كلمات
18/8/2009, 14:04
بســم اللــه الرحمــن الرحيــم
يالله حيهم , يالله حي كل(ن) باسمه , يااااااااه الصدز أني من زمان ما نزلت مواضيع لذلك كل من يقرا هالموضوع أول شي يسويه ( يعض ) ثوبه لإن وراه مشوار طويل :d: , ما أخفيكم أني استعجلت شوي في طرح الموضوع عشان اتلاحق أحطه قبل رمضان ,, لإن رمضان الله يشرفه المفترض أننا نحط فيه مواضيع(ن) تسوى موب مثل ذا , هالموضوع الله يحـ يييييكم سالفة صارت لمدرس كان مشرف على رحلة لطلبة مدرسته ,, عاد ما ودي أطول عليكم بالمقدمة , أخليكم مع نبذة عن بعض الشخصيات :
** طراد : مدرس اللغة العربية , رائد فصل ثالث طبيعي ج , رئيس الرحلة اللي راح نحتسي عنها , إنسان راعي نوم , ولا فيه أمل يتحمل مسؤولية , يعني بالعربي ( راعي سحبات ) , والله ياهو مال(ن) من هالطلبة اللي معه , وأي شي يصير ما عنده ألا هالطلبة الضعوف ,, لو يبنشر كفر الباص قال ( أنتم يا طلبة السبب وانتم اللي ثقلتوا على الباص ) وهذي هي حالته ,,
** نجر : أكبر الطلبة , عمره تقريباَ 20 خريفاً , عربجي ولا يخشى في الله لومة لائم , طول مشاوير الرحلة قاعد في اخر كرسي في الباص ومعه شلّته الموقرة , ويعتبر كبير العصابة , وعشان المصداقية في الطرح , ما أخفيكم أنه هو اللي يتحكم في الفصل لإن المشرف على الرحلة مهوب يمّهم , يقدّر طاهر الأحسائي بالحيل ويشوف أنه هو فنان العرب , ما يحب يكوي ثيابه لإن هالشي يحسسه أنه خكري ,,
** فنجال : الذراع اليمين لـ نجر , عمره 19 ربيعاً , نجر دايم يتفخه ويريش به وهو يصدق , يسميه نجر ( المساعد التكتيكي ) طبعاً نجر من الطبيعي أنه مايدري وش معنى ( تكتيكي ) بس اللي يعرفه أنها مدحة , مرجعه الإستشاري واللي دايم يأخذ برأيه هو ( نجر ) بحكم أنه داشر و ملّكع والدنيا مفحّطة في خشته تفحيط , مشكلته الوحيدة أنه إذا مدحه أحد يصدق بسرعة ,,
وألحين عرفناكم بـ بعض الشخصيات في سالفتنا اليوم , نخليكم ألحين مع القصة :
وقبل نهاية كل عام دراسي , تنظّم ثانوية ( أبـو راشـد ) الأهلية النموذجية رحلات لطلبتها , واللي بيسأل وين هالثانوية , هذي الله يطول بأعماركم وأنتم على الدائري الغربي متجهين جنوب , أول ما يجيكم ( سلام مول ) على اليمين طالعوا يسار بتشوفون علم الدولة يرفرف فوق خزان المدرسة , بيت مستأجر و رايح فيها هالبيت الصدز وضيّق وجوّه موب جو دراسة أبد ,, المهم , وبحكم أن المدرسة أهلية من الطبيعي أنها ترفّه طلابها وفيه نظام للرحلات اللي هو : كل فصل يكون له رحلة خلال ( ويك إند ) و رائد كل فصل هو المسؤول عن ( رحلة فصله ) بحيث يكون المشرف العام على الرحلة , خلوني أقولكم سالفة فصل 3/ط/ج اللي رائده هو ( طراد ) و هالانسان أقدر أقول أنه ساحب على فصله كل السنة ولا جاب خبرهم , زين أنه يحظر بس , الزبدة , أن ذاك الاربعاء هو اليوم المقرر للرحلة اللي كلمتكم عنها , بحيث أن رحلتهم كانت للشرقية , وكانت الرحلة لشاليه من شاليهات الشرقية <-- وبيخش واحد في عيني ويقول الشاليهات للعوائل بس بـ أقول له ( لا يكثر ,, فيه شاليه اعرفه للعزاب ) ,, إجتمعوا الطلبة بعد صلاة العصر عند المدرسة , طراد حظر متأخر كالعادة ويفرّك عيونه توه قايم , خذ الكشف حق الطلبة , شيّك على الأسماء اللي بتروح معه للشرقية , كلهم موجودين , جمع طراد الطلبة كلهم و خلاهم يحملون العفش , وهم قاعدين يحمّلون ,, ألا طراد يشوف نجر و فنجال ومعهم كم واحد جالسين على الرصيف ويدخنون ولا طقوا خبر للعفش اللي ينشال ,, قفلت معه طراد وقال : ( فنجال ,, ألحين ما تعلموني ليش ما تحملون عفشكم ,, ولا ما ودكم بالروحة ؟ ) ,, عدّل نجر جلسته وخذ له مزة وطلّع الدخان على شكل ( دواوير ) في الجو , وقال بكل هدوء : ( يا استاد ( ودققوا على حرف الداء في هالكلمة ) ,, ألا والله ودنا بالروحة ,, وبخصوص العفش اخويانا الله يعطيهم العافية يحملونه ) ,, وابو الشباب يقصد بـ اخوياه ,, باقي الطلبة الضعوف ,, ألتفت طراد ,, ألا وشاف باقي الطلبة يشيلون عفش ( نجر وربعه ) ما اخفيكم أن طراد ما أثّر عليه هالموقف ولا كأن شي صاير ,, ومشّى الموضوع بكل بساطة ,, الزبدة ,, حملوا قراشيعهم فوق الباص , وبسم الله حركّوا من المدرسة ,,
فـــي البـــاص ,, !!
( يا استاذ ,, عطشانين نبي نوقف عند محطة ) ,, ( نعنبوا بليسكم تونا ماشين ما بعد طلعنا من الرياض عشان تعطشون ) ,, وبعد إزعاج من بعض الطلبة قرر ( طراد ) أن يوقف عند محطة هيف اللي عند مخرج 14 ,, وفعلاً وقف الباص ,, ونزلوا الطلبة عشان يشترون موية بحكم أنهم عطشانين ,, و تقريباً جلسوا مدة ما يقارب الساعة عشان يشترون موية ( صورة مع التحية لـ باصات الحملات الله يكون بعونهم ) ,, وبعد هواش من طراد وبهذلة ركبوا الطلبة ,, حرّكوا من المحطة ,, مشو في الدائري الشرقي لين وصلوا مخرج 8 خذوا يمين ,, وكذا نقول أنهم مسكوا خط الشرقية ,, طبعاً الطريق راح ياخذ وقت وهالطلبة لابد من شي يشغلهم ولا راح يشغلونك ,, واحد من الطلبة أسمه ( يعقوب ) ,, هالـ يعقوب وش حليله ,, إنسان يحب الوناسة و الفلّة ,, وأثره جايب معه مكرفون ( ذاك اللي كبر جيك موية الإديتر ) ,, ( وبشكل أدق ,, كبر حبتين صابون عبايات جنب بعض <-- هالوصف للبني :d: ) ,, الزبدة ,, أن يعقوب ,, راح لـ طراد وقاله ( أستاذ ,, أن جايب معي مكرفون عشان نسوي مسابقات في الباص ,, وش رايك ؟ ) ,, طراد الصدز أنها ما تفرق معه سواء سوو مسابقات او ما سوو ,, لإنه ما طق خبر لـ هالطلبة ولا فكر أنه يوسع صدورهم ,, لكن جازت له الفكرة عشان يفتك من قروشتهم ,, رحّب طراد بـ الفكرة ,, و مسك يعقوب المايك وبدأ في المسابقات ,, وطراد جلس في المرتبة اللي قدام عند السواق و تلطم و رقد ,, و ( نجر ) و شلته الموقرة جالسين في مؤخرة الباص ومستلمين ( يعقوب ) ومسخروه مسخرة ,, كل ما سأل سؤال الضعيف ضحكوا عليه وعلى أسئلته ,, ما أخفيكم أنها راس مالها نص ساعة و قفلت معه يعقوب وكنسل المسابقة وجلس ,, وتحسبون طراد راح لمّه و يواسيه ,, ولا كرش نجر و شلّته ,, ؟ لا والله ما جاب خبرهم ,, وأصلاَ ما يدري عنهم لإنه في سابع نومة ,, إستمروا في طريقهم ,, اللي نايم واللي يسولف ,,
وقــت الوصــول ,, !!
في الساعة 8 تقريباً وصلوا ربعنا للشاليه ,, وكانوا حاجزين لهم شاليهين وانقسموا فيه ,, الزبدة أنهم بعد ما نزلوا عفشهم جا طراد وقسمهم مجموعتين ,, وعشان يرتاح ,, قسم شلة ( نجر ) ,, وبعد التوزيع جا نجر لـ طراد وقال له ( يا استاد ,, ليش تقسم اخوياي ,, أبيهم معي ,, ؟ ) ,, ( عشان أرتاح منكم يا نجر ,, انتم مزعجين ) ,, ( يا استاد ,, هالمرة في وجهي ,, وما راح نزعج صدقني ) ,, ( أكيد ,, ؟ ) ,, ( اكيد ,, ؟ ) وفعلاً ,, والله طراد عدل التقسيم وخلى شلة نجر مع بعض ,, وكل مجموعة راحت لـ الشاليه حقها ,, والمفروض أن طراد يكون مشرف على كل المجموعتين ,, اللي صار ,, نادى طراد ( يعقوب ) وقال له : ( يعقوب ,, شف ,, بما أنك أفضل طالب عندي في الفصل ,, هذا اللابتوب و هذي الطابعة ,, أبيك الله لا يهينك تكتب جدول يومي للطلبة لـ الأيام الثلاثة اللي بـ نقعدها ) ,, ( موب مشكلة أستاذ ,, لكن وين الجدول عشان أكتبه و أطبعه ؟ ) ,, ( يابن الحلال أكتب اي شي ,, يعني اكتب مواقيت الصلوات ,, و مواقيت الوجبات ,, وهالخرابيط الزبدة ,, أن الطلبة ممنوع انهم يطلعون من الشاليه وراح نتحرك يوم الجمعة الساعة 4 العصر ) ,, والله وفعلاً ,, مسك يعقوب اللابتوب ,, وبدأ في كتابة الجدول حق الرحلة ,, عاد الله من زين الجدول وأصلاً حرام أسميه جدول لإنه موب جدول <-- ما فيه أي نشاط (himo) ,, وطبعه يعقوب على نسختين ,, وعلقه في كل شاليه ,, المهم ,, جا وقت العشاء ,, وجاعوا هالضعوف ,, كلموا طراد عشان العشاء ,, وش سوا طراد ,, ؟ نادى له كم طالب و روحهم للبقالة اللي عندهم وخلاهم يجيبون ( خبر صامولي و جبن و مربى و ببسي العائلة ) ,, وخلاهم يتعشون عليه بزعم أنه يبيهم ينامون وهم خفيفين ,, بعد العشاء ,, جمع طراد الطلبة كلهم في واحد من الشاليهات ,, عنده تعليمات بـ يوصلها لهم ,, قال لهم : ( أسمعوا ,, طلعة من الشاليه ,, ما فيه ,, مشاكل بينكم ما فيه أنتم اخوان ,, وهذا رقمي سجلوه اللي يبي شي يدق علي ) ,, والله ويعطيهم رقم ثاني له حق المهمات الخاصة ,, وطلع طراد من الشاليه كله ,, ودز للخبر وهو حاط في باله أنه مهوب راجع ألا الجمعة ,, وبرضوه حاط في باله أن ما فيه أمل يرد على جواله إذا دقوا عليه ,, هو فاضي لهم ,, بلا طلاب بلا هم ,,
الويــك إنــد ,,!!
طراد سحب على هالطلبة ,, من تتوقعون مسك زمام الأمور ,, ؟ ما فيه ألا نجر و فنجال والشلة المحترمة ,, وفعلاً تفرعنوا على هالطلبة ,, و نجر يعرف له كم واحد من أهل الشرقية دق عليهم وخلاهم يجونه للشاليه ,, وفعلاً ركب معهم وخذ معه شلّته ,, وبقّى واحد عشان يجلس عند الطلبة ,, عشان ما يطلعون من الشاليه <-- والله الإستقعاد :d: ,, بعد ,, الطلبة حسو بالظلم ,, وعلطول قرروا يدقون على مدرسهم طراد ,, وفعلاً دقوا على جوال ,, لكن المؤسف في الموضوع أنه ما يرد ,, الصدز أنها قافلة معهم ومعهم حق ,, محجروين في هالشاليه وبس ,, لا طلعة ولا أكل زي الناس يجاب لهم ,, ما هنا ألا ان كان هم يجيبون بـ فلوسهم ,, وهالكلام المفروض أنه ما يصير بحكم أن تكاليف الرحلة كلها على المدرسة ( من إلى ) والمشكلة أن إدارة المدرسة معطية طراد الميزانية حقت الرحلة ,, وهو ساحب على طلابه ,, الزبدة ,, والله ويزعجون طراد بـ الإتصالات ,, كون أن نجر و كم واحد طالعين للخبر يتمشون ,, وبرضوه ,, طراد سااااااااااااااحب ,, راح أول يوم بخيره وشرّه ,, ونجر وأخوياه ما جو ألا من بكرة العصر ,, و يوم جو للشاليه ألا وهم فالينها ,, جايبين معهم خرابيط مالها اخر ,, ( حب و عصيرات ومن هالخرابيط ) ,, عاد ابن امه وابوه اللي يلمسها من الطلبة ,, و أي واحد يتكلم من الطلبة على الشلة الموقرة ,, يقوم نجر وربعه ويفرشونه فرش ,, يخلونه يعض التراب عض ,, و الشيء اللي يقهر أن نجر وشلته والله يا هم متحكمين في هالطلبة ,, حتى انهم محددين لهم منطقة صغيرة عند البحر ,, ما يطلعون منها ,, ويا ويل اللي يطلع منها ,, الصدز أن هالطلبة مساكين ,, توهم صغار وحبيبّين في نفس الوقت ,, وجاهم واحد أسمه ( نجر ) نذل وابن 66 كلب ,, من جلسوا الخميس كله على ( صامولي و جبن و مربى ) <-- مجاعة ,, من بكرة ,, كل الطلبة تحسفوا على هالرحلة ,, وصاروا يحترون متى تجي الساعة 4 عشان يمشون ويفتكون من هالغثى ,,
المغــادرة ,, والوصــول ,,!!
مر الوقت ,,, وجت الساعة 4 وجا الباص حقهم ,, لكن زي العادة ( طراد متأخر ) ولا جا ألا الساعة 4 ونص ,, و أول ما جا ,, علطول هالطلبة راحوا له وشكوا له الحال خلال الويك إند ,, وعلموه عن سوالف نجر شلته ,, وعلموه أن نجر يطلع من الشاليه ولا يرجع ألا متأخر ,, طراد هالبليد ,, ما هزه كلامهم وأكتفى بـ ( هو صدق هالكلام كله ,, ؟ طيّب أوريك يا نجر ) ,, وراح طراد لـ نجر وهاش عليه شوي عشان اللي صار ,, وطبعاً هواشه عشان يسكت هالطلبة ,, وهالطلبة استانسوا لإنهم حسوا أن نجر صار في موقف ضعف ,, وهو الصدز انه ما طق لهم خبر ,, الزبدة ,, ركبوا الباص ,, ورجعوا في الطريق ,, قرر ( يعقوب ) يسوي مسابقات ولا خاف من ( نجر ) لإن المدرس هاش عليه وسكتّه ,, وفعلاً سواها ,, و اللي صار ,, نفس اللي صاره له في الروحة ,, استلموه نجر و اخوياه ,, و هو طاح وجهه و جلس ,, استمروا في طريقهم ,, وصلوا للرياض ,, اتجهوا للمدرسة ,, ألا الطلبة كل واحد داقن على ابوه عشان يجي ياخذه ,, ما أخفيكم أنهم كل واحد منهم ناحفن 3 كيلو ,, بسبة هالمجاعة اللي صارت ,, كل الطلبة قرروا أنها ما يروحون مع أي رحلة في المستقبل ,, سلم طراد العهدة اللي معه للمدرسة ( لابتوب + طابعة + كشف أسماء الطلبة + فواتير ,,, إلخ ) و رجع لبيته ,,
# بالملقـــاط #
** ( طراد ) هالإنسان بليد بشكل ما يتصور ,, كل السنة ساحب على طلبته ,, وراح معهم للشرقية والمفترض أنه ينتبه لهم ,, على الأقل يوم أنه حط رقمه عندهم يرد موب يسحب عليهم ,, لكن الشكوى لله ,, الزبدة أن طراد ذا يذكرني بـ ( جمعية حماية المستهلك ) ,, هالجمعية كنها بيض الصعو نسمع بها ولا نشوفها ,, والتجار لاعبين في حسبتنا لعب وهم ما طقوا خبر لنا ,, الكثير منا عانى من مشكلة ( الغش التجاري ) وأنا واحد من هاللي عانوا من هالمشكلة ,, دقيت على رقم الجمعية الموحد ولا ردوا ,, وش سويت ,, مشيت ودربيت راسي مع العالم ,, مثل الطلبة الضعوف اللي جلسوا ذاك ( الويك إند ) مع نجر وربعه ,,
** ( نجر ) و ( فنجال ) و الشلّة الموقرة ,, هذولي ناس ما يخافون الله ,, أستغلوا ( بزوطة ) طراد وسحباته ,, وأجرموا في الطلبة الضعوف اللي مالهم ذنب ,, وصاروا يطلعون من الشاليه ويرحون ويجون ولا أحد يطق لهم خبر ,, هذلوي ما أخفيكم أنهم يذكروني بـ ( التجار ) اللي لاعبين على خلق الله ,, ويدلّسون بضاعاتهم ,, والمشكلة لو سألتهم وقلت لهم ليش تجيبون قطع ( تجارية ) وتبيعونها بـ ( أسعار نار ) ,, يقولون لك أن السبب هو ( المستهلك ) نفسه ,, هو اللي ما يبي الأصلي ,,
** الطلبة الضعوف ,, راحو للشرقية ,, يبون ينبسطون و توهقوا ,, زيهم زي أي ( مستهلك ) راح للمحل الفلاني يبي يشتري سلعة ,, ويتعرض للغش التجاري ,, والمشكلة أن فيه ناس ما تدري أنها أنغشت ,, وتروح ضحية للنصب و الإحتيال ,, لكن الكلام على الناس اللي تدري ومصحصحة وش تسوي ؟ الصدز أن ما فيه طريقة ( نظامية ) تقدر من خلالها تتعامل مع هالغشاشين ,,
** كلمة ( مستهلك ) ,, الصدز أن هالكلمة ما اخفيكم أني تحوم تسبدي إذا سمعتها ,, لإن إذا مسكنا لجنة ( حماية المستهلك ) وقلنا لهم ( وش سبب هالغش اللي نشوفه في الأسواق ؟ ) يقولون ان السبب هو ( المستهلك اللي يسكت عن هالغش ) ,, وإذا سألنا التجار عن سبب الغش التجاري ,, يقولون ان السبب هو المستهلك لإنه ( جاهل ) ولا يفرق بين الأصلي والتجاري ,, نعنبوا بليسكم تبونا ناخذ دورات عشان نفرق بين الأصلي والتجاري ,, حتى ( وزارة المياه ) ألحين ,, طبوا في بطن هـ المستهلك الضعيف ,, وكل ما طفت الموية وسألنهم قالوا السبب هو جهل المستهلك في إستخدام الماء ,, ونفس الكلام ينطبق على شركة الكهرب ,, إذا انقطع الكهرب ,, ( قبل سنوات ,, كانت تصريفتهم أن فيه كيابل يبون يزينونها ) وألحين كيابلهم خلصت ,, وصار السبب هو المستهلك ,, اللي ما يعرف يستخدم الكهرب ,, لا حول ولا قوة إلا بالله ,, بس ,,
# أسئــلة للمهـــاوش #
عزيزي العضو ,,
- هل تعرضت لـ مسألة الغش التجاري ,,؟
- ألا صح ,, هل تعرف جمعية بأسم جمعية حماية المستهلك ؟ <-- أدري أني احرجتكم بهالسؤال
- بعد تعرضك للغش التجاري , هل حاولت أن تبحث عن جمعية حماية المستهلك , ولماذا ,,؟
- ( أذا كانت إجابتك نعم في السؤال السابق ) هل وجدت تعاون من قبل جمعية ( حماية المستهلك ) ,, ؟
- في لقاء متلفز لـ سمو الأمير عبدالرحمن بن مساعد وكان يقول فيه ( أنا أطلع من النادي ,, والمحل اللي قدام النادي يبيع أطقم الهلال مزورة ,, قمة الإستفزاز ) ,, بعد سماع هذه الجملة ,, هل تعتقد أن الجمعية هذه تقوم بـ عملها كما يجب ؟
- بعدين يا مستهلك ياللي ما تفهم خل عنك الإسئلة ,, أكيد أنك ألحين وأنت تقرا هالموضوع مشغل لك ( لمبتين ) وشو له هالإسراف في الكهرب ,, شغل لمبة وحدة ,, والله معذورين شركة الكهرب يوم أنهم يطفون الكهرب عليكم ,, :d:
اللهم بلغنا شهر رمضان
واعنا على صيامه وقيامه
وكل رمضان وأنتم للرحمن أقرب
إنتهــى
إمضـــاء :
مُسْتَهلِك بن مُسْتَهلَك ,, حفظه الله ورعاه ::(
يالله حيهم , يالله حي كل(ن) باسمه , يااااااااه الصدز أني من زمان ما نزلت مواضيع لذلك كل من يقرا هالموضوع أول شي يسويه ( يعض ) ثوبه لإن وراه مشوار طويل :d: , ما أخفيكم أني استعجلت شوي في طرح الموضوع عشان اتلاحق أحطه قبل رمضان ,, لإن رمضان الله يشرفه المفترض أننا نحط فيه مواضيع(ن) تسوى موب مثل ذا , هالموضوع الله يحـ يييييكم سالفة صارت لمدرس كان مشرف على رحلة لطلبة مدرسته ,, عاد ما ودي أطول عليكم بالمقدمة , أخليكم مع نبذة عن بعض الشخصيات :
** طراد : مدرس اللغة العربية , رائد فصل ثالث طبيعي ج , رئيس الرحلة اللي راح نحتسي عنها , إنسان راعي نوم , ولا فيه أمل يتحمل مسؤولية , يعني بالعربي ( راعي سحبات ) , والله ياهو مال(ن) من هالطلبة اللي معه , وأي شي يصير ما عنده ألا هالطلبة الضعوف ,, لو يبنشر كفر الباص قال ( أنتم يا طلبة السبب وانتم اللي ثقلتوا على الباص ) وهذي هي حالته ,,
** نجر : أكبر الطلبة , عمره تقريباَ 20 خريفاً , عربجي ولا يخشى في الله لومة لائم , طول مشاوير الرحلة قاعد في اخر كرسي في الباص ومعه شلّته الموقرة , ويعتبر كبير العصابة , وعشان المصداقية في الطرح , ما أخفيكم أنه هو اللي يتحكم في الفصل لإن المشرف على الرحلة مهوب يمّهم , يقدّر طاهر الأحسائي بالحيل ويشوف أنه هو فنان العرب , ما يحب يكوي ثيابه لإن هالشي يحسسه أنه خكري ,,
** فنجال : الذراع اليمين لـ نجر , عمره 19 ربيعاً , نجر دايم يتفخه ويريش به وهو يصدق , يسميه نجر ( المساعد التكتيكي ) طبعاً نجر من الطبيعي أنه مايدري وش معنى ( تكتيكي ) بس اللي يعرفه أنها مدحة , مرجعه الإستشاري واللي دايم يأخذ برأيه هو ( نجر ) بحكم أنه داشر و ملّكع والدنيا مفحّطة في خشته تفحيط , مشكلته الوحيدة أنه إذا مدحه أحد يصدق بسرعة ,,
وألحين عرفناكم بـ بعض الشخصيات في سالفتنا اليوم , نخليكم ألحين مع القصة :
وقبل نهاية كل عام دراسي , تنظّم ثانوية ( أبـو راشـد ) الأهلية النموذجية رحلات لطلبتها , واللي بيسأل وين هالثانوية , هذي الله يطول بأعماركم وأنتم على الدائري الغربي متجهين جنوب , أول ما يجيكم ( سلام مول ) على اليمين طالعوا يسار بتشوفون علم الدولة يرفرف فوق خزان المدرسة , بيت مستأجر و رايح فيها هالبيت الصدز وضيّق وجوّه موب جو دراسة أبد ,, المهم , وبحكم أن المدرسة أهلية من الطبيعي أنها ترفّه طلابها وفيه نظام للرحلات اللي هو : كل فصل يكون له رحلة خلال ( ويك إند ) و رائد كل فصل هو المسؤول عن ( رحلة فصله ) بحيث يكون المشرف العام على الرحلة , خلوني أقولكم سالفة فصل 3/ط/ج اللي رائده هو ( طراد ) و هالانسان أقدر أقول أنه ساحب على فصله كل السنة ولا جاب خبرهم , زين أنه يحظر بس , الزبدة , أن ذاك الاربعاء هو اليوم المقرر للرحلة اللي كلمتكم عنها , بحيث أن رحلتهم كانت للشرقية , وكانت الرحلة لشاليه من شاليهات الشرقية <-- وبيخش واحد في عيني ويقول الشاليهات للعوائل بس بـ أقول له ( لا يكثر ,, فيه شاليه اعرفه للعزاب ) ,, إجتمعوا الطلبة بعد صلاة العصر عند المدرسة , طراد حظر متأخر كالعادة ويفرّك عيونه توه قايم , خذ الكشف حق الطلبة , شيّك على الأسماء اللي بتروح معه للشرقية , كلهم موجودين , جمع طراد الطلبة كلهم و خلاهم يحملون العفش , وهم قاعدين يحمّلون ,, ألا طراد يشوف نجر و فنجال ومعهم كم واحد جالسين على الرصيف ويدخنون ولا طقوا خبر للعفش اللي ينشال ,, قفلت معه طراد وقال : ( فنجال ,, ألحين ما تعلموني ليش ما تحملون عفشكم ,, ولا ما ودكم بالروحة ؟ ) ,, عدّل نجر جلسته وخذ له مزة وطلّع الدخان على شكل ( دواوير ) في الجو , وقال بكل هدوء : ( يا استاد ( ودققوا على حرف الداء في هالكلمة ) ,, ألا والله ودنا بالروحة ,, وبخصوص العفش اخويانا الله يعطيهم العافية يحملونه ) ,, وابو الشباب يقصد بـ اخوياه ,, باقي الطلبة الضعوف ,, ألتفت طراد ,, ألا وشاف باقي الطلبة يشيلون عفش ( نجر وربعه ) ما اخفيكم أن طراد ما أثّر عليه هالموقف ولا كأن شي صاير ,, ومشّى الموضوع بكل بساطة ,, الزبدة ,, حملوا قراشيعهم فوق الباص , وبسم الله حركّوا من المدرسة ,,
فـــي البـــاص ,, !!
