..... ويــــن وصــــــــلت .....

[برستيج]

هلا داجين .. :yes: .. هلا داجات .. :p


آمل في البدايه من جميع الركاب ربط الاحزمه استعدادن للاقلاع .. :D

قدر الله على اخوكم في يوم من الايام وهو جالس بالملحق وفي عز وناسته .. (himo) .. الا والباب يدق ..

وقلت ابي اطلع اشوف من هالشين اللي جايني في عز القايله .. :mad: .. الا وذا سداح .. وتوني

ما قلت تفضل الا الرجال سبقني وعلى الملحق على طول ( والله اللي ما ينعطى وجه .. :D ) .. المهم ..

عرفت منه انه طفشان وجاي يوسع صدره معي .. وبعد ما قلب في هالقنوات لف علي وقال : هااااااااااااه

وش عندك من سواليف جديده .. اخبرك راعي وناسه .. وقتها طقت في راسي اني اعطيه من هالرخيص

وامسك فيه خط .. (rambo) .. وقلت له : ما عندي الا سلامتك .. كنت امس عند هاوي وحصلته

زعلان من شركة الاتصالات ويشتكي منها .. :sheto: .. مره يقول شبكتهم مضروبه .. ومره قطعوا

جوالي .. ومره خلصوا دراهمي .. حتى صار الضعيف يتبع نظام الدقه ( زي بعض الناس ) .. :angel:

ومن كثر شكواه عن الشركه ..

( شوي ودق باب الملحق .. الا هذي الخدامه جايبه الشاهي )

واسأل سداح وين وصلت .. قال : الشركه .. ايه تذكرت .. فاقول لك شركة RGH هذولا الداجات شفتهم من

يومين في الثمامه وما غير تفحيط بقيادة مجنونه التفحيط ( رنيم ) .. :D .. ووراهم اربع دوريات ( عاد

ما ادريهم يطاردونهم على شان التفحيط والا على شانهم بنات ) .. :req: .. بس بصراحه رحمت واحد

منهم دخل في الصبات .. ونزل يصايح ويقول : ياقلييننننننننن الادب .. :D .. ووقفت عنده وسالته وش

السالفه .. قال : جننونا هالمبل .. تصدق انا نطاردهم من عند الفيصليه .. ;)

( شوي وانطفى نور الملحق .. ( شكل النصبه قويه ) .. وقال سداح : خير ..

قلت لا تخاف .. ويكفينا نورك .. )

بعدين سالته وين وصلت .. قال : الفيصليه .. ايه تذكرت .. فاقول لك .. بعد ما دخلت الفيصليه حصلت

هلاليه بالفطره و وشقراويه و جود طالعين بس كل وحده فيهم ماده بوزها مترين قدام ( زعلانات ) .. :jhgy:

وبعد ما سالتهم وش فيكم ؟ عسى ما فيه احد تعرض لكم .. :mad: .. قالوا : لا .. بس نسينا ما جبنا

معنا فلوس .. :cry: .. قلت : وهذا هو السبب بس الله يهديكم .. تعالوا وخذوا اللي تبون ..

اخوكم معه ( 130 ) ريال .. اعتقد انها تكفي .. قالوا : تكفي وزود .. :D المهم .. وبعد ما خموا من

هالخلاقين قالت هلاليه : انا حاسه انه فيه احد يمشي ورانا ويراقبنا .. :kayf: ..

وقتها خافت جود .. :q: .. بس شوي وقمزت شقراويه وقالت : ورونيه بس .. اذا ما اخذ عمره .. :sheto:

( شوي وطاحت بيالة الشاهي اللي في يد سداح .. وقال : لا تلاومني هذا من زود التركيز معك

كمل ما عليك )

واساله : وين وصلت ؟ قال : تاخذ عمره .. ايه تذكرت .. فاقول لك بعد ما اخذت عمره شربت من ماء زمزم

وطلعت من الحرم الا وهذا هيمو وجلال في وجهي (himo) وقالوا : كل هذا تاخذ عمره لنا خمس ساعات

