قبل المباراه هياط .. وبعد المباراه هروب .. عاده نصراويه :)

[السـامـر]

السلام عليكم ورحمة الله وبركاته

يسعد مسائكم (صباحكم) بكل خير اعضاء وزوار شبكة الهلال فرع الرياضه الفقراويه :angel:

لو نشيل الهلال من الرياضه في البلد مابقى الا الفقر الله يخلي هالهلال اللي رافع اسهم الدوله

ع المستوى الآسيوي ولا كان علوم :mfhi2: اجل النصر فريق احد يرتجي من وراه خير :d:

يا أخوان والله اني مستانس من أمس مادري ليه :d: والله الجمعه والخميس والسبت والأحد

صابني ضغط نفسي كبير صحيح مالي داعي لأني هلالي والفريق المنافس مايتساهل احد يخاف منه

بس شسوي 7 نصراويين مقابلهم ليل ونهار 4 أيام وش بيصير فيني :( كل ماسويت شيء

وضحكت حطموني يوم الاثنين بتضحك عدل كل ما مسكت الريموت وغزيت على رقم قالوا لي

هذي نتيجة يوم الاثنين لصالح النصر وانا مسكين وحيد هلالي بين فقراويه والكثره تغلب :yuupy:

بس انا الحين تأكدت وتيقنت ان الذيب يدرع بالغنم ولايحسب حسابها :d:

بعد المباراه اتصل عليهم واحد واحد ولا ابن امه واحد منهم رد يا أني كنت بفقع الضحكه

بوجههم بس ماش :fi: آخ بس :d::d: المهم بعد هالديباجه التي اثبتت ان جمهور النصر

مهايطيه ولا واحد فيهم رزين ومعتدل كلهم نفس النمونه ويشاركهم رمزهم الله يرحمه:yuupy:

المهم ياطويلين العمر انا انسان مستحيل اتابع مباريات الهلال كامله اذا كانت مصيريه يعني آخر 10 دقايق لازم أسحب وقت المباراه أخوكم بالله متوتر

طول الشوط الثاني ووصلت الدقيقه 80 واطلع من البيت واروح اقرب سوبر ماركت

اضيع وقت واشتري شحن سوا مخلص الرصيد قلت ان فزنا ادق على الهلاليين وابارك

لهم وان خسرنا لاحول ولاقوه المهم وانا داخل السوبر ماركت الساعه 10,4 دقايق

وافرفر كذا في المحل وحالتي حاله واقول في نفسي النصر عادل وسجل الثاني 100%:d:

وناسي وش ابي اشتري المهم واتذكر اني ابي شحن واروح للكاشير واقوله عطني

شحن قالي موبايلي قلت اي ويعطيني وادفع الا وانا طالع اقول وش ابي بموبايلي الحين :d:

مضيع الرجال وارجع له اقوله سوا ويعطيني واخذ الباقي :p

الا شوي يسألني احد الأخوان كم النتيجه واقوله 2-1 للنصر :d: دخلت مزاجي هالنتيجه

واطلع الساعه 10 وتسع دقايق وامسك خط المينا 140 هههههه حالتي صعبه :d:

واوصل عند المينا واروح المطاعم اللي جنبها لعل احصل تلفزيون الساعه 10 و16 دقيقه مافي تلفزيون الحين انا يبي لي وقت على ما اوصل بيتنا اتصل على اخوي مايرد
يارجال رد مارد وادوس ارجع البيت الين ماوصلت الا بوجهي عمي مبروك الفوز :d:
واصفطه ما اصدقه اتحادي يلعب بأعصابي :d: وادخل الحمدلله اشوف الوالد يتابع ع الرياضيه واحتفالات هلاليه والحمدلله
يا أخوان اللي صار له موقف من هالنوعيه يسدحه لنا خل نضحك ولا يجي واحد
يهايط ويقول كنت ضامن ترا ناقصنا لاعب لو مكتملين كان ارتحت اكثر :wello:

فهد :br:

[ماجد الناصر]

خيرهاا بغيرهاا بالنسبة لك .