( يا استاذ ,, عطشانين نبي نوقف عند محطة ) ,, ( نعنبوا بليسكم تونا ماشين ما بعد طلعنا من الرياض عشان تعطشون ) ,, وبعد إزعاج من بعض الطلبة قرر ( طراد ) أن يوقف عند محطة هيف اللي عند مخرج 14 ,, وفعلاً وقف الباص ,, ونزلوا الطلبة عشان يشترون موية بحكم أنهم عطشانين ,, و تقريباً جلسوا مدة ما يقارب الساعة عشان يشترون موية ( صورة مع التحية لـ باصات الحملات الله يكون بعونهم ) ,, وبعد هواش من طراد وبهذلة ركبوا الطلبة ,, حرّكوا من المحطة ,, مشو في الدائري الشرقي لين وصلوا مخرج 8 خذوا يمين ,, وكذا نقول أنهم مسكوا خط الشرقية ,, طبعاً الطريق راح ياخذ وقت وهالطلبة لابد من شي يشغلهم ولا راح يشغلونك ,, واحد من الطلبة أسمه ( يعقوب ) ,, هالـ يعقوب وش حليله ,, إنسان يحب الوناسة و الفلّة ,, وأثره جايب معه مكرفون ( ذاك اللي كبر جيك موية الإديتر ) ,, ( وبشكل أدق ,, كبر حبتين صابون عبايات جنب بعض <-- هالوصف للبني :d: ) ,, الزبدة ,, أن يعقوب ,, راح لـ طراد وقاله ( أستاذ ,, أن جايب معي مكرفون عشان نسوي مسابقات في الباص ,, وش رايك ؟ ) ,, طراد الصدز أنها ما تفرق معه سواء سوو مسابقات او ما سوو ,, لإنه ما طق خبر لـ هالطلبة ولا فكر أنه يوسع صدورهم ,, لكن جازت له الفكرة عشان يفتك من قروشتهم ,, رحّب طراد بـ الفكرة ,, و مسك يعقوب المايك وبدأ في المسابقات ,, وطراد جلس في المرتبة اللي قدام عند السواق و تلطم و رقد ,, و ( نجر ) و شلته الموقرة جالسين في مؤخرة الباص ومستلمين ( يعقوب ) ومسخروه مسخرة ,, كل ما سأل سؤال الضعيف ضحكوا عليه وعلى أسئلته ,, ما أخفيكم أنها راس مالها نص ساعة و قفلت معه يعقوب وكنسل المسابقة وجلس ,, وتحسبون طراد راح لمّه و يواسيه ,, ولا كرش نجر و شلّته ,, ؟ لا والله ما جاب خبرهم ,, وأصلاَ ما يدري عنهم لإنه في سابع نومة ,, إستمروا في طريقهم ,, اللي نايم واللي يسولف ,,
وقــت الوصــول ,, !!
في الساعة 8 تقريباً وصلوا ربعنا للشاليه ,, وكانوا حاجزين لهم شاليهين وانقسموا فيه ,, الزبدة أنهم بعد ما نزلوا عفشهم جا طراد وقسمهم مجموعتين ,, وعشان يرتاح ,, قسم شلة ( نجر ) ,, وبعد التوزيع جا نجر لـ طراد وقال له ( يا استاد ,, ليش تقسم اخوياي ,, أبيهم معي ,, ؟ ) ,, ( عشان أرتاح منكم يا نجر ,, انتم مزعجين ) ,, ( يا استاد ,, هالمرة في وجهي ,, وما راح نزعج صدقني ) ,, ( أكيد ,, ؟ ) ,, ( اكيد ,, ؟ ) وفعلاً ,, والله طراد عدل التقسيم وخلى شلة نجر مع بعض ,, وكل مجموعة راحت لـ الشاليه حقها ,, والمفروض أن طراد يكون مشرف على كل المجموعتين ,, اللي صار ,, نادى طراد ( يعقوب ) وقال له : ( يعقوب ,, شف ,, بما أنك أفضل طالب عندي في الفصل ,, هذا اللابتوب و هذي الطابعة ,, أبيك الله لا يهينك تكتب جدول يومي للطلبة لـ الأيام الثلاثة اللي بـ نقعدها ) ,, ( موب مشكلة أستاذ ,, لكن وين الجدول عشان أكتبه و أطبعه ؟ ) ,, ( يابن الحلال أكتب اي شي ,, يعني اكتب مواقيت الصلوات ,, و مواقيت الوجبات ,, وهالخرابيط الزبدة ,, أن الطلبة ممنوع انهم يطلعون من الشاليه وراح نتحرك يوم الجمعة الساعة 4 العصر ) ,, والله وفعلاً ,, مسك يعقوب اللابتوب ,, وبدأ في كتابة الجدول حق الرحلة ,, عاد الله من زين الجدول وأصلاً حرام أسميه جدول لإنه موب جدول <-- ما فيه أي نشاط (himo) ,, وطبعه يعقوب على نسختين ,, وعلقه في كل شاليه ,, المهم ,, جا وقت العشاء ,, وجاعوا هالضعوف ,, كلموا طراد عشان العشاء ,, وش سوا طراد ,, ؟ نادى له كم طالب و روحهم للبقالة اللي عندهم وخلاهم يجيبون ( خبر صامولي و جبن و مربى و ببسي العائلة ) ,, وخلاهم يتعشون عليه بزعم أنه يبيهم ينامون وهم خفيفين ,, بعد العشاء ,, جمع طراد الطلبة كلهم في واحد من الشاليهات ,, عنده تعليمات بـ يوصلها لهم ,, قال لهم : ( أسمعوا ,, طلعة من الشاليه ,, ما فيه ,, مشاكل بينكم ما فيه أنتم اخوان ,, وهذا رقمي سجلوه اللي يبي شي يدق علي ) ,, والله ويعطيهم رقم ثاني له حق المهمات الخاصة ,, وطلع طراد من الشاليه كله ,, ودز للخبر وهو حاط في باله أنه مهوب راجع ألا الجمعة ,, وبرضوه حاط في باله أن ما فيه أمل يرد على جواله إذا دقوا عليه ,, هو فاضي لهم ,, بلا طلاب بلا هم ,,
الويــك إنــد ,,!!
طراد سحب على هالطلبة ,, من تتوقعون مسك زمام الأمور ,, ؟ ما فيه ألا نجر و فنجال والشلة المحترمة ,, وفعلاً تفرعنوا على هالطلبة ,, و نجر يعرف له كم واحد من أهل الشرقية دق عليهم وخلاهم يجونه للشاليه ,, وفعلاً ركب معهم وخذ معه شلّته ,, وبقّى واحد عشان يجلس عند الطلبة ,, عشان ما يطلعون من الشاليه <-- والله الإستقعاد :d: ,, بعد ,, الطلبة حسو بالظلم ,, وعلطول قرروا يدقون على مدرسهم طراد ,, وفعلاً دقوا على جوال ,, لكن المؤسف في الموضوع أنه ما يرد ,, الصدز أنها قافلة معهم ومعهم حق ,, محجروين في هالشاليه وبس ,, لا طلعة ولا أكل زي الناس يجاب لهم ,, ما هنا ألا ان كان هم يجيبون بـ فلوسهم ,, وهالكلام المفروض أنه ما يصير بحكم أن تكاليف الرحلة كلها على المدرسة ( من إلى ) والمشكلة أن إدارة المدرسة معطية طراد الميزانية حقت الرحلة ,, وهو ساحب على طلابه ,, الزبدة ,, والله ويزعجون طراد بـ الإتصالات ,, كون أن نجر و كم واحد طالعين للخبر يتمشون ,, وبرضوه ,, طراد سااااااااااااااحب ,, راح أول يوم بخيره وشرّه ,, ونجر وأخوياه ما جو ألا من بكرة العصر ,, و يوم جو للشاليه ألا وهم فالينها ,, جايبين معهم خرابيط مالها اخر ,, ( حب و عصيرات ومن هالخرابيط ) ,, عاد ابن امه وابوه اللي يلمسها من الطلبة ,, و أي واحد يتكلم من الطلبة على الشلة الموقرة ,, يقوم نجر وربعه ويفرشونه فرش ,, يخلونه يعض التراب عض ,, و الشيء اللي يقهر أن نجر وشلته والله يا هم متحكمين في هالطلبة ,, حتى انهم محددين لهم منطقة صغيرة عند البحر ,, ما يطلعون منها ,, ويا ويل اللي يطلع منها ,, الصدز أن هالطلبة مساكين ,, توهم صغار وحبيبّين في نفس الوقت ,, وجاهم واحد أسمه ( نجر ) نذل وابن 66 كلب ,, من جلسوا الخميس كله على ( صامولي و جبن و مربى ) <-- مجاعة ,, من بكرة ,, كل الطلبة تحسفوا على هالرحلة ,, وصاروا يحترون متى تجي الساعة 4 عشان يمشون ويفتكون من هالغثى ,,
المغــادرة ,, والوصــول ,,!!
مر الوقت ,,, وجت الساعة 4 وجا الباص حقهم ,, لكن زي العادة ( طراد متأخر ) ولا جا ألا الساعة 4 ونص ,, و أول ما جا ,, علطول هالطلبة راحوا له وشكوا له الحال خلال الويك إند ,, وعلموه عن سوالف نجر شلته ,, وعلموه أن نجر يطلع من الشاليه ولا يرجع ألا متأخر ,, طراد هالبليد ,, ما هزه كلامهم وأكتفى بـ ( هو صدق هالكلام كله ,, ؟ طيّب أوريك يا نجر ) ,, وراح طراد لـ نجر وهاش عليه شوي عشان اللي صار ,, وطبعاً هواشه عشان يسكت هالطلبة ,, وهالطلبة استانسوا لإنهم حسوا أن نجر صار في موقف ضعف ,, وهو الصدز انه ما طق لهم خبر ,, الزبدة ,, ركبوا الباص ,, ورجعوا في الطريق ,, قرر ( يعقوب ) يسوي مسابقات ولا خاف من ( نجر ) لإن المدرس هاش عليه وسكتّه ,, وفعلاً سواها ,, و اللي صار ,, نفس اللي صاره له في الروحة ,, استلموه نجر و اخوياه ,, و هو طاح وجهه و جلس ,, استمروا في طريقهم ,, وصلوا للرياض ,, اتجهوا للمدرسة ,, ألا الطلبة كل واحد داقن على ابوه عشان يجي ياخذه ,, ما أخفيكم أنهم كل واحد منهم ناحفن 3 كيلو ,, بسبة هالمجاعة اللي صارت ,, كل الطلبة قرروا أنها ما يروحون مع أي رحلة في المستقبل ,, سلم طراد العهدة اللي معه للمدرسة ( لابتوب + طابعة + كشف أسماء الطلبة + فواتير ,,, إلخ ) و رجع لبيته ,,
# بالملقـــاط #
** ( طراد ) هالإنسان بليد بشكل ما يتصور ,, كل السنة ساحب على طلبته ,, وراح معهم للشرقية والمفترض أنه ينتبه لهم ,, على الأقل يوم أنه حط رقمه عندهم يرد موب يسحب عليهم ,, لكن الشكوى لله ,, الزبدة أن طراد ذا يذكرني بـ ( جمعية حماية المستهلك ) ,, هالجمعية كنها بيض الصعو نسمع بها ولا نشوفها ,, والتجار لاعبين في حسبتنا لعب وهم ما طقوا خبر لنا ,, الكثير منا عانى من مشكلة ( الغش التجاري ) وأنا واحد من هاللي عانوا من هالمشكلة ,, دقيت على رقم الجمعية الموحد ولا ردوا ,, وش سويت ,, مشيت ودربيت راسي مع العالم ,, مثل الطلبة الضعوف اللي جلسوا ذاك ( الويك إند ) مع نجر وربعه ,,
** ( نجر ) و ( فنجال ) و الشلّة الموقرة ,, هذولي ناس ما يخافون الله ,, أستغلوا ( بزوطة ) طراد وسحباته ,, وأجرموا في الطلبة الضعوف اللي مالهم ذنب ,, وصاروا يطلعون من الشاليه ويرحون ويجون ولا أحد يطق لهم خبر ,, هذلوي ما أخفيكم أنهم يذكروني بـ ( التجار ) اللي لاعبين على خلق الله ,, ويدلّسون بضاعاتهم ,, والمشكلة لو سألتهم وقلت لهم ليش تجيبون قطع ( تجارية ) وتبيعونها بـ ( أسعار نار ) ,, يقولون لك أن السبب هو ( المستهلك ) نفسه ,, هو اللي ما يبي الأصلي ,,
** الطلبة الضعوف ,, راحو للشرقية ,, يبون ينبسطون و توهقوا ,, زيهم زي أي ( مستهلك ) راح للمحل الفلاني يبي يشتري سلعة ,, ويتعرض للغش التجاري ,, والمشكلة أن فيه ناس ما تدري أنها أنغشت ,, وتروح ضحية للنصب و الإحتيال ,, لكن الكلام على الناس اللي تدري ومصحصحة وش تسوي ؟ الصدز أن ما فيه طريقة ( نظامية ) تقدر من خلالها تتعامل مع هالغشاشين ,,
** كلمة ( مستهلك ) ,, الصدز أن هالكلمة ما اخفيكم أني تحوم تسبدي إذا سمعتها ,, لإن إذا مسكنا لجنة ( حماية المستهلك ) وقلنا لهم ( وش سبب هالغش اللي نشوفه في الأسواق ؟ ) يقولون ان السبب هو ( المستهلك اللي يسكت عن هالغش ) ,, وإذا سألنا التجار عن سبب الغش التجاري ,, يقولون ان السبب هو المستهلك لإنه ( جاهل ) ولا يفرق بين الأصلي والتجاري ,, نعنبوا بليسكم تبونا ناخذ دورات عشان نفرق بين الأصلي والتجاري ,, حتى ( وزارة المياه ) ألحين ,, طبوا في بطن هـ المستهلك الضعيف ,, وكل ما طفت الموية وسألنهم قالوا السبب هو جهل المستهلك في إستخدام الماء ,, ونفس الكلام ينطبق على شركة الكهرب ,, إذا انقطع الكهرب ,, ( قبل سنوات ,, كانت تصريفتهم أن فيه كيابل يبون يزينونها ) وألحين كيابلهم خلصت ,, وصار السبب هو المستهلك ,, اللي ما يعرف يستخدم الكهرب ,, لا حول ولا قوة إلا بالله ,, بس ,,
# أسئــلة للمهـــاوش #
عزيزي العضو ,,
- هل تعرضت لـ مسألة الغش التجاري ,,؟
- ألا صح ,, هل تعرف جمعية بأسم جمعية حماية المستهلك ؟ <-- أدري أني احرجتكم بهالسؤال
- بعد تعرضك للغش التجاري , هل حاولت أن تبحث عن جمعية حماية المستهلك , ولماذا ,,؟
- ( أذا كانت إجابتك نعم في السؤال السابق ) هل وجدت تعاون من قبل جمعية ( حماية المستهلك ) ,, ؟
- في لقاء متلفز لـ سمو الأمير عبدالرحمن بن مساعد وكان يقول فيه ( أنا أطلع من النادي ,, والمحل اللي قدام النادي يبيع أطقم الهلال مزورة ,, قمة الإستفزاز ) ,, بعد سماع هذه الجملة ,, هل تعتقد أن الجمعية هذه تقوم بـ عملها كما يجب ؟
- بعدين يا مستهلك ياللي ما تفهم خل عنك الإسئلة ,, أكيد أنك ألحين وأنت تقرا هالموضوع مشغل لك ( لمبتين ) وشو له هالإسراف في الكهرب ,, شغل لمبة وحدة ,, والله معذورين شركة الكهرب يوم أنهم يطفون الكهرب عليكم ,, :d:
اللهم بلغنا شهر رمضان
واعنا على صيامه وقيامه
وكل رمضان وأنتم للرحمن أقرب
إنتهــى
إمضـــاء :
مُسْتَهلِك بن مُسْتَهلَك ,, حفظه الله ورعاه ::(