ساعدوني يا شباب عندي مشكله في الكوكيز

[الرهـــيـــب]

ساعدوني يا شباب عندي مشكله في الكوكيز

انا افي واحد من الشباب جلس على جهازي والله يهديه حذف كل الكوكيز الي فيه وصرت لازم اكتب كل مرة الباسورد عشان ادخل للشبكة وش السواة؟


شلون ارجع الكوكيز؟بعدين المشكلة مو على اي اشتراك اقدر ادخل اول ادخل باي بطاقة الحين لازم اشتراك آرامكو ولا ما يسجل دخولي لشبكة؟

حتى لو رحت لمقهى انترنت ما يدخلني للشبكة او لأي منتدى انا مسجل فيه لازم من البيت وباشتراك آرامكو

ساعدوني تكفون :cry:

[M.Alkahtani]

الأخ العزيز الرهيب
عند تسجيل دخولك الى المنتدى أذهب الى التحكم أذهب الى تعديل الخيارات ثم عدل التالي:

دخول سريع لدى حضورك إلى المنتديات ؟؟ ( بمساعدة الكوكيز ): (نعم)
تصفح بمساعدة الكوكيز ؟ : (نعم)

وهذا هو رابط تعديل الخيارات
http://alhilalclub.com/vb/member.php?s=&action=editoptions

[الرهـــيـــب]

مازالت المشكلة مستمرة


وانا من الاول حاط نعم على الثنتين


اتمنى منك حل المشكلة لي :req:

[M.Alkahtani]

لا يكون عندك البرنامج اللي يشيل الكوكيز تلقائياً

[الرهـــيـــب]

ما عندي برنامج ولا شي بس واحد من الشباب الله يهديه مسح الكوكيز يقول انه يثقل على الجهاز ما نقول الا الله يشفيه وحسبي الله عليه وهقني مسوي في خبير هو ويا خشته.

والله شكل مشكلتي ما لها حل الا اني ارد من بيتي وباشتراك آرامكو فقط

اذا في احد عنده طريقة او حل يا ليت يقولي؟

[شقراوي]

ها بشر يالرهيب ضبطت المشكله انشاء الله ولا مازلت؟؟

[الرهـــيـــب]

مازالت من شهرين وانا على الحالة هذي و حتى لو رحت لمقهى انترنت ما يدخلني للشبكة او لأي منتدى انا مسجل فيه لازم من البيت وباشتراك آرامكو !!!!!؟؟؟؟؟؟!!!!!!

[شقراوي]

انا فهمت من كلامك انك ما تقدر تدخل الشبكه ككل من المقاهي..

اذا كان هذا قصدك فهي مشكلة الاتصال ...بعض الاتصالات ما تشبك مع بعض السرفرات في بعض الأوقات و أحيانا بالمره..

انا كانت تصير لي في بعض المكاتب:noo:

[الرهـــيـــب]

حتى لو استخدم اي بطاقة انترنت من البيت ما اقدر :cry:

[M.Alkahtani]

جرب هذه الطريقه إذا ما ظبت عطني المعلومات هذه و أنشاء الله تنحل مشكلتك .
ما هو نظام التشغيل عندك .
البرامج اللي عندك .

أفتح Internet Explorer (المتصفح) ... بعدين رح لقائمة Tools (أدوات) ... بعدين أخترInternet Options (خيارات أنترنت) ... من General (عام) فيه مربع حوار أسمه Temporary Internet Files (ملفات أنترنت مؤقوته) ... أضغط على Setting (ضبط) ... تجيك أربع خيارات
Every visit to the page (عن كل زياة لصفحة أنترنت)
Every time you start internet explorer (عند بد تشغيل المتصفح)
Automatically (تلقائي)
Never (أبداً)

أنت أختارAutomatically (تلقائي)
وعدل في الخيار اللي تحت الحجم الى 300 ميغا
ثم أضغط على (Ok) (موافق)


ننتقل الأن الى قائمة (Advanced) (متقدم)
فيه زر أسمه (Restore Defualts) (أعادة الإفتراضي) أضغط علية
ثم أضغط على زر (Apply) (تطبيق) ثم زر (Ok) (موافق)

إذا ما ضبط معاك عطني المعلومات و بأذن الله تلقى جواب

[الرهـــيـــب]

طبقت كل الي قلت لي عليه تماماً


لكن للأسف شبكت البطاقة وحاولت ارد عيك ما قدرت :cry:



ونظام التشغيل الي عندي وندوز ملينيوم


اما البرامج فهي برامج عادية مثل برامج تجي مع الجهاز :req:



واذا ضروروي اكتبها كلها لك قلي؟

[M.Alkahtani]

غريبه :( أسأل صديقك وش سوى بالضبط .
أتمنى أني أقدر أساعدك لكن مشكلتك غريبة أو أني ما فهمتها .

[POWER]

هلا بالرهيب ..

والله مشكلتك عويصه :( ..ومشكور اخوي محمد ما قصر والله..الله يعطيه ألف عافيه :)

بس ابحاول اتطرق للمشكله ونشوف وش فيها..

اول شي انت قلت..خويك مسح كل الكوكيز..طيب نو بروبلم..روح لنفس المتصفح حقك..اضغط أدوت Tools
خيارات انترنت Internet Options
الخصوصية Privacy
ثم اختر خيارات متقدمه Advanced
تتبع الخطوات كما في الصورة أدناه..
http://mr4ali.jeeran.com/privacy.jpg

ترى الشرح الي فوق للانترنت اكسبلورر 6..ان كان عندك الانترنت اكسبلورر 5 فالشرح يختلف شوي
في الانترنت اكسبلورر 5 افتحه ثم اختر أدوات Tools ثم خيارات انترنت Internet Options
اختر علامة التبويب الأمان Security
ثم مستوى التخصيص Costom Level
ضع الدائرة على قبول Disable في خانة ملفات الكوكيز او اسمها ملفات تعريف الارتباط..المهم ضع على قبول "الي هي الدائرة الأولى" ثم اختر موافق OK

الحين انتهينا من هالخطوه..لعل وعسى يضبط معك..:rolleyes:

لكن..انت تقول اذا رحت لمقهى ما يدخلك..اجل ارجع للخطوات الي قالها لك مكسا mksa الي هو من البانر الرئيسي للموقع اختر التحكم
ثم تعديل الخيارات..

فيه خانة ((دخول سريع لدى حضورك إلى المنتديات ؟؟ ( بمساعدة الكوكيز ))) ضع الخيار نعم

وفي خانة((تصفح بمساعدة الكوكيز ؟ )) ضع الخيار أيضا نعم

وفي النهايه انزل لآخر الصفحه واضغط تنفيذ التعديلات ..

.......

وان كان المشكله مع اشتراك ارامكو ..فسؤالي ..هل انت قد جربت وغيرت اشتراكك وحولت مثلا الى سعودي نت او أول نت وفشل معك في الاتصال بالانترنت ..لاحظ فشل في الاتصال وليس اتصل ولكن لا يفتح مواقع.؟؟

اذا فشل في الاتصال ..فهذا راجع لنفس خط الهاتف او المقسم..او انك ما حطيت رقم الاتصال Dail صحيح..

واذا دخل الانترنت ولكن لا يفتح المواقع..فهذي مشكلة البروكسي والمنفذ Proxy server & Port

هذا ما لدي انا شخصيا..لكن الي ابيه منك هو انك تجاوب على سؤالي..وتسأل خويك وش سوا بالضبط لا يصير حاس شي ثاني وهو مايدري بعد ..!!

مع خالص تحياتي يالغالي ...

[الرهـــيـــب]

هلا ابو حسين خويي حذف الكوكيز كله الا ملف واحد ما قدر يحذفه اوكي ما ادري ليش


وانا سويت الي قلت عليه كله بس انا عندي اكسبلورر 5


وفي تحت الكوكيز حقه اختيارين تحت كل خيار ثلاث دوائر

وهو يختلف تماماً عن الصورة الي انت حاطها


حطيت الاحتيار الاول الدائرة الاولى


والاختيار الثاني الدائرة الأولى


وصرت معد اقدر ارد على احد ابداً سواء باي بطاقة او بأي اشتراك


وقمت رحت للإختيار الثاني وحطيت عنده الدائرة الثانية ورجعت أقدر ارد بس بالطريقة القديمة الي باشتراك آرامكو فقط


ملاحظة: ورى يا بو حسين ما ارسل لك الباسورد حقتي وتحاول ترد باسمي من جهازك عشان تعرف المشكلة الي تواجهني؟

إذا كنت تبي الباورد ارسله لك على الخاص


وألف شكر لكم

[الرهـــيـــب]

هلا ابو حسين خويي حذف الكوكيز كله الا ملف واحد ما قدر يحذفه اوكي ما ادري ليش


وانا سويت الي قلت عليه كله بس انا عندي اكسبلورر 5


وفي تحت الكوكيز حقه اختيارين تحت كل خيار ثلاث دوائر

وهو يختلف تماماً عن الصورة الي انت حاطها


حطيت الاحتيار الاول الدائرة الاولى


والاختيار الثاني الدائرة الأولى


وصرت معد اقدر ارد على احد ابداً سواء باي بطاقة او بأي اشتراك


وقمت رحت للإختيار الثاني وحطيت عنده الدائرة الثانية ورجعت أقدر ارد بس بالطريقة القديمة الي باشتراك آرامكو فقط


ملاحظة: ورى يا بو حسين ما ارسل لك الباسورد حقتي وتحاول ترد باسمي من جهازك عشان تعرف المشكلة الي تواجهني؟

إذا كنت تبي الباسورد ارسله لك على الخاص


وألف شكر لكم