كلمات ومعاني شعبيه لاهل نجد وباقي الاعضاء يضعون بعض الكلمات ولاخرين يردوا بالمعنى [الأرشيف]

هلالي & أرسنالي

6/4/2009, 23:23

هدفها زيادة معلوماتنا حول كلمات أصبحت مُندثرة ..جال:جانب -إليكم هذا البيت ولعي يا سحابه بالسمـاء كـل جـال لخالد الفيصل
غناها محمد عبده
تكانه : وصف للرجل الثقة المتزن
بلشه: تقال في مواقف معينه--حوسه:الأشياء عندما تكون غير مرتبه
دشر: أصلها تركي وتقال للسافل من الناس داشر
ذب: رمى كما قال الشاعر يا علي صحت بالصوت الرفيع 0 يا مرة لا تذبين القناع
اطرم: شخص لايتكلم
انتم أيها الأعضاء ضعوا بعض الكلمات بدون معنى ليحلها غيركم حتى لاتندثر بعض هذه الكلمات الشعبيه ليتعلمها شبابنا ونبقي عليها

زيـزوم

7/4/2009, 00:35

جلغَمي = تسذوب :((

طارق عبد الله

7/4/2009, 00:53

هدفها زيادة معلوماتنا حول كلمات أصبحت مُندثرة ..
انتم أيها الأعضاء ضعوا بعض الكلمات بدون معنى ليحلها غيركم حتى لاتندثر بعض هذه الكلمات الشعبيه ليتعلمها شبابنا ونبقي عليها

بسبب هالسطرين إليك بعض هالكلمات:
الهرج(بالقصيمي)=
الساس=
قبعرت=

قلبها ازرق

7/4/2009, 01:04

ذب: رمى كما قال الشاعر يا علي صحت بالصوت الرفيع

وش دخل ام الشاعر برمى ؟:req: وآه ياعلي بس :kello: :angel:

اطرم: شخص لايتكلم
وبمعنى آخر توته:la:

انا لو اهرج منا لباتسر مااحد فاهم علي:((

بس اعرف دعوه :angel: ( ومصع) يعني مثل القطع مثل تقول سحبن علي:kello:<الشاعر:la: مير يمصعن :cry: يعني مصع يدي زي تسذا :req: < مااصلح ابد معلمه :jhgy:

طارق عبد الله

7/4/2009, 01:07

يالله شاطرة قلبها جابت وحدة باقي ثنتين وشكل قلبها بتجيبها لأني أحس إنها من القصيم

ريـان

7/4/2009, 01:12

قبعرت = أشتبت او ثارت

قبعرت السالفة

يعني كبرت ووو

طارق عبد الله

7/4/2009, 01:14

قبعرت = أشتبت او ثارت

قبعرت السالفة

يعني كبرت ووو

صح جبتوا الصعب وبقت السهلة(الساس)

Blue Eye

7/4/2009, 01:17

الساس = بجانب الطريق او الجدار

مثل ماقال الشاعر .. :angel: يابنت امشي جنب الساس.. امشي وماعليتس من الناس..

ريـان

7/4/2009, 01:17

الساس = الطريق المستقيم او حد الطريق
يعني بار الساس = امش على الطريق

او يقول " خلك عالساس المستقيم"

الملك الازرق

7/4/2009, 01:18

قبعرت :req:

والله كلمت صديقن لي من بريده ولا عرفها وقال شكلها دوبرت أو خربت أو حولهن

:: ::

طيب خوذو هذي :

جماهو :

لـِهـِس << بكسر اللام والهاء

واغربالي :

تسمأ :

الفيد :

طارق عبد الله

7/4/2009, 01:22

أتوقع الفيد:إنها زي حقي تقول فيدي
واغربالي: وا حسرتي
تسمأ: مثل
لهس:مرجوج

قلبها ازرق

7/4/2009, 01:23

التايب والله مادريت انك تبي معاني الكلمات انا قلت اهرج تسذا عفويه < تسمعين بها:la:
لو داريه حليتهم كلهم وصرت اشطر الشاطرات :yees:
الساس ماادري اسمع دعوه( الا يامقطوع الساس) :angel:<ماعندهم الا قو دعاوي

Blue Eye

7/4/2009, 01:24

واغربالي في لغة حايل مثل لما يقول الواحد بلغة قريش وامصيبتاه..:angel:

جماهو = اليس كذلك

الزعيـALZAEEMـم

7/4/2009, 01:27

وربي بالتلّيك ع وشّك بلاشي حركات النص كوم ..
اللي يترجم له تلّيك هدية

سآم9

7/4/2009, 01:29

وربي بالتلّيك ع وشّك بلاشي حركات النص كوم ..
اللي يترجم له تلّيك هدية

بالتلّيك ع وشّك بلاشي حركات النص كوم

بالتليك = يعني بعطيك او بضربك
ع وشك = على وجهك
بلاشي = بلا

الباقي واضح :((

قلبها ازرق

7/4/2009, 01:30

جماهو :

وش معناه يالملك والله اني حسيت الكلمه مهيب عربيه وانا انطقه:angel:

وردة الهلال

7/4/2009, 01:35

تسمأ :
مثل

الفيد : يعني متعلق .. يعني حق الشخص .. جدتي الله يغفر لها كانت تقول جيبي لي فيودي ما كنت اسمعها من اي احد غيرها :d:

الملك الازرق

7/4/2009, 01:36

أتوقع الفيد:إنها زي حقي تقول فيدي
واغربالي: وا حسرتي
تسمأ: مثل
لهس:مرجوج

تسمأ ولهس خطأ عليك :)

وبالنسبة للفيد هي بالضبط مثل معنى البتاع باللهجة المصرية

الملك الازرق

7/4/2009, 01:39

واغربالي في لغة حايل مثل لما يقول الواحد بلغة قريش وامصيبتاه..:angel:

جماهو = اليس كذلك

غربالي مشتقه من الغربال

مثل واقردي من القراده <<< ابوك يالشرح خخخخخ

وجماهو صحيح اليس كذلك وعند بعض المناطق " هماه "

الملك الازرق

7/4/2009, 01:40

وش معناه يالملك والله اني حسيت الكلمه مهيب عربيه وانا انطقه:angel:

جماهو = اليس كذلك وبروايه اخرى عند الغير " هماه " :nrey:

الزعيـALZAEEMـم

7/4/2009, 01:41

بالتلّيك ع وشّك بلاشي حركات النص كوم

بالتليك = يعني بعطيك او بضربك
ع وشك = على وجهك
بلاشي = بلا

الباقي واضح :((

التليك طال عمرك هو الصندل او بمعنى اخر الزنوبة .. او النعال .. او الشبشب .. او الشرقي :angel:

راااح عليك التليك ياسلطان :((

تذكار المحبة

7/4/2009, 01:42

بالتلّيك ع وشّك بلاشي حركات النص كوم

بالتليك = يعني بعطيك او بضربك
ع وشك = على وجهك
بلاشي = بلا

الباقي واضح :((

سلطان تسمع بالتليك شكلك :d:
التليك = نعال وانت بكرامه :fghty:

الملك الازرق

7/4/2009, 01:43

تسمأ :
مثل

الفيد : يعني متعلق .. يعني حق الشخص .. جدتي الله يغفر لها كانت تقول جيبي لي فيودي ما كنت اسمعها من اي احد غيرها :d:

عاد التسمأ توقعتكم تجيبونها بسرعه :cool:

والفيد تم شرحه

وردة عطينا من تراثك أحس عندك تجوري مليان قش :angel:

وردة الهلال

7/4/2009, 01:44

تسمأ ولهس خطأ عليك :)

وبالنسبة للفيد هي بالضبط مثل معنى البتاع باللهجة المصرية

يقول خالد الفيصل : و جوفن تسما الغار ضاوي .. :wello:

يعني الهمزة مقصودة .؟ > كيف الحال

يمكن فقع .. كمأ .. :req:

الملك الازرق

7/4/2009, 01:46

يقول خالد الفيصل : و جوفن تسما الغار ضاوي .. :wello:

يعني الهمزة مقصودة .؟ > كيف الحال

يمكن فقع .. كمأ .. :req:

إيه فقع ,,

يالله باقي لـِهـِس ؟؟؟؟؟

وردة الهلال

7/4/2009, 01:49

إيه فقع ,,

يالله باقي لـِهـِس ؟؟؟؟؟

قوية ما شاء الله علي > مناك

لهس يمكن من قولتنا ع الاتصالات تلهس .. يعني تاكل الاخضر و اليابس :req:

التجوري مفتاحه ضايع .. وقت آخر ان شاء الله :d:

سآم9

7/4/2009, 02:22

التليك طال عمرك هو الصندل او بمعنى اخر الزنوبة .. او النعال .. او الشبشب .. او الشرقي :angel:

راااح عليك التليك ياسلطان :((

اللي قلته يوصل لللمعنى الصحيح :(( , يعني بالتليك على وشك :d:
مب يعني ابغى اضربك بالجزمه " الله يكرمكم " :fghty:, ؟

سلطان تسمع بالتليك شكلك :d:

وانت الصادق ما عمري سمعت بها :angel:

عبـدوش

7/4/2009, 11:59

- جباسه

مثل : الهلالي ابو فراس جباسه كبيير :d:

قلبها ازرق

7/4/2009, 12:17

ابوفراس كل شي به تسبيير اللي يقول يدينه طواااال واللحين جباسه تسبيير:angel:صدز اللي قال تسنه باكستاني :angel:

جباسه معناه فضولي يحب يعرف كل اشي ينط به عرق اذا ماعرف :cool:

وش معنى (أيت) مثلا عمتي لما تجي تقول ايتي عندي :amle:

الجرّاح

7/4/2009, 13:09

اتحدى واحد في عمره سمعها

واجد من حميدة بنت ؟؟؟؟؟؟؟ عند استغراب فعل الشخص لشي لاول مره

TOTTI 10

7/4/2009, 13:18

وآه ياعلي بس :kello::d:

:d::kello:

وش معنى (أيت) مثلا عمتي لما تجي تقول ايتي عندي

هذي كلمة عمتي :angel::heart:

تقـول إيتوآ عندنـا اليوم , مبطينن عنكم :angel:

**

بـِ ســاقته

نوبه .. :angel:

سلّفـٌوا >> بشد اللام وضم الواووو

ملعقــة >> لا أحد يقول اللي نغرف به :angel: لا له معنى ثآني

طارق عبد الله

7/4/2009, 13:37

تسمأ ولهس خطأ عليك :)

وبالنسبة للفيد هي بالضبط مثل معنى البتاع باللهجة المصرية

إيه فقع ,,

يالله باقي لـِهـِس ؟؟؟؟؟

هو عندنا تسما يعني مثل
أنا لهس أتوقع إنها زي غبي أو خبل بهالحدود

هلالي & أرسنالي

7/4/2009, 15:19

خاشوقه :
خوصه:
يدرعم:
يسعسع:

طارق عبد الله

7/4/2009, 15:22

خاشوقه :
خوصه:
يدرعم:
يسعسع:

يدرعم:يمشي وهو ما يدري عن نفسه.
يسعسع:يدور بالشوارع مثل ما يقول لك:جالس يسعسع بالشارع

الزعيـALZAEEMـم

7/4/2009, 15:22

طيب وش معنى " سيب " .. احد يجي يقول الممر بين الصالة ومدري ويش ابفجر فيه :d:

اللي يجيب معناها له هدية :((

طارق عبد الله

7/4/2009, 15:23

يدج:
ربشه:
صمخ:
صبخة:

هلالي & أرسنالي

7/4/2009, 15:39

طيب وش معنى " سيب " .. احد يجي يقول الممر بين الصالة ومدري ويش ابفجر فيه :d:

اللي يجيب معناها له هدية :((

اللي نعرفه انه ممر صغير
لكن هناك بعض اللاعبين يقول سيب الكره كلمه بالمصريه يعني اترك
صح وللا لا

الزعيـALZAEEMـم

7/4/2009, 15:45

اللي نعرفه انه ممر صغير
لكن هناك بعض اللاعبين يقول سيب الكره كلمه بالمصريه يعني اترك
صح وللا لا

ايه :angel:
عاد اليوم واحد من العيال كنت ماسك يده .. قال يواااد سيييب .. قلت سيب ولا سطوح .. خخخخخخخخخخخخخخخخخخخخخ حقد :d:

صح عليك :angel:

وعلى طاري هالسالفة .. مره كنت اتهاوش مع واحد من رياض الخبرا بالجامعة :angel:
قال " ياوايل خلّك رَجـِل " قلت له رجل ولا راس .. عاد حقد وصبخني بالقلم وانفجر علي :angel:

هلالي & أرسنالي

7/4/2009, 16:00

يدج:
ربشه:
صمخ:
صبخة:

ربشه: يعني اختلط الحابل بالنابل صبخه: موواد علاجيه تخلك بالماء وتوضع على راس المريض
صمخ يعني صقه

Blue Eye

7/4/2009, 16:29

خاشوقه : معناها ملعقة او مغرفة

خوصه: عسف نخله

صمخ: اخبط او اضرب

يدج: يصير داشر

ربشه: انحرج او توّهق

TOTTI 10

7/4/2009, 16:31

خاشوقه :
خوصه:
يدرعم:
يسعسع:

الخآشوقة هي الملعقة ..

والخـوصة .. عسيب النخلة .. وفي روآية البدو يسمون السكين خــوصه :angel:

الزعيـALZAEEMـم
ترآهـم يقولون نبي كلام أهـل نجد , :fghty:
حيآك الله ولا عمرك تنكت على العالم :angel::magkiss:

طارق عبد الله

7/4/2009, 16:43

ربشه وصمخ جابها هلالي & أرسنالي
يدج جابها Blue Darkness
لكن صبخة لم يأتي بها أحد

هلالي & أرسنالي

7/4/2009, 18:02

[مسفهل: سنع : داهية .طرطنقي.شرواك .شمحوط..الغثيث.طرش نشوف حلكم
هذه بعض الامثال الشعبيه
إذا صار خصمك القاضي من تقاضي........الهلال والرئاسه
إنطر يا حمار لما يجيك الربيع...........نادي الفقر وبطولاته
قال من أمـرك ؟ قال إلا من نهاك......نادي الفقر وتجميع بطولاته الوهميه
>وين شاهدك يا بو الحصـين؟ قال: إذنـبـي...ابو بلوتوث وكعيلان
يـبي الإماره حتى لو على حماره........نادي الفقر يبي اي بطوله لو بطولةبلوت
من شق ستر الناس شقوستاره ومن ضحك بالثرمان يضحك بلا سن للذين ارادوا الاسائه لياسر
بيض الصعو , يطرا ولا يشاف.............بطولاتهم الوهميه
قال انفخ ياشريم قال ماش برطم.......نادي الفقر ولاعبيه

aljanral

7/4/2009, 19:11

ياحلو الموضوع:angel:

خوصه :

غميضه :
انكس :

(himo)

هلالي & أرسنالي

7/4/2009, 19:57

ياحلو الموضوع:angel:

خوصه : سكين

غميضه : لعبه
انكس : ارجع

(himo)

بس ماحليت اللي قبلها

زيـزوم

7/4/2009, 21:30

الملك .. لهالدرجة لهجتنا غامضة :mfhi:

طارق عبد الله

7/4/2009, 23:29

طارق عبد الله

7/4/2009, 23:31

صبخة:
يدربي:
وراه:<<<لا أحد يقو لي يعني خلفه فيه معنى غيره

الملك الازرق

7/4/2009, 23:39

الملك .. لهالدرجة لهجتنا غامضة :mfhi:

بس والله ياملحه :)

Blue Eye

7/4/2009, 23:43

صبخة: منطقه فيها ملح جبلي..

يدربي: يدحرج ..

وراه: لماذا..

طارق عبد الله

7/4/2009, 23:51

صبخة: منطقه فيها ملح جبلي..

يدربي: يدحرج ..

وراه: لماذا..
يدربي ووراه صح أما صبخة تقريباً صح أما معناها الحقيقي الأرض الصماء اللي ما تنبت

طارق عبد الله

7/4/2009, 23:54

كلّاك بتشديد اللام:
الربّدي بتشديد الباء وكسرها:
نشمي:
فتيت:

وردة الهلال

8/4/2009, 00:27

نقطة نظام ..

كل واحد يجاوب اللي قبله على كلماته

الحين محنا عارفين اللي انحلت من غيرها :wello:

التايب .. اتوقع فيه خطأ في التحريك :d:
النطق ما جا معي حتى لو كان من لهجة ثانية النطق المفروض يجي
نشمي : ممتاز و كويس
فتّيت : اذا كانت بالشدة كعناها محترف يعني ما في منه في هالشغلة
و اذا كانت بدون فهو الحاجة اللي يسمونها الخكاريا قرص عمر هههه توكل مع الشاهي

طارق عبد الله

8/4/2009, 01:28

السـ القاتل ـهم

8/4/2009, 02:10

السـ القاتل ـهم

8/4/2009, 02:12

ياحلو الموضوع:angel:

خوصه :

غميضه :
انكس :

(himo)

خوصة > خوص النخل

غميضة > غميضتوه يعني حسافته :)

انكس > ارجع لالعن جدفك (himo):d:

مشكور

وردة الهلال

8/4/2009, 02:17

الكلمات مضبوطة ميه بالمية،نشمي صح أما فتيت بدون التشديد خطأ لأن فيه فرق بينه وبين قرص عمر

اكلة شعبية على شكل اقراص .. صح .؟ :yees:

وردة الهلال

8/4/2009, 02:20

وش معنى > تسفتسير < :d:

وش معنى > يقوطر < :d:

وش معنى > يتدودل < :d:

وش معنى > حوًٌَُل < بتشديد الواو

وش معنى > اذانواي < :d:

وش معنى > انطن < :d:

وسوف نرجع بالجزء الثاني (himo)

علماً بأن الكلمات من اللغة الحايلية الفصحى :wello::d:

تحجير صح ؟ (rambo)

برايفت لأهل حايل > لحد يجاوب منكم :amle::d:

الاولى غير واضحة ..
يقوطر .. ينقط
يتدودل .. ( شايفنا هنود ما نعرفه حتى الجداوي ما يخطيها هههه ) معناها يتدلى
حوّل .. نزل
... ابصرش :Bad:
انطن .. عطني

:kany:

السـ القاتل ـهم

8/4/2009, 02:38

الاولى غير واضحة ..
يقوطر .. ينقط
يتدودل .. ( شايفنا هنود ما نعرفه حتى الجداوي ما يخطيها هههه ) معناها يتدلى
حوّل .. نزل
... ابصرش :Bad:
انطن .. عطني

:kany:[/center]
ثلاث صح
ينقط > خطأ !

يقوطر مهو يقطر
باقي 3

تسفتسير .. الـ( تس ) نطقها في نجد معروف .! مثل كلمة وشلونتس وهكذا

قلبها ازرق

8/4/2009, 02:39

هذي كلمة عمتي :angel::heart:

تقـول إيتوآ عندنـا اليوم , مبطينن عنكم :angel:

تحسه تقول صامويل ايتو عندنا للي مايفهم للكلمه :la:

بـِ ســاقته

زي اللي يسولف ويقول رحت مع ساقته يعني مع طريقه او اثره :angel:

نوبه
يعني مره.. اخر نوبه.. اخر مره .. مهيب نوبه قلبيه <يقلبون الهرج :la:

صح والا؟
_____

وردة :الا الفتيٌت اكله انا ماكلته من شهرين تسذا:kello:

زين وردة مالقيتي المفتاح تعطينا من تراثتس :angel:

وردة الهلال

8/4/2009, 02:55

ثلاث صح

ينقط > خطأ !

يقوطر مهو يقطر
باقي 3

تسفتسير .. الـ( تس ) نطقها في نجد معروف .! مثل كلمة وشلونتس وهكذا

انا دارية انها ضمن عائلة التساء ..
بس انت انطقها كفكير .؟
تفكير .؟
تسفكير .؟ > التاء و السين اصليات

كلمة اذا نواي احسها اجنبية نو واي او شي من كذا > مناك

يقوطر .. ؟؟ تراني اقصد يقوطر يعني يقطّر .. احس هذا معناها الطبيعي الا كان فيه معنى خفي على وزن لاعب خفي > مناك قلنا

و بصراحة قوقل مو معترف بالمعنى الثاني نهائي ههههههههههههه

وردة :الا الفتيٌت اكله انا ماكلته من شهرين تسذا:kello:

زين وردة مالقيتي المفتاح تعطينا من تراثتس

ياختي ما تدرين يمكن هو يقصد به شي مختلف .. اصبري و انا اختتس لين يجي و يقول صح :wello::d:

بيجي يوم تقولين ليتني ما قلت لها اذكري كلمات .. صبرتس المزاج بس مو رايق مرة لجلب كلمات :angel:

السـ القاتل ـهم

8/4/2009, 03:15

انطقيها بالـ( تس ) مهو ( ك )

اذانواي > كلمة متكاملة مهي متقطعة
ننتظر الاجابات ..

لو تجيبين شركة مايكروسوفت بكبرها ما جابته مهو عاد قوقل (rambo):d:

طارق عبد الله

8/4/2009, 06:15

انا دارية انها ضمن عائلة التساء ..
بس انت انطقها كفكير .؟
تفكير .؟
تسفكير .؟ > التاء و السين اصليات

كلمة اذا نواي احسها اجنبية نو واي او شي من كذا > مناك

يقوطر .. ؟؟ تراني اقصد يقوطر يعني يقطّر .. احس هذا معناها الطبيعي الا كان فيه معنى خفي على وزن لاعب خفي > مناك قلنا

و بصراحة قوقل مو معترف بالمعنى الثاني نهائي ههههههههههههه

ياختي ما تدرين يمكن هو يقصد به شي مختلف .. اصبري و انا اختتس لين يجي و يقول صح :wello::d:

بيجي يوم تقولين ليتني ما قلت لها اذكري كلمات .. صبرتس المزاج بس مو رايق مرة لجلب كلمات :angel:
لا ما عليتس صح

طارق عبد الله

8/4/2009, 06:22

طبعاً كلاّك معناه نصاب
الربّدي معناه كذاب
وهذه الكلمات الجديدة
ثُمّن:
هُمّين:
تنبلي:

طارق عبد الله

8/4/2009, 06:24

انطقيها بالـ( تس ) مهو ( ك )

اذانواي > كلمة متكاملة مهي متقطعة
ننتظر الاجابات ..

لو تجيبين شركة مايكروسوفت بكبرها ما جابته مهو عاد قوقل (rambo):d:

أتوقع معناها أذاني

هلالي & أرسنالي

8/4/2009, 15:16

سنع:يسوي اللي تبغاه.
مسفهل:ما يشغل مخه.
داهية:عبقري.
شرواك:مثل صفاتك.
الغثيث:اللي يسوي أشياء ما لها داعي.
طرش:اللي ما يسمع يقول المثل: مثل الأطرش بالزفة،وفي رواية ثانية استقاء أو زوغ وأنتم بكرامة

طرش.....مجموعة ابل

طارق عبد الله

8/4/2009, 16:05

طبعاً كلاّك معناه نصاب
الربّدي معناه كذاب
وهذه الكلمات الجديدة
ثُمّن:
هُمّين:
تنبلي:

بالإضافة إلى:
يملمص:
يقحن:
يدبغ:
مِرْبْع:
مع الأخذ بعين الاعتبار الحركات

أنا 9 أحبك

9/4/2009, 02:47

انفهق وأتشطّر / يعني أبعد

كما قال أحمد الناصر ( أقدم رجلي وافهقها )..!!

اظهر / يعني اطلع..

اقلمه / يعني ماصورة أو عمود إنارة..

القوع / هو الحوش في البيوت القديمة..

التب / السطل..

الموقد / المطبخ..

البرحه / الأرض الفاضية التي لم تعمر..

مرسن / السلسلة..

منجف / يعني وسخ مثل ( هذا ثوبُ منجف )..!!

طمل / أيضاً وسخ..!!

شديهه / يعني شينه..!!

كلفس / يعني شين..!!

بردقان / برتقال..!!

السويق / يعني السد بين البيوت..!!

تسليب / بئرٌ..!!

والقائمة تطول ولي عودة بإذن الله..!!

طارق عبد الله

9/4/2009, 20:54

طبعاً كلاّك معناه نصاب
الربّدي معناه كذاب
وهذه الكلمات الجديدة
ثُمّن:
هُمّين:
تنبلي:

ثُمّن:بعد كذا
هُمّين:بعد كذا وتفرق عن الكلمة السابقة بفارق الوقت الفاصل.
تنبلي:عجاز أو كسول

طارق عبد الله

9/4/2009, 21:05

بالإضافة إلى:
يملمص:
يقحن:
يدبغ:
مِرْبْع:
مع الأخذ بعين الاعتبار الحركات

يملمص:يأكل بشراهة
يقحن:يشرب بشراهة
يدبغ:يضرب
مِرْبْع:متين

هلالي & أرسنالي

9/4/2009, 22:52

حياله: الحنشل: الصميل: الخلوج : الهجاد:

كاميها : قازي:

طارق عبد الله

10/4/2009, 01:06

حياله: الحنشل: الصميل: الخلوج : الهجاد:

كاميها : قازي:

حياله:فيه لها معنى بتشديد الياء وهو الحرامي أو النصاب،وبدون التشديد السوق.
الحنشل:الثعبان.

طارق عبد الله

10/4/2009, 01:10

إلا:<<<لها معنى ثاني غير أداة استثناء
حجره:
بربرة:

نايف السبيعي

10/4/2009, 03:51

بربرة : كثرة الكلام .
حجرة : غرفه
ألا: نعم

...

طيب .

السيح :
الكرنوفه:
العسو :

:angel: اذا به سبعان او عتبان بيحلونها .. غيرهم بيحفر .

وشكرا :) ,,

وردة الهلال

10/4/2009, 04:58

العسو / مخمة كنس الرمل
كرنوفة / خيشة ههههه
السيح / عين عذبة > ارنب نط . من راسي خخخخ

Golden Pen

10/4/2009, 16:48

قحشه

واطيطاة

يعفت

وش مجهشك

مالك عرة

تشطر

هلبه

يالله ورونا شطارتكم يا أهل الزلفي:heart:

قلبها ازرق

10/4/2009, 17:14

88
استلم ياولد زلفونيا :fghty:

قحشه:: مجموعه

واطيطاة :والكوبه < اول مره اسمع به :d:

يعفت :req:

وش مجهشك : وش مصحيك ..

مالك عرة : مالك طله ماشفناك من مده

تشطر: تنحى جانبا عاد احنا نقول شطري منا.. بس قبل كنا نقوله موب اللحين :d:

هلبه: قليلا <صراحه احسه مهيب راكبه :jhgy:

ع العموم انا بعضه عرفته من تفكير مخي :angel: والثاني الله يسلم لي قوقل :fghty:

نكست (himo) < حست انه قويه :angel:

Golden Pen

10/4/2009, 18:14

^

اهليين قلبها ازرق

يعفت :يدق بالأكل :d:

الباقي جبتيه صح

سهـ20م

10/4/2009, 18:22

8888888888888
لاتحشين بالزلفاوي هع

طيب
توطوط

هلالي & أرسنالي

10/4/2009, 18:59

حياله:فيه لها معنى بتشديد الياء وهو الحرامي أو النصاب،وبدون التشديد السوق.
الحنشل:الثعبان.

حياله...............مزرعه
الحنشل..........عصابه يقومون بسرقة الناس

قلبها ازرق

10/4/2009, 19:00

^

اهليين قلبها ازرق

يعفت :يدق بالأكل :d:

الباقي جبتيه صح

عاد دامي جبته صح ليت الشبكه تزود نجماتي :angel:

زين نبي من اهل المقمعه ..وشقراء خاصه انت دريتا :d: ياليت ينورونا <استلمت الموضوع:angel:

Golden Pen

10/4/2009, 19:51

طيب أهل اشيقر ينفعون :rolleyes:

خوالي:heart:

عندي مفردات عجيبة :angel:

قلبها ازرق

10/4/2009, 21:14

88

قولدن خذ رحتك قول ..اصلن الموضوع مافتح الا عشان الكلمات العجيبه مهوب اقتصار على اهل نجد:angel:< بجد استلمت الموضوع

بس اشيقر وين هي به:req:

طارق عبد الله

10/4/2009, 21:23

88

قولدن خذ رحتك قول ..اصلن الموضوع مافتح الا عشان الكلمات العجيبه مهوب اقتصار على اهل نجد:angel:< بجد استلمت الموضوع

بس اشيقر وين هي به:req:

تبعد عن شقراء بمسافة بعيدة مرة تقدر بـ 10 كلم أو أقل

زيـزوم

10/4/2009, 22:44

طييييييب >> فكوك ؟ :rolleyes:

هلالي & أرسنالي

10/4/2009, 23:02

كلمات قديمه لاهل الحجاز بعد استعراضكم للكلمات النجديه والبدويه يالله سيدي مين يحلها:
1-أستكري تكسي-----2-يبكشوا-----3-السنطران-------4-صُكّر
5-استيته----6-كُرته----7-منضره--------8-سيدى----9-قر
10-كدش---11-الديقيسي------12-هوري

تذكار المحبة

10/4/2009, 23:13

كلمات قديمه لاهل الحجاز بعد استعراضكم للكلمات النجديه والبدويه يالله سيدي مين يحلها:
1-أستكري تكسي = أستأجر تاكسي ( ليموزين )
2-يبكشوا= يكذبوا
3-السنطران = أتوقع السنترال
4-صُكّر = لو حسب ماقريتها معناتها قفل
5-استيته= اكبر وحده في الاخوات واحيانا تطلق على الجده
-كُرته= نوع من انواع الملابس ( قميص او فستان )
-منضره= مرايه
-سيدى = في حال كانت الف مقصوره معناتها قدام او كانت ياء معناتها الجد
9-قر = يقال لشخص الكثير الحركه يعني اهجد
10-كدش = الشعر الكثيف المتشابك ( بلكن ماني متاكد )
-الديقيسي= الغرفة اللي تكون في السطوح وفي بعضهم يقولوا لها الريم
هوري = مركب يستخدم لدخول البحر

طارق عبد الله

11/4/2009, 00:17

يوه:
يدردب:

إحسآس سآمي

11/4/2009, 01:17

طييييييب >> فكوك ؟ :rolleyes:

بثر ^;^

إحسآس سآمي

11/4/2009, 01:19

يوه:
يدردب:

يقحن عفواً قصدي يشرب يعني هههههههههههههههه

ريـان

11/4/2009, 01:33

يوه:
يدردب:

يوه = ينادون الأم مثل يمه " الأم "

يدردب = يحذف واظنها مأخذونه من الأنقلش :angel: دروب
وفي رواية "بترولية " يدردب السمستر مثل حالتي
مهوب بسيطين القصمان كل مصطلحاتهم بهن شطحة "إنجليزية "

هلالي & أرسنالي

11/4/2009, 02:25

زيـزوم

11/4/2009, 03:14

بثر ^;^

:angel: + :yes:

زيـزوم

11/4/2009, 03:15

يتكرفت : ؟

وردة الهلال

11/4/2009, 03:29

يتكرفت : ؟

يقع .. يسقط ..

التايب لو تنتظر لين تنحل كل كلماتك و لو تحط الكلمات بدون نقطتي االقول .. صرت احس بقروشة ماني عارفة وش اللي انحل و اللي ما انحل :(

طارق عبد الله

11/4/2009, 13:45

يوه = ينادون الأم مثل يمه " الأم "

يدردب = يحذف واظنها مأخذونه من الأنقلش :angel: دروب
وفي رواية "بترولية " يدردب السمستر مثل حالتي
مهوب بسيطين القصمان كل مصطلحاتهم بهن شطحة "إنجليزية "

يوه صح لكن يدردب مثل ما قال ph.d
يقع .. يسقط ..

التايب لو تنتظر لين تنحل كل كلماتك و لو تحط الكلمات بدون نقطتي االقول .. صرت احس بقروشة ماني عارفة وش اللي انحل و اللي ما انحل :(

ابشري وما تحملي هم

نايف السبيعي

13/4/2009, 22:34

طيب ..

هكتي :
جرف :
حجره :
مهربد :
يبلص :
يحوفت :
الرضم :
القاع :
جال :
صخله :

بعض الكلامات انا اعرف معناها ولكن ما اعرف كيف اكتبه عشان تفهمونه ..

بالنسبه لكلماتي السابقه ..

كرنوفه : يعني الأجذاع الي بوسط النخله ..
السيح : يعني الحزم او الاراضي الترابيه
العسو : هذا الجريد حق النخله ..

بصراحه صعبه اشرحها لكم ..

طارق عبد الله

14/4/2009, 23:43

طيب ..

هكتي :
جرف :حفرة
حجره :غرفة
مهربد :
يبلص :يلمع
يحوفت :
الرضم :
القاع :أسفل الشيء
جال :اللي يلبسونه الحريم للصلاة
صخله :نوع من الحيوانات بس ناسي وشو بالضبط

Golden Pen

15/4/2009, 23:09

فيدتكم : - . . . .

طارق عبد الله

16/4/2009, 18:48

فيدتكم : - . . . .
مكررة ومعناها حقكم أو لكم

طارق عبد الله

16/4/2009, 18:49

انثبر
برتكانة

ذيب أبانمي

16/4/2009, 23:12

بردقانة او برتقالة ,,

بزيناه ,,

طارق عبد الله

18/4/2009, 23:50

انثبر
برتكانة

انثبر=اجلس بمكانك دون أي تحرك
برتكانة=برتقالة
كلمات جديدة:
دَنّق
طنبس

إحسآس سآمي

19/4/2009, 01:57

بزيناه = تحملناه

دنق = اهزع أو نزل راسك

طيب وش معنى (مصفّر) ؟؟

Hilalista

19/4/2009, 23:47

حلت : رمى

يحلت : يرمي

<< جلست اعصر مخي ساعه لين طلعت معي

اذكر واحد من الشباب من اهل حايل كان يقولها

طارق عبد الله

20/4/2009, 13:17

زلط
طنبس

Hilalista

21/4/2009, 16:04

طيب وش معنى (مصفّر) ؟؟

نائم بعمق ..

إحسآس سآمي

21/4/2009, 16:43

^
^^
^^^

كبير :magkiss:

أبانمي

22/4/2009, 06:34

خذو هذي بعض مصطلحات الحساوية هههههههههههههههه يا لبى قلوبهم

هتيت ---- يعني سيء

مذوٌي ---- يعني هزيل

اتشرغد ---- اتمغط و اخذ قيلوله

منيلي ---- من وين لي ؟

أها عاد ----- يعني و الله او في روايات ثانية يعني يالله مشينا

الناس مول ----- يعني صيفنا

زتت ---- بسرعه

يالغبر ---- الشخص السيء

طارق عبد الله

23/4/2009, 21:10

زلط
طنبس
زلط:لها معنيين إحداها حصى أو بلك والثانية الفلوس
طنبس:تحمل نفس معنى دنّق ومعناها نزل راسك

وردة الهلال

23/4/2009, 22:13

الموضوع نايم بقووة

بس بذكر حتسياتي تسان فيه احد يعرفها :d:

بوبز .. دندز .. وش حيثتس .. قرما ..

طارق عبد الله

23/4/2009, 23:16

بوبز:نوع من أنواع الجلوس والذي يجمع بين الجلوس والوقوف(يكون وضع الرجلين وضع الوقوف وباقي الجسم في وضع الجلوس وتكون المؤخرة مرتفعة قليلاً عن الأرض)>>>اتمنى إنكم فهمتم.
دندز:شرحت سابقاً بدَنّق

هلالي & أرسنالي

24/4/2009, 21:57

الموضوع نايم بقووة

بس بذكر حتسياتي تسان فيه احد يعرفها :d:

بوبز .. دندز .. وش حيثتس .. قرما ..

بوبز ودنز تم اجابتها
وش حيثك او وش حيثتس........وش انتي او وش انت
قرم رجل شجاع...................................قرما ؟؟؟؟؟؟؟؟؟؟؟؟؟؟ظ

طارق عبد الله

24/4/2009, 22:07

بوبز ودنز تم اجابتها
وش حيثك او وش حيثتس........وش انتي او وش انت
قرم رجل شجاع...................................قرما ؟؟؟؟؟؟؟؟؟؟؟؟؟؟ظ
اختلف معك في قرم ومعناها رجل نشيط

وردة الهلال

24/4/2009, 22:15

بوبز و دندز صح ..
وش حيثتس .. يعني وش معنى انتِ
قرما .. يعني نشيطة ما تصبر بالمعنى الحرفي : حَرْكَة

زعيم الشياطين

27/4/2009, 00:07

التايب 14 :yes:

ماشاء الله قاموس

أبـو حـمـيـد

23/6/2009, 01:31

تجربة

هلالي & أرسنالي

30/6/2009, 22:02

اريد المعاني للكلمات مع العلم اوضحت

كديش........وللتوضيح يشبه بعض لاعبي الفقر
كمخه...سبهه........يشبه رئيسهم
الزحزيح ......بعكس الاول ينطبق على شبيه الريح
ونتمنى ان يكون محتسي للسنه القادمه

البطل نواف11

23/7/2009, 10:17

سؤال لاهل سدير وماجاورها :d:

وش معنى قرناس ؟

وش معنى مرقبي ؟

البطل نواف11

23/7/2009, 13:03

افاااااااااااااا يالربع مافي احد يعرف قرناس ؟ ومرقب ؟

زيـزوم

23/7/2009, 17:05

يعود زيزوم من جديد هو وحتسيوه اللي ماينفهم :kany:

غَوِيط = ؟
ضَالِّة = ؟

بالمناسبة .. ( بستفيح ) ماله معنى جبته من راسي :angel:

الـقـيـصـر الـبـافـاري

23/7/2009, 18:34

^
لا يالهيس ، :fi:

غويط يعني عميق ، :nrey:

وش معنى :

ثَـرِّم ؟ < فعل أمر ترا

وردة الهلال

23/7/2009, 18:49

^

افرم > افرم الثوم اللحم ... الخ :yeees:

الـقـيـصـر الـبـافـاري

23/7/2009, 19:13

^
غلط ، http://saud.up.googlepages.com/26.gif

وردة الهلال

23/7/2009, 19:33

^

اضربه على خده ليصبح اثرماً ..

الـقـيـصـر الـبـافـاري

23/7/2009, 19:37

:amle:

السـ القاتل ـهم

23/7/2009, 19:38

يُـجَـلـْغِـفْ - يخثردز :d:

وردة الهلال

23/7/2009, 19:47

:amle:

و ربّ النعمة لقيتها بالمحيط ( على ما اظن ) كذا http://www.alhilalclub.com/vb/images/icons/icon10.gif

الـقـيـصـر الـبـافـاري

24/7/2009, 08:32

^
الزبدة غلط ، :((

D!MoOo

24/7/2009, 16:04

البافاري..,

يحرك ..؟؟

السهم القاتل ..,

يخثردز= يبربر على غير سنع .؟؟

الـقـيـصـر الـبـافـاري

25/7/2009, 10:49

^
:hgfd:

السـ القاتل ـهم

25/7/2009, 11:00

يخثردز= يبربر على غير سنع .؟؟

صح :yes: ,

باقي الاولى ..

D!MoOo

29/7/2009, 06:32

صح :yes: ,

باقي الاولى ..

:yaaaa:

الاولى ماعرفتها بس يمكن اذا سمعتها لأن عندي القراءه حوادث :la:

القيصر..

ممكن توضح والا تقول المعنى :angel:

:jhgy:

:nooo: // :fightt:<~~ هالمليحين من شوي راده مو موجودين توهم طلعوا الحين :mfhi2:

زيـزوم

29/7/2009, 16:16

ياربي وش الكلمة اللي طرت على بالي وانا أتغدى اليوم ؟
أعوذ بالله من الشيطان الرجيم ، نسيته والله .

إيه إيه بس :
طُعمة : ؟

بس عاد مستخدمة حيل عندنا ، ماادري عن المدن الأخرى الشقيقة ، والثانية نسيته والله .

وردة الهلال

29/7/2009, 17:04

القيصر .. طيب معناها حفّر ..؟؟ > حفّر يعني حلّم او شي زي كذا

يُـجَـلـْغِـفْ

يحك .. :coool:

طُعمة : ؟

الاكل اللي يتهادونه الجيران بيناتهم ..
يعني عندنا عزيمة او طبخنا شي نعطي الجيران طعمة من هاللي حنا مسوين :hasi:

الــهــاوي

29/7/2009, 17:08

يلاغيه

وردة الهلال

29/7/2009, 17:12

يلاغيه

يعني يلغاه يهاوشه .. http://www.alhilalclub.com/vb/images/icons/icon10.gif

او يمكن يرادده الصوت او يمكن كل واحد يلغى الثاني يعني يهاوشه .. :((

الــهــاوي

29/7/2009, 17:15

يعني يلغاه يهاوشه .. http://www.alhilalclub.com/vb/images/icons/icon10.gif

او يمكن يرادده الصوت او يمكن كل واحد يلغى الثاني يعني يهاوشه .. :((

ههههههه

شكلس تلاغين واجد :d:

الــهــاوي

29/7/2009, 17:16

قوم وجدي

وردة الهلال

29/7/2009, 17:31

قوم وجدي

يعني خكري ...

> ما استعنت بصديق ابد :((

اخخخس اجل من زمان اللي اسمه وجدي قمة الخكرنة عندهم :d:

الــهــاوي

29/7/2009, 17:38

عُومه

D!MoOo

29/7/2009, 18:11

عُومه

مدري شلون بشرحها بس يعني عومه :la:
ذا الشخص عومه ماينتفاهم :coool:

:((

الــهــاوي

29/7/2009, 18:26

مدري شلون بشرحها بس يعني عومه :la:
ذا الشخص عومه ماينتفاهم :coool:

:(([/CENTER]

افهمها وهي طايره

عومه يعني انسان عنيد ماينتفاها ماله الا رايه

وش رايك فيني وانا فاهمها وهي طايره

:yes:

D!MoOo

29/7/2009, 19:11

افهمها وهي طايره

عومه يعني انسان عنيد ماينتفاها ماله الا رايه

وش رايك فيني وانا فاهمها وهي طايره

:yes:

:yaaaa:

قوم وجدي :jhgy: اول مره اسمعها حتى بالنطق ماعرفت شلون تنقال :((

الـقـيـصـر الـبـافـاري

29/7/2009, 19:35

القيصر .. طيب معناها حفّر ..؟؟ > حفّر يعني حلّم او شي زي كذا

:nooo:
أقرّب لكم ،
هي لها دخل بأحد الفاكهة اللي من داخل أحمر و من برّا أخضر ، :niaaa:

D!MoOo

29/7/2009, 19:39

أقرّب لكم ،

هي لها دخل بأحد الفاكهة اللي من داخل أحمر و من برّا أخضر ، :niaaa:

جح- بطيخ :confused:
طيب وش نوع العلاقه :jhgy:
طب نقول
قطّع او اشلخ :coool:

الـقـيـصـر الـبـافـاري

29/7/2009, 19:42

^

صح صح ، :wr1:
ثرَّمت الجحّة إذا قطّعتها إربا < :yaaaa:

Golden Pen

29/7/2009, 19:44

هذي كلمة شعبية :amle:

D!MoOo

29/7/2009, 19:45

^

صح صح ، :wr1:

ثرَّمت الجحّة إذا قطّعتها إربا < :yaaaa:

:yaaaa:

طيب وش معنى قلت الجح كل شي يتقطع :yuupy:<< الفهاوه كلها متجمعه فيني ..

:wr2:

D!MoOo

29/7/2009, 19:46

هذي كلمة شعبية :amle:

بالعكس حلوو كذا :angel:
<<كان نفسي بموضوع لكلمات اللغه العربية عشان اثري قامووسي :coool:

الـقـيـصـر الـبـافـاري

29/7/2009, 19:47

علي إيه كلمة شعبية بس الشرح بالفصحى ، :yaaaa:

ديمو ،
وش درّاني أظن يستخدمونه مع الليمون بس أكثر شيء أسمعه مع الجح ، :wr1:

Golden Pen

29/7/2009, 19:52

^

إييه دفرة (rambo)

الــهــاوي

29/7/2009, 21:00

:yaaaa:

قوم وجدي :jhgy: اول مره اسمعها حتى بالنطق ماعرفت شلون تنقال :((

( قوم وجدي )

وهي كلمة تم استبدالها بكلمة ( خكري) أو خكاريه

وكانوا يركبون مازدا سبور خضراء أو حمراء

نايف السبيعي

31/7/2009, 11:48

يعود زيزوم من جديد هو وحتسيوه اللي ماينفهم :kany:

غَوِيط = ؟
ضَالِّة = ؟

بالمناسبة .. ( بستفيح ) ماله معنى جبته من راسي :angel:

هلا بالحائلي :heart: ..

غويط يعني عميق .. الخزان غويط لاتتسبح فيه !
ضاله .. سعد ضل عند عمانه مارجع بيته . يعني بقى .

:d:

زيـزوم

31/7/2009, 13:51

هلا بالحائلي :heart: ..

غويط يعني عميق .. الخزان غويط لاتتسبح فيه !
ضاله .. سعد ضل عند عمانه مارجع بيته . يعني بقى .

:d:

هولآ بك أكثر :love:
غويط صحيحة :yes:
ضَالِّة :hgfd:

على طاري " بستفيح " وش معنى : بختليف = ؟ :la: + :((

D!MoOo

31/7/2009, 20:22

ضاله ..:req:

يعني هالشي ضالتي :angel:

شي ابحث عنه ولقيته يكون ضالتي .. مثال : ضالة زيزوم الوظيفه:((

,’

بختليف :la: ماصدقت نعتق من بستفيح :((

يمكن أختلف معك
او بختفي
او شوي وراجع لكم

:coool:

زيـزوم

31/7/2009, 21:53

D!MoOo

31/7/2009, 23:37

^

على الريحة :d:
" بستفيح " و " بختليف " كلمات ماله معنى ، أجيبه من راسي :d:

ضالة ؟ يعني .. يمكن تجي :amle:
معناه المعروف عندنا ( الشيئ الضائع ) ، يعني يجي واحد يقول : " من اللي له ضالة " أو " من اللي ضايع له ضالة " ؟

:d::d::d:

نفس المعنى اللي ببالي :yaaaa:

بستفيح اذكر قلت معناها قبل لاتهنق الشبكه بس نسيت :req:

بختليف << مابعد وصلت لمستواها :((

بس مشكله اذا من رااسك :d:

:wr0:

مـفـعـال

1/8/2009, 04:35

طيب :
مهتجي = ؟
حوي = ؟
القصرا = ؟
السؤال ما معاني هذه الكلمات ، ولأي الديار النجدية تنتمي ؟ :coool:

زيـزوم

1/8/2009, 04:40

طيب :
مهتجي = ؟
حوي = ؟
القصرا = ؟
السؤال ما معاني هذه الكلمات ، ولأي الديار النجدية تنتمي ؟ :coool:

" حوي " سمعته هآك السنية من الوالد ، حتى أذكر كان يقلد لهجة مُعينة وكان يقول " ذا حوينا " ، أظن معناه حير أو فلاحة أو حوطة ، واللهجة سديراوية والله أعلم .
الباقي ماأعرفه

مـفـعـال

1/8/2009, 04:44

^
الجواب غير صحيح بشقيه ، وإن كان المعنى ( شاطف ) شوي ،
حاول مرة أخرى :wello:

زيـزوم

1/8/2009, 04:48

بعآد ! :((

D!MoOo

1/8/2009, 05:11

الحووي..

اذا قالوا بطن الحوي ..

حويناا

اتوقع المكان اللي تتجمع فيه العائله تقريبا الصاله ..

مـفـعـال

1/8/2009, 05:13

^

شطفة أقرب :d:

طيب إذا كان بطن الحوي هو الصالة ، وشهو الحوي ؟؟!

D!MoOo

1/8/2009, 05:19

^
الجدار :d:<< دلاخه

الممر او السيب

مـفـعـال

1/8/2009, 05:33

^
لا الله يرحم والديس :((

الحوي هو البيت (himo)

D!MoOo

1/8/2009, 05:38

:la:

بصرااحه انا اسمعها بس ناسيه معناها :((

وردة الهلال

4/8/2009, 02:20

ديمو :d:

الحوي هو السيب ؟ :d:

انا كنت اقول الصالة اللي سقفها مكشوف .. يعني صالة الاولين :d:

اتوقع هالكلمة كويتية او بحرينية و لا كان عرفناها انا و ديمو اخخخخخخخ :((

السـامـر

4/8/2009, 02:37

الحوي هو حوش البيت <-- حسب ثقافتي ايطاليه:angel:

D!MoOo

4/8/2009, 03:42

^
يعني السيب :d: << مصرة :la:

لا جد فهد الحوي الحوش اللي يلعبون فيه البزران<== سمعت هالمعلومه :((

ورده //
خخخخخخخخخ

ومن بعد ماقلبتها برااسي ..
اجاباتنا كلها صح ..
لأن الحوي من الاحتوااء واي مكان يحوي اوادم والا اي شي هو حوي سواء صاله حوش سيب << مصرة ع السيب:d: ..

هاه كيف استنتاجي (himo)

بيالة شاهي

5/8/2009, 09:55

الحوي لاهو السيب ولاهو الحوش ..

الحوي حوييش :d:
يعني حوش صغير

زيـزوم

9/8/2009, 10:36

زيـزوم يعود من جديد ، هو وحتسيه الذي مايندرى شلون هو قايل :kany:

طرْحِية = ؟
بَحِّر = ؟ << بدوية شوي .
يتمطْعَز = ؟
ينْذَخ = ؟
تبَلًج = ؟
يخَضْرُه = ؟
رشا = ؟
أتَنَزه = ؟ :((

مـفـعـال

9/8/2009, 10:52

^
أكيد لها معاني ولا .. :((

زيـزوم

9/8/2009, 10:56

أكيد (himo)

الهلاليه وبس

9/8/2009, 11:06

يتمطْعَز = بالعاميه يتطنز:d: بالعربي يستهزي :mad0:
ينْذَخ= يضيع الفوس على الفاضي :mfhi2:
صح علي :kany:؟؟

زيـزوم

9/8/2009, 11:10

يتمطْعَز = بالعاميه يتطنز:d: بالعربي يستهزي :mad0:
ينْذَخ= يضيع الفوس على الفاضي :mfhi2:
صح علي :kany:؟؟

يتمطْعَز .. صحيح ، معناها يستهزيء أو يسخر .
ينْذَخ .. خطأ ، لكن ماهي بعيدة

والباقيات ؟

الهلاليه وبس

9/8/2009, 11:35

يتمطْعَز .. صحيح ، معناها يستهزيء أو يسخر .

ينْذَخ .. خطأ ، لكن ماهي بعيدة

والباقيات ؟

ماهي بعيده :mfhi:
تبَلًج= وشلون أقول معناها يعني على سبيل المثال أقول تبلجت الشمس يعني طلعت وأشرقت :mfhi:
والباقيات مابعد تعرفنا والله :angel:

زيـزوم

9/8/2009, 11:40

ماهي بعيده :mfhi:
تبَلًج= وشلون أقول معناها يعني على سبيل المثال أقول تبلجت الشمس يعني طلعت وأشرقت :mfhi:
والباقيات مابعد تعرفنا والله :angel:

إيه ماهي بعيدة ، الخربطة بالفلوس مظهر من مظاهر النذخ :rolleyes:
هـه جاوبنا عنتس .

الإجابة الجديدة خطأ بعد :angel:

الهلاليه وبس

9/8/2009, 11:53

^^^
وأنت جيد تفشلني بس :((

نايف السبيعي

9/8/2009, 15:28

طيب معنى :

البلاد .
الجاده .
مراغه .

مـفـعـال

9/8/2009, 20:45

^
البلاد ، الديرة أو القرية
الجاده ، الدرب ،
مراغه يمكن انها من الاقتتال أ, المطاق

[[ SaMi ]]

11/8/2009, 06:39

قبل فتره كان عرس اخوي و خوالي جايين من القصيم
عاد كان فيه لاب توب و اثنين بزارين يتهاوشون عليه عاد قال الاول للثاني : انا حميتوه قبلك :d::d:
يعني حجزته قبلك

هلالي منذ الأزل

11/8/2009, 15:18

];4549733'][color=navyحميتوه
[/color]

الله الكلمة ذي الظاهر يستخمونها من أيام الجاهلية، ذكرتني بحمى ضرية وحمى كليب :angel: ... والله لهجاتنا فيها تاريخ موب سهل لكن المشكلة بدت تندثر.

هلالي منذ الأزل

11/8/2009, 15:19

اللي أعرفه إن اسمه بطن الحوي، موب الحوي حاف؟

زيـزوم

20/8/2009, 20:01

بَنَاي = ؟
:happy:

هلالي منذ الأزل

20/8/2009, 22:03

بَنَاي = ؟
:happy:

يعني بنات بلهجة شمر وأهل حايل.

زيـزوم

21/8/2009, 03:37

يعني بنات بلهجة شمر وأهل حايل.

صح ياولد أمريكيا :angel:

اغراب

21/8/2009, 04:40

زيزوم وش نحوك تطري البني منت مضبوط

براق

21/8/2009, 04:44

لزا

زيـزوم

21/8/2009, 04:50

زيزوم وش نحوك تطري البني منت مضبوط

وش نحوي !
نوحي يامنصور .. شنوحي :power:
عمري ربع قرن ياابو عناز ، هل حان الوقت للإرتباط أم أنهُ وش معجلن ؟! :amle:
العرس يبي لُه قروش ، وأنا مييييح :((

هلالي منذ الأزل

21/8/2009, 10:33

قمين (وتنطق دْزمين)
؟

Blue Eye

21/8/2009, 10:43

طيب عندي كلمة اتحداكم فيها.. "داوندوني" :d:

هلالي منذ الأزل

21/8/2009, 10:49

بَحِّر = ؟ << بدوية شوي .
:(([/COLOR][/SIZE][/FONT][/CENTER]

سامعها ذي من قبل بس نسيت معناها. هل معناها مشابه لـ(تمقّل) :angel:؟

هلاليه بيراويه

21/8/2009, 11:25

احم ..
^^
ما عرفت ولا كلمه فووق .. وبحط لكم كلماتي ..
هي كلمات نجديه وبالاخص بيراويه ..:heart:

كابون :
في الشاعوف :
دوك :
الخد : ترا بوب اللي في الوجه

وبس ..

ثــامـر

21/8/2009, 16:03

^
الحين منهم البيراوية ؟؟

دوك=خذ

الباقي ماعرف

في كلمة للحين ماحد جاوب عليها وصراحة مادري وش اصلها :((

تكثرب

هلاليـــه11

21/8/2009, 16:21

فيه كلمات ما كنت اعرف معانيهن الا من فتره ..

هذا واحد منهن

نـــاه محمد اللي ما دزلبه الفايح :smart:

طلعوها وان ما قدرتوا علمتكم وش معناه

ثــامـر

21/8/2009, 16:33

^
الحين اي كلمة تبيننا نجيب معناه :((

ناه = هذا هو واحيانا تقال ناه اياو :d: اذا كنت مانتب مسمي الشي الي تقصده

هلاليـــه11

21/8/2009, 16:42

^

كله على بعضه وش تطلع؟

هلاليه بيراويه

21/8/2009, 17:22

امممم ..

البيراويه نسبه لقريه البير من قرى المحمل << بتبتل .. هع

والمعنى صح ..

يالله جيبوا معاني الكلمات الباقيه ..

زيـزوم

21/8/2009, 18:50

سامعها ذي من قبل بس نسيت معناها. هل معناها مشابه لـ(تمقّل) :angel:؟

بالضبط ، وأصله فصيح .. جاءت من التَبَحَر في الشيئ ، أي التركيز والتدقيق والتأمل فيه والتمقل بعد :angel:

شـ الهلالي ـعول

21/8/2009, 20:13

رهجه وش معانها :p

زعيم نصف الارض

22/8/2009, 01:43

امممم ..

البيراويه نسبه لقريه البير من قرى المحمل << بتبتل .. هع

توني راجع منها :d: ..

كابون : سبة بس مدري وشلون اسفرها بس العادة كابون العشر :angel:..

في الشاعوف : العاصوف وهو الهواء اللي يدور في البر ويشيل معه تراب..

دوك : خذ

زيـزوم

22/8/2009, 01:47

عرس الجن = ؟
بُحلْت = ؟
يتَغَرْبَش :la: = ؟
متَحِيزم = ؟

هلالي منذ الأزل

22/8/2009, 05:31

عرس الجن = ؟
بُحلْت = ؟
يتَغَرْبَش :la: = ؟
متَحِيزم = ؟

بحلت يعني أسقط في يدي ... ويقال أيضاً فلان بحلٍ به، أي لا يدري وش يسوي فيه ولا وشلون يصرّفه.

الباقي مدري وش معناته.

محد يعرف وش معنى (قمين) اللي تنطق (دْزمين)؟

الهلاليه وبس

22/8/2009, 05:36

عرس الجن = ؟

بُحلْت = ؟
يتَغَرْبَش :la: = ؟
متَحِيزم = ؟

اغراب

22/8/2009, 05:45

يتَغَرْبَش :la: = اي يطمر وينقز
متَحِيزم = يعني شاد حيله او متخصر بالشي او يعني زيزوم متحيزم بالثائر يعني معتمد عليه مدري شلون اشرحها لك انت وخشتك

الهلاليه وبس

22/8/2009, 06:15

هههههههههههههههههههههههههههههه
كنت متحمسه بالرد وحاسه أني ماعندي ماعند جدتي :sui:
المهم كنت أبقول معنى متحيزم يعني متحمس ومتشجع
بس رد اغراب يعني صح على اغراب وصح علي
ولا خطأعلينا كلنا :angel:

زيـزوم

22/8/2009, 22:05

منصور إنت وش تبي من حياتي ؟ :power:
يااخوي خلنا نعجزهم شوي ، والا ترى أبفتح الأرشيف وأسير على جدتي اليوم وبالتالي أخليكم تفحطون هنا :coool:

اغراب

23/8/2009, 04:20

خلاص سلطان قررت اعتزلك بس وش رايك تدزلي ايميل جدتك بالخاص وتسانها ماتستعمله دزلي ايميلك <<= هاليومين فاضي يدور السوالف

علشان مايعتبرون الموضوع شتشته وش معنا قرطوع

زيـزوم

23/8/2009, 04:25

قرطوع والله هاللي طايح بين أربع أسود :q:
لايفوتك على قناة ناشيونال غرافيك أبو ظبي

بروجكتر

24/8/2009, 04:46

قرطوع = مقرود اعتقد ..

مـفـعـال

25/8/2009, 17:17

التغداة ، والتعشاة ؟؟

:angel:

زيـزوم

22/10/2009, 13:09

بالخير :wr1:

وش معنى " سقها " أو " تعرف تسوق " ؟
دائماً أقرأها بالشبكة ومستحي أسأل عاد هالحين جزمت ، وفيه كلمة ثانية بس نسيته متى ماتذكرته رجعت لكم .

[[ SaMi ]]

22/10/2009, 13:23

^

تعرف تسوق .. معناها انت بزر :(( .. لان البزر هو اللي دايم يكون توّه ما تعلم السواقه
يعني زي ( ما عندك مدرسه بكره ؟ )
سقها ما اعرف معناها الحرفي .. بس انها تفيد الـ ( لا يكثر ) :((

زيـزوم

22/10/2009, 13:26

هههههههههههههههههههههههههههههههههههههههه
هههههههههههههههههههههههههههههههههههههههه
هههههههههههههههههههههههههههههههههههههههه

والله بالي راح بعيييييييييييد :la:

أنا مااعرف أسوق :rolleyes:

طارق عبد الله

23/10/2009, 16:27

التغداة ، والتعشاة ؟؟

:angel:

التغداة إذا كان عليك حق ويصير غداء
والتعشاة نفس الشيء بس إذا كان عشاء

^^^^
طبعاً توقع وما أدري تصيب ولا تخيب

мŕ.мάήşόùя

23/10/2009, 20:00

بالخير :wr1:

وش معنى " سقها " أو " تعرف تسوق " ؟
دائماً أقرأها بالشبكة ومستحي أسأل عاد هالحين جزمت ، وفيه كلمة ثانية بس نسيته متى ماتذكرته رجعت لكم .

طـٌول الله عمرك

أتوقع إن معناها يختلف من منطقة لـ أخرى

اللي أعرفه إنها مثل ماقالك سامي

أذكر فيه حجازي قالها لنا لكن معناها ( (rambo) ) > :d:

Golden Pen

23/10/2009, 21:43

ههههههههههههههههههههه سلطان :inlove:

سقها = ظف وجهك :la: أو توكّل :d: وبالحجازي أتوصّى :sui:

زيـزوم

23/10/2009, 23:56

سقها إنت :lkj:
ياريال مدريد :((

نَبِيْتَه = ؟

زيـزوم

23/10/2009, 23:58

طـٌول الله عمرك

أتوقع إن معناها يختلف من منطقة لـ أخرى

اللي أعرفه إنها مثل ماقالك سامي

أذكر فيه حجازي قالها لنا لكن معناها ( (rambo) ) > :d:[/CENTER]

هذا اللي توقعته ، يعني توقعت معناه مثل مانقول عندنا : " إمش أوريك القطار اللي مغرز بالنفود (rambo) " .

الـفـتـى الـذهـبـي

24/10/2009, 13:07

هذا اللي توقعته ، يعني توقعت معناه مثل مانقول عندنا : " إمش أوريك القطار اللي مغرز بالنفود (rambo) " .

:la:

KhâlééD

24/10/2009, 14:45

اول مره ادخل الموضوع لكن ما يمنع نتبادل الثقافات :((
:

من غادي ؟

التلعة ؟

الرجبة ؟

:sui:

نيفيزالزعيم

24/10/2009, 16:41

وربي بالتلّيك ع وشّك بلاشي حركات النص كوم ..
اللي يترجم له تلّيك هدية

قلبها ازرق

25/10/2009, 00:02

^
هههههههههههههههههههه هاذي كلمات المرحوم ويلو الظاهر لي معناها جزمه < تراجع الدروس:la:

من غادي ؟من ضايع ..صح

мŕ.мάήşόùя

25/10/2009, 00:10

هذا اللي توقعته ، يعني توقعت معناه مثل مانقول عندنا : " إمش أوريك القطار اللي مغرز بالنفود (rambo) " .

وشلون قطار بـ نفود ؟

مافهمت > :smart:

هلاليـــه11

25/10/2009, 00:15

^

يصرّف ولا؟

زيـزوم

25/10/2009, 00:22

وشلون قطار بـ نفود ؟

مافهمت > :smart: [/CENTER]

ماهو لازم تعرف شلون :power:
المهم إذا قال لك واحد هالسالفة لاتروح معه :d:
وسامحوني يامشرفين لأني تماديت ولامست الخطوط الحمراء :((

زيـزوم

25/10/2009, 00:23

يَرْفِش = ؟

يقال : " سلطان يرفش " :((

мŕ.мάήşόùя

25/10/2009, 00:25

^

يصرّف ولا؟

ومن يقولــه ؟ :wello:

ماهو لازم تعرف شلون :power:

المهم إذا قال لك واحد هالسالفة لاتروح معه :d:
وسامحوني يامشرفين لأني تماديت ولامست الخطوط الحمراء :((

أفــا ياسلطان ماتبينا نساعد الناس ؟ :(

мŕ.мάήşόùя

25/10/2009, 00:26

يَرْفِش = ؟

يقال : " سلطان يرفش " :((

طيب وضـٌح زيادة

يرقص مثلاً

زيـزوم

25/10/2009, 00:39

هي تقريباً حركة بالجسم ، لكن مش يرقص (himo)

هلاليـــه11

25/10/2009, 00:54

يرفس :((

زيـزوم

25/10/2009, 01:15

لا (himo)

مـفـعـال

26/10/2009, 02:08

التغداة إذا كان عليك حق ويصير غداء
والتعشاة نفس الشيء بس إذا كان عشاء

^^^^
طبعاً توقع وما أدري تصيب ولا تخيب

غير صحيح الله يبارك فيك ،

التغداة = الوجبة التي تقدم للخراف عند طلوع الشمس
التعشاة = ذات الوجبة لكن عند غروب الشمس

لحد يتحمس واجد مرة ثانية :d:

بن تويم الهاجري

26/10/2009, 03:03

اول مره اسمع يرفش !!

طيب معناها يرفض ؟

زيـزوم

26/10/2009, 03:06

اول مره اسمع يرفش !!

طيب معناها يرفض ؟

لا ، الغريب إني توقعت إنكم تعرفونه بسرعة .

بن تويم الهاجري

26/10/2009, 03:12

خلاص سلطان قررت اعتزلك بس وش رايك تدزلي ايميل جدتك بالخاص وتسانها ماتستعمله دزلي ايميلك <<= هاليومين فاضي يدور السوالف

علشان مايعتبرون الموضوع شتشته وش معنا قرطوع

يشرب + رشـفه

بن تويم الهاجري

26/10/2009, 03:15

لا ، الغريب إني توقعت إنكم تعرفونه بسرعة .

طيب هالكلمه لأي منطقه ؟

شمال ؟

زيـزوم

26/10/2009, 03:22

طيب هالكلمه لأي منطقه ؟

شمال ؟

لهجتي ( حايلية ) (himo)
إذا فيه مناطق أخرى مااعلم عنها .

بن تويم الهاجري

26/10/2009, 03:32

والنعم :)

بس أنا ما أعرف ولا كلمه من لهجات الشمال

زيـزوم

26/10/2009, 13:32

والنعم :)

بس أنا ما أعرف ولا كلمه من لهجات الشمال

ماعليك زود ..
وليه ماتعرف ولا كلمة من لهجات الشمال ؟ :lkj:
هاه ؟ :fi:
عاد إي بالله هاللهجة صايرتن لهجة سكان الحدود الإيطالية السويسرية :angel:

يرفش = يقوم من مكانه بسرعة :)

هلاليـــه11

26/10/2009, 14:55

^

طيب وش تصريفاتها

يعني يقوم ( قام = يقوم = قياما )

يفرش ايش؟؟

! S A U D !

26/10/2009, 15:27

نبي نطل عليكم بلهجتنآ ، لهجة سدير :inlove:

نآه = ...
شيعوف = ...
طآيف = ...

:coool:

زيـزوم

26/10/2009, 16:46

^

طيب وش تصريفاتها

يعني يقوم ( قام = يقوم = قياما )

يفرش ايش؟؟

الماضي : رفَش .
المضارع : يَرْفِش .
الأمر : إرفِش . ( قم بسرعة ) :lkj:
الجمع : رفشَّوْا .

هلاليـــه11

26/10/2009, 18:07

معليش بس احس اللهجه الحايليه غريبه

ما اعرف منها الا كَم وهَم (وشلونكَم / معهَم) وبس :kello:

نبي نطل عليكم بلهجتنآ ، لهجة سدير

نآه = ...
شيعوف = ...
طآيف = ...

ناه: يمكن انظر اليه او انها اداة اشاره :d:

شيعوف : مدري

طايف: يمكن فايت او رايح أو متأخر :((

هلاليـــه11

26/10/2009, 18:36

فيه شي يتكرر عند القصمان كثير اللي هي كلمه (بوه)

يقولونها بكلمات كثيره مثال:

وشوبه / وينهوبه / مادريتوبوه / رحتوبه ... القائمه تطول :)

يمكن انها تتجزأ الكمله بس بالنطق ينطقونها مره وحده جميع

Life is

26/10/2009, 18:40

الأمر : إرفِش . ( قم بسرعة ) :lkj:

رووعه :yes:

بن تويم الهاجري

27/10/2009, 08:24

ماعليك زود ..
وليه ماتعرف ولا كلمة من لهجات الشمال ؟ :lkj:
هاه ؟ :fi:
عاد إي بالله هاللهجة صايرتن لهجة سكان الحدود الإيطالية السويسرية :angel:

يرفش = يقوم من مكانه بسرعة :)

يمكن عشان ماعندي اخويا من أهل الشمال

و لا قد أختلطت في أحد من الشمال

و إذا كنت أنت شمري تراك أبن عمي :kany:

اجل يرفش يقوم من مكانه بسرعه :req:

والله معلومه جديده :yes:

بن تويم الهاجري

27/10/2009, 08:30

نبي نطل عليكم بلهجتنآ ، لهجة سدير :inlove:

نآه = ...
شيعوف = ...
طآيف = ...

:coool:

حيا الله سعود وينك مختفي مالك حس بالشبكة

أجل سديراوي يا سعود :heart:

والله ونعم بأهل سدير :yes:

ناه = ناظر انظر شف

شيعوف < اول مره اسمع بها !!

طايف = تعدى ؟

بن تويم الهاجري

27/10/2009, 08:32