M.L.M
6/11/2002, 00:54
السلام عليكم
مسيكم با الخير كلً بأسمة ( صرت اعرف احتسي زي الرجاجيل ابشركم ) يا أنا متشقق من الولة عليكم مدري ليش ؟ لعنبو بليسكم صرت اشتاق لكم اكثر من اهلي ! يا الله تستاهلون والله من يشتاق لكم <------- راضع مع مصارية !! غبت عنكم فترة ( بشر امك ) وجيت عندكم ( اقرا ما كتب بين الاقواس في السابق ) كنت يالربع في البحرين قبل اسبوعين !! طيب طيب انت وياة لا تقعدون ترفعون صوتكم اية انا قاصد اقولها علشان اكشخ اني رحت للبحرين ودبي بعد هاه وش عندكم ؟ مو ذنبي والله الدكتوووووووور الخاص حقي ( دكتور وخاص منتب سهل لعنبو بليسك قلم خاص فيك ما عندك عايش على الطرارة من غيرك ) الا على طاري الدراسة ابشركم عندي ولد عم يدرس برة ويقول ان محاصر بالبنات في ماده عنده ( عز الله افلح بس ) المهم الدكتور محرص علي اني لازم اتسدح على اشعة الشمس وقال لي مهوب اي اشعة بعد لا لازم تتسدح في شواطي البحرين حذفت عصى وانا فيها خخخخخخخخخخ وترا يا الربع الواحد مننا محتاج يغير جو من وقت لوقت ويغير وجية وهذي اهم شي !! وبعدين الواحد مننا لازم يكون انسان مختلط مع الغير وغير منغلق [( حشى هذا علبة تونة مهوب انسان)
مثلا انا من يومي صغير وانا انسان منفتح ( لاحد يفهم غلط ) يعني اجتماعي بحت وكانت لي علاقات بعيال الحارة اللي جنبنا وذهبت الى ابعد من ذلك حيث انني خربتها وصار عندي صديق في الغربيه ضاربً بتقاليد حارتنا عرض الجدار والتي تنص على عدم التعرف والتعامل مع عيال الحواري الثانية مهما كانت الاسباب والمسببات !! المهم انا رحت ومعي واحد الله ابتلاني فية بلوة كل معاني الدلاخة والسباهه والسقامة والثوارة وقلة الدبرة اجتمعت فية مالي نية والله اخاوية اروح لحالي اصرف دام وجودة نقص من الاساس !! بس يوم حسبت القطة وطلعت تسنها ثقيلة علي حبتين ! قلت يا فور يو شف لك واحد والا اثنين من ها المهبل المخفات خذهم معكم واسرق قطتهم زي العادة اذا القطة الف ريال قلهم القطة اربعة الاف !! والله ذولا ناس الله عطاهم من الدراهم الشي الكثير وفي نفس الوقت اخذ من عقولهم الشي الكثير !!! وهذي هي الدنيا يا بعد حيي على قولة اهل الاردن !!!! ناس تعيش على ناس ( امحق مثل ) لا يعني اقصد مهوب اللحين العصفور ياكل الدود علشان يعيش ( الله يحوم تسبدك)
هذا حنا بعد يا البشر !! ولقيت لي واحد دلخ يحبة قلبك يبي يسافر بس انة خايف ! مدري وش جايبة عندي دامة يخاف ! البحرين تبي واحد قلبة حديد شي اسمة خوف منزوع من قلبة وعينة تكسر الف عين ( يحلفون من بعد الساعة 7 با الليل وانت حاط راسك على المخدة يا الدلخ مهوب كلة تعب الا خوف والله ) وقلت لة اذا انت تبي تخاويني تراني جازم وسيارة الاجار زاهبة الولد يا حول طار من الفرحة وقال انا معك تكفى ودي اروح مليت من ذا الديرة اللي حنا فيها ! قلت لة خلاص زهب دراهمك [( وفي نفسي اقول يا زين دراهمك ويا مصلك مصلاة بس ) قال كم تبي ؟ قلت والله نبي نجلس اسبوع هناك وتخبر دوله سياحية يعني يبي لنا شلقة دراهم من الثلاث الاف ريال وفوق ! قال انا ولد خالتي طلال هناك ساكن هناك وش رايك نروح نسكن عندة وفرصة نوفر حق السكن ! يوم قالها وانا اللي تغير لون وجهي افااا الولد طلع لة جماعة هناك ما يصير ؟ اذا هكيت علية هناك ولد خالته ذا بيكشفني وش الدبرة يا فور يو ؟ قلت براسة ما نيب سارقن شي واجد بسرق منة على خفيف وبنسكن عند ولد خالتة ونوفر حق السكن شغلت سيارة الاجار موديل 2002 اي بنت تشوفها تطيح مغمى عليها من سلاسة السيارة وفخامتها ولعلكم تتسائلون عن نوعها انها هيونداي تراااا يقول المثل الايطالي " مد شعرك على قد مشطك !!" وبعد ما مشينا في الخط وغابت الشمس وطلعت الشمس وغابت مرة ثانية وانا ما غير متعلق في الطارة اسوق والبثر ذا صج مندوب اهلي بحتسية اللي مدري من وين يجيبة ؟ اجل خلصت السواليف يوم انة يقعد يقص لي وش صار بين اختة نورة ( عرفت اسمها مالي دخل هو اللي قال لي )
وزوجها السنة اللي راحت يوم اتصلت عليهم اختة في بيتهم في الرياض وهي تصيح وتقول خلو ابوي يجي ياخذني انا ابي اتطلق
معد ابي اعيش معة انت يا رجلها ! ويقوم الابو والام ( مندوبين الامم المتحدة ) ويروحون لم بنتهم في بيتها يبون يشوفون وش السالفة ويوم وصلو ويلقون بنتهم وجها مورم من الكفوف ونص شعر راسها طايحة وشنطها حاطتهن عند الباب وهي تبتسي يا حول ! ويوم شاف ابوها حالتها راح للغرفة الثانية يبي يلعن الطيب في رجلها ويفرشة فرش ولقاة هو الثاني وجة ممخش وانواع العضات في يدية ونص شنبة مفقود ! طارت عيون الام والابو !!! لعنبو حيكم وش اللي صاير لكم ؟ يوم تكلمت بنتهم وتسني بها عاد انواع المشاهق والتعبر ولو اهلها عندها وتبي تبز وتكشخ على رجلها وتسني بها تقول في نفسها لة " شفت شفت ترا وراي رجال يسالون عني ويحموني " وهي والله ما عندها غير ذا الشويب اللي ما يدري من وين يلحقها المهم تكلمت البنت علشان تشرح لاهلها وش اللي صار لهم وقالت " تصدقين يمة وتصدق يا يبة اني يوم صحيت من النوم وتوني ما بعد كديت شعري ( ياااي )
جاي يقول لي زبطي لي الفطور ؟ هذا زوج حنون ؟ بدال ما يقول لي صباح الخير يا حياتي ويحبني جاي يسال عن الفطور ؟ لو كان يحبني على الاقل جاب لنا فطور من اي مطعم او على الاقل بوفية مو يتعبني على الصبح " امها طارت عيونهاوابوها فق خشتة على مصرعيهاوطاح فك ضروسة لانهن تركيبة والتفتو على الرجال علشان يسمعون منة هو بعد وهو وبعد تنهيدة طويلة طلعها تدل على معاناة مهيب سهلة قال " تصدق يا خالي وتصدقين يا خالتي اني امس وانا اكل العشاء اللي هي طابختها مع انة كان خانس ونصة مرق لقيت شعرة طايحة فية من راسها ؟ هذا يرضيك يا خالي وانتي يا خالتي ؟ " التفت العجوز على عجوزتة وبعد عدة حركات ورمشات واشارات با العيون اغنتهم عن الكلام وهذا يدل على انهم متفاهمين تقل بلابل ! فصخ الابو عقالة والام شالت لي المكنسة وبدت عملية الصلح الابو قام يجلد في الرجال جلد الحمير !! ويقو لة لعنبو حيك ما تستحي على وجهك ؟ هذي علوم رجاجيل لقيت شعرة وما زبطت لي الفطور ؟ واخرتها تطاقون تقل بزارين يتهاوشون على مصقال طايح في الشارع ! لعنبو حيك انا من كثر ما القى شعرة خالتك اللي هي زوجتي في الاكل وآكلة ادمنت علية صارت لا حطت الغداء لي تجيب صحن
زلطة وصحن فية شعر من راسها وآكلة زي الايدام !! والام استلمت بنتها لزخ بهاك اللي ( يا حراااام الله من واحد اللحين يقول ليتني لي ذيك الحزة اخبركم !!"() وهي تقول لها " الشرهة مهيب عليس والله الشرهة علي والا لو اني بعقلي ما خليتس تعرسين وخليت بنات خالاتس يعيرنس با العانس !! اجل ما قال لس يا حياتي يوم قمتي من النوم ! لعنبو شيطانس لي مع ابوس فوق الاربعين سنة وازين كلمة دلعني فيها هي " ياشينس" !! ويصحيني من قبل لا تطلع الشمس ازبط لة صبيبات وحليبة !! اجل تصدقون قاعد يقص لي كذا ؟ وش دخلني انا طيب ؟ ادري بتقولون انتم بعد وحنا وش خصنا بها السالفة بعد ؟ يا فية ناس ما ودك انها تحتسي ابد ما بقى شي عن عائلتهم ما قالة ! قالو لك طبيب بيطري مثلا اقدر اشخص الحالة ؟ بس تجملت وش اسوي ولد خالتة عندة شقة بنسكن عندة ببلاش ( ابوك من مصلحجي ) . وصلنا للديرة ويا زينها من ديرة كل شي فيها اخظر(كثر منها مارة مليون مرة ياشينك وانت تكذب) الله يخلف علينا بس والجو غيوم ومطر خفيف يرش ووجيهن سفرة تناظرها ويظحكون في وجهك مهوب ربعنا لا صكيت الواحد منهم بنظرة وانت تبتسم قال لك خير انشا الله ؟ ضايع لك شي في وجهي ؟ انا لا قالي احد تسذا ودي ارد علية واقول وش بيضيع لي في وجهك يعني ؟ مفتاح ابو جلمبو اللي يشبة خشمك ؟ صامولة مقاس 6 اللي تشبة عيونك لا رموش ولا شي ؟ ليفة مواعين اللي تشبة شنبك ؟ والا وجهك اللي على بعضة تقل خبزة بر محترقة ؟ بس
اخاف انجلد والله مابي حيل طقاق !! معليش تتعدل الامور انشاالله وانصى اقرب تلفون واخلي دحيم يدق على ولد خالتة ولو لازم نسلم علية وبا المرة نسكن عندة خخخخخخ دق علية ووالله الرجال خلال نص ساعة وهو محظر عندنا ويا حسرة سيارتة لكزس اخر موديل ولونة زيتي وكشف وانا مطلع رجلي من دريشة الهونداي من زود الضيق والحشرة يوم نزل الولد من سيارتة والا خوش ولد طول وعرض وكتوف والرجال موووت يعني وسيم اطخم ( ليتني زية ) شعر اسود ناعم ولبس على الموضة الولد على بلاطة مزياان با الزاف نزلت انا وذا الدلخ اللي معي وسلام وتحبب وقال لنا مشينا لبيتي ورحنا وراة لين وصلنا لبيتة وبكل وساعة وجة فتحت شنطة السيارة ونزلت شنطتي ما فيها يعني بسكن عندك يعني بسكن !! وحطينا العفش من داخل والا بيتة شي مرتب وشغل عدل تحف واثاث متعوب علية وقال استريحو بروح اجيب لكم شي تشربونة وزي العادة يوم راح بديت اقز البيت على راحتي ومن ركن لركن لين طحت في كم صورة لة ومعة بنت مدري وش تبي !! اطالع هي بنت يا فوريو ؟ تقل كل الزين اللي بها الدنيا اجتمع فيها وبصراحة استحيت قلت يمكن هذي زوجتة عيب يا ولد تقز حرمة الرجال ( وش عقبة ) رجعت لدحيم وقلت لة من ذي صورتة ؟ قال هذي زوجتة انوار !! قلت اسمها انوار ما شاالله من وين ذي اقصد منهي بنت لة زين وجمال واسمً كشخة هي من بنات الرياض ؟ قال وش فيك انت هذي امريكية هو طلال متزوج امريكية وعايش هنا ! قلت اييييية قل تسذا من الاول
بعدي والله وانقز للصورة مرة ثانية قاصداً القز اماها امريكية عادي يعني اني اقز ابو جدها بعد بعد لحظات جا طلال ومعة شاهي وقام يصب لنا ! الدلخ دحيم قال انا بروح اسبح طلال اذا ممكن قال لة اية عادي ارق فوق الحمام على يمينك ! وراح ومد لي البيالة طلال وقعدت اطالع في البيالة وكنها مهيب عاجبتني ! قال لي وش فيك ما تشرب شاهي ؟ قلت كنت والله بس وين اللحين في البحرين وشاهي ما يصير ( على بالي بجرجرة ) ضحك وقال اجل طحت في الكافي هنا ( طلع العن مني )
