المساعد الشخصي الرقمي

مشاهدة النسخة كاملة : ليش اسمي ناشب بالمنتدى 24ساعه!!!

يوسف
15/10/2002, 09:33
هلا بالداجين والداجات:magkiss:
صبحكم بالخير<للي يقرون الصبح
مسيكم بالخير<للي يقرون المساء

عندي مشكله لها حول يومين مادري وش الحل معهاا وهي
اذا سويت تسجيل خروج من المنتديات مايبي يطلع ناشب بالمنتدى اربع وعشرين ساعه:rolleyes:
وش الحل مع اني رحت لتعديل الخيارات وسويت:
دخول سريع لدى حضورك إلى المنتديات ؟؟ ( بمساعدة الكوكيز )
غيرته وخليته لا :nrey:
تصفح بمساعدة الكوكيز ؟
وهذا نفس الشي حطيته لا :req:
بس وش الحل ياهل الكمبيوتر لانكم تخبرون اخوكم دااج بالكمبيوتر:zael:

بس لا يجي واحد ويقول لي هو طفش منك كل شوي مسوي تسجيل خروج وبعد كم دقيقه ترجع وتسوي تسجيل دخول يبي يرتاح ويبتل على طول يعني بينشب بالمنتدى اربع وعشرين ساعه بدل عشرين:kayf:

مبروك ابو حسين دااج الدجه نزل موضوع بمنتداك يبي يحركه شوي لان منتداك نيم:o ;)
:magkiss: باااااااي:yes:
السعلو
15/10/2002, 10:07
هلا بك اخوي داج ..

والله الصدق الله لا يلومه اسمك يوم ينشب في المنتدى .. لأنه ما تعود انك تطلع :p

يعني المفروض انك تراعي مشاعر الجهاز شوي .. :D

على العموم .. انت لازم تحذف ملفات الكوكيز اللي عندك في الجهاز .. يعني تروح لم جهاز الكمبيوتر

My Computer بعدين تدخل الهارد دسك سي C وبتلقى وسطه مجلد ..

الويندوز WINDOWS ادخله بتلقى وسطه مجلد اسمه كوكيز ******s حلو ..

ادخل وسط هالمجلد وسوى تحديد الكل (Select All) واحذف كل اللي وسطة .. بس

تراه بيبقى ملف واحد موب منحذف لأنه ملف تشغيل .. (تراي متوقع ان ويندوزك 98 او

ميلينيوم) .. بس لو صار الويندوز حقك اصدار جديد (2000 والا XP) .. فهذا طريقته غير ..

واتمنى يكون الشرح واضح .. ولا تزعل علي ترا الدعوى مزح ..

وتقبل تحياتي .. السعلو ..
منبع الثلج
15/10/2002, 11:31
مرحبتين :cool:


انا اعلمك وش السبب (himo)

بلاك يالحبيب معسكر بالمنتدى اربع وعشرين ساعة :yes:
ومن كثر م يطلع اسمك تحت صار خلاص شعار للهلال :D :D

يالله باااااي (himo)
POWER
15/10/2002, 13:10
هلا والله بالغااااالي داج :)

منور والله في المنتدى

انا أقول ليش منتدى الكمبيوتر اليوم منووور بدون ما يولع mksa اللمبات..أثرك موجود..

ليت دايم جهازك فيه مشاكل عشان تجي عندنا <<<< مابها كلام بس هو يستحي :D

عموما ..

شفت الخطوات الي انت حطيتها "لأ"

ارجع وحطها نعم..بعدين سو تنفيذ التعديلات ..ثمن سو طريقة السعلو..وبيضبط باذن الله :)

ولا عاد تقطعنا (himo) ...تحياتي ..:)
الروح
15/10/2002, 22:57
هلا داج :D

هههههههههههه حلوة ناشب ;)

والله بعذرة المنتدى تلخبط منك توك طالع الا شوي داخل الله يلوم اللي يلومه :p :p


من جد دجه اخيرا كتبت لبو حسييييييييين :D

وما اقول الا الله يعين جهازك والمنتدى منك :p

سلام ;)
يوسف
16/10/2002, 06:40
هلا بالداجين والداجات:magkiss:

مشكووووووور يالسعلو بس قبل اسوي اي شي من الي قلته ابي اسالك انت وابو حسين الي يجاوب اول وبعدين ارجع لردودكم كلمه كلمه:D

هالمشكله من الجهاز والا من اليوزر يعني اخوكم ماعنده سالفه بالكمبيوتر ابد:cry: لان يووم شفت رد الغالي السعلو قلت اجرب بيوزر ولد عمي واشوف هو يطلع والا لا دخلت به وسويت تسجيل خروج وانقلع ما نشب زي اسمي:req:
يعني خلاص اسوي الطريقه الي قالها السعلو ويتعدل الوضع والا حنا في كلام ثاني:confused:
ومشكوووورين يالغاليين والله يعطيكم العافيه ;)
:magkiss: بااااااي:yes:
السعلو
16/10/2002, 08:07
هلابك اخوي داج ..

انت الحين وش الويندوز حقك ؟؟ .. اذا كان 98 والا me .. سو الحركه اللي قلتلك .

وماعليك .. ازهلها .. وكان الويندوز اصدار جديد (2000 والا XP ) فهذا طريقته غير ..

المهم الشي هذا من الكمبيوتر موب من الموقع .. لأن الكمبيوتر يحفظ الكوكيز اللي بالجهاز ..

المهم اتمنى انك عرفت للطريقه .. وتقبل تحياتي .. السعلو ..
يوسف
17/10/2002, 00:30
هلا بالداجين والدااجات:magkiss:
الف مليووون شكر لك يالغالي السعلو ماقصرت يالمبدع:p وابشرك الوضع تمام:yes: والوندز 98
ونرجع لردودكم

* هلا السلعو
والله الصدق الله لا يلومه اسمك يوم ينشب في المنتدى .. لأنه ما تعود انك تطلع:p
هو صح ضعيف هالاسم مايصدق يطلع الا وهو دااخل هو وحشته تصدق عاااد يقول لي قبل امس انه عرف حول الفيين وخمسميه اسم من اسماء الاعضاء من كثر البربسه بالمنتدى:angel:
يعني المفروض انك تراعي مشاعر الجهاز شوي .. :D
لا بعد ابشرك الجهاز مهوب لي بس اشتكاء لراعيه يقول شلن عن هالنشبه ذا مايخليني ارتاح:cry:
واتمنى يكون الشرح واضح ..
ماشاء الله مايحتاج واضح بالحيييييل 1000000% :yes:
ولا تزعل علي ترا الدعوى مزح ..
ابد يالغالي خذ راحتك ;)
والف مليوووون شكر والله يعطيك الف عافيه على مساعدتي :)

* هلا منبع الدجه
بلاك يالحبيب معسكر بالمنتدى اربع وعشرين ساعة :yes:
بس تصدق عاااد المدرب للحين ماقتنع بمستواي<<وش يبي هالداااج بهالرد:req:
ومن كثر م يطلع اسمك تحت صار خلاص شعار للهلال :D :D
يالخبل هذا فخر لي يصير اسمي وشعاار الهلااال وشعاار شبكه الهلاااال اكثر اسماء بالمنتدى:p
شكر يالخبل على المعلومه :)

:magkiss: بااااااااااااي:yes:
يوسف
17/10/2002, 00:32
هلا بالداجين والداجات:magkiss:

* هلا ابو حسين
انا أقول ليش منتدى الكمبيوتر اليوم منووور بدون ما يولع mksa اللمبات..أثرك موجود..
الله ميير يسلمك ومنتدى الكمبيوتر منور باهله:love: بس قل لمكسا لا يناام وااجد خله يشغل اللمباات علشاان كذاا منتداكم دايما فاضي انت داااج بارض الله الواسعه ومكسا نيم:angel:
ليت دايم جهازك فيه مشاكل عشان تجي عندنا <<<< مابها كلام بس هو يستحي:D
مادري ابو حسين هذي دعوه للجهاز والا عليه:req:
شفت الخطوات الي انت حطيتها "لأ"

ارجع وحطها نعم..بعدين سو تنفيذ التعديلات ..ثمن سو طريقة السعلو..وبيضبط باذن الله:)
ابشرك حطيتها نعم وسويت طريقه السعلو الفتاكه وضبط الوضع الحمد لله:p
ولا عاد تقطعنا (himo)
لا ابشر كل اسبووووع موضوع جديد بمنتدااك:nrey:واذا قضن اسالتي ابفتح موضوع سواليف عامه زي حق الصيف بس هالمره انا الي ابنزله وبمنتدى الكمبيوتر لان مافي ابو قفل بمنتدى الكمبيوتر(rambo)
ومشكووووووووووور والله يعطيك العافيه يالغالي:)

* هلا سبورررت
والله بعذرة المنتدى تلخبط منك توك طالع الا شوي داخل الله يلوم اللي يلومه :p :p
ااامييين :)
من جد دجه اخيرا كتبت لبو حسييييييييين :D
ايه مايحتاج وبعدين تدرين كيف كاان شكل ابو حسييين يوم شف اسمي بمنتداه صار كذا شكله:eek: :angel:
وما اقول الا الله يعين جهازك والمنتدى منك :p
ااامسسسسسسن يارب العالميين ويعيينني على الفاتوره:cry:
ومشكووووره على الرد:)

:magkiss: بااااااااي:yes: