أوباما (يعزم) ميدفيديف على برجر [الأرشيف]

مشاهدة النسخة كاملة : أوباما (يعزم) ميدفيديف على برجر

ريتال

28/6/2010, 01:45

السلام عليكم ورحمه الله وبركاته

http://www.alriyadh.com/2010/06/25/img/753333574039.jpg
استبدل الرئيس الأمريكي الغداء الرسمي في البيت الأبيض مع نظيره الروسي بدعوة إلى مطعم للـ(برجر)

http://www.alriyadh.com/2010/06/25/img/286745795498.jpg
في أحد مطاعم الوجبات السريعة في واشنطن

http://www.alriyadh.com/2010/06/25/img/828887843847.jpg
أصر أوباما بعد تناول الطعام على أن يدفع الحساب

http://www.alriyadh.com/2010/06/25/img/382857565156.jpg

http://www.alriyadh.com/2010/06/25/img/539098053823.jpg

http://www.alriyadh.com/2010/06/25/img/862499629348.jpg

http://www.alriyadh.com/2010/06/25/img/827088175876.jpg

http://www.alriyadh.com/2010/06/25/img/335685144889.jpg

http://www.alriyadh.com/2010/06/25/img/098353429116.jpg

تحياتي
رتوووووووووله

FBI ALHILAL

28/6/2010, 02:46

بساطه
لو عندنا كان حجزوا 50 مطعم عشان الطبخ و50 الاف ذبيحه

شكرا ريتال

iPhone

28/6/2010, 02:56

مادري عاجبني

صحيح انه رئيس احقد دولة

بس مدري احسه قمة التواضع ومايخلي شي بباله

حجازيه وهلاليه

28/6/2010, 03:50

كل هذا لاجل الترويج للمنتجات الامريكيه ... يعني مسوي فيها دعايه للهمبرجر الامريكي ::(

سآم9

28/6/2010, 03:55

بعيد عن هالموقف ..
اصلا هو شخص من وين جاء ؟
شخص بسيط في الاصل تعلم وكافح
وبالاخير نال ووصل لما وصل اليه :) ..

غـانِـم

28/6/2010, 05:16

كلمة السر

28/6/2010, 05:24

بساطه
لو عندنا كان حجزوا 50 مطعم عشان الطبخ و50 الاف ذبيحه

شكرا ريتال

زعيم_اسيا_7

28/6/2010, 06:15

اوباما ازحف واحد :d:

Dr. 2'S

28/6/2010, 07:18

أتوقع عشان يبسط علاقته مع رئيس الدولة اللدودة لأميركا ويبعدها عن الرسميات ..
العادة اثنين ياكلوا بمطعم وجبات سريعة " شعبي " أكيد بيكونوا أصدقاء وعلاقتهم ودودة وهذا اللي يبغى يوصل له أوباما حسب مافهمته من الصور .. والغاية تبرر الوسيلة ..
اللي عجبني - كالعادة - بشعوبهم هو اهتمام كل مواطن هناك بشأنه بعيدا عن اسم ومكانة من يجلس بالطاولة اللي بجانبه وعدم إشغاله عن تناول وجبته أو متابعة أمره الخاص .. مواطنين مو أنانيين مثلنا ..!
( اتكلم عن المواطنين وليس عن الصحفيين اللي يمارسوا عملهم )
لو فرضنا أن بمكان هالاثنين مثلا رئيس الهلال والبلطان .. كلنا بالمطعم راح نترك وجبتنا ونلصق أعيننا بهما وكأنهم بياكلوا بطريقة مانعرفها !! هذا إذا ماحرمناهم " بأنانية " من تناول الطعام من أجل التقاط الصور .. هذه حقيقة موجودة ويعاني منها المشاهير بحياتهم الخاصة وبأماكن وظروف لاتسمح بذلك !! ولكن هي " أنانية " المعجبين ..

شكرا ..

أعجبتني النظرة والله ..
للموضوع .

وبالنسبه للمطالع من عدمه ، أنا أشوفها بصراحه ثقافة .. - وراح أتكلم بعيدا ً عن النقطة اللي ذكرتها كونه شخصية هامة -
حنا مع بعضنا ماسلمنا وشلون عاد يسلم منا شخص مهم .

وين نشوف هالثقافة عندنا والحسد بدمنا .. بس نظرتنا لفلان وعلان ..
فلان جاب ، وفلان ودا .. فلان نجح ، وفلان رسب ..
السؤال هذا والتحري مو نبحث من خلاله عن الجواب الأيجابي اللي نهدف من خلاله أننا لو عرفنا أن فلان نجح راح نفرح له .
لا السؤال يجي بإيجابية بذريعة قدوم جواب لربما يكون إيجابي .. لكن فيه نية سيئة بالموضوع .
يوه نجح ، وليه نجح ؟ مو أنا وياه مذاكرين مع بعض وشوله ينجح :angel: مثل هالطريقة .

مافيه سالفه أنه كل واحد يهتم بنفسه يشوف وش هي اخطائه ويصلح بها ..
لا كل همنا وش سووا الناس .. ولا من الوقاحة نبي نعدل بهم ياخي خلونا نعدل بأنفسنا الحين .
حسد وتحري عن فضايح أعوذ بالله دولة مسلمين ما بها مسلمين أخلاقيا ً :power:

شطحت أدري لكن الموضوع مقلقني فعادة ً من فرط ما يحك تسبدك موضوعا ً ما بأقرب مجال له راح تسدحه بغض النظر عن توافقه مع المسرود .

أنا أتكلم عموما ً لأن هذا السائد عندنا فاللي يشوف أنه مو كذا ابدا ً
ما يحتاج يتكلم عن نفسه لأني أصدق أن فيه بذرات صالحة
لكن أرجع وأقول هذا الشيء سائد عشان كذا تكلمت عموما ً .

ويلي ويلي

28/6/2010, 07:24

والله شي حلو بس لاتغركم الصور تلقى برا كلو حراس

! ♥ 3zio

28/6/2010, 07:28

يعني تتوقعون بيخلون الرئيس كذآ
تلقون المطعم محوط كل حرآس ودوريآت وقلق ..

غـانِـم

28/6/2010, 10:10

مافيه سالفه أنه كل واحد يهتم بنفسه يشوف وش هي اخطائه ويصلح بها ..
لا كل همنا وش سووا الناس .. ولا من الوقاحة نبي نعدل بهم ياخي خلونا نعدل بأنفسنا الحين .
أولا هذا الرد تحت شعار " لن تشطحي وحيدةً ياتوس " :d:

لاحظي لما يجي سؤال شخصي محرج تكون إجاباتنا أحيانا بدلا من إجابة شخصية شفافة من واقع حياتنا بصيغة ( أنا أسوي كذا عشان .. أو مرة حصل معايا إنه .. أو أنا ممكن أقبل إنه .. إلخ ) .. لا .. بل تكون صيغة الجواب هي : ( والله الواحد لما يسوي كذا .. أو .. تشوف الواحد يروح المكان .. إلخ ) .. وماندري مين ذا الواحد المستتر ؟ :o

وهذا بسبب إننا تعودنا نتعامل مع حل مشاكل المجتمع بقاعدة ( إذا قام به فرد سقط الإثم عن الباقين ) وعدم استشعارنا بأننا ممكن نكون داخل المشكلة ( سبب أو ضحية ) واحنا ماندري ويمكن ندري ونكابر أو نظن بأننا نغافل الناس ..!

أعجبني كلامك واستطرادك http://www.alhilalclub.com/vb/images/icons/icon14.gif
:br:

[ إبـرآهيم ]

28/6/2010, 10:49

والله الفرق بينا وبينهم قسم بالله :angel:
ربعنا لو جا رئيس ولا شي سدحو قدامه 100 ذبيحه :angel:
لا وياليت يدفعون :d: .. تواضع يا أوباما :love: !

كـآريـزمـآ الهــــلآل

28/6/2010, 12:13

عندنا مسلمين بلا اسلام ,,

وعندهم اسلام بلا مسلمين ,,

Β Ĩ Ş Θ Ń

28/6/2010, 12:29

فـــــــله :kany:

بس تخيلوا انـه المـلك عبـدالله !
كآن يفضـون المطعـم كلـه والحرآس يملون المطعـم من دآخل ومن بـرآ ,
هـذا ان مآسكـروا الشـآرع :d:
الله يطول بعمـره :heart:

Dr. 2'S

28/6/2010, 13:38

أولا هذا الرد تحت شعار " لن تشطحي وحيدةً ياتوس " :d:
:br:

:d::d::d: نبي نفتح موضوع برا أجل ..

لاحظي لما يجي سؤال شخصي محرج تكون إجاباتنا أحيانا بدلا من إجابة شخصية شفافة من واقع حياتنا بصيغة ( أنا أسوي كذا عشان .. أو مرة حصل معايا إنه .. أو أنا ممكن أقبل إنه .. إلخ ) .. لا .. بل تكون صيغة الجواب هي : ( والله الواحد لما يسوي كذا .. أو .. تشوف الواحد يروح المكان .. إلخ ) .. وماندري مين ذا الواحد المستتر ؟ :o

بالضبط ، من كثر ما أحنا محاصرين بنظرات بعض وتربص بعض صرنا نخاف من الصراحة .
بغض النظر عن أن هالخوف مصدره : نقد وَ لا خوف من حسد ، ولا الكتمان اللي ما أحد يجيده .
فيه خوف من الصراحة ، مو شرط يكون محرج احيانا ً تكون اسئلة سخيفة جدا ً ، ما نقدر نجاوبها من غير تردد .

نخاف نخسر العالم إذا صارحناهم ليش ؟ لأن المجتمع عودنا كذا أي فكرة تقولها وتخالف رأي المستمع يوه راح يعادي شخصك .
شوف نقاشاتنا اصلا ً ،
خلني أتكلم عن الشبكة : أدخل بواحد من النقاشات ، وأكتب ردك بكل صراحه .
وشوف وشلون اللي كانوا أصدقاءك بس أنهم غير فكرتك راح يعادونك وفجاءة بتلقى الغالب قالب عليك ، عشان وشو ؟
عشان صراحة ..
طيب ياناس عادوا الفكرة وش دخل الشخص ؟ .
وَ الفكر هنا يقتل التشكيك يا نكون كلنا غلط أو نكون كلنا صح ، هذا اللي يبونه .. < = دخلنا على موضوع ثاني:yees:
مافيه واحد يجيك يقولك طيب ليه قلت كذا ؟ تتوقع لأن كذا ؟ ولا كم سؤال تحس من وراهن راح يفكر بوجهة نظرك ..

وحتى لو عندك كامل المعطيات والأدلة اللي تجعلك في اقتناع تام بفكرتك ما أحد يدعم هالفكرة لو على الأقل باحترامها مانبي تأييد بقدر مانبي احترام للرأي والفكرة .
خلاص يا جماعه تنازلنا عن احترام الفكرة ، بس نبي احترام الشخص :power:

وهذا بسبب إننا تعودنا نتعامل مع حل مشاكل المجتمع بقاعدة ( إذا قام به فرد سقط الإثم عن الباقين ) وعدم استشعارنا بأننا ممكن نكون داخل المشكلة ( سبب أو ضحية ) واحنا ماندري ويمكن ندري ونكابر أو نظن بأننا نغافل الناس ..!
:yes::yes:
عاد أني بفهم كلامك من زاوية ثانية إذا ممكن يعني :

الدين ما أخذنا منه إلا فرض كفاية وياليتنا طبقناه بالمكان الصحيح :power:
وبالضبط المجتمع جلف وين تبيه يستشعر بالثانين ..
هنا الغالبية لاهمهم مشاعر خلق الله ، ولا همه يخفف من وطيئة الصدمة اللي تلاقاها خويه .
بس همه لا أحد يتفوق علي ..
عاد ياليت الباحثين عن التفوق ، يتفوقون يضيعهم الحسد .. من كثر ما يبغى الموضوع له بس
ما يتوفق .:d:

أرجع أعيد ع ثقافة المطالع ، ياخي ما أدري ليه بس السعودية عندهم المطالع هواية مدري عشق مدري وش السالفه ، المهم أني بحياتي ماشفت عالم تطالع مثلنا ..
الكويت أقرب شيء لنا - وأنا على فكرة لا أنتمي للكويت لكن الحق يقال - بس مابها مثل المطالع اللي عندنا ..
أنا الموضوع هذا مأرقني.. ذاك اليوم بالمستشفى خويتي جايه شوي وتبكي تقول :
توس لهالدرجه شكلي مصخره ؟
قلت لااا !! .. قالت طيب ليه كل مامريت أحد يطالع
قلت بس ثقافة الشعب :sui: ..
بس يطالعون بس يطالعون .. يدق جوالك كل اللي بمحيطك يطالع لك وشوي يخش بالشاشة .
تسولف مع اللي معك كلهم يشبكون .
أقسم بالله تعب ، بلاك بيري ماحبيته إلا عشان لزقه الشفاحة .
< دعاية لقسمك :power:

:
قبل سنتين تقريبا ً ، كنا بمول أنا وأختي وقررنا من دخلنا المول أننا مانطالع بوجه أحد :power:
كنا نبيها عادة ، خلاص نخلص شغلنا ونطلع من غير ماتطيح عيننا بعين أحد .
لأن الهدف شراء ورجعه بس .. ومالنا شغل بالناس . :power:
عاد وحنا وبالسوق إلا نسمع صوت طفل يبكي بكاء مزعج ::(
المهم : وحنا بنفس المحل اللي قريب منه صوت الطفل وأختي تقول قلنا مانطالع هاه ؟
وشوي أنا ببالي أشوف وش السالفه :d: ..
البكاء مو طبيعي :power:
وهي تقول توس مااانطالع تذكري عشان نصير راقين :power: أخر شيء استسلمت ما نقدر ما نقدر .. هذي مو عادة .
هذي ثقافة شعب كامل مستحيل تندثر يوما ما ً :power:
سلمت أمري لله .

شطحت بهالرد إذا فهمت على ربطي كان بها وإذا مافهمت علي ما ألومك والله :br:
شكراً لك فتحت لي أفق :br:

MALDINI.

28/6/2010, 13:51

الطباااخين + الزبااين ,, كلهم حرس :d:..

بس حلوهـ البسااطة ..

هلالي الغربه

28/6/2010, 15:22

مااعتقد انها واقعية
اتوقع كل اللي في المطعم مباحث وعسكر بلبس مدني
بعيد عن الاعجاب فيه اعداء
فماراح يتركون رئيس دولة بالشكل هذا

وجهة نظر
:br:

بيروتي الهلال

28/6/2010, 15:22

بعيد عن هالموقف ..
اصلا هو شخص من وين جاء ؟
شخص بسيط في الاصل تعلم وكافح
وبالاخير نال ووصل لما وصل اليه :) ..

Ti Amo Hilal

28/6/2010, 16:22

مااعتقد انها واقعية
اتوقع كل اللي في المطعم مباحث وعسكر بلبس مدني
بعيد عن الاعجاب فيه اعداء
فماراح يتركون رئيس دولة بالشكل هذا

وجهة نظر
:br:

:yees:

$ الفارس الهلالي $

28/6/2010, 17:49

مااعتقد انها واقعية

اتوقع كل اللي في المطعم مباحث وعسكر بلبس مدني
بعيد عن الاعجاب فيه اعداء
فماراح يتركون رئيس دولة بالشكل هذا

وجهة نظر

:br:

ماجد التميمي

28/6/2010, 18:37

هذي الحرية على اصولها

مجنون بحبكم

28/6/2010, 22:10

مو صاااااااحي ذا الخااااال مهبول
شوفوا ذا المقطع http://www.youtube.com/watch?v=X1TxMKaYHYA

10 الموهوب 10

2/7/2010, 22:41

الطباااخين + الزبااين ,, كلهم حرس :d:..

بس حلوهـ البسااطة ..

يا عيني عليك :yes:
يعني بالعقل رئسين لأكبر دولتين بيتعشون في مطاعم البخاري حقتهم زي السلام عليكم :kany:
وين راحت الإحتياطات الأمنية هي زي ما قال أخوي غانم عشان يضبط العلاقة مع روسيا والرئيس الروسي وعشان يسوي لنفسه دعايه عند الجمهور والعامة

M7mad_9

2/7/2010, 23:26

قبل 3 ايام تقريبا او 4 كنت جالس في النادي امشي على السير واشوف عيسي المحياني وراي جالس يتدرب ع الدراجه

واوووول شي اذكرت هذا الموضوع :d::d::d:

والله طبيعي عاتي مافيه احد راح له ولا شي ولا فيه احد جاهـ نهائيا !!

انا كان ودي اخلص من السير واروح اقول له والله اني احبكـ :heart:

بس قهر الادمي خلص ومشي :fi:

ياحبني له بس معاهـ زي سيارتي ذوق الهلالين واحد :kello::kello:

براق

3/7/2010, 00:59

ههههههههههههههههههههههههه
اوباما مسوي كريم هو ووجهه

ميمو & سوسو

4/7/2010, 02:03

هلآلي جوه خيآلي

4/7/2010, 02:56

سبحان الله
غريبه والله شكله اي مواطن عادي
موب كنه رئيس الدووله
بس اتوقع ان هاذي الصور صارت قبل
لايستلم الرئاسـه الامريكيـه

ولــ مكه ــد

5/7/2010, 15:29

مادري عاجبني

صحيح انه رئيس احقد دولة

بس مدري احسه قمة التواضع ومايخلي شي بباله

valdivia 10

6/7/2010, 15:17

Blue Wolf.

6/7/2010, 17:58

بساطه
لو عندنا كان حجزوا 50 مطعم عشان الطبخ و50 الاف ذبيحه

شكرا ريتال