قلت اي كافي بعد انت انا غير البيرة ما يعدل راسي ! قال هلا والله شكلك زكرتي مهوب مثل ولد خالتي دحيم والله ودي اضيفك بيرة بس اخاف ذا الدلخ يروح يقول لامة بعدين طلال يمة يشرب بيرة! قلت وعاد انت هامك احد ؟ امريكية واعرست عليها وش عليك من ذا العالم يا ابن الحلال سو ما براسك وعطهم اشكل والله يا ذا اللي يبربرون علينا ما راح ينفعونا اذا احتجنا لهم خلهم عنك بس ( انواع التدشير ) وبينما نحن نسولف سمعت فتحت الباب ودخلت علينا زوجتة يا ويلي بس اثر الصورة مشينتها وش ذاك الطول يا ولد مهوب بناتنا اطول وحدة فيهن 165 وبازة بعمرها بعد ووش جسم والشعر يا عيني اصفر يتلاصف والوجة لونة ضايع ما بين الابيض والوردي والبراطم تقل جمر الغظى ولابسة شورت جنز لين نص الفخذ وقميص تي شرت وشايلة معها الهاند باق توها جاية من النادي الرياضي يا عمري وهو اللي يقوم طلال يرحب ويلهي فية ويح.. [] ( عادي زوجتة شباب ) وهي اللي تقولة والله انك وحشتني ماني قادرة اصدق اني ما شفتك من ساعتين وهو يرد عليها ويقول وانتي اكثر يا حياتي ( خلف الله على ربعنا لو يغيبون عن بعض شهر سلامهم واحد وهو تسيف الحال ) وانا فاقن خشتي واطالع فيهم ومنسجم وجالس احلم يا ترا اذا اعرست ممكن نسوي كذا انا والمدام ( صفقني اذا دخلت البيت انواع الاسئلة البايخة غير لستت الطلبات ) ويوم قزتني زوجتة قالت لطلال من هذا حبيبي ؟ رد وقال هذا صديقي جاي يزورني هو وولد خالتي ! وهي اللي تجي تبي تسلم علي
وتلخبصت ! مدري احبها زي طلال بس اخاف يصطرني طلال امد يدي بس يعني لا وعع حركة قروية ذي قلت بحب يدها زي ما اشوف في الافلام وانا اللي امد يدي لمها وامعط يدها واقعد احبب فيها وشوي شوي ما دريت الا وانا كل مالي ارقا شوي وصلت المرفق !! واخرتها وصلت للكتف وهو اللي يجي يجرني طلال وهو يقول هدي اعصابك يا ابن الحلال وش جاك ؟ قلت هاه لا بس قصدي اعبر عن مشاعر الفرحة اللي فيني برؤيتها ( اية هين بس ) وجلست معنا شوي وانا ما شلت عيوني عنها صدرها اني وسيع وجة هذا ورجلها معنا جالس شلون لو راح ( لو راح بيصير شي ما صار ) رقت هي تقول بغير ثيابي واجيكم وانا في قلبي اقول الله يحفظس يا خلف طوايفي بتوحشيني ( حشى قطيت مع الرجال في زوجتة ) [] وجلست انا وطلال وقال لي انت متزوج يا فور يو !! رسمت ابتسامة صفراء على براطمي وانا اقول في نفسي لو اني معرس تسان ما شفتني اخمم في زوجتك يا حسرة تسان عندي حرمتي ضافتني عنها وعن غيرها قلت لة لا والله ما بعد اعرست بس النية موجودة ( صفقني ) [قال والله ترا العرس راحة ووناسة واستقرار قلت اية والله صدقت من ناحية وناسة فهو وناسة اذا انا اعرست على وحدة زي حرمتك !! يوم قعد يطالعني بعيونة ؟؟ قال تسنك طيحت الميانة اشوف وهذا ومالنا الا ربع ساعة عارفين بعض اجل باتسر وش بتسوي ؟ قلت لة لا مو القصد بس يا خي انت من الديرة وخابر يعني البير وطباقتة ابي وحدة تطير ذرة العقل اللي باقية لي بجمالها ورشاقتها ونعومتها ودلعها ولون ركبتها !! بس ما لقيتها والله عندنا مو معناة ما فية بس يمكن امي ما لقتها لين اللحين ! قال وش لك ببنات ديرتنا بس وخنبقة ابوها واخوانها وعزايم وحوسة وملعنة جدف !1 اعرس من هنا ولا سافر لأمريكا ولا سوريا ولا مصر ولا الهند
(وش تبي هالاخيره) تاخذها بثيابها وصفقني اذا شفت احد من جماعتها بعدين ( هذا الزين والله واللي انا ناقص باتسر يجيني ابوها في البيت زي ربعنا يدربي كرشتة ويسوي لي فيها فاهم ) قلت تدري يا طلال انا قلبي انفتح لك ( يا نصبي كل من شفتة قلت لة تسذا ) الفكرة مراودتني بس يا خوك متخوف شوي الاولة من الاهل اذا درو والثانية من جماعتنا اذا رجعت للديرة بيقعدون يسبون فيني ليل نهار اللي ما يستحي اعرس على اجنبيه تلبس صروال جنز ( مقصودة ) وشعرها اصفر وغيرة وغيرة وانت خابر ربعنا ناسً فاضين ويحتسون بدون قضية شلون لو لقو قضية عاد ؟ قال يا رجال وانت ليش معطيهم اكبر من حجمهم ؟ فية شي اسمة اشكل اهم شي تكون انت مقتنع با اللي تسوية واللي ما يعجبة يصفق راسة باقرب جدار خرسانة ( آآة الله من راس ودي اصبخهن في جدار ) واذا على اهلك سو زيي حطهم في الامر الواقع ارجع لاهلك وزوجتك في يدك وادخل بها على اميمتك وابوك وحزتها قلوبهم تبي ترق لك وبيقولون دامة مبسوط ما عندنا مانع !! قلت هين بس هذا ابوك انت اما عندي ابو من طراز خاص وهو راظي علي يجلدني شلون لو دخلت علية وانا متأبط فتاة شقراء اللون خمرية الوجدتين مفتوخت
الفتخين !! والا ودي بعد بيني وبينك احسن نسل عائلتنا اللي مدري وش يبي تقل جايين من الصومال نحاف تقل مساويك والبشرة السمراء والنفوس الخايسة ودي بولد شعرة احمر وعيونة زي امة خظر وابيض يلق تسنة قشطة ( هين بس والله ان ما يوفرونة عرابجة العقربيه ) وبينما نحن نتصارح جاء زين الحلاي دحيم والله اللزقة بدل ما تجي انوار يجي ذا التمساح ! وبعد شوي جت هي وجلسنا مع بعض وسواليف وسواليف لين جا العشاء وقال طلال وش رايكم نطلع نتمشى ونسهر قلت اية والله ابي اسهر واللي وش جابني هنا غير السهر مشينا تكفون ! وكنت مخطط اذا طلعنا اركب جنب انوار ورا في السيارة على اساس ان الدلخ دحيم اعرفة بزر يبي يصيح لين يركب قدام ويفضى لي الجو ورا انا وانوار بس ما كولو ما يلمعو ذهبون حيث قالت انوار انا شباب تعبانة مرررة انتم روحو اسهرو وتفرجو على الديرة مع زوجي !! يوم بغيت اصيح من القهر وطلعنا ثلاثتنا الحق عاد بغيت اكبها من جد واقول للشباب انة جاني مغص ! واسهال مزمن ! وما اقدر اسهر معكم علشان اجلس في البيت معها بس خفت طلال يلزخني بكم بوكس. رحنا لعين عذاري والسيف وشفت شي مهوب صاحي ! ربعنا يا كثرهم هناك بس من دون عبي انواع الفتحات والبنطرونات الضيقة مع العلم ان الاجسام هي هي علبة ببسي بس يقالك انهن زي الاجنبيات ! بغيت ارجع ايام الراشد وشارع الكورنيش واغازل بس قلت ما عطني وجة هناك في الخبر بيعطني وجة وهن هنا فكنا منهن بس ! وجت حزة العشاء وقال لنا
طلال بوديكم لمطعم مهوب صاحي اكيد انك يا فور يو تعرفة بين عليك من زباينة ! قلت وشو ذا المطعم ؟ قال مطعم الايطالي قلت وشو ذا بعد ؟ ] ( بريء) قال علي مشينا وانت تتذكر مشينا ورحنا لذا المطعم اللي يقول ويوم دخلنا وعلامات السباهة بينة على محياي والا يا ولد مطعمً يحبة قلبك كل اللي يخدمن فية بنات ومهوب اي بنات بعد بنات لابسات لبس يفتح النفس للاكل خخخخخخ الله يرجهم كانهم معد لقو شي يسوونة ذا المهبل ! جلسنا وانا عيوني تدور عليهن كل ما مرت وحدة خطر ما اطيح من على كرسيي من التتنيح وبعد اقل من دقيقة جتنا بنت تمشي [( اكيد تمشي اجل تحبي ؟) بس يا بشر من شفت زولها ومن قبل لا اقز اشباهها من بعيد يعني حسيت بحرارة في كليتي اقصد قلبي واطالع والا رجلي اليسرا ترجف !! والعرق بدا يتصبب من حاجبي الايمن وكفري الايسر الخلفي انفقع ! ويوم قربت من عند طاولتنا وهي تتمخطر ووالابتسامة شاقة وجهها شق قالت هاااي شباب وحنا اللي نرد كلنا بصوت واحد هلا والله بها الزين ( طلعنا كلنا مهبل حتى خوينا المعرس ذا ) وتمد لنا ذيك الورقة اللي يكتبون فيها اشياء غريبة وانت تقرا منها وتطلب وقالت انا اسمي كريستينا وراح اكون اللي تخدمكم الليلة ! ! انا وين وقائمة الطعام وين
حدي اوقف بسيارتي في شارع المطاعم وانزل دريشة سيارتي واصايح ثنين شاورما بدون مخلل يا معلم وواحد ببسي وقالت لنا بصوت يتخللة مزيج من الدلع مع بحة في الصوت كان تأثيرها على شخصي الكريم اني تكرفست من على كرسيي وما انلام يا عالم ومن طبع ذا المطعم انة سبور يعني يقعدون معك اللي يخدمن على الطاولة ويسولفن شباب عادي !! وقعدت معنا على كرسي سحبتة وانا فاقن كشرتي ماني مصدق اللي قاعد يحصل ولو اني ادري عن ذا المطعم ان تسان طقيت خيمة عند بابة وقامت تسولف وتنطل حسي وانا لساني انعقد ابي اسوي فيها لغة وابربر وما قدرت لو احد غيري تسان جاة شلل من زينن فيها وقام عاد طلال يتكلم معها والولد لغتة مهيب صاحية وقامو يحتسون بينهم وعطوني اشكل بيجي واحد ويقول مهوب انت لحالك اللي عطوة اشكل معك دحيم !! ردي هو دحيم حساب من الاساس ( اما انت يا فور يو رازً خشمك على ايش بس ؟) قلت هين بس مهوب فور يو اللي يرضى با الهزيمة في عقر دارة وانا اللي اتل سيفي اقصد اطلق لساني وقلت لها " اسكيوزمي مدام كان كان أي مين كان أي تو تو توك تو يوو بلييز ؟ " [(طبعا المطعم هذا مطعم ايطالي)شفتو والله اني اغرد باالعنقليزي !! قالت شووور واي نت وهو اللي يغمز لي طلال يعني يا الله شف شغلك فور يو معها وهو اللي يتصبب عرقي يوم انها صارت تطالعني بعيونها ذبحتني يا عرب قلت لها مااي نايم از فور يو انا فرووم سعودية!! والله يوو لووك سوو كيوت تونايت ( يعني انت شفتها قبل علشان تقول تونايت!!) ضحكت عاد ولو انبسطت خخخخخخ ومنا كلمة ومناك كلمتين يوم انهد لساني صرت احسي ازين من بل كلينتون ويا
زين سواليفنا بس تخبرون الشين اذا عطي وجة عاد اقول لها انتي ساكنة فيذاا في البحرين يعني ؟ ( اكيد يا لوح اجل ساكنة في خرخير وتجي تداوم هنا يعني ؟) قالت اية ليش تسال ؟ قلت انا والله تورست يعني سائح وما اعرف شي بها الديرة وودي يعني لو توصفين لي محلاتن زوينة ازورها قالت اوووة فية اشياء واجد وش تبي با الضبط انت ؟ قلت حدي قهاوي بس فيني زيران رقص ما قد جا على احد اذا ما اهز خصري لمدة عشر ساعات يومين ما يرتاح بالي ( وش خليت لفيفي عبدة )!!! ضحكت وقالت اجل تبي تنبسط فيذاا عاد انا استغليت الفرصة وقلت لها لا وين انبسط يا حسرة واطرقت برأسي اي دنقت ملمحن لها اني ابي اخفي حزن عميق في وجهي وسحبت لك تنهيدة خافتت الصوت شديدة الوقع في النفس !! قالت وش بك ؟ وليش ما راح تنبسط يعني ؟ قلت انا وحيد في ها الدنيا ساكن بروحي ماما وبابا بعيد عن انا ( اشوفني قلبت هندي مع الحزن ) اغسل هدومي بنفسي واكويهن بنفسي بعد اذا طبخت شلت هم تغسيل المواعين وتنسد نفسي عن الاكل اذا اكلت كلها لقمتين بس شلون بشتهي الاكل وانا لحالي يعني با الله عليس شلون راح انبسط وانا لحالي ؟ ويوم خلصت كلامي رفعت طرف عيني ابي اشوف ردة فعلها وما دريت الا ودموعها تهل المسيكينة !! قلت وش بس ؟ قالت ما ادري وانت تو تحكي عن نفسك كأنك تحكي عني انا بعد ! قلت انتي وحدانية بعد ؟ قالت اية والله قلت يا حوول شلون عايشة لحالس لازم يكون عندس حبيب يسليس يعني ( انواع التدشير ) قالت وهي تمط خشتها والله كأني لقيتة ابشرك وضحكت وقامت عننا وهي اللي تصكني بغمزة وهي تمشي راحت وهو اللي يطب في بطني طلال يا الله يا الله تراك يا لعين شبكت البنت تشبيكة مهيب صاحية من قدك !! قلت تهقي انها يعني ذابت في دباديب عيوني ؟ قال مالت عليك مدري وش هي لاقية فيك والله قلت انا زيك بعد قلت لة طيب اطلع انت وخذ كيس الشعير ذا اقصد دحيم معك وخلوني لحالي معها تخبر استحي اتكلم وانتم فية [] ( وانت خليت فيها حياء ؟)
تبون تعرفون وش صار
ان شاء الله بالجزء الثاني
[
:angel:
مسيكم با الخير كلً بأسمة ( صرت اعرف احتسي زي الرجاجيل ابشركم ) يا أنا متشقق من الولة عليكم مدري ليش ؟ لعنبو بليسكم صرت اشتاق لكم اكثر من اهلي ! يا الله تستاهلون والله من يشتاق لكم <------- راضع مع مصارية !! غبت عنكم فترة ( بشر امك ) وجيت عندكم ( اقرا ما كتب بين الاقواس في السابق ) كنت يالربع في البحرين قبل اسبوعين !! طيب طيب انت وياة لا تقعدون ترفعون صوتكم اية انا قاصد اقولها علشان اكشخ اني رحت للبحرين ودبي بعد هاه وش عندكم ؟ مو ذنبي والله الدكتوووووووور الخاص حقي ( دكتور وخاص منتب سهل لعنبو بليسك قلم خاص فيك ما عندك عايش على الطرارة من غيرك ) الا على طاري الدراسة ابشركم عندي ولد عم يدرس برة ويقول ان محاصر بالبنات في ماده عنده ( عز الله افلح بس ) المهم الدكتور محرص علي اني لازم اتسدح على اشعة الشمس وقال لي مهوب اي اشعة بعد لا لازم تتسدح في شواطي البحرين حذفت عصى وانا فيها خخخخخخخخخخ وترا يا الربع الواحد مننا محتاج يغير جو من وقت لوقت ويغير وجية وهذي اهم شي !! وبعدين الواحد مننا لازم يكون انسان مختلط مع الغير وغير منغلق [( حشى هذا علبة تونة مهوب انسان)
مثلا انا من يومي صغير وانا انسان منفتح ( لاحد يفهم غلط ) يعني اجتماعي بحت وكانت لي علاقات بعيال الحارة اللي جنبنا وذهبت الى ابعد من ذلك حيث انني خربتها وصار عندي صديق في الغربيه ضاربً بتقاليد حارتنا عرض الجدار والتي تنص على عدم التعرف والتعامل مع عيال الحواري الثانية مهما كانت الاسباب والمسببات !! المهم انا رحت ومعي واحد الله ابتلاني فية بلوة كل معاني الدلاخة والسباهه والسقامة والثوارة وقلة الدبرة اجتمعت فية مالي نية والله اخاوية اروح لحالي اصرف دام وجودة نقص من الاساس !! بس يوم حسبت القطة وطلعت تسنها ثقيلة علي حبتين ! قلت يا فور يو شف لك واحد والا اثنين من ها المهبل المخفات خذهم معكم واسرق قطتهم زي العادة اذا القطة الف ريال قلهم القطة اربعة الاف !! والله ذولا ناس الله عطاهم من الدراهم الشي الكثير وفي نفس الوقت اخذ من عقولهم الشي الكثير !!! وهذي هي الدنيا يا بعد حيي على قولة اهل الاردن !!!! ناس تعيش على ناس ( امحق مثل ) لا يعني اقصد مهوب اللحين العصفور ياكل الدود علشان يعيش ( الله يحوم تسبدك)
هذا حنا بعد يا البشر !! ولقيت لي واحد دلخ يحبة قلبك يبي يسافر بس انة خايف ! مدري وش جايبة عندي دامة يخاف ! البحرين تبي واحد قلبة حديد شي اسمة خوف منزوع من قلبة وعينة تكسر الف عين ( يحلفون من بعد الساعة 7 با الليل وانت حاط راسك على المخدة يا الدلخ مهوب كلة تعب الا خوف والله ) وقلت لة اذا انت تبي تخاويني تراني جازم وسيارة الاجار زاهبة الولد يا حول طار من الفرحة وقال انا معك تكفى ودي اروح مليت من ذا الديرة اللي حنا فيها ! قلت لة خلاص زهب دراهمك [( وفي نفسي اقول يا زين دراهمك ويا مصلك مصلاة بس ) قال كم تبي ؟ قلت والله نبي نجلس اسبوع هناك وتخبر دوله سياحية يعني يبي لنا شلقة دراهم من الثلاث الاف ريال وفوق ! قال انا ولد خالتي طلال هناك ساكن هناك وش رايك نروح نسكن عندة وفرصة نوفر حق السكن ! يوم قالها وانا اللي تغير لون وجهي افااا الولد طلع لة جماعة هناك ما يصير ؟ اذا هكيت علية هناك ولد خالته ذا بيكشفني وش الدبرة يا فور يو ؟ قلت براسة ما نيب سارقن شي واجد بسرق منة على خفيف وبنسكن عند ولد خالتة ونوفر حق السكن شغلت سيارة الاجار موديل 2002 اي بنت تشوفها تطيح مغمى عليها من سلاسة السيارة وفخامتها ولعلكم تتسائلون عن نوعها انها هيونداي تراااا يقول المثل الايطالي " مد شعرك على قد مشطك !!" وبعد ما مشينا في الخط وغابت الشمس وطلعت الشمس وغابت مرة ثانية وانا ما غير متعلق في الطارة اسوق والبثر ذا صج مندوب اهلي بحتسية اللي مدري من وين يجيبة ؟ اجل خلصت السواليف يوم انة يقعد يقص لي وش صار بين اختة نورة ( عرفت اسمها مالي دخل هو اللي قال لي )
وزوجها السنة اللي راحت يوم اتصلت عليهم اختة في بيتهم في الرياض وهي تصيح وتقول خلو ابوي يجي ياخذني انا ابي اتطلق
معد ابي اعيش معة انت يا رجلها ! ويقوم الابو والام ( مندوبين الامم المتحدة ) ويروحون لم بنتهم في بيتها يبون يشوفون وش السالفة ويوم وصلو ويلقون بنتهم وجها مورم من الكفوف ونص شعر راسها طايحة وشنطها حاطتهن عند الباب وهي تبتسي يا حول ! ويوم شاف ابوها حالتها راح للغرفة الثانية يبي يلعن الطيب في رجلها ويفرشة فرش ولقاة هو الثاني وجة ممخش وانواع العضات في يدية ونص شنبة مفقود ! طارت عيون الام والابو !!! لعنبو حيكم وش اللي صاير لكم ؟ يوم تكلمت بنتهم وتسني بها عاد انواع المشاهق والتعبر ولو اهلها عندها وتبي تبز وتكشخ على رجلها وتسني بها تقول في نفسها لة " شفت شفت ترا وراي رجال يسالون عني ويحموني " وهي والله ما عندها غير ذا الشويب اللي ما يدري من وين يلحقها المهم تكلمت البنت علشان تشرح لاهلها وش اللي صار لهم وقالت " تصدقين يمة وتصدق يا يبة اني يوم صحيت من النوم وتوني ما بعد كديت شعري ( ياااي )
جاي يقول لي زبطي لي الفطور ؟ هذا زوج حنون ؟ بدال ما يقول لي صباح الخير يا حياتي ويحبني جاي يسال عن الفطور ؟ لو كان يحبني على الاقل جاب لنا فطور من اي مطعم او على الاقل بوفية مو يتعبني على الصبح " امها طارت عيونهاوابوها فق خشتة على مصرعيهاوطاح فك ضروسة لانهن تركيبة والتفتو على الرجال علشان يسمعون منة هو بعد وهو وبعد تنهيدة طويلة طلعها تدل على معاناة مهيب سهلة قال " تصدق يا خالي وتصدقين يا خالتي اني امس وانا اكل العشاء اللي هي طابختها مع انة كان خانس ونصة مرق لقيت شعرة طايحة فية من راسها ؟ هذا يرضيك يا خالي وانتي يا خالتي ؟ " التفت العجوز على عجوزتة وبعد عدة حركات ورمشات واشارات با العيون اغنتهم عن الكلام وهذا يدل على انهم متفاهمين تقل بلابل ! فصخ الابو عقالة والام شالت لي المكنسة وبدت عملية الصلح الابو قام يجلد في الرجال جلد الحمير !! ويقو لة لعنبو حيك ما تستحي على وجهك ؟ هذي علوم رجاجيل لقيت شعرة وما زبطت لي الفطور ؟ واخرتها تطاقون تقل بزارين يتهاوشون على مصقال طايح في الشارع ! لعنبو حيك انا من كثر ما القى شعرة خالتك اللي هي زوجتي في الاكل وآكلة ادمنت علية صارت لا حطت الغداء لي تجيب صحن
زلطة وصحن فية شعر من راسها وآكلة زي الايدام !! والام استلمت بنتها لزخ بهاك اللي ( يا حراااام الله من واحد اللحين يقول ليتني لي ذيك الحزة اخبركم !!"() وهي تقول لها " الشرهة مهيب عليس والله الشرهة علي والا لو اني بعقلي ما خليتس تعرسين وخليت بنات خالاتس يعيرنس با العانس !! اجل ما قال لس يا حياتي يوم قمتي من النوم ! لعنبو شيطانس لي مع ابوس فوق الاربعين سنة وازين كلمة دلعني فيها هي " ياشينس" !! ويصحيني من قبل لا تطلع الشمس ازبط لة صبيبات وحليبة !! اجل تصدقون قاعد يقص لي كذا ؟ وش دخلني انا طيب ؟ ادري بتقولون انتم بعد وحنا وش خصنا بها السالفة بعد ؟ يا فية ناس ما ودك انها تحتسي ابد ما بقى شي عن عائلتهم ما قالة ! قالو لك طبيب بيطري مثلا اقدر اشخص الحالة ؟ بس تجملت وش اسوي ولد خالتة عندة شقة بنسكن عندة ببلاش ( ابوك من مصلحجي ) . وصلنا للديرة ويا زينها من ديرة كل شي فيها اخظر(كثر منها مارة مليون مرة ياشينك وانت تكذب) الله يخلف علينا بس والجو غيوم ومطر خفيف يرش ووجيهن سفرة تناظرها ويظحكون في وجهك مهوب ربعنا لا صكيت الواحد منهم بنظرة وانت تبتسم قال لك خير انشا الله ؟ ضايع لك شي في وجهي ؟ انا لا قالي احد تسذا ودي ارد علية واقول وش بيضيع لي في وجهك يعني ؟ مفتاح ابو جلمبو اللي يشبة خشمك ؟ صامولة مقاس 6 اللي تشبة عيونك لا رموش ولا شي ؟ ليفة مواعين اللي تشبة شنبك ؟ والا وجهك اللي على بعضة تقل خبزة بر محترقة ؟ بس
اخاف انجلد والله مابي حيل طقاق !! معليش تتعدل الامور انشاالله وانصى اقرب تلفون واخلي دحيم يدق على ولد خالتة ولو لازم نسلم علية وبا المرة نسكن عندة خخخخخخ دق علية ووالله الرجال خلال نص ساعة وهو محظر عندنا ويا حسرة سيارتة لكزس اخر موديل ولونة زيتي وكشف وانا مطلع رجلي من دريشة الهونداي من زود الضيق والحشرة يوم نزل الولد من سيارتة والا خوش ولد طول وعرض وكتوف والرجال موووت يعني وسيم اطخم ( ليتني زية ) شعر اسود ناعم ولبس على الموضة الولد على بلاطة مزياان با الزاف نزلت انا وذا الدلخ اللي معي وسلام وتحبب وقال لنا مشينا لبيتي ورحنا وراة لين وصلنا لبيتة وبكل وساعة وجة فتحت شنطة السيارة ونزلت شنطتي ما فيها يعني بسكن عندك يعني بسكن !! وحطينا العفش من داخل والا بيتة شي مرتب وشغل عدل تحف واثاث متعوب علية وقال استريحو بروح اجيب لكم شي تشربونة وزي العادة يوم راح بديت اقز البيت على راحتي ومن ركن لركن لين طحت في كم صورة لة ومعة بنت مدري وش تبي !! اطالع هي بنت يا فوريو ؟ تقل كل الزين اللي بها الدنيا اجتمع فيها وبصراحة استحيت قلت يمكن هذي زوجتة عيب يا ولد تقز حرمة الرجال ( وش عقبة ) رجعت لدحيم وقلت لة من ذي صورتة ؟ قال هذي زوجتة انوار !! قلت اسمها انوار ما شاالله من وين ذي اقصد منهي بنت لة زين وجمال واسمً كشخة هي من بنات الرياض ؟ قال وش فيك انت هذي امريكية هو طلال متزوج امريكية وعايش هنا ! قلت اييييية قل تسذا من الاول
بعدي والله وانقز للصورة مرة ثانية قاصداً القز اماها امريكية عادي يعني اني اقز ابو جدها بعد بعد لحظات جا طلال ومعة شاهي وقام يصب لنا ! الدلخ دحيم قال انا بروح اسبح طلال اذا ممكن قال لة اية عادي ارق فوق الحمام على يمينك ! وراح ومد لي البيالة طلال وقعدت اطالع في البيالة وكنها مهيب عاجبتني ! قال لي وش فيك ما تشرب شاهي ؟ قلت كنت والله بس وين اللحين في البحرين وشاهي ما يصير ( على بالي بجرجرة ) ضحك وقال اجل طحت في الكافي هنا ( طلع العن مني )
قلت اي كافي بعد انت انا غير البيرة ما يعدل راسي ! قال هلا والله شكلك زكرتي مهوب مثل ولد خالتي دحيم والله ودي اضيفك بيرة بس اخاف ذا الدلخ يروح يقول لامة بعدين طلال يمة يشرب بيرة! قلت وعاد انت هامك احد ؟ امريكية واعرست عليها وش عليك من ذا العالم يا ابن الحلال سو ما براسك وعطهم اشكل والله يا ذا اللي يبربرون علينا ما راح ينفعونا اذا احتجنا لهم خلهم عنك بس ( انواع التدشير ) وبينما نحن نسولف سمعت فتحت الباب ودخلت علينا زوجتة يا ويلي بس اثر الصورة مشينتها وش ذاك الطول يا ولد مهوب بناتنا اطول وحدة فيهن 165 وبازة بعمرها بعد ووش جسم والشعر يا عيني اصفر يتلاصف والوجة لونة ضايع ما بين الابيض والوردي والبراطم تقل جمر الغظى ولابسة شورت جنز لين نص الفخذ وقميص تي شرت وشايلة معها الهاند باق توها جاية من النادي الرياضي يا عمري وهو اللي يقوم طلال يرحب ويلهي فية ويح.. [] ( عادي زوجتة شباب ) وهي اللي تقولة والله انك وحشتني ماني قادرة اصدق اني ما شفتك من ساعتين وهو يرد عليها ويقول وانتي اكثر يا حياتي ( خلف الله على ربعنا لو يغيبون عن بعض شهر سلامهم واحد وهو تسيف الحال ) وانا فاقن خشتي واطالع فيهم ومنسجم وجالس احلم يا ترا اذا اعرست ممكن نسوي كذا انا والمدام ( صفقني اذا دخلت البيت انواع الاسئلة البايخة غير لستت الطلبات ) ويوم قزتني زوجتة قالت لطلال من هذا حبيبي ؟ رد وقال هذا صديقي جاي يزورني هو وولد خالتي ! وهي اللي تجي تبي تسلم علي
وتلخبصت ! مدري احبها زي طلال بس اخاف يصطرني طلال امد يدي بس يعني لا وعع حركة قروية ذي قلت بحب يدها زي ما اشوف في الافلام وانا اللي امد يدي لمها وامعط يدها واقعد احبب فيها وشوي شوي ما دريت الا وانا كل مالي ارقا شوي وصلت المرفق !! واخرتها وصلت للكتف وهو اللي يجي يجرني طلال وهو يقول هدي اعصابك يا ابن الحلال وش جاك ؟ قلت هاه لا بس قصدي اعبر عن مشاعر الفرحة اللي فيني برؤيتها ( اية هين بس ) وجلست معنا شوي وانا ما شلت عيوني عنها صدرها اني وسيع وجة هذا ورجلها معنا جالس شلون لو راح ( لو راح بيصير شي ما صار ) رقت هي تقول بغير ثيابي واجيكم وانا في قلبي اقول الله يحفظس يا خلف طوايفي بتوحشيني ( حشى قطيت مع الرجال في زوجتة ) [] وجلست انا وطلال وقال لي انت متزوج يا فور يو !! رسمت ابتسامة صفراء على براطمي وانا اقول في نفسي لو اني معرس تسان ما شفتني اخمم في زوجتك يا حسرة تسان عندي حرمتي ضافتني عنها وعن غيرها قلت لة لا والله ما بعد اعرست بس النية موجودة ( صفقني ) [قال والله ترا العرس راحة ووناسة واستقرار قلت اية والله صدقت من ناحية وناسة فهو وناسة اذا انا اعرست على وحدة زي حرمتك !! يوم قعد يطالعني بعيونة ؟؟ قال تسنك طيحت الميانة اشوف وهذا ومالنا الا ربع ساعة عارفين بعض اجل باتسر وش بتسوي ؟ قلت لة لا مو القصد بس يا خي انت من الديرة وخابر يعني البير وطباقتة ابي وحدة تطير ذرة العقل اللي باقية لي بجمالها ورشاقتها ونعومتها ودلعها ولون ركبتها !! بس ما لقيتها والله عندنا مو معناة ما فية بس يمكن امي ما لقتها لين اللحين ! قال وش لك ببنات ديرتنا بس وخنبقة ابوها واخوانها وعزايم وحوسة وملعنة جدف !1 اعرس من هنا ولا سافر لأمريكا ولا سوريا ولا مصر ولا الهند
(وش تبي هالاخيره) تاخذها بثيابها وصفقني اذا شفت احد من جماعتها بعدين ( هذا الزين والله واللي انا ناقص باتسر يجيني ابوها في البيت زي ربعنا يدربي كرشتة ويسوي لي فيها فاهم ) قلت تدري يا طلال انا قلبي انفتح لك ( يا نصبي كل من شفتة قلت لة تسذا ) الفكرة مراودتني بس يا خوك متخوف شوي الاولة من الاهل اذا درو والثانية من جماعتنا اذا رجعت للديرة بيقعدون يسبون فيني ليل نهار اللي ما يستحي اعرس على اجنبيه تلبس صروال جنز ( مقصودة ) وشعرها اصفر وغيرة وغيرة وانت خابر ربعنا ناسً فاضين ويحتسون بدون قضية شلون لو لقو قضية عاد ؟ قال يا رجال وانت ليش معطيهم اكبر من حجمهم ؟ فية شي اسمة اشكل اهم شي تكون انت مقتنع با اللي تسوية واللي ما يعجبة يصفق راسة باقرب جدار خرسانة ( آآة الله من راس ودي اصبخهن في جدار ) واذا على اهلك سو زيي حطهم في الامر الواقع ارجع لاهلك وزوجتك في يدك وادخل بها على اميمتك وابوك وحزتها قلوبهم تبي ترق لك وبيقولون دامة مبسوط ما عندنا مانع !! قلت هين بس هذا ابوك انت اما عندي ابو من طراز خاص وهو راظي علي يجلدني شلون لو دخلت علية وانا متأبط فتاة شقراء اللون خمرية الوجدتين مفتوخت
الفتخين !! والا ودي بعد بيني وبينك احسن نسل عائلتنا اللي مدري وش يبي تقل جايين من الصومال نحاف تقل مساويك والبشرة السمراء والنفوس الخايسة ودي بولد شعرة احمر وعيونة زي امة خظر وابيض يلق تسنة قشطة ( هين بس والله ان ما يوفرونة عرابجة العقربيه ) وبينما نحن نتصارح جاء زين الحلاي دحيم والله اللزقة بدل ما تجي انوار يجي ذا التمساح ! وبعد شوي جت هي وجلسنا مع بعض وسواليف وسواليف لين جا العشاء وقال طلال وش رايكم نطلع نتمشى ونسهر قلت اية والله ابي اسهر واللي وش جابني هنا غير السهر مشينا تكفون ! وكنت مخطط اذا طلعنا اركب جنب انوار ورا في السيارة على اساس ان الدلخ دحيم اعرفة بزر يبي يصيح لين يركب قدام ويفضى لي الجو ورا انا وانوار بس ما كولو ما يلمعو ذهبون حيث قالت انوار انا شباب تعبانة مرررة انتم روحو اسهرو وتفرجو على الديرة مع زوجي !! يوم بغيت اصيح من القهر وطلعنا ثلاثتنا الحق عاد بغيت اكبها من جد واقول للشباب انة جاني مغص ! واسهال مزمن ! وما اقدر اسهر معكم علشان اجلس في البيت معها بس خفت طلال يلزخني بكم بوكس. رحنا لعين عذاري والسيف وشفت شي مهوب صاحي ! ربعنا يا كثرهم هناك بس من دون عبي انواع الفتحات والبنطرونات الضيقة مع العلم ان الاجسام هي هي علبة ببسي بس يقالك انهن زي الاجنبيات ! بغيت ارجع ايام الراشد وشارع الكورنيش واغازل بس قلت ما عطني وجة هناك في الخبر بيعطني وجة وهن هنا فكنا منهن بس ! وجت حزة العشاء وقال لنا
طلال بوديكم لمطعم مهوب صاحي اكيد انك يا فور يو تعرفة بين عليك من زباينة ! قلت وشو ذا المطعم ؟ قال مطعم الايطالي قلت وشو ذا بعد ؟ ] ( بريء) قال علي مشينا وانت تتذكر مشينا ورحنا لذا المطعم اللي يقول ويوم دخلنا وعلامات السباهة بينة على محياي والا يا ولد مطعمً يحبة قلبك كل اللي يخدمن فية بنات ومهوب اي بنات بعد بنات لابسات لبس يفتح النفس للاكل خخخخخخ الله يرجهم كانهم معد لقو شي يسوونة ذا المهبل ! جلسنا وانا عيوني تدور عليهن كل ما مرت وحدة خطر ما اطيح من على كرسيي من التتنيح وبعد اقل من دقيقة جتنا بنت تمشي [( اكيد تمشي اجل تحبي ؟) بس يا بشر من شفت زولها ومن قبل لا اقز اشباهها من بعيد يعني حسيت بحرارة في كليتي اقصد قلبي واطالع والا رجلي اليسرا ترجف !! والعرق بدا يتصبب من حاجبي الايمن وكفري الايسر الخلفي انفقع ! ويوم قربت من عند طاولتنا وهي تتمخطر ووالابتسامة شاقة وجهها شق قالت هاااي شباب وحنا اللي نرد كلنا بصوت واحد هلا والله بها الزين ( طلعنا كلنا مهبل حتى خوينا المعرس ذا ) وتمد لنا ذيك الورقة اللي يكتبون فيها اشياء غريبة وانت تقرا منها وتطلب وقالت انا اسمي كريستينا وراح اكون اللي تخدمكم الليلة ! ! انا وين وقائمة الطعام وين
حدي اوقف بسيارتي في شارع المطاعم وانزل دريشة سيارتي واصايح ثنين شاورما بدون مخلل يا معلم وواحد ببسي وقالت لنا بصوت يتخللة مزيج من الدلع مع بحة في الصوت كان تأثيرها على شخصي الكريم اني تكرفست من على كرسيي وما انلام يا عالم ومن طبع ذا المطعم انة سبور يعني يقعدون معك اللي يخدمن على الطاولة ويسولفن شباب عادي !! وقعدت معنا على كرسي سحبتة وانا فاقن كشرتي ماني مصدق اللي قاعد يحصل ولو اني ادري عن ذا المطعم ان تسان طقيت خيمة عند بابة وقامت تسولف وتنطل حسي وانا لساني انعقد ابي اسوي فيها لغة وابربر وما قدرت لو احد غيري تسان جاة شلل من زينن فيها وقام عاد طلال يتكلم معها والولد لغتة مهيب صاحية وقامو يحتسون بينهم وعطوني اشكل بيجي واحد ويقول مهوب انت لحالك اللي عطوة اشكل معك دحيم !! ردي هو دحيم حساب من الاساس ( اما انت يا فور يو رازً خشمك على ايش بس ؟) قلت هين بس مهوب فور يو اللي يرضى با الهزيمة في عقر دارة وانا اللي اتل سيفي اقصد اطلق لساني وقلت لها " اسكيوزمي مدام كان كان أي مين كان أي تو تو توك تو يوو بلييز ؟ " [(طبعا المطعم هذا مطعم ايطالي)شفتو والله اني اغرد باالعنقليزي !! قالت شووور واي نت وهو اللي يغمز لي طلال يعني يا الله شف شغلك فور يو معها وهو اللي يتصبب عرقي يوم انها صارت تطالعني بعيونها ذبحتني يا عرب قلت لها مااي نايم از فور يو انا فرووم سعودية!! والله يوو لووك سوو كيوت تونايت ( يعني انت شفتها قبل علشان تقول تونايت!!) ضحكت عاد ولو انبسطت خخخخخخ ومنا كلمة ومناك كلمتين يوم انهد لساني صرت احسي ازين من بل كلينتون ويا
زين سواليفنا بس تخبرون الشين اذا عطي وجة عاد اقول لها انتي ساكنة فيذاا في البحرين يعني ؟ ( اكيد يا لوح اجل ساكنة في خرخير وتجي تداوم هنا يعني ؟) قالت اية ليش تسال ؟ قلت انا والله تورست يعني سائح وما اعرف شي بها الديرة وودي يعني لو توصفين لي محلاتن زوينة ازورها قالت اوووة فية اشياء واجد وش تبي با الضبط انت ؟ قلت حدي قهاوي بس فيني زيران رقص ما قد جا على احد اذا ما اهز خصري لمدة عشر ساعات يومين ما يرتاح بالي ( وش خليت لفيفي عبدة )!!! ضحكت وقالت اجل تبي تنبسط فيذاا عاد انا استغليت الفرصة وقلت لها لا وين انبسط يا حسرة واطرقت برأسي اي دنقت ملمحن لها اني ابي اخفي حزن عميق في وجهي وسحبت لك تنهيدة خافتت الصوت شديدة الوقع في النفس !! قالت وش بك ؟ وليش ما راح تنبسط يعني ؟ قلت انا وحيد في ها الدنيا ساكن بروحي ماما وبابا بعيد عن انا ( اشوفني قلبت هندي مع الحزن ) اغسل هدومي بنفسي واكويهن بنفسي بعد اذا طبخت شلت هم تغسيل المواعين وتنسد نفسي عن الاكل اذا اكلت كلها لقمتين بس شلون بشتهي الاكل وانا لحالي يعني با الله عليس شلون راح انبسط وانا لحالي ؟ ويوم خلصت كلامي رفعت طرف عيني ابي اشوف ردة فعلها وما دريت الا ودموعها تهل المسيكينة !! قلت وش بس ؟ قالت ما ادري وانت تو تحكي عن نفسك كأنك تحكي عني انا بعد ! قلت انتي وحدانية بعد ؟ قالت اية والله قلت يا حوول شلون عايشة لحالس لازم يكون عندس حبيب يسليس يعني ( انواع التدشير ) قالت وهي تمط خشتها والله كأني لقيتة ابشرك وضحكت وقامت عننا وهي اللي تصكني بغمزة وهي تمشي راحت وهو اللي يطب في بطني طلال يا الله يا الله تراك يا لعين شبكت البنت تشبيكة مهيب صاحية من قدك !! قلت تهقي انها يعني ذابت في دباديب عيوني ؟ قال مالت عليك مدري وش هي لاقية فيك والله قلت انا زيك بعد قلت لة طيب اطلع انت وخذ كيس الشعير ذا اقصد دحيم معك وخلوني لحالي معها تخبر استحي اتكلم وانتم فية [] ( وانت خليت فيها حياء ؟)
تبون تعرفون وش صار
ان شاء الله بالجزء الثاني
[
:angel: