وش يبي خالد البطان ونادي الشباب [الأرشيف]

مشاهدة النسخة كاملة : وش يبي خالد البطان ونادي الشباب

MIDNIGHT

19/12/2009, 18:26

خالد البلطان الله يكرم القارئ .... مثل النعامة

العام الماضي يوم كانت نتائج نادي الشباب بالدوري سيئة

عمل مسلسل ( هندي ) طبعا بأخراجة وتأليفة ولا يهون شلة الكمبارس الي معة

الخليوي ... و القريني ... عنوان المسلسل كان ( الاعبين ما يبوني ) :kayf:

وسوا مناحة وصياح الاعبين ما يبوني واذا كان ودهم اترك النادي انا مستعد

ومن هالخرابيط الي تعودنا نسمعها من تاجر عقار بيحرج على قطعة ارض

وانها طالعة علية بخسارة والسعي مالي فية .. حركات سوق ( سوقية )

وتحسنت نتائج الفريق وصار يضرب بالثلاثة والاربعة ( بقدرة قادر شلون ما أحد يدري ) (rambo)(rambo)

نفس السؤال الي كنت أسئلة نفسي يوم كان الشباب ياخذ الدوري 1411 _ 1412 _ 1413 !!!

ما علينا ... ويوم تحسن الفريق بدا تطلع لة قرون وبدا لسانة يطول ... وبدا الخنفس سنفس

وتناسينا كلمتة يخسون ... وتناسينا ...يوم بعد ما فاز بالذهاب وظمن النتيجة

فتح زرار ثوبة وطلع شعر صدرة وقال الميدان يا حميدان ... نعامة صحيح

طيب الشي الثاني ... انت ياالبلطان تقول لا تلمحون على عيال عطيف .. حلو .. ولا تعملون أسقاطات عليهم .. حلو ..

طيب وش معناة كلمتك عن اسامة هوساوي . انك تندمت انك ما أخذتة !!!!

انا انسان موسوس يا خلودي أعذرني ارجوك ... وش معناتة هالكلام .. وكيف افسرة

بقول مثل ما تقول انت .. هذا تلميح لأسامة ترى عيون الفرق المنافسة عليك

لا تخاف بتلقى عرض أحسن من الهلال اذا هم ما يبونك .. تعلب زين ما تعلب زين

بتلقى عروض جبارة في أنتظارك ... بفسرها على كيفي يا خلودي

اعذروني والله والله ما لقيت سبب واحد للبروز الغريب ل نادي الشباب بداية

من 1411 ... مو معقول وش هالنادي لا جمهور لا صحافة لا اعضاء شرف بارزين

خالد بن سلطان وعيالة بس :kany: وش هالفريق يا ناس

والا من الاولى نادي الرياض كان أحق بالبروز اذا كان ( المخرج عاوز كدة )

أو نادي من الشرقية علشان يكون التنافس موزع . غرب وسط شرق

نادي الشباب يعلب كورة صح اوكي لعب يمتعك أوكي بس برضوا فريق عجيب

لا يغركم البلطان ولا فريقة ( العجيب ) ..

مسئلة أنة يكون من أندية الوسط بالترتيب إن شاء القدير ..

مرهونة ببقاء خالد بن سلطان .. على وجة البسيطة .

MeEeSh

19/12/2009, 18:32

البلطان تاجر ويفهم بالسوق !!

الموسم الماضي عادى الهلال وكسب الفقر وجمهوره المريض وهالسنه قلب عل الفقر

بكره انتظروه يقلب على الاتحاد !!

على بلاطه ماله صاحب ولاخوي يغدر فيك ويبيعك سلام سلام مادام انه هو الكسبان !!

ويلي ويلي

19/12/2009, 18:47

خليه يهايط بيجي الفقر والاهلي بيلعبون معه مباريات نارية

وبيني وبينكم كلامه واقعي وجالس لسكيران

أبو شريم

19/12/2009, 18:54

الصدز انه طلع حرتي بخبيلان

كل يوم مصّرح يسّفل فيه هو و ناديه الفاشل

فورزا يالمنجلد في مباراة الموسم الماضي :d:

ĸнαℓєɒ

19/12/2009, 20:25

أول مره يعجبني البلطان ياهو مسفل بالنصر

abdully2k

19/12/2009, 20:32

بالعكس صرت احسبه بعد حركاته الأخيرة وخصوصا بعد دبه على خبيلان ( يحلمون ) والنصر ( يجيبون عيال عطيف بالتصويت ) خخخخخخخخخخ !!

ولا تنسون السكر والضغط والثلاثة الكبار !!

بالعكس خله يهياط بدينه ورجوله دامه يذب على الفقر بالطالعة والنازلة ليش نتضايق بالعكس الله يسلط الناس عليهم !!

أزرق مرح

19/12/2009, 20:34

صح إني ما أواديه ولا أطيقه خاصة عقب دعمه لهجر عشان يسقط الرائد ولا يصعد !!

لكن يبقى إنه سكت كحيلان الفقر تسكيت ما بعده تسكيت !!

نيلمار

19/12/2009, 20:46

يا رجّااااااااال خلهم يونسونا شوي بمهايطهم :power:
أضافوا للدوري آكشن وطرافة :angel:

وطالما الشر بعيد عنا
خلنا نغنّي له :smart:

DeaD HeaD

19/12/2009, 20:52

حيلهم بينهم
دامه ما تعرض الهلال مالنا شغل فيه

بالعكس أشغل الفقراويه عنا وونسنا عليهم

ahmad_5

19/12/2009, 21:14

بصراحة مدري وش يبي الموضوع ما قدرت اطلع منه بشي مفيد..بس البلطان اعجبني مسح بالنصر الارض مسسسسسسسح (rambo)

خلاهم يحتقرون انفسهم :power:

ابو هيف

19/12/2009, 21:23

انا بنسبه لي ان البلطان موب سهل مثل ما نتوقع

واعتقد انه راح يرفع كعب نادي الشباب

بس للاسف ان نادي الشباب نفسه ضعيف ما راح يصمد مع الكبار

!!RIVALDO!!

19/12/2009, 21:45

بالعكس الله

يكفي انه سكت خبيلااااان

وعرفه مقامه ومقام فريقه المنتهي

j.zanetti4

19/12/2009, 21:48

وش ذال الهيط يالبلطجي

أزعجنا

أجل لو أخذ كأس آسيا وش تتوقعون راح يسوي

يمكن بينام في أستديو الجولة :power:

*m.s*

19/12/2009, 22:02

البلطان فهم اللعبة , البلوي رغم حماقاته الكبيرة الا انه فعل شيء ذكي ساهم في زيادة جماهيرية الاتحاد

وهو ترسيخ الكلاسيكو بين الهلال والاتحاد والاستفادة من جماهيرية الهلال ومن (الضد هلالي )

حيث استقطب الكثير من جماهير النصر بالذات وهذا ربما مالم يلاحظه اغلب النصراويين

يعني سابقا كان الناس منقسمين هلالي او نصراوي , باستثناء الغربية او بعض مدن الغربية

وهالشي حافظ على جماهيرية النصر من الاندثار مثل ما حصل للاتفاق والوحدة وغيرها من الاندية

اللي كان لها شان , وهالشي ابقى الشباب رغم قوته في العشرين سنة الاخيرة بعيد عن الجماهيرية

او بطيء في تكوين جماهيرية , البلوي قوى الكلاسيكو واصبح للاتحاد جماهير خارج الغربية

واصبح الكلاسيكو هو الحدث الرياضي الاهم في الدوري السعودي , البلطان يريد ان يفعل نفس الشيء

لانه يبحث عن الجماهيرية لناديه , مع ادارة عبد الرحمن بن مساعد يصعب هالشي ولكنه سيحاول

افتعال المشاكل مع الاندية الجماهيرية وهذا الامر حاليا صعب مع الهلال بسبب مثالية ابن مساعد

ومع الاتحاد بسبب العلاقة مع البلطان , التصاريح وجعل الشباب حديث الاعلام ولو بشكل سلبي

سيساهم في تسليط الاضواء على الشباب الفريق الذي لا يستهوي الاعلاميين ,

Bader AL-Tamimi

19/12/2009, 22:09

خلنا نستمتتع بذبات البلطان و دلاخة خبيلان

ارجنتيني فرنسي

19/12/2009, 22:17

هلالية 1000000%

19/12/2009, 22:19

خليه يرتاح هالمهايطي

ماتدري هو وش يبي بالظبط

يوم يسوي فيها المسكين الفقير ويوم لسانه يصير قد الفيصليه :d:

اللهم يا كافي

عواافي

هلآليه متعصبه

20/12/2009, 04:26

كلام m.s صحيح ميه الميه

القناص790

20/12/2009, 06:03

البلطآن تتوقع منه إي شي يصير

أزرق اللون

20/12/2009, 06:19

أول مره يعجبني البلطان ياهو مسفل بالنصر

الــصــاروخ

20/12/2009, 06:48

البلطان أشغل نفسه بالكلام الفاضي عن فريقه وصدقني راح يندم
ياخي فريقك ماشي صح .. ليش تخرب على نفسك و تعطي وجهك لناس فاشله !!
بالنهايه فخار يكسر بعض

هلالي تكساسTX

20/12/2009, 07:15

وانت وش مضيق صدرك ..؟

صحيح ان البلطان من اعداء الهلال كرويا ً لكن قسم بالله (بحل) ستييييييين مره عند الاحمق خبيلان ..

بالنسبه لي انا مستمتع جدا ً بالوضع اللي صاير بين الشباب والنصر وأميل مع الشباب لانه أقرب للحق من المهايطي خبيلان ،،

حنا كهلاليين المفروض نستفيد من هالتراشق بين الناديين لانهم بفتره ما كانوا كلهم ضدنا ، اما الان المعادله متوازنه:kany:

اكثر شي عجبني بالبلطان ذباته وتلميحاته القويه ابتداء من (يحلمون) الى (التصويت) :la:
وعجبني انه ما ارتكن للمثاليه مع الاشكال هذي(خبيلان) وسفل فيه بكل القنوات هو وجماهيره :la:
طبعا ً البلطان جاه الضوء الاخضر من خالد بن سلطان ، لذلك استمتعوا بجلد خبيلان فضائيا ً من البلطان :yaaaa:

بعدي يالبلطان عليك بكل حشره نصراويه تتطاول وتمد لسانها ..!

tutti

20/12/2009, 09:46

حيلهم بينهم
دامه ما تعرض الهلال مالنا شغل فيه

بالعكس أشغل الفقراويه عنا وونسنا عليهم

زعيم النوادي

20/12/2009, 09:48

اللي حاصل هو صراع تحالفات , مرة تشوف البلطان قريب للنصراوية
ومرة يقلب عليهم , وشوي يضبط علاقته مع الاتحادية وبعدها يتمشكل مع الاهلي يعني حسب المصلحة

ومحاولات ظهور وتصاريح نارية وهياط اعلامي من فترة لأخرى
يعني نادي ضعيف اعلاميا وجماهيريا يبي يدور طريقة يكون فيها تحت الاضواء من حين لأخر

واخر شيء محاولات البحث عن جماهير باللي هي به :power:
اجل رئيس نادي يشحذ العالم انهم يشجعون فريقه
ويقول فرحوا عيالكم وشجعوا الشباب :d:

بس يا هالجملة حرقت دم خبيلان ههههه
دقة أليمة في النصراوية
خصوصا انه يوجد كمية من النازحين من مدرج النصر لمدرج الشباب وهؤلاء بدأوا يتكاثرون :angel:

عموما تبقى هذه الشخصيات المثيرة للجدل :
خبيلان - البلطان - مصلح ال مسلم - البلوي - عماد - رمزهم الله يرحمه
جستينوف - عميد الكذابين - دغثور... الخ
فاكهة ونكتة الكرة السعودية :power:

صدقوني بدونهم الدوري ماله طعم

بالتوهيق لجميع الاندية السعودية
وبالتوفيق للأزرق الملكي :heart:

متيم في حب الهلال

20/12/2009, 10:02

ماله صاحب نفسية طفل يوم معك وبكرة ضدك

الابداع كله سامي

20/12/2009, 10:55

البلطان :love:

القناص 666

20/12/2009, 14:01

عفوا اخوي هذا ما اسمه خالد البلطان اسمة

خالد البلطجي

MIDNIGHT

20/12/2009, 16:08

الي مضيق صدري ان فية كمية تعاطف مع خالد البلطان ضد النصراويين هنا في المنتدى

علشان ايش علشان انة مستقعد ل فيصل بن تركي

قلتها اكثر من مرة .. يطلعني النصر بالاربعة و لا يطلعني الشباب ( الفريق العجيب )

يمسخرني الاتحاد والاهلي ولا يمسخرني الشباب ... وش انت يا الشباب ... ماذا تكون من فريق

أمنية ذهاب عيال عطيف لنادي النصر ... وترجع الامور لوضعها الطبيعي ( هلال نصر بالوسطى )

( اتحاد اهلي بالغربية )

وأتمنى الاتفاق يبرز <<< أفضل فريق من وجهة نظري الموسم الي راح يلعب كورة صح

والوحدة بيكون منافس جيد جدا .. جمهور وفريق رائع لانتاج الاعبين وصقل موهبتهم

ويرجع الشباب لوضعة الطبيعي ... البحث عن المنطقة الدافئة .. وتخب علية

اما انة مستعقد للنصر .. والله نار النصر ولا جنة الشباب .. فريق جمهور يملى الملعب صحافيين قويين

ياخي منتدايتهم مليناة وفية رأي ورأي اخر ..

Ti Amo Hilal

20/12/2009, 17:05

الصدز انه طلع حرتي بخبيلان

كل يوم مصّرح يسّفل فيه هو و ناديه الفاشل

فورزا يالمنجلد في مباراة الموسم الماضي :d:
ايه والله هبل بخبيللآلآلآن كل يوم طقه بقناة :power:

YASSEROVIC

20/12/2009, 17:24

على فكرة .. ترا هوساوي مجدد عقده 3 مواسم او 4

m-c-t..24

20/12/2009, 17:27

محرق دمهم يالبلطان :Laugh0:

AL.JOKER

20/12/2009, 18:11

والله صرآحه من وجهة نظري ..
أن البلطآن فآهم ويعرف كيف يشتغل .. ويعرف قيمة التحدي وكيف يصير , ويكفي أنه رفع مستوى الشبآب بتشجيعه لهم ودعمه لهم المستمر .. وأطلبوا وأنآ حـآضر ..
يعني صرآحه .. رجـل يحب فريقه من قلب ..
مو بس صحآفه وإعلآم .. وترى سوينآ وفعلنآ ,,
ولآ تنسى أنه جعل الشبآب المتحدي الوحيد لنـآ في الدوري ..

.""".
][ تقبل وجهة نظري ][:)

DAHOMI

20/12/2009, 19:22

والله أنا أعجبني بتصريحه الناري على رئيس الفقر خبيلان ..!

(بيشو)

20/12/2009, 21:53

مين البلطان

ما يبي شي :d:

ياسر القناص-20

21/12/2009, 02:24

أزعجنا والله هذا البلطه:Bad: