المساعد الشخصي الرقمي

مشاهدة النسخة كاملة : مؤامرة تحكيمية لإسقاط روما هذا الموسم ...!!

ســ9ــامــ9ــي
23/9/2002, 07:58
بصراحة لا تعليق أكثر من العنوان ...!!

تحكيم أكثر من سيء يقود مودينا المغمور لهزيمة روما ...!!

شاهدوا ماذا حدث لتوتي ...!!!

وماذا حدث لكافو وباتيستوتا ...!!

مباراة أشبه بالمصارعه مع حكم غبي يصر على إنهاء روما وإخراج لاعبيه من جو المباراة نهائياً ...!!

يبدو أن هذا الموسم سيكون موسم التحكيم لتحطيم روما للأسف ...!!

لكن بإذن الله سيكون الدوري لنجوم روما بالقوة ...

ولكم تحياتي ...

أخوكم / سفر المرزوقي .
Alex_10
23/9/2002, 08:04
بالفعل الحكم اخطأ لكن اخطاؤه لم تكن مؤثرة على مجرى المباراة ..

الحكم لم يجعل توتي يضيع تلك الفرصة امام المرمى ويضعها بين يدين الحارس !

الحكم لم يجبر كابيلو على التغييرات الغريبة جدا !

ومودينا استحق الفوز :)


وهارد لك ياسفروت :D
POWER
23/9/2002, 08:29
هلا والله بالغالي سفر ,,:)

كلامك سليم ناظرنا المباراة وشفنا التحكيم الغريب ..

ماتمر دقيقتين الا ويحسب فاول على روما ,, والكروت الصفراء مدّهره ..

شاهدنا علامات الاستغراب في وجيه لاعبين روما اكثر من مره ,,

ولكن ...

لا تــعــلــيــق ..!!

مع اني ما اشجع روما بل اشجع الفريق المنافس له :D ..لكن الحق حق والتحكيم اليوم نفع الفريق ذا دري وش اسمه:yuupy:

عموما ..هارد لك يالغالي ,,وتحياتي لك :)
J.S.VERON
23/9/2002, 21:16
احب ازيد على كلام الاخوان واقول ان روما خسر هاللقاء اللي كانت محسومه نتيجته قبل لا يلعبون وذلك لان مودينا فريق صغير لا يجاري روما ومع ذلك سقط الكبار بسبب اربع نقاط اوجزها بالتالي:
1/ روما دخل اللقاء وهو متنرفز اخر نرفزه ويلعب على اعصابه ويحاول يرضي جمهوره اللي انهزم قدامه على هالملعب بهازئم جدا انظلم فيها روما هي بولونا 1-2 وريال مدريد 0-3 ومن هالنقطه استغل لاعبين مودينا نرفزت لاعبين روما وبدأو بـ ( تشقيق قمصان اللعيبه ) هذا اللي زاد الطين بله ولاحظنا العصبيه الزائده اللي المفروض انها ماتصدر من لعيبه كبار امثال باتي وكافو وتوتي وغيرهم.
2/ التحكيم اللي من جد عطا وجه وزياده للاعبين مودينا بحيث سمحلهم الحكم يمصخون السالفه و يكملون مسلسل تشقيق القمصان وبدون اي بطاقات او حتى انذار شفهي .
3/ الغباء كل الغباء من اللاعب باناوتشي وتصرف لايخرج من لاعب دولي مثل باناوتشي هالحين ايمرسون وهو ايمرسون ماراح يعترض على الحكم انت ياباناوتشي وش دخلك وبعدين ياخي اللي يتفاهم مع الحكم الكابتن انت وش تبي وبعدين مالها داعي تذب على الحكم وتسبه وش استفدت من هالكلام حطيت كابيللو في وضع ماله داعي .....
4/ تشكيلة كابيللو وتغيراته الغريبه حيث الشوط الاول ظلم مونتيلا حيث لعبه في موقع ماله داعي اعتقد وسط بجانب توتي على اليمين ومع ذلك مونتيلا متراجع ولاهو اللي قايم بالواجب الدفاعي ولا الهجومي انا اعتقد ان هالموقع يناسب تماما كاسانو اللاعب اللي مفروض من اول اللقاء لاعب وبعدين ليما وش يبي بالضبط ياناس هذا دبشه وغبي شفناه امس كم مره توتي يذب الكوره قدامه بييه يتقدم ويمسك موقعه كجناح ومع ذلك الغبي مازال غير متواجد في موقعه ونفس الكلام مع كانديلا اللي ما كان متواجد في الهجمات اللي المفروض انه يكون في هذيك الخانه والهدف اللي جا على روما الثاني كان من خانه كانديلا على ماعتقد وكان ماينلام فيها سامويل .
بس رغم هالاسباب روما خسر لقائين بسبب التحكيم ولا احد يقول التحكيم ماأثر على المباراه اقوله الا اثر ويكفيك انه زاد لعيبة روما عصبيه على التوتر اللي هم عايشينه من نتايجهم المخجله ...:noo:
بعد هالعرض السريع لاسباب خساره روما اتمنى ان كابيللو يحسن من التشكيله ويعطي كاسانو الفرصه الكامله ويعطي قارديولا الموقع المناسب ويحل مشكله باناوتشي وعدم اشراك زيبينا لانه غبي وكوفري الارجنتيني مستواه حلو وعنده بعد سارتور مش بطال بس الا زيبيناوباناوتشي ....روما عنده يوم الاربعاء لقاء هام وسيضع فاصل لهزائمه المتتاليه وهو مع الفريق اليوناني مدري وش اسمه ومباراه حساسه وقويه مع روبيرتو باجيو وفريقه بيرشيا الاسبوع القادم كل لتوفيق لروما وألف شكر :)
saif
23/9/2002, 21:32
اقول التحكيم دائما ضد الكبار

وباذن الله الكالشيو لروما ذا الموسم


مشكووور سفروت
TOTTI- 10
23/9/2002, 22:56
اخواني انصار روما ... انشالله وضع الفريق راح يتحسن انشالله .. في اقرب وقت ... روما عنده مباراه هامه يوم الاربعاء القادم و باذن الله راح يكون الفوز لمصلحتنا و تكون الاستفاقه من جديد باذن الله ...

اخواني سفر & فيرون ... و الله نفتخر بوجود شخصين مثلكم في هذا المنتدى من انصار روما :):)
alywar
24/9/2002, 07:33
مرحبا عزيزي :)...
مؤامرة تحكيمية لإسقاط روما هذا الموسم ...!!
والله خوش مؤامرة :D :D كيف مؤامرة وتوتي يتكلم ويشمت الحكم على كيف كيف كيفة؟!!!!!!!!!
أخي العزيز بلاش من أسلوب النصراويين وتصريف الخسارة على الحكم!!
هل هي مؤامرة ضياع توتي لكرة أمام المرمى الأبلة يسجلها هدف؟!!؟!
روما إنتهى وهذه حقيقة لاجدال فيها ;)

خــاتمــــة...!!
من أول ماشفت الإعلان على قمصان اللاعبين (مـــازدا) ... وأنا مغسل أيدي منهم ههههههههه
تحياتي لك؛؛
Bati20
24/9/2002, 20:13
والله أول مرة أشوف مباراة بهالشكل ،، المهازل التجكيمية زادت ، والمتضرر الاكبر فريق العاصمة روما .


أتمنى يرجع روما لمستواه اللي عودنا عليه .


( وما زال روما يبحث عن روما :confused: :confused: :confused: )
هلالى النت
25/9/2002, 01:21
اسباب الخساره باختصار :
1-التغيرات الغريبه للمدرب والخوف من الفريق الخصم ويبدو انه نسي ان الفريق الخصم فريق مغموور

2-الظلم التحكيمي الواضح (شد فنيلة اللاعب يستلزم كرت اصفر)

3-خوف اللاعبين من المبارة:yuupy: واحسن واحد لعب توتي


وانشاء الله روما يرجع لمستواه فريق كبيررررررر ولا تحكمون عليه الا في اخر الدوري:yes: