المساعد الشخصي الرقمي

مشاهدة النسخة كاملة : ساعة صفــــــــــــــــــــــا لشايبين من القصيم

ابوحصة
17/1/2002, 23:03
قصمان في ساعة صفـــــــــــــــــــــــــــــــــــــــــــا
ابوصالح جالس مع ابوراشد بعد صلاة العصر يسولفون ويقطعون الوقت،
تنهد ابوصالح وقال: افكر في هالدين العظيم اللي طلع من مكة
المكرمه وصل الى
اخر الدنيا!!! قال ابوراشد: ايه والله انك صادق يا بوصالح، قال
ابوصالح: بس
لايهمونك دين اهل اسيا الوسطى واوربا والله مالهم من الاسلام الا
اسمه!! رد
ابو
راشد: والله انك صادق (بالعاميه) يا بوصالح! واضاف ابو صالح ولا دين
ها
الاشوام
والله دينهم ماهوب اللي انت تبي يا بو راشد!!! فرد ابو راشد: والله
انك صادق
يا
بو صالح!! قال والا هالافارقه والمصاريه والسودا نيين متصوفه مبتدعه ماهوب
والله هم والاسلام والايائف!!! قال ايه والله يا بوصالح انك صادق!!
قال
ابوصالح
ان بغيت الاسلام في ها الديره (السعوديه)، قال ابو راشد ايه والله انك صادق يا
بوصالح!! فرد بتنهد ابو صالح: والله ماهوب دين كل اهل هالديره على اللي تبي يا
بو راشد!! اهل الجنوب اهل بدع وزيدية واسماعلييه مالهم من الدين الا اسمه!!
قال ابو راشد ايه والله انك صادق يا بو صالح!! واضاف ابوصالح: والا اهل الشرقية
رفضة وشيعة والله ما خذوا من الاسلام الا اسمه!! واهل الحجاز مبتدعة صوفية
ماهوب والله اللي انت تبي يا بوراشد!! واضاف ابو صالح: ان بغيت الدين والله في
نجد والباقين خلهم على يسراك (شمالك)!! والله انك صادق يا ابوصالح!! اضاف
ابوصالح والله بعد ماهوب كل اهل نجد دينهم على اللي تبي!! اهل الرياض واللي
حولها شرابين للتتن ويشوفون الدش والله مادري عن دينهم يا ابوراشد!!! لكن
لابغيت الاسلام تراه عندك بذيا بالقصيم!!! رد ابو راشد والله انك صادق
يابوصالح!! فاضاف ابوصالح والله ماهوب كل اهل القصيم دينهم على اللي انت تبي
اهل عنيزة واللي حولها يبعون التتن ويلبسون كبك والدشوش مليانه با السطوح!!!
ان بغيت الدين والله تراه بذيا عندك ببريده!! رد ابو راشد والله انك صادق
يابوصالح!!! واضاف ابوصالح والله ماهوب دين كل اهل بريده على اللي انت تبي!!
طلعت هالاستراحات ومايندرى من اللي يشوف الدش ومن اللي مايشوفه ان بغيت الدين
كما انزل ترى في حارتنا بذى!! قال والله انك صادق يا ابو صالح!!!
قال والله
بعد
ماهوب كل اهل الحارة على اللي انت تبي اشوفهم يسحبون رجليهم للمسجد تقل انهم
مغصوبين على الصلاة!! والله مابوه في الحارة الا انا وانت يابوراشد!! رد ابو
راشد والله انك صادق يابوصالح!! اضاف ابو صالح: والله اني اشوفك مانتب تخشغ في
الصلاة يابوراشد!!!!!
الرجاء عدم الفهم خطاء مجرد مداعبة‍‍ ‍‍‍‍‍‍‍‍‍‍‍‍‍‍‍
نجم الصبح
17/1/2002, 23:16
على الرغم من طرافته ...
إلا أنه قريب من الحقيقة والواقع ...
وسلم لي على أبو راشد وأبو صالح ...- لا تنسى - :D

الله يعطيك العافية أخوي :)
3boud
17/1/2002, 23:59
هههههههههههههههههه

الله يرجك...و الله انها فعلا طريفة و معبرة
الشاطر
18/1/2002, 18:07
هلا فيك ابوحصه


طرفه جميله جدا ولاتتعدي كونها طرفه


لاني قصيمي:)
TOTTI- 10
18/1/2002, 18:22
ههههههههههههههههههههههههههههههه

الله يرجك يا ابو حصه

:D :D :D :D :D :D :D :D
جـــلال
18/1/2002, 18:32
رائع كروعتك الدائمه ياأبو حصه..

بس ماشاء الله على أبو راشد وأبو صالح..

بدا مشوارهم بالعالم كله وانتهى بحارتهم..

بصراحه قصه (عصفوربن بحجر)

طرفه وعظه..

الله يعطيك العافيه ومشكور يالغالي..
ابوحصة
18/1/2002, 20:40
نجم تراها قويه واخر المطاف صفت على واحد بسبب الثاني عنده امور مهيب زينه
وبس وش دراه انه مايخشع في الصلاة:D :D :D :p :p :p
ميلاد
19/1/2002, 16:00
المفروض ابوصالح وابوسليمان على اساس انهم قصمان
اما الخشوع شكله قاط معه في الصلاة ههههههههههههههههه
عاشق العثرات
19/1/2002, 16:57
ههههههههههههه انواع الرجه فيي ذا الشايب .. جاك من وسط اسيا لين وصل حارتهم وفي الاخير مدح نفسه ..:D :D ههههههه



ولك تحياتي على الموضوع الرائع ...