اقتراح .. ينتظر التأييد .. ((خاص بمنتدى الفنون والتصاميم)) ..

[السعلو]

السلام عليكم اعزائي الاعضاء ..

بصراحة .. انا لاحظت زي ما لاحظ الكثير منكم ان منتدى التصاميم نايم:N: هاليومين .. ما ادري

وش صار له :confused: .. على العموم انا فكرت بفكره ان شاء الله انها بتحرك المنتدى .. وهي اني ابسوي

مسابقة فيها سؤالين او ثلاثه .. والفايز فيها .. يحصل على توقيع من تصميمي .. طبعا الاسئلة

راح تكون متعلقة بالتصاميم والكمبيوتر .. يعني اللي عنده خلفية بسيطة عن الكمبيوتر يقدر يجاوب

عليها ..

اللي ودي اشوفه منكم الحين .. التأييد .. او الاقتراحات بخصوص هذي المسابقة ..

وتكفون .. ما ابيكم تفشلوني ابي كل واحد يدخل يبدي رايه .. حتى لو كان معارض للفكره ..

وتقبلوا تحياتي .. السعلو ..

[شــقــراويـه]

هلاااا اخوي السعلو ..

والله من ناحية ان المنتدى نايم فهو مغبر من كثر ماهو نايم :yuupy:

عالعموم فكرتك حلووه .. وانشاء الله تلاقي التأييد ..

وفيه فكره ثانيه سويناها بالمنتدى قبل مده طوييله ..
وهي شبه لعبه .. طريقتها سهله خصوصا للي يعرفون في التصميم حتى لو الابجديات ..
فكرتها هي :nrey:
ينزل اول شخص يدخل اللعبه صوره .. او خلفيه مبدأيه .. بعد كذا يجي اللي بعده ويضيف عليها إضافه واحده ..او يدخل عليها صوره .. بحيث مايتعدى تعديل واحد .. وبهالطريقه الين مايكمل التصميم .. يعني يكون تصميم جماعي .. وبعدها نبدا بصوره ثانيه ....الخ ..

اتمنى تعطيني رأيك بهالفكره .. لأننا قد جربناها وكانت ممتعه وحركت المنتدى بشكل كبير ..

سلاااااااام :)

[شقراوي]

فكره حلوووووووه يالسعلووو

[الشاطر]

مرحبا السعلو

ياخي انا قد اقترحت انه يتم تحويل منتدي التصاميم لمواقف سيارات بدال ماهو مضيق علينا بالفاضي:D

ونحول زياد لمدير عام للشبكه وشقراوي يغسل السيارات:angel:


عموما هو اقتراح بالفعل رائع وهالركود مانبيه ولانرضى فيه

وانا مؤيد وبشكل كبير;)

[السديراوي]

هلا سعلو ..

و الله اقتراح منتاز .. بس لازم أنت تتابعه بنفسك عشان ( يرى النور ) :):) ..

و لا يهون اقتراح الأخت شقراويه .. بس المشكله الذوق عند بعض الناس خيااااااالي و أخاف أنه

يخرب التصميم .. :)



تحياتي للجميع ..
خالد ..

[3azoz]

:yes::yes::yes::yes:
لا الفكرة قووويه يالسعلو ولا تهون شقراويه وفكرتهااا
وان شاء الله تبي تلقاء اقبال عالفكرة...

يالله بس خل نحرك هالمنتدى ال:sheto:

[Abooooodi]

أهلين أخوي السعلو بصراحه الفكره ما أيدها :( لأن منتدى الفنون والتصاميم بطبيعته أنه يعلق لوحات الأعضاء وأستفسارات الأعضاء عن التصاميم فقط يعني مخصص لتصميم بعكس منتدي الكمبيوتر أنه يتكلم عن جميع البرامج ويحل جميع مشاكل الأعضاء من ناحية أسألتهم في الكمبيوتر ومنتدى العام نفس الشي ألاحظ أنت تقارن المنتدى الفنون والتصاميم مع المنتديات الموجوده في موقع الهلال :confused: فشي طبيعي أنه يكون المواضيع فيه قليله شوي :rolleyes: وغير كذا أن الوقت الحين كله أختبارات وغير هذا كله أن أعضاء الموقع تقريباَ 4400 يعني ماراح يصفى منهم إلى قليل ينعدون بالأصابع إلي يصممون لذالك أنت عط الموقع بأنه يزيد أعضائه ويزيدون المصممين وراح يصير منتدى الفنون والتصاميم حلو ونشيط أكثر من أنه حلو الحين

وبصراحه ماتركب ولا يجي منتدي أسمه ( منتدى الكمبيوتر والتصاميم ) :req: تحسها تلفيق ماقد دخلت منتدى أسمه بهذا الأسم أنا أرشح مجدر ترشيح أنكم تخلون المنتديات كما هي وكما أنشئاة مع نشأة الموقع

طبعاَ هذي وجهة نضر فقط لا أكثر ولا أقل

بـــــ:slv:ـــــاي

:noo:

[العملاق الأزرق]

والله يا خوي المواضيع جابت لي ((ربو... ؟؟ ))
من كثرة ما هي قديمة
وإذا غبت أسبوع وجيت ألقى ما في إلا موضوعين ثلاثة بالكثير وما فيه حركة بالمنتدى ذا
من بد المنتديات الأخرى
أما بالنسبة للأقتراحك فهو اقتراح خيالي حلووووووووووو
بس يا ترى تقدر تسوي تصاميم وتواقيع والا تتكاسل............... ؟؟؟
..
.

[زيـziyadــاد]

فكره جدا جدا رائعه..

بس يالغالي مين راح يتولاها؟؟

عموما انا انتظر منك ايميل يحمل كافة التفاصيل

zad2u@hotmail.com

وانا من ناحيتي مؤيد للفكره تمااااااااااماً

ziyad

[السعلو]

السلام عليكم .. اشكركم كلكم على ردودكم وابداء وجهات نظركم ..

شقراويه : والله الصدق فكرتك حلوه جدا لكن مشكلتها ان فيه اضافات يمكن تخرب التصميم مثلا .. ولكن ما يمنع اننا نجربها .. انتي سوي موضوع عن هالفكره .. وان شاء الله تلقى نجاح وما يمنع انها تكون مع المسابقة في وقت واحد ..
______________________

شقراوي : انت احلى ;) .. وان شاء الله الفكره سترى النور قريبا ..
______________________

الشاطر : فكرتك حلوه ان حنا نقلب المنتدى بس المشكلة ان موضوعي بيطير .. عشان كذا انا ارفض :D .. والف شكر لك على التأييد :yes: ..
______________________

السديراوي: الف شكر لك على التأييد .. وكلامك صحيح :yes: ..
______________________

3zoz: شكرا على التأييد .. وان شاء الله راح يتحرك المنتدى ..
______________________

Abooooodi: نعم المنتدى هذا لكل اللي قلته .. وترا اللي قلته موب شوي .. انا معك ان هالمنتدى ما يصير زي منتدى الكمبيوتر .. لكن الاسئلة في التصاميم او عرض التصاميم شي مهم جدا وهذي غالبا ما تكون كثيرة وتحتاج منتدى خاص .. لكن الركود الحين في المنتدى غرييب مرره .. وهذا السبب هو اللي خلاني احط فكرة هالمسابقة .. وان شاء الله تعجبك اذا شفتها ..
______________________

العملاق الأزرق : اخوي العملاق .. لو راح اتكاسل في التصميم ..ماكنت ابحط هالموضوع يعني ما حطيت هالموضوع الا لتفرغي الكامل الحين .. وان شاء الله بعدين راح اخصص وقت لتصاميم الاعضاء حتى لو انشغلت .. يعني لا تشيل هم من هالناحيه ..
______________________

زيـziyadــاد : الايميل ان شاء الله انه وصلك وفيه التفاصيل ..

الف شكر لكم مره اخرى على الردود ..

وتقبلوا تحياتي .. السعلو ..

[شرقاوي ازرق]

اوكي يا السعلو قو اهد .....

بس بحبح الجوايز حبتين ومن ناحيتي انا اساهم في اشتراك انترنت :)

خلينا نشوف المواهب المدفونة....