رحلة للقصيم ... بالصور ... والشرح المفصل... لا يفوتكم

[منبع الثلج]

مرحبتين :cool:


هلا والله بكل اعضاااء الشبكة الداجين والداجات:D
عسااكم طيبين:yes:

اليوووم ابمسك معكم خط للقصيم :eek: ونرجع :yes:

يعني تجهزوو :D :D


طبعا مثل ما انتم عااارفين ان القصيم منطقة من مناطق المملكة العربية السعوودية:D <<<احلف:D
وفيها عدة مدن قرى وحواري:D

http://www.abunawaf.com/store5/kkk15.jpg





يوووم من الاياام مسكت غلط رووحه للقصيم(himo)

دقيت سلف ومشيت:yes: من الرياض للقصيم
http://www.abunawaf.com/store5/kkk1.jpg





وخط الرياض القصيم من افضل خطووط العالم (himo) بس لو الله يفكنا من راعين جيوووب الربع :guns:
هالي يخطمووون علينا يمشوون ترليوون :q: :q:

http://www.abunawaf.com/store5/kkk18.jpg




طريق القصيم يووم الاربعا كله جيوووب وهليااات :nrey: تحس انك شاذ لا ركبت سيارة صغيرة او فخمه :D :D

وبعد مسافة 400 كيلو قطعتهن بساعتين :D :D وصلت لبريدة بلد المليوون شهيد :D :D :D



================================================


مدينة بريدة

http://www.abunawaf.com/store5/kkk2.jpg

برج بريدة

اكبر سكرمبه بالشرق الاوسط :D :D

اول ما وصلت بريده نحرت ( رحت ):D :D سووق الجرده وما ادراك ما الجرده

جدتي موصيتن على بعض الخريبطات :D :D


http://www.abunawaf.com/store5/kkk3.jpg

كنه السوق الصيني بماليزيا:D :D سوووق رهيب وله شعبيه كبيرة عن العحز:yes: :yes:


وطبعا البضاعة الرئيسية عندهم كليجا وزبيريات :D :D






http://www.abunawaf.com/store5/kkk16.jpg

زبيرية اصليه :D :D


http://www.abunawaf.com/store5/kkk4.jpg

زبيريه تقليد :angel: :angel:


بس الي ينباع تحت الطاولة اشياء الله اعلم به:D :D

طبعا لا تفهمووون غلط :hgfd: يبيعووون فشق وبنادق وغيره من الاسلحه :guns: :guns:


الزبدة جدتي موصيتن على تنكتين كليجا :req: :req:

ورحت لاحد الشيبااان باحد المحلات (himo)

http://www.abunawaf.com/store5/kkk5.jpg



قاعد يشتغل بخوووص نخل :confused: ويبيع كليجا :love:

طبعا مافيه تحديد نشاط بالجرده :confused: يعني الله اعلم بالي تحت البلاط :D :D


قلتله كم تنكة الكليجا يا خال :yuupy:


http://www.abunawaf.com/store5/kkk23.jpg

قال ب 400 ريال

قلت خير ياخال حقك مذهبه وانا مادري:D :D

قال تطنز انت ووجهك:jeng: تبيه ولا انقلع :q:

قلت لا ياخالي مهب لهالدرجة عاد الكليجا الامريكي احسن من كليجاكم بالف مرة والحبه بريال:D :D <<<< يقصد الكوكيز:D :D


http://www.abunawaf.com/store5/kkk6.jpg



المهم ويحمق هالقراند فاذر:D :D قصدي هالشايب:angel:

وينادي ولده : يا صوووووويلح :yuupy: :yuupy:

نصف سكان القصيم اسمهم صالح :D :D

ويجين ذاك البريداوي النشيط :q: :q:

http://www.abunawaf.com/store5/kkk7.jpg


قال وش به ذا يبه :guns:


http://www.abunawaf.com/store5/kkk26.jpg

قلت ما فيه شي يا صالح الله يهديك انا امزح مع ابووك بس :q: :q:



قال وش عندك انت بذا تبي اواسيك بالارض الحين :amle: :amle:


بس بيني وبينكم :nrey: صالح يروووووع:D

ما امداني اتاسف الا




http://www.abunawaf.com/store5/kkk8.jpg

خاشق وجهي :fghty: :fghty:




الله لا يعيدها من كليجا :D


يا حليل كليجا الامريكان مغلفه وعليه رسمات بعد:D
وكليجا بريدة يالله تنكة ويفقووونا بعد قبل لا نشتري :D :D


بس لا ننسى بريدة مهما صارت تبقى هي من اكثر المدن المحافظة على اموووور الدين وكلنا نفتخر بانتماء
هذه المدينه للقصيم :yes: :yes:


المهم طلعت من بريدة :yes:

================================================

ورحت لم مدينة عنيزة


دخلت سووق الخضرة حق عنييزه

ولقيت 80% من الخضرة الموجووده
















http://www.abunawaf.com/store/ss69.JPG

كرااااث :D :D اخذت صرتين كراث لجدتي ومشيت :D :D


وطبعا اهل عنيزة مشهوووورين بحبهم للكراث :yes: :yes:

وطلعت من عنيزه ورحت لمدينه ثانية


================================================

مدينة البدايع


واشوووف بالطريق مناظر خلابه :love:






















http://www.abunawaf.com/store5/kkk10.jpg

مزارع القرع :D :D بكل محل منتشره :yes: غطو على امريكا ايام الهلوين :D :D


وسيرت على واحد من اخوياي ماشفته منذ مبطي :D بس يوووم شفته ما عرفته وجهه متغير علي :yuupy: :yuupy:







http://www.abunawaf.com/store5/kkk11.jpg

قلت له وشفيك وجهك متغير :confused: :confused:
















http://www.abunawaf.com/store5/kkk19.jpg

قال من كثر ما ناكل هالقرع:D :D


وطبعا البدايع معرووفه بزراعة القرع :yes:

وودعت خويي ورحت يم مدينة ثانية :yes:


================================================


مدينة البكيرية

افضل مدينة بالسعووودية طبعا مدينة الجمال اخذت لقب انظف مدينة لعام 98 في العالم :yes:


واول ما دخلت البكيريه لقيت منظر من مناظر هذه المدينه الرائعه :yes:



















http://www.abunawaf.com/store5/kkk12.jpg

:D :D :D :D :D :D :D :D :D

طبعا يووم شفته وقفت له ابسلم عليه :yes: :yes:

شوووي الا مدخله راسه عندي بالسيااره :yuupy: :yuupy:






http://www.abunawaf.com/store5/kkk13.jpg

يالله حيه يا هلا بمنبع الدجه :D :D :D

قالت ما شاء الله تكلمين :yuupy: قالت وش دعوا حنا محنب اي بقر:yuupy: حنا بقر البكيريه :angel:
من سنة فرعوون وحنا مستوطنين البكيريه

وهذي صوورة جدي وجدتي اذا ما صدقتن:amle:












http://www.abunawaf.com/store5/kkk14.jpg

عاااش الجد :D :D


http://www.abunawaf.com/store5/kkk22.jpg

لا وجدتها مبربسة بوجه:D :D قصدي مسويه ميك اب:kello: :kello:



وابد ودعت هالبقره مبر تعطين رقم جواله :kany: بعد مميز مهب اي رقم :D :D


طبعا بقر البكيرية مغطيه على نيوزلندا (himo) هذي بقر البكيريه :angel: دلل بقرتك لتحصل على ما ادري ايش:D :D


اهل البكيرية يشتهرون بتربيتهم وهتمامهم بالبقر وطبعا هذا مهب نقص بهم الحليب ما يجي الا من البقر:D :D :D


واودع البكيريه بمثل ما استقبلتبه من حفااوة وتكريم :yes: :yes:

واروووح يم مدينة ثانية :yes:

================================================


مدينة المذنب


وفي مدخل المدينة شفت شي عجيب :eek: :eek:



















http://www.abunawaf.com/store5/kkk20.jpg

:D :D :D :D :D :D

هذا عاد اهم شي عشااان يبيعووونه لاهل البكيريه :yes: ويلعبوون عليهم:ignor: :ignor:

التجارة فن (himo) (himo) :angel:


المذنب تشتهر ببيع التبن على مناطق القصيم الاخرى

وهذا مهوب قصور فيهم ترى هم اطيب شعوب العالم

الا بالعكس اذكياء يبيعون التبن وهم مرتاحين موب مثل الي يلاحقون البقر:D :D :D :D


وودعت حبايبي بالمذنب واتجهت يم مدينة ثانية :yes:


================================================

مدينة الرس


الرس بلد الجمال والاناقه :magkiss: بلد الطيبه :yes:


عاد كانت جدتي موصيتن شي من الرس
اكيد تدروون وشو :req: :req:






















http://www.abunawaf.com/store/ss66.jpg

حبحر :D هههههههههههههههههاااي :D :D


اهل الرس مشتهرين بزراعتهم للحبر :yes: طبعا الحبحر الحاار :yes: :yes:

يقووولوون ان سووق بونباي بالهند شاكين منه كارسن سووقهم :D :D :D


وودعت اهل الحبحر واتجهت لمدينة ثانية :yes:



================================================


مدينة الهلالية

لاحظو كلمة مدينه اهم شي (himo) (himo)

طبعا الهلاليه لو اكتب عنها من اليووم الى بكرا ما راح اوفيها حقها :magkiss:
مدينة الجمال والروووعة
واهلها اهل اخلاق وطيبه وحب للناس وكل شي زين بتلقاه عندهم (himo) (himo)


<<<<<<<<<<<<<<< طبعا كل هالمدح لانه من الهلاليه :D :D


دخلت الهلالية وسلمت على بعض الربع عشاان اختم هالجووووله الاكثر من رااائعه :yes: :yes:




وودعت القصيم والشووووق يغمرني لها:love: :love: :love:


وانا راجع للرياض مريت اعبي بنزين من بريده:yes: :yes: يمدحووون طعمه :D :D


والقى بالصدفه صالح وخويه سليمان :guns: :guns: يحترونن بيصفقوونن <<<<<< فكوو الشفرات :D :D


عاد صالح وخويه سليمان كل واحد انشط من الثاني:q: :q:

قلت : وش دعوه يخوان ماله داعي المشاكل اخرته انتم بتنرضووون :D :D

قال سليمان : نوووووريك اولاه من الي بينرض :D :D


انا عاد استغليت الفرصة وهجيت :kany: :kany:

وهم ركبووو الربع ولحقووون :jeng:

بس ربك رحمن خرب عليهم الجيب بنص الطريق :cool: :cool:


كان صالح مرهم ( مركب ) (himo) مكينة جمس على الربع وخبطت مكينته ووقفت :angel: :angel:













http://www.abunawaf.com/store5/kkk25.jpg

لو ما خبطت سياارتهم كان رحت خااابووووور :D :D :D


ووما صدقت وصلت للرياض :D :D

النهايه :yes:

================================================


هذا الموضوع برعاية فندق السلمان \ بريده
ورز الشعلان ومحلات ابو صالح لبيع الكليجا والفشق :D :D



وتقبلووو تحياتي

بااااااي :D

[alhilalia_9]

ياحبيلي لديرتنااا

وطبعا اهل عنيزة مشهوووورين بحبهم للكراث

مب كلهم :D

[الغـــلا]

تسلم ايدك يامنبع الدجه موضوع اكثر من رائع
بس اللي يبي يخرب علينا(حركات النذاله)
لايدخل الله يعافيه


بس احلى شي بقر البكيريه ياعمري ياذا البقره تحب الواجب:D :D لاومن زود الطيبه معطتك رقم جوالها:angel:
وبعد كل المدن احلى من الثانيه ولاتزعلون;) ;) ;) ;)




بااا:yes: ااي

[الوسام]

يعطيك العافيه ,,,, منبع الثلوج (( أبشرك البررراد قرب )):D :D

بصراحه دخلت جو ... مع هالقصه

وعليك طلعات (himo) لو ابي اعلق عليها يبيلي موضوع كامل من كثرها:D

والموضوع بصراحه رائع


:yes:

[الشاطر]

الله يعطيك الف عافيه


موضوع مضحك ويحمل معلومات جميله عن القصمنج


شكرا:)

[أنس]

موضوع حلو ورحله احلى موضوع ممتاز تشكر على مجهودك

[السديراوي]

هلا و غلا بمنبع الثلج ..

مع أني ما لي دخل بالقصيم لكن تراك نسيت أهم ديره في القصيم و اللي هي نور القصيم كله ..

اللي هي :



































الــشــيــحــيــة ..

لازم تصحح غلطتك و تكتب موضوع مستقل عن هذه المدينة الرااااائعة .. :):)

تحياتي لك ..
خالد ..

[زعيم الهــــلال]

هههههههههههههههههههههههههههه:D :D


لله يرجك رجه :D

[Alghaly]

مرحباااااااااااااااااا
موضوع اكثر من رائع الله يعطيك العافيه

[متقطع بالهلال]

هلا اخوي منبع .....:D :D :D :D :D :D :D :D :D

الله يرج مريرتك مثل ما رجيتنا .... :p

ومشكووووور على هالرحله وبخاصة رحلة البدائع (بس انتبه لا تفضحنا اكثر) :D :ignor:

ومتى رحلتك الجاايه ;) لا تساني ابروح معك :D


وسلاااااااااااا:guns: ااااااااااااااامو

[السجين بتهمة حب الهلال]

:D :D :D :D :D :D


موضوع مسكت وجنون ومهوب طبيعي يا حلو




:angel: :angel: :angel:

