حدث خطيـــ محاولة اختطاف خمسة شباب في سيارتهم في اليوم الوطني ـــر [الأرشيف]

مشاهدة النسخة كاملة : حدث خطيـــ محاولة اختطاف خمسة شباب في سيارتهم في اليوم الوطني ـــر

مقدام النت

26/9/2009, 18:25

السلام عليكم
=====
والله أكتب ما حدث ولن أكذب حتى أجمل الموضوع أو أرغب في الدعوة للحسنى بالكذب فالدعوة ليس مبرر للكذب

القصة سأذكرها بالمعنى وسأسعى لتقريب الحدث لكم وسأغير بعض المعلومات حفاظاً على أصحاب القصة

يقول صاحب القصة وهو من أنقذهم بفضل الله -عز وجل-

بينما شوارع الرياض مكتظة بالزحام الشدي أثر احتفالات اليوم الوطني رأيت أمامي تجمع فظننته موكب رقص فنزلت واقتربت منه فلما اقتربت أكثر وأكثر اتضح لي أن مجموعة من الشباب قرابة 40 شاب أو أكثر قد أحاطو بسيارة
-أعرف نوعها ولكن لن أذكرها من باب الستر-
وإذا بشباب يضربون زجاج السيارة الجانبي والأمامي ويريدون كسره ويأشرون على السواق افتح الباب افتح الباب
فقمت بذكر الله ورفع صوتي عالياً بالتسبيح وذكر الله وطلبت من الشباب الابتعاد
فإذا بأحد الشباب المحوطين بالسيارة يسحب يدي ويقول يا مطوع شف اللي بالسيارة خلهم يتغطون
يقول صاحب القصة: لما قال لي هذا الكلام ظننت أن في السيارة نساء فاقتربت من سائق السيارة وإذا به أحد الشباب فطلبت منه إنزال النافذة لأتحدث معه وسألته من معك فقال يا مطوع والله إننا شباب
يقول صاحب القصة: قلت لسائق السيارة وش تنتظر؟ اطلع ثم قلت له تبوني أركب معكم علشان يبعدون الشباب
قال السائق: اركب بسرعة، وفتح الباب وركبت معهم

يقول صاحب القصة: لما ركبت السيارة بدأت أقول لا حول ولا قوة إلا بالله وبدأت أستغفر الله وأقول اللهم اكفناهم بما شئت ثم وجد السائق فرجة بين السيارات فدخل معها وهرب فلما اقتربنا من زحمة أخرى أمامنا قام السائق بنط الرصيف (أي صعد على الرصيف) ودخل مع الحارات وطلع لطريق الملك عبدالعزيز ومن حارة في حارة ومن حارة في حارة
يقول صاحب القصة: قلت للشباب سلامات من متى وأنتم موقفين والشباب محوطين عليكم
قال واحد منهم: لنا نصف ساعة وهم متجمعين علينا وبعضهم طلع فوق السيارة وبعضهم طلع فوق الزجاج وبعضهم يضرب السيارة برجله. واتصلنا على الدوريات واتصلنا على الشرطة بس ما جانا أحد.
كنا نمشي مع الطريق ، وفجأة وقف الطريق وتجمعوا علينا وبدأو يصورونا من زجاج السيارة الأمامي ويصورون لوحة السيارة ويقولون والله نجيبكم ونعرف بيتكم

:يقول صاحب القصة:
أول ما ركبت معهم بعضهم قريب يبكي من شدة الموقف
ووالله إنهم كل شوي يرددون والله لو ما جيت كان رحنا فيها ، وأنا كنت أقول لهم كل شيء بفضل الله
ولا أخفيكم أنهم كانوا قد أطالوا شعورهم بشكل ملفت للنظر فأعطيتهم نصايح بالنسبة للشعر وقلت لهم انتبهوا
الدنيا دروس
ولما وصل بعضهم لبيته قلت لهم أنزلوني في أي مكان وأنا أرجع بليموزين
ورجعت بليموزين

لا أنسى
أن أذكر أن رجال الامن بذلوا جهود كبيرة في تهدئة الشباب

وذلك ما شاهدته بعيني عن قرب



اللهم أتم علينا الأمن والإيمان

أنتظر تعليقاتكم

لا تنسوني من الدعاء
اللهم وفق أبو مقدام النت ويسر أموره
========================

M.Z

26/9/2009, 18:28

هذا فعايل اليوم الوطني

وعلى طاري البنات

في اليوم الوطني بطريق العليا قدام الفيصلية مر ليموزين فيه بنات

وكانوا الشباب متجمعين وشوي يلف الليموزين عند الشباب عشان الحارة

وشف الشباب يطبون على السيارة ويفتحون الباب

والملامة على اهل البنات

ماقصرت يالغالي

والله يوفقك ويسر أمورك

الساريه

26/9/2009, 18:42

استغفر الله واتوب اليه معقوله لهالدرجه وصل فيهم !!
بس اتوقع من اشكالهم جعل هالاربعين يطمعون فيهم ... ان شاء الله انهم يعتبرون من هالموقف !!!
الله يستر ع الجميع يااارب

يعافيك ربي

هلالي من ذهب

26/9/2009, 19:19

ماكذب الامير الوليد بن طلال الله يحفظة ويطول في عمره يوم قال الشعب يبيله تربيه فعلا الشعب ينقصه كثير من التربيه

واتحسر كثير على ايام المرحوم الملك فهد الله يرحمه ان شاء الله رحمك الله يا ابا فيصل كان يضرب بيد من حديد لمثل هالتجمعات وكانو الشباب ماشين على السراط المستقيم

صدق شعب ماينعطى وجه

لا وبعد يبون سينما ويبون يدخلون الاسواق والمنتزهات

مالت بس

هلآلية نجد

26/9/2009, 19:25

اللـه يستر الحـال في بلدنا كل ماله ويزداد سوء ..!:(

لاهنت اخوي على نقل القصه:br:

kaka_22

26/9/2009, 19:43

تخلف !

بس والله دزليلين خآتمه الي مآودو الرجآل بيتهم وخلوهـ يرجع بـ ليموزين خخخـ

مثل هالقصص تحدث كثيير وباستمرآر ,

keegan

26/9/2009, 20:00

في طريق الملك عبدالله اكثر الشباب اللي كانوا موجودين

اغلبهم كان تحت ثأثير اما الحبوب المخدره او الشراب

ولا الحاجات هذي مايسويها واحد بكامل قواه العقليه

السؤال اللي يطرح نفسه كيف وصلت المخدرات وخصوصا الحبوب لايدي الاطفال
وكيف صاروا اغلب مستخدمين الحبوب ماتتجاوز اعمارهم 18 سنه

منينو الهلاليه

26/9/2009, 20:20

لاحول ولا قوة الا بالله
اللهم استرنا فوق الارض
وتحت الارض
ويوم العرض

حروف تخضع لسامي

26/9/2009, 20:36

بسم الله الرحمن الرحيم

لاحول ولاقوة الا بالله...
هذه اخر الدنيا كثرة الفتن ...
اللهم استرنا فوق الارض وتحت الارض ويوم العرض...
للاسف هذه نتائج التخبط بالتعليم ومناهجه
في مامضى كنا نعرف الحلال والحرام والبدع والشرك الاصغر والاكبر والكثير
وقبل ذلك تشربنا سيرة الرسول صلى الله عليه وسلم واصحابه والصحبيات الجليلات
عرفنا السنن وحق المسلم على المسلم ،تعلمنا ان لكل من حريه ولكن تلك الحريه مقيده بدين
واخلاق ...
ومع ذلك خرجنا ولله الحمد معتدلين لم نكن ممن باع دينه واهمله ولم نكن مما وصل للغلو والارهاب
كان يوجد بوقتها القنوات الساقطه ودعاة التحرير وغيرهم ولكن كنا نعلم الصح من الخطاء
نعلم الحلال والحرام
نعلم الخلق والمبادي
نعم لم نكن ملائكه ولم نكن مطهرين ،نحن بشر ولنا اخطائنا لكن ولله الحمد
دون المساس بالدين...

