المساعد الشخصي الرقمي

مشاهدة النسخة كاملة : بنات 2002

رهام(RGH)
15/9/2002, 20:48
بنات 2002 - للشاعر عبدالرحمن رفيع ..



للشاعر عبدالرحمن الرفيع ..


هذا زمان المســـخره هذا زمان المســـــــــخره

جوال ومشيه بفشخره في وسط السوق متبختره

والكحله في وسط العيون والشفايف زود محمره

والصدر تتعمد تفكه تخليه مفتوح ما تزره

هذا زمان المسخره هذا زمان المســـــــــخره

لو يسألها ذاك الفقير وين انتي رايحه يامره

جاه الجواب يبهدله وتقول كلام بيقهره

باروح السوق ابشتري فستان للحفله المزهره

وتروح الصاله كنها عروس مزينه ومعدله ومعطره

وما ترجع الا في الصباح وتشيل الزينه الساحره

هذا زمان المسخره هذا زمان المســـــــــخره

اخر الشهر تقبض الراتب وتروح المجمع وتبعثره

وتعير ذاك الفقير لو اني مثل غيري ما عشت واياك محسره

شوف فلانه وشوف علانه عايشين عيشه ميسره

فله جميله وسياره كشخه ماهو مثلك تركبني سياره مكسره

هذا زمان المسخره هذا زمان المســـــــــخره

لين استلمت ذاك التلفون تبمبع مثل البقره

واتحش في الناس هذا طويل وهذا قصير وحكيها كله مسخره

وفلانه اليوم مطلقه و فلانه ماتت له مره

وكلامها أصلا ماله أساس بس هذره فاضيه وبربره

والوقت يسرع والهاتف يحسب أمواله تروح مهدره

هذا زمان المسخره هذا زمان المســـــــــخره

الله يرحم ذاك الزمان الحرمه فيه مستره

كانت تجلس ويا الاذان وتصلي لله وتشــــــــــكره

وتدعي للناس الطيبين بنفس طيبه وطاهره

هذا زمان المسخره هذا زمان المســـــــــخره

مو مثل بنات هذا الزمن تركب وياالاجنبي بيدها روج ومنظره

وقصت الشعر أخر موديل كأنها ديك منفوش جناحه وعرعره

والعبايه تحطها على الكتف حتى الشعر ماتستره

ولو تقول لها هذا حرام قالت كلامك كله دندره

كلامك كله ما يعني لي شي اني فتاه متطوره

لا يخدعوك بأسم حضارة هالزمن آخرتها تالي المقبره

وآخر كلامي بالصلاة على النبي واياه العترة الطاهره




و سلامتكم




الملاك:angel:
موكا موكا
15/9/2002, 21:29
رهام عسى منتي منهم
شكلك 2003
يوسف
15/9/2002, 21:55
هلا بالداجين والداجات:magkiss:
هلا رهام الرجه
كلاااااماات حلوووووووووووه تحكي الواقع الي عايشينه بنات اليومين هذي:noo: الله يهديهن:hgfd:
بس انشاء الله ماتكونين مثل الكلام الي يقول يعني يمعلم الناس علم نفسك;)
:magkiss: بااااااااااي:yes:
برستيج
15/9/2002, 21:59
هلا رهام



ما اقول الا .. صح لسانك يا بن رفيع .. :yes:
خمسطعش
15/9/2002, 22:09
والله وهو صادق.....
هذا انتم يالبنات بس جوال وخرابيط (ن) مالها داعي ....
<<<< حاقد عليهم :jeng:



يالله سلامو ....
Don Corleone
15/9/2002, 22:14
هلا رهام
صح لسانك ياولد رفيع
منبع الثلج
16/9/2002, 06:11
صح لساااااااانك :yes:

ومشكوووورة على القصيدة الحلوووة ما قصرتي

باااي:yes:
أموت بالذيب والنمر
16/9/2002, 13:00
صدق بكل كلمة هذا واقعنا واقع النساء العاريات الكاسيات .......
الله يخلف راحت أيام النساء الصالحات.....
الله يهديهم يا رب الله يستر على بنات المسلمين والله يهديهم إلى الصراط المستقيم والله يعطيهم الصحة والعافية والله يقويهم على التربية الصالحة لعيالهم ...
آمين آمين آمين يا رب العالمين... الله يتقبل دعائنا ... يارب ..... أنت السميع العليم المجيب وحدك لا شريك لك... سبحانك رب العزة عما يصفون وسلام على المرسلين.....
وصلي اللهم وسلم على نبينا محمد ....صلى الله عليه وسلم....
مشكورة والله يعطيك ألف مليون عافية..... والله يارب يثبت قلبك على الإيمان ...آمين