(( أم نواف )) تطالب إدارة نادي الرائد بمنحها العضوية الشرفية ؟!! [الأرشيف]

مشاهدة النسخة كاملة : (( أم نواف )) تطالب إدارة نادي الرائد بمنحها العضوية الشرفية ؟!!

رسّــاوي

4/1/2010, 18:03

بــســم الله الــرحــمــن الــرحــيــم ..

لتكون أول امرأة تخوض المجال الرياضي في السعودية
"أم نواف" تطالب إدارة نادي الرائد بمنحها العضوية الشرفية

فاجأت مشجعة منتمية إلى نادي الرائد السعودي جماهير الفريق بعد أن طالبت مؤخراً بمنحها العضوية الشرفية لناديها واعدة بأن تكون عضو شرف داعم للفريق في الفترة المقبلة بحسب ما ذكرت لصحيفة "الشرق الأوسط" اللندنية، في تقرير للصحافي عادل الونيان الاثنين 4-1-2010.

وستكون "أم نواف" كما فضلت أن يتم الإشارة إلى اسمها في الصحيفة أول عضو شرف نسائي في الأندية السعودية في حال ما إذا وافقت الرئاسة الامة لرعاية الشباب، على طلبها، وقالت "أم نواف" في الصحيفة: "سأقدم دعماً مالياً مستمراً لرئيس مجلس الجماهير الرائدية لتأكيد الوقوف مع جماهير النادي التي تعتبر الرقم الصعب في مسيرته، ووهذا من منطلق ولائي وانتمائي الكبير لـ"رائد التحدي"، في ظل هذا العزوف الكبير من أعضاء الشرف عن الدعم المادي لإدارة الرئيس فهد المطوع، الذي قدم الكثير من الأموال التي من حسابه الخاص على النادي، وهو ما لا يليق بنادي كبير يزخر بعدد من أعضاء الشرف الذين بإمكانهم مد يد العون للنادي".

وطالبت "أم نواف" إدارة نادي الرائد بإعادة هيكلة المجلس الشرفي، وإعادة تحديد رسوم العضوية الشرفية بمختلف تصنيفاتها، حتى يتسنى للجميع دعم النادي بصفة رسمية، كما ناشدت بسحب العضوية الشرفية ممن لم يلتزموا بدفع الرسوم المستحقة عليهم في الفترة السابقة.

يذكر أن العضوية الشرفية للأندية السعودية لا تزال مقتصرة على الرجال، وهم من يكونون المجلس الشرفي الذي يختار أحد أعضائه ليترأس النادي، وإذا ما نجحت "أم نواف" في الوصول إلى عضوية المجلس الشرفي فإنها ستكون أول عضو شرف نسائي لأحد الأندية السعودية طيلة التاريخ.

- الخبر نقلا ً عن العربية نت -

كازبلانكا

4/1/2010, 18:41

أجل تبي تقدم دعم مالي ؟؟؟

والله من التسذب عندها وعند الحياة

ماقالت هالحتسي إلا لأنها واثقة إن مافي أمل يوافقون

فقامت تخنبق ... ليييش دايم هالأخبار ماتطلع إلا من صحف

بني علمان ؟؟

ريـان

4/1/2010, 18:47

حلو اتمنى الإستفادة من " نساء الأعمال "

فيه ملايين بالبنوك تحتاج تحريك تفيد وتستفيد ...

ان شاء الله تأخذ ام نواف العضوية

تُماضرْ

4/1/2010, 18:48

ههههههه
الله يقطع سوآلفهـأآ أم نوآف ذي <~ :wr1: ~

مـأآ في أمل هالششي يكون والله أع ـلم

:kany:

عاشقة القمم

4/1/2010, 18:50

ما اظن فيه مشكله !!

مادام الحرمه محترمه وجاده بالدعم ما اشوف فيها شيء بس بحدود اكيد ،، يعني العضويه الشرفيه مطلوب منها فلوس وفكر ..

ولا اظن انها متحمسه وهي ينقصها ..

كثير اميرات يدعمون انديتهم ليه من تحت لتحت مو عيب !!

روبينـ9ـهو

4/1/2010, 18:51

دخلوها مالكم الا الاجر

خلوها تجيب صديقاتها وتجيب معها شاهي وفصفص وفطاير وتوسع صدرها هالنادي الكبير وتدعم الجمهور العظيم

,,,

حبايب

4/1/2010, 19:15

خخخخخخخخخخخخخ ،،

قبلها بنت سعود مدري شسمها بالرياضيه طلعت و قالت انا اول عضوه شرف بالاندية السعودية يوم عطاها ممدح عضويه شرف النصر عشانها دعمت الفريق االاول بمعسكرة بالاسكندرية و قتها بمبلغ 100الف ،،

اتذكر تذكار الخثلان سوت معها مقابله بالرياضيه عندها مؤسسه مقاولات اتوقع اسمها بيت الرياض للمقاولات :) ،،

ع’ـهود

4/1/2010, 19:20

مافيها شيء :d:
مثل ماقلت عاشقه القمم :wr:

Bader AL-Tamimi

4/1/2010, 19:49

خلو الحريم يتنفسون شوي بس المشكله لا دخلت الحرمه بمجال الرياضه اخاف تعفسه زود !!

علي معتـوق العمـــري

4/1/2010, 19:50

لن تكون أول عضوة شرفية لو حدث ذلك .

النظام لا يمنع أن تكون هناك سيدة لديها عضوية شرفية

فعضوية الشرف شرطها رسم وقدره على حسب النادي وصورة للعضو حسب رغبته

والعضوية الشرفية في الهلال قيمتها 25 الف ريال

والعضوية العادية فيها مشتركين كثير من النساء خصوصا الاطفال مثل بنتي فيء لها بطاقة من ولادتها مدة صلاحيتها سنة حالها حال اخويها يوسف وتركي اول يوم في ولادتهم اطلع لهم بطاقة عضوية للذكرى فقط لا غير

الموضوع له اهداف معروفة لا تخفى على أحد ، ولو أنها تشعر بأحقيتها وقيمته واستقلاليتها لذكرت اسمها الصريح .

براق

4/1/2010, 19:51

هههههههههههههههه الله يقويها

ابوعبدالله الجديعي

4/1/2010, 22:15

اقول اهجعي في بيتك بلا قلة ادب ومسخرة ودلع حريمات

هلالية 1000000%

4/1/2010, 22:34

انتظروني بعد 8 او 9 سنوات >> عضوة شرف في الهلال (himo)

الموهم بالتوفيق لها مع الرائد :niaaa:

الهنوف الزرقاء

4/1/2010, 23:22

انتظروني بعد 8 او 9 سنوات >> عضوة شرف في الهلال (himo)

:niaaa:

:d::d: وانااا معتس بس تهقين يعطونا منصب بالادارة
ويسمعون افكاارناا :power::power:

أزرق مرح

4/1/2010, 23:27

:d::d: وانااا معتس بس تهقين يعطونا منصب بالادارة
ويسمعون افكاارناا :power::power:

أخاف تسووون بوفيه زي بوفيه ماسا :d:

~عادل~

5/1/2010, 00:16

ماشاء الله اشوف اغلب الردود بنات:yaaaa:
يعني اشتغل اللوبي النسائي:kany:

فهد بن نايف

5/1/2010, 00:26

هههههههههههههههههه

مافيه امل

طيب لو فيه اجتماع شرفي وش تبي تسوي

..romance

5/1/2010, 00:33

آخر زمن ههههههههه

القناص790

5/1/2010, 00:36

هههههههههههههههههههه

إعصار الزعيم

5/1/2010, 00:38

معروف غرض قناة العبرية أو العبرية نت..!!

ودائماً ما تأتي بأخبار المرأة السعودية بطريقة خبيثة

هـ ALhilal ـايم

5/1/2010, 01:37

هههههههههههههههههه

مافيه امل

طيب لو فيه اجتماع شرفي وش تبي تسوي

بسسيطه

يذبونها بغرفه لحالها ويحطون عندها مايك وسماعه

منها تحتسي ومنها تسمع وش هم يقولون :fghty::power::smart::la:

بروووس

5/1/2010, 01:42

تدعم بالخفاء وانتهاء الموضوع

الحمادي

5/1/2010, 01:45

بدأ شغل العلمنه
الله يكفينا شرهم

فلنتينو بيريز

5/1/2010, 01:47

هى معروفة بالوسط القصيمي وهى اعلامية بجريدة عكاظ وميولها نصرواية ولو يجى ازرق مرح عرفها

abdully2k

5/1/2010, 01:47

بدأ شغل العلمنه
الله يكفينا شرهم

اجل دعم المرأة للنادي هو العلمنة !!

هلآليه متعصبه

5/1/2010, 03:30

عادي مافيها شي بس بحدود وادب

كل شي عندكم علمنه

زيـزوم

5/1/2010, 03:36

" الوسط القصيمي " :d: < أدري مابه شيء لكن جازت لي هالكلمة .
عموماً موفقة .

TOTTI 10

5/1/2010, 06:34

ماتبي له عريس ؟؟

ما أعجبتن أبد سالفة إنه تطالب بـ عضوية شرفية وهي أساساً ما قدرت تظهر بالإعلام بـ إسمه الحقيقي , أعتبر هالموضوع أقرب إلى الفبركة الصحفية , لكن كل شي جايز !!

jaguar

5/1/2010, 07:14

عادي اذا تبي تدعم وعندها الرصيد مليان :wr0:
بما انه مافيه تمارين صباحية يعطونها فترة الصباح تجيب شاهي وفصفص وفطاير وتفل حجاج في النادي مع حريم اللاعبين وبزارينهم:fightt:.
لو تحول للفقر ممكن يستقبلونها خصوصاً ان رئيسهم يطالب بحقوقهم في الملاعب والبالتوك و البلايستيشن:jump:

علي الهويمل

5/1/2010, 10:58

مثل ما فيه عضوات في المنتدى ليه ما يصير عضوات في الاندية (himo)

عبدالإله..!

5/1/2010, 11:55

هذا اخرتنا تجي المرأه وتدعم ..!
امرأه تدعم نادي بفلوسها ..!
اوكي تشجع ماقلنا شي بالعكس يحق لها ونص ..
وتابع مباريات هي حره بنفسها وما اشوف هالشي عيب ابدا ..
حلو ان الوااحد يتاابع بكل المجالات ويلقى له نفس بهالدنيا ..!!

ولكن انها تجي وتدعم ..!
أمرأه تدعم نادي يرئسه رجاال !!
المرأه اكبر من انها تدفع للنوادي..!!!
تكرم المرأه من هالاشياااء والتفاهاات ..!

ĸнαℓєɒ

5/1/2010, 11:59

والله من الفهاوه برأسها

السامي سامي9

5/1/2010, 12:23

أبو تركي وش العضوية العادية

وكم سعرها

ولها مميزات والا مالها شئ

علي معتـوق العمـــري

5/1/2010, 13:23

أبو تركي وش العضوية العادية
وكم سعرها
ولها مميزات والا مالها شئ

300 ريال لدخول النادي والتمارين والمباريات الودية ، طبعا المدة سنة واحدة .

السامي سامي9

5/1/2010, 13:33

300 ريال لدخول النادي والتمارين والمباريات الودية ، طبعا المدة سنة واحدة .

حلوة بغض النظر عن مميزاتها

يكفي إنها بطاقة الزعيم

ماقصرت أبو تركي:br:

مجنونـ روماريو

5/1/2010, 14:27

ماجد التميمي

5/1/2010, 14:28

ماراحت تشوف الحادث هذي ؟!!

الشامخ بالهلال

5/1/2010, 16:05

معروف غرض قناة العبرية أو العبرية نت..!!

ودائماً ما تأتي بأخبار المرأة السعودية بطريقة خبيثة

mmmm2mmmm

5/1/2010, 16:24

وستكون "أم نواف" كما فضلت أن يتم الإشارة إلى اسمها في الصحيفة أول عضو شرف نسائي في الأندية السعودية في حال ما إذا وافقت الرئاسة الامة لرعاية الشباب، على طلبها، وقالت "أم نواف"

ام نواف جاية متحمسة :)

وقامت تفقش على خلق الله

أول وحدة طلبت العضوية الشرفية على ما أعتقد انها الكاتبة المميزة مي السديري وأذكر أنها طلبتها أثناء كتابتها المتواصلة عبر زاوية يومية في الجزيرة وكانت على أيام محمد بن فيصل

على العموم ... لا أفتي في الموضوع ..
لكن اعتقد ان الموضوع مثلما قال ابو تركي .. له أبعاد أكثر من الخبر بذاته

يعني ... فتح ثغور ... وخربطة مالها داعي ..

تضخيم امر تافه

أما مسألة العضوية ..فأعتقد انه ما دام ولي الأمر موافق ... وش اللي يمنع ؟

Salih ™

5/1/2010, 17:10

والله يالحريم في السعوديه عندهم ملاااااييين

البنوك غااصه بالارصده المجمده

وبعدين فيه انديه محتاجه :((

تخيلوا عاد عضوة شرف هلاليه مطلعه على المنتديات

وترصع نادي حطين بكم مليون وتجيب دغريري :kany:

[ إبـرآهيم ]

5/1/2010, 17:43

شكل المره مرييشه والله :angel:

اعتقد مافيها شي .. يخلونها عضوة شرف وهي قاعده بـ " بيتها " وتدعم الإداره !

بالعكس شي حلو والله .. :)

mmmm2mmmm

5/1/2010, 18:20

تخيلوا عاد عضوة شرف هلاليه مطلعه على المنتديات

وترصع نادي حطين بكم مليون وتجيب دغريري :kany:

يا قرب انها سارة الهلالية :la:

دورها عند مواضيع الإنتقالات

فلنتينو بيريز

5/1/2010, 19:46

" الوسط القصيمي " :d: < أدري مابه شيء لكن جازت لي هالكلمة .

عموماً موفقة .

هلا ببعد حيي

Miss WA3D

5/1/2010, 20:03

عطوها عضـويه وخلوونا نشـوف وش يسوي رايد التحـدي ههههـ ,,

السد الازرق

5/1/2010, 20:36

ما اشوف فيها مشكله ، طبيعي دعم مادي ما قالت تبي تلعب او تشجع بالمدرجات .. !!

بس مشكلة الكثير ما يفكر ، وش دخل العلمنه والمؤامره .. !!

abdully2k

5/1/2010, 20:43

ما اشوف فيها مشكله ، طبيعي دعم مادي ما قالت تبي تلعب او تشجع بالمدرجات .. !!

بس مشكلة الكثير ما يفكر ، وش دخل العلمنه والمؤامره .. !!

في ردود جاهزة عند البعض القليل واكرر البعض القليل اول ما تسمع كلمة مرأة يقولون علمنة واذا جبت طاري السفر قالوا انحلال واخلاق !!

يا رجال حتى في الهلال وهو بعيد عن الامور الدينية اول ما تجيب طاري الاعبين المحليين قالوا لك اللي عندنا فيهم الخير والبركة والله يكتب اللي فيه الخير وعندنا نجوم يحتاجون للصقل والتوجيه والفرصة ولا للمزايدات المالية خبرك يا الغالي هم بيدفعون بالاخير وبالتالي يفاضلون في المبالغ خخخخخ !!

مساعد الطيار

5/1/2010, 21:46

الله يشفيها

Ţђέ βℓฃέŞ

5/1/2010, 21:57

<table id="AutoNumber1" width="100%" background="http://manu2634.googlepages.com/ogtdmjagsd767675758758585.jpg" border="1" cellspacing="1"><tbody><tr><td width="100%" align="center">

بما أن الموضوع من العربية ونص الكلام كذب , فالموضوع له أهداف أخرى ..

</td><td>
</td></tr></tbody></table>

معقولة اعتزل النمر؟!!

5/1/2010, 21:59

هذي كوبري من العلمانييين

Butterfly

6/1/2010, 02:47

ما اشوف فيها مشكله ، طبيعي دعم مادي ما قالت تبي تلعب او تشجع بالمدرجات .. !!

بس مشكلة الكثير ما يفكر ، وش دخل العلمنه والمؤامره .. !!
تشوف انت !!
مشكلة بعض الناس عنده حساسية من طاري المرأة اي شي يخصها معناه علمنه :((
ترى الدعم مايحتاج اختلاط بالرجال .. هي ماقالت بشتغل إداريه في النادي .. قالت بدعم

مع انه مايندرى هي صادقه ولا بس هياط زي اغلب اعضاء الشرف في الانديه :d:

ورد الزعيم

6/1/2010, 03:27

El Blanco

6/1/2010, 04:55

ماهي سهله الركب السود :love::angel:
أشوف انها خطوة إعلامية لا غير
على العموم بالتوفيق للهلال :jhgy:

Di Stefano

6/1/2010, 05:04

أتوقع تبي الشهره فقط لا غير :yees:

mmmm2mmmm

6/1/2010, 18:42

حصة العون لها عضويه شرفيه في نادي الوحده وهي أول إمرأه تحصل على العضويه الشرفيه ..

وفيه حفيدة الملك سعود الأميرة عهود بنت خالد ودعمت النصر في فترة من الفترات ..

وين المشكله لو اي امرأه حصلت على العضويه ودعمت ناديها المفضل دام الله منعم عليها ..

بعض الأعضاء الله يهديهم يحملون الأمور أكثر من ما تتحمل ..

وبنت جمجوم أذكر سبق وان ظهرت في مطبوعة وكانت تحمل شال الإتحاد

بس ما أذكر هل قالت انها عضوة شرف او لا ؟

بسلامتها

تبي تدعم

عساها على القوة

[ FaHaD ]

6/1/2010, 19:01

تقعد ببيتهـآ وعند عيالها ازين ..

Life is

6/1/2010, 19:08

الحمدلله والشكر

MATRIX

6/1/2010, 20:14

الله يعين حتى البنات قامو يتنافسون :wr1:

السمو الهلالي9

7/1/2010, 00:31

مجنون20

7/1/2010, 00:41

:kany:

tutti

7/1/2010, 00:43

كفو
هههههههههههه

NoOoNa

7/1/2010, 01:01

عقباااال ما ادعم النادي مستقبلاً :d:

انا اشوووف انه شي ماله دااعي يعني اذا مصرّه تدعمين ادعمي بأسم رجلك ولا ولدك
هو شي عاادي بس اخااف لو فتحوا هالباب تنفتح ابواب ثانيه اشد منه و الوسط الرياضي ما يحتاج زياده بلاوي

:yees:

نيلمار

7/1/2010, 01:04

ويقولون وش سبب الفئات الضالة وفيضان جدة وحرب الحوثيين والمصائب اللي تتوالى على مملكتنا من كل حدب وصوب..!!

ليش لا ......
يعطونها العضوية الشرفية
ورئاسة النادي
وحتى يخلوها تلعب كورة
الحرية والمساواة من أبسط حقوقها
والمصايب والنكبات من أبسط ضرائب الإبتعاد عن الله

كل شي بثمن

Eric

7/1/2010, 01:36

ماتبي له عريس ؟؟

يا ابو حسين :heart:
الحرمه عندها ولد اسمه ( نواف ) كبرك :d: وانت تسأل ماتبي لها عريس :jhgy:

انتبه بس لا يشوف نواف ولدها ردك :q:

S a u d i

7/1/2010, 06:17

يذكر أن العضوية الشرفية للأندية السعودية لا تزال مقتصرة على الرجال، وهم من يكونون المجلس الشرفي الذي يختار أحد أعضائه ليترأس النادي، وإذا ما نجحت "أم نواف" في الوصول إلى عضوية المجلس الشرفي فإنها ستكون أول عضو شرف نسائي لأحد الأندية السعودية طيلة التاريخ.

- الخبر نقلا ً عن العربية نت -

[/size]
[/color]

ماعندهم سالفه العربيه وش الي مقتصره على الرجال عادي في عضوات شرف بس النوادي ماتعلن يمكن بس صائد الشباب (الفتح) الي معلن عن عضوات الشرف

http://www.fateh-club.com/news/index.php?option=com_content&view=category&layout=blog&id=26&Itemid=20

احس اني بديت احب هالنادي :br:
<input id="gwProxy" type="hidden"><input onclick="jsCall();" id="jsProxy" type="hidden">

s.a.s

7/1/2010, 13:33

بدايه الهاويه .. :(
اليوم عضويه شرفيه بكرى مديره فريق كره القدم بنادي الرائد .. :(