تعال وأكتب البرامج والمسلسلات اللي تشوفها برمضان

[هاجس]

سلالالالالالالام للغاليين ،،،



طبعا كلنا نعرف انه في هالشهر تكثر البرامج والمسلسلات :)


انا امس حاولت اعد المسلسلات وكل ما اعد اغلط بس اذكر اني وصلت لسبع وستين مسلسل :)







يالله كل واحد يكتب اللي يشوفه وياليت يعطينا لمحه بسيطه عنه علشان اذا عادوه مره ثانيه بعد رمضان شفناه




انا ببدأ :)



سهم الغدر : مسلسل كويتي من بطوله محمد المنصور واخوانه واللي مصبرني عليه هي زينب العسكري والا قصته سياحيه:noo:

ثمن عمري : مسلسل كويتي من بطوله حياة الفهد مسلسل قصه رهييييييييييبه مررررره للكاتبه فجر السعيد


طاش ما طاش : ما يحتاج اتكلم


صادوه : مقالاب تصير لنجوم فنيين الفكره رهيبه مررره :)


اخر الفرسان : مسلسل سوري بدوي من بطولة رشيد عساف وملكة جمال لبنان (( هي مربط الفرس(himo) )) واخراج نجدة اسماعيل انزور من جد قصه حلوه والى الحين ما بعد يطلع البطل :(



هذا اهم البرامج اللي انا اشوفها :)



يالله كل واحد يكتب اللي يشوفه ولاينسى يعطينا تعليق عليه :)



تحيااااتي ،،،

[ahmad_351]

ثمن عمري : مسلسل كويتي من بطوله حياة الفهد مسلسل قصه رهييييييييييبه مررررره للكاتبه فجر السعيد


طاش ما طاش : ما يحتاج اتكلم


صادوه : مقالاب تصير لنجوم فنيين الفكره رهيبه مررره



هذي انا معك بس الباقي ما اعرفه

[ياسر عبدالعزيز]

هلالالالالالالالالا بالغالي هاجس:)

انا ..اتابع..
مسلسل عشوق:D
طاش ماطاش:D

وكل الوقت حطه على القناة الثانيه في اوربيت (himo)

ومسلسل.. في قناة المكسيك اسمه( وضحىوبن عجلان):kany:

تحياتي لك:yes:

[خمسطعش]

هلا هاجس ...

انا اتابع :

طاش ...
ثم
المتنبي ...
ثم
صادوه..
ثم
عشوق...
ثم
غوباشي النقاشي <<< ان كان الاسم صح على العموم هو حق ابراهيم نصر ...

بس فيه برنامج باط سبدي وفاقع مرارتي ...
هو حق عبد الله العامر الي يجي بعد صادوه في القناة الاولى ...
انا ابي اعرف منهو الي مختار هذا المسلسل المنحط السافل ....
اي واحد منكم يشوف هذا المسلسل المنحط يقول نفس كلامي واكثر لانه صدق مافيه اي فكره ولا معنى ولا اسلوب..
بس ضحك على الجمهور واستخفاف بالعقول ...
لكن الشرهه مهيب عليه الشرهه على الي عرض هذا المسلسل ...
باي

[الغـــلا]

هلا هاجس
انا عن نفسي والله مااتابع ولاشي الاطاش وبعد مني حريصه
ومشكور يالغالي

[مناير]

اهلين:)

انا احب اتابع.. المسلسل.. حق الشعراوي لي يعرض بالاردان.. والبحرين:) .. مسلسل حلو:yes:


بااااي:rolleyes:

[يوسف]

هلا بالداجين و الداجات:magkiss:
هلا هاااجس
اناا والله مااتاابع الا :
طاااش ماا طاااش وصادوه علشانه بعد طااااااش:angel::angel:
:magkiss: بااااااااي:yes:

[هاوي الهلال]

هااياات

هلا صلوحي :love:

حركه الموضوع

بس برسلك الاجابه على الخاص

لان كل اللي اتابعه ماحد داري عنه :D :D :D


بس تقريبا مجموع اللي اتابع يوميا .. ( 16 ) مابين مسلسل وبرنامج :amle: :asno:


بااياات
خالد
(himo)

[الوسام]

هلا هاجس


لا يفوتكم مسلسل الـمـتـنـبـي جدا رائع

على ابو ظبي 12 الظهر و4 الفجر و ..:req:

تحياتي للجميع

[صقر النوادي]

سلام يا عميد ..

ثمن عمري
اين قلبي
صادوه
قطعة 13

[أنس]

صادوه
ثمن عمري

وبسسسسسسسسسسسسسسس

[شقراوي]

أنا ساكن في قبو ما يركب فيه دش
يعني ما تجيني قنواة عربيه
ولا كان ودي أشارككم بالموضوع:jhgy:

بالله عليكم ما أكسر الخاطر:jhgy:

[قرانديزر]

مرحبتين

انا والله مارص الا على طاااااش

وشفت مره او مرتين صادوه بس الظاهر انه مضارب م مسلسل

واللى يبى يضحك يتفرج على عبدالله عسيرى على قناه السعوديه يجى الساعه 12:30اتوقع من جد يضحك

وفيه هلاكو حلو

مادرى هذا اللى اذكره:req: :req:

بااااااااااى

:yes: :yes:

[TOTTI- 10]

ثمن عمري ,, صادوه .. سهم الغدر ,, طعم الايام ,,, حكايا الاندلس ,, المتنبي ,, امرؤ القيس ,, عشوق ,, عبدالرحمن الداخل(( صقر النوادي ... قصدي صقر قريش :D:D ))

و مشكور يا هاجس !!

[شابع بطولات]

هلا والله هاجس :)



اين قلبي


حكم البشر .. حق سعاد عبدالله :)


ثمن عمري

طاش :)

[allord]

اكيد طاش ماطاش
وقطعه ثلاثطعش :D
وصادوووه
وعااالم دريد :love:
وملكه جمال لبنان اقصد اخر الفرسان :D
و101 حسب :cry: :(

[الوصــال]

:noo: كلكم فااااضييين من جد ...يعني لاطبيخ ولا نفيخ .....ونحنا لنا الله :jhgy:



والله عن نفسي يعني37 ;) ساعة اقضيها بين دراسة وطبخ وهاه ان شفت شي بالتلفزيون ....زي صادوووه وطاش




بس تصدقوا والله حلاة رمضان من غير تلفزيون :yes:





سلملم :D

[علي معتـوق العمـــري]

هلا بالجماعة

هاجس ما رديت علي حل اعراب مات الرجل صح ولا رونق (himo)

افضل برنامج صادوه :yes:

افضل مسلسل لغانم السليطي بس ما اعرف اسمه القاه بعد العشاء واشوف بعضه :confused:

وحديث الافطار لبن مسفر رائع ومفيد وطريف :)

بس العلم نور في الاردن ممتاز :)

وسلملم :angel: <<< حقوق الطبع للوصال :)

[ابو دينس]

غير قناة http://213.121.246.41/showtimearabic/Media/channels/paramountcomedy.gif لا تدور .... و لا بأس بطاش ان كانت حلوه ... و صادوه ... و بسسس

[عاشق العثرات]

سلااام ..

المسلسلات ..

(( هولاكو )) - بطولة ايمن زيدان .. نورمان اسعد .. على قناة ابو ظبي .. العصر او الساعة 2 الا ربع .. في اليل ..

مسلسل خيااااااااالي .. انصح بمشادهته ..

(( اخر الفرسان )) - مايحتاج .. تكلموا عنه الشباب ==== زووول ..:D

(( ابو الطيب المتنبي )) - ياناس حلو .. بس مدري لين جيت اتابعه يجيني النوم .. او يظيق صدري مدري ليه .. مع انه قوي ..


وبعدين فيه مسلسلات مثل صقر قريش .. امرؤ القيس .. واللي مخرجها عارف الطويل مدري وش اسمها .. بس مدري ليه تحس انه الديكور نفسه بالظبط كانهم مثلوا فيه همن جوا حقين المسلسة الثانية ومثلوا فيه وكذا ..

(( عشوق )) المغرب والساعه 1 وربع .. اظن في الليل والمغرب بعد على ابو ظبي ..

وفيه مسلسلات واااجد والله في هالرمضانية ..

وعندكم ..

ثمن عمري واين قلبي .. ..

(( سهم الغدر )) - قمممممممة البيااااااخه .. ياناس ملينا منهم كل سنة يطلعون بادوار مشابهه لبعضها اذا مهيب نفس الادوار .. ونفس الشخصيات .. ونفس القلق .. العام كان شوي ارحم .. وكانت معهم سعاد عبدالله .. يعني قامت بالمسلسل شوي .. وكان معهم بنات حلوين .. وكانت القصه قوية ..

اما هالسنة قمة البياخه متجمعه .. مع بنات شيون ما فيهم الا زينب العسكري .. وقصه ابيخ من البياخه ..

وعندكم صادوه .. وطاش طبعا .. وعندكم فيه مسلسه تجي على قناة الامارات بس مدري وش قصتها بس شكلها قوية لسعاد عبدالله .. تجي عقب التراويح الظاهر .. وفيه وحده يجي فيها .. الصلال مع النبها مع ولد الديرة في الكويت نسيت متى تجي والله ..

على العموم لكم تحياتي بلحق على هولاكو .. نياههههههههههههااا (rambo)

[أبوحمـــ15ـــــــــــد]

هلا والله...

ولله منيب احرص الا على طاش...

والباقي حسب الظروف....






خاص لـ allord

101حسب:eek: :eek:

لاتقولي عندك اختبار موحد يوم الخميس:eek: :eek:

[هاجس]

سلالالالالالالالالالالام للغاليين :)




سوري يا شباب ما رديت عليكم لاني كنت مشغول مررررره بالبرامج


<-------------- وش عنده نجدة انزور على غفله:D








اخوي الغالي : ahmad_351 لا يفوتك اخر الفرسان وترى تو ما بعد يجي الجد يعني بتلحق عليه :) والف شكر على الرد :)



اخوي الغالي ياسر عبدالعزيز : المسلسل المكسيكي متى يجي ابي اشوووفه:D بعدين وش تبي بالقناة الثانيه ؟؟ كلها سهرات لبنانيه وبنات لبنان شيون عندك هنا احسن منهم :D <-------- اخر جمله كاتبها والدموع في عيونه



اخوي الغالي خمسطعش : الف شكر على الرد وياليت تقولي عن برنامج غوباشي النقاشي متى يجي وهل هو زي زكيه زكريا والا احسن ؟؟ انا شفته مصرح لأم بي سي قبل رمضان يقول انه فيه تقنيه بالكميرا اول مره تصير بالعالم يوم سمعت هالكلام حسيت انه نصاب :)


اختي الغاليه الغلا :
الف شكر على الرد

اختي الغاليه مناير : مشكوره على الرد


اخوي الغالي داج : اجل شف سهم الغدر لان بعده ثمن عمري على طول :D


اخوي الغالي على قلبي هاوي الهلال : شكلك تشوف بابا فرحان يالداج اللي حتى طاش ما تشوفه اجل وش تشوف ؟؟!!!




اخوي الغالي الوسام : شفت دعايه عنه بس ما عجبني يمكن قصص الشعر والادب البحت ما احبها :)



بعد قلبي وبعد عمري صقر النوادي : الف شكر على الرد :) وبعدين لاتشوف اين قلبي وتتذكر مصر تراني عارفك قلبك حنووووووووووون:D


اخوي الغالي انس : ثمن عمري يكفي عن كل البرامج صدقت والله :) بس برضوا لايفوتك اخر الفرسان :)



اخوي الغالي شقراوي : ياخي زهقت وانا اقولك تعال الرياض منتب راضي تجي كيفك تستاهل :D خل كندا تنفعك




اخوي الغالي lightmoon مشكور على الرد



اخوي الغالي توتي TOTTI 10 كل هالبرامج تشوفها ؟؟!!!! شكلك اذا جلست قدام التلفزيون ما تقوم الا بعد يومين :)



اخوي الغالي شابع بطولات : الف شكر على الرد وقلي حكم البشر رهيب والا لا ؟؟ لاني تحسفت اني ما تابعته :(



اخوي الغالي ابو احمد : الف شكر على الرد :)




اخوي الغالي عاشق العثرات :






(( هولاكو )) - بطولة ايمن زيدان .. نورمان اسعد .. على قناة ابو ظبي .. العصر او الساعة 2 الا ربع .. في اليل ..

ياخي تابعته بس ما عجبني ما ادري ليش :( نورمان صاير شكلها قلق مرررره والاخراج مررره عادي بعكس اخر الفرسان :)

.. بس مدري لين جيت اتابعه يجيني النوم ..

علشانه حلو :D :D الله يرجك (( سهم الغدر )) - قمممممممة البيااااااخه .. ياناس ملينا منهم كل سنة يطلعون بادوار مشابهه لبعضها اذا مهيب نفس الادوار .. ونفس الشخصيات .. ونفس القلق .. العام كان شوي ارحم .. وكانت معهم سعاد عبدالله .. يعني قامت بالمسلسل شوي .. وكان معهم بنات حلوين .. وكانت القصه قوية ..

تعرف انا وش منقهر منه ؟؟ انه يجي قبل ثمن عمري مصدقين نفسهم عيال المنصور بس الله يهدي زينب وهقتنا وخلتنا نتابعه(himo)

تصدق يا عاشق عرفت وش بيصير بالحلقه الاخيره :D من الحلقه الاولى تقدر تعرف وش بيصير بالحلقات كلها لا وبعد اذا صرت ذكي وفطن مرررره تقدر تعرف وش قصة مسلسلهم اللي السنه الجايه:D :D


الف شكر يالغالي على الرد :)


اخوي الغالي بو دينس : وش هالقناه ديسكفري ؟؟ :angel:


اخوي الغالي اللي بفطر عنده بكره بو معتوق : يالله انت تحييه وش اخبارك عساك بخير ؟؟

<--------- يبي ينسيك موضوع الاعراب لاني توهقت فيه :D



اختي الغاليه الكاتبه الكبيره الوصال : 37 ساعه بس ؟؟ باقي 37 ساعه وش تسوين فيها كلها نوم ؟؟


اي والله يالوصال حلاة رمضان بدون تلفزيون بس الشكوى لله :( الله يهدينا انشاءالله :) وحياك الله :)



اخوي الغاليallord : مشكور على الرد ورح الحق على حلقو ملكة الجمال (himo) بيني وبينك مهب اخت رابح احسن منها ؟(himo) (himo) :D

[allord]

شباب لا يفوتكم صادووه انواع الرجه

برايفت ل أبوحمـــ15ـــــــــــد

لاتقولي عندك اختبار موحد يوم الخميس
ايه عندي
وش رايك نتخاوى بس
من الدكتور حقك ؟
الا وين وصلت
الله ياخذ قائمه الدخل قلبت مخي :(

[هاجس]

الله ياخذ قائمه الدخل قلبت مخي

وش فيها ؟؟ سهله مره قائمة الدخل


<---------- سنه ثالثه في المحاسبه





اذا 101 صعبه وش بتسوي في المقررات الجايه










تبي نصيحتي ؟؟


حول الى كلية الرسم ترى يمدحونها:D

[أبوحمـــ15ـــــــــــد]

هلا allord

قائمة الدخل...

ياحليلها...

الا وش اخبار ورقة العمل اللي لازم تكتبها كاااااااامله وحاط لك فقرات تكتب ورقة العمل على ضؤها!!!

قمة الحوسة!!!

من جد تقلب الراس...

بس ولو ان شاء الله ابو عابدين مايخلينا(himo)




هاجس...

اجل تخصصك محاسبه...

يازين الادارة العامه وش حليلها بس مايحوسنا الا اللي خاش عرض مثل المحاسبة والاقتصاد والكمي وهالبلاوي!!!

[هاجس]

احمدوا ربكم يا جامعة الملك سعود وربي انكم بنعمه ومقرراتكم على الاقل اغلبها محاسبه





بعكس جامعة الملك فيصل بالشرقيه وربي لو اكتب لك مقرراتنا كلها اتحدى تقول هذا قسم محاسبه





على العموم الله يعينكم :)




ويوفقكم



وترى ينصحون المسنجر لا عاد تسولفون هنا :) اخاف يجي النجيدي ويصكنا بقفل رهيب :)



تحياتي ،،،

[الروح]

سلام ..:)

هلا وغلا .. هاجـــس :D

طبعا اول شي ثمن عمري وطاش وصادووووووووة ..

وأأأأأخر الفرسان :love:

ووبس ..;)

سلام ....

[منبع الثلج]

مرحبتين :cool:

أنا ساكن في قبو ما يركب فيه دش
يعني ما تجيني قنواة عربيه
ولا كان ودي أشارككم بالموضوع

بالله عليكم ما أكسر الخاطر



:cry: :cry: :cry: :cry: :cry: الحااااااااال منب بعضه يا شقراوي :cry: :cry:


بااااي ;)