حامل في الشهر الرابع!!!

[رهف الأحساس]

مساء الخير:wr:

تسيف الحال؟؟مبروووك قرب الدوام:angel:

من زمان عن كتابة المواضيع(himo) وماكان عندي نية أكتب لكم شيء;) بس صار

معي موقف غريب عجيب<< بتسوي اكشن:(( وقلت اقوله لكم:o

من يوم غيرت اليوزر وأنا ماني صويحية:mfhi:ومغير اتسدح واتبطح في كل مكان:(

يعني ممكن أحد يدخل المطبخ ويلقاني منسدحة:(

مدري مين الي موشايف يوزر صاحي وصكني بعين:kayf:

هالكلام له يومين بتثبت انه عين:la:

ورحت لكذا مستشفى وماأستفدت شيء بالعكس زاد التعب خاصة لافكرت أدخل الشبكة:mfhi:

وأمس الليل زاد علي التعب وصار كل مافيني يشكي:cry:

وقالت أمي قومي رهوف البسي عباتك بنوديك المستشفى:rolleyes:

:amle:

وأنا لي حييييل أقوم والا أمشي خطوة وش هالناس ياربي:cry:

ورحنا لمستشفى خاص غير الي رحنا له أول مرة ,ودخلنا وقاسولي الحرارة والضغط

وسألوني كم سؤال:amle:

وطلعت حرارتي 40:q: ياقلبي علية وربي أكسر الخاطر مدري كيف كنت صابرة:cry:

وأخذتني الممرضة ودخلتني الباث وكبت علي موية وطلعتني:yuupy:

ورقدوني في غرفة الطوارى ويوم حطوني ع السرير وأنا أنكتم ونفسي بدء يروح:(

خفت أمووووووت بس حطولي أكسجين وصرت أحسن:cry:

يمكن مرت ساعة والدكتور ماجاء وكل ماسألت أمي عنه,قالت عنده حالة مستعجلة:sleepy:

وقالت أمي للمرضة تعطيني أبرة والاحبوب تخفف الصداع والحرارة.

:hgfd:

وقالت لنا ماينفع بعدين بيبي مشكلة:req:


طلعت :yuupy:

ح


ا


م


ل

:mfhi: طلعت حامل ومادريت وبعد موباين علي بطني لاصق بظهري:la:

والمشكلة وزني يدوبك وصل 49 كيلو والجنين تقول بالشهر الرابع بدء يتكون :qw:

ع كذا البيبي كم بيصير وزنة:req:

وأمي تعصب وتهاوش الممرضة وتقول نادي الدكتور,

وربي خفت تكون صدقت وربي ماترحمني مو بعيد تكسر جوالي وتدخلني أكرف بالمطبخ شهر:cry:

وجاء الدكتور وكشف وطلع عندي فقر دم التهاب في الأذن اليمين :wello:

والدكتور ياحليلة مصري رومنصي بزيادة من يوم جاء ماعلى لسانة الا حبيبتي:amle:

لدرجة حسيت أسمي حبيبتي مو رهف:mfhi: ناقص يقول تشربي شاي بالحليب:((


بس أحسن شيء فيه شرشح الممرضة وبهدلة بهدل حسستني بالعافية :qw:

طلعت طول الوقت تقراء في ملف مو ملفي وتفلسف علي :slv:

قسم شفت أغبياء كثير بس غباء مستفحل كذا ماشفت:req:

خلتني أتوب أشكي والا أقول لاأحد أني تعبااانه والا حتى أمر من شارع مستشفى:d:

وإذا تعبت مرة مسكت خط للشرقية وجلست فيها كم يوم وخلاص :love:

إذا صار ولقيتوا الموضوع وقريتوه أذكروا الله:kello: وتحمدولي بالسلامة ;)

ولاتنسوون تدعون عصر يوم الجمعة الي بعدة السبت:fghty:


ربي يخليني ويحفظني لكم :kello:

نسيت أعلمكم أن أجازتي تخلص بعد ثلاثة أسابيع.:d:

[الــــنــــاقــــــــد]

بصراحة ماحدث كارثة من هالممرضة !
فلو كان معك أخوك ودمه " حار " .. فوش تتوقعي ردة فعله تجاهك ؟
قبل مايوصل الطبيب أكيد إنه بيكون أخفاك من الحياة .. والسبب " دلاخة " ممرضة !

والحمدلله إن معك " ام " ذو عقلية راجحة .. لم تتهور ولم تشك فيك وكنتِ عند حسن ظنها .,

والمفروض شكوى رسمية ضد هالممرضة لإن خطأ كهذا من شأنه أن ينهي حياة ناس أبرياء بسبب تشخيص خاطيء " غبي " في نفس الوقت ...,,

الف حمد لله على سلامتك .. وبالتوفيق لك ..,

[aljanral]

حمدلله على السلامة:wr:

وبعدين هذي مستشفياتنا كلها كذآ تشخيص خاطئ وبربرة فاضية أحمدي ربكــ ماقالوا فيكــ سرطان

[هلال العرب]

الحمد لله على سلامتك
وماهي غريبه هذي الأخطاء الطبيه الفادحه من بعض الممرضين والممرضات

[Golden Pen]

الحمد لله على سلامتك
للاسف الأخطاء الطبيهـ تتواصل وتزداد عندنا بينما الطب في العالم كلهـ يتقدم

أنا عن نفسي إذا أصبت بألم أو مرض
أراجع ثلاثة مستشفيات على الأقل لمواقف سابقة.

قبل سنتين كنت العب كوره وتعورت ولا قدرت أمشي بعدها
يوم رحت للمستشفى
قالي الدكتور تمزق في العضلة
اسبوعين ويخف..

جلست أسبوعين وزاد الالم
راجعت مستشفى ثاني قالي عندك كسر مضاعف:confused:
وراجعت مستشفى ثالث
قالي الدكتور شعر بسيط..!!

المهم أني جبست رجلي شهرين عشان أطيب:d:

وللاسف ماجبرت القدم
ولعبت كوره وبعد سنهـ من الآلام إنكسرت رجلي فعليا
وجبستها 3 شهور

وكلهـ من الدكاترهـ الي تعلموا على رجلي


شفى الله جميع مرضى المسلمين

[11 نواف 11]

الحمدلله على العافية

تشخيص قمة في الغباء الله يصبرنا على دلاخة المستشفيات

[ثــامـر]

الحمدلله على السلامة وطهوره ان شاء الله

وطلعت حرارتي 40 ياقلبي علية وربي أكسر الخاطر مدري كيف كنت صابرة

ماشاء الله عليك وشلون مستحمله , انا لازادت درجة حرارتي نص رحت فيها :((

ناقص يقول تشربي شاي بالحليب

:d: :d: :d:

حظك مامعك اخوك ولا ابوك ولاكان سوا جريمة بالممرضه :angel:

[الروســــم]

ما شاء الله ,, مبرووووك :angel:


الحمد لله على السلامة ,, وإجازة ممتعة :amle:

[asoom]

الحمدلله على سلامتك
ماتشوفين شر ياقلبي

[زعيم ميلان]

الحمدلله على العافية

تشخيص قمة في الغباء الله يصبرنا على دلاخة المستشفيات

[سلف ودين]

حامل !! وبالشهر الرابع !!!!

انا ما اقول الا الحمدلله على سلامة أمك .. الي تفهمت الموضوع والا لو قلبها خفيف كان راحت فيها جلطة

على طاري الأم ..

اذكر قبل سنتين اخوي الصغير عمره 7 سنين ارتفعت حرارته وطاح بالبيت يومين .. وديته مع الوالدة للمستشفى (( خاص )) قالولنا تعالو بكرا الصبح نسوي له تحليل ..

طلعنا ورجعنا الصبح .. فقبل ما ادخل المستشفى قالت الوالدة ان أخوك ما أكل شي على لحم بطنه خذله لو عصير من البقالة !! .. اخذته له عصير وشربه ودخلنا المستشفى وسوو التحليل

جو بعد مدة وبكل برودة دم قالوا الولد فيه سكر .. !!!!!

الشاهد ان الوالدة شوي الا تنهبل وطقتها بتسوة تقول حرام سكر بهالعمر :cry:

رحت للدكتور وتفاهمت معه وتأكد من التحليل .. قال لا معليش الولد سليم ومافيه شي
رجعت للوالدة اقولها انه سليم .. بس ماش عيت تقتنع تقول أنت تلعب علي عشان ما أتأثر :cry: .. وبعد جهد جهيد وتفهيم دكاترة ماوقفت دموعها الا عقب يومين بعــد ماستوعبت

قلب الأم مايتحمل .. وزودوها الدكاترة بكل برودة .. موقف لا ينسى ..

[Nesta 13]

<table border="1" cellspacing="1" width="100%" id="AutoNumber1" background="http://up.alhilalclub.com/uploads/AbOoOd/BackGround.bmp"><tr><td width="100%">

آوف ..
لآحول ولآقوة آلآ بآلله ,, !

الحمدالله ع ـسلآمتك آختي وربك ستر والله ..
زي مآقآل النآقد زين آن آخوك مو معك .. !!

يلعن شكلهم من ممرضين.. آشك آنهم شغآلآت والله جآيين وصآروآ بقدرة قآدر ممرضآآت !!

كـَ آنك حآسه اليوم الفجر جآلس مع العيآل نفطر ونسولف عن الآخطآء الطبيه ..

وآحد من العيآل آبووه دخل بعينه بقآيآ زنبرك حق القلم !

رآح المستشفى قآلوآ لآزم عملية مستعجله بأمريكآ بعد .. ولآ النظر بيروح علييك !!!

فجأه الرجآل رآح البيت وزكّم وعطس وطآحت القطعه من خشمه . :jhgy: ,,

ويقولون عمليه ومدري شوو !

ووآحد من العيآل يده كآنت بتنقطع عشآن تشخيص غلط .. والآصح يده تحتآج تدليك وربط بس !!

مستشفيآتنآ آكرمكم الله " زبآيل " .. مآفيهآ شي فآآلح آبد.. !!

مآ آقول غير .. الله يستر علينآ وعليكُم .. ولآيحيجنآ لهم يآرب .. :heart:,

<td></tr></table>

[winnie]

أولا سلامات وماتشوفي شر ..
بس ياشباب اسلوب التعميم خطأ فكما يوجد ممرضين ذو أداء ضعيف
يوجد ممرضين ماهرين ولكن يجب عليكم ان تراعو نقطه مهمه وهي
..الحقيقه مهنة التمريض صعبه جدا ..ومرهقه وفيها ضغط عصبي وبدني

مايكفي لجعل اي شخص (مرهق) بمعنى الكلمه !! وهذا الشيء يجعل بعض الممرضين

احيانا يتشتتوا فكريا ويتعرضو للاخطاء ..فأمامه العشرات والعشررات من المهمات

التي يتوجب عليه فعلها ..وربما يكون مواصل يوم كامل بلا نوم ..تحت ظروف عمل

متعبه جدا ....ويجب ان نعذرهم
فهناك المخلص والمتفاني..وهناك المهمل والكسول..في كل مجالات الحياه ..

بود ..

[*مجنونة الهلال*]

ياعمري عمرك :yuupy:
وش هالممرضه الفاهيه !!

على ماقال الناقد فرضاً اخوك معك ودمه حار والا ابوك والا امك غير عقلانيه !! وش كان مصيرك ؟
اخطاء مثل ذي تسبب مصايب وبلاوي خاصه ان حنا شعب محافظ ومانقبل بالمهاترات بهالامور ..

يختي لو اني منك كان تفلت بوجهها :d:

أجر وعافيه يمه ماتشوفين شر :wr:

ماشاء الله ناس اجازتهم تخلص بعد 3 اسابيع وناس مايشمون هالاجازه الا 30 يوم بالسنه :slv:

[شموخ]

:d::d:

الحمد لله على سلامتك وما تشوفين شر:br:

ربك ستر ..


مره ثانية إذا تعبتي لا تروحين مستشفى:angel:


الله يهنيك بالإجازة:magkiss:

[لورين]

الممرضه مهما كانت انسانه وجلّ من لا يخطئ

والحمدلله على سلامتـك ومبروك الاجازهـ:wr:

[هـ سدير ـلالي]

الحمد الله على سلامتك

والله يشفي مرضانى

[إبراهيمـ]

وربي خفت تكون صدقت وربي ماترحمني مو بعيد تكسر جوالي وتدخلني أكرف بالمطبخ شهر:cry:


اجل همك الجوال هاهـ والا تشتغلين بالمطبخ ..:angel: .. لو معك اخوك والا ابوك ودمه حار وهذا الاغلب .. كان قبل ما يجي الدكتور في رقبة طايحة بـ آخر الغرفة:nrey:



اما عن التشخيص فـ شي طبيعي عندنا بـ السعودية يخطؤون بالتشخيص .. دام مافي رقيب .. :Bad:



يالله وانا اخوك خيرها بـ غيرها المرهـ الجاية توأم:angel:


وسلامتكـ وماتشوفين شر .. واشهد بالله ان عندكـ ام تسوى الدنيا ..;)


حامل !! وبالشهر الرابع !!!!

