انا قتلت نفس بريئة !!!!!!!!!!!!!!!

[ياسر عبدالعزيز]

بقول باختصار وش سويييت

والله كل ماتذكر هالموقف صدق صدق من خاطر اتضايق

يعني في ذمتكم من يحب يقتل؟؟؟

ماحد حتى لو عصفور ..

لكن والله العظيم واحلف بكتاب ربي ماكنت قاصد مع اني المفروض اتاكد ان المكان اللي حول سيارتي خلي

شو اسوي عاد الواحد يوم يتردى حظه مصيبه

الحينه لاصيام ولافديه ولاشي يريحني

اطلب من الله المغفره ...

اااخ يالقهر ياويلي الحين امها اكييد اكييد تكرهني كره الموت

لكن والله لو اقدر اقولها اني ميت حزن كثرها بس كيف اقولها او افهمها

انتوا اقروا قصتي واحكموا بانفسكم ...

كنت في الجامعة وقتها ..

والجامعة تبعد عن بيتي ب 24 كيلو متر ..يعني لازم اقوم من وقت .. لان المحاضره الساعة 8 ..

وماحبيت اتاخر ..

المهم ويشهد ربي في ذاك اليوم حتى الريوق (الفطور) ماكليته قمت وانا تعبان شوي .. وجدتي واقفه عند الباب وكنت اكلمها وريحت الضوووو انعشتني وقتها وتمنيت اني لو اجلس معها واسولف بصراحة تعاجزت اني اسير وتمنيت اجلس واسوي شاي على الضو او افطر مع جدي قرص ولبن وعسل وسمن .. لكن يوم تردى حظي قدني بطلع وهي عند الباب توادعني وسرت ..

بس حاس ان فيه شي مب طبيعي مادري ليش ماتأكدت ،، يمكن كنت مستعجل .. والله قلبي ينغزني وحاس بخرخشه وشي عدال سيارتي ..

جيراننا هذي الحزه اضني يودون عيالهم المدرسه لاني شفت باص الروضه يمر
على البيوت ويحمل هالابرياء الله يحفظهم ...

وذكرت ايام المدرسه يوم كنت صغير كيف اروح للمدرسه ..

المهم ركبت السياره وحطيت المفتاح .. وماشغلتها ؟؟؟

قلت بدخل وبشرب ماي وبرد بسرعه ...

خليت السياره وماشغلتها ورديت وركبت وأول ماشغلت السياره ..

سمعت صووت المروحة قلت الحينه انكسرت ولاانقطع السير (( مروحة المكينة .. او مروحة الرديتر)) على طوول بندت السياره وجدتي واقفه عند الباب وماوعيت الا وهي تزقرني وتقول لاحول ولاقوة الا بالله

والله ان دمي برد وحسيت ان قلبي يبى يطلع من مكانه ويتني رعشششه الله يكفيكم اياها وتميت ارتجف ..

ويوم نزلت من السياره ..

الله لاويركم اياها ....

تمت ترفس وماتقدر تتكلم ... بغيت اموت من الحزن وانا ابي اشلها بس مب قادر قدامي مره وبشوفت عيوني والدم وهي تتصرع والمشكلة انها صغيره توها وأول ماييت ابى اشلها وقفت عن الحركة ..

اسلمت روحها لربها وانا دم راسي واقف والحزن مقطع قلبي ...

أول مافكرت فيه امها واخوانها ؟؟؟؟



يالربع والله ماكنت اقصد

لاحول ولاقوة الا بالله العلي العظيم



















ماكنت اقصد اني اقتلها







عاد لو تشوفونها ياحليها القطوه يوم تمت تترفس صدق تكسر الخاطر بس ماكنت اقصد

الحمدلله انها بس قطيوه لكن والله بعد ياليتني انتبهت ..

والسمووحة شديت اعصابكم شويه

[العاقل]

بس قعت اصيح عليها قلت يمكن عندها عيال ولا ابوها ولا امها عجز مايقدرون يسون شئ<===== عاشق قطاوه:D


بس عساهم سامحوك عن الديه؟




تحيـ الطربلسي ـاتي








:rolleyes:

[جـــلال]

وش دعوه ياياسر تقعد تسحب فينا....:mad: :mad:

الله يهديك بس والله لودريت الدعوه قطاوي ...

كان صارت علوم..:p

تحياتي لك ياغالي..

[siAsi]

لماذ ؟




لماذا ؟







لماذا نرى الأستخفاف بالروح ؟








أهو الجهل .










أم التعالي .











أم هو إستعذاب سخيف لأبشع المناظر .

















أم هي البلاهةُ وزوال العقل .
















لماذا أيتها القطة , ألم تجدي مكاناً غير المحرك , ألم تفكري بتلك الأم المنتظرة بشغف عودتك .


لا حول ولا قوة إلى بالله العظيم .

أشكرك أخي العزيز ياسر عبدالعزيز متمنياً أن تضرب وبقوة مقدمة سيارتك في كل مرة تهم بها للركوب .

أما ما سيزيل عنك هذا الهم هو أن أخبرك بأستعدادي لأستلام ديتها يرحمها الله .









اتمنى أن لا يتبادر لذهنك أني قط كوني أستلم الدية لالالالالالا هههههههههههههه .

فقط لأستعين به ويكون باكورة المساهمات المباركة لأنشاء جمعية تعنى بمشكلة التشرد والتي تعاني منها القطط في مجتمعنا .

<========== حنين وقلبه كبير بس عطوه فرصه .

[ابو الذهب]

مجرجرنا وراك واخرتها قطو:mad:

انا قلت انك بتلمح على ديه . وبصراحه لو فيه ديه مارديت عليك ;)

وطالما الدعوه قطو يأخى اقرب برميل زباله وارمه:mad: ولاتلعب بأعصابنا :mad:








































بس حلوه :p

[3boud]

لا

لا


لا ماني مصدق

مو معقول....كل هذا يطلع منك...ياسفاح
حرام عليك حرام هيهيهي ((يبكي)):(

no....no....poor cat
تهي تهي تهي
تهو تهو تهو

الله يسامحك:(