اشتراك قنوات الجزيرة لكاس العالم

[عبدالله1]

ابسال ياشباب ابي اشترك في قنوات الجزيرة الباقة الاساسية وباقة كاس العالم بكم سعرها في ست شهور ووين الموزعين المعتمدين او ارقامهم اتمنى الرد سريعا لاني ناوي اشترك اليوم وهل اقدر اشترك في باقة كاس العالم فقط اذا مااشتركت في قنوات الجزيرة الاخرى واشاهد كل كاس العالم فيه

[مــشــمــش]

اشتراك جديد بـ 720 ريال سنة كاملة ومااظن فية ستة شهور

واذا بتضيف كأس العالم بـ 420 ريال

وما تقدر تأخذ كأس العالم لحالة لازم الباقة كاملة.

[5 نيسان]

بلى تستطيع أخذ كاس العالم لحالها

[MATRIX]

كاس العالم لحالها 300 ريال

[Barcelonista]

كاس العالم لحالة وأنت ماإشتركت بـ 420 أتوقع ..

[Kb24]

إذا تبغى تشترك 6 شهور مع كأس العالم بـ 130 دولار

عندك بطاقة وتبي تضيف كأس العالم بـ 100 دولار

تبي بس كأس العالم بـ 300 ريال < ماني متأكد من هذه ..


تبغى تشترك وتصير تتفرج عن طريق النت - موقع الجزيرة - = 50 دولار ..

وتقدر تزور هالرابط تتأكد


http://www.aljazeerasport.net/memebership/2010/03/20103414611811353.html

[Kb24]

اشتراك جديد بـ 720 ريال سنة كاملة ومااظن فية ستة شهور

واذا بتضيف كأس العالم بـ 420 ريال

وما تقدر تأخذ كأس العالم لحالة لازم الباقة كاملة.



معليش إسمح لي ياخوي كل المعلومات اللي كتبتها أنت غلط ..

أول شئ فيه إشتراك 6 شهور .. والإشتراك أبو سنة ما أدري كيف صار بـ 720 ريال ..

بالنسبة لإضافة كأس العالم بـ 375 ريال ( = 100 دولار ) ..

ويقدر يأخذ كأس العالم لحالها :rolleyes:

أتمنى اللي ما عنده معلومات مؤكدة على الأقل من الموقع لا يوّرط الرجّال ..


http://www.aljazeerasport.net/memebership/2010/03/20103414611811353.html

[5 نيسان]

بالنسبة لإضافة كأس العالم بـ 375 ريال ( = 100 دولار ) ..

ويقدر يأخذ كأس العالم لحالها :rolleyes:





بالنسبة لكأس العالم لحالها أصبحت من يومين بـ 80 دولار فقط بعد أن كانت بـ 100 دولار . . مع الأخذ بعين الاعتبار أنه في هذه الحال لن تعمل عنده قنوات الـ hd +3d


لكن المشكلة بالحداد اللي يقول : حتى الآن ما جاني شي عن التسعيره الجديدة هذي

[Kb24]

بالنسبة لكأس العالم لحالها أصبحت من يومين بـ 80 دولار فقط بعد أن كانت بـ 100 دولار . . مع الأخذ بعين الاعتبار أنه في هذه الحال لن تعمل عنده قنوات الـ hd +3d


لكن المشكلة بالحداد اللي يقول : حتى الآن ما جاني شي عن التسعيره الجديدة هذي



أنا اللي فهمته إن اللي بـ 80 دولار لغير المشتركين فقط .. اللي يبغون

كأس العالم بس بدون أي إشتراك وما معهم إشتراك سابق .. يعني يعطونه

كرت يشغل كأس العالم وبعد البطولة خلاص يفصل :rolleyes: هذا اللي فهمته ..

[5 نيسان]

يسر إدارة الجزيرة الرياضية، وتلبية لرغبة الجمهور الكريم، وتسهيلاً لمشاهدة بطولة كأس العالم والتي باتت على الأبواب، وللوصول لأكبر عدد ممكن من الجمهور العربي، أن تعلن عن الأسعار الجديدة المخصصة لقنوات كأس العالم الثلاثة (+9 و +10 و قناة كأس العالم wc) مقابل 80$ أميركي أو ما يعادلها في دول الخليج، و 75$ في بقية الدول العربية، سواء تعلق الأمر بشراء بطاقة جديدة لمشاهدة كأس العالم أو لإضافة هذه الخدمة على البطاقات السابق شراؤها.
أما الراغبين في الحصول على الباقة الكاملة التي تضم، إضافةً إلى القنوات الثلاث التي سبق وذكرناها، قناة الجزيرة hd والجزيرة 3d، فلا زال سعر الحصول عليها يعادل 100 دولار.
مع العلم بأن البطاقة الجديدة ستعمل حتى نهاية كأس العالم في 11/7/2010 فقط.

[Kb24]

^

أجل كلامك صحيح .. أنا للأسف جددت بطاقتين قبل فترة بـ 200 دولار :(

وانا ما أحتاج قنوات الـ hd والا 3d لأن ما عندي رسيفر hd ..

يالله إن شاء الله خيرة ..

[زعيم المزاحمية]

^^
الا انت يالنماصي ماتفزع لي انا اضفت اشتراك كاس العالم من امس والى الحين مااشتغلت :slv:

ولله الاخلاق زفت

[Kb24]

^

أخوي له حول شهر .. تحمد ربك :wr1:

[زعيم المزاحمية]

^^
<<<تحطم من شي اسمه اشتراك كاس عالم صاير مثل الموسوس يتفرج في خط احمر لاتوجد اشاره يحتري تجي اشاره وخاصة ع قناة سبورت 9 :cry:

<<بيسوي نفسه ناسي هالازعاج كود انها تشتغل انا مااقول الله يهديكم ياحبيب قلبينا الخليفي :wello:

ولله يابونماصي كان اخوك له شهر خلنا نسوي انفسنا مانبي الاشاره تجي وكل شوي شطف القناة وكني ماشفتها كودها تشتغل :la:

[موج دمي]

الجزيـــره كاتبين اعتذار عن عدم تحميل برنامج الاشتراكات للضغط الهائـــل .. :(

لكنهم يؤكدون أن الامور في طريقــها للحل :)

اللهم لك الحمد والشكــر .. الدريم بوكس عالم من اختياري :heart:

[عبدالله1]

يالربع وين الموزعين اللي في الرياض وهل على طول اجيب البطاقة وتشتغل ولا لازم برمجه ويمكن تشتغل اوويمكن لا
مشكورين على الردود

[Barcelonista]

أعرف يالغلا واحد بـ شارع الستين إسمه الحداد ،

وماأعتقد تحتاج برمجة

[عبدالله1]

شارع الستين اللي في الشفا او في الملز ووين موقعه بالضبط وهل هو معتمد

[5 نيسان]

يالربع وين الموزعين اللي في الرياض وهل على طول اجيب البطاقة وتشتغل ولا لازم برمجه ويمكن تشتغل اوويمكن لا


مشكورين على الردود



رح للحداد فرع سوق الاتصالات بالمغرزات أو فرع شارع التخصصي جنب اليورومارشية . . ولازم يفعلك البطاقة . . وإذا كان فيه ضغط بيقولك مافيه تفعيل حتى الآن لأن لهم حد معين للتفعيل يوميا . .

بشكل عام لاتشتري من محل ويقولك رح ونفعلها لك لاحقا أو خلال الساعات القادمة . . لازم تفعلها من المحل اللي شريتها منه ويشغلها قدامك

[khaled20]

نصيحة اشتر لك دريم بوكس وبترتاح

جميع قنوات الجزيرة والشوتايم وغيرها من القنوات المشفرة

250 ريال ل ست شهور
400 ريال ل سنة
هذي تجديد الاشتراكات طبعا
و650 او 700 ريال لجهاز الدريم بوكس وباشتراك

لاتفوت الفرصة