المبااراه ببساطه ودون استرسال كون المدرج مليئ بالمواضيع عن المباراه ,

الشوط الاول باب واحد للهلاال وكأن الملعب ماايل لاعبي النصر ماعندهم شي يقطعون الكوره ومن ثم يردوها للاعبين الهلاال .

الهلاال فرط بتاريخيه .

الحكم كان الاميز ولاحظ بخبرته وروح القانون ان ليس هنااك اي مقارنه لانه كما اخبر انها مبااره ديربي ؟

فتعامل بنص القانون مع المرشدي كي يوازي على الاقل بين الفريقين لعلنا نتابع مباراه تنافسيه .

والهلاال لاقى صعوبات اكبر من الوطني ونجران ولم يلاقي اي صعوبات امام النصر المتهالك .


طبعاا الهلاال وبوجود ولي هامسون كاان الافضل .

سبب خساارة النصر .

النصر لم يقترب منه الفوز كليلة امس ؟ لماذا ؟

اولا لطرد المرشدي والنقص العددي . ثانيا اخطاء مدربه المضحكه .

فهو اخرج الظهير ماجد هزازي المتحرك والسريع وترك العاله كويكبي الذي كل كراته كانت غير موفقه اوت .

وابقى ايضا على العاله الاخر الموينع المقلب الاخر .


وكان عليه ان يبقي هزازي ويدعم فريقه بالواكد ويقدم المصري للامام الذي انهك تماما .


وكنت ساكتب موضوعا عن المبااراه ولكن لوجود الهلاال فيهاا خلاص المدرج كفى ووفى ولكون هناك جمااهير متعصبه لاتقبل الاراء ابدا وابراز نقاط الضعف والقوه . اذا هم تحسسو من موضوع سابق عن النصر والاتحاد فكيف عن الهلاال ؟


لا للنقد نعم للمديح شعاارهم

ارجو الاتكون منهم .


ومبروك التاهل لكل الهلاالييين

[سلف ودين]

انا بصراحة يوم وصلت الدقيقة 80 طفيت التلفزيون ورحت للنت
لأن اعصابي ماتتحمل أكثر ..

خصوصا بعد ماطلع كوزمين التايب وقفل المنطقة الدفاعية وكان النصر ضاغط بشكل رهيب .. ويكفي فاول ايلتون

لكن الحمدلله ..
خروج المرشدي سمح لهم بالتقدم والضغط على مرمى الدعيع حتى وإن كان بدون فاعلية ..


وجايينك يالشباب

طبعاا الهلاال وبوجود ولي هامسون كاان الافضل .

ولا ننسى لمسات التايب الخرافية ;)
جميع النقاد والمحللين أشادوا بكوزمين لأنه زج بالتايب منذ بداية المباراة .. واعتبروه لاعب صنع الفارق في مباراة أمس ..


ياخي مافي غير التايب يحسم لك المباراة ..

ويلي لاعب كبير .. عنده سرعة .. لكنه مهارياً صفر ومباراة أمس أكبر دليل شفنا أكثر من كورة يمطرس فيها لين يحجرون له اثنين من النصر وتنقطع بسهولة .. مثله الفريدي برضو

لكن التايب من لمسة يقلب لك مباراة ويكفي لمسة الهدف ..