انا ما اقول الا الحمدلله على سلامة أمك .. الي تفهمت الموضوع والا لو قلبها خفيف كان راحت فيها جلطة

على طاري الأم ..

اذكر قبل سنتين اخوي الصغير عمره 7 سنين ارتفعت حرارته وطاح بالبيت يومين .. وديته مع الوالدة للمستشفى (( خاص )) قالولنا تعالو بكرا الصبح نسوي له تحليل ..

طلعنا ورجعنا الصبح .. فقبل ما ادخل المستشفى قالت الوالدة ان أخوك ما أكل شي على لحم بطنه خذله لو عصير من البقالة !! .. اخذته له عصير وشربه ودخلنا المستشفى وسوو التحليل

جو بعد مدة وبكل برودة دم قالوا الولد فيه سكر .. !!!!!

الشاهد ان الوالدة شوي الا تنهبل وطقتها بتسوة تقول حرام سكر بهالعمر :cry:رحت للدكتور وتفاهمت معه وتأكد من التحليل .. قال لا معليش الولد سليم ومافيه شي
رجعت للوالدة اقولها انه سليم .. بس ماش عيت تقتنع تقول أنت تلعب علي عشان ما أتأثر :cry: .. وبعد جهد جهيد وتفهيم دكاترة ماوقفت دموعها الا عقب يومين بعــد ماستوعبت

قلب الأم مايتحمل .. وزودوها الدكاترة بكل برودة .. موقف لا ينسى ..


والله معها حق .. ياخي انا جايني انا وش كبري .. وانهبلوا اهلي .. كيف بـ طفل صغير:rolleyes:


..

[abo wdee3]

مع احتراماتي هذا بصراحة غباء من الممرضة

[عــبــدالــرحــمــن]

اووماااا حامل:confused:
وش نظام مستشفياتنا البايخ
ودك الواحد لا جاه شي لاقدر الله يروح له لثلاث دكاتره من مستشفيات حكوميه وخاصه

[هلالي الغربيه.!]

الحمد لله ع السلامه ,,

يمكن قصد الممرضه انو انتي حامل بنمله عشان كذا ما كان باين عليكـ..

[سطام الشمري]

هههههههههه
رهف الحمدالله ع سلامتك وماتشوفين شر
وكثير والله بمستشفياتنا يصير هالأمور وحتى بالخارج
ع العموم شكلك قلتي توبه تروحين هالمستشفى :)



تسلمين ع الطرح

[Dr. 2'S]

الحمدلله ع سلامتك ،

وجلّ من لايخطييء ، والتعميم لغة الحمقـى يا رفاق :)

*

ع الطاريّ أنا أيام المتوسط أظن ثانيّ ماادري والله بالضبط ..
ماكنت أعرف سوالف النص كم ههههههههههههههههه
فتخيلي اسبوع كامل اي شيء اكله استفرغ _ وأنتم بكرامه _ وبس تعبانه وهواجيس تجيبني وتوديني ..
أخر شيء حطيت ببالي أني حامل الحمدلله والشكر بس ..
عاد حاطه ببالي أن الوحده باللمس تحمل ياربيي يالخبال بس .. وقاعده مع حاليّ وربي وأقول مين مسكني اخر واحد خباااااال ، لدرجه شكيت بحالي وكل يوم بالليل ابكيّ ..

ماادري وشلون راحت هالافكار السقيمه ، هههههههههههههههههه
أهم شيء أني عانيت لحد لما راحت فكرت الحمل ،
عاد ما أروح أقول لأميّ أخاف تكتشف وتنجن هههههههههههههههههههههههههههآآي ،
والله كل ماتذكرت هالسالفه اتفشل أحس أني غبية خخخخخخخخخخخخ ،
بعد فيه سالفه مثل هالطقه بس بعدين أقولها لك ماتنقال بمكان عام :d:
عاد السالفه الثانية الييييييييييييييييييييمه فهاوه من جد ،

عشان كذا أن الله كتب ليّ زواج متوعده لبناتي تثقيف فيّ كل هالأمور النص كم :d:
ومابكرر خطأ أميّ اللي بس مستحيه مننّا ،

[سحر الكلام]

فكك الله احمدي ربك ان بطنك لاصق بظهرك خخخالحمدلله على السلآمة قبل اسبوع نفس الشئ سخنتني وحرارتي 40 وحالتي حالة جا الطبيب وتحاليل ومدري وشو وروعني بكلآم أنا موب معه أصلا لأني مدروخ قال دق على ابوك خله يجي قلت ياخوي موب بزر انا عطني شئ ينشطني وراي بكرة اختبار بالكلية ولا كان ما جيتك ..جا أبوي وانا المغذي بيدي وشكله ضايق صدرهـ حسيت ان فيني مصيبة !!شوي جاني مستانس وأنا مدري وش يدبرون من وراي قلت وش صاير قال ابدا مافيك شئ ولليوم ما علمني !!الحمدلله على السلآمة وجعلهـا آخر الأوجاع

[[[ SaMi ]]]

وربي خفت تكون صدقت وربي ماترحمني مو بعيد تكسر جوالي وتدخلني أكرف بالمطبخ شهر

:rolleyes:

[الملتآع]

الحمدلله على سلامتك
ومو غريبه على مستشفياتنا
مرتين يقولون عندك زايده وهذا هي تجول بمصراني ولاجاني شي
ويوم كنت بمتوسط جزمو ان عندي كليه مع ان عندي كليتين <<احلف :angel:
يعني هذا شي عادي
اهم شي الاخلاق السعوديه وحب الوطن :d:

[عبود البطل]

اهب ياهالممرضة ..
مدري متى بتنتهي هالأخطاء الطبية .
في احد المنتديات وحدة اماراتية كتبت عن بنتها مدري ولدها .. ودوه المستشفى يصيح مدري وش قصة اهله وقال لهم دكتور الماني في مستشفى " حكومي " << ومستشفياتنا من سيلان يجيبونهم ..
المهم قال لهم ان ولدكم معه ورم مدري شنو ..
بعد ما ودوه مستشفى ثاني طلع لا ورم ولا هم يحزنون .. على طول شكوى عليه وطيرووووه لديرته ..
/،
الشاهد أن هالممرضة لو تنتقدينها دق عليتس سلطان بن فهد وشرحشتس :d:..

والحمدلله ع السلامة ^^..

وجلّ من لايخطييء ، والتعميم لغة الحمقـى يا رفاق

هي حالة ؟
ولا حالتين ؟
ولا الف ؟
ولا مليون ؟؟ < < فلّــها :d: ..

الأخطاء الطبية بشتى أنواعها كثرت والوضع لا يطاق .

[أزرق مرح]

الحمد لله على سلامتك

أقل من كيس رز ههههههههههههههههه


كيس الرز 50 كيلو

أتوقع نص الوزن ملابس ههههههههههههههههههههه




على العموم ستر ربي عليك

ومالك ووجع الراس

عليك بالحنتيتة والمرة والصبر

وعنزروت ويانسون على الأقل هذي

لوما جاك منها نفع ما جاك ضرر


يعطيك العافية

[Talal]

الحمدلله على السلامة يا رهف ,, :wr:

بس ماقلتي لنا وش ناوية تسمين البيبي ؟ :angel:

[وردة الهلال]

اووووف الحمد لله على سلامتك و ما جاك تكفي ان شاء الله ..

اما الخطأ بصراحة ما اقول الا .. الله يخلف عليك يوزرك الموقع كله :angel:

شكل راعي العين عينه حارة مو بس تعبتي الا هنق الموقع و اكل اليوزر خخ

[>المرعب<]

بصراحة ماحدث كارثة من هالممرضة !
فلو كان معك أخوك ودمه " حار " .. فوش تتوقعي ردة فعله تجاهك ؟
قبل مايوصل الطبيب أكيد إنه بيكون أخفاك من الحياة .. والسبب " دلاخة " ممرضة !

والحمدلله إن معك " ام " ذو عقلية راجحة .. لم تتهور ولم تشك فيك وكنتِ عند حسن ظنها .,

والمفروض شكوى رسمية ضد هالممرضة لإن خطأ كهذا من شأنه أن ينهي حياة ناس أبرياء بسبب تشخيص خاطيء " غبي " في نفس الوقت ...,,

الف حمد لله على سلامتك .. وبالتوفيق لك ..,