سحقا للتعصب !!! ..

[ابوساري]

السلام عليكم ورحمة الله وبركاته


أكتب هالموضوع وأدري إني أمس الرأي الشخصي لكثير من الاعضاء والاصدقاء ..

لكن مايمنع اني أدلو بدولي عاد ..

وأتمنى مثل ما أخذت راحتي بكتابة رأيي .. إن الردود تصير عقلانية شوي وبدون انبراشات ..:kello:


كثير من الأخوة عندنا يذمون في جماهير النصر .. طيب وش السبب ؟ ..

السبب جماهير النصر .. ليش ؟ .. لأن الجماهير النصراوية شغلها الشاغل الهلال .. وكل منجز يحقق له

تشكيك بالبطولات الهلالية .. وإلتماس الاعذار للفريق المنافس وانه ضعيف وانه مظلوم ..


طيب الحين وش جانا يوم فاز الاتحاد ؟ .. يعني وش فرقنا عن النصر ؟ ..

ياخي بغض النظر عن فوز الاتحاد .. فوزه اول شي يحسب لاسم الوطن ومهب لاسم الاتحاد

يمكن عندنا داخليا نواجه مشكلة بسبب التنافس ..

بس والله برا ماحد درى عنك .. اذا فاز فريق سعودي قالوا فاز فريق سعودي . ماقالوا اتحاد والا هلال


اتهام بالمنشطات .. وان الفريق الياباني انظلم .. واصلا هو تاسع الترتيب بالدوري الياباني ..

والرطوبة و و و و .. طيب يا أخوان وش نبي نستفيد حنا ؟


وش اللي نبي نوصل له يعني من هالتشكيك ؟ ..

كل فريق يجيه زمن يغيب .. ولكنه يرجع ..

حنا صحيح غبنا عن اسيا وطلعنا على يد فرق ضعيفة مقارنة بالهلال وبنجومه ..

لكن هذي هي الكورة .. فوز وخسارة .. والعبرة بعدد الانجازات ...

اخسر اليوم مرة .. لكن اكسب بكرا عشر مرات .


الاتحاد قدم مباراة انا شفته لأني كنت بانتظار مباراة ميونيخ .. مافيها اي شي

الاتحاد كان كبير داخل الملعب .. واذكركم بمباراة اليابان كيف بيكون شكل الاتحاد ..


ياجماعة الخير والله مانوصل لشي لو استمرينا على نهج الجماهير النصراوية اللي أكّدت لي اليوم تأثيره على جماهيرنا .. وانصبغنا من صبغتهم ..

اذا ماجاز لك فوز الاتحاد .. رح للمدرج الهلالي وانسى الاتحاد ولا كأنه فاز ..

بس ماتوصل نشكك !! ..


ياليت نكون عقلانيين ونكون مثل ماكنا عليه اول .. لا يهمنا مجد لفريق ثاني .. همنا بفريقنا بس

أتمنى من كل اتحادي يكون عنده هالاحساس وحتى النصراوي ..

اذا ضاق صدرك من انجاز فريق ثاني اتركه .. واعلم ان الدور جايك بإذن الله


اللي يقول حتى هم يتمنون خسارتنا .. ياجماعة مهب كلهم !! ..

كل نادي عنده عيّنة من هالجماهير .. حتى عندنا خير والله ..

كل فريق له جماهير متعصبة بشكل غير مقبول .. ولكنه نسبة تختلف من فريق لثاني ..

اتمنى من كل قلبي نترك اي فريق بحاله ..

اللي يبي يبارك يبارك .. واللي مايبي يبارك يحفظ نفسه من الذنوب والدخول بالذمم .. والله محنب ناقصين ذنوب ..


أمس زمن .. واليوم زمن .. وبكرا زمن أجمل بإذن الله ..

شكرا

[ذيب أبانمي]

اللي نسويه يالغالي ردا على اللي يسوونه وإن زادوا زدنا ..

أجل عاجبك الأطخم اللي أمس في المنصة يصفق لهم ومبسوط وداعمهم معنويا وماديا وحنا يسحبون لعيبتنا ومدربينا ..

لا ويجوونك ويعتدون على جماهيرنا وكل مباراة لازم يقولون نيفيا نيفيا وأهزوجة ياسر وحنا لما قلنا نيجيريا عاقبونا لا وحسين عبدالغني يغلط على الفريدي ويطلع الفريدي يبي حقه عن طريق مجراها الصحيح يغرمونه 10 آلاف وكل واحد يصلح سيارته ..

أي نجاح لأي نادي سعودي غير الهلال هو نجاح ينسب لعاهات الله ابتلانا فيهم لذا ما أتمنى أي نادي سعودي يتعادل خارجيا فكيف يفوز ..

نهاية أنا متعصب وسأدافع عن ناديي بوجود تلك الشرذمة الخبيثة ولن أتمنى لأي ناد سعودي التوفيق في الخارج غير الهلال ..

[هلالي من حيني]

اللي نسويه يالغالي ردا على اللي يسوونه وإن زادوا زدنا ..

أجل عاجبك الأطخم اللي أمس في المنصة يصفق لهم ومبسوط وداعمهم معنويا وماديا وحنا يسحبون لعيبتنا ومدربينا ..

لا ويجوونك ويعتدون على جماهيرنا وكل مباراة لازم يقولون نيفيا نيفيا وأهزوجة ياسر وحنا لما قلنا نيجيريا عاقبونا لا وحسين عبدالغني يغلط على الفريدي ويطلع الفريدي يبي حقه عن طريق مجراها الصحيح يغرمونه 10 آلاف وكل واحد يصلح سيارته ..

أي نجاح لأي نادي سعودي غير الهلال هو نجاح ينسب لعاهات الله ابتلانا فيهم لذا ما أتمنى أي نادي سعودي يتعادل خارجيا فكيف يفوز ..

نهاية أنا متعصب وسأدافع عن ناديي بوجود تلك الشرذمة الخبيثة ولن أتمنى لأي ناد سعودي التوفيق في الخارج غير الهلال ..


معك في كل اللي قلته :yes:

[اسد الهلال 1]

انت ياكاتب الموضوع مع الاسف ابتلي الهلال بمن هم على شاكلتك وهم قلة ولله الحمد رح ادخل منتداهم تهزيئ وسخرية من الهلال وانت ياكاتب الموضوع شخص غريييييييييببببببببب

[السـامـر]

شكراً لك / في منتدياتهم سخرو ولازالو يسخرون من لقب نادي القرن

آسمح لي بنيت ارائك على قاعده خاطئه

[ابوساري]

أشكر المشرف على فتح الموضوع ..

حسيت بكتمة قسم يوم تقفل .. اشوى انه انفتح والا تسان الحين ضايقن صدري ..

هي اربع تعليقات وكله جت على نمط واحد وانا بعلق على ماتم ذكره ..


ذيب أبانمي ..

انت ذكرت انه رد على اللي يسوونه .. طيب انت تدري ان اللي يسوونه غلط وانت من ردك مستاء منهم :d:

مستاء لأن اللي يسوونه غلط .. طيب دامه غلط وشوله تشغل بالك به ؟ .. وتضيق صدرك

انا كل اللي طلبته نخف من المواضيع اللي تشكك وتذم وتسب ..

يا خي من صالح المنتدى ومن صالح الاعضاء اننا مانشوف هالمواضيع !! ..

انا كعضو بالشبكة وانت وغيرنا يهمنا فريقنا .. طيب وش نبي بتتبع زلات وغلطات الناس ؟ ..

هذا هو جوهر الموضوع .. أما هم سوو وهم فعلو .. وش مصلحتنا اننا نرد الخطأ بالخطأ ؟ ..

دافع عن النادي .. من حقك ومن حق اي انسان منتمي لهالكيان انه يدافع ..

لكن انت برايك اخوي ذيب انه هذا الحل ؟ .. افرد مواضيع بالمنتدى كله عن ذاك النادي او ذيك الرئاسة؟

المشكلة فوز نادي الاتحاد ماله علاقة بالهلال لا من قريب ولا من بعيد .. وشوله نحشر انفسنا معهم ؟؟؟

ونكتب مواضيع عن فوزهم هل هو صحيح او خطأ ؟؟ ..

فوز الاتحاد يسجل للدولة .. وفوز الهلال يسجل للدولة .. لو فاز محليا ميخالف بس هذي مباراة خارجية أقل شي اذا ماعجبتك النتيجة اتركهم بحالهم .. وش لنا بهم فازوا والا خسروا ؟ ..

هذا اللي اقصده من كلامي .. وجزاك الله خير على ردك




هلالي من حينك ..

نفس الرد اللي رديت على ذيب اتمنى انك تقراه



أسد الهلال ..

اذا الهلال ابتلى فيني قلي من اي ناحية بس ؟ ..

ميخالف ادخل منتداهم تهزيء وسخرية ميخالف منتدانا به هالكتابات .. انا لي كتاباتات عن النصر

لكنه كله كتابات خاصة بحدث معيّن ضد الهلال .. سواء مباراة او ظلم تحكيمي ضد فريقي

بس ياخي ذي مباراة بين الاتحاد وفريق ياباني !!! .. وش دخلنا به ؟

اللي يبي يبارك للاتحاد من منظور وطني ميخالف يبارك ..

اللي مايبي يبارك بسبب انه يكره الاتحاد وشوله يتعب عمره ويجيب احصائيات وكلام

بما ان المباراة ماتخصنا !!!! .. وفوز الاتحاد او خسارته ماتعني الهلال بشي ..

كيف ابتلى المنتدى بي وبأشكالي ؟ .. وكيف سمحت لنفسك انك تكلمن بهالطريقة ؟؟؟؟

انا يا أخي الكريم هلالي من وقت يمكن انت ماتذكره .. وكلامي يعبر عن رأي شخصي

بإمكانك تعبر عن رأيك .. بس هل انا ذكرت اسمك بالموضوع وقلت ان المنتدى مبلي بك وبأشكالك ؟

يا أخي انت انبراشي من النوع اللي اذا ماعجبك شي تهجّم على الشخص وتجرده من انتماءه

من اللي عطاك الحق انك تتلفظ علي بهالألفاظ ؟ بيننا ميانة على سبيل المثال ؟ ..

اذا كنت ماتمون علي ولا تعرف شخصي .. يا خوي ليه ماترفعت عن الكلام هذا ؟ ..

دامك ماتعرف وش بنيتي وش تبي تقول ان المنتدى ابتلى بأشكالي ؟..

والله العظيم واقسم بالله ان المقصد من هالموضوع شي يهم المنتدى ويرفع من ايجابية مواضيعه ..

شلون صار اشكالي ماينبغون ؟ ..

يمكن اخطأت بصياغة الموضوع .. لكن مايعني انك تتهجم على شخصي ..

لك الحق بالتعليق على ماكتبت مثل مارد ذيب ابانمي .. لكن انك تمس شخصي هذا ما لا أقبله .. ولا انت تقبله

بالنسبة للسخرية اللي يمشون عليه هم .. يا أخوي شلون تقابل الغلط بالغلط ؟ ...

وهل سخريتهم وكلامهم ومواضيعهم اللي غصّت منتدياتهم به عن الهلال ضرّت الهلال بشي ؟..

بالعكس ضرّتهم اكثر من انها نفعتهم ..

الله يصلحك بس .. انا اتمنى تجلس مع نفسك شوي .. وهالاشياء تشغل بالك على غير سنع


السامر الولهان ..

اشكرك مرة ثانية على فتح الموضوع ..

ومثل ماذكرت للأخوان ..

النقطة الي متفقين عليه انتم هي انهم يسبون ويسوون ويفعلون ..

طيب وش المطلوب اننا نسويه ؟ .. نكتب مثلهم مثلا ؟ .. او نحط مواضيع سب عنهم ؟..

او نكتب موضوع تاصل صفحاته 9 كله سب وشتم ؟ ..

حنا ارقى من هالشي .. والانسان يتعصب لكن يتعصب لفريقه .. مهب يتعصب ضد الفرق الثانية ..

ننكت نضحك .. ميخالف .. مواضيع توسع الصدر ميخالف اذا كانت بمناسبة

مثل فوز الهلال .. او حتى ظلم الهلال .. او اي شي يمس الهلال من قريب او بعيد

بس فوز الاتحاد وش دخل النادي به علشان نشكك ونكتب مواضيع ؟..



اتمنى اخواني ان الكلام وصل وانفهم ..

انا تذكر حال المنتديات الهلالية قبل فترة .. وللأسف الآن اشوف ان قراءة الاخبار والمواضيع المثبتة أجدى من قراءة المواضيع الثانية ..

[KANO]

يالبى قلبك والله ..
قلت اللي في خاطري ..
أوافقك بكل اللي قلته ..
فوز فريق منافس لك بجدارة ما يعني انك تقلل وتشكك من الفوز وان فيه ظلم تحكيمي وووو ..
ما تعودنا على هاللهجة حنا يالهلاليين ..
كل اللي يهمنا فريقنا الهلالي بعيد عن التشكيك والحكام والاعذار الواهية حقت جيراننا ..
نستغرب من جماهير النصر التشكيك والدخول بالذمم وحنا بدينا نسلك طريقهم :(( ..
لا تنهى عن خلقِ وتأتي بمثله عار عليك إذا فعلت عظيم ..
واللي يقول بمنتدياتهم يشككون ومدري ايش أقوله نصير أحسن منهم ..
مهوب اذا طبوا بالنار نطب معهم :) ..

[Butterfly]

باختصار.. عامل الاندية بسواسية ساعتها كلن بيلهى مع فريقه ( إلا الفاشلين طبعاً
السب والشتم اكيد محد يرضى فيه
لكن لا تقول ان الفريق الاتحادي مو مدعوم .. انا ماقول انه فريق فاشل .. مع ان المباراة
امس انا اخالفك فيها .. كانت ضعيفة .. والاخطاء التحكيمية كانت فادحه
وصدقني لو الهلال يلاقي الدعم اللي يُقدم للاتحاد ( وهذا المفروض والمعروف في كل دول العالم
المفروض لما يمثلك فريق تدعمه مو العكس) كان الجماهير ساعتها ماراح تلوم في الخروج
والخسارة إلا فريقها .. ولا راح يهمها فريق الاتحاد او غيره إذا فاز او خسر إلا يمكن
يفرحون له وانا متأكده من هالشي

[تحت امرك ياهلال]

6_2 وفي نصف نهائي ونقول ان الدعم هو الي خلاهـ يفوز فاز لانه فريق كبير وعرف يتعامل مع خصمه ,,, صح ان العدل بينا وبينهم مختلف فرق بين دعم بفلوس وحظور قبل اسبوع ودعم من نوع آخر يقيلون مدربك قبل الاسيويه بـأسبوع يعني انا مااتمنى ان الاتحاد ياخذ الاسيويه مو عشانه الاتحاد بالعكس والله الاتحاد يستاهل لكن بالاخر بيقولون حقق الاتحاد هذي البطوله بفضل دعم الامير سلطان والامير نواف والانجاز بيصير انجاز سلطان وولد اخوهـ ويصجونا فيه

[ThiAgO_NeVeS]

شكراً لك / في منتدياتهم سخرو ولازالو يسخرون من لقب نادي القرن

آسمح لي بنيت ارائك على قاعده خاطئه

صدقت وانا اخوك

[السليك بن سلكه]

اللي اسمه ابوساري
الصراحة ماقريت بقية مداخلاتك المطولة
لان ليس لدي وقت اضيعه
ما ادري وش هالحماس اللي عندك
الاعضاء هنا طبيعي يتحدثون عن مبارة الاتحاد
لانهم في مدرج كرة القدم السعودية
وفيه حدث يستحق النقاش حوله
لو مافيه مناسبة اتفق معك
ثانيا انا ضد من يشكك بالفوز
الفوز مستحق
الاتحا فريق قوي ولاخلاف في ذلك
ولكن
خدمه الطرد المبكر والرطوبة التي اهلكت لاعبي ناجويا ..
ولاتنسى دعم " عطني "وهو دعم لايحصل عليه نادي كالهلال ..

[ابوساري]

والله يا بعض المرات ودي أغمض ما اقرأ ردود أبد :d:

ابستكمل مداخلاتي وبضيّع وقتكم شوي .. وأتمنى من أعماق قلبي انكم ما تخسرون زيادة وقت


كانو ..

شف وانا اخوك اقسم بالله اثلجت صدري بردك ..

يمكن علشانك مؤيد لكلامي وذا شي طبيعي اني بستانس

ويمكن لخصت كلامي كله اللي ضيع وقت الاعضاء بكم سطر أشكرك عليهن ..

تستاهل قبلة على جبينك يا كانو .. ودي نحتفل بهالرد بأي مطعم تختاره :d:



يترفلاي ..

طيب خله مدعوم .. والهلال افردت له مواضيع مع كل خروج من اسيوية اشكي به التظلم ..

ماقلت شي انا .. انا كل اعتراضي على المواضيع اللي زحمت المنتدى عن الاتحاد

تكسرت اصابعي من الكتابة .. وش رايكم نطلع استراحة يوم الاربعاء الجاي ونتفاهم :d:

تسلم بتر فلاي على مداخلتك ..


تحت امرك ياهلال

الهلال فرغوا لاعبينه لأجل المنتخب وخسر الهلال بالخروج من بطولات اسيا وحدة ورى الثانية ..

ولو الهلال حصل له تسهيلات مثله مثل غيره اضمن انه بيلعب نهائيين مهب نهائي واحد ..

ادري بهالشي يا تحت امرك ..

تحت امرك انا طالبك طلبة .. ركز على كلامي اللي اقوله وان شاء الله تاصل خير



تياقو نيفيز ..

ياخي مادري وش اقول :d: .. لكن شكرا على مرورك ( وردة )



المسمى السليك بن سليكه ..

احلف عاد :d:

طيب السليك بما انك انسان مفكّر ولا عندك وقت تضيعه ابي من وقت 28 ثانية ..

الحين انت تقول طبيعي انهم يكتبون عن الاتحاد صح ؟ .. صح :d:

اكتب ميخالف .. بس هل انت مع مسميات اتشاد وزنوج ومنشطات وغيره ؟ ..

هذا نقاش صح ؟ .. طيب اذا انت عادي عندك .. ورانا نعترض على النصراوية ونسب منتدياتهم ؟

هم بعد يناقشون مواضيع الهلال وشي طبيعي على قولك .. فيه مناسبة بعد كل مباراة يتحدثون عن الهلال :d:

من هالمنطلق اللي ذكرته اخوي المسمى السليك .. ماحد غلط على احد ..

والنصر والاتحاد ماسبو بمنتدياتهم .. هم مارسوا حقهم المشروع بالنقاش .. اللي هو جاء بوقت مناسب بعد مباراة الهلال مع فريق مالهم دخل فيه :d:

وهم بعد شككوا وقللوا من انجازات الهلال .. وقالوا ان الهلال فاز بالالقاب بالرشوة ..

طبعا هم ذكروا هالشي بمناسبة .. بعد كل فوز هلالي بلقب يجيبون هالاسطوانة ..

وش المشكلة اذا صديقي اللي اسمه السليك بن سليكه ؟ :d:


خلصت ال28 ثانية ؟ .. اذا باقي شي قلي علشان استغل هالوقت الثمين وأقولك قصيدة والا اعلمك نكته توسع صدرك :d:

[bob2000]

اللي نسويه يالغالي ردا على اللي يسوونه وإن زادوا زدنا ..

أجل عاجبك الأطخم اللي أمس في المنصة يصفق لهم ومبسوط وداعمهم معنويا وماديا وحنا يسحبون لعيبتنا ومدربينا ..

لا ويجوونك ويعتدون على جماهيرنا وكل مباراة لازم يقولون نيفيا نيفيا وأهزوجة ياسر وحنا لما قلنا نيجيريا عاقبونا لا وحسين عبدالغني يغلط على الفريدي ويطلع الفريدي يبي حقه عن طريق مجراها الصحيح يغرمونه 10 آلاف وكل واحد يصلح سيارته ..

أي نجاح لأي نادي سعودي غير الهلال هو نجاح ينسب لعاهات الله ابتلانا فيهم لذا ما أتمنى أي نادي سعودي يتعادل خارجيا فكيف يفوز ..

نهاية أنا متعصب وسأدافع عن ناديي بوجود تلك الشرذمة الخبيثة ولن أتمنى لأي ناد سعودي التوفيق في الخارج غير الهلال ..

كفو والله هذا الكلام السنع وانا متعصب للهلال ماحييت ولا يشرفني ان اساند نادي الاتهاد اكرمكم الله

[@هلالي الشرقية@]

اولا اشكرك على روحك العاااليه ..


لكن هذه هي الكووره والتنافس ..

فمثلا اذا كنا ضد الفرق هذا علشان ما يكونوا احسن من فريقي .. [ ولا يهميني مسمى الوطنية .. لان الوطنية ما تقاس على كوووره ]

لان بالنهاية ابغى احافظ على اسم الزعيم وانجازاته وبطوولاته ..

ولن اسمح لنفسي بالوقوف ضد هذا الانجاز ..وبأذن الله بنحافظ علييييييييه

[فهد الهلالي2002]

كثير من الأخوة عندنا يذمون في جماهير النصر .. طيب وش السبب ؟ ..

السبب جماهير النصر .. ليش ؟ .. لأن الجماهير النصراوية شغلها الشاغل الهلال .. وكل منجز يحقق له

تشكيك بالبطولات الهلالية .. وإلتماس الاعذار للفريق المنافس وانه ضعيف وانه مظلوم ..


طيب الحين وش جانا يوم فاز الاتحاد ؟ .. يعني وش فرقنا عن النصر ؟ ..

ياليت قبل ماتكتب موضوع تفكر بعقلك قبل ماتاخذك العاطفه

تقول حاقدين على النصر لانهم حاقديين علينا وحنا صايريين مثل النصراويه حاقديين على الاتحاد !!!!

من اطلق اهزوجه ياسر وينه ومن كان فرحان ويتشمت لما طلع الهلال من ام صلال

من شكك بزياره الهلال وانه يبي يتعاقد مع هزازي ياخي اخرها قبل اسبوع يشككون بلقب القرن

وتقولي ليه نحقد على الاتحاد

[DeaD HeaD]

شكلك مصدق سالفة "نادي الوطن" :d:
هذي سياسة تطبيع من إعلامهم
على بالهم بيمشون على العالم ان هالخوال سعوديين محمد آل نور وفرقته :smart:

[مسـترخجـل]

يعطيك العافيه

[نيلمار]

ابو ساري

صراحة ....
أعجبني في موضوعك فكرة الترفع عن الوقوع في سقطاتهم
وعدم تشويه مدرجاتنا بمواضيع الهمز واللمز فيهم وكأنهم شغلنا الشاغل

لكن ...
منيب معك في حكاية دعم الاتحاد لأنه يمثل الوطن
لسبب بسيط وهو ....
إن الهلال ملا قلبي وعقلي ومافي مجال لنادي غيره مهما كان الوضع والمناسبة

ألزم ما علي هلالي
ولا ودي أشجع أحد غيره
ولا ودي أنتقص من قدره بعد


وبيني وبينك ... حاولت إني أهضم الاتحاد وأعتبره من أندية الوطن
بس والله العظيم ما قدرت

( أعترفلك إني فيني عنصرية :angel:)

[أزرق مرح]

أهم شيء ما يكون فيه سخرية فقط


واللي نسويه شيء بسيط



من اللي يسوونه هم

[السمو الهلالي9]

اللي نسويه يالغالي ردا على اللي يسوونه وإن زادوا زدنا ..

أجل عاجبك الأطخم اللي أمس في المنصة يصفق لهم ومبسوط وداعمهم معنويا وماديا وحنا يسحبون لعيبتنا ومدربينا ..

لا ويجوونك ويعتدون على جماهيرنا وكل مباراة لازم يقولون نيفيا نيفيا وأهزوجة ياسر وحنا لما قلنا نيجيريا عاقبونا لا وحسين عبدالغني يغلط على الفريدي ويطلع الفريدي يبي حقه عن طريق مجراها الصحيح يغرمونه 10 آلاف وكل واحد يصلح سيارته ..

أي نجاح لأي نادي سعودي غير الهلال هو نجاح ينسب لعاهات الله ابتلانا فيهم لذا ما أتمنى أي نادي سعودي يتعادل خارجيا فكيف يفوز ..

نهاية أنا متعصب وسأدافع عن ناديي بوجود تلك الشرذمة الخبيثة ولن أتمنى لأي ناد سعودي التوفيق في الخارج غير الهلال ..