فلذلك احترموا انفسكم :d: .. قصدي دع عنك المكابرة ياماجد فهي نقصان في العقل ;)

[مجنوووون سامي]

أنا والله في المنصة مبسوط ومستانس حدي

وتشجيع لآخر دقيقة وتصفيق وتفاعل أكثر من الجمهور

والنصراويه بالمنصة من الدقيقة 85 ماتشوف الا غبارهم

وكان جنبي كبير النصراويين منصور بن سعود

والحاشية معه قبل المباراة يضحك ومبسوط ومن الدقيقة

85 ماحولك أحد كعادتهم ماتشوف الا غبارهم

[أزرق مرح]

إن كنت تبي الصز نويت أطلع من البيت

بس متى


لا جاب النصر التعادل


صراحة كنت خايف من مغامرة كوزمين الكبيرة جدا بالخثران


لكن الحمد لله ستر ربك

[هلالي مجازف]

كنت المغرب توي داخل للرياض جاي من الدمـام وأطلع للبيت

المهم يوم بدت المباراة مع أخوي نصرواي

قعدنا نتابع المباراة هو ماغير ذب على لاعبينهم ولاجت الكورة عند التايب قال تكفى لقمه كوبري :d:

وانا ساكت ويوم جاء الهدف طبعا فرحت فرحة عادية علشان مااَضغـط عليه واجد وعلشان إذا جاء
لهم هدف مايستفزني أستفزاز غير طبيعي

المهم ونتابع المباراة الين جاء طرد المرشدي الا يوم اشوفه يناقز فرحا وطربا :d:

طبعا استفزني مع الحكم اللي طرد المرشدي وكان قبلها هجمة لويلي انبرش عليه برناوي ولا سوى شيء وصارت الكورة عكسية :lkj:

ثم بدأ الشوط الثاني والامور تنعكس هو اللي فرحان ومستانس ومحاكيك يتابع كل هجمة بترقب وتوتر

والين انتهت المباراة ياأني سويت الهوايل :d:

[الوحش الخائف]

أكون مع صادق المباراة الوحيدة الي لعبت فيني هي مباراة الاتحاد عشان الفرص المضمونة الي اضاعها كلا الفريقين .

بخصوص مباراة النصر كانت خائف لمدة خمس دقائق قبل ان ياتي الهدف وبعد ان اتى الهدف ضحكت بوجية النصراويين الي عندي وحلفت بصوت عالي وقلت على الحرام ماتفوزون .

وقمت اصقع على الفوتشوب وعلى الفرونت بيج وقمت انكت عليهم .

واحد نصراوي قالي لو ينسحب التائب خلاص نضمن الهجمة قول طالعت فية بنص عين قلتلة طيب تضمن تمر من خالد عزيز قال اية قلت طيب رادوي قال اية قلت طيب هوساوي قال قلت طيب الدعيع قال مافية امل يقول مهاجيمن النصر اذا خشو المنطقة جاتهم ام الركب .

قلتلة يارجال كلكم على بعض اذا سمعتو الهلال جاتكم ام الركب .

[الزعييم99]

السلام عليكم ورحمة الله وبركاته


يسعد مسائكم (صباحكم) بكل خير اعضاء وزوار شبكة الهلال فرع الرياضه الفقراويه :angel:

لو نشيل الهلال من الرياضه في البلد مابقى الا الفقر الله يخلي هالهلال اللي رافع اسهم الدوله

ع المستوى الآسيوي ولا كان علوم :mfhi2: اجل النصر فريق احد يرتجي من وراه خير :d:

يا أخوان والله اني مستانس من أمس مادري ليه :d: والله الجمعه والخميس والسبت والأحد

صابني ضغط نفسي كبير صحيح مالي داعي لأني هلالي والفريق المنافس مايتساهل احد يخاف منه

بس شسوي 7 نصراويين مقابلهم ليل ونهار 4 أيام وش بيصير فيني :( كل ماسويت شيء

وضحكت حطموني يوم الاثنين بتضحك عدل كل ما مسكت الريموت وغزيت على رقم قالوا لي

هذي نتيجة يوم الاثنين لصالح النصر وانا مسكين وحيد هلالي بين فقراويه والكثره تغلب :yuupy:

بس انا الحين تأكدت وتيقنت ان الذيب يدرع بالغنم ولايحسب حسابها :d:

بعد المباراه اتصل عليهم واحد واحد ولا ابن امه واحد منهم رد يا أني كنت بفقع الضحكه

بوجههم بس ماش :fi: آخ بس :d::d: المهم بعد هالديباجه التي اثبتت ان جمهور النصر

مهايطيه ولا واحد فيهم رزين ومعتدل كلهم نفس النمونه ويشاركهم رمزهم الله يرحمه:yuupy:

المهم ياطويلين العمر انا انسان مستحيل اتابع مباريات الهلال كامله اذا كانت مصيريه يعني آخر 10 دقايق لازم أسحب وقت المباراه أخوكم بالله متوتر

طول الشوط الثاني ووصلت الدقيقه 80 واطلع من البيت واروح اقرب سوبر ماركت

اضيع وقت واشتري شحن سوا مخلص الرصيد قلت ان فزنا ادق على الهلاليين وابارك

لهم وان خسرنا لاحول ولاقوه المهم وانا داخل السوبر ماركت الساعه 10,4 دقايق

وافرفر كذا في المحل وحالتي حاله واقول في نفسي النصر عادل وسجل الثاني 100%:d:

وناسي وش ابي اشتري المهم واتذكر اني ابي شحن واروح للكاشير واقوله عطني

شحن قالي موبايلي قلت اي ويعطيني وادفع الا وانا طالع اقول وش ابي بموبايلي الحين :d:

مضيع الرجال وارجع له اقوله سوا ويعطيني واخذ الباقي :p

الا شوي يسألني احد الأخوان كم النتيجه واقوله 2-1 للنصر :d: دخلت مزاجي هالنتيجه

واطلع الساعه 10 وتسع دقايق وامسك خط المينا 140 هههههه حالتي صعبه :d:

واوصل عند المينا واروح المطاعم اللي جنبها لعل احصل تلفزيون الساعه 10 و16 دقيقه مافي تلفزيون الحين انا يبي لي وقت على ما اوصل بيتنا اتصل على اخوي مايرد
يارجال رد مارد وادوس ارجع البيت الين ماوصلت الا بوجهي عمي مبروك الفوز :d:
واصفطه ما اصدقه اتحادي يلعب بأعصابي :d: وادخل الحمدلله اشوف الوالد يتابع ع الرياضيه واحتفالات هلاليه والحمدلله
يا أخوان اللي صار له موقف من هالنوعيه يسدحه لنا خل نضحك ولا يجي واحد
يهايط ويقول كنت ضامن ترا ناقصنا لاعب لو مكتملين كان ارتحت اكثر :wello:


فهد :br:



والله انا مثلك

يوم جت الدقيقه ال84 ما قدرت اتحمل طلعت من الاستراحه ورحت للبيت

اول ما دخلت قبلت اخوي النصراوي شفت وجهه معبس قلت له هاه كيف المباراه ابيه يقولي كم النتيجه

قال حظكم يا الهلاليين قلت يعني فزنا قال اليه قلت الحمدلله

بجد يا ناس اعصاب

مبروووووووووووووووووك لكل هلالي

[كازبلانكا]

يارجال قبل المباراة بيوم واخوي النصراوية مقلقنا وانواع الهياط :amle:

وبنصككم وبنفووز عليكم .. وكحيلان وخبيلان .. لابعد من زود الثقة قاعد بالمنصة :d:

بصراااحه انا مثلك خلال بداية المباراة كنت على اعصابي وبعد الطرد زاااد الشحن

النفسي وابي اطلع من البيت بس تذكرت إني طلعت من البيت نهائي الدوري اللي قبل

اللي رااح يوم فاز علينا الأتحاد وجلست حتى لايتكرر اللي صار :((

المهم يوم فاااز الزعيم كالعاده دورت اخوي ابيييييييييييييييييه يالربع

الساعة 1 دخل البيت وخذلك ذبات وخذلك شرشحة وإستهزاء ولكاعه

لييين قفلت أخلاقه وتهاوش معي :d: يالربع اول مرة اشووف اخوي يتهاوش معي

مو عوايده :d: صح إن تفكيره يشابهه تفكير باقي النصراويين بس ماعمره فكر يتهاوش معي :req:

اول مرة احس إني استفزيت واااحد من قلب :yahilal2:

[زعــ العودة ــيم]

انا ماشفت اول 10 دقايق لاني حقدت عليهم اول الدقايق قدام النصر تحديدا
واطلع والا راح 10 دقايق
المهم ارجع واشغا التلفزيون واحتري اشوف 1 للنصر واردد يارب صفر صفر
والمح رقم 1 ... قلت الله يقلعهم
وادقق والا هي للهلال وانقز هذيك النقزة :hap:
الحمدلله فوز صعب وحنا مكتملين وامام النصر اجل قدام الشباب بالنقص وش بيصير :(

[الـقـيـصـر الـبـافـاري]

أنا كالعادة مباراة بهالحساسية أتابعها بلحالي ، ما أبي أي أحد يزعجني ، :hgfd:
لأن عندي اعتقاد إذا انا ما ركزت على المباراة 100% و واحد شوّش علي ، بنخسر ، :d:

[[ saad ]]

أنا والله آخر ربع ساعه طلعت برا البيت و قلت لـ أخوي لا تدق علي إلا آذا
آنتهت المباراة و آخذها فرفره في الشوارع لين دق علي
وهذي عادة لي في مباراة الهلال الحاسمه

[مفاهيم الغلا]

الله كنت بالملعب واشوف تقفيله الهلال والحمدالله ارتحت لها . بس خفت من بلنتي يجي للنصر ..

بس مباراه الهلال والاتحاد بالدوري .. السنه الي راحت . .اخر خمس دقايق طلعت وخليت التي في
وجلست على النت الين اخر دقيقه ق1

يالله باذن الله مباراه الشباب الفرق يكون يعطي لنا الثقه يارب ..
يارب هلاليه ..


انتهى,

[جداوي بس هلالي]

أي مباراة مصيرية يا أحضرها أو أني أتابعها أعادة

مستحيل انه أقدر أتابعها مباشر

مباراة النصر أمس تابعتها الساعة 2 أعادة

بس عرفت النتيجة مع صافرة الحكم النهائية

[مذهلــهـ]

اجل اغلبكم يجيهم ضغط .. نفس حالتي اجل :d: واان احسب اني لحالي اللي يجيني ضغط نفسي :q:

انا طول الله اعماركم ما اتحمل اشوف المبارايات ابد غالباً ما اشوف إلا الاعاده .. اقعد على النت او اطلع واحياناً اذا ماسمحت لي الفرصه
اروح غرفتي واحط السماعات لاني ما ابغى اسمع صراخ اخواني وابوي عند التلفزيون :((
هالمبارات طبعاً الضغط رهيييب على جميع من في البيت :d: انا احاول اقنع نفسي اننا بنفوز من عرفت اننا بنتقابل مع النصر
واحد من اصدقاء اخوي جالس في غرفته وقايل لـ اخوياه يعلمونه ونسوه مسيكيييين :d:
يوم دق عليه اخوي عقب صوته رايح فيها والضغط مرتففففع .. ما يتحمل يشوف مبارايات ابد ابد :angel:

[KhâlééD]

الحمدلله مروّق :cool:

يمكن نرفزت من الحكم شوي : بس النرفزهـ كانت على الصامت
مع ان ابوي و اخواني : anti-hilal :rolleyes:

بس الحمدلله ما خيب ظني الهلال :love:

يمكن مباريات الاتحاد اللي اشوفها مع خوياي : 4 اتحاديه
و صادف مباراة الهلال مع الاتحاد في المربع يوم يغلط الدوخي و ياخذها الشلهوب و يسجلها
الله نصرني على 7 اتحاديين :D: وانا الهلالي بينهم

و يازين المهايط عليهم :angel:

[شلهوب توب]

عاد تصدق يوم جاء الهدف قلت بنفسي وش هالمباراة وش هالديربي الي اوله خمس دقايق قول :d: