المساعد الشخصي الرقمي

مشاهدة النسخة كاملة : مجمــوعة بريدية بهذلتني بكثرة الرسائل !!! وش الحل

علي معتـوق العمـــري
6/10/2002, 04:12
بسم الله الرحمن الرحيم

تحياتي لأعضاء منتدى الكمبيوتر المميزين والفاهمين ...... طبعا تعرفون لازم اغثكم في الشهر مرة على الأقل بسؤال عن بريد ولا ماسنجر و 0000الخ

سؤالي لشهر اكتوبر هو

يجيني رسائل من مجموعة اسمها شموخ لاسجلت عندهم ولاهم يحزنون ...... كل دقيقتين رسالة منهم !!!

سويت اكثر من طريقة انا ومن يغثونهم بهذه الرسائل ومع ذلك مافادت !!!

تكفون شوفوا لي حل ولا واحد يشتري أيميلي بمافيه ويعطيني ايميله وازيده 3 ايميلات لي في مكتوب (himo)
بـحـر
6/10/2002, 06:24
:D

اهلين ابو معتوق (himo)

<<<-------------------------- مناوب الليلة :rolleyes:

فكرت عندك مشكلة كبيره .. قلت بس وصل راعي الحلول
اثاري الدعوه كلها شموخ .. بسيطه حبيبى
علم على كل رسايلهم وعلى الرسايل اللي ارسلتك انا
واضغط على Block فوق وانفك من الحراج اللي عندك :D
واذا مانفع الحل تقدر تستاجر بريدي الثاني bahr02@hotmail.com

ولك خالص تحياااتى

بااا (himo) اااى
POWER
6/10/2002, 23:16
هلا بالغالي أبا معتوق :D

منور يالغالي ..:)

بعد كلام الغالي بحر ...


ان كانك تعاني من هالقروب بالذات ...فتقدر تسجل خروج منه وتمنع ان الرسايل تجي منه...

وان كانك تبي تمنع الرسايل منه عن طريق الحظر Block

فعندما تجيك رسالة من هالقروب..اضغط بجنبها على المربع..يعني حط فيه علامة صح ..ثم ضغط بلوك Block
http://mr4ali.jeeran.com/alamri1.jpg

بعدين بتجيك رسالة تحذيريه ..من نفس موقع الهوت ميل..

وفيها خياران ..او دائرتان ..

الاولى هي منع اسم المرسل..يعني منع نفس المرسل الي قام بارسال الرسالة للقروب ..بحيث انك اذا حطيت الدائرة على الخيار الأول بتجيك رسايل من نفس القروب ..ولكن من العضو ال انت حظرته موب جايتك ولا رسالة ..

اما اذا حطيت الخيار الثاني..الي هي الدائرة الثانيه ..فماراح تجيك ولا رسالة من نفس القروب نهائيا ..

او انه مهب جايتك ولا رسالة من اي قروب غيره بعد !! :D

عموما انت حط الدائرة على الخيار الثاني..ثم اضغط موافق OK

ولكن انا افضل انك تسوي خروج من نفس القروب..وذلك بانك ترسل رسالة الى مدير القروب وتطلب منه بأنه يفصلك او يلغي اشتراكك ..ولكل قروب عنوانه الخاص في الانسحاب...

لك خالص تحياتي يالغالي ... :)
علي معتـوق العمـــري
6/10/2002, 23:21
مشكورين يا الربع :)

بحر هذا عليه شغلات الصراحة حلوة بس لايمكن اقتنع ولو بنسبة 1% انها من راسه :D

الخلاصة يا اباحسين بحر فادني وما عاد جاني رسائل من الظهر الى الان 4 العصر بتوقيت بقيق :)

فمشكور يا بحر على كل حال :cool: :cool:

وتحياتي لك يا السمي على تعاونك ........ ولي معكم عودة قريبة اكيد (himo)