوف اذا كانت ثلاث محاضرات اسبوعيا بس وصلتي لحد الحرمان في اي غياب اخر .

والماده ام ساعتين اللي هي من مواد الاعداد العام لا وضعك جيد فيها .

عموما نصيحه لكل الطلاب في الجامعات من اخوكم اللي بيقاعدون وماراح يتخرج :angel::angel::angel:....

احرصوا على الحضور في بداية الترم وفي اخر الترم اسحبوا عليهم واذا بتسوون مثلي لاتحضرون ابد بس لازم يكون عندكم كم وافر من النصب :kany:والاجاده في التمثيل وترقيص الدكاتره :sheto: وشعاري دائما ...

إذا اكرمت الطالب ملكته ........ وإذا اكرمت الدكتور تمرد
الطيرالهلالي
28/12/2002, 20:51
السلام..

اختي المجروحه خلك مع شابع البطولات :yes: وانتبهي تسمعين نصية المتميز .... تراه فارش مرقده في الجامعه وساحبها نومه ولا في امل يتخرج الا اذا ....:ignor: وسلامتك ;)
ســ9ــامــ9ــي
28/12/2002, 23:43
يازين هالموضوع :D:D ...

طبعاً ما أزيد على كلام الداجين شابع بطولات والمتميز :yuupy::yuupy: ...

لأنهم محاظرين كبار في علم الغياب عن المحاظرات ولا يهون محادثكم (rambo)(rambo)(rambo) ...

المعروف 25 % من المحاظرات لكل مادة يجوز النوم عنها :nrey::nrey: ...

وطبعاً النتيجة معروفة اذا تعديت النسبة فأنت محروم :ignor::ignor: ...

واذا اخذت نسبة الغياب بس فأنت حامل المادة لا محالة لأن دكاترة جامعة الملك سعود يكرهون الغياب اكثر من اسرائيل :slv::slv::slv: ...

ولكم تحياتي ...

أخوكم / سفر المرزوقي .
هاوي الهلال
30/12/2002, 10:59
هاااياات

بصراحه موضوع روعه يتعلق بالحرمان
خاصة حرمان الطفل من امه :q:

<==== فاهم غلط (himo)


الحين اللي ودي اعرفه سداح وبرستيج ليه رادين .. وهم حدهم ابتدائيه وليلي :req:

بس حركه رد سفروت .. لانه خبير في جامعة الملك سعود
بس فرع عليشه بوابه (( 3 )) (himo)(himo)



باااياات
خالد
(himo)
تحدوهـ البشـــــــــر
30/12/2002, 11:48
غيبي وماجاك علي بس تر ماعندك احد لاجامعه ولاغيرها خلصتي الجامعه وش صار اسم بس:sheto::sheto:




هاوي البوابه رقم (( 5 )) الي فيها النخـــــــل
اتحدا واحد عاطل مايعرفها :sheto::sheto::sheto::yes::yes:

كل واحد يروح هناك يحط المعروض كذا ---->:nrey:
الباش مهندس يوسف 15
31/12/2002, 12:20
في جامعه الملك سعود نسبة الغياب 25%

لكن مو كل الدكاتره يحرمون الطلاب

وعليك بنصيحه المتميز