الدريم بوكس ( نقاش ) [الأرشيف] - منتديات شبكة الهلال

مشاهدة النسخة كاملة : الدريم بوكس ( نقاش )

هـلالي موت

18/9/2009, 07:10

السلام عليكم

انا اعرف ان في موضوع زي موضوعي بس هذاك ملخبط وكل واحد يقول كلام

يا شباب انا ابي اشتري جيهاز وابشترك فيه ابيكم تفهموني على كل شيء

سعر الجيهاز بلحاله ؟؟
سعر الاشتراك ؟؟
وش افضل السيرفرات ؟؟
وابغى اشتراك ما يقطع ؟؟

انا سرعه الاتصال بتكون 4 ميجا <<<< عرض الاتصالات الي يقول 400 كل شهر وتكلم مثل ما تبي ,,, مدري اذا هذا العرض الاتصال حقه حلو ولا لا علموني بعد ؟؟

وشكرا

* اتمنى من المشرفين ما يسكرون الموضوع لاني بجد محتاج مساعده من الاعضاء
* ولا اقدر ارسلهم رسائل خاصه ما فعلتوها وش اسوي يعني مالي الا هذا الحل وشكرا
* واذا كان مخالف للانظمه يا ليت تراسلوني على الخاص او تفتحون الخاص لي

البيرق الأزرق

18/9/2009, 07:13

باقي لك 8 مشاركات وتفعل الرسايل الخاصة دايركت
شارك برود فـ كل موضوع وابشر بسعدك اذا وصلت مشاركاتك 50

هـلالي موت

18/9/2009, 07:16

باقي لك 8 مشاركات وتفعل الرسايل الخاصة دايركت
شارك برود فـ كل موضوع وابشر بسعدك اذا وصلت مشاركاتك 50

الله يسمع منك وتسلم والله يعطيك الف عافيه

حكر المنحكر

18/9/2009, 07:17

هـلالي موت

18/9/2009, 07:19

اف اف 900 ريال غريبه الله يعطيك العافيه وفي انتظار البقيه

وش افضل مكان اشترك فيه ي على شان ما يقطع

! غير البشر !

18/9/2009, 07:21

واحد من الشباب شاريه امس من بنقالي يعرفه ويتعامل معه

850 ريال شامله [ دريم بوكس + اشتراك 6 شهور]

ابو تميم 99

18/9/2009, 07:22

سعر الجهاز من 350 الى 450 الاشتراك لست شهور من 200 الى 250

سمعت ان الجهاز بالرياض وصل لقيمة 900 مدري هالكلام صحيح ولا لا فيه واحد من الشباب وصفت له ويوم وصل يقول يبيعونه البنقاليه بـ 900 ريال !!!

ابو جيزن في الحراج وصلوا سعر الدريم بوكس 700 ريال تقريباً وتجديد الاشتراك بعد 6 اشهر ب250 ريال

٭ ♥ мєѕнαяч ◦ ┏

18/9/2009, 07:31

انا شريته بـ 750 قبل شهرين ..

,

هـلالي موت

18/9/2009, 07:38

طيب وش افضل سيرفر ؟؟؟

اشترك فيه ولا يقطع ؟؟؟

الهنوف الزرقاء

18/9/2009, 07:44

يفيدونك الشباب

ربي يسر امرك

O²

18/9/2009, 07:56

يفيدونك الشباب

ربي يسر امرك

ksa_hilali

18/9/2009, 08:05

سعر الجهاز من 350 الى 450 الاشتراك لست شهور من 200 الى 250

سمعت ان الجهاز بالرياض وصل لقيمة 900 مدري هالكلام صحيح ولا لا فيه واحد من الشباب وصفت له ويوم وصل يقول يبيعونه البنقاليه بـ 900 ريال !!!

سعره من 650 الى 700

واشتراك 7 شهور

فيه اشخاص هنا يعرفون سيرفرات ممتازه راسلهم او يراسلونك

والافضل جرب الاشتراك الي بيجيك دايركت يمكن يكون ممتاز وماراح تحتاج تجديد الا بعد 6 اشهر

YASSEROVIC

18/9/2009, 08:06

700 مع الاشتراك !

حكر المنحكر

18/9/2009, 08:17

انا اعرف واحد مشتريه قبل اسبوعين من جده مع الاشتراك بـ550 ريال

ابوحوط

18/9/2009, 08:26

اللهم اني صائم

ماقدرت تأخر موضوعك إلى بعد الإفطار يارعاك الله

الواقـــعي

18/9/2009, 08:29

اللي عندهـ اشتراك انترنت من ( gu ) الجديدة تبع شركة عذيب للاتصالات ينفع معاه الدريم بوكس واللي مجربة ياليت يقول لي

الذئبة الهلالية9

18/9/2009, 08:52

اخوي اشتراه ب800 ريال وبعد اقل من اسبوعين باعه ب300 ريال

جدااا سئ كل يوم يروح يبرمجه ويرجع يخرب

*m.s*

18/9/2009, 08:55

سعر الجيهاز بلحاله ؟؟
450 الى 500 ريال حاليا ويتغير السعر حسب الطلب وحسب المنطقة
سعر الاشتراك ؟؟
250 لكل 6 اشهر او 450 في السنة
وش افضل السيرفرات ؟؟
هذي انت اسأل عنها وتلقاها ومعروفة ومافي شي ثابت لان السيرفر يعتمد على الاهتمام وخبرة
صاحبه الاهم جودة خط الانترنت لكن انت ابحث عن الافضل وجربه وبتلقى ناس مهتمة بالسيرفرات
وابغى اشتراك ما يقطع ؟؟
مافي شي ما يقطع لانه يستخدم الانترنت , الحل لجودة السيرفر (انك تاخذ اشتراكين وتدمجهم في ملف واحد)
يعني بيطلعون عليك 1000 ريال في السنة كامل الباقات العربية وقيمة الاشتراكات الاصلية 6500 ريال

نصائح عامة , مافي شي اسمه ما يقطع , ثاني شي لازم تتأكد من قوة خطك الشامل انا شغال عليه وجيد

لكنه ليس بالخط المثالي لكن بالنسبة لي ما يفرق يقطع احيانا ولكن تعودت وانا اعصابي باردة وانت بعد بتتعود

الاهم انه ما يكون في احد على نفس الشبكة شغال 24 ساعة تحميل تورنينت او بالداون لود مانجير على اقصى

سرعة سرعة 4 ميقا ممكن تسخدم برامج التحميل معها عادي لكن لا تخليها على اقصى شي

ايضا الحل الامثل لحل مشكلة السيرف انك تشترك في سيرفرين من (مصدرين مختلفين ) وتدمجهم اذا

انقطع واحد يكون الثاني شغال اتوماتيكيا واحيانا ينقطع احدهم ساعات ما تدري عنه انا كنت مشترك

مع واحد اعرفه اكثر من مرة يغتذر لي عن الانقطاعات لان كان عنده مشاكل في خطه والله ما كنت ادري

عنه لان السيرفر الثاني شغال , لا تصدق راعي سيرفر يقولك عندي سيرفر مضمون 100% وما يقطع

انا مشترك مع اكثر من ممكن 15 سيرفر ويمرون علي هالاشكال اي واحد يقول سيرفري مضمون وما يقطع

تراه خراط اما انه جديد ما يعرف وش الطبخة او انه حاشر نص السعودية في السيرفر , اصحاب السيرفرات

القوية هادين جدا ولا يضغطون عليك جيت تمام ما جيت ما عنده مشكلة كل يوم يجيه طلبات تجديد من المشتركين

عنده يعني انت ما تفرق معه يعني اخر واحد اشتركت معه اسأله عن التقطيع يقولي عندنا تقطيع لكن ان شاء

الله قليل وانصحك ادمج اشتراكين (هذا كلام واحد فاهم ) المهم تراها سهلة جدا وانت تقدر تعرف السيرفرات

القوية من خلال السؤال وشكل الموقع والاهتمام من قبل المشرفين , والتعامل, مع الوقت بتتعلم عليه والجهاز

روعة حتى لو فيه تقطيع بسيط بتتعود عليه في الغالب تمر عليك مباريات كثيرة بدون تقطيع اذا السيرفر قوي

او انك دامج اشتراكين قويين مع بعض الاهم انك توفر فلوسك اجل الدوري السوداني والفلسيطين ب 2400 ريال

هـلالي موت

18/9/2009, 08:59

تسلمووون والله يعطيكم العافيه

*m.s*

18/9/2009, 09:06

اخوي اشتراه ب800 ريال وبعد اقل من اسبوعين باعه ب300 ريال

جدااا سئ كل يوم يروح يبرمجه ويرجع يخرب

5 مشاركات اختي مافي شي اسمه برمجة هذي مشكلة الكسل لو بحث في المنتديات

كان عرف انه مافي شي اسمه برمجة يضحكون عليه , يدور اشتراك صح واذا طلع يقطع

يجيب له اشتراك ثاني ويدمجه مع الاول ويتمتع بالمشاهدة مع احترامي له اذا كلامك صحيح

اقولكم حرام كان من الاول ما اشتريتو الجهاز دامكم بتعتمدون على البنقالية يضحكون عليكم

انا وغيري الكثير نضبط كل شي من بيوتنا

*m.s*

18/9/2009, 09:07

نسيت اقولك ابعد عن البنقالية ترا اشتراكاتهم اغلبها مضروبة

هـ سدير ـلالي

18/9/2009, 09:17

انا انصحك بالدريم بوكس ولا احد يلعب عليك ويقول اشتر دريمر

هـلالي موت

18/9/2009, 10:24

تسلم على المرور

*m.s*

18/9/2009, 10:40

شوف كل اللي اشترو اجهزة الشيرنج الفضائي متورطين كل اسبوعين ناقز مسوي تحديث ب50 ريال

لو اشترك رسمي ارخص له وفي الاخير مو كل القنوات تطلع عنده ,

هلالي صريح 00

18/9/2009, 12:55

نصيحهـ اشتر جهاز ان كنت من اهل الرياض من الحراج او السليمانيه بدون اشتراك

وخذ من اشتراكات النت فيه مواقع حلوهـ وتعلم تضبط الاشتراك من نفسك عشان ترتاح بس

وانحش عن اشتراكات البنقاليهـ

*m.s*

18/9/2009, 14:01

^^^^^^^^^^^^^

ترا كلام هلالي صريح صح ابتعدو عن اشتراكات البنقالية يحط لك 50000 في سيرفر تعبان

احسن سيرفر عندهم يقطع وقت المباريات وعندهم حركات كثيرة سيئة يعني يطلع من قيمة الرسيفر دبل

واحيانا يلعب عليك يقولك تحديث يحط لك امر في الاشتراك انه يوقف اشتراكك بعد شهرين مثلا

عشان تجي عنده وياخذ منك 100 ريال يقولك تحديث وهو يحذف الامر , هذي قالي اياها واحد

في احدى مواقع الشيرنج وما استبعدها لان احد اصدقائي توقفت القنوات حولته على احد اصحاب السيرفرات

عشان يشوف المشكلة قاله احذف امر او علامة معينة ورجع اشتغل الاشتراك هذي بعض الاعيب البنقالية

يضحك عليه لو تنكب موية على الرسيفر قالك (برمجة 300 ريال ) واحيانا مافيه شي جهازك فقط

يبيله تفصل الفيش وترجع تشبكه فقط

متيم في حب الهلال

18/9/2009, 14:14

الله يزيدنا فيه جهل

عاشق كيانه

18/9/2009, 14:30

انا انصحك انك تشترك مع وااحد سعودي لاترووح للبنقالية والهنود
على قولت الاخوان يحطوون 500 وااحد في سيرفر وااحد

أبرقـت زرقا

18/9/2009, 14:43

اللي عندهـ اشتراك انترنت من ( gu ) الجديدة تبع شركة عذيب للاتصالات ينفع معاه الدريم بوكس واللي مجربة ياليت يقول لي

هلا اخوي ... يسعدني افيدك واقول لك انا عندي مودم عذيب وشابكه بسلك الشبكة على الدريم بوكس عندي وشغال 100% .....

حتى من دون ما تضبط لا اعدادات ولاشي كل شيء يتم تلقائي :)

بوحه

18/9/2009, 15:21

انا مشتريه بـ 900 ريال وشغال كويس مايخلا من التقطيع !

وفيه واحد مشتريه بـ 650 شامل وشغال 100%

GATO

18/9/2009, 16:13

اخوي اشتراه ب800 ريال وبعد اقل من اسبوعين باعه ب300 ريال

جدااا سئ كل يوم يروح يبرمجه ويرجع يخرب

لا برمجه ولا شي ..

اذا كان يقطع عليكم .. بدلوا اشتراك الدريم بوكس .. وبس

واهم شي .. ابعد عن البنقاليه .. تراهم نصابين .. يشتغل اسبوع وبعدها ابلش بعمرك ..

مسـترخجـل

18/9/2009, 17:16

يفيدونك الشباب

ربي يسر امرك

almanhl

18/9/2009, 17:57

الجهاز + الاشتراك بالبحرين وياصل لبيتكم 550 ريال اشتراك سنه