ننتظرك .. :amle: .. قلت : وش تبوني اسوي .. كل ما اخذت لي كم شوط في المسعى .. نسيت وين

وصلت وعدت من جديد .. :angel: .. المهم وش جدولكم الحين .. قالوا : نبي نروح نتعشى .. وترانا

عازمينك .. بس وين تبي ؟ قلت : ما يحتاج على البيك على طول .. ;) .. قال هيمو : اللي يريحك وترى

الحساب عندي يا جلال .. :hgfd: .. قال جلال : معصي والله ما يحاسب الا انا وانا ابو لمعه .. :D .. المهم

في الاخير ما حاسب الا اخوكم .. :cry: .. كل واحد فيهم باز بعمر وهو ما عنده الا الفقر .. :D .. بعدين

سالتهم : وش اخبار داج ؟ انتم تقابلونه ؟ .. قالوا : وين نقابله معه وهو ( 24 ) ساعه على الكورنيش وما

غير ترزز قدام هالبنات وقز باللي رايحه وللي جايه .. :yuupy: .. واذا مل طب له شي في البحر ..

وتراه يقدرشي اسمه شاطي بحر ..

( ااااااااااااااااتشو .. الحمد لله .. سداح : يرحمك الله .. انا : يهديكم الله ويصلح بالكم )

وين صلت يا سداح .. قال : بحر .. ايه تذكرت .. فاقول لك بحر هذا واحد راعي سواليف كلها خبقه ونصب

في نصب .. :angel: .. وتنطبق عليه الحكمه اللي تقول ( كلام العاقل خذ نصه ) .. :D .. من يومين

شفته هو وابو معتوق في قهوة الشلال .. تصدق من كثر صرقعته .. شفت نخلتين طالعه في راس

ابو معتوق وحده سكري والثانيه برحي .. :D .. بس بصراحه الرجال يعجبك .. ما يمر شهر الا ولازم

يمر على جماعته في البحرين ويطمان عليهم .. :yes: .. وتراه راعي فزعات بعد .. يعني بالعربي

حطه على يمناك وديور :D ..

شوي وجاني اتصل من شقراوي .. بس كان غلطان كان يبي منبع الثلج .. وقتها طالعت

في ساعتي وكان الوقت بعد نص الليل بتوقيتهم .. يعني الرجال ما ينلام .. .. :angel: )

ورجعت لخويي واسالته .. وين وصلت ؟قال : ديور .. ايه تذكرت .. فاقول لك وديور السجين والاشاره

حمراء .. :eek: .. وقلت له : وراك تقطع الاشاره .. :sheto: .. قال : ابي الحق البنات اللي في

الليموزين تراهم ياشرون .. قلت : واذا ياشرون ياخي اثقل شوي .. ;) .. قال : لا تخاف على اخوك

وهالامور لعبتي .. وقتها قلت له : اما المره هذي باخاف عليك .. قال : ليش .. :req: .. قلت : طالع

وراك وانت تعرف .. وبعد ما طالع .. ارتبك الدفاع عنده على طول .. بعد ما شاف اللوان الاحمر والازرق

سمع صوت يقول : على جنب يا راعي المازدا .. :D قال : وش الحل ؟ .. قلت : لا تخاف الحل عندي

انت بس وقف .. وجا العسكري وقال : رخصه واستماره طالع فيني السجين وهو ينتظر الحل .. وقتها

ضحكت ههههههههههههههههههه وقلت : ما تسمع كلام الرجال عطه الرخصه والاستماره ..

وخل اللي ياشرون ينفعونك الحين .. هههههههههههيوم ارتفع عنده الضغظ وجاه السكر والملح بعد :D

بعدها نصحته يراجع المستشفى .. :angel:

( وقتها لفيت على سداح وسالته : انت تغديت والا لا ؟ .. قال : مابي شي كمل بس )

طيب وين وصلت ؟ قال المستشفى .. ايه تذكرت .. فاقول لك مريت المستشفى ازور ياسر عبدالعزيز و توتي

و مجود ومها العالميه وسبورت وسحر نجد .. لان الله يسلمك هذي الوصال طبختناالمشهور كانت عازمه

هالداجين والداجات .. وهم ما صدقوا احد يعزمهم و يشوفون عيشه .. :D .. المهم ..بعد الاكل بدقايق ..

تعال تفرج على انواع المغص .. ولا ردهم الا الطواري .. وعلى طول غسيل معده .. :eek: عاد وقتها

ياسر شغل مخه شوي يوم درى ان الدعوه فيها غسيل وقال : ياليت تغسلون ملابسي على طريقكم .. :D

( وقتها اذن العصر . )

وقلت لسداح : الا ما ودك تروح بيتكم يا الصحيح .. قال : يا خي الجلسه معك ما تنمل .. قلت :

خلاص اذا نزلت جلسه جديده باكلمك .. :D ..

فالله لا يهينكم .. لا اشوف رقعه وجه اي واحد فيك وقت القايله .. :hgfd:

والحين تقدرون تفكون الاحزمه .. :yes:

[الطيرالهلالي]

الـــــــــسلام...

اهلين بـــــر بـــــــــر ;)


اثرك قاعد تنصب علي ياشين...وانا كل ما شفت احد قعدت اسولف له سواليفك ...كنت اضن سواليفك مصدرك موووثوق اثر سواليفك مصدرها...الحـــــــوطه :kany:

شوي وطاحت بيالة الشاهي اللي في يد سداح .. وقال : لا تلاومني هذا من زود التركيز معك

حبيبي...ترى البااايله طاحت من يدي .... من النوم ..غفيت شوي وطاحت الباايله .بلا من زين سواليفك

:kany: :kany: :kany: :kany: :kany: :kany: :kany: :kany: :kany:


على العـــــــــــــموم كلنــــــا فـــاقشــــــــين :kany:

[قرقو]

ماشاء الله عليك تعرف تفقش
ذكرتني بابو حسين يوم كان يفقش علي ببيتهم


تحياتي
عبودي

[السجين بتهمة حب الهلال]

:D :D


در الله على اخوكم في يوم من الايام

داخل مسجد انت تشحد والا تتسول..(rambo) مابقى تقول الا قدر الله علي حادث ودعست خمسة :D





الا وذا سداح

ظلمت الرجال ياخي...يمكن جاي يشفط الب......:ignor: :angel:





وبعد ما قلب في هالقنوات لف علي

هذي الجملة تهيض جلال..:D






.. حتى صار الضعيف يتبع نظام الدقه ( زي بعض الناس )

من قصدك...البنات يعني(rambo) <<<<<<يدور شر بأي طريقه:D








ابي الحق البنات اللي في الليمزين

ابشرك طلعوا كحليات:yuupy: ياحسافة القسيمة والمعروض الللي راح:cry:


وفي الاخير مشكور يا منسم:yes:

[علي معتـوق العمـــري]

موضوع رائع يارائق 0000

ينصح بعدم جلوس أهل الدجة في الملاحق (himo)



ياسر شغل مخه شوي يوم درى ان الدعوه فيها غسيل وقال : ياليت تغسلون ملابسي على طريقكم

:angel: :angel:

[يوسف]

هلا بالداجين والداجات:magkiss:
هلا برستيج
هههههههههههههههههههههه
اجل طووول القايله جالس تفقش على ذا الخبل وهو مصدق(rambo) يعني مهوب شايف كل شوي سالفه داخله على سالفه ثانيه:angel: الله يخلف عليه ماغيير يدربي دميجته تقووول هندي:D:D
سالتهم : وش اخبار داج ؟ انتم تقابلونه ؟ .. قالوا : وين نقابله معه وهو ( 24 ) ساعه على الكورنيش وما غير ترزز قدام هالبنات وقز باللي رايحه وللي جايه .. .. واذا مل طب له شي في البحر .. وتراه يقدرشي اسمه شاطي بحر ..
:cool: ياخي من كثرهن جتني وحده وانا جالس على الكورنيش جلست تبربر علي شوي وجيت ورميتها بالبحر:D لصقه:zael:

وتسلم على الموضوع المنسم يالمنسم(rambo)
:magkiss: باااااااااي:yes:

[POWER]

هلا برستيج :D

والله الشرهه مهب عليك (rambo) الشرهه على هالدلخ الي يصدق كلامك

والا انت معروف انك مغطي على مسيلمه :D ..وسداح مغطي على سيبويه :req:

ما قلت تفضل الا الرجال سبقني وعلى الملحق على طول
احمد ربك ماراح يشيك على دورة المياة ومواصير البيت :D ..عاد تعرف ابو طبيع .........!! (himo)

قلت لا تخاف .. ويكفينا نورك ..
:angel: .. ايه هين :kello:

شوي وجاني اتصل من شقراوي .. بس كان غلطان كان يبي منبع الثلج .. وقتها طالعت

في ساعتي وكان الوقت بعد نص الليل بتوقيتهم .. يعني الرجال ما ينلام ..

خخخخخخ هي جت على اتصال بس :D ..الحمد لله :hgfd:

بس عسى ما طولتو بالسواليف :slv: ..

[منبع الثلج]

مرحبتين:cool:

ما شاء الله ما تعوووق معك :D :D على طووول تعطيه من هالرخيص:D :D

وهو ما شاء الله مغير مدربي هالدميجه :D :D

قدر الله على اخوكم في يوم من الايام وهو جالس بالملحق وفي عز وناسته ..

طيب وش تبينا نسووويلك :confused: :confused:

ما قلت تفضل الا الرجال سبقني وعلى الملحق على طول ( والله اللي ما ينعطى وجه .. )
يمووون الرجاال يموون :D :D

غير ترزز قدام هالبنات وقز باللي رايحه وللي جايه .. .. واذا مل طب له شي في البحر ..
ايه الرجاال مرتز عند البحر ومعه جهااازه مغير بهالمنتدى:D :D

شوي وجاني اتصل من شقراوي .. بس كان غلطان كان يبي منبع الثلج .. وقتها طالعت

في ساعتي وكان الوقت بعد نص الليل بتوقيتهم .. يعني الرجال ما ينلام .. .. )


ايه يوووم ما رديت عليه ولا عطيته وجه قال احووول على برستيج :D :D



ومشكووووور على الموووضوووع الي كله خرط بخرط:D :D

وتقبل تحياتي

باااي :D

[برستيج]

هلا .. وغلا ..




سداح ..

اثرك قاعد تنصب علي ياشين
طيب وش الجديد .. :p




على العـــــــــــــموم كلنــــــا فـــاقشــــــــين
كلن يتكلم عن نفسه .. (rambo) .. وحياك .. ;)





قرقو ..

ذكرتني بابو حسين يوم كان يفقش علي ببيتهم
اجل سلم لي عليه والله .. :yes: .. وحياك .. ;)





السجين ..

هذي الجملة تهيض جلال
وش مدريك .. (rambo)




ابشرك طلعوا كحليات ياحسافة القسيمة والمعروض الللي راح
قايل لك .. ينخاف عليك .. :p .. وحياك .. ;)





ابو معتوق ..

ينصح بعدم جلوس أهل الدجة في الملاحق
الا ما ودك تمر علي في الملحق .. ابيك في سالفه .. (rambo) .. وحياك .. ;)




وراجعين .. :yes:

[POWER]

تصدق يابرستيج ..عليك ردود تذكرني بمكافأة المعهد الملكي..تجي على دفعه دفعه

تقول مغصوب ترد :D

[الروح]

هلا برستيييج :D :D

الله يرجك من جد والله ويسلموووووووو موضوووووع هبل الله يعااافيك :)

تحياتي

سبسوووبه ;)

[هلاليه بالفطره]

هلوووووو ..
بعد ما دخلت الفيصليه حصلت هلاليه بالفطره و وشقراويه و جود طالعين ياليــــــــــــــــــــــــــــــت:love:
تعالوا وخذوا اللي تبون .. اخوكم معه ( 130 ) ريال .. اعتقد انها تكفي ..
تكفي :yuupy: طيب قلي وش اخذنا , اخاف تحسب حالك في سوق الحراج :D
في الاخير ما حاسب الا اخوكم .. :cry:
فيك الخير ,, طيب ماتحاسب عن عشاي الليله (rambo)

واحلى شي اللي صار للسجيـــن (rambo) وياليتهم جلدوه بعد :angel:


(himo)

[البرنس الازرق]

سسسسسسسلام:)


موضوع كذا:yes:

ابوحسين:)
تصدق يابرستيج ..عليك ردود تذكرني بمكافأة المعهد الملكي..تجي على دفعه دفعه


ههههههههههههه الله يرجك:D

[Alghaly]

مرحبااااااااااااااااااا
موضوعك رايق ياسيد الرايقين
الله يعطيك العافيه

[جن الملاعب]

اقول وين هالملحق :D :D :D

دلني عليه بس وانا اوريك ياشيخ اخليك ماتقفل الملحق شرط انك تحرقه (rambo)

على فكره الملحق للأجار :yuupy: :yuupy:








تحياتي

جن الملاعب :yes:

[هاوي الهلال]

هااايااات

هلا برستيج (himo)




فالله لا يهينكم .. لا اشوف رقعه وجه اي واحد فيك وقت القايله

الحين هذي هي زبدة الموضوع :req: :req:


:p :p


الله يرجك يالداج
موضوع حركه :yes:


بااياات
خالد
(himo)

[برستيج]

هلا .. غلا ..



داج ..

الله يخلف عليه ماغيير يدربي دميجته تقووول هندي
طيب ما ودك انقل كفالته عليك .. :D




ياخي من كثرهن جتني وحده وانا جالس على الكورنيش جلست تبربر علي شوي وجيت ورميتها بالبحر لصقه
متاكد انك رميتها .. ياخوفي يكون العكس .. :D .. وحياك .. ;)





ابو حسين ..

والا انت معروف انك مغطي على مسيلمه ..وسداح مغطي على سيبويه
وانت مغطي على مستر بن .. :D




احمد ربك ماراح يشيك على دورة المياة ومواصير البيت
ومن قال لك انه ما شيك عليها .. :angel: .. وحياك .. ;)





منبع الثلج ..

ايه الرجاال مرتز عند البحر ومعه جهااازه مغير بهالمنتدى
وانا اقول من وين تجينا هالرطوبه .. :D




ايه يوووم ما رديت عليه ولا عطيته وجه قال احووول على برستيج
احسن يا ثقيل .. بس الله لا يهينك شف غيري تحوله عليه .. (rambo) .. وحياك .. ;)





سبورت ..

الله يرجك من جد والله ويسلموووووووو موضوووووع هبل
هذا من بعض ما عندكم .. (himo) .. وحياك .. ;)





هلاليه ..

اخاف تحسب حالك في سوق الحراج
لا الحراج ما اروح له .. لانه لكبار الشخصيات .. :angel:




فيك الخير ,, طيب ماتحاسب عن عشاي الليله
هذا اللي شاطره فيه احاسب عنك .. لو انك عازمتني كان ممكن .. :p .. وحياك .. ;)




وراجعين .. :yes:

[POWER]

الى الآن مكافأة المعهد المكلي ماخذه مجراها :D

الله يرجك يا برستيج

[برستيج]

هلا .. وغلا ..



البرنس الازرق ..

موضوع كذا
وانت كذا .. :yes: :yes: .. وحياك .. ;)





مجود ..

موضوعك رايق ياسيد الرايقين
تسلم حبيبي .. :) .. وحياك .. ;)





جن الملاعب ..

دلني عليه بس وانا اوريك ياشيخ اخليك ماتقفل الملحق شرط انك تحرقه
وتبيني ادلك عليه انت وخشتك عقب هالكلام .. :amle:




على فكره الملحق للأجار
لا للبيع .. :D .. وحياك .. ;)





هاوي ..

الحين هذي هي زبدة الموضوع
تقدر تقول كذا .. (himo)




موضوع حركه
والله انت اللي حركه .. (rambo) .. وحياك .. ;)





ابو حسين ..

الى الآن مكافأة المعهد المكلي ماخذه مجراها
احمد ربك انها ماهي مكافاة جامعة الملك سعود .. ولا كان تعبت اكثر .. :D .. وحياك .. ;)

[جـــلال]

أنا كنت أسمع بالحكحكه لكن الان شفتها قدامي عياناً بياناً في هذا الموضوع,,(himo)
وطلعت من الحرم الا وهذا هيمو وجلال في وجهي
ياخي تحكحك بابراهيم بكيفك , لكن وش تبي منّي!!!وترانا بطلنا حركات الشميسي يعني دوّر على ابو حسين وتوتي;) :p (rambo) قلت : ما يحتاج على البيك على طول ..
أظن راعي البيك مسوي لكم سحر ودافنه في الثمامه , من يوم الواحد ترميه طيارته أنفلت على البيك قبل الحرم:D :p
.. قال هيمو : اللي يريحك وترى الحساب عندي يا جلال ..
كخخخخخخخخخ هك عليك هيمو , بس ماينلام متعوده داييمن,,(rambo) :D
قال جلال : معصي والله ما يحاسب الا انا وانا ابو لمعه ..
سنايدي أبو هاشم قدها وقدود,,(himo) (himo)
.. المهم في الاخير ما حاسب الا اخوكم ..
القانون لايحمي المغفلين-----> وش جاب طاري المغفين!!!:confused:
كل واحد فيهم باز بعمر وهو ما عنده الا الفقر ..
اها بس:slv:

تحياتي لك ياخببببببببببببل,,,:D :D :D :yes: :yes: :yes:

[بـحـر]

:D


اهلين برس :yes:


آمل في البدايه من جميع الركاب ربط الاحزمه استعدادن للاقلاع
اقول خل الرحله على ماليزيا واعطيك شقة البحرين اسبوووووع :D



وقلت ابي اطلع اشوف من هالشين اللي جايني في عز القايله .. .. الا وذا سداح .. وتوني
سداح معروف .. لكن توني منهو :req: .. لا يكون راعي الشورما اللي بالحاره (rambo)




ما قلت تفضل الا الرجال سبقني وعلى الملحق على طول
يمكن الجوازات وراهم :D




.. قال : بحر .. ايه تذكرت .. فاقول لك بحر هذا واحد راعي سواليف كلها خبقه ونصب

في نصب .. .. وتنطبق عليه الحكمه اللي تقول ( كلام العاقل خذ نصه ) .. .. من يومين

شفته هو وابو معتوق في قهوة الشلال .. تصدق من كثر صرقعته .. شفت نخلتين طالعه في راس

ابو معتوق وحده سكري والثانيه برحي .. .. بس بصراحه الرجال يعجبك .. ما يمر شهر الا ولازم

يمر على جماعته في البحرين ويطمان عليهم .. .. وتراه راعي فزعات بعد .. يعني بالعربي

حطه على يمناك وديور ..


لا بعد ويقولوووووووووووووووووووون اني راعي سواليف وخمبقه ونسوووووووك يالمنتهي :D
على فكره ... ترى البرحيه اللي في راس ابومعتوق اثمرت وجابت نبوت سيف :kany:


تحياااتى يالدجه :yes:


بااا :D اااى

[برستيج]

هلا .. وغلا ..



جلال ..

ياخي تحكحك بابراهيم بكيفك , لكن وش تبي منّي
الله العالم من اللي محتاج للثاني .. (rambo) .. ;)




سنايدي أبو هاشم قدها وقدود
الكلام سهل .. لكن وين الفعل .. (himo) .. وحياك .. ;)





بحر ..

اقول خل الرحله على ماليزيا واعطيك شقة البحرين اسبوووووع
افكر وارد عليك .. ;)




على فكره ... ترى البرحيه اللي في راس ابومعتوق اثمرت وجابت نبوت سيف
طيب ممكن تدبر لنا محفرتين على كيفك من عنده .. :D .. وحياك .. ;)