اليوم وبحجة الارهاب تم حذف الكثير من الامور والاسس التي لابد ان ينشأ عليها الشاب او الفتاة
اليوم اصبح المعلم والمعلمه حتى بعض السنن والنوافل يخشون ان يذكروا بهااويغروسها في نفوس الطلاب
اليوم وللاسف بجامعاتنا اصبح اهم قسمين وهما الدين واللغه العربيه
غالبية طلابها وبالاخص طالباتها ممن لاتسمح لهم نسبتهم باقسام اخرى
لذا لاغرابة ان نشاهد جيل بعيد عن اسس الدين حتى ابسطها

عندما كنا طالبات كانت تشرف على دراستنا داعيتان {جزاهما الله كل الخير وجعل مثواهما جنات النعيم}
اليوم اشاهد جيل يشرف على تعليمهم الديني معلمين ومعلمات ليسوا على قدر المسؤليه
لا اعمم هنا ولكن الغالبيه للاسف
اذا كانت احدى مدرسات الدين لا تلتزم بالحجاب هنا وبالخارج تخرج دون حجاب من الاساس
ومع ذلك تدرس بناتنا؟؟؟
اذاً لن نشاهد فتيات يلتزمن بالحجاب!!!

خلل واضح في مناهجنا والتخطيط التعليمي
والتنشئه الصحيحه...سابقاً كان المعلم يمثل اهم دور في تربية الطلاب
اما اليوم اصبح الطالب هو من يربى المعلم بمباركة من وزارة التربيه والتعليم...

ام الهلاللين
حروف

ماجد الناصر

26/9/2009, 20:50

ماكذب الامير الوليد بن طلال الله يحفظة ويطول في عمره يوم قال الشعب يبيله تربيه فعلا الشعب ينقصه كثير من التربيه

لا اممممممم :d:

عموماا الموضوع واضح وهو يشير الى ان الشبااب حاصرو السياره كون من بها متشبهين بالنساء ووالخ وربما رقص ايضاا

اما ماقاله الوليد هناا لا هو قاال ذلك بعد ماسئل عن هل سيرشح نفسه للرئاسه لو اصبح البلد ديمقراطياا فقال هذا الكلاام وكاان يشير ان الشعب سيرشح الملتزمين دينياا

crazy

26/9/2009, 21:24

بالله وش فائدة اليوم الوطني ...!؟

مبزره يرقصون في شارع .. وزحمه .. وقلة ادب << المفروض مافيه اجازه وينلغى هاليوم .. وبداله يصير برامج تعريف عن سيرة الملك عبدالعزيز .. وكيفية الدخول للرياض ..

الله ييستر على العالم بس

دودي99_98

26/9/2009, 22:30

يااااااشبااااااب اشوي ااشوي ...
الكل قام يسب في الاربعين هذولا اللي حوالي السيارة ...
طيب ليش ماشفتوا السبب ؟؟؟
وش كان داخل السيارة ؟؟
لما تشوف شاب ماتفرق بينه وبين البنات من المكياج والتصنع والدلع والتغنج ... وش راح يكون شعورك ؟؟

صدقوني هالحوداث دايم تصير ... لكن وش السبب ؟؟
زي لما يجوون العالم ويسبون في الشباب اللي يغازل ( يعاكس )
ليش ماتطالع في السبب وشو ؟؟ يعني البنت تجيك العطر من بوابة السوق تشمه ... والعباية زي مايقولون كأنها بدون هدوم .. والوجه فيه ثلاثثه كيلو مكياج ... وغير حركات الدلع والمشية ...الخ
وتجون تلومون الشباب ؟؟ ورب المصحف لو انه حجر كان ذاب من اللي يشوفه فما بالك بشاب أعزب في عز مرحلة الشهوة الجنسية ؟؟

يعني لو تقول اثنين ثلاثه شباب او بالكثير خمسه متجمعين حول سيارة كان قلنا صح يمكن ويمكن ... بس حوول أربعين واحد ؟؟ الأربعين هذولا تقدر تعمل فيهم استفتاء اذا ودك عن شباب الرياض كلهم لأنه عدد مو بقليل ويمثل جميع الطبقات والأنواع ... يعني أكيد انهم شافوا شئ ماهوب بالطريق ...
ومهما يكون لاتقسون ع شبابنا ( وانا واحد منهم .. ومسوي شايب :d: )

يعني والله عندنا بالشرقية باليوم الوطني ... في الخبر بالتحديد ..
صارت الهوائل .... والكل داري وش صار وشوفوا النت واليوتيوب ... وانا واحد من اللي وقفوا متهولين من الموقف ماني مصدق شاللي يصير ... لكن مع ذلك ... رغم تكسير السيارات والمحلات ....ألخ
ورب المصحف ان شبابنا فيهم خير وأوفياء ... بأم عيني أشوف الاستهبال والتخريب ...ألخ .. لكن ورب المصحف اذا مرت سيارة عائلة محترمين أنفسهم ... تسمع صياح الشباب ... وخروا وخروا .. عوائل عوئل ...!!

يعني لما تمشي عائلتك او أولادك وبناتك ... محترمين أنفسهم ... ماراح يجيهم شئ باذن الله
لكن لما البنات او بعض المراهقين ... يجيبه لنفسه ويتفنن في فتنة الشباب ... فياليت ماحد يلوم الشباب

بقولكم قصة ع السريع كنت قريب منها .. في احد المدن في المملكه في الاجازة الصيفيه ..
يوم من الأيام ... طالع أتمشى أنا وكذا واحد من اخواني وعيال عمي .. الا واثنين من عيال عمي يدقون ع أخوهم اللي معانا ... دق على ( فلان قريبنا ) عشان يشوف لنا صرفه ( يقصدون واسطه ) .. ويقولون تعالونا انتو عند المجمع الفلاني ..
حاولنا نسألهم شالموضوع ماامدانا ... طبعا ماكلمنا قريبنا عشان نعرف الموضوع أول ...
يوم وصلنا .. لقيناهم اثنينهم بالدورية ... وفيه عند الباب اثنين عسكر مع مواطن ( اللي هو زوج البنت ) ... وزوجته واقفه قريبه منه ويكلمها واحد ماكنت أدري وشو .... الموووهم قربنا من الدورية شالسالفه ؟؟
حنا اخوان اللي بالسيارة ... قام الرجال اللي مع العسكر يسب ويلعن ... واحنا ساكتين والعسكر يحاولون يهدونه .. قالوا انهم ( عيال عمنا ) متحرشين في زوجة الرجال ... اشوي الا و الزوج راح عند زوجته وعند الرجال اللي يكلمها ... وقالوا العسكر احنا نحاول نهدي الزوج ونقنعه بالتنازل ... والرجال اللي مع الزوجه ( طلع عقيد في أحد القطاعات العسكريه ) وكان شاهد ع الموضوووع من بدايته ويحاول يهدي الزوجة ... .. قلنا طيب وش الموضووع
فتحنا الباب ع عيال عمنا .. قالوا انهم داخلين الهايبر ماركت اللي داخل المجمع يبون ياخذون لهم كذا غرض ... الا والزوجه وزوجها يمشون قدامهم ... المووهم ... اشوي الا الزوج راح ياخذ غرض من الرف ... واحنا وراهم .. الزوجه التفت علينا وتبتسم بدلع زايد ... ( واسمحولي ع الكلام هذا ) وتلتفت على زوجها وتعطينا ظهرها وتشد العباية ... يقولوون احنا شفنا المنظر هذا ( قامت شياطيننا ولا قعدت ) قمنا نطاردها ... وصار اللي صار وزوجها انتبه لنا وصارت مشادة كلاميه بيننا وتحول لتشابك بالأيدي ... قام الزوج أخذ علبه من ع الرف وظرب فيه راس واحد من عيال عمي ... قام اخوه اخذ العلبة اللي جنبها وظرب فيها الزوج .. وصياح وهوشه ومنا ومنا ... الموووهم فرقوا بينهم العالم ونادوا الدورية وجوو ... والدورية تحاول انهم يهدون الرجال وزوجته ويتنازلون .. عشان يتنازل برضوو الاثنين عن اللي صار والظرب اللي في راس واحد منهم ... وطبعا العقيد اللي كان معاهم يحاول برضو يهديهم ويصلح بينهم ويقول للرجال وزوجته تنازل هنا أحسن من انك حتى انت تتجرجر للقسم مع اهلك ومن هالكلام ...
في النهاية الرجال تنازل ... هو وزوجته ومشووا ...
جاا عندنا العقيد واخذنا منه السالفه ( وهي زبدة الموضوع اللي قلت عشانه السالفه )
قال انا كنت ورى اخوانكم وشفت اللي شافوها ... عشان كنا عذرتهم ... قال ورب المصحف على عمري هذا .. وعلى اني متزوج ثنتين مو وحده ... بس يوم شفت المنظر اللي سوته الزوجه مادريت وش اسوي .. فقلت في نفسي اذا هذا انا في هالعمر صار فيني كذا وانا متزووج ؟؟ فوش رايك بشباب عزاب وفي عزز شبابهم ؟؟

ادري اني طووولت بالرد ... بس برضوو شوووفوو للموضوع من اكثر من ناحية ولاتحاولون تشوفونه من ناحية وحده كالمعتاد اللي هي شبابنا مايستحي ...!

هلالي مجازف

26/9/2009, 22:59

مـن أمن العقوبة أساء الادب

وهناك بالفعل فئة لدينا تحتاج الى أن يعاد تربيتها من جديد

فالوضع الان متدهور

ومتى ما تربوا من أول وجديد صدقني راح يكون كل واحد في حاله ولا أحد يتعرض

على احد

عاشق كيانه

27/9/2009, 00:16

الله يـــكفينا شـــر مـن فــيـه شـــر

Milan Legend

27/9/2009, 00:31

السؤال اللي يطرح نفسه كيف وصلت المخدرات وخصوصا الحبوب لايدي الاطفال
وكيف صاروا اغلب مستخدمين الحبوب ماتتجاوز اعمارهم 18 سنه 

يارجال تتوزع بالمدرسة قدام عيوني

بالنسبة للاربعين حرامي :d:
كانوا متجمعين حسب الي فهمته على شلة شواذ يعني شي طبيعي الي صار لكن هذا مايسول لهم أنهم ينقزون فوق السيارة ويظربون بيبان السيارة

"wolf"

27/9/2009, 00:33

لحول ولاقوة الا بالله

مــبــتــعــد

27/9/2009, 00:46

الله يرحم الملك فهد :(

المووووج الازرق

27/9/2009, 00:49

الله يـــكفينا الشـــر

emperor10

27/9/2009, 00:59

اليوم وبحجة الارهاب تم حذف الكثير من الامور والاسس التي لابد ان ينشأ عليها الشاب او الفتاة
اليوم اصبح المعلم والمعلمه حتى بعض السنن والنوافل يخشون ان يذكروا بهااويغروسها في نفوس الطلاب

لذا لاغرابة ان نشاهد جيل بعيد عن اسس الدين حتى ابسطها

اذا كانت احدى مدرسات الدين لا تلتزم بالحجاب هنا وبالخارج تخرج دون حجاب من الاساس
ومع ذلك تدرس بناتنا؟؟؟
اذاً لن نشاهد فتيات يلتزمن بالحجاب!!!

خلل واضح في مناهجنا والتخطيط التعليمي
والتنشئه الصحيحه...سابقاً كان المعلم يمثل اهم دور في تربية الطلاب
اما اليوم اصبح الطالب هو من يربى المعلم بمباركة من وزارة التربيه والتعليم...

ام الهلاللين

حروف

:yes: ....
أصف ما حدث في الخبر والرياض .... بالــتــخــلــف

رصاص القلم

27/9/2009, 01:06

ضعف الأمن في اي بلد هو مؤشر خطير بشكل او بأخر لنتيجة حتمية ..

سأترك لكم معرفتها من خلال تتبع ( الدول والمماليك والأمم التي سقطت وانتهت لماذا ومتى تحديدآ )؟

طبعآ هذه تعتبر سنه من سنن الكون والديمومه لله الواحد القهار ...

ادعو الله الكريم رب العرش العظيم ان يمن على هذه البلاد بنعمة الأمن والأمان وان يحفظنا من الفتن..

الغالي20

27/9/2009, 01:14

باختصار .،

مــن أمـن العقــوبة أسآآآآء الأدب ..

SHMAK

27/9/2009, 01:21

:(.. مرحوم ياللي في ثرى العود مدفون.. :(
.. تــحـت الـــثرى باللــــبن وملحديــنه..

http://up.alhilalclub.com/uploads/SHMAK/3-Segmentx1%2800-04-10-00-04-19%29-new.gif

Bader AL-Tamimi

27/9/2009, 01:55

شعب للاسف اغلبه يفكر بنفسه فقط !!

شعب للاسف مايعرف مصلحة نفسه ولا مصلحة الوطن !!

شعب للاسف يدور شهوة فقط !!

شعب منافق درجه اولى !!

شعب يبي له اعادة تأهيل لانه شعب غير مثقف وغير واعي

للاسف شعب متخلف ؟

للاسف اكثرية الشعب متخلفه خصوصا من قوم الحنيس !!

طبعا كلامي ليس الكل لكن عينه وشكلها ذات نسب عاليه !!

وانا باحد شوارع العليا وكان معي اهلي والشارع انصك من الزحمه

صارو مثل الحيوانات البشريه ماغير يضربون السياره

صراحةً افكر اشيل مسدس معي !!

Talal

27/9/2009, 02:05

همج

هلالي الغربه

27/9/2009, 02:06

لاحول ولا قوة الا بالله

اللهم استرنا فوق الارض
وتحت الارض

ويوم العرض

مشعل الهلالي

27/9/2009, 02:14

النصح يكون بأسلوب مناسب ..
جزاك الله خير ..
ولكن يجب الابتعاد عن المبالغات والبهرجة ..
بوركت ..:br:

هلالي في كندا

27/9/2009, 02:54

المفروض يلغون الاحتفال باليوم الوطني لانه مظاهرات شغب وتخريب

مقدام النت

27/9/2009, 05:34

بارك الله فيك
هلالي ربي خلقني

مفاهيم الغلا

27/9/2009, 10:19

ملحجه..

سكووود

27/9/2009, 15:51

ياناس استحوا على وجيهكم وارفعوا علومكم

وش تستفيدون يوم تنقلون اخبار تسئ للوطن وابناء الوطن

ياخي موضوعك هذا قريته في اكثر من منتدى وكل ناقل للموضوع يتبنى قيامه ببطوله هذه القصه

طبعا بتجيني وتقوول انا بطل الفلم اللي صار راح اقول لك كذاب مع احترامي

مو معقووول يكون عندك خمسين معرف في اكثر من خمسين منتدى

نصيحه لك اخوي العزيز قبل تنقل شئ وتنسبه لنفسك

فكر في الدوافع والمقصود من اختلاق تلك الاحداث وانسابابها للسعوديه ترا اعداء الدين والدوله كثر شعر راسك

ولنا في الروافض والليبرالين ممن يعيشون بيننا وياكلون من اكلنا خير مثال على كلامي

بالاخير / كيف حالك ..

الهنوف الزرقاء

29/9/2009, 04:15

لاحول ولاقوة الا بالله

كل يوم ويزداد سوء والحال الى اردى
اللهم استر على شباب وبنات المسلمين
يعافيك ربي اخوي

قناص الرياض

29/9/2009, 04:26

بالامس تم تأجيل تطبيق العقوبة على المخربين قبل لحظات من تطبيقها !!!!!

[ محمد ]

29/9/2009, 05:52

http://up.alhilalclub.com/uploads/SHMAK/3-Segmentx1%2800-04-10-00-04-19%29-new.gif

سهـ20م

29/9/2009, 06:00

^^^^^^^^^^^

مرحوم :(

هـ سدير ـلالي

29/9/2009, 14:36

استغفر الله

Maly 3‘erk

29/9/2009, 14:57

الله يهدي شباب المسلمين

عضو شرف

30/9/2009, 16:11

الحال من اردى الى اردى

Il Brave

30/9/2009, 17:02

أكيد إن هالشباب اللي في السيارة وضعهم مهب طبيعي بمعنى صريح جنس ثالث :)

لأنه ذكر في الصقة إن شعورهم طويلة و ووضعهم غير طبيعي شكليا :)

بس مع هذا اللي تجمهروا على السيارة ما لهم أي مبرر

و المخطي الجميع اللي كانوا بالسيارة و اللي تجمهورا حولهم

و جزى الله الرجال اللي حل السالفة :)

و الله يوفقك يا صاحب الموضوع

:br:

ღ دمــتــم بـــ خ ـــيـــر ღ

أزرق هلال

1/10/2009, 01:26

معليش اخ دودي ...,
صحيح ان البنت يمكن تدلعت فعلت حركه ياخي افرض رقصت قدامهم وفتحت كباريه مايحق الغلط عليها او تكون ملكك وخلاص تسوي الي تبغاه .. الانسان له كرامه والمرأة انسانه ايضا ..,
وبعدين المرأة عطت ضهرها وراحت لزوجها يروح يتبعها ؟؟ هذا دليل أنه مريض وضعيف العقل والشخصيه ! يستوجب تربيته من جديد ...
انا مايقهرني صراحه الا اذا جاك واحد وقال وش اسوي فتنت فؤادي بعبايته المخصره او بعيونه قامت تغمز لي عذر اقبح من ذنب صراحه ؟؟
لانلتمس العذر او ندافع عن غلط كبير ونبرر له مهما كان فما بالك بفعل مثل هذا وحساس في اي مجتمع واولها مجتمعنا ..,

مسـترخجـل

1/10/2009, 06:06

لاحول ولا قوة الا بالله

AbOoOoOoD-N

1/10/2009, 15:24

لاحووول ولاقوة الابالله بس يستآآهلوون ليه يسوون هالحركآآت ويقلدون البنيآآت مالت على أهلهم..

Moto

2/10/2009, 05:00

مع اني ماكنت موجود بس متاكد انهم من الجنس الثالث الي انتشرو في الرياض لعنه الله عليهم

وللاسف شفت من هالنوووع كثير والي يقهر بعضهم اعمارهم لاتتعدى ال12 والله العظيم

حاطين روج وميك اب وين اهلهم عنهم!!!!

والي يقهرك الي يجيك يقول مساكين متعقدين نفسيا

لكن هالاشكال علاجهم ساحه القصاص تطهرهم لانهم وباء انتشر ومازلا الاعلام مغمض عينيه عنهم

خراب السفينه

3/10/2009, 12:39

هههههههههههههههههههههه

السمو الهلالي9

3/10/2009, 21:51

اللـه يستر الحـال في بلدنا كل ماله ويزداد سوء