كانك ولد ابوك حل اللغز

[عـــهـــود]

مرحبا .....

كيف الحال يالغالين ؟؟؟؟

انا بصراحه جايبه لكم اليوم لغزين (كل هالمده تدور ولا صحلت الا ثنين )

ابختبر مستواكم التعليمي والفني (عاد هذا وش دخله ؟؟؟)

وبراعيكم يعنى اللي يحل واحد يعتبر فائز لكن مو بمستوى اللي يحل الاثنين جميع اوكي ؟؟؟؟؟



اللغز الاول ياحلوين يقول ......

ما هي اطول رحله في العالـــــــم؟؟؟؟؟؟


اللغز الثاني .....

عاد هذا مختص بالنحو (وينك ياهاجس بابو الالغـــــــاز ؟؟؟؟)

هو ماهو اعراب لكن ابي الفرق بين كلمتين في البيت التالي .....

طرقت الباب حتى كلمتني .......فلما كلمتني كلمنتي ....

هـــــــــــــاه عرفتوا الحل ....

الرجاء ارسال الحلول على العنوان التالي ...
صندوق بريد 111111111111
المز البريدي 55555555555

اذكروا الله حتى بالبريد مميز ......

تحياتي لكم ....

عهود

[alhilalia_9]

ياحبيلي يانااااس سويت دعايه للاالغاااز كلن قام يقول لغز:D

انشالله بحلهم :)

[عـــهـــود]

انا على بالي حليتي لكن يالله انتي اللي فتحتي الباب .....

لاتتاخرين بالحل تراه وايد سهل

بااااااااااااااااااااي

عهود

[الطيرالهلالي]

السلام....


طرقت الباب حتى كلمتني .......فلما كلمتني كلمنتي ....


طرقت الباب...حتى كل متني.... يعني بالعربي تعبت يده ;)

فلما كل متني كلمتني.. يوم تعبت يده كلمته ;)

شفتي اني ولد ابوي :D

اما عن اطول رحله اعتقد انها رحلة ماجلان وفيها اكتشف امريكا ;)

يالله عهود صفقي لي
:yes:

[عـــهـــود]

اهب بالسرعه هذي (امزح بسم الله عليك الله لايضرك )

اوكي اللغز الثاني صح لكن الاول غلط .....

بس يله تعتبر من الفائزين


مشكور وتقبل تحياتي

عهود

[الوسام]

هلاااا عهود


طرقت الباب حتى كلمتني .......فلما كلمتني كلمتني ....

فقالت لي ايا اسماعيل صبرا ...... فقلت لها ايا اسماعيل صبري


تلاعب لفظي

الشطر الاول

طرقت الباب حتى كلا متني ... تعب جسمي
الشطر الثاني
فلما كلمتني كلمنتي .... فلما تعبت ردت علي

------------------------------
البيت الثاني
الشطر الاول
فقالت لي ايا اسماعيل صبرا ......
واسمه اسماعيل وطلبت منه الصبر

الشطر الثاني


فقلت لها ايا اسماعيل صبري
واسمها اسماء وقال لها نفذ صبري (عيل) صبري

[الطيرالهلالي]

بس يله تعتبر من الفائزين

بس من الفايزين.... وش رايك بعد تقولين لي من العادين ترى ما نقصنا الا هذي:mad:

يالله بس دزي لي الجائزه بسررررررررعه؟؟؟؟

;)

[عـــهـــود]

الحل صحيح وفعلا مدرسه النحو اللي خذيت منها اللغز قالت لي البيت الثاني لكن قلت حرام يمكن ما يعرفون

بس وين الحل الاول يالوســـــــــــــــــام ؟؟؟؟؟؟


تحياتي لك

عهود

[عـــهـــود]

وش فيك معصب ؟؟؟؟؟؟

ترى انا خكريه ما احب اللي يعصبون ....

اوكي الجايزه جاهزه بس وين المعلومات حقتك؟؟؟؟

ولا ارسلها بالهوى !!!!!!!!!!!!!!

ترسل المعلومات الشخصيه على العنوان السابق ذكره ....

يتطلب منك ارسال نسخه من شهاده الثانويه (اذا توك تدرس راحت عليك يمكن الوسام مخلص الثانويه ويفوز)

تكون حسن المظهر (حشى بيتوظف بالاستقبال )

تملك منزل وسياره (وطبعا رخصه واستماره)

لديك خبره لا تقل عن سبع سنوات في مجال التنقيب عن الفقع (عاد هذي اكيد تملكها)

ومن لديه هذه المواصفات فعليه التقدم بطلب الوظيفه اسفه اقصد الجائزه ....

تحياتي لك

عهود

[الغـــلا]

هلا عهوده
الجواب الاول:
رحلة الاسراء والمعراج(لان الله اسرى بالنبي محمد للسماوات بمده قصيره جدا يعني يوم واحد بس)لكن انت لو بتسافر للدمام مثلا على حماراو خيل راح تجلس لمده 3 ايام اواكثر وانت بالخط (سبحان الله)
الجواب الثاني:
الشاعر قصده اني طرقت الباب حتى(كلمتني)معناه كل متني يعني تعب كتفه
ولما (كلمتني)يعني يوم تعب كتفه (كلمتني) يعني ردت عليه
الله يوفقني (و يوفقكم ولاتزعلون)
ومشكوره على هاللغز
وبااااي

[خمسطعش]

اقول انا كل متني وانا اقرأ الموضوع ...


طيب انا عندي لغز اتحداكم تحلونه ...


حجر حجنجر حجار لا تبيض بيض الدجاجه وش هي ؟؟؟؟

:) :) :) :)

يالله حلووووووووه انت وياه

[منبع الثلج]

مرحبتين :cool:


وش هالموووضه الجديده بالالغاااز :D :D



والشباااب ما شاء الله حلوهن ولا عاقت :eek: :eek: :D


انا داخل اسلم واطلع يالله بااي :angel: :angel:

[السجين بتهمة حب الهلال]

كيف الحال عهود؟؟؟




صب كابتشينو,,,الغاز تجنن وصعبه<<<<< صدقتك


سلام عهود

[عـــهـــود]

الحل صحيح يالغاليه ( الغلا )

وانتظري الجائزه اول يوم في شوال (يوم العيد يعنى ) .....

تحياتي لك وللجميع ...

عهود

[عـــهـــود]

خمسطعش بصراحه لغزك مرررره صعب (الظاهر ماله حل صح؟؟؟؟)

منبع الثلج وش رايك في هالموضه بالله ماهي حلوه ؟؟؟؟؟

مشكور على مرورك والله يسلمك ...

السجين بتهمه حب الهلال انا الحمد لله بخير ومشكور على السؤال ......
واتحداك اذا كنت عارف حل اللغز الاول قبل ما تحله الغلا !!!!!!!!

تحياتي للجميع ...

عهود

[هاجس]

وخروا هاجس وصل :)




توني جاي لقيت الاجوبه انقالت ياللأسف :( ضاااق صدري





يالله يا عهود هاتي لغز ثاني وخليه بموضوع خاص وابشري بالحل :)





تحياااااتي ،،،