مشكور يا دجه(rambo) <<<<<< بدا يمون:angel:

[الامل الضائع]

هــــــــــــــــلا اخوي منبع
كيفك عساك بخيــــــــــــــــر؟؟؟;) ;)
اما موضوعك:yes: :yes: روعه
واحسن مافيه طاري سوق الجرده:D حلوه
بس معى حق اخوي السديراوي ماقلت عن الشيحيه :( :(
عاد لازم تعرفن عليها<نشبه>
ومشكور وماقصرت
وانت:yes: :yes: :yes: :yes:
باااااااااااااااااي
:angel: :angel: :angel:

[بنت النور]

أقووووووووووووووووووووووووووووول يا منبع الدجة ......


أفا مدينة الهلالية كبييييييييييييرة .... !!!!!!!!!!!!! إذا ما كان مجلسكم بالهلالية و مقلطكم بالبكيرية افلقن ......


صف و صفين قالوا حنا اثنيين .... كلللللللللللللللللللللللللللللللللله بيتين .. و بقالة .. و خياط !!! حتى الحليب الي بالبقاله تجيبونه من بقرنا .....


باياااااااااااااااااااااااااااات

[يوسف]

هلا بالداجين والداجات:magkiss:
هلا منبع الدجه
:cry: :cry: <<منقهر دااج مارااح معك برحلتك للغاليييييه القصيم:love: بس ياويلك يالدجه لو ماتقووول لي انك تبي تروح لم القصيم ولا تعلمني:hgfd: بس ياحظك رحلتك جنااااااااان:p والحمد لله على السلامه:kany:


شريكي ولد النوووور:hgfd:
حبيبي يكفي اسمهااا الهلاااليه:love: همن ترااك مبطي عن الهلااليه شفهاا وشلون الحيين بها بيووت على مستوى ومزاارع كبييره يعني الحمد لله بهاا خيراات وانااا شريكك:nrey: والبكيريه ماابه احد بالعالم مايعرفهااا المدينه الصحيه الاولى بالعالم:yes: وكل القصيييييييم خييير وبركه واهله اهل واخواان يعني الحمد لله مانفرق بين الهلاليه ولا عنيزه والا البدائع ولا البكيريه ولا......كل ابوهن :love: يابعدي يالقصييم واهلهاااا:love:

ومثل مااقالت الغـــلا مانبي الي يبربر ويقووول هرج ماله داعي رااد على الموضوع ولا يجيب سيره القصيم واهلهاا على اللسانه:hgfd: :zael:

ومشكووووور يالدجه والله يعطيك العافيه;)
:magkiss: بااااااي:yes:

[رعبوووب]

سلام

يا مرجوووج يا منبع الدلاخه :D :D


طريق القصيم يووم الاربعا كله جيوووب وهليااات
اهم شي :yes: اجل ليش سموه القصيم

اكبر سكرمبه بالشرق الاوسط
ههههههههههههههههههه اسكت يالدلخ اي سكرمبه:D

<<<< يقصد الكوكيز
اي كوكيز الله يخلف عليك:D :D وش جاب لجاب

مزارع القرع بكل محل منتشره غطو على امريكا ايام الهلوين
الا راسك القرع:D ههههههههههههه:D اهم شي القرع بالبدايع:D

وابد ودعت هالبقره مبر تعطين رقم جواله بعد مميز مهب اي رقم
ياحبيلهن بقر البكيريه مهنا مثلهن:D
لا ومعهن جوال :D شفتو البقر الصح :D

الا بالعكس اذكياء يبيعون التبن وهم مرتاحين موب مثل الي يلاحقون البقر
ههههههههههههه وراك خربته مع البكيريه :D يلاحقوون بقر:D

يقووولوون ان سووق بونباي بالهند شاكين منه كارسن سووقهم
ههههههههههههههههههه والله انك منسم على هالحبحر:D

طبعا الهلاليه لو اكتب عنها من اليووم الى بكرا ما راح اوفيها حقها
مدينة الجمال والروووعة
واهلها اهل اخلاق وطيبه وحب للناس وكل شي زين بتلقاه عندهم
صح لسانك يا بعدي والهلاليه مابه مثله بالقصيم:D :D

ووما صدقت وصلت للرياض
وغريبه ماسيرت على عزازي:confused: :confused:

صف و صفين قالوا حنا اثنيين .... كلللللللللللللللللللللللللللللللللله بيتين .. و بقالة .. و خياط !!! حتى الحليب الي بالبقاله تجيبونه من بقرنا .....
ولد النور لا تحرث على قرنك:jeng: :jeng: اهل الهلاليه بذا واجدين :D يعني ما تدري الحين الا طابن عليك واحد
وبعدين يفكيك ان اسمه الهلاليه:yes: وانتم اول كان عندكم حليب:req: الحين عندكم البقره القويه:D :D




وتسلملي والله منبع الدلاخه على الرحله الحلووه :yes: :yes:


اخوووكم
رعبووووب

[بنت النور]

همن ترااك مبطي عن الهلااليه شفهاا وشلون الحيين بها بيووت على مستوى ومزاارع كبييره يعني الحمد لله بهاا خيراات


صباح الخير داج ، و الله إني موب مبطي عنه إني رايح له بالصيف ...... مزارع و ين اصلاً ما تكفي مزارع .... صدق به محطة و ثلاث استراحات .... :) :) :)


ولد النور لا تحرث على قرنك اهل الهلاليه بذا واجدين يعني ما تدري الحين الا طابن عليك واحد وبعدين يفكيك ان اسمه الهلاليه وانتم اول كان عندكم حليب الحين عندكم البقره القويه


اسمه على العين و الراس ، و ترى لو تسون بي شي ابعلم رامبو ابراهيم النجيدي < ---- واحد خاف ، و مبسوط إنه لقى مشرف زيه

[منبع الثلج]

مرحبتين :cool:

هلا الهلاليه
مب كلهم

الي ما يحب الكراث وشوله يقول انا من عنيزه :D :D

ومشكورة على الرد


هلا الغلا :yuupy:

بس اللي يبي يخرب علينا(حركات النذاله)
لايدخل الله يعافيه

لا حركات النذاله وقفت عند حده(himo)

بس احلى شي بقر البكيريه ياعمري ياذا البقره تحب الواجب لاومن زود الطيبه معطتك رقم جوالها

حبيبات بالحيل ما شاء الله عليهن مثل اهلهن :D :D

وتسلمين على الرد


هلا الوسام

بصراحه دخلت جو ... مع هالقصه

جو ولا بحر :D بحر ولا برستيج :angel: <<< اقول لا يكثر :amle: :amle:

وعليك طلعات لو ابي اعلق عليها يبيلي موضوع كامل من كثرها

اهم شي اعجبك المووضووع يالغالي :yes:
ومشكوور على الرد:yes:

وراجعينلكم

باااااي ;)

[مسطووول]

مساء الخير :magkiss:
هلا وغلا بمنبع الدلاخه شلووونك ;)
ما اقول الا الله يرجك على الموضوع الرايق :yes:

طريق القصيم يووم الاربعا كله جيوووب وهليااات الله يرجك يا رعبوووب للحين مانسيت طريق القصيم :req: ودي اعرف متى تنسى او ابو طبيع ماينسى طبعه :D

الله يرجك يا منبع على صورة الزبيريه التقليييد :D ماتحس الصوره نعال هنود :req:
مشكور يالدجه على الموضوع


اخوكم
مسطووول

[منبع الثلج]

مرحبتين :cool:

هلا الشاطر

موضوع مضحك ويحمل معلومات جميله عن القصمنج

اهم شي اعجبك يالغالي :yes:

ومشكوووور على الرد

هلا انس

موضوع حلو ورحله احلى موضوع ممتاز تشكر على مجهودك

العفوووو وتسلم على ردك :yes:


هلا السديراوي

مع أني ما لي دخل بالقصيم لكن تراك نسيت أهم ديره في القصيم و اللي هي نور القصيم كله ..

اكيد الهلاليه ما فيه غيره :D :D

الــشــيــحــيــة ..

لازم تصحح غلطتك و تكتب موضوع مستقل عن هذه المدينة الرااااائعة ..

الشيحيه :amle: :amle: ووشبه الشيحيه عشاان ينكتبله موضووع :D :D <<<< خربه

ومشكوووور على الرد ;)


هلا الزعيم الهلالي
لله يرجك رجه

الله يرجك رجتين :D :D

ومشكورين على الردوود :yes:

ولنا رجعه

بااي

[الغـــلا]

منبعوه احترم حالك ولاتجلس تسب بالشيحيه
فيها كل شئ!!!
هذاواحنا جيران وشلون لو مب جيران اجل تبي تجحدها خير شر!!!
وان شاء الله اجيب موضوع عنها ونشوف اللي فيها
عموما ماقصرت
ومشكووووور وانتظر مني الموضوع
بااااي

[منبع الثلج]

مرحبتين :cool:

منبعوه احترم حالك ولاتجلس تسب بالشيحيه
فيها كل شئ!!!

تخوفين وانتي تهوشين الجهاز وقفت اسلاكه من الخوف :D :D :D

ووين كل شي :req: انا ما قد سمعت بشي بالشيحيه لا زين ولا شين :D :D

هذاواحنا جيران وشلون لو مب جيران اجل تبي تجحدها خير شر!!!

ما شفتي شي :angel: عن قريب فيه جحده للبكيريه ان شاء الله (rambo) (rambo)

وان شاء الله اجيب موضوع عنها ونشوف اللي فيها
عموما ماقصرت
ومشكووووور وانتظر مني الموضوع

يجيب الله مطر :D :D

ونحتري هالموضوووع الي شكله مهب جاي الا بعد عهد فرعوون :N: :N: <<<< وش يبي ذا :D :D

ومشكووورة على الرد :yes:

وراجعين للاعضاء

باااي ;)

[السندباد الازرق]

الصور لاتكفي ولاتغني عن الواقع الجميل الذي تتمتع به القصيم وخاصة في ايام الشتاء وبصراحة يعتبر اهل القصيم اهل مرجله وافتخر بان نسبة 90% من الاصدقاء من القصيم :love: .
ولكي نتعرف على القصيم اكثر واكثر يجب عليك يا منبع الثلج ان تنظم رحلة لمدينة القصيم (( الاشتراك بــ20 ريال )) ونستاجر الباص من النقل الجماعي ونكشت للقصيم (( الرحلة للرجال فقط ))..طبعاَ القيادة لداج ....;) وان شاء الله يعجبكم الاقتراح.

(( دع القيادة لداج واستمتع بالرحلة للقصيم )).


باي..........

[alhilalia_9]

مرحبا السندباد :

اذا جا دور عنيزه انا اللي بسوق

ومنيب مخليه مكان الا و واديكم له لاخليكم تكرهون كل بلدان العالم:D واخليكم ماتبون الا عنيزه(himo)

[منبع الثلج]

مرحبتين :cool:

هلا والله الغالي

موضوع اكثر من رائع الله يعطيك العافيه

تسلم والله يالغالي على ردك:yes:


هلا متقطع بالهلال :amle:

الله يرج مريرتك مثل ما رجيتنا ....

:kany: :kany: سلملي على مريرك يا شيخ :D :D

وبخاصة رحلة البدائع (بس انتبه لا تفضحنا اكثر)

اغدي قرع يا شيخ :D :D

ومتى رحلتك الجاايه لا تساني ابروح معك

القطه الله لا يهينك (himo) (himo)

ومشكووووور على الرد ;)


هلا السجين .... الخ :D

موضوع مسكت وجنون ومهوب طبيعي يا حلو

المسكت والمجنون والي مهوب طبيعي ردك :angel:

مشكور يا دجه <<<<<< بدا يمون

العفوووووووو :yes: واهم شي يعجبكم الموضوووع

وتسلم على الرد :yes:


هلا سحر نجد

كيفك عساك بخيــــــــــــــــر؟؟؟

نزقحوووو :D

واحسن مافيه طاري سوق الجرده حلوه

شكلك ذوووقك مثل ذوووق العجز على سووق الجرده :D :D

عاد لازم تعرفن عليها<نشبه>

يجيب الله مطر :D :D

ومشكوووورة على الرد :yes:

ولنا رجعه ;)

بااي

[منبع الثلج]

مرحبتين :cool:


هلا ولد النور

أفا مدينة الهلالية كبييييييييييييرة .... !!!!!!!!!!!!! إذا ما كان مجلسكم بالهلالية و مقلطكم بالبكيرية افلقن ......

:eek: :eek: هذي اخرته يا بنت النوووور مع الهلاليه :noo: :noo:

عاد انتم ما تدرون ان فريق الهلال ماخذين اسمه منه (himo) :D

صف و صفين قالوا حنا اثنيين

:sheto: :sheto: انتي الحين شوفي من الي من الهلاليه هنا:guns:
داج ومنبع الثلج الي هو انا :D :D ورعبووووب :guns: ولايت موون :D وعاشق الدعيع :angel: بس هذولي الي اعرفهم:D

ومشكووورة على الرد :yes:



هلا داج ;)

منقهر دااج مارااح معك برحلتك للغاليييييه القصيم بس ياويلك يالدجه لو ماتقووول لي انك تبي تروح لم القصيم ولا تعلمني

ولا يهمك المرة الثانيه اخذك معي للثمامه :D :D

حبيبي يكفي اسمهااا الهلاااليه همن ترااك مبطي عن الهلااليه شفهاا وشلون الحيين بها بيووت على مستوى ومزاارع كبييره يعني الحمد لله بهاا خيراات وانااا شريكك والبكيريه ماابه احد بالعالم مايعرفهااا المدينه الصحيه الاولى بالعالم وكل القصيييييييم خييير وبركه واهله اهل واخواان يعني الحمد لله مانفرق بين الهلاليه ولا عنيزه والا البدائع ولا البكيريه ولا......كل ابوهن يابعدي يالقصييم واهلهاااا

يا بعد عمري ياداج ;) انت الي فاهمهم :angel:

وتسلم على الرد

هلا رعبووووب

ياحبيلهن بقر البكيريه مهنا مثلهن
لا ومعهن جوال شفتو البقر الصح

ايه شفت وشلوون بقر اخر زمن :D :D صارن يرقمن :D :D


وغريبه ماسيرت على عزازي

لا المره الجايه اذا رحت معي انت :D :D

ولد النور لا تحرث على قرنك اهل الهلاليه بذا واجدين يعني ما تدري الحين الا طابن عليك واحد
وبعدين يفكيك ان اسمه الهلاليه وانتم اول كان عندكم حليب الحين عندكم البقره القويه


صحيح رعبوووب صحيح

ومشكووور على الرد يالغالي


وراجعين للباقين

باااي ;)

[منبع الثلج]

مرحبتين :cool:

هلا بنت النووور ثانيه

.... صدق به محطة و ثلاث استراحات ....

ومسجد وبقالتين :D :D
ومشكووورة على الرد


هلا مسطووووووول
الله يرجك يا رعبوووب للحين مانسيت طريق القصيم ودي اعرف متى تنسى او ابو طبيع ماينسى طبعه

رعبوووووووووووب ما اتخيله عايش بدون هلي :D :D

ماتحس الصوره نعال هنود

الحين صارت نعال ابو هنود وانت اربع وعشرين ساعه لابسه :D :D :D

ومشكووور على الرد

هلا السندباد الازرق

الصور لاتكفي ولاتغني عن الواقع الجميل الذي تتمتع به القصيم وخاصة في ايام الشتاء وبصراحة يعتبر اهل القصيم اهل مرجله

هذا الكلام السنع :yes: وشهادك شرف لنا يالغالي

يجب عليك يا منبع الثلج ان تنظم رحلة لمدينة القصيم (( الاشتراك بــ20 ريال )) ونستاجر الباص من النقل الجماعي

ابشر يا بعدي بس القطه من 50 ريال ولن اقبل باقل (himo) (himo)

طبعاَ القيادة لداج ....

ايه عاد هو خلقه شكله مثل ابو هنود عاد تسلمه باص :D :D يطلع شكله حركه :angel: :angel:

ومشكوووور على الرد ;)


هلا الهلاليه

ومنيب مخليه مكان الا و واديكم له لاخليكم تكرهون كل بلدان العالم واخليكم ماتبون الا عنيزه

ايه فلوريدا على غفله :D :D


باااااااي ;)

[الامل الضائع]

منبعوه الدجه
:sheto: :sheto: :sheto:
انا ذوقي ذوق عجز:guns: :jeng: :jeng: :jeng:
سهله الايام بيننا:hgfd:

بعدين من جد الكلمه حلوه" الجرده" ذكرتني بالمزيني
ومشكور
:yes:

[تحدوهـ البشـــــــــر]

والله انك مقلع

[شطورة]

هلا منبع الثلج

الله ينور عليك

افادتنا بهذه الرحلة وعرفتنا ببلادكم القصيم

ياريت اتكررها بمكان اخر

حمد الله على سلامتك

[يوسف]

هلا بالداجين والداجات:magkiss:

انتي الحين شوفي من الي من الهلاليه هنا
داج ومنبع الثلج الي هو انا ورعبووووب ولايت موون وعاشق الدعيع بس هذولي الي اعرفهم
لا وبه بعد عاشق الابداع الازرق:) وعاشقه نواف التمياط:angel: والباقيين اذا ودهم يعرفون بنفسهم الله يحييهم والا بكيفهم(rambo)

السندباد
(( دع القيادة لداج واستمتع بالرحلة للقصيم )).
الله يحييكم وبتشوفون الي يسركم بس ابهبل بكم بالسواقه يعني ابسرع بكم وابهبل بكم:angel:
:magkiss: باااااي:yes:

[&أمير العاشقين&]

السلام عليكم جميعن

[منبع الثلج]

مرحبتين :cool:

هلا سحر

نا ذوقي ذوق عجز
تقدرين تقولين :D :D

سهله الايام بيننا

وخريهن طيب وعلمينا وش السالفه :D :D

ومشكووره على الرد

هلا تحدووه البشر

والله انك مقلع

لا هبطنا الحين برمضان :D :D

ومشكوور على الرد


هلا القلب الطيب


ياريت اتكررها بمكان اخر
ان شاء الله نسير عليكم ;)

ومشكوووره على الرد

وراجعين

بااي ;)

[منبع الثلج]

مرحبتين :cool:

هلا داج

لا وبه بعد عاشق الابداع الازرق وعاشقه نواف التمياط والباقيين اذا ودهم يعرفون بنفسهم الله يحييهم والا بكيفهم

سقطت اسمائهم سهوووووووا :D :D والمره الجايه لهم نصيب :angel: :angel:

الله يحييكم وبتشوفون الي يسركم بس ابهبل بكم بالسواقه يعني ابسرع بكم وابهبل بكم

وخررررررر عنهم :D :D عجزت اتخيل ابو يعقوووب يفحط :D :D

ومشكووور على التعقيب (himo)

هلا عاشق الشينين :D

السلام عليكم جميعن

وعليكم السلام حياااك الله القهوووه عندنا ملزمين وان ما كفاك العشااا :D :D

وعلى فكره انصحك تاخذ دوووره املائيه عند سداااااح :D :D



ومشكوووووووووووووووورين






بااااااااااايوووو :angel:

[الغـــلا]

اهلين
اشتقت ارد على الموضوع
باااااااااااي

[يوسف]

هلا بالداجين والداجات:magkiss:
هلا منبع الدجه
:req: وين مواضيعك السنعه زي ذاا يالدجه:cry:
<<<<مهب ذي النيه بالرد على الموضوع:jhgy:
:magkiss:باااااااي:yes:

[Prince of the Stadiums]

الله يجزاك 1965ألف صحة وعافية يا داج لانك كتبت في ذا الموضوع وطلعته لاني ما قريته وهذي أول مره اشوفه:yes: :yes: :yes: :yes:

والله انك يا منبع مبدع وش هالمواضيع السنعة اللي تخلي الواحد ينبسط:Dوينك عنها ألحين

[هلالكو]

هلا والله

تصدق الموضوع رهيب بس مدري وين كنت يوم تنزله ؟؟؟؟؟؟؟؟؟ :N::N::N:

بس ابيك تجي للمذنب يامنبع الدجه علشات تشوف التطور الي صار عقبك

وبعدين انت ووجهك ترى المعلومات الي قلته كانت سريه بين اهل القصيم بس انت فضيحه :D

وياليت تشرفنا وتزورنا بالمذنب ;););););)

[منبع الثلج]

هلوين ;)

:req:وين مواضيعك السنعه زي ذاا يالدجه :cry:

هههههههههههههاااي

والله يا انك اثررررررري يا داج وش ذكرك بهالموضووع :angel:

لكن سويت خير ووريت الي ما شافو القصيم ديرتنا :cool:



هلا طلال الحربي
والله انك يا منبع مبدع وش هالمواضيع السنعة اللي تخلي الواحد ينبسط:Dوينك عنها ألحين

والله تعرف الظرووف والارتباطات :yuupy:<<<<<<<<<<<<< ورطتنا يا داج شغلي معك بعدين :lkj::lkj:

ومشكور على ردك ;)

هلا هلالكو

تصدق الموضوع رهيب بس مدري وين كنت يوم تنزله ؟؟؟؟؟؟؟؟؟ :N::N::N:

النوووم يدهر طولي عمرك :angel:

بس ابيك تجي للمذنب يامنبع الدجه علشات تشوف التطور الي صار عقبك

ان شاء الله اذا بدت جدتي تربي بقرر وغنم مريت عليكم شريت من بضاعتكم :angel: اما الحين وش ابيبه :angel:


وبعدين انت ووجهك ترى المعلومات الي قلته كانت سريه بين اهل القصيم بس انت فضيحه :D

لا خلهم يدرون وشي القصيم وثراوتها :kayf: :cool:

وياليت تشرفنا وتزورنا بالمذنب ;););););)

انا اذكر انه كان بووووووووه :D شي بالقصيم اسمه المذنب لكن الحين ما ادري عنه :yuupy: لي سنتين ما شميت هوا القصيم :cry::cry::cry:
وان شاء الله نزوركم قريب ;)

تحياتي للجميع

منبع الثلج;)

[صالح الهلالي]

:noo:سلام عليكم
مشكور وماقصرت يامنبع الثلج والله انه رحله عن الف رحله
واجمل مافيها رحله المدينه الصحيه :noo::noo: